-ಸಂಪಾದಕ

ಸಂದರ್ಶನ: ಡೊನಾಲ್ಡ್ ಪಿರೇರಾ, ಸಂಪಾದಕ Budkulo.com

ಕರಾವಳಿಯಲ್ಲಿ ತನ್ನದೇ ವೈಯಕ್ತಿಕ ವರ್ಚಸ್ಸಿನಿಂದ ಚುನಾವಣೆಗಳಲ್ಲಿ ಗೆದ್ದು ತಾನಿರುವ ಪಕ್ಷಕ್ಕೆ ಗಟ್ಟಿ ನೆಲೆ ಒದಗಿಸಿದ ಅಪರೂಪದ ರಾಜಕಾರಣಿ ಬೆಳ್ತಂಗಡಿಯ ವಸಂತ ಬಂಗೇರ. ಬಿಜೆಪಿ, ಜನತಾ ದಳ ಮತ್ತು ಕಾಂಗ್ರೆಸ್ ಪಕ್ಷಗಳಿಂದ ಶಾಸಕರಾಗಿ ಆಯ್ಕೆಯಾದ ಹೆಗ್ಗಳಿಕೆ ಅವರೊಬ್ಬರದು ಮಾತ್ರ. ತನ್ನದೇ ವರ್ಚಸ್ಸು ಹೊಂದಿರುವ ಮತ್ತು ಛಲಗಾರನೆಂದು ಹೆಸರುವಾಸಿಯಾದ ಬಂಗೇರ ಅವರು ಮತ್ತೆ ಚುನಾವಣೆಯನ್ನು ಎದುರಿಸುತ್ತಿದ್ದಾರೆ. ಈ ಹಿನ್ನೆಲೆಯಲ್ಲಿ ಅವರ ಅನುಭವ, ಕ್ಷೇತ್ರಕ್ಕೆ ನೀಡಿದ ಕೊಡುಗೆ, ಚುನಾವಣಾ ಹೋರಾಟ ಮುಂತಾದ ವಿಚಾರಗಳನ್ನು ತಿಳಿದುಕೊಳ್ಳಲು ಅವರನ್ನು ಸಂದರ್ಶಿಸಲಾಯಿತು. ಅವರೇನು ಹೇಳಿದ್ದಾರೆಂಬುದನ್ನು ತಿಳಿದುಕೊಳ್ಳಲು ಈ ಸಂದರ್ಶನವನ್ನು ಓದಿ.

ಡೊನಾಲ್ಡ್ ಪಿರೇರಾ: ನಿಮಗೆ ಈ ಬಾರಿಯೂ ಚುನಾವಣೆಯಲ್ಲಿ ಗೆಲ್ಲುವ ವಿಶ್ವಾಸವಿದೆಯೇ?

ವಸಂತ ಬಂಗೇರ: ನನಗೆ ವಿಶ್ವಾಸವಿದೆ. ಕಳೆದ 4 ವರ್ಷ 10 ತಿಂಗಳಲ್ಲಿ ಮಾಡಿದ ಕೆಲಸ ಕಾರ್ಯಗಳು, 1000 ಕೋ.ರೂ.ಗೆ ಮಿಕ್ಕಿ ಆರ್ಥಿಕ ನೆರವು ತರಿಸಿ 91 ಗ್ರಾಮಗಳಲ್ಲಿಯೂ ಅಭಿವೃದ್ಧಿ ಕಾಮಗಾರಿ ನಡೆಸಲಾಗಿದೆ. ಅದರ ಆಧಾರದಲ್ಲಿ ನಾನು ಗೆಲ್ಲುವ ವಿಶ್ವಾಸ ನನಗಿದೆ.

ಡೊನಾಲ್ಡ್: ಹಲವು ವರ್ಷಗಳಿಂದ ಸತತವಾಗಿ ಶಾಸಕರಾಗಿದ್ದವರು ನೀವು. ಬೆಳ್ತಂಗಡಿಗೆ ನಿಮ್ಮ ವಿಶೇಷ ಕೊಡುಗೆ ಏನು?

ಬಂಗೇರ: 1982-83ರಲ್ಲಿ ನಾನು ಪ್ರಥಮವಾಗಿ ಶಾಸಕನಾಗಿದ್ದೆ. ಆ ಸಂದರ್ಭ ಬೆಳ್ತಂಗಡಿಯ ಹೆಚ್ಚಿನ ರಸ್ತೆಗಳಿಗೆ ಡಾಮರೀಕರಣ ಆಗಿರಲಿಲ್ಲ. ಸೇತುವೆಗಳಿರಲಿಲ್ಲ, ಆಸ್ಪತ್ರೆಗಳಿರಲಿಲ್ಲ, ಹೈಸ್ಕೂಲ್‍ಗಳಿರಲಿಲ್ಲ, ಜೂನಿಯರ್ ಕಾಲೇಜ್ ಇರಲಿಲ್ಲ, ಪ್ರಥಮ ದರ್ಜೆ ಕಾಲೇಜುಗಳಿರಲಿಲ್ಲ. ಬೇಡಿಕೆಯಿತ್ತು. ಗ್ರಾಮೀಣ ಪ್ರದೇಶದ, ಜಿಲ್ಲಾ ಪಂಚಾಯತ್ ರಸ್ತೆಗಳಿಗೂ ಡಾಮರೀಕರಣವಾಗಿರಲಿಲ್ಲ. ಹಿಂದೆ ವೈಕುಂಠ ಬಾಳಿಗಾರು ಶಾಸಕರಾಗಿದ್ದಾಗ ಅನುದಾನ ತರಿಸಿದ್ದರು. 1982ರಿಂದ 2018 ಆಗುವಾಗ ಎಲ್ಲಾ ಮನೆ ಮನೆಗಳಿಗೆ ತಲುಪುವ ಕಾರ್ಯ ನಡೆಸಿದ್ದೇನೆ. ಹಿಂದೆ ಟೆಲಿಫೋನ್, ಸರಕಾರಿ ಬಸ್ಸುಗಳಿರಲಿಲ್ಲ. ಹಳ್ಳಿಗಳಿಗೆ ಖಾಸಗಿ ಬಸ್ಸುಗಳೂ ಹೋಗುತ್ತಿರಲಿಲ್ಲ. ಈಗ 2018ರಲ್ಲಿ ಆಗಿರುವ ಬದಲಾವಣೆ ಏನೆಂದರೆ ರಾಷ್ಟ್ರೀಯ ಹೆದ್ದಾರಿಗೆ ಪೂರ್ಣವಾಗಿ ಹೊಸದಾಗಿ ಡಾಮರೀಕರಣವಾಗಿದೆ. ಪಿಡಬ್ಲ್ಯುಡಿಯ ಎಲ್ಲಾ ರಸ್ತೆಗಳಿಗೆ ಡಾಮರೀಕರಣವಾಗಿದೆ. ಗ್ರಾಮೀಣ ಪ್ರದೇಶಗಳ ಜಿ.ಪಂ. ರಸ್ತೆಗಳಿಗೆ ಡಾಮರೀಕರಣವಾಗಿದೆ. ಈ ಒಂದೇ ವರ್ಷದಲ್ಲಿ 29 ಸೇತುವೆಗಳಿಗೆ ಮಂಜೂರಾತಿ ದೊರಕಿಸಿಕೊಂಡಿದ್ದೇನೆ. ಬೆಳ್ತಂಗಡಿ ಸರಕಾರಿ ಆಸ್ಪತ್ರೆ 100 ಬೆಡ್‍ನ ಆಸ್ಪತ್ರೆಯಾಗಿ ಮೇಲ್ದರ್ಜೆಗೇರಿದೆ. ಆಸ್ಪತ್ರೆ ಕಟ್ಟಡಕ್ಕೆ ರೂ. 6 ಕೋಟಿ ಮಂಜೂರಾಗಿದೆ. 2 ಡಯಾಲಿಸಿಸ್ ಯಂತ್ರಗಳನ್ನು ಸರಕಾರದಿಂದ ಮಂಜೂರಾತಿ ದೊರಕಿಸಿ ತರಿಸಿದ್ದೇನೆ. ಕತಾರ್‍ನಲ್ಲಿನ ಮುಸ್ಲಿಮ್ ಬಂಧುಗಳು ಒಂದು ಯಂತ್ರವನ್ನು ಉಚಿತವಾಗಿ ಒದಗಿಸಿದ್ದಾರೆ. ಇನ್ನೊಂದು ಯಂತ್ರವನ್ನೂ ಅವರು ಒದಗಿಸಲಿದ್ದಾರೆ. ಒಟ್ಟಿಗೆ 4 ಯಂತ್ರಗಳಾಗುತ್ತವೆ. ಇಲ್ಲಿ ಒಟ್ಟು 60 ಡಯಾಬಿಟಿಕ್ ರೋಗಿಗಳಿದ್ದಾರೆ. ಅವರಿಗೆ ಇಲ್ಲಿಯೇ ಚಿಕಿತ್ಸೆ ಕೊಡಿಸುವ ವ್ಯವಸ್ಥೆ ಆಗಿದೆ. ಇಲ್ಲದಿದ್ದರೆ ಅವರು ಮಂಗಳೂರಿಗೇ ತೆರಳಬೇಕಿತ್ತು.

ಮಿನಿ ವಿಧಾನಸೌಧ ಈಗಾಗಲೇ ನಿರ್ಮಾಣಗೊಂಡಿದ್ದು, ಡಿಸೆಂಬರ್‌ನಲ್ಲಿ ಮುಖ್ಯಮಂತ್ರಿಗಳು ಅದನ್ನು ಉದ್ಘಾಟಿಸಿದ್ದಾರೆ. ಎಲ್ಲಾ ಸರಕಾರಿ ಇಲಾಖೆಗಳನ್ನು ಈ ಒಂದೇ ಕಟ್ಟಡಕ್ಕೆ ವರ್ಗಾಯಿಸಲಾಗುತ್ತಿದೆ.

ನಾನು ಶಾಸಕನಾಗಿ ಮಾಡಿದ ಪ್ರಮುಖ ಸಾಧನೆಯೆಂದರೆ ಬೆಳ್ತಂಗಡಿಯಲ್ಲಿ ಖಾಸಗಿ ಬಸ್ ನಿಲ್ದಾಣವಾಗುವಂತೆ ಮಾಡಿದ್ದು. ಮೊದಲು ಖಾಸಗಿ ಬಸ್ಸುಗಳು ಗುರುವಾಯನಕೆರೆ ತನಕ ಮಾತ್ರ ಬಂದು ಹೋಗುತ್ತಿದ್ದವು. ಚುನಾವಣೆಯಲ್ಲಿ 6 ತಿಂಗಳಲ್ಲಿ ಖಾಸಗಿ ಬಸ್‍ಗಳು ಬೆಳ್ತಂಗಡಿಗೆ ಬರುವಂತೆ ಮಾಡುತ್ತೇನೆಂದು ಭರವಸೆ ನೀಡಿದ್ದೆ. ಆದರೆ ಅದು ಅಷ್ಟು ಸುಲಭದ ಕೆಲಸವಾಗಿರಲಿಲ್ಲ. ಚುನಾವಣೆಯಲ್ಲಿ ನಾನು ಗೆದ್ದು, ಪ್ರಯತ್ನಪಟ್ಟು ಒಂದೂವರೆ ವರ್ಷವಾದರೂ ಆಗಿರಲಿಲ್ಲ. ಕೋರ್ಟಿನಲ್ಲಿ ಕೇಸ್ ಕೂಡ ದಾಖಲಾಯಿತು. ನಾನು ಎಲ್ಲರ ಸಭೆ ಕರೆದು ಬಸ್ಸುಗಳನ್ನು ಬೆಳ್ತಂಗಡಿಗೆ ತರುವಂತೆ ವಿನಂತಿ ಮಾಡಿದೆ. ಈ ನಿಟ್ಟಿನಲ್ಲಿ ಏನೇ ಸಮಸ್ಯೆ ಎದುರಾದರೂ ಅದನ್ನು ನಾನು ಬಗೆಹರಿಸುತ್ತೇನೆಂದು ಹೇಳಿದೆ. ಏನೇ ಅಡೆತಡೆ ಎದುರಾದರೂ ನಾನು ಅದನ್ನು ಎದುರಿಸುತ್ತೇನೆಂದು ಹೇಳಿದೆ. ಉಸ್ತುವಾರಿ ಸಚಿವರ ಸಮ್ಮುಖದಲ್ಲಿ ಎಲ್ಲಾ ಅಧಿಕಾರಿ ವರ್ಗದವರು ಭಾಗವಹಿಸಿ ಭರ್ಜರಿ ಕಾರ್ಯಕ್ರಮ ಏರ್ಪಡಿಸಿ ಉದ್ಘಾಟನೆಯೂ ಆಯಿತು. ಆದರೆ ಆರೇಳು ತಿಂಗಳು ಕಳೆದರೂ ಬಸ್ಸುಗಳು ಸರಿಯಾಗಿ ಬರುತ್ತಿರಲಿಲ್ಲ. ಕೊನೆಗೆ ಎಲ್ಲಾ ಅಗತ್ಯತೆಗಳನ್ನು ಪೂರೈಸಿ ಕ್ರಮಪ್ರಕಾರವಾಗಿ ಸಂಚಾರ ನಡೆಯುತ್ತಿದೆ. ಈಗ ಎರಡು ನಿಮಿಷಕ್ಕೊಂದರಂತೆ ಬಸ್ಸುಗಳು ಇಲ್ಲಿಂದ ಹೊರಡುತ್ತವೆ.

ಡೊನಾಲ್ಡ್: ಬೆಳ್ತಂಗಡಿಯಲ್ಲಿ ಸರಕಾರಿ ಬಸ್ ಡಿಪೋ ಸ್ಥಾಪನೆಯಾಗುವ ಕುರಿತು…

ಬಂಗೇರ: ಬಸ್ ಡಿಪೋ ಈಗ ಧರ್ಮಸ್ಥಳದಲ್ಲಿದೆ. ಅಲ್ಲಿ ಸ್ಥಳಾವಕಾಶದ ಕೊರತೆ ಇದೆ. ಉಜಿರೆಯಲ್ಲಿ ಮೂರು ಕಡೆ ಸ್ಥಳ ಪರಿಶೀಲನೆ ನಡೆದಿತ್ತು. ಉಜಿರೆ ಅಥವಾ ಕುವೆಟ್ಟು ಗ್ರಾಮದಲ್ಲಿ ಜಾಗ ಪರಿಶೀಲನೆ ನಡೆಯುತ್ತಿದೆ. ಶೀಘ್ರದಲ್ಲಿ ಪ್ರಾರಂಭವಾಗಲಿದೆ.

ಡೊನಾಲ್ಡ್: ಮೂರೂ ಪಕ್ಷಗಳಿಂದ ಚುನಾವಣೆಯಲ್ಲಿ ನಿಂತು ಗೆದ್ದು ಶಾಸಕರಾದ ವಿಶಿಷ್ಟ ದಾಖಲೆ ನಿಮ್ಮದು. ಕಳೆದ 10 ವರ್ಷಗಳಿಂದ ಕಾಂಗ್ರೆಸ್ಸಿನಲ್ಲಿದ್ದೀರಿ. ನೀವೀಗ 100% ಕಾಂಗ್ರೆಸ್ಸಿಗರಾಗಿದ್ದೀರಾ..?

ಬಂಗೇರ: ಹೌದು. ಅದರಲ್ಲಿ ಯಾವುದೇ ಸಂಶಯವಿಲ್ಲ.

ಡೊನಾಲ್ಡ್: ಹಿಂದೊಮ್ಮೆ ನಿಮ್ಮನ್ನು ಬಿಜೆಪಿಯವರು ಆಮಿಷಕ್ಕೊಡ್ಡಿದ್ದರು ಎಂದು ನೀವೇ ಆಪಾದಿಸಿದ್ದಿರಿ…

ಬಂಗೇರ: ನಾನು ಮೊದಲು ಬಿಜೆಪಿಯಿಂದ ಚುನಾವಣೆಯಲ್ಲಿ ಸ್ಪರ್ಧೆ ಮಾಡಿದ್ದೆ. ಮೊದಲು ನಾನು ಸ್ವತಂತ್ರವಾಗಿ ಸ್ಪರ್ಧಿಸಿದ್ದೆ. ಆದರೆ ಬಿಜೆಪಿಯಿಂದ ಎನ್ನಲಾಯಿತು. ಹೀಗೆ 2 ಸಲ ಗೆದ್ದಿದ್ದೆ. 1989ರಲ್ಲಿ ಜನತಾ ಪಕ್ಷಕ್ಕೆ ಹೋದೆ. ಕಡಿಮೆ ಅಂತರದಿಂದ ಸೋತೆ. 1994ರಲ್ಲಿ ಮತ್ತೆ ಗೆದ್ದೆ. ಮುಖ್ಯ ಸಚೇತಕನಾದೆ. ಕಾಂಗ್ರೆಸ್ ಪಕ್ಷಕ್ಕೆ ಬಂದು 2008 ಮತ್ತು 2013ರಲ್ಲಿ ಗೆದ್ದು ಶಾಸಕನಾಗಿದ್ದೇನೆ.

ಡೊನಾಲ್ಡ್: ಬೆಳ್ತಂಗಡಿಯಲ್ಲಿ ಚುನಾವಣೆಯ ಹೊಸ್ತಿಲಲ್ಲಿ ಕಾಂಗ್ರೆಸ್ ಪಕ್ಷದ ಸಂಘಟನೆ ಹೇಗಿದೆ?

ಬಂಗೇರ: ಕಾರ್ಯಕರ್ತರ ಮನಸ್ಸಿನಲ್ಲಿ ಕಾಂಗ್ರೆಸ್ ಪಕ್ಷವೇ ಗೆಲ್ಲುತ್ತದೆ ಎಂಬ ಮನೋಭಾವವಿದೆ. ಸ್ವಲ್ಪ ಅತಿ ಆತ್ಮವಿಶ್ವಾಸವಿದೆ. ಮೂರು ತಿಂಗಳಿಂದ ಮನೆ ಮನೆಗೆ ಕಾಂಗ್ರೆಸ್ ಅಭಿಯಾನ ನಡೆಯುತ್ತಿದೆ. ಎಲ್ಲಾ 238 ಬೂತ್‍ಗಳ ಮಟ್ಟದಲ್ಲಿ ಚುನಾವಣಾ ತಯಾರಿಗೆ ಅಭಿಯಾನ ನಡೆಸುತ್ತಿದ್ದೇನೆ.

ಡೊನಾಲ್ಡ್: ಬೆಳ್ತಂಗಡಿಯಲ್ಲಿ ಕಾಂಗ್ರೆಸ್‍ನಲ್ಲಿ ನೀವು ಹೊರತುಪಡಿಸಿ ದ್ವಿತೀಯ ಸ್ತರದಲ್ಲಿ ಯಾರೆಲ್ಲಾ ನಾಯಕರಿದ್ದಾರೆ?

ಬಂಗೇರ: ಜಿಲ್ಲಾ ಕಾಂಗ್ರೆಸ್ ಅಧ್ಯಕ್ಷ ಹರೀಶ್ ಕುಮಾರ್ ಇದ್ದಾರೆ. ಈ ಬಾರಿಯ ಚುನಾವಣೆಯಲ್ಲಿ ನಿಲ್ಲುವಂತೆ ಅವರನ್ನು ಒತ್ತಾಯಪಡಿಸಿದರೂ ಅವರು ಕೇಳಲಿಲ್ಲ, ಅದುದರಿಂದ ನಾನೇ ಮತ್ತೆ ನಿಲ್ಲುತ್ತಿದ್ದೇನೆ. ನಿವೃತ್ತ ಎಸ್‍ಪಿ ಪೀತಾಂಬರ ಹೇರಾಜೆ, ಮುಂಡಾಜೆಯ ಶ್ರೀಧರ ಭಿಡೆ ಮುಂತಾದ ನಾಯಕರು ಕಾಂಗ್ರೆಸ್‍ನಲ್ಲಿದ್ದಾರೆ.

ಡೊನಾಲ್ಡ್: ಗಡಾಯಿಕಲ್ಲು ಬೆಳ್ತಂಗಡಿಯ ಪ್ರಮುಖ ಪ್ರವಾಸಿ ತಾಣ. ನಾನು ಶಾಲಾ ದಿನಗಳಿಂದ ಪ್ರತಿ ಚುನಾವಣೆಯಲ್ಲಿ ಇದರ ಅಭಿವೃದ್ಧಿಯ ಆಶ್ವಾಸನೆಗಳನ್ನು ಕೇಳುತ್ತಾ ಬಂದಿದ್ದೇನೆ. ಆದರೆ ಏನೂ ಅಭಿವೃದ್ಧಿಯಾಗಿಲ್ಲವಲ್ಲಾ?

ಬಂಗೇರ: ಹೌದು. ಇದಕ್ಕೆ ಕೇಂದ್ರ ಸರಕಾರ, ಅದರಲ್ಲೂ ಈಗಿನ ಸರಕಾರ, ಸ್ಪಂದಿಸುವುದೇ ಇಲ್ಲ. ಅಲ್ಲಿಗೆ ಲಿಫ್ಟ್ ಮಾಡುವ ಯೋಜನೆ ಸಿದ್ಧಪಡಿಸಿ ಕಳುಹಿಸಲಾಗಿದೆ. ಆದರೆ ಅದಕ್ಕೆ ಸೂಕ್ತ ಸ್ಪಂದನೆ ಇಲ್ಲ. ಪ್ರಾಚ್ಯವಸ್ತು ಇಲಾಖೆಯ ಅಡಿಯಲ್ಲಿ ಅದು ಬರುವುದರಿಂದ ಅವರ ಒಪ್ಪಿಗೆಯಿಲ್ಲದೆ ಏನೇನೂ ಮಾಡುವಂತಿಲ್ಲ.

ಡೊನಾಲ್ಡ್: ಬೆಳ್ತಂಗಡಿಯ ಮುಖ್ಯ ರಸ್ತೆ (ಬೆಳ್ತಂಗಡಿ-ಚಿಕ್ಕಮಗಳೂರು) ಈಗ ರಾಷ್ಟ್ರೀಯ ಹೆದ್ದಾರಿಯಾಗಿದೆ. ಇದರ ಅಗಲೀಕರಣವೇನಾದರೂ ಮಾಡುವ ಪ್ರಸ್ತಾಪವಿದೆಯಾ?

ಬಂಗೇರ: ಚತುಷ್ಪಥ ರಸ್ತೆ ಮಾಡುವ ಚಿಂತನೆಯಿತ್ತು. ಆದರೆ ಹಾಗೆ ಮಾಡುವುದರಿಂದ ಬಹಳಷ್ಟು ಮನೆಗಳು ಹೋಗುತ್ತವೆ ಮತ್ತು ಅರಣ್ಯ ಸಂಪತ್ತು ನಾಶವಾಗುತ್ತದೆ. ಆದ ಕಾರಣ ಎರಡು ಏಕಮುಖ ರಸ್ತೆಗಳ ನಿರ್ಮಾಣಕ್ಕೆ ಯೋಜನೆ ಮಾಡಲಾಗಿದೆ. ಗುರುವಾಯನಕೆರೆಯಿಂದ ಮುಂಡಾಜೆವರೆಗೆ ಬೈಪಾಸ್ ರಸ್ತೆ ನಿರ್ಮಸಲಾಗುವುದು. ಮುಂಡಾಜೆಯಲ್ಲಿ 18 ಕೋ.ರೂ. ಸೇತುವೆ ನಿರ್ಮಾಣವಾಗುತ್ತಿದೆ.

ಡೊನಾಲ್ಡ್: ಕಾಂಗ್ರೆಸ್‍ನಲ್ಲಿ ಸಿದ್ಧರಾಮಯ್ಯನವರು ಹೈಕಮಾಂಡ್ ಮಟ್ಟದಲ್ಲಿ ಬಹಳ ಪ್ರಭಾವಶಾಲಿ ನಾಯಕರಾಗಿ ಹೊರಹೊಮ್ಮಿದ್ದಾರೆ. ರಾಜ್ಯದಲ್ಲಿ ಸಾಕಷ್ಟು ಅಭಿವೃದ್ಧಿ ಕೂಡ ನಡೆದಿದೆ…

ಬಂಗೇರ: ಹೌದು. ನಾವು ಕಳೆದ ಚುನಾವಣೆಯಲ್ಲಿ ನೀಡಿದ್ದ ಎಲ್ಲಾ ಭರವಸೆಗಳನ್ನು ಈಡೇರಿಸಿದ್ದೇವೆ. ಪ್ರಣಾಳಿಕೆಯಲ್ಲಿ ನೀಡಿದ ಎಲ್ಲಾ ಆಶ್ವಾಸನೆಗಳನ್ನು ಈಡೇರಿಸಿದ ಪ್ರಥಮ ಸರಕಾರ ಈ ಕಾಂಗ್ರೆಸ್ ಸರಕಾರ. ಅಲ್ಲದೆ ಇಂದಿರಾ ಕ್ಯಾಂಟೀನ್ ಸೇರಿದಂತೆ ಪ್ರಣಾಳಿಕೆಯಲ್ಲಿಲ್ಲದ ಹಲವು ಹೆಚ್ಚುವರಿ ಯೋಜನೆಗಳನ್ನು ಜಾರಿಗೊಳಿಸಿದ್ದು ನಮ್ಮ ಹೆಚ್ಚುಗಾರಿಕೆ.

ಡೊನಾಲ್ಡ್: ಅದರ ಆಧಾರದಲ್ಲಿ ಕಾಂಗ್ರೆಸ್ ಮತ್ತೆ ಅಧಿಕಾರಕ್ಕೆ ಬರುತ್ತದೆಯೇ?

ಬಂಗೇರ: ಬರಬೇಕು. ನಾವು ಇಷ್ಟೊಂದು ಭಾಗ್ಯ, ಹಲವು ಯೋಜನೆಗಳನ್ನು ಕೊಟ್ಟಿದ್ದೇವೆ. ಪ್ರಚಾರದಲ್ಲಿ ನಾವು ಸ್ವಲ್ಪ ಹಿಂದೆ ಇದ್ದೇವೆ ಎನ್ನುವುದು ನಿಜ. ಕೇಂದ್ರದ ಬಿಜೆಪಿ ಸರಕಾರ ಮಾಡಿದ್ದು ಏನೂ ಇಲ್ಲ. ಆದರೆ ಅವರು ನಮ್ಮ ರಾಜ್ಯ ಸರಕಾರ ಮಾಡಿದ ಯೋಜನೆಗಳೆಲ್ಲವನ್ನೂ ತಾವು ಮಾಡಿದ್ದು ಎಂಬಂತೆ ಬಿಂಬಿಸುತ್ತಾರೆ. ಮೊದಲು ಠೀಕೆ ಮಾಡುತ್ತಿದ್ದವರು ಈಗ ಇದೆಲ್ಲವನ್ನೂ ತಾವೇ ಮಾಡಿದ್ದು ಎಂದು ಹೇಳುತ್ತಿದ್ದಾರೆ.

ಡೊನಾಲ್ಡ್: ಕಾಂಗ್ರೆಸ್ ಪಕ್ಷ ಪ್ರಚಾರದಲ್ಲಿ ಯಾಕೆ ಹಿಂದೆ? ಬಿಜೆಪಿಯವರು ಸುಳ್ಳನ್ನು ಸಾವಿರ ಬಾರಿ, ಲಕ್ಷ ಬಾರಿ ಹೇಳುತ್ತಾರೆ ಎಂದು ಕಾಂಗ್ರೆಸ್ಸಿನವರು ಹೇಳುತ್ತಾರೆ. ಆದರೆ ಬಿಜೆಪಿಯವರ ಸುಳ್ಳಿಗೆ ಕಾಂಗ್ರೆಸ್ಸಿನವರು ಯಾಕೆ ಪ್ರತಿಕ್ರಿಯೆ ನೀಡುವುದಿಲ್ಲ? ಕಾಂಗ್ರೆಸ್ಸಿಗರ ಈ ನಿಷ್ಕ್ರಿಯತೆಗೆ ಕಾರಣವೇನು? ಅಪಪ್ರಚಾರದಿಂದ ನಿಮಗೆ ಹಿನ್ನಡೆಯಾಗುವುದಿಲ್ಲವೇ?

ಬಂಗೇರ: ಹೌದು. ಇದರಲ್ಲಿ ನಮ್ಮ ಕಾಂಗ್ರೆಸ್ಸಿಗರು ಸ್ವಲ್ಪ ಹಿಂದೆ ಇದ್ದದ್ದು ನಿಜ. ಈಗ ನಮ್ಮ ಕಾರ್ಯಕರ್ತರು ಮನೆ ಮನೆಗಳಿಗೆ ತೆರಳಿ ಕಾಂಗ್ರೆಸ್ಸಿನ ಯೋಜನೆಗಳನ್ನು ವಿವರಿಸುತ್ತಿದ್ದಾರೆ. ದೇಶದಲ್ಲಿ ಇಷ್ಟು ಭಾಗ್ಯಗಳನ್ನು, ಅಭಿವೃದ್ಧಿ ಕಾರ್ಯಗಳನ್ನು ಕೊಟ್ಟ ಸರಕಾರ ದೇಶದಲ್ಲಿಯೇ ಬೇರೆ ಇಲ್ಲ. ಅನ್ನಭಾಗ್ಯ ಬಹು ದೊಡ್ಡ ಕೊಡುಗೆ. ಬೆಳ್ತಂಗಡಿಯಲ್ಲಿ 35 ಸಾವಿರ ಬಿಪಿಎಲ್ ಕಾರ್ಡ್‍ದಾರು ಅನ್ನಭಾಗ್ಯದ ಫಲಾನುಭವಿಗಳಿದ್ದಾರೆ. ಸುಮಾರು 35 ಸಾವಿರ ಜನರಿಗೆ ಅಕ್ರಮ ಸಕ್ರಮ ಹಕ್ಕು ಪತ್ರ ನೀಡಲಾಗಿದೆ. 94ಸಿ, 94ಸಿಸಿ ಮುಖಾಂತರ 50-60 ವರ್ಷಗಳಿಂದ ಮನೆಯ ಹಕ್ಕು ಪತ್ರ ಸಿಗದಿದ್ದವರಿಗೆ ಹಕ್ಕು ಪತ್ರ ಒದಗಿಸಲಾಗಿದೆ. ಅವರಿಗೆ ಯಾವುದೇ ದಾಖಲೆ ಪತ್ರಗಳು ಸಿಗುತ್ತಿರಲಿಲ್ಲ. ಈಗ ಅವರಿಗೆ ನೆಮ್ಮದಿ ಸಿಕ್ಕಿದೆ. ಬಿಪಿಎಲ್ ಕಾರ್ಡ್ ಕೊಡಲಾಗುತ್ತಿದೆ. ಸ್ವಾಭಿಮಾನದಿಂದ ಬದುಕು ನಡೆಸುವಂತಾಗಲು ನೆರವಾಗಿದ್ದೇವೆ.

ಡೊನಾಲ್ಡ್: ಬಿಜೆಪಿಯವರು ಧರ್ಮವನ್ನು ರಾಜಕಾರಣಕ್ಕೆ ಬಳಸುತ್ತಿದ್ದಾರಲ್ಲಾ? ಅವರಿಗೆ ಹಿಂದೂ ಧರ್ಮವನ್ನು ಯಾರು ಗುತ್ತಿಗೆಗೆ ನೀಡಿದ್ದಾರೆ?

ಬಂಗೇರ: ನೋಡಿ, ನಾನು ಕೂಡ ಹಿಂದೂವೇ. ಸಿದ್ಧರಾಮಯ್ಯನವರೂ ಹಿಂದೂವೇ, ರಾಹುಲ್ ಗಾಂಧಿಯವರೂ ಹಿಂದೂವೇ ಆಗಿದ್ದಾರೆ. ಬಿಜೆಪಿಯವರು ಹಿಂದುತ್ವವನ್ನು ಹಿಡಿದುಕೊಂಡು ಹಿಂದೂಗಳ ಮತ ಸೆಳೆಯುವ ಹವಣಿಕೆ ನಡೆಸುತ್ತಾರೆ, ಸ್ವಲ್ಪ ಮಟ್ಟಿಗೆ ಅವರು ಅದರಲ್ಲಿ ಯಶಸ್ವಿಯಾಗಿದ್ದಾರೆ. ಯುವಜನರು ಅವರಿಗೆ ಹೆಚ್ಚು ಆಕರ್ಷಿತರಾಗಿದ್ದಾರೆ. ಯುವಜನರಿಗೆ ವಿವೇಚನೆ ಅಷ್ಟೊಂದಿರುವುದಿಲ್ಲ.

ಡೊನಾಲ್ಡ್: ಬೆಳ್ತಂಗಡಿ ಸಮೃದ್ಧ ಕೃಷಿ ಪ್ರದೇಶ. ಉತ್ತಮ ನೀರಾವರಿ ಕೂಡ ಇದೆ. ಇಲ್ಲಿಯೂ ಸಹ, ಹಲವು ಸಕಾರಣ, ಸಮಸ್ಯೆಗಳಿಂದಾಗಿ, ಕೃಷಿ ಚಟುವಟಿಕೆ ಕುಂಠಿತವಾಗಿದೆ…

ಬಂಗೇರ: ಇಲ್ಲಿ ಮಳೆಗಾಲದಲ್ಲಿ ಉತ್ತಮ ಮಳೆಯಾಗುತ್ತದೆ ಹೌದಾದರೂ, ಬೇಸಿಗೆಯಲ್ಲಿ ಕುಡಿಯುವ ನೀರಿನ ಸಮಸ್ಯೆ ಉದ್ಭವಿಸುತ್ತದೆ. ನಾನು, ದೇವೇಗೌಡರು ಮುಖ್ಯಮಂತ್ರಿಯಾಗಿದ್ದಾಗ, ಅವಿಭಜಿತ ದಕ್ಷಿಣ ಕನ್ನಡದಲ್ಲಿ ಅಲ್ಲಲ್ಲಿ ಚೆಕ್‍ಡ್ಯಾಂ ನಿರ್ಮಿಸಬೇಕೆಂದು ಬೇಡಿಕೆ ಇಟ್ಟಿದ್ದೆ. ಅದನ್ನು ಈಗಿನ ನಮ್ಮ ಸರಕಾರ ಈಡೇರಿಸುವ ನಿಟ್ಟಿನಲ್ಲಿದೆ (ಚುನಾವಣೆ ಘೋಷಣೆಯಾಗಿದ್ದರಿಂದ ಅದನ್ನು ಪ್ರಕಟಿಸಲಾಗಿಲ್ಲ). ಚೆಕ್‍ಡ್ಯಾಂ ನಿರ್ಮಿಸುವುದರಿಂದ ನೀರು ಭೂಮಿಯಲ್ಲಿ ಇಂಗುತ್ತದೆ, ಅದರಿಂದಾಗಿ ಮೇಲ್ಮಟ್ಟದಲ್ಲಿಯೇ ನೀರು ದೊರಕುತ್ತದೆ. ಇದರಿಂದಾಗಿ ಕೃಷಿ ಹಾಗೂ ಕುಡಿಯುವ ನೀರಿಗೆ ಕೊರತೆ ಆಗುವುದಿಲ್ಲ.

ಡೊನಾಲ್ಡ್: ನಮ್ಮಲ್ಲಿನ ಯುವ ಜನತೆ ಉದ್ಯೋಗಕ್ಕಾಗಿ ಬೇರೆಡೆ ತೆರಳುತ್ತಾರೆ. ಇಲ್ಲಿಯೇ ಉದ್ಯೋಗದ ಅವಕಾಶಗಳ ರಚನೆ ಸಾಧ್ಯವಿದೆಯೇ?

ಬಂಗೇರ: ಸ್ವ ಉದ್ಯೋಗ ಮಾಡಲು ನಾನು ಎಲ್ಲಾ ಕಡೆ ಕರೆ ಕೊಡುತ್ತೇನೆ. ಉದ್ಯೋಗದಿಂದ ಗಳಿಕೆ ಸಾಧ್ಯವಾದರೂ, ಸ್ವ ಉದ್ಯೋಗದಿಂದ ಹೆಚ್ಚು ಗಳಿಕೆ ಸಾಧ್ಯ. ಕೃಷಿ ಕೂಡ ಸ್ವ ಉದ್ಯೋಗವೇ. ಹೈನುಗಾರಿಕೆ ತುಂಬಾ ಲಾಭದಾಯಕ. ಸಣ್ಣ ಕೈಗಾರಿಕೆ ಸ್ಥಾಪನೆಗೂ ಅವಕಾಶವಿದೆ. ಐಟಿಐನಿಂದ ಹೊರ ಬಂದ ವಿದ್ಯಾರ್ಥಿಗಳು ಸ್ವ ಉದ್ಯೋಗ ಸ್ಥಾಪಿಸಲು ಅವಕಾಶವಿದೆ.

ಡೊನಾಲ್ಡ್: ಮಂಗಳೂರಿನಿಂದ ಗಲ್ಫ್ ರಾಷ್ಟ್ರಗಳಿಗೆ ನೇರ ವಿಮಾನ ಸಂಪರ್ಕವಿರುವುದರಿಂದ ಇಲ್ಲಿನ ಕೃಷಿ ಉತ್ಪನ್ನ, ತರಕಾರಿ ಬೆಳೆಗೆ ಉತ್ತಮ ಮಾರುಕಟ್ಟೆ ಅವಕಾಶವಿದೆ. ಇದಕ್ಕೇನಾದರೂ ಪ್ರೋತ್ಸಾಹ, ಬೆಂಬಲ ಕೊಡುವ ಸಾಧ್ಯತೆ ಇದೆಯಲ್ಲವೇ?

ಬಂಗೇರ: ಅದನ್ನು ಮಾಡಬಹುದು. ಆದರೆ ರಾಸಾಯನಿಕ ಗೊಬ್ಬರ ಮತ್ತು ಮದ್ದು ಸಿಂಪಡಣೆಯಾದಲ್ಲಿ ಅದರಿಂದ ಆರೋಗ್ಯಕ್ಕೆ ಹಾನಿಯಿದೆ. ಸಾವಯವ ಗೊಬ್ಬರ ಬಳಸಿ ಆರೋಗ್ಯಯುತವಾಗಿ ಕೃಷಿ ಮಾಡಿದರೆ ಅದರಿಂದ ಒಳಿತಾಗುತ್ತದೆ. ಒಳ್ಳೆಯ ಕೃಷಿ ಬೆಳೆ ಬೆಳೆದರೆ ಉತ್ತಮ ಉತ್ಪತ್ತಿ ಮತ್ತು ಆದಾಯ ಗಳಿಸಲು ಸಾಧ್ಯವಿದೆ.

ಡೊನಾಲ್ಡ್: ವಸಂತ ಬಂಗೇರ ಅವರು ಮುಂದಿನ ಸರಕಾರದಲ್ಲಿ ಸಚಿವರಾಗುತ್ತಾರೆಯೆ?

ಬಂಗೇರ: ಅವಕಾಶ ಕೊಟ್ಟರೆ ತೆಗೆದುಕೊಳ್ಳುತ್ತೇನೆಯೇ ಹೊರತು ಡಿಮಾಂಡ್ ಮಾಡುವವನಲ್ಲ ನಾನು.

ಡೊನಾಲ್ಡ್: ಕ್ರೈಸ್ತ ಧರ್ಮೀಯರಿಗೆ ವಿಶೇಷ ಅನುದಾನ, ಯೋಜನೆಯೇನಿದೆ?

ಬಂಗೇರ: ಎಲ್ಲಾ ಜಾತಿ, ಧರ್ಮದವರಿಗೆ ಸರಕಾರದಿಂದ ಯೋಜನೆ, ಅನುದಾನ ಕೊಡಲಾಗಿದೆ. ಕ್ರೈಸ್ತರೂ ಸೇರಿದಂತೆ ಎಲ್ಲರನ್ನು ಸಮಾನವಾಗಿ ನೋಡಿದ್ದೇವೆ. ಮುಸ್ಲಿಮರು, ಜೈನರು, ಪರಿಶಿಷ್ಟ ಜಾತಿ, ಪರಿಶಿಷ್ಟ ಪಂಗಡ ಸೇರಿದಂತೆ ಪ್ರತಿಯೊಬ್ಬರಿಗೂ ನಮ್ಮ ಸರಕಾರದಿಂದ ಕೊಡುಗೆ ನೀಡಲಾಗಿದೆ. ಇದು ನಮ್ಮ ಸರಕಾರದ ದೊಡ್ಡ ಸಾಧನೆ. ಬಿಜೆಪಿಯವರಂತೆ ಬರೀ ಹಿಂದೂ ಹಿಂದೂ ಎಂದು ಹೇಳಿಕೊಂಡು ನಾವು ಓಡಾಡುವುದಿಲ್ಲ. ನಮ್ಮ ಜೊತೆ ಹಿಂದೂಗಳು ಹೆಚ್ಚಾಗಿ ಇದ್ದಾರೆ. ಬಿಜೆಪಿಯವರು ನಮ್ಮನ್ನು ಹಿಂದೂಗಳು ಎಂದು ಕರೆಯುವುದಿಲ್ಲ ಅಷ್ಟೇ!

ಡೊನಾಲ್ಡ್: ಅಂದರೆ ಬಿಜೆಪಿಯವರಿಗೆ ಅಭಿವೃದ್ಧಿ ವಿಷಯದಲ್ಲಿ ಆಸಕ್ತಿ ಇಲ್ಲ? ಕೇವಲ ಧರ್ಮವನ್ನು ರಾಜಕೀಯಕ್ಕೆ ಬಳಸುವುದರಲ್ಲಿಯೇ ಅವರ ಉದ್ದೇಶ..?

ಬಂಗೇರ: ಬಿಜೆಪಿಯವರಿಗೆ ಅಭಿವೃದ್ಧಿಯಲ್ಲಿ ಆಸಕ್ತಿ ಇಲ್ಲ. ಧರ್ಮ, ಕೋಮುವಾದ ಬಳಸಿ ಘರ್ಷಣೆ ಹುಟ್ಟು ಹಾಕುತ್ತಾರೆ. ಹಿಂದೂಗಳಿಗೆ ನಾವು ರಕ್ಷಣೆ ಕೊಡುತ್ತೇವೆ ಎನ್ನುವ ಬಿಜೆಪಿಯವರು ನಿಜವಾಗಿ ಹಿಂದೂ ಯುವಕರನ್ನು ಜೈಲಿಗೆ ಅಟ್ಟುತ್ತಾರೆ. ಸುಮಾರು ಒಂದೂವರೆ ಸಾವಿರ ಜನರು ಜಿಲ್ಲೆಯಲ್ಲಿ ಜೈಲು ಸೇರಿದ್ದಾರೆ. ಅದು ಹಿಂದೂಗಳಿಗೆ ಬಿಜೆಪಿಯ ನಿಜವಾದ ಕೊಡುಗೆ!

Send your Feedback to: budkuloepaper@gmail.com

Like us at: www.facebook.com/budkulo.epaper

Watch our TV Interviews – Click Here

ಬಸ್ರೀಕಟ್ಟೆಯ ಸುಂದರ ಹಿಮಗಿರಿ ಹೋಮ್‍ಸ್ಟೇ

The post ಹಿಂದೂ ಯುವಕರನ್ನು ಜೈಲಿಗಟ್ಟುವುದೇ ಬಿಜೆಪಿಯ ಕೊಡುಗೆ: ವಸಂತ ಬಂಗೇರ appeared first on Budkulo.

ಕ್ರೈಸ್ತ ಮುಖಂಡ, ಮೂಡುಬಿದ್ರೆಯ ಉದಯೋನ್ಮುಖ ರಾಜಕಾರಣಿ ಜಾಯ್ಲಸ್ ಡಿಸೋಜರನ್ನು ಕರ್ನಾಟಕ ಸರಕಾರ ಕ್ರೈಸ್ತ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷರನ್ನಾಗಿ ಇತ್ತೀಚೆಗೆ ನೇಮಿಸಿದೆ. ಯುವ ಸಂಘಟನೆಗಳಲ್ಲಿ ದುಡಿದು ಕಳೆದೊಂದು ದಶಕದಿಂದೀಚೆಗೆ ಸಕ್ರಿಯ ರಾಜಕಾರಣಿಯಾಗಿ ಸಮಾಜದಲ್ಲಿ ಗುರುತಿಸಿಕೊಂಡಿರುವ ಬಿಜೆಪಿ ಮುಖಂಡ ಜಾಯ್ಲಸ್, ಸಣ್ಣ ಪ್ರಾಯದಲ್ಲಿಯೇ ಈ ಗುರುತರ ಜವಾಬ್ದಾರಿಯನ್ನು ಹೊತ್ತಿದ್ದಾರೆ. ಶಿಕ್ಷಣ, ವೈದ್ಯಕೀಯ, ಸಮಾಜ ಸೇವೆ ಕ್ಷೇತ್ರಗಳಲ್ಲಿ ನಾಡಿಗೆ, ರಾಷ್ಟ್ರಕ್ಕೆ ಬಹಳಷ್ಟು ಕೊಡುಗೆ ನೀಡಿರುವ ಕ್ರೈಸ್ತ ಸಮುದಾಯ ಇತರ ಕ್ಷೇತ್ರಗಳಲ್ಲಿ ಹಿಂದಿದೆ. ಈ ನಿಟ್ಟಿನಲ್ಲಿ ಕ್ರೈಸ್ತ ಅಭಿವೃದ್ಧಿ ಮಂಡಳಿ ಬಹಳಷ್ಟು ಪ್ರಯೋಜನಕಾರಿ. ಇದರ ನೇತೃತ್ವವೀಗ ಜಾಯ್ಲಸ್ ಹೆಗಲಿಗೇರಿದೆ.

ಈ ಹಿನ್ನೆಲೆಯಲ್ಲಿ ಜಾಯ್ಲಸ್ ಅವರ ಅನಿಸಿಕೆ, ಮುಂದಿನ ಯೋಜನೆಗಳೇನು ಮತ್ತು ಪ್ರಮುಖ ಪ್ರಚಲಿತ ಸಂಗತಿಗಳ ಬಗೆಗೆ ಅವರ ಅಭಿಪ್ರಾಯಗಳೇನು ಎಂಬುದರ ಬಗ್ಗೆ ‘ಬುಡ್ಕುಲೊ’ ಇ-ಪತ್ರಿಕೆ ಅವರ ಜೊತೆ ಸಂದರ್ಶನ ನಡೆಸಿತು. ಕೊಂಕಣಿಯಲ್ಲಿ ನಡೆಸಿದ ಆ ಸಂದರ್ಶನದ ಆಯ್ದ ಭಾಗವನ್ನು ಇಲ್ಲಿ ಕೊಡಲಾಗಿದೆ.

-ಸಂಪಾದಕ

ಬುಡ್ಕುಲೊ: ಜಾಯ್ಲಸ್ ಡಿಸೋಜ, ಕರ್ನಾಟಕ ಸರಕಾರದ ಕ್ರೈಸ್ತ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷರಾಗಿದ್ದೀರಿ. ಸಮಸ್ತ ಕ್ರೈಸ್ತ ಸಮುದಾಯದ ಪರವಾಗಿ ಅಭಿನಂದನೆಗಳು. ನಿಮ್ಮ ರಾಜಕೀಯ ಪ್ರವೇಶ ಹೇಗಾಯಿತು?

ಜಾಯ್ಲಸ್ ಡಿಸೋಜ: ಧನ್ಯವಾದಗಳು. ನನ್ನ ತಂದೆ ನಮ್ಮೂರು ಹೊಸಬೆಟ್ಟು ಮಂಡಲ ಪಂಚಾಯತ್‍ನ ಸದಸ್ಯರಾಗಿದ್ದರು. ಊರಿನಲ್ಲಿ ಅವರು ರಾಜಕೀಯ ರಂಗದಲ್ಲಿ ಸಕ್ರಿಯರಾಗಿದ್ದರು. ಅವರ ಪ್ರೇರಣೆಯಿಂದ ಚಿಕ್ಕಂದಿನಿಂದಲೇ ನನಗೆ ರಾಜಕೀಯದಲ್ಲಿ ಆಸಕ್ತಿ ಮೂಡಿತ್ತು. ಯುವ ಸಂಘಟನೆಗಳಲ್ಲಿಯೂ ದುಡಿದಿದ್ದೇನೆ.

ಬುಡ್ಕುಲೊ: ಯುವ ಸಂಘಟನೆಗಳಲ್ಲಿ ಏನೇನು ಕೆಲಸ ಮಾಡಿದ್ದೀರಿ?

ಜಾಯ್ಲಸ್: ಪಿಯುಸಿಯಲ್ಲಿದ್ದಾಗ ವೈ.ಸಿ.ಎಸ್. ಸಂಘಟನೆ ಸೇರಿದೆ. ಅದರ ಕೇಂದ್ರೀಯ ಕಾರ್ಯದರ್ಶಿಯಾಗಿದ್ದೆ. ಫಾ. ಚಾರ್ಲ್ಸ್ ಅದರ ನಿರ್ದೇಶಕರಾಗಿದ್ದರು. ಆಗ ನನಗೆ ಬಹಳ ಅವಕಾಶಗಳು ಸಿಕ್ಕಿವೆ. ಅವಿಭಜಿತ ದಕ್ಷಿಣ ಕನ್ನಡದ ಉದ್ದಗಲಕ್ಕೂ ಓಡಾಡಿದ್ದೇನೆ. ನಂತರ ಐ.ಸಿ.ವೈ.ಎಂ.ಗೆ ಸೇರಿದೆ. ಸ್ಥಳೀಯ ಘಟಕದ ಅಧ್ಯಕ್ಷನಾಗಿ, ವಾರಾಡೊ ಹಂತದಲ್ಲಿ ಹಲವು ಹುದ್ದೆಗಳಲ್ಲಿ ಬಹಳ ವರ್ಷ ಸೇವೆ ಸಲ್ಲಿಸಿದ್ದೇನೆ. ಆಮೇಲೆ ಕಥೊಲಿಕ್ ಸಭಾದ ಸದಸ್ಯನಾಗಿ ಹಲವು ಹಂತಗಳಲ್ಲಿ ದುಡಿದಿದ್ದೇನೆ. ಮೂಡುಬಿದ್ರೆಯಲ್ಲಿ ನಡೆದ ರಾಜಕೀಯ ಸಮಾವೇಶದ ಕೋಶಾಧಿಕಾರಿಯಾಗಿದ್ದೆ. ನಾನೀಗಲೂ ಆ ಸಂಘಟನೆಯ ಸಕ್ರಿಯ ಕಾರ್ಯಕರ್ತ.

ಬುಡ್ಕುಲೊ: ಬಿ.ಜೆ.ಪಿ.ಗೆ ಹೇಗೆ ಸೇರ್ಪಡೆಯಾದಿರಿ?

ಜಾಯ್ಲಸ್: ನಾನು 9 ವರ್ಷಗಳ ಹಿಂದೆ ಬಿಜೆಪಿಗೆ ಸೇರಿದೆ. ಮೊದಲು ನಾನು ಕಾಂಗ್ರೆಸ್ ಪಕ್ಷಕ್ಕಾಗಿ ದುಡಿಯುತ್ತಿದ್ದೆ. ನನ್ನ ಕೆಲಸ ನೋಡಿ ಬಿಜೆಪಿಯವರು ನನ್ನನ್ನು ಪಕ್ಷಕ್ಕೆ ಸೇರಿಸಿದರು. ನಮ್ಮ ಕ್ರೈಸ್ತ ಮುಖಂಡರು ಯಾವಾಗಲೂ, ನಾವು ಒಂದೇ ಪಕ್ಷವನ್ನು ಅವಲಂಬಿಸಿರಬಾರದು, ಇತರ ಪಕ್ಷಗಳಿಗೂ ಸೇರಬೇಕೆನ್ನುತ್ತಿದ್ದರು. ಹಾಗಾಗಿ ನಾನು ನಿರ್ಧಾರ ತೆಗೆದುಕೊಂಡೆ. ಬಿಜೆಪಿಗೆ ಕ್ರೈಸ್ತ ಮುಖಂಡರ ಅವಶ್ಯಕತೆಯಿತ್ತು. ಹಾಗೆ ನಾನು ಬಿಜೆಪಿಗೆ ಭರ್ತಿಯಾದೆ.

ಬುಡ್ಕುಲೊ: ರಾಜಕೀಯಕ್ಕೆ ಸೇರಿದ ಉದ್ದೇಶವೇನು?

ಜಾಯ್ಲಸ್: ಸಮಾಜಕ್ಕೆ ನನ್ನಿಂದೇನಾದರೂ ಕೊಡುಗೆ ನೀಡಬೇಕೆಂಬ ಅಪೇಕ್ಷೆ ನನ್ನಲ್ಲಿತ್ತು. ರಾಜಕೀಯ ಎಂದರೆ ಸಾಮಾಜಿಕ ಸೇವೆ ಮಾಡುವುದು. ರಾಜಕೀಯ ಅಧಿಕಾರವಿದ್ದರೆ ಹೆಚ್ಚಿನದನ್ನು ಸಾಧಿಸಲು ನೆರವಾಗುತ್ತದೆ. ಮಹತ್ತರವಾದುದನ್ನು ಸಾಧಿಸಿ ಸಮಾಜಕ್ಕೆ ನನ್ನ ಸೇವೆ ನೀಡುವುದು ನನ್ನ ಗುರಿ.

ಕ್ರೈಸ್ತರಿಗೆ ಅಪಥ್ಯವಾದ ಬಿಜೆಪಿಯಲ್ಲಿನ ಅನುಭವ…

ಬುಡ್ಕುಲೊ: ಹೆಚ್ಚಿನ ಕ್ರೈಸ್ತರಿಗೆ ಕಾಂಗ್ರೆಸ್ ಈಗಲೂ ನೆಚ್ಚಿನ ಪಕ್ಷ. ಬಿಜೆಪಿ ಎಂದರೆ ಅಷ್ಟಕ್ಕಷ್ಟೆ. ಅಂಥಾ ಜಾರ್ಜ್ ಫೆರ್ನಾಂಡಿಸ್‍ರಿಗೆ ಅವರು ಕಾಂಗ್ರೆಸ್ ವಿರೋಧಿ ಮತ್ತು ಬಿಜೆಪಿ ಜೊತೆಗೆ ಹೋದವರೆಂಬ ಕಾರಣಕ್ಕಾಗಿ ಅವರನ್ನು ಕ್ರೈಸ್ತ ಸಮುದಾಯ ಅಷ್ಟಾಗಿ ಗೌರವಿಸಲಿಲ್ಲ. ಇಂತಹ ಪ್ರತಿಕೂಲ ವಾತಾವರಣದಲ್ಲಿ ನೀವು ಬಿಜೆಪಿ ಸೇರಿದ್ದೀರಿ. ನಿಮ್ಮ ಅನುಭವ ಹೇಗಿದೆ?

ಜಾಯ್ಲಸ್: ನಮ್ಮ ಸಮುದಾಯದಲ್ಲಿ 90% ಜನರು ಮತದಾರರು. 5% ಜನರು ಮಾತ್ರ ರಾಜಕೀಯದಲ್ಲಿರುವವರು (5% ಧಾರ್ಮಿಕ ವರ್ಗದವರು). ಈ 5% ಜನರಲ್ಲಿ ಬಹುತೇಕರು ಕಾಂಗ್ರೆಸ್ಸಿಗರು. ಅವರಷ್ಟೇ ಹೀಗೆ ಹೇಳುವುದು. 90% ಜನರು ಮತದಾನದ ದಿನ ಮಾತ್ರ ರಾಜಕೀಯ ಮಾತನಾಡುವುದು. ನಾನು ಬಹಳ ಸಂಘಟನೆಗಳಲ್ಲಿ ದುಡಿದಿದ್ದೇನೆ. ನನ್ನ ಪರಿಚಯವಿರುವವರು ನನ್ನನ್ನು ವಿರೋಧಿಸಿಲ್ಲ. ನನಗೆ ಬೆಂಬಲ ಸಿಕ್ಕಿದೆ. ರಾಜಕೀಯದ ಜೊತೆಗೆ ಚರ್ಚ್‍ನ ಸಂಘಟನೆಗಳಲ್ಲಿ ಸಕ್ರಿಯನಾಗಿದ್ದರಿಂದ ನನಗೆ ಮಾನ್ಯತೆ ಸಿಕ್ಕಿದೆ. ‘ಜಾಯ್ಲಸ್ ನಮ್ಮ ವ್ಯಕ್ತಿ’ ಎಂದವರು ನನ್ನನ್ನು ಪರಿಗಣಿಸಿದ್ದಾರೆ. ಹಾಗಾಗಿ ನನಗೇನೂ ಹೆಚ್ಚಿನ ಸಮಸ್ಯೆಯಾಗಿಲ್ಲ. ಜಾರ್ಜ್ ಫೆರ್ನಾಂಡಿಸ್ ಅವರು ನಮ್ಮ ಸಮಾಜಕ್ಕಾಗಿ ಬಹಳಷ್ಟನ್ನು ಕೊಟ್ಟಿದ್ದಾರೆ. ಅವರಿಗೆ ನೈಜವಾಗಿ ದೊರಕಬೇಕಾದ ಗೌರವ ಸಿಕ್ಕಿಲ್ಲ. ಅವರಿಗೆ ಇನ್ನೂ ಹೆಚ್ಚಿನ ಮನ್ನಣೆ ಕೊಡಬೇಕಾಗಿತ್ತು.

ಬುಡ್ಕುಲೊ: ಬಿಜೆಪಿಯಲ್ಲಿ ನಿಮ್ಮನ್ನು ಹೇಗೆ ನಡೆಸಿಕೊಳ್ಳುತ್ತಿದ್ದಾರೆ?

ಜಾಯ್ಲಸ್: ನಾನು ಪಕ್ಷದ ಮೂಡುಬಿದ್ರೆ ವಲಯದಲ್ಲಿ ಕೆಲಸ ಮಾಡಿದ್ದೇನೆ. ಒಳ್ಳೆಯ ಕೆಲಸ ಮಾಡುವವರನ್ನು ಬಿಜೆಪಿಯಲ್ಲಿ ಆಹ್ವಾನಿಸಿ ಅವಕಾಶ ಕೊಡುತ್ತಾರೆ. ನನ್ನ ಕೆಲಸವನ್ನು ನೋಡಿಯೇ ಅವರು ನನ್ನನ್ನು ಪಕ್ಷಕ್ಕೆ ಬರಮಾಡಿಕೊಂಡಿದ್ದು. ದ.ಕ. ಜಿಲ್ಲಾ ಅಲ್ಪಸಂಖ್ಯಾತ ಮೋರ್ಚಾದ ಅಧ್ಯಕ್ಷನನ್ನಾಗಿ ಮಾಡಿದರು. ಇಡೀ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿ ಕೆಲಸ ಮಾಡಲು ಮತ್ತು ರಾಜ್ಯದ ಮುಖಂಡರೊಂದಿಗೆ ಬೆರೆಯಲು ಅವಕಾಶ ದೊರೆಯಿತು. ಬಿಜೆಪಿಗೆ ಮತ್ತಷ್ಟು ಹೆಚ್ಚಿನ ಜನರ ಮತ ಪಡೆಯಲು ದುಡಿದಿದ್ದೇನೆ. ಪ್ರಸ್ತುತ ರಾಜ್ಯದ ಕ್ರಿಶ್ಚಿಯನ್ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷನನ್ನಾಗಿ ನೇಮಿಸಿದ್ದಾರೆ. ಈ ಹುದ್ದೆಗೆ ಹಲವು ಜನ ಉಮೇದ್ವಾರರಿದ್ದರು. ನನ್ನ ಕೆಲಸ ನೋಡಿ ಪಕ್ಷ ನನ್ನನ್ನು ಆಯ್ಕೆ ಮಾಡಿದೆ. ಬಿಜೆಪಿಯಲ್ಲಿ ನನಗೆ ಒಳ್ಳೆಯ ಅನುಭವವಾಗಿದೆ.

ಬುಡ್ಕುಲೊ: ಯಾವುದೇ ಬೇಧಭಾವ ಮಾಡುವುದಿಲ್ಲವೇ..?

ಜಾಯ್ಲಸ್: ಇಲ್ಲ. ನಮ್ಮಲ್ಲಿನ ಎಲ್ಲಾ ಸಭೆಗಳಲ್ಲಿ ಎಲ್ಲರೂ ಜೊತೆಯಲ್ಲಿ ಕುಳಿತು ಚರ್ಚಿಸುತ್ತೇವೆ. ಯಾರನ್ನೂ ಹೊರಗಿಡುವುದಿಲ್ಲ. ಇತರ ಮೋರ್ಚಾಗಳೊಂದಿಗೆ ಅಲ್ಪಸಂಖ್ಯಾತ ಮೋರ್ಚಾದವರಿಗೂ ಅವಕಾಶ ಸಿಗುತ್ತದೆ. ಅಲ್ಲಿ ರಾಜಕೀಯ ವಿಚಾರಗಳನ್ನು ಚರ್ಚಿಸಲಾಗುತ್ತದೆ. ಪಕ್ಷವನ್ನು ಬಲಪಡಿಸುವ ವಿಚಾರ, ಜನರ ಅವಶ್ಯಕತೆಗಳನ್ನು ತಿಳಿದುಕೊಳ್ಳುವುದು, ಸರಕಾರದ ಯೋಜನೆಗಳನ್ನು ಜನರಿಗೆ ತಲುಪಿಸುವುದು ಮುಂತಾದ ಸಂಗತಿಗಳನ್ನು ಚರ್ಚಿಸುತ್ತೇವೆ. ಬಿಜೆಪಿಯಲ್ಲಿ ಕ್ರೈಸ್ತರಿಗಿಂತ ಹೆಚ್ಚಿನ ಸಂಖ್ಯೆಯಲ್ಲಿ ಮುಸ್ಲಿಮರಿದ್ದಾರೆ.

ಬುಡ್ಕುಲೊ: ಬಿಜೆಪಿಯನ್ನು ನಿಯಂತ್ರಿಸುವುದು ಆರ್.ಎಸ್.ಎಸ್. ಬಿಜೆಪಿಗೆ ಅಲ್ಪಸಂಖ್ಯಾತರ ಸಹಕಾರ, ಮತ ಬೇಕು ಎಂಬ ಕಾರಣಕ್ಕಾಗಿ ಅಲ್ಪಸಂಖ್ಯಾತರಿಗೆ ಅಲ್ಲಿ ಅವಕಾಶ ಸಿಗುತ್ತದೆ. ಆದರೆ ದೊಡ್ಡ ಹುದ್ದೆ, ಸ್ಥಾನಗಳಲ್ಲಿ ಅವರಿಗೆ ಅವಕಾಶ ಕೊಡುವುದಿಲ್ಲ. ಕೆಳ ಹಂತದ ಹುದ್ದೆ/ಸ್ಥಾನಗಳಲ್ಲಷ್ಟೇ ಅವರು ತೃಪ್ತಪಡಬೇಕು. ಉದಾಹರಣೆಗೆ, ಎಂಎಲ್‍ಎ ಅಥವಾ ಎಂಪಿ ಚುನಾವಣೆಗೆ ಟಿಕೆಟ್ ಕೊಡುವುದಿಲ್ಲ. ಬಿಜೆಪಿಯವರಿಗೆ ಅಲ್ಪಸಂಖ್ಯಾತರ ಮೇಲೆ ನೈಜ ಕಾಳಜಿಯಿಲ್ಲ… ಇಂತಹ ಆರೋಪಗಳು ಕೇಳಿ ಬರುತ್ತವೆಯಲ್ಲವೇ?

ಜಾಯ್ಲಸ್: ಹಾಗೆ ಹೇಳುವುದು ಸರಿಯಲ್ಲ. ಎಂಎಲ್‍ಎ ಚುನಾವಣೆಗೆ ಟಿಕೆಟ್ ಕೊಡುವಾಗ ಗೆಲ್ಲುವ ಸಾಧ್ಯತೆಯನ್ನು ಪರಿಗಣಿಸಬೇಕಾಗುತ್ತದೆ. ಆ ಮಟ್ಟಕ್ಕೆ ನಮ್ಮ ಮುಖಂಡರು ತಯಾರಾಗಿಲ್ಲ. ಬಿಜೆಪಿಯಲ್ಲಿರುವ ಕ್ರೈಸ್ತ ಮತ್ತು ಮುಸ್ಲಿಮ್ ನಾಯಕರು ಆ ಹಂತಕ್ಕಿನ್ನೂ ತಲುಪಿಲ್ಲ. ಗೆಲ್ಲುವ ಸಾಮರ್ಥ್ಯವುಳ್ಳ ಅಭ್ಯರ್ಥಿಗಳಿದ್ದರೆ ಪಕ್ಷ ಖಂಡಿತಾ ಟಿಕೆಟ್ ನೀಡುತ್ತದೆ. ಕೇಂದ್ರದಲ್ಲಿ ಬಿಜೆಪಿ ಸರ್ಕಾರ ರಚಿಸಿದಾಗ ಅಲ್ಪಸಂಖ್ಯಾತರಿಗೆ ಸಚಿವ ಸ್ಥಾನ ಕೊಡಲಾಗಿದೆ. ಹಿಂದಿನ ಎನ್‍ಡಿಎ ಸರ್ಕಾರದಲ್ಲಿ ಕೇರಳದ ಕ್ರೈಸ್ತರಾದ ಕೆ.ಜೆ. ಅಲ್ಫೋನ್ಸ್‍ರಿಗೆ ಸಚಿವ ಸ್ಥಾನ ನೀಡಲಾಗಿತ್ತು. ದೊಡ್ಡ ಚುನಾವಣೆಗಳಲ್ಲಿ ಗೆಲ್ಲುವ ಮಾನದಂಡವನ್ನು ಪರಿಗಣಿಸುತ್ತಾರೆ. ಕರಾವಳಿಯಲ್ಲಿ ಜಿಲ್ಲಾ ಪಂಚಾಯತ್, ಎಪಿಎಂಸಿ ಚುನಾವಣೆಗೆ ಕ್ರೈಸ್ತರಿಗೆ ಅವಕಾಶ ಸಿಕ್ಕಿದ್ದು, ಅವರು ಯಶಸ್ವಿಯಾಗಿದ್ದಾರೆ. ಅಲ್ಪಸಂಖ್ಯಾತರಿಗೆ ಅವಕಾಶ ನೀಡಿಲ್ಲವೆನ್ನುವುದು ತಪ್ಪು. ಎಂಎಲ್‍ಎ ಟಿಕೆಟ್ ಪಡೆಯುವ ಮಟ್ಟಕ್ಕೆ ನಮ್ಮ ಮುಖಂಡರು ತಲುಪಿಲ್ಲ. ಅದಕ್ಕಾಗಿ ಪಕ್ಷವನ್ನು ದೂರುವುದು ಸರಿಯಲ್ಲ. ಅಂತಹ ಮಟ್ಟವನ್ನು ತಲುಪಿದಾಗ ಪಕ್ಷ ಖಂಡಿತಾ ಅವಕಾಶ ಕೊಡುತ್ತದೆ.

ಬುಡ್ಕುಲೊ: ಕ್ರೈಸ್ತ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷ ಹುದ್ದೆ ನಿಮಗೆ ದೊರೆತಿದೆ. ನಿಮ್ಮ ಕಾರ್ಯ ಯೋಜನೆಗಳೇನು?

ಜಾಯ್ಲಸ್: ನಾನೀಗ ಅಧ್ಯಕ್ಷನಾಗಿದ್ದೇನೆ. ಸದಸ್ಯರ ನೇಮಕ ಇನ್ನಷ್ಟೇ ಆಗಬೇಕಿದೆ. ಪೂರ್ಣ ಸಮಿತಿ ರಚನೆಗೊಂಡ ನಂತರ ಮುಂದಿನ ಕಾರ್ಯ ಯೋಜನೆಗಳನ್ನು ನಿರ್ಧರಿಸುತ್ತೇವೆ. ನಿಧಿಯನ್ನು ಸಮುದಾಯದ ಸರ್ವತೋಮುಖ ಅಭಿವೃದ್ಧಿಗೆ ಬಳಸುವುದಕ್ಕಾಗಿ ಯೋಜಿಸುತ್ತೇವೆ. ಈ ಹಿಂದೆ ಅನುದಾನವನ್ನು ಬಹಳಷ್ಟು ಅಭಿವೃದ್ಧಿ ಕಾಮಗಾರಿಗಳಿಗಾಗಿ ಬಳಸಲಾಗಿದೆ. ಇನ್ನೂ ಹೆಚ್ಚಿನ ಅಗತ್ಯಗಳನ್ನು ಪೂರೈಸುವುದಕ್ಕಾಗಿ ಗಮನ ನೀಡುತ್ತೇವೆ. ರಾಜ್ಯದ ಇತರ ಪ್ರದೇಶಗಳಿಗೆ, ಅದರಲ್ಲೂ ಉತ್ತರ ಕರ್ನಾಟಕದ ಜನರಿಗೆ, ಹಣಕಾಸಿನ ನೆರವು ಅಗತ್ಯವಿದೆ. ಅಲ್ಲಿ ಚರ್ಚ್‍ಗಳಿಗೆ ಸರಿಯಾದ ಕಟ್ಟಡಗಳಿಲ್ಲ. ಹಾಸ್ಟೆಲ್‍ಗಳಿಗೆ ನೆರವಿನ ಅಗತ್ಯವಿದೆ.

ನಮ್ಮ ಸಮುದಾಯದ ವಿದ್ಯಾರ್ಥಿಗಳು ಸ್ಪರ್ಧಾತ್ಮಕ ಪರೀಕ್ಷೆಗಳ ಕಡೆಗೆ ಆಕರ್ಷಿತರಾಗಲು ಹೆಚ್ಚಿನ ನೆರವು ಅಗತ್ಯವಿದೆ. ಮಂಗಳೂರಿನ ಸೈಂಟ್ ಅಲೋಶಿಯಸ್ ಕಾಲೇಜಿನಲ್ಲಿ ಈಗಾಗಲೇ ಈ ನಿಟ್ಟಿನಲ್ಲಿ ತರಬೇತಿ ಕೇಂದ್ರ ಸ್ಥಾಪನೆಯಾಗಿದೆ. ಈ ದಿಸೆಯಲ್ಲಿ ದೊಡ್ಡ ಮಟ್ಟದ ಯೋಜನೆಯ ಅಗತ್ಯವಿದೆ. ಅಲ್ಲದೆ, ಹಳ್ಳಿ, ಗ್ರಾಮೀಣ ಪ್ರದೇಶಗಳಲ್ಲಿ ಸಣ್ಣ ಆಸ್ಪತ್ರೆ, ಡಿಸ್ಪೆನ್ಸರಿಗಳಿಗೆ ಆರ್ಥಿಕ ನೆರವು ಬೇಕಾಗಿದೆ. ನೆರವಿನ ಅವಶ್ಯಕತೆಯಿರುವ ಶಾಲೆಗಳಿಗೂ ಸಹಾಯ ಮಾಡಬೇಕಾಗಿದೆ. ಬಡ ಜನರಿಗೆ ನೆರವು ನೀಡುವ ಯೋಜನೆಗಳಿಗೆ ಹೆಚ್ಚಿನ ಅನುದಾನ ಕೊಡಬೇಕಾಗಿದೆ.

ಹೆಚ್ಚಿನ ಅನುಕೂಲಕ್ಕಾಗಿ ಮಂಡಳಿಯನ್ನು ನಿಗಮವನ್ನಾಗಿ ಮೇಲ್ದರ್ಜೆಗೇರಿಸುವುದು ಅವಶ್ಯಕ. ನಿಗಮ ಸ್ಥಾಪಿಸುವ ಘೋಷಣೆಯಾಗಿದೆ, ಅದಿನ್ನೂ ಜಾರಿಯಾಗಬೇಕಾಗಿದೆ. ಆ ನಿಟ್ಟಿನಲ್ಲಿ ನಾನು ತುಂಬಾ ಶ್ರಮಿಸುತ್ತಿದ್ದೇನೆ. ನಿಗಮ ಸ್ಥಾಪನೆಯಾದಲ್ಲಿ ಇನ್ನಷ್ಟು ಹೆಚ್ಚಿನ ನೆರವು ಪಡೆಯಲು ಹಾಗೂ ಮತ್ತಷ್ಟು ಪ್ರಯೋಜನಕಾರಿ ಯೋಜನೆಗಳನ್ನು ಜಾರಿಗೊಳಿಸಲು ಸಾಧ್ಯವಾಗುತ್ತದೆ. ಬಡ ಮಕ್ಕಳ ಹಾಸ್ಟೆಲ್‍ಗಳಿಗೆ ನೆರವು ನೀಡಬೇಕಾಗಿದೆ.

ರಾಜ್ಯದಲ್ಲಿ ಕ್ರೈಸ್ತ ಅಭಿವೃದ್ಧಿ ಮಂಡಳಿಯನ್ನು ಸ್ಥಾಪಿಸಿದ್ದೇ ಬಿಜೆಪಿ ಸರಕಾರ. ಹಿಂದೆ ಮುಖ್ಯಮಂತ್ರಿ ಯಡಿಯೂರಪ್ಪನವರ ಮುತುವರ್ಜಿಯಿಂದ ಮಂಡಳಿ ಸ್ಥಾಪನೆಗೊಂಡಿತ್ತು. ಈಗ ಅದನ್ನು ನಿಗಮ ಮಾಡುವುದಕ್ಕೆ ಅವರು ಉತ್ಸುಕರಾಗಿದ್ದು, ಕ್ರೈಸ್ತ ಸಮುದಾಯಕ್ಕೆ ಹೆಚ್ಚಿನ ಮಟ್ಟದ ನೆರವು ನೀಡಲು ಅವರು ಬಹಳಷ್ಟು ಗಮನ ಹರಿಸಿದ್ದಾರೆ.

ಕಪಾಲಬೆಟ್ಟದಲ್ಲಿ ಯೇಸು ಮೂರ್ತಿ ಮತ್ತು ರಾಜಕೀಯ…

ಬುಡ್ಕುಲೊ: ಕನಕಪುರದ ಕಪಾಲಬೆಟ್ಟದಲ್ಲಿ ನಿಜಕ್ಕೂ ನಡೆಯುತ್ತಿರುವುದೇನು? ಅಲ್ಲಿ ಯೇಸುವಿನ ಮೂರ್ತಿಯನ್ನು ನಿರ್ಮಿಸುವುದಕ್ಕೆ ಯಾಕೆ ವಿರೋಧ? ಡಾ. ಕಲ್ಲಡ್ಕ ಪ್ರಭಾಕರ್ ಭಟ್ ಅವರು ಅಲ್ಲಿಗೆ ಹೋಗಿ ಮಾತನಾಡಿ ಬಂದರಲ್ಲಾ..!

ಜಾಯ್ಲಸ್: ಕಪಾಲಬೆಟ್ಟದಲ್ಲಿ ಯೇಸುವಿನ ಬೃಹತ್ ಮೂರ್ತಿ ಸ್ಥಾಪನೆಯ ಯೋಜನೆಗೆ ಕಾಂಗ್ರೆಸ್ ನಾಯಕ ಡಿ.ಕೆ. ಶಿವಕುಮಾರ್ ಹೋಗಿದ್ದರು. ಧರ್ಮ ಮತ್ತು ರಾಜಕೀಯ ಬೆರೆಯುವಾಗ ಎಚ್ಚರಿಕೆ ವಹಿಸಬೇಕು. ಯಾವಾಗಲೂ ಒಂದೇ ಪರಿಸ್ಥಿತಿ ಇರುತ್ತದೆ ಎನ್ನಲಾಗದು. ಅಲ್ಲಿನವರು ಸ್ವಲ್ಪ ಎಚ್ಚರಿಕೆಯಿಂದ ವರ್ತಿಸಬೇಕಿತ್ತು. ಧಾರ್ಮಿಕ ಕಾರ್ಯಕ್ರಮಗಳಿಂದ ರಾಜಕೀಯವನ್ನು ದೂರವಿರಿಸಬೇಕಿತ್ತು.

ಕಾಂಗ್ರೆಸಿನ ಡಿ.ಕೆ. ಶಿವಕುಮಾರ್ ಅವರು ರಾಜಕೀಯ ಮಾಡುವಾಗ ಇತರ ಪಕ್ಷದವರು ರಾಜಕೀಯ ಮಾಡಿದರೆ ತಪ್ಪೇನಿದೆ? ನಮ್ಮ ಧಾರ್ಮಿಕ ವರ್ಗದವರು ಒಂದೇ ಪಕ್ಷಕ್ಕೆ ಪ್ರಾಮುಖ್ಯತೆ ನೀಡುವ ಮುಂಚೆ ಚಿಂತನೆ ನಡೆಸಬೇಕಿತ್ತು. ಎಲ್ಲ ಪಕ್ಷಗಳಿಗೂ ಮನ್ನಣೆ ನೀಡಬೇಕಿತ್ತು. ಡಾ. ಕಲ್ಲಡ್ಕ ಪ್ರಭಾಕರ್ ಭಟ್‍ರನ್ನು ಕರೆದಿದ್ದಕ್ಕೆ ಹೋಗಿ ಕೇವಲ ಭಾಷಣ ಮಾಡಿದ್ದಾರೆ.

ಪೌರತ್ವ ಕಾನೂನು ಮತ್ತು ಕ್ರಿಶ್ಚಿಯನ್ನರ ಆತಂಕ…

ಬುಡ್ಕುಲೊ: ಸಿ.ಎ.ಎ., ಎನ್.ಆರ್.ಸಿ. ಆನಿ ಎನ್.ಪಿ.ಆರ್. ಕುರಿತು ಗೊಂದಲ ಎಲ್ಲಾ ಕಡೆ ವ್ಯಾಪಿಸಿದೆ. ತಮಗೂ ಮುಂದೆ ಅಪಾಯ ಕಾದಿದೆ ಎಂದು ಕ್ರೈಸ್ತರು ಆತಂಕಕ್ಕೊಳಗಾಗಿದ್ದಾರೆ. ಮೊದಲು ಮುಸ್ಲಿಮರನ್ನು ಟಾರ್ಗೆಟ್ ಮಾಡಲಾಗಿದೆ, ನಂತರದ ಸರದಿ ಕ್ರೈಸ್ತರದ್ದು ಎಂಬುದಾಗಿ ಕೆಲವರು ವಾದಿಸುತ್ತಿದ್ದಾರೆ… ನಿಜ ಸಂಗತಿ ಏನು?

ಜಾಯ್ಲಸ್: ಸಿ.ಎ.ಎ. ಕಾನೂನು ನಮಗ್ಯಾರಿಗೂ ಅಲ್ಲವೇ ಅಲ್ಲ. ಪಾಕಿಸ್ತಾನ, ಅಫ್ಗಾನಿಸ್ತಾನ ಮತ್ತು ಬಾಂಗ್ಲಾದೇಶದಿಂದ ಬಂದ ಮುಸ್ಲಿಮೇತರ ನಿರಾಶ್ರಿತರಿಗೆ ಮಾತ್ರ ಆ ಕಾನೂನು ಅನ್ವಯಿಸುತ್ತದೆ. ಇಲ್ಲಿ ಯಾರು ನಾಗರಿಕರಾಗಿದ್ದಾರೋ ಅವರಿಗೆ ಅದು ಅನ್ವಯಿಸುವುದಿಲ್ಲ. ಇಲ್ಲಿರುವ ಯಾರಿಗೂ ಏನೂ ಸಮಸ್ಯೆಯಿಲ್ಲ. ಸಂಸತ್ತಿನಲ್ಲಿ ಕಾಯ್ದೆ ಮಂಜೂರಾಗಿ ಕಾನೂನಾಗಿದೆ. ಅದರಲ್ಲಿರುವ ಹಿಂದಿನ ನಿಯಮಗಳನ್ನು ಬದಲಿಸಿಲ್ಲ ಆಥವಾ ತೆಗೆದು ಹಾಕಿಲ್ಲ. ಅವು ಮೂರೂ ಮುಸ್ಲಿಮ್ ರಾಷ್ಟ್ರಗಳು, ನಮ್ಮ ಭಾರತ ಜಾತ್ಯತೀತ ರಾಷ್ಟ್ರ. ಅಫ್ಗಾನಿಸ್ತಾನದಿಂದ ಹಲವಾರು ಕ್ರೈಸ್ತರು ನಿರಾಶ್ರಿತರಾಗಿ ಬಂದಿದ್ದು ಅವರು ದೆಹಲಿಯಲ್ಲಿ ಆಶ್ರಯ ಪಡೆದಿದ್ದಾರೆ.

ನಾವೆಲ್ಲಾ ಭಾರತದ ನಾಗರಿಕರಾಗಿ ಯಾರಿದ್ದೇವೋ ಅವರಿಗೆ ಈ ಕಾನೂನು ಖಂಡಿತಾ ಅನ್ವಯಿಸುವುದಿಲ್ಲ. ಯಾರು ಈ ಬಗ್ಗೆ ವಿರೋಧಿಸುತ್ತಿದ್ದಾರೋ ಅವರು ಕೇವಲ ರಾಜಕೀಯ ಕಾರಣಗಳಿಗೋಸ್ಕರ ಮಾತನಾಡುತ್ತಿದ್ದಾರೆ. ಯಾರಿಗೂ ಅನ್ಯಾಯವಾಗುವುದಿಲ್ಲ. ಭಾರತದ ಮುಸ್ಲಿಮರಿಗೂ ಯಾವುದೇ ತೊಂದರೆಯಿಲ್ಲ. ವಿರೋಧ ಪಕ್ಷಗಳಿಗೆ ಅಸ್ತಿತ್ವದ ಸಮಸ್ಸೆ ಕಾಡುತ್ತಿದೆ. ತಮ್ಮ ಅಸ್ತಿತ್ವವನ್ನು ಉಳಿಸುವ ಸಲುವಾಗಿ ಈ ವಿಚಾರಗಳನ್ನು ತೆಗೆದುಕೊಂಡು ಗೊಂದಲ ಸೃಷ್ಟಿಸುತ್ತಿದ್ದಾರೆ. ಅದು ಅವರ ಅನಿವಾರ್ಯತೆ. ಜನರಿಗೆ ಯಾವುದೇ ಸಮಸ್ಯೆಯಾಗದು. ಪೌರತ್ವ ಕಾನೂನನ್ನು ವಿರೋಧಿಸುವವರು ಅದನ್ನು ಓದಿಯೇ ಇಲ್ಲ.

ಬುಡ್ಕುಲೊ: ಎನ್.ಆರ್.ಸಿ. ಎಂದರೇನು? ಇಲ್ಲಿರುವ ಜನರು ತಮ್ಮ ಪೌರತ್ವವನ್ನು ಸಾಬೀತುಪಡಿಸಬೇಕೇ?

ಜಾಯ್ಲಸ್: ಅಸ್ಸಾಂನಲ್ಲಿ ಮಾತ್ರ ಎನ್.ಆರ್.ಸಿ. ಜಾರಿಯಾಗಿದೆ. ಯು.ಪಿ.ಎ. ಸರ್ಕಾರ ಅದನ್ನು ಜಾರಿಗೆ ತಂದಿತ್ತು. ಸುಪ್ರೀಂ ಕೋರ್ಟಿನ ನಿರ್ದೇಶನಾನುಸಾರ ಅಸ್ಸಾಂ ರಾಜ್ಯದಲ್ಲಿ ಅದನ್ನು ಜಾರಿಗೊಳಿಸಲಾಗಿದೆ. ಇಡೀ ದೇಶಕ್ಕೆ ಅಳವಡಿಸಿಲ್ಲ. ಆ ಬಗ್ಗೆ ಸರ್ಕಾರವೇ ಸ್ಪಷ್ಟನೆ ನೀಡಿದೆ. ವಿರೋಧ ಪಕ್ಷಗಳು ಸುಮ್ಮನೆ ಜನರ ನಡುವೆ ಗೊಂದಲ ಹುಟ್ಟಿಸಿ ಸಂಶಯ ಮೂಡಿಸುತ್ತಿವೆ.

ಬುಡ್ಕುಲೊ: ಹಾಗಾದರೆ, ಕ್ರೈಸ್ತ ಸಮುದಾಯದವರು ಈ ಬಗ್ಗೆ ಆತಂಕ ಪಡುವ ಅಗತ್ಯವಿಲ್ಲವೆನ್ನುತ್ತೀರಾ?

ಜಾಯ್ಲಸ್: 100% ಹೆದರುವ ಅಗತ್ಯವಿಲ್ಲ. ಕ್ರೈಸ್ತರು ಮಾತ್ರವಲ್ಲ, ಭಾರತದ ನಾಗರಿಕರಾಗಿರುವ ಯಾರೂ ಸಹ ಖಂಡಿತವಾಗಿ ಆತಂಕಕ್ಕೊಳಪಡಬೇಕಿಲ್ಲ. ಭಾರತೀಯರಿಗೆ ಯಾವುದೇ ಸಮಸ್ಸೆಗಳಿಲ್ಲ.

ಬುಡ್ಕುಲೊ: ಕ್ರೈಸ್ತರ ಪರವಾಗಿ ಬೆಂಗಳೂರಿನ ಆರ್ಚ್ ಬಿಶಪ್ ವಿರೋಧ ವ್ಯಕ್ತಪಡಿಸಿ ಹೇಳಿಕೆ ನೀಡಿದ್ದಾರಲ್ಲವೇ? ಅದಕ್ಕೇನು ಹೇಳುತ್ತೀರಿ?

ಜಾಯ್ಲಸ್: ಆರ್ಚ್ ಬಿಶಪರ ಮಾತಿಗೆ ನಾನು ಕಮೆಂಟ್ ಮಾಡುವುದಿಲ್ಲ. ಅವರಿಗೆ ಆ ಸಂದರ್ಭದಲ್ಲಿ ತಪ್ಪು ಮಾಹಿತಿ ಸಿಕ್ಕಿರಬಹುದು, ಹಾಗೂ, ಅವರು ಅವಸರ ಮಾಡಿದರೆಂದು ಕಾಣುತ್ತದೆ. ಅದರ ಬದಲು ಸರಿಯಾದ ಮಾಹಿತಿ ಪಡೆದುಕೊಂಡಿರಬೇಕಿತ್ತು ಎಂದು ನನಗೆ ಅನಿಸುತ್ತದೆ.

ಮಾರ್ಗರೆಟ್ ಆಳ್ವರಿಂದ ಕೇಂದ್ರ ಸರ್ಕಾರದ ವಿರುದ್ಧ ವಾಗ್ದಾಳಿ…

ಬುಡ್ಕುಲೊ: ಉಡುಪಿಯಲ್ಲಿ ಕಥೊಲಿಕ್ ಸಭಾ ಆಯೋಜಿಸಿದ್ದ ಕ್ರೈಸ್ತ ಸಮುದಾಯೋತ್ಸವದಲ್ಲಿ ಕಾಂಗ್ರೆಸ್ ನಾಯಕಿ ಮಾರ್ಗರೆಟ್ ಆಳ್ವರವರು ಸಿಎಎ, ಎನ್‍ಆರ್‍ಸಿ, ಎನ್‍ಪಿಆರ್ ವಿರುದ್ಧ ಉಗ್ರ ಖಂಡನೆಯನ್ನು ವ್ಯಕ್ತಪಡಿಸಿದ್ದಾರಲ್ಲಾ…

ಜಾಯ್ಲಸ್: ತಮಗೆ ದೊರೆತ ವೇದಿಕೆಯನ್ನು ಯಾವುದಕ್ಕಾಗಿ ಬಳಸಬೇಕೆಂಬಷ್ಟು ಪ್ರಜ್ಞೆ ಇರದಿದ್ದುದು ಮಾರ್ಗರೆಟ್ ಆಳ್ವರವರ ಸಣ್ಣತನವೆನ್ನಬಹುದು. ಕಥೊಲಿಕ್ ಸಭಾ ಸಮಾವೇಶವನ್ನು ಆಯೋಜಿಸಿದ್ದು ಕ್ರೈಸ್ತ ಸಮುದಾಯದ ವಿಚಾರಗಳ ಬಗ್ಗೆ ಚರ್ಚಿಸಲು. ಅಲ್ಲಿ ಹೋಗಿ ಆಕೆ ಏಕಪಕ್ಷೀಯವಾಗಿ ಮಾತನಾಡಿದ್ದು ಸರಿಯಲ್ಲ. ರಾಜಕೀಯವನ್ನು ಬೇರೆ ಕಡೆ ಮಾತನಾಡಬಹುದಿತ್ತು. ಕ್ರೈಸ್ತ ಸಮಾಜದ ಉನ್ನತ ನಾಯಕಿ ಎಂಬ ಕಾರಣಕ್ಕೆ ಗೌರವಿಸಿ ಆಕೆಯನ್ನು ಅಲ್ಲಿಗೆ ಕರೆಸಿದ್ದರು. ಅಲ್ಲಿ ಆಕೆ ರಾಜಕೀಯ ಮಾತನಾಡಿದ್ದು ತಪ್ಪು. ಅನಗತ್ಯವಾದುದನ್ನು ಆಕೆ ಮಾತನಾಡಿದರು. ಅವರು ದೊಡ್ಡ ಸ್ಥಾನದಲ್ಲಿರಬಹುದು, ಆದರೆ, ಅಲ್ಲಿ ಆಕೆ ತಮ್ಮ ಸಣ್ಣತನವನ್ನು ತೋರ್ಪಡಿಸಿದರು. ಇತರರ ವೇದಿಕೆಯನ್ನು ಆಕೆ ದುರುಪಯೋಗಿಸಿಕೊಂಡರು.

ಬುಡ್ಕುಲೊ: ನೀವೂ ವೇದಿಕೆಯಲ್ಲಿದ್ದಿರಿ. ನಿಮಗೆ ಪ್ರತಿಕ್ರಿಯೆ ಕೊಡಬಹುದಿತ್ತು…

ಜಾಯ್ಲಸ್: ಆ ಬಗ್ಗೆ ನನಗೆ ಹಲವರು ಸಲಹೆ ನೀಡಿದರು. ಆ ಕಾರ್ಯಕ್ರಮವನ್ನು ಕಥೊಲಿಕ್ ಸಭಾದವರು ಆಯೋಜಿಸಿದ್ದರು. ಆ ವೇದಿಕೆಯನ್ನು ದುರ್ಬಳಕೆ ಮಾಡಿ ರಾಜಕೀಯ ಮಾತನಾಡಲು ನಾನು ಇಚ್ಛಿಸಲಿಲ್ಲ. ಹಾಗೆ ಮಾಡುವುದು ನನಗೆ ಸರಿಯೆನಿಸಲಿಲ್ಲ. ಮಾರ್ಗರೆಟ್ ಆಳ್ವರವರು ಬೇಡದ್ದನ್ನು ಮಾತನಾಡಿದ್ದಕ್ಕೆ ಕಥೊಲಿಕ್ ಸಭಾದವರನ್ನು ಹೊಣೆಗಾರರನ್ನಾಗಿ ಮಾಡಲು ಆಗುವುದಿಲ್ಲ. ರಾಜಕೀಯವೇನಿದ್ದರೂ ಧಾರ್ಮಿಕ ಚಟುವಟಿಕೆಗಳ ಹೊರಗೆ ಮಾಡುವಂಥದ್ದು. ಹಾಗಾಗಿ ಅಲ್ಲಿ ನಾನು ಪ್ರತಿಕ್ರಿಯೆ ನೀಡಲಿಲ್ಲ.

ಬುಡ್ಕುಲೊ: ನಿಮ್ಮ ಸರ್ಕಾರ ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿಗೆ, ಕೊಂಕಣಿ ಸಾಹಿತ್ಯ ಮತ್ತು ಸಂಸ್ಕೃತಿಗೆ ಅತೀ ಹೆಚ್ಚಿನ ಕೊಡುಗೆ ನೀಡಿದ ಕ್ರೈಸ್ತ ಸಮುದಾಯದ ಒಬ್ಬರನ್ನೂ ಸದಸ್ಯನನ್ನಾಗಿ ನೇಮಿಸಿಲ್ಲದಕ್ಕೆ ವಿರೋಧ ವ್ಯಕ್ತವಾಗಿತ್ತು…

ಜಾಯ್ಲಸ್: ಆ ಬಗ್ಗೆ ಸ್ವಲ್ಪ ಗೊಂದಲ ಉಂಟಾಗಿತ್ತು. ಸರಿಪಡಿಸಲು ಕ್ರಮಗಳನ್ನು ಕೈಗೊಳ್ಳಲಾಗಿದೆ.

ಬುಡ್ಕುಲೊ: ಮಂಗಳೂರು ನಗರಪಾಲಿಕೆ ಚುನಾವಣೆಯಲ್ಲಿ ಕ್ರೈಸ್ತರು ಬಿಜೆಪಿಯನ್ನು ಬೆಂಬಲಿಸಿದ್ದಾರಾ?

ಜಾಯ್ಲಸ್: ಹೌದು. ಹೆಚ್ಚಿನ ಸಂಖ್ಯೆಯಲ್ಲಿ ಕ್ರೈಸ್ತರು ಬಿಜೆಪಿಯನ್ನು ಬೆಂಬಲಿಸಿದ್ದಾರೆ. ಇಷ್ಟೊಂದು ಹೆಚ್ಚಿನ ಸಂಖ್ಯೆಯಲ್ಲಿ ಸ್ಥಾನಗಳನ್ನು ಗೆಲ್ಲಲು ಕ್ರೈಸ್ತರು ನಮಗೆ ಮತ ನೀಡಿದ್ದೂ ಕಾರಣ. ವಿಧಾನಸಭೆ ಮತ್ತು ಲೋಕಸಭಾ ಚುನಾವಣೆಯಲ್ಲಿಯೂ ಕ್ರೈಸ್ತರು ಬಿಜೆಪಿಗೆ ಬೆಂಬಲ ನೀಡಿದ್ದಾರೆ.

ಬುಡ್ಕುಲೊ: ನಿಮಗೆ ಕ್ರೈಸ್ತ ಧಾರ್ಮಿಕ ವರ್ಗದ ಸಹಕಾರ ಹೇಗೆ ಸಿಗುತ್ತಿದೆ?

ಜಾಯ್ಲಸ್: ಧಾರ್ಮಿಕ ವರ್ಗದವರ ಸಹಕಾರ ಚೆನ್ನಾಗಿದೆ. ಎಲ್ಲರೂ ನನ್ನನ್ನು ಗುರುತಿಸುತ್ತಿದ್ದಾರೆ. ಉತ್ತಮ ಬೆಂಬಲ ನೀಡುತ್ತಿದ್ದಾರೆ. ಧಾರ್ಮಿಕರು ಸಾರ್ವಜನಿಕರು ಎಂಬ ಬೇಧವೇನಿಲ್ಲ. ಎಲ್ಲರೂ ಕೈ ಜೋಡಿಸಿ ಶ್ರಮಿಸಿದರೆ ಸಮುದಾಯದ ಅಭಿವೃದ್ಧಿ ಸಾಧ್ಯ. ನಮ್ಮ ಕ್ರೈಸ್ತ ಸಮುದಾಯ ಹೆಮ್ಮೆ ಪಡುವಂತಹ ಕೆಲಸ ಮಾಡಲು ಶ್ರಮಿಸುತ್ತೇನೆ. ಪ್ರಸ್ತುತ ಮಂಡಳಿಯನ್ನು ನಿಗಮವನ್ನಾಗಿಸುವ ಪ್ರಕ್ರಿಯೆಗಾಗಿ ಹೆಚ್ಚಿನ ಗಮನ ನೀಡುತ್ತಿದ್ದೇನೆ.

ಬುಡ್ಕುಲೊ: ಸರ್ಕಾರಿ ಉದ್ಯೋಗಗಳಲ್ಲಿ, ಉನ್ನತ (ಕೆಎಎಸ್, ಐಎಎಸ್) ಹುದ್ದೆಗಳಲ್ಲಿ ಮತ್ತು ರಾಜಕೀಯದಲ್ಲಿ ಕ್ರೈಸ್ತರ ಪ್ರಾತಿನಿಧ್ಯ ತುಂಬಾ ಅಲ್ಪವಾಗಿದೆ. ಆ ಬಗ್ಗೆ ಎಲ್ಲಾ ಕಡೆ ಅಸಮಾಧಾನ ವ್ಯಕ್ತವಾಗುತ್ತಿದೆ. ಸಮಾವೇಶಗಳಲ್ಲಿ ಚರ್ಚಿಸಲಾಗುತ್ತಿದೆ. ಈ ನಿಟ್ಟಿನಲ್ಲಿ ಸುಧಾರಣೆಯಾಗಲು ನಿಮ್ಮ ಆಲೋಚನೆಗಳೇನು? ನಮ್ಮ ಯುವಜನರನ್ನು ಪ್ರೇರೇಪಿಸಲು ಏನು ಕ್ರಮ ಕೈಗೊಳ್ಳಬಹುದು?

ಜಾಯ್ಲಸ್: ನಾನು ಕ್ರೈಸ್ತ ಅಭಿವೃದ್ಧಿ ಮಂಡಳಿಯ ಅಧ್ಯಕ್ಷನಾದ ಬಳಿಕ, ಕರ್ನಾಟಕ ರಾಜ್ಯ ಕ್ರೈಸ್ತ ಸರಕಾರಿ ನೌಕರರ ಸಂಘದ ಮುಖಂಡರು ನನ್ನೊಡನೆ ಈ ಬಗ್ಗೆ ಚರ್ಚಿಸಿದ್ದಾರೆ. ಯುಪಿಎಸ್ಸಿ, ಕೆಪಿಎಸ್ಸಿ ಸ್ಪರ್ಧಾತ್ಮಕ ಪರೀಕ್ಷೆಗಳತ್ತ ವಿದ್ಯಾರ್ಥಿಗಳನ್ನು ಸೆಳೆಯಲು ಸಂಸ್ಥೆಯೊಂದನ್ನು ಪ್ರಾರಂಭಿಸಲು ಅವರು ಆಸಕ್ತರಾಗಿದ್ದಾರೆ. ಅವರಿಗೆ ಸ್ವಾನುಭವ, ಮಾಹಿತಿಯಿದೆ. ಮಂಡಳಿಯಿಂದ ನೆರವು ನೀಡಲು ಕೋರಿದ್ದಾರೆ. ಆ ನಿಟ್ಟಿನಲ್ಲಿ ಎಲ್ಲಾ ಸಹಕಾರ ನೀಡುತ್ತೇನೆ. ನಮ್ಮ ಯುವ ಸಮುದಾಯಕ್ಕೆ ಇಂತಹ ಸಂಸ್ಥೆಯ ಅಗತ್ಯವಿದೆ. ಆ ಮೂಲಕ ಆಸಕ್ತ ವಿದ್ಯಾರ್ಥಿಗಳಿಗೆ ಮಾರ್ಗದರ್ಶನ ಮತ್ತು ತರಬೇತಿ ಸಿಗಲಿದೆ.

Send Feedback to: budkuloepaper@gmail.com

Like us at: www.facebook.com/budkulo.epaper

Visit and Watch Videos in our YouTube Channel

The post ಸಿಎಎ, ಎನ್‌ಆರ್‌ಸಿಯಿಂದ ಕ್ರೈಸ್ತರಿಗೆ ಯಾವುದೇ ಸಮಸ್ಯೆಯಿಲ್ಲ; ಮಾರ್ಗರೆಟ್ ಆಳ್ವರ ಠೀಕೆ ಅನಗತ್ಯ: ಬಿಜೆಪಿ ಮುಖಂಡ ಜಾಯ್ಲಸ್ ಡಿಸೋಜ appeared first on Budkulo.

ಪಾಟ್ಲ್ಯಾ ಎಕಾ ಮಹಿನ್ಯಾಚ್ಯಾ ಆವ್ದೆ ಭಿತರ್ ಉಡುಪಿ ಆನಿ ಮಂಗ್ಳುರ್ ದಿಯೆಸೆಜಿಂತ್ ದೋನ್ ಬೃಹತ್ ಸಮಾವೇಶ್ ಚಲ್ಲೆ – ಕಲ್ಯಾಣ್ಪುರ್ ಆನಿ ಮಡಂತ್ಯಾರಾಂತ್. ದೊನೀ ಕಡೆನ್ ಜಾಯ್ತಿ ಚರ್ಚಾ ಜಾಲಿ, ತ್ಯಾಚ್ ಸದಾಂಚ್ಯಾ ಗಜಾಲಿಂಚೆರ್. ತಾಂಚೆ ಪಯ್ಕಿ ಏಕ್, ಕ್ರಿಸ್ತಾಂವಾಂನಿ ಎಕಾಚ್ ಪಾಡ್ತಿಚೆರ್ ಹೊಂದ್ವೊನ್ ರಾಂವ್ಚಿ ಗಜಾಲ್. ರಾಜಕೀಯ್ ಮ್ಹಳ್ಯಾರ್, ಕೊಂಗ್ರೆಸ್ ಪಾಡ್ತಿಚೆ ಮುಖೆಲಿ ಮಾತ್ರ್ ಕ್ರಿಸ್ತಾಂವಾಂಕ್ ಖಾಯ್ಸ್! ಕರಾವಳಿಂತ್ ಕೊಂಗ್ರೆಸ್ ಸೊಡ್ಲ್ಯಾರ್ ಬಿಜೆಪಿಚ್ ಪರ್ಯಾಯ್. ಪುಣ್ ಬಿಜೆಪಿ ಮ್ಹಳ್ಯಾರ್ ಕ್ರಿಸ್ತಾಂವಾಂಕ್ ಜಾಯ್ನಾ! ಬಿಜೆಪಿಚೊ ಮುಖೆಲಿ ವಾ ಕಾರ್ಯಕರ್ತ್ ಮ್ಹಳ್ಯಾರ್ ತಾಕಾ ದುಬಾವಾನ್ ಪಳೆಂವ್ಚಿ ಪರಿಗತ್ ಆಮ್ಚ್ಯಾ ಸಮುದಾಯಾಂತ್ ಆಸಾ. ತೆದೊ ವ್ಹಡ್ ಕಾರ್ಬಾರಿ, ದೇಶಾನ್ ದೆಖ್‍ಲ್ಲೊ ಮಹಾನ್ ರಾಜಕೀಯ್ ಝುಜಾರಿ, ಕೇಂದ್ರ್ ಮಂತ್ರಿ ಜಾವ್ನಾಸ್‍ಲ್ಲ್ಯಾ ಜಾರ್ಜ್ ಫೆರ್ನಾಂಡಿಸಾಕ್‍ಚ್ ಜೊಕ್ತೊ ಮಾನ್-ಗೌರವ್ ದಿಂವ್ಚ್ಯಾಕ್ ಆಮ್ಚಿ ಸಮಾಜ್ ಸಲ್ವಲ್ಯಾ. ತೆಂಯೀ, ತೊ ಏಕ್ ಮಂಗ್ಳುರಿ ಕ್ರಿಸ್ತಾಂವ್ ಜಾವ್ನಾಸೊನ್!

ಅಸಲ್ಯಾ ಪರಿಸ್ಥಿತೆಂತ್, ಬಿಜೆಪಿಕ್ ಎಕ್ಲೊ ಕ್ರಿಸ್ತಾಂವ್ ಫುಡಾರಿ ಗೆಲೊ ಮ್ಹಳ್ಯಾರ್ ತಾಚೆಂ ಧಯ್ರ್ ಮೆಚ್ವಜೆಚ್. ಹಾಂಗಾ ಆಸಾ ತಸಲೊ ಎಕ್ಲೊ ತಾಂಕಿವಂತ್ ರಾಜಕೀಯ್ ಫುಡಾರಿ, ಯುವ ಮುಖೆಲಿ, ತಾಕೊಡೆ ಫಿರ್ಗಜೆಚೊ ಜೋಯ್ಲಸ್ ಡಿಸೋಜ. ತೊ ಬಿಜೆಪಿಂತ್ ಆಸ್‍ಲ್ಲೊ ಮ್ಹಳ್ಳೆಂ ಆಖ್ಖ್ಯಾ ಸಮುದಾಯಾಕ್ ಕಳಿತ್ ಜಾಲ್ಲೆಂ, ಆಯ್ಲೆವಾರ್ ರಾಜ್ಯ್ ಸರ್ಕಾರಾನ್ ತಾಕಾ ಕ್ರಿಸ್ತಾಂವ್ ಅಭಿವೃದ್ಧಿ ಮಂಡಳಿಚೊ ಅಧ್ಯಕ್ಷ್ ಜಾವ್ನ್ ನೆಮ್ತಾನಾ. ಲ್ಹಾನ್ ಪ್ರಾಯೆರ್ ವ್ಹಡ್ ಜವಾಬ್ದಾರಿ ಪಾಡ್ತಿನ್ ತಾಕಾ ದಿಲ್ಯಾ. ಕ್ರಿಸ್ತಾಂವ್ ಸಮುದಾಯಾನ್ ಅಭಿಮಾನ್ ಪಾಂವ್ಚೆ ತಸಲೆಂ ಸಾಧನ್ ತಾಚೆಂ ಜಾಂವ್ ಮ್ಹಣ್ ಆಮ್ಚಿ ಆಶಾ.

ಹೊ ಸಂದರ್ಭ್, ತಾಚೆ ಲಾಗಿಂ ಉಲಂವ್ಕ್, ಜಾಯ್ತ್ಯಾ ಕಾರಣಾಂಕ್ ಲಾಗೊನ್ ಜೊಕ್ತೊ. ಕೇಂದ್ರಾಂತ್ಲ್ಯಾ ಬಿಜೆಪಿ ಸರ್ಕಾರಾನ್ ಆಯ್ಲೆವಾರ್ ಹಾಡ್‍ಲ್ಲ್ಯಾ ಕಾನೂನಾಕ್ (ಸಿ.ಎ.ಎ) ಆನಿ ಹೆರ್ ಪ್ರಸ್ತಾವಾಂಕ್ ಲಾಗೊನ್ ಕ್ರಿಸ್ತಾಂವ್ ಸಮುದಾಯ್ ಆಕಾಂತಾಂತ್ ಪಡ್ಲ್ಯಾ ಮ್ಹಳ್ಳೆಂ ನೆಗಾರುಂಕ್ ಜಾಯ್ನಾ. ಜೋಯ್ಲಸ್ ಬಿಜೆಪಿ ಮುಖೆಲಿ ಜಾಲ್ಲ್ಯಾನ್ ತಾಚೆ ಲಾಗಿಂ ಹ್ಯಾ ವಿಶಿಂಯೀ ವಿಚಾರ್ಲೆಂ. ಹೆರ್ ಪ್ರಚಲಿತ್ ಗಜಾಲಿಂ ವಿಶಿಂಯೀ ಆಮಿ ಸಂವಾದ್ ಚಲಯ್ಲಾ. ತುಮ್ಕಾಂ ಹೆಂ ಸಂದರ್ಶನ್ ಪಸಂದ್ ಜಾತೆಲೆಂ ಮ್ಹಳ್ಳೊ ಆಮ್ಚೊ ಭರ್ವಸೊ.

-ಸಂಪಾದಕ್

ಬುಡ್ಕುಲೊ: ಜೋಯ್ಲಸ್, ತುಂ ರಾಜಕೀಯಾಕ್ ಕಶೆಂ ಸೆರ್ವಲೊಯ್?

ಜೋಯ್ಲಸ್ ಡಿಸೋಜ: ಮ್ಹಜೊ ಪಪ್ಪಾ ಪಂಚಾಯತ್ ಸಾಂದೊ ಜಾವ್ನಾಸ್‍ಲ್ಲೊ. ಹೊಸಬೆಟ್ಟು ಮಂಡಲ ಪಂಚಾಯತಾಚೊ ಸಾಂದೊ ತೊ ಜಾವ್ನಾಸ್‍ಲ್ಲೊ. ಗಾಂವಾಂತ್ ತೊ ರಾಜಕೀಯಾಂತ್ ಸಕ್ರಿಯ್ ಆಸ್‍ಲ್ಲೊ. ತಶೆಂ, ಲ್ಹಾನ್ ಥಾವ್ನ್‍ಂಚ್ ಮ್ಹಾಕಾ ರಾಜಕೀಯಾಂತ್ ಆಸಕ್ತ್ ಆಸ್‍ಲ್ಲಿ. ಯುವ ಸಂಘಟನಾಂನಿಯೀ ವಾವ್ರ್ ಕೆಲಾ.

ಬುಡ್ಕುಲೊ: ಯುವ ಸಂಘಟನಾಂಚೊ ವಾವ್ರ್ ಸಾಂಗ್…

ಜೋಯ್ಲಸ್: ಪಿಯುಸಿಂತ್ ಆಸ್ತಾನಾ ವೈ.ಸಿ.ಎಸ್. ಸಂಘಟನಾಂತ್ ಭರ್ತಿ ಜಾಲೊಂ. ಕೇಂದ್ರೀಯ್ ಕಾರ್ಯದರ್ಶಿ ಜಾವ್ನಾಸ್‍ಲ್ಲೊಂ. ಫಾ. ಚಾರ್ಲ್ಸ್ ತೆದ್ನಾಂ ದಿರೆಕ್ತೊರ್ ಜಾವ್ನಾಸ್‍ಲ್ಲೊ. ತ್ಯಾ ವೆಳಾರ್ ಮ್ಹಾಕಾ ಜಾಯ್ತೊ ಎಕ್ಸ್‍ಪೋಶರ್ ಮೆಳ್ಳಾ. ತಾಕೊಡೆ ಥಾವ್ನ್ ಕೊಡ್ಯಾಳ್, ವಿಟ್ಲ ಥಾವ್ನ್ ಕುಂದಾಪುರ್ ಪರ್ಯಾಂತ್ ವಾವ್ರ್ ಕರುಂಕ್ ಜಾಲೆಂ. ಉಪ್ರಾಂತ್ ಐ.ಸಿ.ವೈ.ಎಂ. ಭರ್ತಿ ಜಾಲೊಂ. ಘಟಕಾಚೊ ಅಧ್ಯಕ್ಷ್ ಜಾವ್ನ್, ವಾರಾಡ್ಯಾಂತ್ ಜಾಯ್ತಿಂ ವರ್ಸಾಂ ವೆವೆಗ್ಳ್ಯಾ ಹುದ್ದ್ಯಾಂನಿ ವಾವುರ್ಲಾಂ. ಉಪ್ರಾಂತ್ ಕಥೊಲಿಕ್ ಸಭೆಚೊ ಸಾಂದೊ ಜಾಲೊಂ. ವೆವೆಗ್ಳ್ಯಾ ಹಂತಾರ್ ವಾವ್ರ್ ಕೆಲಾ. ಮೂಡುಬಿದ್ರೆಂತ್ ಚಲ್‍ಲ್ಲ್ಯಾ ರಾಜಕೀಯ್ ಸಮಾವೇಶಾಚೊ ಖಜಾನ್ದಾರ್ ಜಾಲ್ಲೊಂ. ಆತಾಂಯೀ ಹಾಂವ್ ತಾಂತುಂ ಸಕ್ರಿಯ್ ಕಾರ್ಯಕರ್ತ್.

ಬುಡ್ಕುಲೊ: ಕ್ರಿಸ್ತಾಂವಾಂಕ್ ಜಾಯ್ತಿಂ ಸಂಘಟನಾಂ ಆಸಾತ್, ತ್ಯಾ ವರ್ವಿಂ ವ್ಯಕ್ತಿತ್ವ್ ವಿಕಸನಾಕ್ ಜಾಯ್ತೆ ಅವ್ಕಾಸ್ ಮೆಳ್ತಾತ್. ಪುಣ್, ಯುವ ಸಂಘಟನಾಂನಿ ಸಕ್ರಿಯ್ ಆಸ್‍ಲ್ಲಿಂ ತರ್ನಾಟಿಂ ಉಪ್ರಾಂತ್ ಖಂಯ್ ಪಾವ್ತಾತ್? ಮುಖ್ಯ್ ಸಮಾಜೆಂತ್ ಕಿತ್ಯಾಕ್ ಪರ್ಜಳ್ನಾಂತ್?

ಜೋಯ್ಲಸ್: ಮುಖೇಲ್ಪಣಾಚಿ ಗಜಾಲ್ ಯೆತಾನಾ ತೆಂ ಸವಾಲ್ ಉದೆತಾ. ಸಂಘಟನಾಂನಿ ಸೆವೆಕ್ ಅವ್ಕಾಸ್ ಮೆಳ್ತಾ. ಎಕಾ ಕಾಳಾರ್ ಐ.ಸಿ.ವೈ.ಎಂ. ಅಧ್ಯಕ್ಷ್ ಮ್ಹಳ್ಯಾರ್ ಮುಖಾರಿಂ ತೊ ಎಂ.ಎಲ್.ಎ. ಕ್ಯಾಂಡಿಡೇಟ್ ಜಾಂವ್ಕ್ ಸಕ್ಚೊ ಮುಖೆಲಿ ಮ್ಹಳ್ಳೆಪರಿಂ ಆಸ್‍ಲ್ಲೆಂ. ಉಪ್ರಾಂತ್ ಕಿತೆಂ ಜಾಲೆಂ ಕಳಿತ್ ನಾ. ಆಮ್ಚಿಂ ಸಂಘಟನಾಂ ಅಸ್ಕತ್ ಜಾಲಿಂ. ಯಾಜಕ್ ಆನಿ ಸಂಘಟನಾಂ ಮಧೆಂ ಸಂಘರ್ಷ್ ಚಲ್‍ಲ್ಲೆ ದಾಖ್ಲೆ ಆಸಾತ್, ಆತಾಂಯೀ ತಸಲಿಂ ದೃಷ್ಟಾಂತಾಂ ಮೆಳ್ತಾತ್. ತರ್ನಾಟೆ ಆನಿ ಮಾಲ್ಘಡ್ಯಾಂ ಮಧೆಂಯೀ ಅಸಹಕಾರ್ ದಿಸ್ತಾ. ಅಶೆಂ ಜಾಲ್ಲ್ಯಾ ವರ್ವಿಂ ಮುಖೇಲ್ಪಣಾಚ್ಯಾ ಸಂಗ್ತಿಂಕ್ ಮಾರ್ ಬಸ್ಲಾ. ಪುಣ್ ಪ್ರಸ್ತುತ್ ಕಾಳಾರ್ ಯುವಜಣ್ ಮೊಬೈಲಾಕ್‍ಚ್ ಚಡ್ ವೇಳ್ ದಿತಾತ್. ಆಯ್ಚೆ ಚಡಾವತ್ ಮುಖೆಲಿ ಅಸಲ್ಯಾ ಸಂಘಟನಾಂನಿ ವಾವ್ರ್ ಕೆಲ್ಲೆಚ್ ಮ್ಹಳ್ಳೆಂ ವಿಸ್ರನಾಯೆ. ಥಂಯ್ ಮೆಳ್‍ಲ್ಲೊ ಅನುಭವ್ ಉಪ್ಕಾರಾಕ್ ಪಡ್ತಾ.

ಬುಡ್ಕುಲೊ: ಬಿಜೆಪಿಕ್ ತುಂ ಕಶೆಂ ಭರ್ತಿ ಜಾಲೊಯ್?

ಜೋಯ್ಲಸ್: ನೋವ್ ವರ್ಸಾಂ ಆದಿಂ ಹಾಂವ್ ಬಿಜೆಪಿಕ್ ಸೆರ್ವಲೊಂ. ತ್ಯಾ ಪಯ್ಲೆಂ ಹಾಂವೆಂ ಕೊಂಗ್ರೆಸ್ ಪಾಡ್ತಿ ಖಾತಿರ್ ಕಾಮ್ ಕೆಲಾಂ. ಮ್ಹಜೆಂ ಕಾಮ್ ಪಳೆವ್ನ್ ಬಿಜೆಪಿಚ್ಯಾನಿಂಚ್ ಮ್ಹಾಕಾ ಪಾಡ್ತಿಕ್ ಭರ್ತಿ ಕೆಲ್ಲೆಂ. ಮ್ಹಜ್ಯಾ ಏರಿಯಾಂತ್ ಕೊಂಗ್ರೆಸ್ ಪಾಡ್ತಿಕ್ ಚಡ್ ಅವ್ಕಾಸ್ ಆನಿ ಫುಡಾರ್ ನಾತ್‍ಲ್ಲೊ. ಆಮ್ಚೆ ಮುಖೆಲಿ ಭಾಷಣಾಂನಿ ಕೆದ್ನಾಂಯ್ ಸಾಂಗ್ತಾಲೆ, ಆಮಿ ಎಕಾಚ್ ಪಾಡ್ತಿಚೆರ್ ಹೊಂದ್ವೊನ್ ರಾವೊಂಕ್ ನಜೊ, ಹೆರ್ ಪಾಡ್ತಿಂಕ್‍ಯೀ ವಚಜೆ ಮ್ಹಣೊನ್. ದೆಕುನ್ ಹಾಂವೆಂ ಏಕ್ ನಿರ್ಧಾರ್ ಘೆತ್ಲೊ. ಬಿಜೆಪಿಕ್ ಕ್ರಿಸ್ತಾಂವ್ ಮುಖೆಲ್ಯಾಂಚಿ ಗರ್ಜ್ ಆಸ್‍ಲ್ಲಿ. ತಶೆಂ ಹಾಂವ್ ಬಿಜೆಪಿಕ್ ಭರ್ತಿ ಜಾಲೊಂ.

ಬುಡ್ಕುಲೊ: ರಾಜಕೀಯಾಂತ್ ತುಜೊ ದಿಶ್ಟಾವೊ ಕಸಲೊ?

ಜೋಯ್ಲಸ್: ಮ್ಹಜೆ ಥಾವ್ನ್ ಮ್ಹಜ್ಯಾ ಸಮಾಜೆಕ್ ಕಿತೆಂ ಪುಣೀ ದೀಜೆ ಮ್ಹಳ್ಳೊ ಉದ್ದೇಶ್ ಮ್ಹಾಕಾ ಆಸ್‍ಲ್ಲೊ. ತಶೆಂ ಕಿತೆಂಯೀ ಕರಿಜೆ ತರ್ ರಾಜಕೀಯ್ ಸ್ಥಾನ್‍ಮಾನ್ ಗರ್ಜ್. ರಾಜಕೀಯ್ ಮ್ಹಳ್ಯಾರ್ ಸಾಮಾಜಿಕ್ ಸೆವಾ. ರಾಜಕೀಯ್ ಅಧಿಕಾರ್ ಆಸ್ಲ್ಯಾರ್ ಖಂಡಿತ್ ಜಾವ್ನ್ ಸಮಾಜೆ ಖಾತಿರ್ ಚಡ್ ವಾವ್ರ್ ಕರುಂಕ್ ಜಾತಾ.

ಬುಡ್ಕುಲೊ: ರಾಜಕೀಯಾಕ್ ಭರ್ತಿ ಜಾಲ್ಯಾ ಉಪ್ರಾಂತ್ ಆತಾಂ ತುಕಾ ಕಿತೆಂ ಭೊಗ್ತಾ? ತುಜ್ಯಾ ಅಪೇಕ್ಷೆ ಪರ್ಮಾಣೆಂ ಚಲ್ತಾಗೀ..?

ಜೋಯ್ಲಸ್: ಹಾಂವೆಂ ಪಯ್ಲೆ ಪಾವ್ಟಿಂ ವೋಟ್ ಘಾಲ್ಚ್ಯಾ ಎಕಾ ವರ್ಸಾ ಆದಿಂ ಥಾವ್ನ್ಂಚ್ ರಾಜಕೀಯ್ ವಾವ್ರ್ ಕೆಲಾ. ಹಾಂಗಾ ಜಾಯ್ತ್ಯೊ ಗಜಾಲಿ ಆಸಾತ್. ರಾಜಕೀಯ್ ತಿತ್ಲೆಂ ಸಲೀಸ್ ನ್ಹಯ್. ಕುಟ್ಮಾಚೊ ಪಾಟಿಂಬೊಯೀ ಜಾಯ್ಜೆ, ಥೊಡ್ಯಾಂಕ್ ತೊ ಮೆಳನಾ. ಮ್ಹಾಕಾ, ಮ್ಹಜ್ಯಾ ಕುಟ್ಮಾಂತ್‍ಚ್ ರಾಜಕೀಯ್ ವಾತಾವರಣ್ ಆಸ್‍ಲ್ಲ್ಯಾನ್, ಕುಟ್ಮಾಚೊ ಆಧಾರ್ ಫಾವೊ ಜಾಲಾ. ಅಧಿಕಾರಾಕ್ ಪಾವ್ತಾ ಪರ್ಯಾಂಕ್ ಸಮಾಜ್ ಕೊಣಾಯ್ಕೀ ಪರಿಗಣನ್ ಕರಿನಾ. ಅಧಿಕಾರ್ ಮೆಳ್ಳ್ಯಾರ್ ಮಾತ್ರ್ ವಳ್ಕತಾತ್. ಆಮ್ಚೆಂ ಖಾಸ್ಗಿ ಜಿವಿತ್, ಮ್ಹಣ್ಜೆ ಉದ್ಯಮ್-ವ್ಯವಹಾರ್ ಬರೊ ಆಸ್ಲ್ಯಾರ್, ರಾಜಕೀಯಾಂತ್ ಉರೊಂಕ್ ಸಾಧ್ಯ್ ಜಾತಾ. ನಾತ್ಲ್ಯಾರ್ ತಿಶಿನೀ ನ್ಹಯ್ ಹಿಶಿನೀ ನ್ಹಯ್ ಮ್ಹಣ್ ಜಾತಾ.

ಬುಡ್ಕುಲೊ: ಆಮ್ಚ್ಯಾ ಚಡ್ತಾವ್ ಲೊಕಾಕ್ ಕೊಂಗ್ರೆಸ್ ಪಾಡ್ತ್ ಮಾತ್ರ್ ಪಸಂದ್. ಬಿಜೆಪಿ ಮ್ಹಳ್ಯಾರ್ ಚಡುಣೆಂ ಅಸ್ಪೃಶ್ಯ್‌ಚ್ ಆಸಾ, ಆಜೂನ್. ತಸಲ್ಯಾ ಜಾರ್ಜ್ ಫೆರ್ನಾಂಡಿಸಾಕ್‍ಚ್ ತೊ ಕೊಂಗ್ರೆಸ್ ವಿರೋಧಿ ಮ್ಹಳ್ಳ್ಯಾ ಖಾತಿರ್ ಆಮ್ಚ್ಯಾ ಸಮುದಾಯಾನ್ ತಾಕಾ ಜೊಕ್ತೊ ಗೌರವ್ ದೀಂವ್ಕ್ ನಾ. ಅಸಲ್ಯಾ ವಾತಾವರಣಾಂತ್ ತುಂ ಬಿಜೆಪಿಂತ್ ಆಸ್ತಾನಾ ತುಜೊ ಅನುಭವ್ ಕಸಲೊ?

ಜೋಯ್ಲಸ್: ಆಮ್ಚ್ಯಾ ಸಮುದಾಯಾಂತ್ 90% ತಿತ್ಲೊ ಜಣ್ ಮತದಾರ್ ಮಾತ್ರ್. 5% ಮಾತ್ರ್ ರಾಜಕೀಯ್ ಮುಖೆಲಿ/ವಾವ್ರಾಡಿ. ಹ್ಯಾ 5% ಜಣಾಂ ಪಯ್ಕಿ ಚಡಾವತ್ ಜಣ್ ಕೊಂಗ್ರೆಸಾಚೆ. ತಾಣಿಂ ಮಾತ್ರ್ ಅಶೆಂ ಉಲಂವ್ಚೆಂ. 90% ಲೋಕ್ ವೋಟ್ ಘಾಲ್ಚ್ಯಾ ದಿಸಾ ಮಾತ್ರ್ ಉಲಯ್ತಾ. ಹಾಂವ್ ಜಾಯ್ತ್ಯಾ ಸಂಘಟನಾಂನಿ ವಾವುರ್ಲಾಂ; ಮ್ಹಜಿ ವಳಕ್ ಆಸ್‍ಲ್ಲ್ಯಾಂನಿ ಮ್ಹಾಕಾ ವಿರೋಧ್ ಕರುಂಕ್ ನಾ. ಮ್ಹಾಕಾ ಪಾಟಿಂಬೊ ಮೆಳ್ಳಾ. ರಾಜಕೀಯಾ ಸಾಂಗಾತಾ ಇಗರ್ಜೆಚ್ಯಾ ಸಂಘಟನಾಂನಿ ಸಕ್ರಿಯ್ ಆಸ್‍ಲ್ಲ್ಯಾನ್ ಮ್ಹಾಕಾ ಮಾನ್ಯತಾ ಮೆಳ್ಳ್ಯಾ. ‘ಜೋಯ್ಲಸ್ ಆಮ್ಚೊ ಮನಿಸ್’ ಮ್ಹಣ್ ತೆ ಮ್ಹಾಕಾ ಮಾನ್ತಾತ್. ತಶೆಂ ಜಾಲ್ಲ್ಯಾನ್ ಮ್ಹಾಕಾ ಚಡ್ ತ್ರಾಸ್ ಜಾಂವ್ಕ್ ನಾ. ಜಾರ್ಜ್ ಫೆರ್ನಾಂಡಿಸಾನ್ ಆಮ್ಚ್ಯಾ ಸಮಾಜೆ ಖಾತಿರ್ ಜಾಯ್ತೆಂ ದಿಲಾಂ. ತಾಕಾ ಫಾವೊತೆಂ ರೆಕಗ್ನಿಶನ್ ಮೆಳೊಂಕ್ ನಾ ಮ್ಹಳ್ಳೆಂ ಆಯ್ಕೊಂಕ್ ಮೆಳ್ತಾ. ಆಮ್ಚ್ಯಾ ಸಮುದಾಯಾಕ್ ವ್ಹಡ್ ಮಟ್ಟಾರ್ ತಾಣೆಂ ಆಧಾರ್ ದಿಲಾ. ತಾಕಾ ಆನಿಕೀ ಚಡ್ ಮಾನ್ಯತಾ ಆಮಿ ದೀಜೆ ಆಸ್‍ಲ್ಲಿ. ದಿಲ್ಲಿ ತರ್ ಆನಿಕೀ ಚಡ್ ಬರೆಂಪಣ್ ಜಾತೆಂ.

ಬುಡ್ಕುಲೊ: ಬಿಜೆಪಿಂತ್ ತುಕಾ ಕಶೆಂ ಟ್ರೀಟ್ ಕರ್ತಾತ್?

ಜೋಯ್ಲಸ್: ಹಾಂವೆಂ ಮೂಡುಬಿದ್ರಿ ವಲಯಾಂತ್ ಕಾಮ್ ಕೆಲಾಂ. ಬಿಜೆಪಿಂತ್, ತುವೆಂ ಕಾಮ್ ಕೆಲ್ಯಾರ್ ಆಪವ್ನ್ ತೆ ಅವ್ಕಾಸ್ ದಿತಾತ್. ಹಾಂವೆಂ ಕೆಲ್ಲೆಂ ಕಾಮ್ ಪಳೆವ್ನ್ಂಚ್ ತಾಣಿಂ ಮ್ಹಾಕಾ ಆಪಯಿಲ್ಲೆಂ. ಮ್ಹಾಕಾ ಜಿಲ್ಲಾ ಅಲ್ಪಸಂಖ್ಯಾತ್ ಮೋರ್ಚಾಚೊ ಅಧ್ಯಕ್ಷ್ ಕೆಲೊ. ಸಗ್ಳ್ಯಾ ಜಿಲ್ಲ್ಯಾಂತ್ ವಾವ್ರ್ ಕರುಂಕ್ ತಶೆಂ ರಾಜ್ಯ್ ಮುಖೆಲಿಂ ಸಂಗಿಂ ಭರ್ಸೊಂಕ್ ಅವ್ಕಾಸ್ ಮೆಳ್ಳೊ. ಬಿಜೆಪಿಕ್ ಚಡ್ ಲೊಕಾಚೊ ವೋಟ್ ಮೆಳ್ಚ್ಯಾಕ್ ವಾವ್ರ್ ಕೆಲಾ. ಪ್ರಸ್ತುತ್ ಕ್ರಿಶ್ಚಿಯನ್ ಅಭಿವೃದ್ಧಿ ಮಂಡಳಿಚೊ ಅಧ್ಯಕ್ಷ್ ಹುದ್ದೊ ದಿಲಾ. ಹ್ಯಾ ಹುದ್ದ್ಯಾಕ್ ರಾಜ್ಯಾಂತ್ ಜಾಯ್ತೆ ಜಣ್ ಉಮೇದ್ವಾರ್ ಆಸ್‍ಲ್ಲೆ. ಮ್ಹಜೆಂ ಕಾಮ್ ಪಳೆವ್ನ್ ತಾಣಿಂ ಮ್ಹಾಕಾ ವಿಂಚ್ಲಾ. ಬಿಜೆಪಿಂತ್ ಬರೆಂ ವಾತಾವರಣ್ ಹಾಂವೆಂ ಭೊಗ್ಲಾಂ.

ಬುಡ್ಕುಲೊ: ಕಿತೆಂಯೀ ಬೇಧ್‍ಭಾವ್ ಕರಿನಾಂತ್?

ಜೋಯ್ಲಸ್: ನಾ. ಆಮ್ಚ್ಯಾ ಜಮಾತಿಂನಿ ಸಕ್ಡಾಂ ಸಂಗಿಂ ಬಸೊನ್ ಮೀಟಿಂಗಾಂ ಚಲ್ತಾತ್. ಕೊಣಾಯ್ಕೀ ಭಾಯ್ರ್ ದವರಿನಾಂತ್. ಹೆರ್ ಮೋರ್ಚಾಂ ಸಂಗಿಂ ಅಲ್ಪಸಂಖ್ಯಾತ್ ಮೋರ್ಚಾಕ್‍ಯೀ ಅವ್ಕಾಸ್ ಮೆಳ್ತಾ. ಥಂಯ್ ರಾಜಕೀಯ್ ಗಜಾಲಿಚ್ ಚರ್ಚಾ ಜಾತಾತ್. ಪಾಡ್ತ್ ಬಳ್ವಂತ್ ಕರ್ಚ್ಯಾ ವಿಶಿಂ, ಲೊಕಾಕ್ ಪಾಂವ್ಚ್ಯಾ ವಿಶಿಂ, ಲೊಕಾಚಿ ಗರ್ಜ್ ಕಶೆಂ ಸಮ್ಜೊಂಚೆಂ, ಸರ್ಕಾರಾಚಿಂ ಯೋಜನಾಂ ಲೊಕಾಕ್ ಕಶೆಂ ಪಾವಂವ್ಚೆಂ ಮ್ಹಳ್ಳೆ ವಿಶಿಂ ಚರ್ಚಾ ಜಾತಾ. ಕ್ರಿಸ್ತಾಂವಾಂ ಪ್ರಾಸ್ ಚಡ್ ಜಣ್ ಮುಸ್ಲಿಮಾಂಚೆ ಬಿಜೆಪಿಂತ್ ಆಸಾತ್.

ಬುಡ್ಕುಲೊ: ಬಿಜೆಪಿ ನಿಯಂತ್ರಣ್ ಕರ್ಚೆಂ ಆರ್.ಎಸ್.ಎಸ್. ಸಂಘಟನಾನ್. ಅಲ್ಪಸಂಖ್ಯಾತಾಂಚೊ ಸಹಕಾರ್, ಮತ್ ಜಾಯ್ ಮ್ಹಣ್ ಬಿಜೆಪಿಂತ್ ಅಲ್ಪಸಂಖ್ಯಾತ್ ಮುಖೆಲ್ಯಾಂಕ್ ಅವ್ಕಾಸ್ ಮೆಳ್ತಾ, ಪುಣ್, ವ್ಹಡ್ ಹುದ್ದೆ ಆನಿ ಪ್ರಮುಖ್ ಸ್ಥಾನಾಂಕ್ ತಾಂಕಾಂ ಅವ್ಕಾಸ್ ದೀನಾಂತ್. ಲ್ಹಾನ್ ಮಟ್ಟಾರ್ ಮಾತ್ರ್ ತಾಂಕಾಂ ದವರ್ತಾತ್. ದಾಖ್ಲ್ಯಾಕ್ ಎಂ.ಎಲ್.ಎ. ವಾ ಎಂ.ಪಿ. ಚುನಾವಾಕ್ ಟಿಕೆಟ್ ದೀನಾಂತ್. ಅಲ್ಪಸಂಖ್ಯಾತಾಂಚೆರ್ ನೀಜ್ ಹುಸ್ಕೊ ನಾ… ಅಸಲೆ ಆರೋಪ್ ಆಯ್ಕೊಂಕ್ ಮೆಳ್ತಾತ್ ನ್ಹಯ್ಗೀ?

ಜೋಯ್ಲಸ್: ತಶೆಂ ಮ್ಹಣೊಂಕ್ ಜಾಯ್ನಾ. ಎಂ.ಎಲ್.ಎ. ಚುನಾವಾಕ್ ಟಿಕೆಟ್ ದಿಂವ್ಚಿ ಮ್ಹಳ್ಯಾರ್ ಜಿಕ್ಚ್ಯಾ ಸಾಧ್ಯತೆ ವಿಶಿಂ ಗುಮಾನ್ ದಿತಾತ್. ತ್ಯಾ ಮಟ್ಟಾರ್ ಆಮ್ಚೆ ಮುಖೆಲಿ ಉಬ್ಜೊಂಕ್ ನಾಂತ್. ಬಿಜೆಪಿಂತ್ ಕ್ರಿಸ್ತಾಂವ್ ಆನಿ ಮುಸ್ಲಿಮಾಂಚೆ ತ್ಯಾ ಮಟ್ಟಾಕ್ ಪಾವೊಂಕ್ ನಾಂತ್. ಟಿಕೆಟ್ ದಿಲ್ಯಾರ್ ಜಿಕ್ಚ್ಯಾ ಭರ್ವಶ್ಯಾಚೆ ಮುಖೆಲಿ ಆಸ್ಲ್ಯಾರ್ ಪಾರ್ಟಿ ಖಂಡಿತ್ ಟಿಕೆಟ್ ದಿತಾ. ಆತಾಂ ಸುರ್ವಾತ್ ಜಾಲ್ಯಾ ಮಾತ್ರ್. ಸರ್ಕಾರ್ ಘಡ್ತಾನಾ ಅಲ್ಪಸಂಖ್ಯಾತಾಂಕ್ ಅವ್ಕಾಸ್ ದಿತಾತ್. ಬಿಜೆಪಿಚ್ಯಾ ಕೇಂದ್ರ್ ಸರ್ಕಾರಾಂತ್ ಮುಸ್ಲಿಮಾಂಚೆ ಮಂತ್ರಿ ಜಾಲ್ಯಾತ್. ಆದ್ಲೆ ಪಾವ್ಟಿಂ ಕೇರಳಾಚ್ಯಾ ಕ್ರಿಸ್ತಾಂವ್ ಮುಖೆಲ್ಯಾಕ್ ಮಂತ್ರಿ ಸ್ಥಾನ್ ಮೆಳ್ಳಾಂ. ವ್ಹಡ್ ಚುನಾವ್ ಮ್ಹಣ್ತಾನಾ ಜಿಕ್ಚ್ಯಾಕ್ ಚಡ್ ಪ್ರಾಮುಖ್ಯತಾ ಆಸ್ತಾ. ಜಿಲ್ಲಾ ಪಂಚಾಯತ್, ಎಪಿಎಂಸಿ ತಸಲ್ಯಾ ಚುನಾವಾಂನಿ ಕ್ರಿಸ್ತಾಂವಾಂಕ್ ಅವ್ಕಾಸ್ ಮೆಳ್ಳ್ಯಾತ್. ಅವ್ಕಾಸ್ ಮೆಳೊಂಕ್ ನಾಂತ್ ಮ್ಹಣ್ಚೆಂ ಚೂಕ್. ಎಂ.ಎಲ್.ಎ. ಟಿಕೆಟ್ ಜೊಡ್ಚ್ಯಾ ಮಟ್ಟಾಕ್ ಆಮ್ಚೆ ಮುಖೆಲಿ ಪಾವೊಂಕ್ ನಾಂತ್. ದೆಕುನ್ ಪಾಡ್ತಿಕ್ ದುರ್ಸೊಂಕ್ ಜಾಯ್ನಾ. ತ್ಯಾ ಮಟ್ಟಾಕ್ ಆಮ್ಚೆ ಮುಖೆಲಿ ಪಾವ್ಲ್ಯಾರ್ ಖಂಡಿತ್ ಅವ್ಕಾಸ್ ಮೆಳ್ತಾ.

ಬುಡ್ಕುಲೊ: ತುಕಾ ಆತಾಂ ಕ್ರಿಸ್ತಾಂವ್ ಅಭಿವೃದ್ಧಿ ಮಂಡಳಿಚೊ ಅಧ್ಯಕ್ಷ್ ಕೆಲಾ. ಮುಖ್ಲೊ ವಾವ್ರ್, ಯೋಜನಾಂ ವಿಶಿಂ ಸಾಂಗ್ಯೆತ್‍ಗೀ?

ಜೋಯ್ಲಸ್: ಹಾಂವ್ ಅಧ್ಯಕ್ಷ್ ಜಾಲಾಂ ಮಾತ್ರ್. ಸಾಂದ್ಯಾಂಚೆಂ ನೇಮಕ್ ಜಾಂವ್ಕ್ ನಾ. ಸಗ್ಳಿ ಸಮಿತಿ ರಚನ್ ಜಾಲ್ಯಾ ಉಪ್ರಾಂತ್ ನಿರ್ಧಾರ್ ಕರ್ತೆಲ್ಯಾಂವ್. ಸಮುದಾಯಾ ಖಾತಿರ್ ಫಂಡ್ ಕಶೆಂ ಸದುಪಯೋಗ್ ಕರ್ಚೊ ಮ್ಹಣ್ ಚರ್ಚಾ ಕರ್ತಾಂವ್. ಎದೊಳ್ ವ್ಹಡ್ ಐವಜ್ ಇಗರ್ಜೆಚ್ಯಾ ಬಾಂಧ್ಪಾಂಕ್, ಹೊಲಾಂಕ್, ಆಶ್ರಮಾಂಕ್, ಸಿಮಿಸ್ತ್ರಿ ಇತ್ಯಾದಿಂಕ್ ವೆತಾಲೊ. ಸ್ಕಾಲರ್‌ಶಿಪ್ಪಾಕ್‌ಯೀ ಖರ್ಚಲಾ. ಚಡ್ತಿಕ್ ಗರ್ಜಾಂ ಖಾತಿರ್ ದೀಂವ್ಕ್ ಆಲೋಚನ್ ಆಸಾ. ಆಮ್ಚ್ಯೊ ಫಿರ್ಗಜ್ಯೊ ದುಡ್ವಾಂತ್ ಬಳಾಧಿಕ್ ಆಸಾತ್. ಉತ್ತರ್ ಕರ್ನಾಟಕಾಂತ್ ಜಾಯ್ತೆ ಕಡೆನ್ ದುಬ್ಳ್ಯೊ ಫಿರ್ಗಜೊ ಆಸಾತ್. ತಾಂಕಾಂ ಸಾರ್ಕೆಂ ಇಗರ್ಜೆ ಬಾಂಧಪ್ ನಾ. ಹೊಸ್ಟೆಲಾಂಕ್ ಕುಮಕ್ ಗರ್ಜ್ ಆಸಾ. ಮಂಗ್ಳುರ್ ಆನಿ ಉಡುಪಿ ದಿಯೆಸೆಜಿಂನಿ ಮಾತ್ರ್ ಕ್ರಿಸ್ತಾಂವ್ ಆಸ್ಚೆ ನ್ಹಯ್.

ಆಮ್ಚ್ಯಾ ಅಭ್ಯರ್ಥಿಂನಿ ಐಎಎಸ್, ಕೆಎಎಸ್ ಪರೀಕ್ಷೆಂಕ್ ಬಸೊಂಕ್ ತಯಾರ್ ಕರ್ಚ್ಯಾಕ್ ಆಲೋಚನ್ ಆಸಾ. ಸಾಂ ಲುವಿಸ್ ಕೊಲೆಜಿನ್ ತರ್ಬೆತಿ ಸಂಸ್ಥೊ ಸುರ್ವಾತ್ ಕೆಲಾ. ಹ್ಯಾ ನಿಮ್ತಿಂ ವ್ಹಡ್ ಮಾಪಾಚೆಂ ಯೋಜನ್ ಗರ್ಜ್ ಆಸಾ. ತ್ಯಾ ವಿಶಿಂ ಯೋಜನ್ ಘಾಲ್ತಾಂವ್. ಹಳ್ಳೆಚ್ಯಾ ಭಾಗಾಂನಿ ಲ್ಹಾನ್ ಆಸ್ಪತ್ರ್ಯೊ, ಡಿಸ್ಪೆನ್ಸರಿ ಆಸಾತ್. ದುಬ್ಳ್ಯಾಂಕ್ ಸೆವಾ ದಿಂವ್ಚ್ಯಾ ಅಸಲ್ಯಾ ಸಂಸ್ಥ್ಯಾಂಕ್ ಆಧಾರ್ ಗರ್ಜ್ ಆಸಾ. ಕುಮ್ಕೆಚಿ ಗರ್ಜ್ ಆಸ್ಚ್ಯಾ ಇಸ್ಕೊಲಾಂಕ್ ಮಜತ್ ದಿಂವ್ಚೆ ವಿಶಿಂ ಚಿಂತುನ್ ಆಸಾಂವ್.

ಬುಡ್ಕುಲೊ: ಹ್ಯಾ ನಿಧಿಚೊ ಚಡಾವತ್ ದುಡು ಇಗರ್ಜೆಚ್ಯಾ ಬಾಂಧ್ಪಾಂಕ್ (ನವಿಂ ವಾ ದುರುಸ್ತಿ ಕರುಂಕ್), ಹೊಲಾಂಕ್ ಇತ್ಯಾದಿ ಖರ್ಚತಾ. ಸರ್ಕಾರಾನ್ ದುಡು ದಿತಾನಾ ಸಮುದಾಯಾಚ್ಯಾ ಲೊಕಾಚ್ಯಾ ಉದರ್ಗತೆಕ್ ದಿಂವ್ಚೊ. ಪುಣ್ ಹಾಂಗಾ ಬಿಲ್ಡಿಂಗಾಂಕ್‍ಚ್ ಚಡ್ ವೆಚೆಂ ದಿಸ್ತಾ. ವಿದ್ಯಾರ್ಥಿಂಕ್ ಶಿಕ್ಪಾಕ್ ಕುಮಕ್, ಸ್ಕಾಲರ್‍ಶಿಪ್, ಸ್ವ-ಉದ್ಯಮ್ ಕರ್ತೆಲ್ಯಾಂಕ್, ದುಬ್ಳ್ಯಾಂಕ್ ಚಡ್ ಮಜತ್ ಜಾಂವ್ಚೆ ದಿಶಿನ್ ಕಿತೆಂಯೀ ಯೋಜನಾಂ..?

ಜೋಯ್ಲಸ್: ಕರ್ಯೆತ್. ಹ್ಯಾ ದಿಶೆನ್ ಕ್ರಿಶ್ಚಿಯನ್ ಅಭಿವೃದ್ಧಿ ನಿಗಮ ಜಾಲ್ಯಾರ್ ಚಡ್ ಫಾಯ್ದೊ. ನಿಗಮ ಕರ್ಚೆಂ ಘೋಷಣ್ ಜಾಲಾಂ, ಜಾರಿ ಜಾವ್ನಾ. ತ್ಯಾ ದಿಶೆನ್ ಹಾಂವ್ ಗಂಭೀರ್ ಜಾವ್ನ್ ವಾವುರ್ನ್ ಆಸಾಂ. ನಿಗಮ ಜಾಲ್ಯಾರ್ ಲಾಂಬ್ ಕಾಳಾಕ್ ಫಾಯ್ದ್ಯಾಕ್ ಪಡ್ಚೆ ತಸಲಿಂ ಯೋಜನಾಂ ಜಾರಿ ಕರುಂಕ್ ಸಾಧ್ಯ್. ಪ್ರಸ್ತುತ್ ಮಂಡಳಿಂತ್ ಮೆಳ್ಚೊ ಐವಜ್ ಹೆರ್ ಉದ್ದೇಶಾಂ ಖಾತಿರ್ ವಾಪರ್ಯೆತ್. ಸಮಿತಿ ರಚನ್ ಜಾಲ್ಲ್ಯಾಕ್ಷಣ್ ಗರ್ಜೆಚೊ ವಾವ್ರ್ ಕರ್ತೆಲ್ಯಾಂವ್. ಹೆಣೆಂ, ಧರ್ಣಿಕ್ ಇಂಟರ್‌ಲಾಕ್ ಘಾಲ್ಚಿಂ ಯೋಜನಾಂ ಘಾಲ್ತಾತ್. ಪುಣ್ ಉತ್ತರಾಂತ್ ದುಬ್ಳ್ಯಾ ಫಿರ್ಗಜಾಂನಿ ಇಗರ್ಜೆಚಿಂ ಬಾಂಧ್ಪಾಂ ಸಯ್ತ್ ನಾಂತ್. ತಸಲ್ಯಾ ಚಡ್ ಗರ್ಜೆವಂತಾಂಕ್ ಮಜತ್ ಮೆಳಜೆ. ತೆಣೆಂ ದುಬ್ಳ್ಯಾ ಭುರ್ಗ್ಯಾಂಚಿಂ ಹೊಸ್ಟೆಲಾಂ ಆಸಾತ್. ಆಮ್ಚೆ ಧಾರ್ಮಿಕ್ ಥಂಯ್ ಬರೊ ವಾವ್ರ್ ಕರುನ್ ಆಸಾತ್. ನಿಗಮ ಸ್ಥಾಪನ್ ಜಾಂವ್ಚ್ಯಾಕ್ ಮುಖ್ಯಮಂತ್ರಿನ್ ಬರೊ ಸಹಕಾರ್ ದಿಲಾ. ಮಂಡಳಿ ಸ್ಥಾಪನ್ ಕೆಲ್ಲಿಚ್ ಯಡಿಯೂರಪ್ಪ ಸರ್ಕಾರಾನ್. ಆತಾಂ ನಿಗಮ್ ಸ್ಥಾಪನ್ ಕರ್ಚ್ಯಾಕ್, ತ್ಯಾ ಮುಖಾಂತ್ರ್ ಕ್ರಿಸ್ತಾಂವ್ ಸಮಾಜೆಕ್ ವ್ಹಡ್ ಮಾಪಾನ್ ಆಧಾರ್ ದೀಂವ್ಕ್ ತೊ ಚಡ್ ಆಸಕ್ತ್ ಘೆವ್ನ್ ಆಸಾ.

ಬುಡ್ಕುಲೊ: ಸಮುದಾಯ್ ಭವನಾಂ (ಹೊಲಾಂ) ನಿರ್ಮಾಣ್ ಕರುಂಕ್ ಸರ್ಕಾರಾಚ್ಯಾ ಅನುದಾನಾಚೊ ದುಡು ಖರ್ಚತಾ. ಸರ್ಕಾರಾಚೊ ದುಡು ಮೆಳ್ತಾನಾ, ಆದಾಯಾ (ಭಾಡೆಂ ವಸೂಲ್ ಕರ್ಚ್ಯಾ) ವಿಶಿಂ ಕಿತೆಂಯೀ ನಿಯಮಾಂ ಸರ್ಕಾರಾ ಥಾವ್ನ್ ಯೆತಿತ್‍ಗೀ?

ಜೋಯ್ಲಸ್: ಎದೊಳ್ ತಶೆಂ ಕಿತೆಂಯೀ ಕರುಂಕ್ ನಾ. ಸಮುದಾಯಾಚ್ಯಾ ಲೊಕಾಚ್ಯಾ ಗರ್ಜಾಂಕ್ ಮ್ಹಣ್ ಸರ್ಕಾರಾನ್ ದುಡು ದಿಂವ್ಚೊ. ಕ್ರಿಸ್ತಾಂವಾಂಕ್ ಮಾತ್ರ್ ನ್ಹಯ್, ಹೆರ್ ಸಮುದಾಯಾಂಕ್‍ಯೀ ಮೆಳ್ತಾ. ಬರ್‍ಯಾ ಉದ್ದೇಶಾಂ ಖಾತಿರ್ ಸರ್ಕಾರಾನ್ ಮಜತ್ ದಿಂವ್ಚಿ.

ಕಪಾಲಬೆಟ್ಟ ಆನಿ ಧರ್ಮ್-ರಾಜಕೀಯ್ ಸಂಘರ್ಷ್…

ಬುಡ್ಕುಲೊ: ಕಪಾಲಬೆಟ್ಟಾಚಿ ನೀಜ್ ಗಜಾಲ್ ಕಿತೆಂ? ಕಿತ್ಯಾಕ್ ಥಂಯ್ ಜೆಜುಚಿ ಇಮಾಜ್ ಬಾಂಧ್ಚ್ಯಾ ವಿಶಿಂ ತಿತ್ಲೊಯೀ ಗೊಂದೊಳ್ ಆನಿ ಗಲಾಟೊ? ಡಾ. ಕಲ್ಲಡ್ಕ ಪ್ರಭಾಕರ ಭಟ್ಟ ಥಂಯ್ ವಚೊನ್ ಉಲವ್ನ್ ಆಯ್ಲಾ…

ಜೋಯ್ಲಸ್: ಕಪಾಲಬೆಟ್ಟಾಂತ್ ಜೆಜುಚಿ ವ್ಹಡ್ ಇಮಾಜ್ ಸ್ಥಾಪನ್ ಕರ್ಚ್ಯಾ ಯೋಜನಾಕ್ ಬುನ್ಯಾದ್ ಘಾಲುಂಕ್ ಕೊಂಗ್ರೆಸ್ ಫುಡಾರಿ, ಸ್ಥಳೀಯ್ ಶಾಸಕ್ ಡಿ.ಕೆ. ಶಿವಕುಮಾರ್ ಗೆಲ್ಲೊ. ಧರ್ಮ್ ಆನಿ ರಾಜಕೀಯ್ ಭರ್ಸತಾನಾ ಚಡ್ ಚತ್ರಾಯ್ ಸಾಂಬಾಳಿಜೆ. ಕೆದ್ನಾಂಯ್ ಎಕ್‍ಚ್ ಪರಿಸ್ಥಿತಿ ಆಸನಾ. ಪರಿಸ್ಥಿತಿ ಸಾಂಬಾಳ್ತಾನಾ ಜಾಗ್ರುತ್ ಆಸಜೆ. ಇಲ್ಲೆಶೆಂ ಚಡುಣೆಂ ಜಾಲ್ಯಾರೀ ಪರಿಸ್ಥಿತಿ ಹಿಶಿನ್ ತಿಶಿನ್ ಜಾತಾ. ಥಂಯ್ ತಶೆಂಚ್ ಜಾಲಾಂ.

ಥಂಯ್ ಡಿ.ಕೆ. ಶಿವಕುಮಾರಾನ್ ರಾಜಕೀಯ್ ಕರ್ತಾನಾ ಹೆರ್ ಪಾಡ್ತಿಂನಿ ರಾಜಕೀಯ್ ಕೆಲ್ಲ್ಯಾಂತ್ ಚೂಕ್ ಕಿತೆಂ ಆಸಾ? ಆಮ್ಚ್ಯಾ ಧಾರ್ಮಿಕಾಂನಿ ಫಕತ್ ಎಕಾ ಪಾಡ್ತಿಚ್ಯಾಂಕ್‍ಚ್ ಪ್ರಾಮುಖ್ಯತಾ ದಿಂವ್ಚ್ಯಾ ಪಯ್ಲೆಂ ಚಿಂತಿಜೆ ಆಸ್‍ಲ್ಲೆಂ. ಸಕ್ಕಡ್ ಪಾಡ್ತಿಂಕ್ ಸಮಾನತಾ ದೀಜೆ. ಧರ್ಮ್ ಆನಿ ರಾಜಕೀಯ್ ಭರ್ಸತಾನಾ ಚಡ್ ಚತ್ರಾಯ್ ಸಾಂಬಾಳಿಜೆ.

ಬುಡ್ಕುಲೊ: ಬಿಜೆಪಿಚೆ ತೊ ಜಾಗೊ ಹಿಂದ್ವಾಂಚೊ ಮ್ಹಣ್ತಾತ್ ನ್ಹಯ್ಗೀ..?

ಜೋಯ್ಲಸ್: ತಿ ಗಜಾಲ್ ಸಿವಿಲ್ ಇಶ್ಶ್ಯೂ. ತ್ಯಾ ವಿಶ್ಯಾಂತ್ ಉಬ್ಜಲ್ಲೆ ತಕ್ರಾರ್ ಕೊಡ್ತಿಂತ್‍ಚ್ ಇತ್ಯರ್ಥ್ ಜಾಯ್ಜೆ. ಭಾಯ್ರ್ ನ್ಹಯ್.

ಪೌರತ್ವ ಕಾಯ್ದೊ ಆನಿ ಕ್ರಿಸ್ತಾಂವಾಂಚೊ ಆಕಾಂತ್…

ಬುಡ್ಕುಲೊ: ಸಿ.ಎ.ಎ., ಎನ್.ಆರ್.ಸಿ. ಆನಿ ಎನ್.ಪಿ.ಆರ್. ಗೊಂದೊಳ್ ದೇಶ್‍ಭರ್ ಆಕಾಂತ್ ಉಬ್ಜಂವ್ಕ್ ಸಕ್ಲಾ. ಫುಡೆಂ ಅಪಾಯ್ ಆಸ್ತಲೊ ಮ್ಹಣೊನ್ ಕ್ರಿಸ್ತಾಂವ್ ಲೋಕ್ ಆಕಾಂತಾಂತ್ ಪಡ್ಲಾ… ಆತಾಂ ಮುಸ್ಲಿಮಾಂಕ್ ಟಾರ್ಗೆಟ್ ಕೆಲಾಂ, ಮುಖಾರಿಂಕ್ ಕ್ರಿಸ್ತಾಂವಾಂಕ್ ಸಮಸ್ಸೆ ಜಾತೆಲೆ ಮ್ಹಣ್ ಥೊಡೆ ವಾದ್ ಮಾಂಡ್ತಾತ್… ನಿಜಾಯ್ಕೀ ಕಿತೆಂ ಗಜಾಲ್ ಹಿ?

ಜೋಯ್ಲಸ್: ಸಿ.ಎ.ಎ. ಕಾನೂನ್ ಆಮ್ಕಾಂ ಕೊಣಾಯ್ಕೀ ನ್ಹಯ್. ಮುಸ್ಲಿಮ್ ನ್ಹಯ್ ಆಸ್‍ಲ್ಲೆ, ಪಾಕಿಸ್ತಾನ್, ಅಫ್ಗಾನಿಸ್ತಾನ್ ಆನಿ ಬಾಂಗ್ಲಾ ದೇಶಾ ಥಾವ್ನ್ ಕೋಣ್ ನಿರಾಶ್ರಿತ್ ಜಾವ್ನ್ ಆಯ್ಲ್ಯಾತ್ ತಾಂಕಾಂ ಮಾತ್ರ್ ತೆಂ ಲಾಗು ಜಾತಾ. ಎದೊಳ್ ಹಾಂಗಾ ನಾಗರಿಕ್ ಜಾವ್ನಾಸ್‍ಲ್ಲ್ಯಾಂಕ್ ತೆಂ ಸಂಬಂಧ್ ಜಾಯ್ನಾ. ಹಾಂಗಾ ಎದೊಳ್‍ಚ್ ಆಸ್‍ಲ್ಲ್ಯಾಂಕ್ ಕಿತೆಂಚ್ ಬಾಧಕ್ ಜಾಯ್ನಾ. ಹೆಂ ಕಾನೂನ್ ಪಾರ್ಲಿಮೆಂಟಾಂತ್ ಪಾಸ್ ಜಾಲಾಂ. ಆದ್ಲಿಂ ನಿಯಮಾಂ ಬದ್ಲುಂಕ್ ನಾಂತ್ ವಾ ಕಾಡುಂಕ್ ನಾಂತ್. ತೆ ತಿನೀ ಮುಸ್ಲಿಮ್ ರಾಷ್ಟ್ರ್. ಭಾರತ್ ಜಾತ್ಯತೀತ್ ರಾಷ್ಟ್ರ್. ಶೋಷಣಾಂ ವರ್ವಿಂ ತ್ಯಾ ದೇಶಾಂ ಥಾವ್ನ್ ಹೆರ್ ಧರ್ಮಾಂಚೊ ಲೋಕ್ ಭಾರತಾಕ್ ಆಯ್ಲಾ. ಅಫ್ಗಾನಿಸ್ತಾನಾ ಥಾವ್ನ್ ತಶೆಂ ಆಯಿಲ್ಲೆ ಜಾಯ್ತೆ ಕ್ರಿಸ್ತಾಂವ್ ಡೆಲ್ಲಿಂತ್ ಆಸ್ರೊ ಘೆವ್ನ್ ಆಸಾತ್.

ಆಮ್ಕಾಂ, ಜೆ ಕೋಣ್ ಭಾರತಾಚೆ ನಾಗರಿಕ್ ಆಸಾತ್, ತಾಂಕಾಂ ಹೆಂ ಕಾನೂನ್ ಬಿಲ್ಕುಲ್ ಲಾಗು ಜಾಯ್ನಾ. ಜರ್ ಕೊಣೀ ತ್ಯಾ ವಿಶಿಂ ಉಲಯ್ತಾ ಮ್ಹಳ್ಯಾರ್ ತೊ ರಾಜಕೀಯ್ ಕಾರಣಾಂ ಖಾತಿರ್ ಉಲಯ್ತಾ. ಕೊಣಾಯ್ಕೀ ಅನ್ಯಾಯ್ ಜಾಂವ್ಚಿ ಗಜಾಲ್‍ಚ್ ನಾ. ಭಾರತೀಯ್ ಮುಸ್ಲಿಮಾಂಕೀ ಕಿತೆಂಚ್ ಸಮಸ್ಸೆ ನಾಂತ್. ವಿರೋಧ್ ಪಾಡ್ತಿಚ್ಯಾಂಕ್ ಆತಾಂ ಅಸ್ತಿತ್ವಾಚೆ ಸಮಸ್ಸೆ ಧೊಸ್ತಾತ್. ಆಪ್ಲೆಂ ಅಸ್ತಿತ್ವ್ ಉರಂವ್ಚ್ಯಾ ಖಾತಿರ್ ಅಸಲೆ ವಿಚಾರ್ ಘೆವ್ನ್ ಗಲಾಟೊ ಕರ್ಚಿ ಅನಿವಾರ್ಯತಾ ತಾಂಕಾಂ ಉಬ್ಜಲ್ಯಾ. ಲೊಕಾಕ್ ಕಿತೆಂಚ್ ಬಾಧಕ್ ನಾ. ಪೌರತ್ವ ಕಾಯ್ದ್ಯಾ ವಿಶಿಂ ವಿರೋಧ್ ಉಲಯ್ತೆಲ್ಯಾಂನಿ ತಾಂತುಂ ಕಿತೆಂ ಆಸಾ ಮ್ಹಳ್ಳೆಂ ವಾಚುಂಕ್‍ಚ್ ನಾ.

ಬುಡ್ಕುಲೊ: ಎನ್.ಆರ್.ಸಿ. ಮ್ಹಳ್ಯಾರ್ ಕಿತೆಂ? ಹಾಂಗಾ ಆಸ್‍ಲ್ಲ್ಯಾಂನಿ ಆಪ್ಲೆಂ ಪೌರತ್ವ್ ರುಜು ಕರಿಜೆಗೀ?

ಜೋಯ್ಲಸ್: ಎನ್.ಆರ್.ಸಿ. ಅಸ್ಸಾಮಾಂತ್ ಮಾತ್ರ್ ಜಾರಿ ಜಾಲಾಂ. ಯು.ಪಿ.ಎ. ಸರ್ಕಾರಾನ್ ತೆಂ ಹಾಡ್‍ಲ್ಲೆಂ. ಸುಪ್ರೀಂ ಕೋರ್ಟಾಚ್ಯಾ ಗೈಡ್‍ಲೈನ್ಸ್ ಪರ್ಮಾಣೆಂ ಅಸ್ಸಾಮಾಂತ್ ತೆಂ ಜಾರಿಯೆಕ್ ಹಾಡ್‍ಲ್ಲೆಂ. ಸಗ್ಳ್ಯಾ ಭಾರತಾಕ್ ತೆಂ ಲಾಗು ಜಾವ್ನಾ. ಭಾಷಣಾಂನಿ ಥೊಡ್ಯಾಂನಿ ತಶೆಂ ಮ್ಹಳಾಂ ಶಿವಾಯ್ ಎದೊಳ್ ತೆಂ ಜಾರಿಯೆಕ್ ಯೇಂವ್ಕ್ ನಾ. ಸರ್ಕಾರಾನ್‍ಯೀ ಸ್ಪಷ್ಟ್ ಕೆಲಾಂ. ವಿರೋಧ್ ಪಾಡ್ತಿಂನಿ ಭೆಷ್ಟೆಂಚ್ ಲೊಕಾ ಮಧೆಂ ದುಬಾವ್, ಗೊಂದೊಳ್ ಉಬ್ಜಯ್ಲಾ.

ಬುಡ್ಕುಲೊ: ತರ್, ಕ್ರಿಸ್ತಾಂವ್ ಸಮುದಾಯಾನ್ ಹ್ಯಾ ವಿಶಿಂ ಖಂತ್ ಕರ್ಚಿ ಗರ್ಜ್ ನಾ ಮ್ಹಣ್ತಾಯ್?

ಜೋಯ್ಲಸ್: 100%. ಖಂಡಿತ್ ಜಾವ್ನ್ ಖಂತ್ ಕರ್ಚಿ ಗರ್ಜ್ ನಾ. ಕ್ರಿಸ್ತಾಂವಾಂನಿ ಮಾತ್ರ್ ನ್ಹಯ್, ಭಾರತಾಚ್ಯಾ ಕೊಣೆಂಯೀ ಖಂತ್ ಕರ್ಚಿ ಗರ್ಜ್ ನಾ. ಭಾರತೀಯ್ ಜಾವ್ನಾಸ್‍ಲ್ಲ್ಯಾಂಕ್ ಕಿತೆಂಚ್ ಸಮಸ್ಸೆ ನಾಂತ್.

ಬುಡ್ಕುಲೊ: ಕಥೊಲಿಕಾಂ ತರ್ಫೆನ್ ಬೆಂಗ್ಳುರ್ ಆರ್ಚ್ ಬಿಸ್ಪಾನ್ ವಿರೋಧ್ ಕೆಲಾ, ಸ್ಟೇಟ್‍ಮೆಂಟ್ ದಿಲಾಂ. ತಾಕಾ ಕಿತೆಂ ಪ್ರತಿಕ್ರಿಯಾ..?

ಜೋಯ್ಲಸ್: ಆರ್ಚ್ ಬಿಸ್ಪಾಚ್ಯಾ ಉತ್ರಾಂಚೆರ್ ಕಮೆಂಟ್ ಕರಿನಾ. ತಾಕಾ ತ್ಯಾ ಸಂದರ್ಭಾರ್ ಚೂಕ್ ಸಮ್ಜಣಿ ಮೆಳ್ಳ್ಯಾ ಆಸ್ತೆಲಿ, ಆನಿ ತಾಣೆಂ ಅಮ್ಸೊರ್ ಕೆಲೊ ಮ್ಹಣ್ ಮ್ಹಾಕಾ ಭೊಗ್ತಾ. ಸಾರ್ಕಿ ಮಾಹೆತ್ ಆಪ್ಣಾಂವ್ಕ್ ನಾ ಕೊಣ್ಣಾ. ಅಮ್ಸೊರ್ ಕರ್ಚಿ ಗರ್ಜ್ ನಾತ್‍ಲ್ಲಿ. ಸಮುದಾಯಾಚೆ ಮುಖೆಲಿ ತೆ. ತಾಣಿಂ ಕಿತೆಂಯೀ ಸಾಂಗ್ಲ್ಯಾರ್ ಸಗ್ಳ್ಯಾ ಸಮುದಾಯಾನ್ ಸಾಂಗ್‍ಲ್ಲೆಪರಿಂ ಘೆತಾತ್.

ಬುಡ್ಕುಲೊ: ಉಡುಪಿಂತ್ ಕಥೊಲಿಕ್ ಸಭೆನ್ ಮಾಂಡುನ್ ಹಾಡ್‍ಲ್ಲ್ಯಾ ಸಮುದಾಯೋತ್ಸವಾಂತ್ ಕೊಂಗ್ರೆಸ್ ಫುಡಾರಿ ಮಾರ್ಗರೆಟ್ ಆಳ್ವಾನ್ ಹ್ಯಾ ವಿಶಿಂ ಖಂಡನ್ ಕೆಲಾಂ…

ಜೋಯ್ಲಸ್: ಆಪ್ಣಾಕ್ ಮೆಳ್‍ಲ್ಲಿ ವೆದಿ ಖಂಚ್ಯಾಕ್ ವಾಪಾರಿಜೆ ಮ್ಹಣೊನ್ ಕಳಿತ್ ನಾತ್‍ಲ್ಲೆಂ ಮಾರ್ಗರೆಟ್ ಆಳ್ವಾಚೆಂ ಉಣೆಂಪಣ್. ಕಥೊಲಿಕ್ ಸಭೆನ್ ಸಮಾವೇಶ್ ಆಪಯಿಲ್ಲೊ ಸಮುದಾಯ್ ಚಲೊನ್ ಆಯಿಲ್ಲ್ಯಾ ವಾಟೆಚೆರ್ ಆನಿ ಫುಡಾರಾ ವಿಶಿಂ ವಿಚಾರ್ ವಿನಿಮಯ್ ಕರುಂಕ್. ತಿಣೆಂ ಥಂಯ್ ರಾಜಕೀಯ್ ಉಲಂವ್ಚ್ಯಾ ಬದ್ಲಾಕ್ ದುಸ್ರೆ ಕಡೆನ್ ಉಲವ್ಯೆತೆಂ. ಪುಣ್ ಸಂಘಟಕಾಂನಿ ತ್ಯಾ ಸಂಗ್ತಿಂತ್ ಕಿತೆಂಯೀ ಕರುಂಕ್ ಜಾಯ್ನಾ. ಸಮುದಾಯಾಚಿ ಏಕ್ ಫುಡಾರಿ ಮ್ಹಣೊನ್ ಮಾನ್ಯತಾ ದೀವ್ನ್ ತಿಕಾ ಆಪಯಿಲ್ಲೆಂ. ತಿಣೆಂ ಥಂಯ್ ರಾಜಕೀಯ್ ಉಲಯಿಲ್ಲೆಂ ಚೂಕ್. ಗರ್ಜೆ ಭಾಯ್ಲೆಂ ಉಲಯ್ಲಿ ತಿ. ತಿಚೆಂ ಪೊಸಿಶನ್ ವ್ಹಡ್ಲೆಂ ಜಾಂವ್ಕ್ ಪುರೊ, ಪುಣ್ ಪೋರ್ ತಿಣೆಂ ಲ್ಹಾನ್‍ಪಣ್ ದಾಕಯ್ಲೆಂ. ದುಸ್ರ್ಯಾಂಚಿ ವೆದಿ ತಿಣೆಂ ದುರುಪಯೋಗ್ ಕೆಲಿ. ರಾಜಕೀಯ್ ಉಲಂವ್ಕ್ ತಿಣೆಂ ದುಸ್ರಿ ವೆದಿ ಘೆವ್ಯೆತಿ.

ಬುಡ್ಕುಲೊ: ದೊನ್ಪಾರಾಂ ಉಪ್ರಾಂತ್ ತುಂಯೀ ವೆದಿರ್ ಆಸ್‍ಲ್ಲೊಯ್. ತಿಚ್ಯಾ ಉತ್ರಾಂಕ್ ಜಾಪ್ ದಿವ್ಯೆತೊ ತುವೆಂ…

ಜೋಯ್ಲಸ್: ಮ್ಹಾಕಾ ತ್ಯಾ ವಿಶಿಂ ಜಾಯ್ತ್ಯಾಂನಿ ಸಾಂಗ್‍ಲ್ಲೆಂ. ಕಥೊಲಿಕ್ ಸಭೆನ್ ತೆಂ ಕಾರ್ಯೆಂ ಮಾಂಡುನ್ ಹಾಡ್‍ಲ್ಲೆಂ. ತಿ ವೆದಿ ವಾಪಾರ್ನ್ ರಾಜಕೀಯ್ ಉಲಂವ್ಚೆಂ ಮ್ಹಾಕಾ ಬರೆಂ ದಿಸೊಂಕ್ ನಾ. ಪೊಲಿಟಿಕ್ಸ್ ಇಗರ್ಜೆಚ್ಯಾ ಆನಿ ಕ್ರಿಸ್ತಾಂವ್ ಸಂಘಟನಾಂಚ್ಯಾ ಭಾಯ್ರ್ ಕರ್ಚೆಂ. ದೆಕುನ್, ತ್ಯಾ ವೆದಿರ್ ತಿಚ್ಯಾ ಉತ್ರಾಂಚೆರ್ ಕಮೆಂಟ್ ಕರುಂಕ್ ಹಾಂವೆಂ ಮನ್ ಕೆಲೆಂ ನಾ.

ಬುಡ್ಕುಲೊ: ತುಮ್ಚ್ಯಾ ಸರ್ಕಾರಾನ್ ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಕ್ ಸಾಂದೆ ಜಾವ್ನ್ ಕ್ರಿಸ್ತಾಂವಾಂಕ್ ನೇಮಕ್ ಕರುಂಕ್ ನಾ…

ಜೋಯ್ಲಸ್: ತ್ಯಾ ವಿಶ್ಯಾಂತ್ ಇಲ್ಲಿಶಿ ಘುಸ್ಪಡ್ ಜಾಲ್ಯಾ. ಸಾರ್ಕೆಂ ಕರುಂಕ್ ಮೆಟಾಂ ಕಾಡ್ಲ್ಯಾಂತ್.

ಬುಡ್ಕುಲೊ: ಮಂಗ್ಳುರ್ ಸಿಟಿ ಕಾರ್ಪೊರೇಶನ್ ಚುನಾವಾಂತ್ ಕ್ರಿಸ್ತಾಂವಾಂನಿ ಬಿಜೆಪಿಕ್ ಪಾಟಿಂಬೊ ದಿಲಾಗೀ?

ಜೋಯ್ಲಸ್: ಆಮ್ಕಾಂ ಕ್ರಿಸ್ತಾಂವ್ ಸಮುದಾಯಾನ್ ಜಾಯ್ತೊ ಪಾಟಿಂಬೊ ದಿಲಾ. ಇತ್ಲಿಂ ಸ್ಥಾನಾಂ ಜಿಕೊಂಕ್ ಕ್ರಿಸ್ತಾಂವಾಂನಿ ವೋಟ್ ದಿಲ್ಲೆಂಯೀ ಕಾರಣ್. ವಿಧಾನ್‍ಸಭಾ ಚುನಾವಾಂತ್‍ಯೀ ಕ್ರಿಸ್ತಾಂವಾಂನಿ ಬಿಜೆಪಿಕ್ ಪಾಟಿಂಬೊ ದಿಲಾ. ಬಿಜೆಪಿಕ್ ಕ್ರಿಸ್ತಾಂವಾಂನಿ ಭರ್ಪೂರ್ ಪಾಟಿಂಬೊ ದಿಲಾ.

ಬುಡ್ಕುಲೊ: ತುಕಾ ಕ್ರಿಸ್ತಾಂವ್ ಧಾರ್ಮಿಕ್ ವರ್ಗಾಚೊ ಸಹಕಾರ್ ಕಸೊ ಆಸಾ?

ಜೋಯ್ಲಸ್: ಧಾರ್ಮಿಕಾಂಚೊ ಬರೊ ಸಹಕಾರ್ ಆಸಾ. ಸಕ್ಕಡ್ ಮ್ಹಾಕಾ ವಳ್ಕತಾತ್, ಬರೊ ಪಾಟಿಂಬೊ ದೀವ್ನ್ ಆಸಾತ್. ಧಾರ್ಮಿಕ್, ಲಾಯಿಕ್ ಮ್ಹಳ್ಳೊ ಫರಕ್ ನಾ. ಸಕ್ಡಾಂನಿ ಸಾಂಗಾತಾ ವಾವ್ರ್ ಕೆಲ್ಯಾರ್ ಸಮುದಾಯಾಚಿ ಅಭಿವೃದ್ಧಿ ಕರ್ಯೆತ್. ಆಮ್ಚ್ಯಾ ಸಮುದಾಯಾನ್ ಅಭಿಮಾನ್ ಪಾಂವ್ಚೆ ತಸಲೆಂ ಕಾಮ್ ಕರುಂಕ್ ಮ್ಹಾಕಾ ಅತ್ರೆಗ್ ಆಸಾ. ಮಂಡಳಿ ಆಸ್‍ಲ್ಲಿ ನಿಗಮ ಜಾಂವ್ಚ್ಯಾಕ್ ಭರಾನ್ ವಾವ್ರ್ ಕರುನ್ ಆಸಾಂ.

ಬುಡ್ಕುಲೊ: ಕೊಂಕ್ಣಿ ಕ್ರಿಸ್ತಾಂವ್ ಸಮುದಾಯ್ ಸರ್ಕಾರಿ ಉದ್ಯೋಗಾಂನಿ, ಉಂಚ್ಲ್ಯಾ ಹುದ್ದಾಂನಿ ಆನಿ ರಾಜಕೀಯಾಂತ್ ಭೋವ್ ಪಾಟಿಂ ಉರ್ಲಾ. ಹ್ಯಾ ವಿಶಿಂ ಕೆದ್ನಾಂಯ್ ರುದಾನ್ ಆಯ್ಕೊಂಕ್ ಮೆಳ್ತಾ. ಸಮಾವೇಶಾಂನಿ ರಡ್ಣೆಂ ಆಯ್ಕತಾ. ಹ್ಯಾ ದಿಶೆನ್ ತುಜೆ ಚಿಂತಾಪ್, ಧ್ಯೇಯ್ ಕಿತೆಂ? ಆಮ್ಚೆ ಯುವಜಣ್ ಹ್ಯಾ ದಿಶೆನ್ ಭಾರಿಚ್ ಪಾಟಿಂ ಆಸಾತ್…

ಜೋಯ್ಲಸ್: ಹಾಂವ್ ಕ್ರಿಸ್ತಾಂವ್ ಅಭಿವೃದ್ಧಿ ಮಂಡಳಿಚೊ ಅಧ್ಯಕ್ಷ್ ಜಾಲ್ಯಾ ಉಪ್ರಾಂತ್, ಕರ್ನಾಟಕ ರಾಜ್ಯ ಕ್ರೈಸ್ತ ಸರಕಾರಿ ನೌಕರರ ಸಂಘಾಚೆ ಹುದ್ದೆದಾರ್ ಮ್ಹಾಕಾ ಮೆಳೊನ್ ಹ್ಯಾ ವಿಶಿಂ ಉಲಯ್ಲ್ಯಾತ್. ಯುಪಿಎಸ್ಸಿ, ಕೆಪಿಎಸ್ಸಿ ಸ್ಪರ್ಧಾತ್ಮಕ್ ಪರೀಕ್ಷೆಂಕ್ ಬಸ್ಚ್ಯಾ ವಿದ್ಯಾರ್ಥಿಂ ಖಾತಿರ್ ಏಕ್ ಸಂಸ್ಥೊ ಸುರ್ವಾತ್ ಕರ್ತಾಂವ್ ಮ್ಹಳಾಂ. ತೆ ಖುದ್ ಅಸಲ್ಯಾ ಪರೀಕ್ಷೆಂನಿ ಉತ್ತೀರ್ಣ್ ಜಾವ್ನ್ ಆಯಿಲ್ಲೆ. ತಾಂಕಾಂ ತಾಚಿ ಮಾಹೆತ್, ಅನುಭವ್ ಆಸಾ. ತಾಕಾ ಸಹಕಾರ್ ದೀಜೆ ಮ್ಹಣ್ ತೆ ಆಯಿಲ್ಲೆ. ಮಂಡಳಿ ಥಾವ್ನ್ ತಾಕಾ ಸಹಕಾರ್ ದಿಂವ್ಚ್ಯಾ ವಿಶಿಂ ಪ್ರಯತ್ನಾಂ ಕರ್ತಾಂ. ತಸಲೊ ಏಕ್ ಸಂಸ್ಥೊ ಆಮ್ಚ್ಯಾ ಸಮುದಾಯಾಕ್ ಅತೀ ಗರ್ಜ್ ಆಸಾ. ತ್ಯಾ ಮುಖಾಂತ್ರ್ ಆಮ್ಚ್ಯಾ ಯುವಜಣಾಂಕ್ ಮಾರ್ಗದರ್ಶನ್ ಆನಿ ತರ್ಬೆತಿ ಮೆಳ್ತೆಲಿ.

Send Feedback to: budkuloepaper@gmail.com

Like us at: www.facebook.com/budkulo.epaper

Visit and Watch Videos in our YouTube Channel

The post CAA, NRC ವರ್ವಿಂ ಕ್ರಿಸ್ತಾಂವಾಂಕ್ ಕಿತೆಂಚ್ ಬಾಧಕ್ ನಾ, ಭಿಯೆಂವ್ಚಿ ಗರ್ಜ್ ನಾ: ಜೋಯ್ಲಸ್ ಡಿಸೋಜ appeared first on Budkulo.

ಎಕಾ ಕಾಳಾರ್ ಕಾನೂನ್ ಮ್ಹಳ್ಯಾರ್ ಭೋವ್ ಥೊಡ್ಯಾಂಕ್ ಸಂಬಂಧ್ ಜಾಲ್ಲಿ ಗಜಾಲ್ ಜಾವ್ನಾಸ್‍ಲ್ಲಿ. ಪುಣ್ ಆಜ್? ಕಾನೂನಾ ವಿಶಿಂ ಮಾಹೆತ್, ಸಮ್ಜಣಿ ನಾತ್‍ಲ್ಲೊ ನಿರರ್ಥಕ್ ಮಾತ್ರ್ ನ್ಹಯ್, ಆಪ್ಲ್ಯಾ ಅಜ್ಞಾನಾ ವರ್ವಿಂ ಕೊಣೆಂಯೀ ಸಮಸ್ಸ್ಯಾಂಕ್ ಸಾಂಪ್ಡೊನ್ ಪಡ್ಯೆತ್ ತಸಲಿ ಪರಿಸ್ಥಿತಿಯೀ ಆಸಾ. ತುಮ್ಕಾಂ ಉಡಾಸ್ ಆಸೊಂಕ್ ಪುರೊ, 2008 ಇಸ್ವೆಚ್ಯಾ ಸಪ್ತೆಂಬರ್ 14 ಆನಿ 15 ತಾರಿಕೆರ್, ಮಿಲಾರ್ ಎಡೋರೇಶನ್ ಮಿನಿಸ್ಟ್ರಿಚೆರ್ (ಆನಿ ರಾಜ್ಯ್‍ಭರ್) ಜಾಲ್ಲ್ಯಾ ಹಲ್ಲ್ಯಾ ಉಪ್ರಾಂತ್ ಮಂಗ್ಳುರಿ ಕ್ರಿಸ್ತಾಂವ್ ಪರ್ಜಾ ಥರ್ಥರೊನ್ ಗೆಲ್ಲಿ. ತಿತ್ಲೆಂ ಮಾತ್ರ್ ನ್ಹಯ್, ಸಬಾರ್ ಯುವಜಣ್ ಬಂಧಿ ಜಾವ್ನ್ ಜೈಲಾಕ್ ಪಾವ್‍ಲ್ಲೆ. ತ್ಯಾ ಸಂದರ್ಭಾರ್, ಸಾಮಾಜಿಕ್ ವಿಚಾರ್ ಆನಿ ಕಾನೂನಾತ್ಮಕ್ ಗಜಾಲಿಂಚೆರ್ ಆಮ್ಚ್ಯಾ ಲೊಕಾಕ್ ಗರ್ಜೆಚಿ ಸಮ್ಜಣಿ ನಾತ್‍ಲ್ಲೆ ವರ್ವಿಂ ಜಾಯ್ತೆ ರಗ್ಳೆ ಫುಡ್ ಜಾಲ್ಲೆ ಮ್ಹಳ್ಳೆಂ ಆಯ್ಕೊಂಕ್ ಮೆಳ್ಳೆಂ.

ತ್ಯಾಚ್ ಸಂದರ್ಭಾರ್ ಫಾ. ಫ್ರಾನ್ಸಿಸ್ ಅಸಿಸಿ ಅಲ್ಮೇಡಾಚ್ಯಾ ನಾಂವಾಚಿ ಮ್ಹಾಕಾ ವಳಕ್ ಜಾಲ್ಲಿ. ಪಾದ್ರಿಂ ಮಧೆಂ ಎಕ್ಲೊ ವಕೀಲ್‍ಯೀ ಆಸಾ ಮ್ಹಣ್ ಕಳ್‍ಲ್ಲೆಂ. ಚರ್ಚ್ ಎಟ್ಯಾಕ್ ವೆಳಿಂ ರಾಕ್ಣೊ ಪತ್ರಾನ್ ಕಾಡ್‍ಲ್ಲ್ಯಾ ವಿಶೇಸ್ ಆಂಕ್ಯಾಂತ್ ಮ್ಹಜೆಂ ಲೇಖನ್ ಫಾಯ್ಸ್ ಜಾಲ್ಲೆಂ. ತವಳ್ ಹಾಂವ್ ಪರಿಣತ್ ಬರವ್ಪಿ ನ್ಹಯ್ ತರೀ, ಆಮ್ಚ್ಯಾ ಸಮಾಜೆಕ್, ಅಸಲ್ಯಾ ಸಂಗ್ತಿಂ ಥಂಯ್ ಕಶೆಂ ಪ್ರತಿಕ್ರಿಯಾ ದಾಕಯ್ಜೆ ತೆಂ ಕಳಿತ್ ನಾತ್‍ಲ್ಲ್ಯಾ ವಿಶಿಂ ಆನಿ ಕಾನೂನಾಕ್ ಲಗ್ತಿ ವಿಚಾರಾಂಚಿ ಜಾಣ್ವಾಯ್ ನಾತ್‍ಲ್ಲ್ಯಾನ್ ಕಿತೆಂ ಬಾಧಕ್ ಜಾತಾ ಮ್ಹಣ್ ಲಿಖ್‍ಲ್ಲೆಂ. ತ್ಯೊಚ್ ಗಜಾಲಿ ಆಜೂನ್ ಹರ್ಯೆಕ್ ಕಡೆನ್ ಚರ್ಚಾ ಜಾವ್ನ್ ಆಸಾತ್. ಆಯ್ಲೆವಾರ್ ಉಡುಪಿ ಆನಿ ಮಡಂತ್ಯಾರಾಂತ್ ಕಥೊಲಿಕ್ ಸಭೆಚ್ಯಾ ಮುಖೇಲ್ಪಣಾರ್ ದೋನ್ ಬೃಹತ್ ಸಮಾವೇಶಾಂ ಚಲ್ಲಿಂ. ಥಂಯ್ಸರೀ ಆಮ್ಚ್ಯಾ ಸಮುದಾಯಾಚ್ಯಾ ಉಣೆಂಪಣಾಚೆರ್‌ಚ್ ಪ್ರಮುಖ್ ಚರ್ಚಾ ಚಲ್ಲಿ. ಚರ್ಚಾ ಕೆದ್ನಾಂಯ್, ಸಗ್ಳ್ಯಾಂನಿ ಚಲ್ತಾ, ಪುಣ್ ಪರಿಣಾಮ್ ಜಾಲ್ಲೆಂ ಮಾತ್ರ್ ದಿಸನಾ!

ಆಪ್ಣೆಂ ಬರ್‍ಯಾ ಇರಾದ್ಯಾನ್ ವಕೀಲ್ ವೃತ್ತಿ ಘೆತ್‍ಲ್ಲಿ ಮ್ಹಣ್ತಾ ಫಾ. ಫ್ರಾನ್ಸಿಸ್ ಅಲ್ಮೇಡಾ. ಚರ್ಚ್ ಎಟ್ಯಾಕ್ ಸಂಬಂಧಿ ತಾಣೆಂ ಜಾಯ್ತೊ ವಾವ್ರ್ ಕೆಲಾ. ಆಯ್ಲೆವಾರ್ ತಾಣೆಂ ಬರಯಿಲ್ಲೊ ‘ಕಾನೂನ್ ಜೀವನ್’ ಪುಸ್ತಕ್ ಪ್ರಕಟ್ ಜಾಲಾ. ಆಪ್ಲ್ಯಾ ಸಮಾಜೆನ್ ಕಾನೂನ್ ಜಾಣ್ವಾಯ್ ಆಪ್ಣಾಯ್ಜೆ, ಅನಾವಶ್ಯ್ ಸಮಸ್ಸ್ಯಾಂಕ್ ಸಾಂಪ್ಡನಾಯೆ ಮ್ಹಳ್ಳೊ ಹುಸ್ಕೊ ತಾಕಾ ಆಸಾ. ಧಾಕ್ಡ್ಯಾಂ ಆದಿಂ ವಕೀಲ್ ಶಿರ್ತಾಡಿ ವಿಲಿಯಂ ಪಿಂಟೊನ್ ಸಮುದಾಯಾ ಪಾಸತ್ ದರಬಸ್ತ್ ವಾವ್ರ್ ಕೆಲ್ಲೊ; ಸಮಾಜೆಕ್ ಸುಶಿಕ್ಷಿತ್, ಸದೃಢ್ ಕರ್ಚ್ಯಾಕ್ ಜಾಯ್ತೊ ವಾವ್ರ್ ಕೆಲ್ಲೊ. ತ್ಯಾಚ್ ಮೆಟಾಂನಿ ಫಾ. ಅಲ್ಮೇಡಾ ಚಮ್ಕೊನ್ ಆಸಾ. ತಾಚೊ ಬೂಕ್ ಕಾನೂನಾಚ್ಯಾ ಗಜಾಲಿಂಚೆರ್ ಲೊಕಾಕ್ ಭೋವ್ ಉಪ್ಕಾರಾಚೊ ಜಾಲಾ.

ಕೊಂಕ್ಣಿ ಪತ್ರಾಂನಿ ಪ್ರಮುಖ್ ಸಂಗ್ತಿಂ ವಿಶಿಂ ಫಾ. ಅಲ್ಮೇಡಾಚಿಂ ಬರ್ಪಾಂ ಪ್ರಕಟ್ ಜಾಲ್ಯಾಂತ್. ತಾಚ್ಯಾ ಪುಸ್ತಕಾಂತ್ ಕಾನೂನಾಚ್ಯಾ ವಿಚಾರಾಂಚೆರ್ ದಬರಸ್ತ್ ಮಾಹೆತ್ ದಿಲ್ಯಾ. ಕೊಂಕ್ಣಿ ಕಥೊಲಿಕ್ ಲೊಕಾಕ್ ಹ್ಯಾ ಪುಸ್ತಕಾ ವರ್ವಿಂ ಗರ್ಜೆಚಿ ಜಾಣ್ವಾಯ್ ಮೆಳ್ತಾ.

ನಂತೂರ್ಚ್ಯಾ ‘ಸಂದೇಶ’ ಸಂಸ್ಥ್ಯಾಚೊ ನಿರ್ದೇಶಕ್ ಜಾವ್ನ್ ಪ್ರಸ್ತುತ್ ಸೆವಾ ದಿಂವ್ಚ್ಯಾ ಫಾ. ಫ್ರಾನ್ಸಿಸಾಚೆಂ, ‘ಬುಡ್ಕುಲೊ’ ವಾಚ್ಪ್ಯಾಂ ಪಾಸತ್ ಘೆತ್‍ಲ್ಲೆಂ, ಸಂದರ್ಶನ್ ಹಾಂಗಾಸರ್ ದಿಲಾಂ.

-ಸಂಪಾದಕ್

ಬುಡ್ಕುಲೊ: ‘ಸಂದೇಶ’ ಸಂಸ್ಥ್ಯಾಚಿ ಕಾರ್ಯ ವ್ಯಾಪ್ತಿ ಕಿತೆಂ?

ಬಾ. ಫ್ರಾನ್ಸಿಸ್ ಅಲ್ಮೇಡಾ: ‘ಸಂದೇಶ’ ಸಂಸ್ಥೊ 1989ವ್ಯಾ ವರ್ಸಾ ಸುರ್ವಾತ್ ಜಾಲೊ. ಕರ್ನಾಟಕ ಪ್ರಾಂತೀಯ್ ಬಿಸ್ಪಾಂಚ್ಯಾ ಮಂಡಳಿನ್ (14 ದಿಯೆಸೆಜಿಂಚಿ) ಚಲಂವ್ಚೊ ಕಲಾ ಸಂಸ್ಥೊ ಹೊ. ಸ್ಥಳೀಯ್ ಮಟ್ಟಾರ್‌ಯೀ ಆಮಿ ಜಾಯ್ತೊ ವಾವ್ರ್ ಕರ್ತಾಂವ್. ಆಮಿ ಆಯ್ಲೆವಾರ್‌ಚ್, ಪಯ್ಲೆ ಪಾವ್ಟಿಂ ಛಾಪ್‍ಲ್ಲ್ಯಾ ಆಮ್ಚ್ಯಾ ಬುಲೆಟಿನಾಂತ್ ಹಾಚೊ ವಿವರ್ ದಿಲಾ. (ಬುಲೆಟಿನ್ ಪಯ್ಲೆಂ ಇ-ಪತ್ರಾ ರುಪಾರ್ ಮಾತ್ರ್ ಆಸ್‍ಲ್ಲೆಂ). ಸಂದೇಶ ಇನ್ಸ್‍ಟಿಟ್ಯೂಟ್ ತಶೆಂಚ್ ಸೋಶಿಯಲ್ ಕಮ್ಯೂನಿಕೇಶನ್ ಕಮಿಶನ್ – ಅಶೆಂ ದೋನ್ ವಿಭಾಗ್ ಹಾಂಗಾ ಆಸಾತ್. ಹಾಂವ್ ಸಂದೇಶ ಸಂಸ್ಕೃತಿ ಆನಿ ಕಲಾ ಕೇಂದ್ರಾಚೊ ನಿರ್ದೇಶಕ್; ಸೋಶಿಯಲ್ ಕಮ್ಯೂನಿಕೇಶನ್ ಕಮಿಶನಾಚೊ ಕಾರ್ಯದರ್ಶಿ. ಬಿಸ್ಪ್ ಹೆನ್ರಿ ಡಿಸೋಜಾ ಹಾಂಚೊ ಅಧ್ಯಕ್ಷ್. ಹೆ ದೊನೀ ವಾವ್ರ್ ಮ್ಹಾಕಾ ಆಸಾತ್. ಸಂದೇಶ ಮುಖಾಂತ್ರ್ ಕಲಾ, ಸಂಗೀತ್ ಆನಿ ಸಂಸ್ಕೃತಿ ವಿಶಿಂ ಜಾಣ್ವಾಯ್ ದಿತಾಂವ್. ಸವೆಂ ಶಿಕಪ್/ತರ್ಬೆತಿ ದಿತಾಂವ್. ಭಾರತೀಯ್ ಆನಿ ಪಾಶ್ಚಾತ್ಯ್ ಸಂಗೀತ್-ಸಂಸ್ಕೃತಿ ಆಮಿ ಶಿಕಯ್ತಾಂವ್. ಪ್ರಸ್ತುತ್ 250 ವಿದ್ಯಾರ್ಥಿ ಆಸಾತ್. ಪುತ್ತೂರಾಂತ್ ಆನಿ ಬೆಳ್ತಂಗಡಿಂತ್‍ಯೀ ಸಂಗೀತ್ ತರ್ಬೆತಿ ದೀವ್ನ್ ಆಸಾಂವ್. ಸರ್ವ್ ಜಾತ್-ಧರ್ಮಾಚೊ ಲೋಕ್ ಆಮ್ಚೆ ಲಾಗಿಂ ಯೆತಾ. ಕ್ರಿಸ್ತಾಂವ್ ಭುರ್ಗ್ಯಾಂಚೆಂ ಹಾಜರ್ಪಣ್ ಚಡ್ ಆಸಾ.

ಬುಡ್ಕುಲೊ: ‘ಸಂದೇಶ’ ಪ್ರಶಸ್ತಿ ರಾಜ್ಯಾಂತ್ ಫಾಮಾದ್ ಆನಿ ಪ್ರತಿಷ್ಠಿತ್…

ಬಾ. ಫ್ರಾನ್ಸಿಸ್: ವ್ಹಯ್. ಸಕ್ಡಾಂಕ್ ಆಮಿ ಪ್ರಶಸ್ತೆಂಕ್ ಲೆಕ್ತಾಂವ್. ಚಡಾವತ್ ಆಮಿ ಸಾಹಿತ್ಯ್, ಕಲಾ ಆನಿ ಸಾಂಸ್ಕೃತಿಕ್ ಶೆತಾಂತ್ ಸಾಧನ್ ಕೆಲ್ಲ್ಯಾಂಕ್ ದಿತಾಂವ್. ಆಖ್ಖ್ಯಾ ಕರ್ನಾಟಕಾಂತ್ಲ್ಯಾ ಸಾಧಕಾಂಕ್ ವಿಂಚುನ್ ಮಾನ್ ಕರ್ತಾಂವ್.

ಬುಡ್ಕುಲೊ: ತುಂ ಏಕ್ ಬರವ್ಪಿಯೀ ಜಾವ್ನಾಸಾಯ್. ಬರಂವ್ಚ್ಯಾಕ್ ಕಶೆಂ ಆಸಕ್ತ್ ಉದೆಲಿ?

ಬಾ. ಫ್ರಾನ್ಸಿಸ್: ಬರಂವ್ಕ್ ಹಾಂವೆಂ ಉರ್ಬಾ ದಾಕಯಿಲ್ಲ್ಯಾ ಪ್ರಾಸ್ ಮ್ಹಜ್ಯಾ ವೃತ್ತೆನ್‍ಂಚ್ ಮ್ಹಾಕಾ ಬರಂವ್ಕ್ ಲಾಯ್ಲೆಂ ಮ್ಹಣ್ಯೆತ್. ಹಾಂವ್ ಕಾನೂನಾಕ್ ಸಂಬಂಧ್ ಜಾಲ್ಲ್ಯಾ ವಿಚಾರಾಂಚೆರ್ ಲೇಖನಾಂ ಬರಯ್ತಾಂ, ಕೊಂಕ್ಣಿ ಪತ್ರಾಂಕ್ ಧಾಡುನ್ ದಿತಾಂ. ತ್ಯಾ ವಿಶಿಂ ವಿಚಾರ್ಲ್ಯಾರ್ ಬರವ್ನ್ ದಿತಾಂ. ದುಸ್ರೆಂ ಕಿತೆಂಯೀ ಹಾಂವೆಂ ಬರಂವ್ಕ್ ನಾ. ಹೆರಾಂಚಿಂ ಬರ್ಪಾಂ ವಾಚ್ತಾಂ. ಸಾಮಾಜಿಕ್ ಗಜಾಲಿಂಚೆರ್ ಬರ್ಪಾಂ, ನವೆಂಸಾಂವ್ ಆಟಾಪ್ಚ್ಯೊ ಗಜಾಲಿ ವಾಚ್ತಾಂ.

ಬುಡ್ಕುಲೊ: ತುಂ ವಕೀಲ್ ಕಶೆಂ ಜಾಲೊಯ್?

ಬಾ. ಫ್ರಾನ್ಸಿಸ್: ತಾಕಾ ಏಕ್ ಚರಿತ್ರಾ ಆಸಾ. ಮ್ಹಾಕಾ ವಕಾಲತೆಂತ್ ಆಸಕ್ತ್ ಆಸ್‍ಲ್ಲಿ, ಸವೆಂ ಖೆಳಾಂತ್‍ಯೀ. ಓಡ್ದ್ ಜಾತಚ್, 2004 ಇಸ್ವೆಂತ್, ಹಾಂವ್ ಇಜಯ್ ಫಿರ್ಗಜೆಕ್ ಆಯ್ಲೊಂ. ಏಕ್ ದೀಸ್ ಥಂಯ್ ಎಕಾ ಮಾನೆಸ್ತಾ ಸಾಂಗಾತಾ, ಎಕಾ ವಕೀಲಾ ಲಾಗಿಂ ಲ್ಹಾನ್ ಮಾಹೆತ್ ಘೆಂವ್ಕ್ ಗೆಲ್ಲೊಂ. ಉಲವ್ನ್ ಭಾಯ್ರ್ ಯೆತಾತಾ ಮ್ಹಜೆ ಸಂಗಿಂ ಆಯ್ಲೆಲ್ಯಾನ್ ಪೈಶೆ ದೀಂವ್ಕ್ ವೆತಾನಾ, ‘ಬೇಡ, ಫಾದರ್ ಜೊತೆ ಬಂದ್ರಲ್ಲಾ ಬೇಡ’ ಮ್ಹಣಾಲೊ ವಕೀಲ್. ಕಿತ್ಲೆ ದೀಂವ್ಕ್ ಗೆಲ್ಲೊಯ್ಗೀ ಮ್ಹಣ್ ಹಾಂವೆಂ ವಿಚಾರ್ತಾನಾ 500 ರುಪಯ್ ಮ್ಹಣಾಲೊ. ತೆದ್ನಾಂ, ಎಕಾ ಜಾಣ್ವಾಯೆಚ್ಯಾ ಮನ್ಶ್ಯಾ ಲಾಗಿಂ ವಚೊನ್ ರು. 500 ದೀಂವ್ಕ್ ದುಬ್ಳ್ಯಾ ವ್ಯಕ್ತಿಂಕ್ ಸಾಧ್ಯ್ ಜಾತಾಗೀ ಮ್ಹಳ್ಳೆಂ ಸವಾಲ್ ಮ್ಹಾಕಾ ಧೊಸ್ಲೆಂ. ತ್ಯಾ ದಿಸಾಚ್ ಹಾಂವೆಂಯೀ ಏಕ್ ವಕೀಲ್ ಜಾಯ್ಜೆ ಮ್ಹಣ್ ನಿರ್ಧಾರ್ ಘೆತ್ಲೊ. ತೆದ್ನಾಂಚೊ ವಿಗಾರ್ ಫಾ. ಜೆ.ಪಿ. ತಾವ್ರೊ ಲಾಗಿಂ ಸಾಂಗ್ತಾನಾ, ‘ಬರೊ ನಿರ್ಧಾರ್, ಫುಡೆಂ ಸರ್’ ಮ್ಹಣಾಲೊ. ಬಿಸ್ಪಾ ಲಾಗಿಂ ಉಲಯ್ಲೊಂ. ತಶೆಂ, 2006 ಇಸ್ವೆಂತ್ ಹಾಂವೆಂ ಕಾನೂನ್ ಶಿಕಪ್ ಸುರ್ವಾತ್ ಕೆಲೆಂ.

ಆಜ್, ಹಾಂವೆಂ ಕಾನೂನ್ ಶಿಕಪ್ ಜೊಡ್‍ಲ್ಲ್ಯಾ ವರ್ವಿಂ ದಿಯೆಸೆಜಿಕ್ ಆನಿ ಸಮಾಜೆಕ್ ಕಿತ್ಲೆಂ ಬರೆಂ ಜಾಲಾಂ ತೆಂ ಹಾಂವ್ ವ್ಹರಂವ್ಕ್ ವಚನಾ. ಪುಣ್ ಮ್ಹಜೆ ಲಾಗಿಂ ಆಯಿಲ್ಲ್ಯಾಂಕ್ ಕಿತ್ಲೆಂ ಬರ್ಯಾಕ್ ಪಡ್ಲಾಂ ತೆಂ ಮ್ಹಾಕಾ ಗರ್ಜೆಚೆಂ. ಮ್ಹಜೆ ಲಾಗಿಂ ಆಯಿಲ್ಲ್ಯಾ ಕೊಣಾಯ್ಕೀ ಹಾಂವೆಂ ಚೂಕ್ ಸಲಹಾ ದೀಂವ್ಕ್ ನಾ. ಸುರ್ವಾತೆರ್ ಸಕ್ಕಡ್ ಸಂಗ್ತಿ ಕಳಿತ್ ಆಸನಾಂತ್, ತರೀ ಹೆರಾಂ ಲಾಗಿಂ ಕನ್ಸಲ್ಟ್ ಕರುನ್ ಹಾಂವ್ ಜಾಣಾಂ ಜಾವ್ನ್ ಸಮ್ಜಣಿ, ಮಾರ್ಗದರ್ಶನ್ ದಿತಾಲೊಂ. ಸಬಾರ್ ಕಡೆನ್ ವಚೊನ್ ಉಲವ್ಪಾಂ ದಿಲ್ಯಾಂತ್. ಮ್ಹಜಿ ಜಾಣ್ವಾಯ್ ಗರ್ಜೆವಂತಾಂಕ್ ದಿಲ್ಯಾ ಮ್ಹಳ್ಳಿ ತೃಪ್ತಿ ಆಸಾ.

ಬುಡ್ಕುಲೊ: ತುಂ ಏಕ್ ಯಾಜಕ್ ಜಾವ್ನಾಸೊನ್ ವಕೀಲ್ ವೃತ್ತಿ ಕರುಂಕ್ ಕಶೆಂ ಸಾಧ್ಯ್ ಜಾತಾ?

ಬಾ. ಫ್ರಾನ್ಸಿಸ್: ಮ್ಹಾಕಾ ಕಸಲಿಯೀ ಅಡ್ಕಳ್ ಭೊಗನಾ. ವೆಳಾಚೊ ಅಭಾವ್ ಧೊಸ್ತಾ ಜಾಂವ್ಕ್ ಪುರೊ. ಯಾಜಕ್ಪಣಾಚಿ ಜವಾಬ್ದಾರಿ, ಮೆಳ್‍ಲ್ಲೊ ಹುದ್ದೊ ಸಾಂಬಾಳ್ಚ್ಯಾ ಸವೆಂ ಹಾಕಾ ಚಡ್ತಿಕ್ ಗುಮಾನ್ ದೀಜೆ. ಪ್ರಸ್ತುತ್, ಕಾನೂನಾಂತ್ ಪಿಎಚ್.ಡಿ. ಕರುನ್ ಆಸಾಂ. ಯಾಜಕ್ ಜಾಲ್ಲ್ಯಾನ್ ವಕಾಲಾತ್ ಕರುಂಕ್ ಮ್ಹಾಕಾ ಅಡ್ಕಳ್ ಜಾಂವ್ಕ್ ನಾ.

ಹಾಂವ್ ಕೊಣಾಯ್ಕೀ ಅನ್ಯಾಯ್ ಜಾಯ್ಜೆ ಮ್ಹಣೊನ್ ವಕಾಲಾತ್ ಕರಿನಾ. ಜರ್ ಮ್ಹಜೆ ಲಾಗಿಂ ಆಯಿಲ್ಲ್ಯಾಚಿ ಚೂಕ್ ಆಸಾ ತರ್ ಹಾಂವ್ ತಾಕಾ ತಾಚಿ ಚೂಕ್ ಶೀದಾ ಸಾಂಗ್ತಾಂ. ಆಖೇರಿಕ್ ಆಮಿ ದೆವಾಕ್ ಲೇಕ್ ದೀಂವ್ಕ್ ಆಸಾ ನೆ! ತ್ಯಾ ಸಂಗ್ತಿಂತ್ ಮ್ಹಾಕಾ ತೃಪ್ತಿ ಆಸಾ. ಸ್ಥಳೀಯ್ ಕೊಡ್ತಿಂನಿ, ಕಮಿಶನಾಂತ್ ಆನಿ ಊಂಚ್ಲ್ಯಾ ಕೊಡ್ತಿಂತ್ (ಕರ್ನಾಟಕ ಹೈ ಕೋರ್ಟ್) ಹಾಂವೆಂ ಪ್ರ್ಯಾಕ್ಟೀಸ್ ಕೆಲಾಂ. ಪುಣ್ ಹಾಂವ್ ವೈಯಕ್ತಿಕ್ ಕೇಜಿ ಘೆನಾ. ತಾಕಾ ಕಾರಣಾಂ ಆಸಾತ್. ಹಾಂವೆಂ ಅಂತಸ್ಕರ್ನಾಚ್ಯಾ ತಾಳ್ಯಾಕೀ ಜಾಪ್ ದೀಜೆ.

ಬುಡ್ಕುಲೊ: ತುಂ ಯಾಜಕ್ ಆನಿ ವಕೀಲ್‍ಯೀ ಜಾವ್ನಾಸಾಯ್. ದಿಯೆಸೆಜಿಂತ್ ತುಜಿ ಜವಾಬ್ದಾರಿ ಕಿತೆಂ?

ಬಾ. ಫ್ರಾನ್ಸಿಸ್: ದಿಯೆಸೆಜ್ ಕಶೆಂ ಮ್ಹಾಕಾ ವಾಪಾರ್ತಾ ತಶೆಂ ಹಾಂವ್ ಕರ್ತಾಂ. ಬಿಸ್ಪ್ ಮ್ಹಜೆ ಥಾವ್ನ್ ಕಾನೂನಾಕ್ ಲಗ್ತಿ ಗಜಾಲಿ ಸಮ್ಜೊನ್ ಘೆತಾ. ಪಯ್ಲೆಂ ಹಾಂವ್ ಏಕ್ ಯಾಜಕ್. ಮ್ಹಜೆಂ ಮಿಸಾಂವ್ ಯಾಜಕ್ಪಣಾಚೆಂ. ವಕಾಲಾತ್ ಉಪ್ರಾಂತ್ಲೆಂ. ವಕಾಲಾತ್ ಮ್ಹಜ್ಯಾ ಮಿಸಾಂವ್ ವಾವ್ರಾಕ್ ಕುಮಕ್ ಕರ್ಚೆ ತಸಲೆಂ ಜಾಯ್ಜೆ ಶಿವಾಯ್ ಮ್ಹಜ್ಯಾ ಮಿಸಾಂವಾಕ್ ವಿರೋಧ್ ವೆಚೆ ತಸಲೆಂ ಹಾಂವ್ ಕರಿನಾ. ಹ್ಯಾ ಸಂಗ್ತಿಂತ್ ಮ್ಹಾಕಾ ಕಸಲಿಚ್ ಘುಸ್ಪಡ್ ವಾ ಗೊಂದೊಳ್ ನಾ. ಬಿಸ್ಪ್, ಯಾಜಕ್ ಆನಿ ಲೋಕ್ ಮ್ಹಜೆ ಲಾಗಿಂ ಕನ್ಸಲ್ಟ್ ಕರ್ತಾತ್. ಹಾಂವ್ ತಾಂಕಾಂ ಸಲಹಾ ದಿತಾಂ. ಆಮ್ಚ್ಯಾ ದಿಯೆಸೆಜಿಂತ್ ಪ್ರಸ್ತುತ್ ಕಾನೂನ್ ಸಂಬಂಧಿ ಸಂಸ್ಥೊ ನಾ.

ಬುಡ್ಕುಲೊ: ದೇಶಾಚೆಂ ಕಾನೂನ್ ಆನಿ ಕ್ಯಾನನ್ ಲಾ ಮಧೆಂ ಕಿತೆಂ ಫರಕ್ ಆಸಾ?

ಬಾ. ಫ್ರಾನ್ಸಿಸ್: ದೇಶಾಚೆಂ ಸಿವಿಲ್ ಕಾನೂನ್ ದೇಶಾಚ್ಯಾ ಲೊಕಾಕ್, ಪರಿಧೆಕ್ ಸಂಬಂಧ್ ಜಾಲ್ಲೆಂ. ಕ್ಯಾನನ್ ಲಾ ಆಮ್ಚ್ಯಾ ಸಮಡ್ತಿಕ್ ಸಂಬಂಧ್ ಜಾಲ್ಲೆಂ. ಕ್ಯಾನನ್ ಲಾ ಧಾರ್ಮಿಕ್ ಸಂಬಂಧಿ ನಿಯಮಾಂ ಆಟಾಪ್ತಾ.

ಸಿ.ಎ.ಎ., ಎನ್.ಆರ್.ಸಿ. ಆನಿ ಎನ್.ಪಿ.ಆರ್.

ಬುಡ್ಕುಲೊ: ಸಿಎಎ, ಎನ್‍ಆರ್‍ಸಿ ಆನಿ ಎನ್‍ಪಿಆರ್ ವಿಶಿಂ ಜಾಯ್ತೊ ಗೊಂದೊಳ್ ಆಸಾ. ಕ್ರಿಸ್ತಾಂವಾಂಕ್‍ಯೀ ತ್ಯಾ ವಿಶಿಂ ಭಿರಾಂತ್ ಆಸಾ. ಹ್ಯಾ ವಿಶಿಂ ಏಕ್‍ಪಕ್ಷೀಯ್ ವಾದ್ ಮಾಂಡ್ಚ್ಯಾಕೀ ತಾಚೆ ಸಾಧಕ್ ಬಾಧಕ್ ಕಿತೆಂ ಮ್ಹಣ್ ಚರ್ಚಾ ಕರುಂಕ್ ದೊನೀ ಕುಶಿಂ ಥಾವ್ನ್ ತಜ್ಞಾಂಕ್ ಆಪವ್ನ್ (For & Against) ವಿಚಾರ್ ವಿನಿಮಯ್ ಕರುಂಕ್ ಜಾಯ್ನಾಂಗೀ?

ಬಾ. ಫ್ರಾನ್ಸಿಸ್: ತಶೆಂ ಕರ್ಯೆತ್; (For & Against) ಚರ್ಚಾ ಕರ್ಯೆತ್. ಪುಣ್ ತ್ಯಾ ವಿಶಿಂ ಸ್ಪಷ್ಟ್ ಮಾಹೆತ್ ಆಸ್ಚೆ ಕೋಣ್ ಆಸಾತ್ ಆನಿ ಕೊಣಾಕ್ ಆಪಂವ್ಚೆಂ ಮ್ಹಳ್ಳೆಂಚ್ ಸವಾಲ್. ತಿತ್ಲ್ಯಾ ಸಮ್ಜಣೆಚೆ ವ್ಯಕ್ತಿ ಗರ್ಜ್ ಆಸಾತ್. ಆಮಿ ಭಾಯ್ಲ್ಯಾಂಕ್ ಆಪಯ್ಜೆ. ವಾದ್, ಚರ್ಚಾ ಮ್ಹಣೊನ್ ಲಡಾಯ್ ಕರ್ಚಿ ಪರಿಸ್ಥಿತಿ ಉಬ್ಜೊಂಕ್ ನಜೊ. (ಟಿ.ವಿ.ಚ್ಯಾ ಡಿಬೇಟಾಂತ್‍ಚ್ ಎಕಾಮೆಕಾ ಮಾರ್ನ್ ಪಡ್ತಾತ್ ತೆಂ ಪಳೆತಾಂವ್). ಉಲಂವ್ಕ್ ಯೆತೆಲ್ಯಾಚೊ ಇರಾದೊ ಕಸಲೊ ಆಸ್ತಾ ಮ್ಹಣ್ ಆಮ್ಕಾಂ ಕಶೆಂ ಕಳಿತ್ ಜಾಂವ್ಚೆಂ? ಆಮ್ಚ್ಯಾಚ್ ಸಮುದಾಯಾಂತ್ ಹ್ಯಾ ವಿಶಿಂ, ಸಾರ್ಕೆಂ ಕಿತೆಂ ಆನಿ ಸಾರ್ಕೆಂ ನ್ಹಯ್ ಆಸ್ಚೆಂ ಕಿತೆಂ ಮ್ಹಳ್ಳೆಂ ಸಾಂಗ್ಚೆ ಮನಿಸ್ ಚಡ್ ದಿಸನಾಂತ್.

ಕಾನೂನ್ ಮಾಹೆತ್ ಆನಿ ಕ್ರಿಸ್ತಾಂವಾಂಚಿ ಜಾಣ್ವಾಯ್…

ಬುಡ್ಕುಲೊ: 2008 ಚರ್ಚ್ ಎಟ್ಯಾಕ್ ವೆಳಾರ್ ತುವೆಂ ಜಾಯ್ತೊ ವಾವ್ರ್ ಕೆಲಾಯ್. ತ್ಯಾ ವೆಳಿಂ ತುಕಾ ಜಾಯ್ತೊ ಅನುಭವ್ ಜಾಲಾ. ಆಮ್ಚ್ಯಾ ಲೊಕಾಕ್ ಕಾನೂನ್ ಸಂಬಂಧಿ ಸಮ್ಜಣಿ, ಜ್ಞಾನ್ ಕಶೆಂ ಆಸಾ ಮ್ಹಣ್ ತುಕಾ ಭೊಗ್ತಾ?

ಬಾ. ಫ್ರಾನ್ಸಿಸ್: ಆಮ್ಚ್ಯಾ ಲೊಕಾಕ್ ಕಾನೂನಾಚಿ ಭೋವ್ ಉಣಿ ಜಾಣ್ವಾಯ್ ಆಸಾ. ಮ್ಹಜ್ಯಾಚ್ ಅನುಭವಾ ಪರ್ಮಾಣೆಂ ಆಮ್ಚ್ಯಾ ಲೊಕಾ ಥಂಯ್ ಕಾನೂನಾಚಿ ಸಮ್ಜಣಿ ಕಿತೆಂಚ್ ನಾ ಮ್ಹಣ್ಯೆತ್ ತಿತ್ಲಿ ಉಣಿಂ ಆಸಾ. ಜಾಯ್ತೆ ಜಣ್ ಕಾನೂನಾಚಿ ಜಾಣ್ವಾಯ್ ನಾತ್‍ಲ್ಲ್ಯಾನ್‍ಂಚ್ ಕೊಡ್ತಿಂಕ್ ವಚೊನ್ (ಕೇಜಿಂನಿ ಸಾಂಪ್ಡೊನ್) ಆಸಾತ್. ಆಮ್ಚ್ಯಾ ಲೊಕಾ ಲಾಗಿಂ ಆಸ್‍ಲ್ಲಿ ಕಾನೂನಾಚಿ ಜಾಣ್ವಾಯ್ ಕಿತೆಂಚ್ ಪಾವನಾ.

ಆಮ್ಚೆ ಲಾಗಿಂ ಶಿಕಪ್ ಬರೆಂಚ್ ಆಸಾ. ಫಕತ್ ಲಿಟರೆಸಿಕ್ ಎಜುಕೇಶನ್ ಮ್ಹಣೊಂಕ್ ಜಾಯ್ನಾ. ಉಲಂವ್ಕ್, ಬರಂವ್ಕ್ ಆಯಿಲ್ಲ್ಯಾಕ್ಷಣ್ ಸಮ್ಜಣಿ, ಜಾಣ್ವಾಯ್ ಆಸಾ ಮ್ಹಣೊಂಕ್ ಜಾಯ್ನಾ. ಥಿಯರಿ ಮಾತ್ರ್ ಕಳಿತ್ ಆಸ್ಲ್ಯಾರ್ ಪಾವನಾ, ಪ್ರ್ಯಾಕ್ಟಿಕಲ್‍ಯೀ ಕಳಿತ್ ಆಸಜೆ.

ಬುಡ್ಕುಲೊ: ಮಂಗ್ಳುರ್ ತಶೆಂ ಉಡುಪಿ ದಿಯೆಸೆಜಿಚ್ಯಾ ಆಮ್ಚ್ಯಾ ಕ್ರಿಸ್ತಾಂವ್ ಲೊಕಾಕ್ ಕಾನೂನಾಚಿ ಮಾಹೆತ್ ದಿಂವ್ಚ್ಯಾಕ್ ಕಿತೆಂ ವಾವ್ರ್ ಕರ್ಯೆತ್?

ಬಾ. ಫ್ರಾನ್ಸಿಸ್: ಹ್ಯಾ ವಿಶಿಂ ಉಲಯ್ಲಾಂ. ಟೀಮಾಂ ಕರಿಜೆ ಪಡ್ತಾತ್. ಆಮ್ಚೆ ಲಾಗಿಂ ಸರ್ವ್ ವ್ಯವಸ್ಥಾ ಆಸಾತ್. ಪತ್ರಾಂ ಆಸಾತ್. ಆಮ್ಚೆ ಲಾಗಿಂ ಡಿಜಿಟಲ್ ಸಂಪರ್ಕ್ ನಾಸ್ತಾನಾಂಯೀ ದಿಯೆಸೆಜಿಚ್ಯಾ ಲೊಕಾಕ್ ಹಫ್ತ್ಯಾ ಭಿತರ್ ಕಿತೆಂಯೀ ಖಬರ್ ಪಾವಂವ್ಕ್ ಸಾಧ್ಯ್ ಆಸಾ. ಸಂದೇಶ್, ಕಳವ್ಣಿ ಕಿತೆಂಯೀ ಆಸ್ಲ್ಯಾರ್ ಆಯ್ತಾರಾ ಲೊಕಾಕ್ ಸಾಂಗ್ಯೆತ್. ಆಮ್ಚೆ ಲಾಗಿಂ ಆಸ್‍ಲ್ಲಿ ವ್ಯವಸ್ಥಾ, ಮಾಂಡಾವಳ್ ಹೆರ್ ಲೊಕಾ ಲಾಗಿಂ ನಾ. ಆಮ್ಚೆ ಲಾಗಿಂ ಇತ್ಲೆಂ ಸಕ್ಕಡ್ ಆಸೊನ್‍ಯೀ ಕಾನೂನ್ ಆನಿ ಹೆರ್ ಗರ್ಜೆಚಿ ಮಾಹೆತ್, ಜಾಣ್ವಾಯ್ ನಾ ಮ್ಹಳ್ಯಾರ್ ಆಮ್ಚ್ಯಾ ವ್ಯವಸ್ಥೆಂತ್ ಸಲ್ವಣಿ ಜಾಲ್ಯಾ ಮ್ಹಣ್ ಮ್ಹಾಕಾ ಭೊಗ್ತಾ. ಫಿರ್ಗಜ್, ವಾರಾಡ್ಯಾ ಮಟ್ಟಾರ್ ತರ್ಬೆತಿ ಜೊಡ್‍ಲ್ಲೊ ಪಂಗಡ್ ಆಸೊನ್ ತಾಣಿಂ ಲೊಕಾಕ್ ತರ್ಬೆತ್ ಕರಿಜೆ. ತರ್ಬೆತಿ ಮ್ಹಳ್ಯಾರ್, ನವೆಂ ಕಾನೂನ್, ನಿಯಮ್ ಆಯಿಲ್ಲ್ಯಾ ವೆಳಾರ್ ತೆಂ ಲೊಕಾಕ್ ಅರ್ಥ್ ಕರಂವ್ಚೆಂ. ಮುಳಾವಿ ಸಮ್ಜಣಿ ಸಕ್ಡಾಂಕ್ ಆಸಜೆ.

ಆತಾಂ, ಸಿ.ಎ.ಎ. ವಿಶಿಂ ಹಾಂವೆಂ ಬರಯಿಲ್ಲೆಂ ಲೇಖನ್ ರಾಕ್ಣೊ ಪತ್ರಾರ್ ಆಯ್ಲಾಂ. ತೆಂ ಕಿತ್ಲ್ಯಾ ಲೊಕಾನ್ ವಾಚ್ಲಾಂ ಕಳಿತ್ ನಾ. ಆಮ್ಚೆ ಲಾಗಿಂ ಗಂಭೀರ್ ವಾಚಪ್ ಮ್ಹಳ್ಳೆಂ ನಾ. ವಾಚಪ್‍ಚ್ ನಾತ್‍ಲ್ಲೆ ಕಡೆನ್ ಅಸಲೆಂ ಪ್ರಯತ್ನ್ ಕಿತ್ಲೆಂ ಸಾರ್ಥಕ್ ಜಾತಾ ಮ್ಹಳ್ಳೆಂಯೀ ಏಕ್ ಸವಾಲ್. ಅಸಲ್ಯಾ ಗಂಭೀರ್ ಗಜಾಲಿಂಚೆರ್ ಆಸಕ್ತ್ ನಾತ್ಲ್ಯಾರ್ ಸಾರ್ಕೆಂ ಜಾಯ್ನಾ. ‘ಹೆಂ ಮ್ಹಾಕಾ ನ್ಹಯ್, ಹಾಚಿ ಮ್ಹಾಕಾ ಗರ್ಜ್ ನಾ’ ಮ್ಹಳ್ಳಿ ಚೂಕ್ ಪಾತ್ಯೆಣಿ ಸಬಾರಾಂಕ್ ಆಸಾ. ಆಮ್ಕಾಂ ಆಸ್ಚೆ ತಿತ್ಲೆಂ ಬರೆಂ ಶಿಕಪ್ ಕೊಣಾಯ್ಕೀ ನಾ. ಸರ್ವ್ ವ್ಯವಸ್ಥಾ ಆಸಾತ್. ತರೀ ಹೆಂ ಉಣೆಂಪಣ್.

ಆಮ್ಚ್ಯಾ ಸರ್ವ್ ಲೊಕಾಕ್ ವಾಚುಂಕ್, ಬರಂವ್ಕ್ ಕಳಿತ್ ಆಸಾ. ಆಮ್ಚೆ ಮಧೆಂ ಇತ್ಲೆ ಶಿಕ್ಪಾ ಸಂಸ್ಥೆ ಆಸೊನ್‍ಯೀ ಕಿತ್ಯಾಕ್ ಕೊಣೀ ಐಎಎಸ್, ಐಪಿಎಸ್ ಅಧಿಕಾರಿ ಜಾಯ್ನಾಂತ್? ಕಾರಣ್ ಹೆಂಚ್, ವಾಚ್ಪಾಚೆರ್ ಆಸಕ್ತ್ ನಾ ಆಸ್ಚೆಂ. ಶಿಕಪ್ ಮ್ಹಳ್ಯಾರ್ ವಾಚುಂಕ್, ಬರಂವ್ಕ್ ಕಳಿತ್ ಜಾಂವ್ಚೆಂ ಮಾತ್ರ್ ನ್ಹಯ್. ಗಲ್ಫಾಂತ್ ಉದ್ಯೋಗ್ ಮೆಳ್ಚೆಂ ಅಸಲ್ಯಾಕ್ ಏಕ್ ಕಾರಣ್ ಮ್ಹಣ್ ಹಾಂವ್ ಚಿಂತಾಂ. ವಿದೇಶಾಕ್ ವೆಚೆಂಚ್ ಸುರಕ್ಷಿತ್, ಸಲೀಸ್ ಮ್ಹಳ್ಳೆಂ ಚಿಂತಪ್ ಜಾಯ್ತ್ಯಾಂ ಥಂಯ್ ಆಸಾ.

ಚರ್ಚ್ ಎಟ್ಯಾಕ್ ಉಪ್ರಾಂತ್ಲಿಂ ಘಡಿತಾಂ ಆಮ್ಚ್ಯಾಂಕ್ ಕಶೆಂ ಪ್ರತಿಕ್ರಿಯಾ ದೀಜೆ ಮ್ಹಣ್ ಕಳಿತ್ ನಾತ್‍ಲ್ಲ್ಯಾಕ್ ದೃಷ್ಟಾಂತ್. ಹೆರಾಂನಿ ಸಯ್ತ್ ಸಾಂಗ್ಲಾಂ, ‘ಫಾದರ್, ನಿಮ್ಮ ಜನರಿಗೆ ಕಾನೂನಿನ ಬಗ್ಗೆ ಏನೂ ಗೊತ್ತಿಲ್ಲ’ ಮ್ಹಣೊನ್!

ಬುಡ್ಕುಲೊ: ಕಾನೂನ್ ಮಾಹೆತ್ ದಿಂವ್ಚೊ ತುಜೊ ಪುಸ್ತಕ್ ಪ್ರಕಟ್ ಕೆಲಾಯ್. ಪ್ರಚಾರ್ ಕಶೆಂ ಚಲ್ಲಾ? ಹ್ಯಾ ಬುಕಾಂತ್ ಕಿತೆಂ ವಿಶೇಸ್ ಆಸಾ..?

ಬಾ. ಫ್ರಾನ್ಸಿಸ್: ಇಗರ್ಜಾಂನಿ ಪ್ರಚಾರ್ ಕೆಲಾ. ಬೂಕ್ ವಿಕುನ್ ಗೆಲ್ಯಾತ್. ಲೊಕಾ ಥಾವ್ನ್ ಫೀಡ್‍ಬ್ಯಾಕ್‍ಯೀ ಮೆಳ್ಳಾಂ. ಕಳಿತ್ ನಾತ್‍ಲ್ಲಿ ಕಾನೂನ್ ಮಾಹೆತ್ ಮೆಳ್ಳ್ಯಾ ಮ್ಹಣ್ ಸಾಂಗ್ತಾತ್. ಹೊ ಬೂಕ್ ಫಾಯ್ದ್ಯಾಕ್ ಪಡ್ಚೊಚ್. 300 ಪಾನಾಂಚ್ಯಾ ಪುಸ್ತಕಾಕ್ 200 (ವಾ 150) ರುಪ್ಯಾಂಕ್ ದಿತಾಂ. ವಕೀಲಾ ಲಾಗಿಂ ಥೊಡೊ ವೇಳ್ ಸಲಹಾ ಘೆತ್ಲ್ಯಾರ್ ರು. 500 ದೀಜೆ ಪಡ್ತಾತ್. ಹ್ಯಾ ಪುಸ್ತಕಾಂತ್ 72 ವಿಷಯ್, 11 ಅಧ್ಯಾಯ್ ಆಸಾತ್. ತಿತ್ಲಿ ಮೊಲಾಧಿಕ್ ಮಾಹೆತ್ ಹಾಂತುಂ ಆಸಾ.

ಬುಡ್ಕುಲೊ: ಕಾನೂನಾಚಿ ಜಾಣ್ವಾಯ್ ಆನಿ ಮಾಹೆತ್ ಲೊಕಾಕ್ ಕಿತ್ಲಿ ಗರ್ಜ್ ಆಸಾ?

ಬಾ. ಫ್ರಾನ್ಸಿಸ್: 100% ಗರ್ಜ್ ಆಸಾ. ಕಾನೂನಾಚಿ ಜಾಣ್ವಾಯ್ ಅನಿವಾರ್ಯ್‍ಯೀ ವ್ಹಯ್. ಕಾನೂನಾಚಿ ಮಾಹೆತ್ ಆಸ್ಲ್ಯಾರ್ ಕಿತ್ಲ್ಯೊಯೀ ಗಜಾಲಿ (ವಿವಾದ್, ಝಗ್ಡಿಂ ಇತ್ಯಾದಿ) ಸಂಪ್ಯಾನ್ ಇತ್ಯರ್ಥ್ ಕರ್ಯೆತ್. ಆಮ್ಚ್ಯಾಚ್ ಸಮುದಾಯಾ ವಿಶಿಂ ಸಾಂಗ್ಚೆಂ ತರ್, ಚಡುಣೆಂ 60 ಥಾವ್ನ್ 70% ಕೇಜಿ ಕೊಡ್ತಿಂನಿ ಆಸಾತ್ ತರ್ ತೆಂ ಕಾನೂನಾಚಿ ಸಾರ್ಕಿ ಮಾಹೆತ್ ನಾತ್‍ಲ್ಲ್ಯಾನ್. ಸಾರ್ಕಿ ಜಾಣ್ವಾಯ್, ಜೊಕ್ತಿ ಮಾಹೆತ್, ಸಮ್ಜಣಿ ನಾತ್‍ಲ್ಲ್ಯಾನ್ ಕೇಜಿ ದಾಖಲ್ ಜಾಂವ್ಚೆಂ ಆಸಾ. ಥೊಡೆ ಪಾವ್ಟಿಂ ಮಿಸ್‍ಗೈಡ್ ಜಾಂವ್ಚೆಂಯೀ ಆಸಾ. ಮ್ಹಾಕಾ ಏಕ್ ಕೇಜ್ ಆಯಿಲ್ಲಿ. ತಾಣಿಂ ಸುರ್ವೆರ್ ಗರ್ಜೆಚೊ ದಾಖ್ಲೊ ದೀಂವ್ಕ್ ನಾ. ಸಕಯ್ಲ್ಯಾ ಕೊಡ್ತಿಂತ್ ಡಾಕ್ಯುಮೆಂಟ್ ದೀನಾತ್ಲ್ಯಾರ್ ಉಪ್ರಾಂತ್ ವಯ್ಲ್ಯಾ ಕೊಡ್ತಿಂತ್ ದೀಂವ್ಕ್ ಜಾಯ್ನಾ. ಅಸಲ್ಯಾ ಸಂದರ್ಭಾರ್ ಪಾಡ್ತಿಕ್ ಲುಕ್ಸಾಣ್ ಜಾತಾ. ಜಾಗ್ಯಾಚ್ಯಾ ವಿವಾದಾಂನಿ ಅಸಲೆ ಸಮಸ್ಸೆ ಸಬಾರ್ ಫುಡ್ ಜಾತಾತ್. ತವಳ್ ಬಾಧಕ್ ಜಾಂವ್ಚೆಂ ಸಂಬಂಧಿತ್ ಪಾಡ್ತಿಚ್ಯಾಂಕ್. ಕಾನೂನಾಚೆಂ ಪರಿಜ್ಞಾನ್ ನಾತ್ಲ್ಯಾರ್ ಅಶೆಂ ಜಾತಾ.

ಸೋಶಿಯಲ್ ಮೀಡಿಯಾ ಆನಿ ಕಾನೂನ್…

ಬುಡ್ಕುಲೊ: ಹ್ಯಾ ಡಿಜಿಟಲ್ ಯುಗಾಂತ್, ಪ್ರತ್ಯೇಕ್ ಕರ್ನ್ ಸೋಶಿಯಲ್ ಮೀಡಿಯಾಚ್ಯಾ ಕಾಳಾರ್, ಕಾನೂನಾಚಿ ಜಾಣ್ವಾಯ್ ಕಿತ್ಲಿ ಗರ್ಜ್?

ಬಾ. ಫ್ರಾನ್ಸಿಸ್: ವ್ಹಯ್, ಹ್ಯಾ ಸಂದರ್ಭಾರ್ ಚಡ್ ಜಾಗ್ರುತ್ ಆಸಜೆ. ಕಿತ್ಯಾಕ್ ಮ್ಹಳ್ಯಾರ್, ಸೋಶಿಯಲ್ ಮೀಡಿಯಾಂತ್ ಯೆಂವ್ಚೆಂ ರುಜ್ವಾತ್ (ಎವಿಡೆನ್ಸ್) ಜಾವ್ನ್ ಪರಿಗಣನ್ ಜಾತಾ. ಸೋಶಿಯಲ್ ಮೀಡಿಯಾಂನಿ ಆಯಿಲ್ಲೆಂ ಫಾರ್ವಡ್ ಕೆಲ್ಯಾರ್, ಇನ್‍ಫರ್ಮೇಶನ್ ಟೆಕ್ನಾಲಜಿ ಆ್ಯಕ್ಟಾ ಪರ್ಮಾಣೆಂ ಶಿಕ್ಷಾ ಮೆಳನಾತ್ಲ್ಯಾರೀ ಐ.ಪಿ.ಸಿ. ಪರ್ಮಾಣೆಂ ಶಿಕ್ಷಾ ಮೆಳ್ತಾ. ಡಿಫೇಮೇಶನ್ (ಮಾನ್‍ನಷ್ಟ್) ಕೇಜಿಂನಿ, ಹೆರಾಂಚೆಂ ನಾಂವ್ ಪಾಡ್ ಕೆಲ್ಲ್ಯಾ ಕೇಜಿಂನಿ ಅಸಲ್ಯಾಕ್ ರುಜ್ವಾತ್ ಜಾವ್ನ್ ಘೆತಾತ್. ದೆಕುನ್ ಡಿಜಿಟಲ್ ಯುಗಾಂತ್ ಚಡ್ ಚತ್ರಾಯ್ ಘೆಜೆ. ಧಾಡ್ನ್ ಡಿಲೀಟ್ ಕೆಲಾಂ ಮ್ಹಣ್ ವೊಗೆ ಬಸ್ಲ್ಯಾರ್ ಜಾಯ್ನಾ. ದೆಕುನ್ ತಸಲೆಂ ಕಿತೆಂಯೀ ಹೆರಾಂಕ್ ಧಾಡ್ಚ್ಯಾ ಪಯ್ಲೆಂಚ್ ಜಾಗ್ರುತ್ಕಾಯ್ ಘೆಜೆ. ಆಧುನಿಕ್ ಸಂಪರ್ಕ್ ಕ್ರಾಂತಿಚ್ಯಾ ಉಪಕರಣಾಂ/ಮಾಧ್ಯಮಾಂನಿ ಕಿತ್ಲೆಂ ಚಡ್ ಜಾಗ್ರುತ್ ಆಸ್ಲ್ಯಾರ್ ತಿತ್ಲೆಂ ಬರೆಂ. ಹರ್ಯೆಕ್ ಕಡೆನ್ ರುಜ್ವಾತಿ ದಾಖಲ್ ಜಾತಾತ್. (ಫೋನಾರ್ ಉಲಯಿಲ್ಲೆಂಯೀ ರೆಕೊರ್ಡ್ ಕರ್ಯೆತ್). ದೆಕುನ್ ಚತ್ರಾಯ್ ಸಾಂಬಾಳ್ನ್, ಅನಾವಶ್ಯ್ ಶೇರ್/ಫಾರ್ವಡ್ ಕರ್ಚೆಂ ನ್ಹಯ್. ಪ್ರತ್ಯೇಕ್ ಕರ್ನ್ ಕೊಣಾಯ್ಚೊ ಮಾನ್ ಕಾಡ್ಚೆ ತಸಲೆಂ ಕಿತೆಂಯೀ ದುಸ್ರ್ಯಾಂಕ್ ಧಾಡುಂಕ್ ನಜೊ.

ಬುಡ್ಕುಲೊ: ಫೇಸ್‍ಬುಕ್, ವಾಟ್ಸಪ್ ತಸಲ್ಯಾ ಮಾಧ್ಯಮಾಂನಿ ಕಿತೆಂಚ್ ನೆಣಾಂ ಆಸ್‍ಲ್ಲೊಯೀ ಒಟ್ರಾಶಿ ಕಮೆಂಟ್ಸ್ ಘಾಲ್ತಾ. ತವಳ್..?

ಬಾ. ಫ್ರಾನ್ಸಿಸ್: ತವಳ್‍ಯೀ ಸಮಸ್ಸೆ ಫುಡ್ ಜಾತಿತ್. ಕೊಣೆಂಯೀ ಘಾಲ್ಲೆಂ ಸತ್ ಆಸ್ಲ್ಯಾರ್ ಸಮಸ್ಸೆ ಜಾಯ್ನಾಂತ್. ಪುಣ್ ಸತ್ ನ್ಹಯ್ ಆಸ್‍ಲ್ಲೆಂ ಕಿತೆಂಯೀ ಘಾಲ್ಯಾರೀ ವಾ ದುರುದ್ದೇಶ್‍ಪೂರ್ವಕಿಂ ವಾಯ್ಟ್ ಘಾಲ್ಯಾರೀ ತಾಚೆರ್ ಕಾನೂನ್ ಕ್ರಮ್ ಘೆಂವ್ಕ್ ಜಾತಾ. ದೆಕುನ್, ಸೋಶಿಯಲ್ ಮೀಡಿಯಾಂತ್ ಕಿತೆಂಯ್ ಘಾಲ್ತಾನಾ, ಪ್ರತ್ಯೇಕ್ ಜಾವ್ನ್ ಆನ್ಯೇಕ್ಲ್ಯಾಚೊ ಮಾನ್ ಕಾಡ್ಚೆ ತಸಲೆಂ ಕಿತೆಂಯೀ ಘಾಲ್ಯಾರೀ ಭೋವ್‍ಚ್ ಚತ್ರಾಯ್ ಕಾಣ್ಗೆಜೆ. ಸಕ್ಡಾಚ್ಯಾಕೀ ಬರೆಂ ಆನಿ ಸುರಕ್ಷಿತ್ ಮ್ಹಳ್ಯಾರ್, ತಸಲೆಂ ಕಿತೆಂಯೀ ಘಾಲ್ನಾಸ್ತಾನಾ, ಕರಿನಾಸ್ತಾನಾ ರಾಂವ್ಚೆಂ. ಸಾರ್ಕೆಂ ನ್ಹಯ್ ಆಸ್‍ಲ್ಲೆಂ ಕರಿನಾಸ್ತಾನಾ ರಾಂವ್ಚೆಂಚ್ ಬರೆಂ.

ಗೊವ್ಳಿಕ್ ಸಮಿತಿ, ಲೋಕ್ ಆನಿ ತಕ್ರಾರ್…

ಬುಡ್ಕುಲೊ: ಚಡಾವತ್ ಆಯ್ಕೊಂಕ್ ಮೆಳ್ತಾ ಕಿತೆಂಗೀ ಮ್ಹಳ್ಯಾರ್, ಥೊಡೆ ಕಡೆನ್ ತೆಂ ಸತ್‍ಯೀ ಆಸ್ತಾ, ಆರ್ಥಿಕ್ ಸಮಿತಿ ವಾ ಗೊವ್ಳಿಕ್ ಪರಿಷದ್ ಫಕತ್ ನಾಮ್‍ಕೇವಾಸ್ತೆ ಜಾವ್ನಾಸ್ತಾ, ಅಂತಿಮ್ ಅಧಿಕಾರ್ ವಿಗಾರಾಚೊಚ್ ಆಸ್ತಾ… ಥಂಯ್ ಆಸ್‍ಲ್ಲೆ ತಾಕಾ ವಿರೋಧ್ ಕರಿನಾಂತ್… ಕಿತೆಂಯೀ ಯೋಜನಾಂ ಆಸಾ ಕರ್ತಾನಾ ಅಶೆಂ ತಕ್ರಾರ್ ಉಬ್ಜತಾತ್… ಪುಣ್ ಸಮತಿಂತ್ ಆಸ್‍ಲ್ಲೆ ಆಪ್ಲ್ಯಾ ಭದ್ರತೆ ಖಾತಿರ್ ವೊಗೆ ರಾವ್ತಾತ್…

ಬಾ. ಫ್ರಾನ್ಸಿಸ್: ತಿ ತಾಂಚಿಚ್ ಚೂಕ್! ಆಪ್ಲ್ಯಾ ಭದ್ರತೆ ಖಾತಿರ್, ಫಾಯ್ದ್ಯಾ ಖಾತಿರ್ ಆಸ್ಚ್ಯಾ ಮನ್ಶ್ಯಾಂ ಖಾತಿರ್ ಯಾಜಕಾಂಕ್ ದುರ್ಸೊಂಕ್ ಜಾತಾಗೀ? ಆತಾಂ ಹಾಂವ್‍ಂಚ್ ಏಕ್ ವಿಗಾರ್ ಜಾವ್ನಾಸೊನ್, ಮ್ಹಜೆ ಸಂಗಿಂ ಥೊಡೆ ಜಣ್ ಆಸಾತ್, ಥಂಡ್ ರಾವ್ತಾತ್ ಜಾಲ್ಯಾರ್ ಫಕತ್ ಎಕ್ಲ್ಯಾಚೆರ್ ಆರೋಪ್ ಮಾಂಡುಂಕ್ ಜಾತಾಗೀ? ತಾಣಿಂ ಸವಾಲ್ ಕರಿಜೆ, ಕ್ಲಾರಿಫಿಕೇಶನ್ ವಿಚಾರಿಜೆ, ವಿರೋಧ್ ಕರಿಜೆ…

ಮ್ಹಜೆಂಚ್ ದೃಷ್ಟಾಂತ್ ಸಾಂಗ್ತಾಂ. ಹಾಂವ್ ಎಕಾ ಫಿರ್ಗಜೆಕ್ ಗೆಲ್ಲ್ಯಾ ತವಳ್, ಥೊಡ್ಯಾಂನಿ ಆಮ್ಕಾಂ ಏಕ್ ಹೊಲ್ ಜಾಯ್ಜೆ ಮ್ಹಣಾಲೆ. ಹಾಂವೆಂ ತಾಂಕಾಂ ಬಜೆಟ್ ಕರಾ ಮ್ಹಳೆಂ. ಬಜೆಟ್ ಕಿತ್ಲೆಂ ಮ್ಹಣ್ ವಿಚಾರ್ತಾನಾ ರು. 65 ಲಾಕ್ ಮ್ಹಣಾಲೆ. ವರ್ಸಾಕ್ ಹಾಂಗಾ ಕಿತ್ಲೊ ಆದಾಯ್ ಯೇತ್ ಮ್ಹಣ್ ಹಾಂವೆಂ ವಿಚಾರ್ಲೆಂ. ಮ್ಯಾಕ್ಸಿಮಮ್ ಏಕ್ ಲಾಕ್ ಜಾವ್ಯೆತ್ ಮ್ಹಣಾಲೆ. ಎಕಾ ಬಾಂಧ್ಪಾಚಿ ಆವ್ದಿ 50 ವರ್ಸಾಂ ಧರ್ಯೆತ್. ತರ್ ವರ್ಸಾಕ್ ಏಕ್ ಲಾಖಾಂತ್ ಡಿಪ್ರೆಶಿಯೇಶನ್ ಆನಿ ಮೈಂಟೆನನ್ಸ್ ಕಾಡ್ನ್, ವರ್ಸಾಕ್ 60 ಹಜಾರಾಂ ಲೆಕಾನ್ ಆದಾಯ್ ಆಯ್ಲೊ ತರೀ 60 ಲಾಕ್ ಕರಿಜೆ ತರ್ ಕಿತ್ಲಿಂ ವರ್ಸಾಂ ಜಾಯ್ ಮ್ಹಣ್ ಹಾಂವೆಂ ವಿಚಾರ್ಲೆಂ. ತೆಂ ಜಾಯ್ನಾ ಮ್ಹಣ್ ತೆ ಗೆಲೆ.

ಬುಡ್ಕುಲೊ: ಏಕ್ ಯೋಜನ್ ಮಂಜೂರಾತೆ ಖಾತಿರ್ ಬಿಸ್ಪಾಚ್ಯಾ ಘರಾ ಯೆತಾನಾ ಥಂಯ್ ತಾಚೆಂ ಸಾಧಕ್-ಬಾಧಕ್ ಪಾರ್ಕುಂಚಿ ವ್ಯವಸ್ಥಾ ಆಸಾಗೀ?

ಬಾ. ಫ್ರಾನ್ಸಿಸ್: ವ್ಹಯ್. ದೋನ್ ಕಮಿಟಿ ಆಸಾತ್. ಆರ್ಥಿಕ್ ಆನಿ ಬಿಲ್ಡಿಂಗ್ ಕಮಿಟಿ ಆಸಾತ್. ಪೂರಾ ಪಳೆವ್ನ್ ಬಿಸ್ಪಾನ್ ನಾಕಾ ಮ್ಹಳ್ಯಾರೀ, ಫಿರ್ಗಜ್ ಆರ್ಥಿಕ್ ಸಮಿತಿಚೆ ‘ಆಮ್ಕಾಂ ಜಾಯ್ಜೆಚ್, ಆಮಿ ಕರ್ತಾಂವ್’ ಮ್ಹಣ್ ಹಟ್ ಧರ್ತಾತ್ ತರ್ ಬಿಸ್ಪಾನ್ ಕಿತೆಂ ಕರ್ಯೆತ್? ದೆಕುನ್ ಹಾಂವ್ ಮ್ಹಣ್ತಾಂ, ಆನಿ ರಾಕ್ಣೊ ಪತ್ರಾಂತ್ಲ್ಯಾ ಮ್ಹಜ್ಯಾ ಲೇಖನಾಂತ್ ಹಾಂವೆಂ ಬರಯಿಲ್ಲೆಂ ತೆಂಚ್, ಜರ್ ಎಕ್ಲೊ ಜೆನ್ವೀನ್ ಸಾಂದೊ/ಸಾಂದೆ ಮ್ಹಣ್ ಆಸಾತ್ ತರ್ ತಾಣಿಂ ತೆಂ ಯೋಜನ್ ರಾವವ್ಯೆತ್. ವಿಗಾರಾಕ್ ಬೆಜಾರ್ ಜಾಂವ್ಚೆಂ ನಾಕಾ, ಆಪ್ಣಾಕ್ ತೀನ್ ವರ್ಸಾಂ ಸಮಿತಿಂತ್ ಆರಾಮಾಯೆರ್ ಆಸಜೆ ಮ್ಹಳ್ಳ್ಯಾ ಚಿಂತ್ಪಾನ್ ಕೊಣೆಂಯೀ ಆಸ್ಲ್ಯಾರ್ ಕಿತೆಂ ಮ್ಹಣಜೆ? ದೆಕುನ್ ಹಾಂವ್ ಮ್ಹಣ್ತಾಂ, ವಿಗಾರಾಕ್ ಹಾಂತುಂ ಜವಾಬ್ದಾರ್ ಕರುಂಕ್ ಜಾಯ್ನಾ.

Very Clear: ಕೊಂಕ್ಣಿ ಕಥೊಲಿಕ್ ಸಮುದಾಯಾಚೆಂ Empowerment ಕರ್ಚೆಂಚ್ ಬುಡ್ಕುಲೊ ಇ-ಪತ್ರಾಚೊ ಪ್ರಮುಖ್ ಧ್ಯೇಯ್

ಬುಡ್ಕುಲೊ: ಆರ್ಥಿಕ್ ಸಮಿತಿಚ್ ಅನಾವಶ್ಯಕ್ ಯೋಜನಾಚೊ ಭೊರ್ ಲೊಕಾಚೆರ್ ಘಾಲ್ತಾ ತರ್, ತೆದ್ನಾಂ ಲೊಕಾಚೊ ಪಾತ್ರ್ ಕಸಲೊ?

ಬಾ. ಫ್ರಾನ್ಸಿಸ್: ಫಿರ್ಗಜೆಚಿ ಗೊವ್ಳಿಕ್ ಪರಿಷದ್ ಲೊಕಾನ್ ವಿಂಚುನ್ ಧಾಡ್‍ಲ್ಲಿ ಜಾಲ್ಲ್ಯಾನ್, ಸಮಿತಿನ್ ನಿರ್ಧಾರ್ ಕೆಲ್ಯಾ ಉಪ್ರಾಂತ್ ಲೊಕಾನ್ ಕಾಂಯ್ ಕರುಂಕ್ ಜಾಯ್ನಾ…

ಬುಡ್ಕುಲೊ: ಮೆಜಾರಿಟಿ ಲೊಕಾಚೊ ವಿರೋಧ್ ಆಸ್ಲ್ಯಾರ್?

ಬಾ. ಫ್ರಾನ್ಸಿಸ್: ತೆದ್ನಾಂ ತಾಣಿಂ ಬಿಸ್ಪಾಕ್ ಆಕ್ಷೇಪ್ ಧಾಡಿಜೆ, ದೂರ್ ದೀಜೆ.

ಬುಡ್ಕುಲೊ: ತಾಕಾ ಮಾನ್ಯತಾ ಮೆಳ್ತಾಗೀ?

ಬಾ. ಫ್ರಾನ್ಸಿಸ್: 100% ಮೆಳ್ತಾ. ಜರ್ ಎಕಾ ಪಾದ್ರ್ಯಾಬಾಕ್ ವರ್ಗ್ ಕರಿನಾಕಾತ್ ಮ್ಹಣ್ ಲೋಕ್ ಯೇವ್ನ್ ಬಿಸ್ಪಾಕ್ ಮನವಿ ಕರ್ತಾನಾ, ಲೊಕಾಕ್ ಬೆಜಾರ್ ಕರ್ಚೆಂ ನಾಕಾ ಮ್ಹಣ್ ವರ್ಗ್ ರಾವಯ್ತಾ. ತಶೆಂ ಆಸ್ತಾನಾ, ಫಿರ್ಗಜ್‍ಗಾರಾಂಕ್‍ಚ್ ಮಾರೆಕಾರ್ ಜಾವ್ನಾಸ್ಚೆಂ ಏಕ್ ಯೋಜನ್ ಸುರ್ವಾತ್ ಕರುಂಕ್ ಅಧಿಕೃತ್ ರಿತಿನ್ ವಿಂಚುನ್ ಆಯಿಲ್ಲಿ ಆರ್ಥಿಕ್ ಸಮಿತಿ ಆನಿ ಗೊವ್ಳಿಕ್ ಪರಿಷದ್ ವೆತಾ ತರ್ ಗೊವ್ಳಿ ಬಾಪ್ ಲೊಕಾಚೆಂ ಆಯ್ಕೊಂಚೊ ನಾಂಗೀ? ಪುಣ್ ಸವಾಲ್ ಮ್ಹಳ್ಯಾರ್, ತಶೆಂ ಲೋಕ್ ಒಟ್ಟುಕ್ ಮೆಳ್ತಾಗೀ! ಬೆಕ್ಕಿಗೆ ಗಂಟೆ ಕಟ್ಟುವವರು ಯಾರು? ಹಾಂಗಾ ಜಾಂವ್ಚೆಂ ಅಶೆಂಚ್…

ಪ್ರತಿಭಟನ್ ಕರ್ಚೆಂ ಮ್ಹಳ್ಯಾರ್ ಜಾಯ್ತ್ಯೊ ರಿತಿ ಆಸಾತ್. ಕಿತ್ಯಾ ಖಾತಿರ್ ಆಮಿ ವಿರೋಧ್ ಕರ್ತಾಂವ್ ಮ್ಹಣೊನ್ ಬರವ್ನ್ ಧಾಡಿಜೆ. ಭೆಷ್ಟೆಂ ಅಪ್ವಾದ್ ಮಾಂಡ್ಲ್ಯಾರ್ ಜಾತಾಗೀ? ಜರ್ ಕಾರ್ಪೊರೇಶನಾಚೆ ಏಕ್ ವಾಟ್ ಬಂದ್ ಕರ್ನ್ ಥಂಯ್ ದುಸ್ರೆಂ ಯೋಜನ್ ಕರ್ತಿತ್ ತರ್ ಲೋಕ್ ಒಟ್ಟುಕ್ ಮೆಳೊನ್, ‘ಹಿ ವಾಟ್ ಆಮ್ಕಾಂ ಇತ್ಲ್ಯಾ ವರ್ಸಾಂ ಥಾವ್ನ್ ಆಸ್‍ಲ್ಲಿ, ಲೊಕಾಕ್ ಹಿ ವಾಟ್ ಗರ್ಜ್ ಆಸಾ’ ಮ್ಹಣೊನ್ ವಿಷಯ್ ಸ್ಪಷ್ಟ್ ರಿತಿನ್ ಬರವ್ನ್ ವಿರೋಧ್ ಕರ್ತಾತ್ ನ್ಹಯ್ಗೀ? ತಶೆಂಚ್ ಸಾರ್ಕೆಂ ವಿವರಾವ್ನ್ ದೂರ್ ದಿವ್ಯೆತ್ ನ್ಹಯ್ಗೀ? ತೆಂ ಜೆನ್ವೀನ್ ಆಸ್ಲ್ಯಾರ್ ಬಿಸ್ಪ್ ಖಂಡಿತ್ ನಿರ್ಧಾರ್ ಘೆತಾ.

ವಿರೋಧ್ ಕೆಲ್ಲ್ಯಾಂಕ್ ಬಹಿಷ್ಕಾರ್..??!

ಬುಡ್ಕುಲೊ: ಆನ್ಯೇಕ್ ಗಜಾಲ್ ಆಸಾ. ಗೊವ್ಳಿಕ್ ಪರಿಷದೆಂತ್ ವಾ ಫಿರ್ಗಜೆಂತ್ ಕೊಣೀ ಸವಾಲ್ ಕರ್ತಾ, ವಿರೋಧ್ ಕರ್ತಾ, ಆಕ್ಷೇಪ್ ಉಚಾರ್ತಾ ತರ್ ತಸಲ್ಯಾಕ್ ಗೊವ್ಳಿಕ್ ಪರಿಷದೆಂತ್ ಸ್ಥಾನ್ ನಾ ಮ್ಹಣ್ ಘಟನಾವಳಿಂತ್ ಸ್ಪಷ್ಟ್ ಕೆಲಾಂ… ದೆಕುನ್ ಭಿಯಾನ್ ಕೊಣೀ ಉಲಯ್ನಾ…

ಬಾ. ಫ್ರಾನ್ಸಿಸ್: ಗೊವ್ಳಿಕ್ ಪರಿಷದೆಕ್ ಕೊಣೆಂಯೀ ವಿಂಚೊನ್ ಯೇಜೆ ತರ್ ತಾಕಾ ಕೊಣಾಚೊ ಪಾಟಿಂಬೊ ಜಾಯ್ಜೆ? ಲೊಕಾಚೊ ಸಪೋರ್ಟ್ ಗರ್ಜ್. ವಾಡ್ಯಾಗಾರಾಂಚೊ ಪಾಟಿಂಬೊ ಜಾಯ್ಜೆ. ವಿಗಾರ್ ಕಾಂಯ್ ಸಕ್ಡಾಂಕೀ ಶೀದಾ ವಿಂಚುನ್ ಭಿತರ್ ಹಾಡಿನಾ. ಲೊಕಾಚಿ ವಿಂಚವ್ಣ್ ತಿ. ಏಕ್ ಮನಿಸ್ ಜರ್ ವಾಡ್ಯಾಗಾರಾಂ ಥಾವ್ನ್ಂಚ್ ವಿಂಚೊನ್ ಯೇನಾ ತರ್ ತಿ ಶ್ಯಾಥಿ ಕೊಣಾಚಿ ಜಾಲಿ? ಎಕ್ಲೊ ಜೆನ್ವೀನ್ ಮನಿಸ್ ಜಾಲ್ಯಾರ್ ವಾಡ್ಯಾಚೆ ತಾಕಾ ವಿಂಚುನ್ ಧಾಡ್ತಾತ್. ತಾಕಾ ಆಪ್ಲೊ ಪ್ರತಿನಿಧಿ ಜಾವ್ನ್ ಧಾಡ್ತಾತ್. ತೊ ಮನಿಸ್‍ಚ್ ಕರಪ್ಟ್ ಜಾಲ್ಯಾರ್ ತಾಕಾ ಲೋಕ್ ವಿಂಚುನ್ ಧಾಡ್ತಾಗೀ? ಗೊವ್ಳಿಕ್ ಪರಿಷದೆಂತ್ 40-50 ಜಣ್ ಆಸ್ತಾತ್. ಜರ್ ಗೊವ್ಳಿಕ್ ಪರಿಷದೆಂತ್‍ಚ್ ಕೊಣೀ ಪ್ರತಿಭಟನ್ ಕರಿನಾಂತ್ ತರ್, ಲೊಕಾ ಮಧೆಂ ಕೋಣ್ ತಯಾರ್ ಆಸತ್? ಗೊವ್ಳಿಕ್ ಪರಿಷದೆಂತ್, ಆರ್ಥಿಕ್ ಸಮಿತಿಂತ್ ಕಾಂಯ್ ವಿರೋಧ್ ನಾ ತರ್ ‘ಆಮ್ಕಾಂ ಕಿತ್ಯಾಕ್’ ಮ್ಹಣ್ ಲೋಕ್ ವೊಗೆ ರಾವ್ತಾ.

ರಾಕ್ಣೊ ಪತ್ರಾಂತ್ಲ್ಯಾ ಮ್ಹಜ್ಯಾ ಲೇಖನಾಂತ್, ಆಸ್‍ಲ್ಲ್ಯೊ ವಿಷಯ್ ಬರಯ್ಲ್ಯಾತ್. ಕೊಣಾಯ್ಕೀ, ದಿಯೆಸೆಜಿಕ್ ವಾ ಪಾದ್ರ್ಯಾಬಾಂಕ್‍, ಸಪೋರ್ಟ್ ಕರುನ್ ಬರವ್ನಾ. ವಾಸ್ತವಿಕ್ ಆನಿ ಪ್ರ್ಯಾಕ್ಟಿಕಲ್ ಸಂಗ್ತಿ ಸಾಂಗ್ಲ್ಯಾತ್. ಫಿರ್ಗಜೆಂತ್ ನ್ಯಾಯ್ ಮೆಳನಾ ತರ್ ವಿಗಾರ್ ವಾರಾ ಲಾಗಿಂ ಆನಿ ಉಪ್ರಾಂತ್ ಮುಂದರುನ್ ಬಿಸ್ಪಾ ಲಾಗಿಂ ಶೀದಾ ವಚ್ಯೆತ್, ವಿವರುನ್ ಸಾಂಗ್ಯೆತ್. ಅಂತಿಮ್ ಅಥಾರಿಟಿ ಬಿಸ್ಪ್. ಬಿಸ್ಪ್ ತನ್ಖಿ ಚಲಯ್ತಾ, ಗಜಾಲ್ ಸಮ್ಜೊನ್ ಘೆತಾ. ಬಿಸ್ಪ್ ಹ್ಯಾ ವಿಶಿಂ ಮಸ್ತ್ ಸ್ಟ್ರಿಕ್ಟ್ ಆಸಾ. ಹರ್ಯೆಕಾ ಸಂಗ್ತಿಕ್ ತೊ ಗುಮಾನ್ ದಿತಾ. ಪ್ರಸ್ತುತ್ ಪರಿಗತ್ ಸಾಂಗ್ಚಿ ತರ್, ಖಂಡಿತ್ ಕ್ರಮ್ ಘೆತಾ.

ಬುಡ್ಕುಲೊ: ಕ್ಯಾನನ್ ಲಾ ಮ್ಹಳ್ಯಾರ್ ಕಿತೆಂ, ತೆಂ ಕಿತ್ಯಾ ಪಾಸತ್ ಆಸ್ಚೆಂ?

ಬಾ. ಫ್ರಾನ್ಸಿಸ್: ಕ್ಯಾನನ್ ಲಾ ಮ್ಹಳ್ಯಾರ್, ಆಮ್ಕಾಂ ಕ್ರಿಸ್ತಾಂವಾಂಕ್ ಗರ್ಜೆಕ್ ಪಡ್ಚೆ ತಸಲೆಂ ಕಾನೂನ್. ಇಗರ್ಜ್‍ಮಾತೆಚ್ಯಾ ಸರ್ವ್ ಸಂಗ್ತಿಂಚೆರ್, ಸಾಕ್ರಾಮೆಂತಾಂಚೆರ್ ಆಸ್ಚಿಂ ನಿಯಮಾಂ ಕಾಯ್ದ್ಯಾ ರುಪಾರ್ ಆಸ್ಚೆಂ ಕಾನೂನ್ (ಸೆಟ್ ಆಫ್ ರೂಲ್ಸ್). ಲಿತುರ್ಜಿ, ಕಾಜಾರ್, ಓಡ್ದ್ ಧರ್ನ್ ಹರ್ಯೆಕಾ ಸಂಗ್ತಿ ವಿಶ್ಯಾಂತ್ ನಿರ್ದೇಶನ್ ದಿಂವ್ಚಿಂ ನಿಯಮಾಂ ತಿಂ. ತೆಂ ಸಗ್ಳ್ಯಾ ಸಂಸಾರಾಂತ್ಲ್ಯಾ ಕಾತೊಲಿಕಾಂಕ್ ಲಾಗು ಜಾತಾ.

ಇಗರ್ಜಾಂನಿ ಕಮರ್ಶಿಯಲೈಸೇಶನ್…

ಬುಡ್ಕುಲೊ: ಇಗರ್ಜೆಂತ್ ಕಮರ್ಶಿಯಲೈಸೇಶನ್ ಕರುಂಕ್ ನಜೊ ಮ್ಹಣ್ ಕ್ಯಾನಲ್ ಲಾ ಸಾಂಗ್ತಾ… ಪುಣ್, ಗರ್ಜೆಕ್ ನ್ಹಯ್ ಆಸ್ತಾನಾಂಯೀ ಸ್ಪರ್ಧ್ಯಾಕ್ ಪಡೊನ್ ಕಮರ್ಶಿಯಲ್ ಚಟುವಟಿಕೊ ಚಡ್ಲ್ಯಾತ್…

ಬಾ. ಫ್ರಾನ್ಸಿಸ್: ಎಕಾ ಫಿರ್ಗಜೆಕ್ ಆಸ್ತ್ ಕಿತ್ಯಾಕ್? ಇಗರ್ಜ್ ಮೈಂಟೈನ್ ಕರುಂಕ್, ಇಗರ್ಜೆಚ್ಯಾ ಲೊಕಾಚ್ಯಾ ಬರೆಪಣಾ ಖಾತಿರ್ ತಿ ಆಸ್ಚಿ. ಮೆಳ್‍ಲ್ಲಿ ಉತ್ಪತ್ ಇಗರ್ಜೆಚ್ಯಾ ಗರ್ಜಾಂಕ್ ವಾಪಾರುಂಕ್ ಆಸ್ಚಿ. ಆತಾಂ, ಉತ್ಪತ್ ಚಡ್‍ಗೀ ಉಣೆಂಗೀ ಮ್ಹಳ್ಳೆಂ ಫಿರ್ಗಜೆಚ್ಯಾ ತಾಂಕಿಚೆರ್ ಹೊಂದ್ವೊನ್ ಆಸಾ. ಕಮರ್ಶಿಯಲೈಸೇಶನ್ ಚಡ್ ಜಾತಾಗೀ ಉಣೆಂಗೀ ಮ್ಹಳ್ಳೆಂ ರಿಲೇಟಿವ್ ಟರ್ಮ್; ಮ್ಹಳ್ಯಾರ್ ಸಂಬಂಧಿತ್ ಗಜಾಲ್. ತ್ಯಾ ತ್ಯಾ ಫಿರ್ಗಜೆಚ್ಯಾ ಉತ್ಪನ್ನಾಕ್ ಸರಿ ಜಾವ್ನ್ ಖರ್ಚ್ ಥಂಯ್ಸರ್ ಆಸ್ತಾ. ತೆಂ ಚಡ್ ವಾ ಉಣೆಂ ಮ್ಹಳ್ಳೆಂ ತ್ಯಾ ತ್ಯಾ ಫಿರ್ಗಜೆಕ್ ಸಂಬಂಧ್ ಜಾಲ್ಲೆಂ. ಖಂಯ್ಚ್ಯಾಯೀ ಫಿರ್ಗಜೆಚ್ಯಾ ಉಪಾಧ್ಯಕ್ಷ್, ಕಾರ್ಯದರ್ಶಿ ವಾ ಆರ್ಥಿಕ್ ಸಮಿತಿಚ್ಯಾ ಸಾಂದ್ಯಾಂ ಲಾಗಿಂ ವಚೊನ್ ವಿಚಾರಿಜೆ, ‘ತುಮ್ಕಾಂ ಉತ್ಪತ್ ಚಡ್ ಜಾತಾ, ಆಮ್ಕಾಂ ದಿಯಾ’ ಮ್ಹಣೊನ್! ತೆ ದೀಂವ್ಕ್ ತಯಾರ್ ಆಸಾತ್‍ಗೀ? ‘ನಾ ನಾ, ಆಮ್ಕಾಂಚ್ ಪಾವನಾ!’ ಮ್ಹಣ್ತಾತ್ ತೆ.

ಆಜ್ ಕಮರ್ಶಿಯಲೈಸೇಶನ್ ಚಡ್ಲಾಂ ಮ್ಹಳ್ಳೆಂ ವ್ಹಯ್. ಕಿತ್ಯಾಕ್ ಮ್ಹಳ್ಯಾರ್, ಸಕ್ಡಾಂಚೆಂ ಚಿಂತಾಪ್‍ಚ್ ವ್ಯಾವಹಾರಿಕ್, ಕಮರ್ಶಿಯಲ್ ಜಾಲಾಂ.

ಬುಡ್ಕುಲೊ: ಮ್ಹಳ್ಯಾರ್, ಧಾರ್ಮಿಕತೆ ಪ್ರಾಸ್ ಅಸಲ್ಯಾಕ್‍ಚ್ ಚಡ್ ಗುಮಾನ್ ಜಾವ್ನ್ ಗೆಲಾಂ…!?

ಬಾ. ಫ್ರಾನ್ಸಿಸ್: ನಾ ಮ್ಹಣ್ ಸಾಂಗನಾ, ಥೊಡೆ ಕಡೆನ್ ಆಸಾ. ತೆಂ ಲೊಕಾಚೆರ್ ಹೊಂದ್ವೊನ್ ಆಸಾ.

ಸರ್ಕಾರಾಚಿ ನಿಧಿ ಆನಿ ಭವಿಷ್ಯ್…

ಬುಡ್ಕುಲೊ: ಕರ್ನಾಟಕ ಸರ್ಕಾರಾನ್ ಕ್ರಿಸ್ತಾಂವಾಂಕ್ ಫಂಡ್ ಸುರು ಕೆಲಾ. ರು. ಏಕ್ ಕೊರೊಡ್ ಪರ್ಯಾಂತ್ ಮೆಳ್ತಾ. ಸರ್ಕಾರಾಚೆ ಪೈಶೆ ಮೆಳ್ತಾತ್ ಮ್ಹಣ್ ಲೋಕ್ ತೊ ಘೆತಾ ಆನಿ ಇಗಜೆಂಕ್, ಇತರ್ ಯೋಜನಾಂಕ್ ಆಪ್ಣಾಯ್ತಾ. ಮ್ಹಳ್ಯಾರ್, ಸರ್ಕಾರಾಚೆ ಪೈಶೆ ಹಾಂಗಾ ಆಸಾತ್ ಮ್ಹಣ್ತಾನಾ, ಫುಡಾರಾಂತ್ ಸರ್ಕಾರಾಚೊ ಹಸ್ತಕ್ಷೇಪ್ ಉದೆತ್..?

ಬಾ. ಫ್ರಾನ್ಸಿಸ್: ತಾಕಾ ಅವ್ಕಾಸ್ ಆಸಾ. ಆರ್.ಟಿ.ಐ. ಲಾಗು ಜಾಂವ್ಚ್ಯಾಕ್ ಆಸ್ಪದ್ ಆಸಾ. ಸರ್ಕಾರಾಚೆ ಪೈಶೆ, ಇಲ್ಲೆ ವಾ ಚಡ್, ಖಂಚ್ಯಾಕ್ ವೆತಾತ್, ತಾಕಾ ಆರ್.ಟಿ.ಐ. ಲಾಗು ಜಾತಾ. ಸರ್ಕಾರಾನ್ ಹಸ್ತಕ್ಷೇಪ್ ಕರುಂಕ್ ಸಾಧ್ಯತಾ ಆಸಾ.

ಬುಡ್ಕುಲೊ: ಹೊಲಾಂ, ಸಮುದಾಯ್ ಭವನಾಂನಿ ಕಮರ್ಶಿಯಲ್ ಚಟುವಟಿಕೊ ಚಲ್ತಾತ್. ತಾಂಚೆರ್ ಸರ್ಕಾರಾಚಿಂ ನಿಯಮಾಂ ಲಾಗು ಜಾತಾತ್‍ಗೀ?

ಬಾ. ಫ್ರಾನ್ಸಿಸ್: ಎದೊಳ್ ತ್ಯಾ ವಿಶಿಂ ಕಿತೆಂಚ್ ಸ್ಪಷ್ಟೀಕರಣ್ ಯೇಂವ್ಕ್ ನಾ. ಪುಣ್ ಆಮ್ಕಾಂ ಅಲ್ಪಸಂಖ್ಯಾತಾಂಕ್ ಆಮ್ಚ್ಯಾ ಧಾರ್ಮಿಕ್ ವಿಧಿ-ವಿಧಾನಾಂಕ್ ಉಪಯೋಗ್ ಕರ್ಚ್ಯಾ ಕಟ್ವಣಾಂ ವಿಶ್ಯಾಂತ್ ಸರ್ಕಾರ್ ತಸಲೆಂ ಚಿಂತಾಪ್ ಆಟಂವ್ಚೆಂ ನಾ ಮ್ಹಣ್ ಭೊಗ್ತಾ.

ಬುಡ್ಕುಲೊ: ಹೊಲಾಂನಿ ಆನಿ ಇತರ್ ಉತ್ಪತೆ ಥಾವ್ನ್ ಯೆಂವ್ಚೆ ಪೈಶೆ ಖಂಯ್ ವೆತಾತ್ ಮ್ಹಣ್ ಲೋಕ್ ವಿಚಾರ್ತಾ… ಫಿರ್ಗಜೆಚ್ಯಾ, ಗರ್ಜೆವಂತಾಂಕ್, ದುಬ್ಳ್ಯಾಂಕ್ ಪಾವ್ತಾತ್‍ಗೀ ವಾ ದುಸ್ರೆ ಖಂಯ್ ಪುಣೀ ವೆತಾತ್‍ಗೀ…!?

ಬಾ. ಫ್ರಾನ್ಸಿಸ್: ಹೊಲಾಚಿ ಉತ್ಪತ್ ಇಗರ್ಜೆಚ್ಯಾ ಫಂಡಾಕ್ ವೆತಾ. ಇಗರ್ಜೆಚ್ಯಾ ಅಭಿವೃದ್ಧೆಕ್ ತೆ ವೆತಾತ್. ತೆ ಖಂಚ್ಯಾಕ್ ಖರ್ಚಿತಾತ್, ಕಿತ್ಯಾಕ್ ಉಪಯೋಗ್ ಕರ್ತಾತ್ ತೆಂ ತ್ಯಾ ತ್ಯಾ ಇಗರ್ಜೆಕ್ ಸೊಡ್‍ಲ್ಲೆಂ. ಆಯಿಲ್ಲ್ಯಾ ಆನಿ ಖರ್ಚಿಲ್ಲ್ಯಾ ದುಡ್ವಾಕ್ ಲೇಕ್ ಆಸಾ. ಸಗ್ಳ್ಯಾ ಇಗರ್ಜೆಚೊ ಆರ್ಥಿಕ್ ವ್ಯವಹಾರ್ ಆರ್ಥಿಕ್ ಸಮಿತಿ ಪಳೆವ್ನ್ ಘೆತಾ. ಜರ್ ಕಿತೆಂಯೀ ಅವ್ಯವಹಾರ್ ಚಲ್ತಾ/ಚಲ್ಲಾ ತರ್ ಆಮಿ ವಿಗಾರಾಕ್ ಮಾತ್ರ್ ದುರ್ಸೊಂಚೆಂ ನ್ಹಯ್. ಆರ್ಥಿಕ್ ಸಮಿತಿ ಸಾರ್ಕಿ ಆಸಾ ತರ್ ಸಗ್ಳ್ಯೊ ಸಂಗ್ತಿ ಸಾರ್ಕ್ಯೊ ಜಾತಾತ್. ಜರ್ ಎಕ್ಲೊ ಆಪ್ಲ್ಯಾಚ್ ಇರಾದ್ಯಾಂ ಖಾತಿರ್ ಸಮಿತಿಂತ್ ಆಸೊನ್ ಅವ್ಯವಹಾರ್ ಚಲೊಂಕ್ ಸೊಡ್ತಾ ಮ್ಹಳ್ಯಾರ್ ತೊ ತಾಕಾ ಸಹಮತ್ ಆಸಾ, ವಾ, ತಾಚೊಯೀ ಪಾತ್ರ್ ಆಸಾ ಮ್ಹಣ್ ಅರ್ಥ್ ಜಾತಾ. ದೆಕುನ್, ಫಕತ್ ಪಾದ್ರ್ಯಾಬಾಂಕ್ ಖುರ್ಸಾರ್ ಮಾರ್ಚೆಂ ಸಾರ್ಕೆಂ ನ್ಹಯ್. ಯಾಜಕ್ ಚೂಕ್ ಕರಿನಾಂತ್ ಮ್ಹಣನಾ ಹಾಂವ್. ಪುಣ್ ಸಮಗ್ರ್ ನಿರ್ಧಾರ್ ಜಾತಾ ಮ್ಹಳ್ಯಾರ್ ತಾಂತುಂ ಆರ್ಥಿಕ್ ಸಮಿತಿಚೊ ರೋಲ್ ಆಸಾ. ಆರ್ಥಿಕ್ ಸಮಿತಿಂತ್ಲ್ಯಾ ಸಕ್ಡಾಂನಿ ವಿರೋಧ್ ಕೆಲ್ಯಾರ್ ಕಶೆಂ ನಿರ್ಧಾರ್ ಜಾತಾ? ರಿಪೋರ್ಟ್ ಬಿಸ್ಪಾಕ್ ವಚೊಂಕ್ ಆಸಾ ನ್ಹಯ್ಗೀ? ತರ್ ಕೊಣೆಂ ಕೆಲಾಂ ಮ್ಹಣ್ಚೆಂ?

ಥೊಡೆ ಕಡೆನ್ ಆರೋಪ್ ಆಯ್ಕೊಂಕ್ ಮೆಳ್ತಾತ್ ಕಿತೆಂ ಮ್ಹಳ್ಯಾರ್, ಪಾದ್ರ್ಯಾಬ್ ಎಕೆಕ್ಲ್ಯಾಕ್‍ಚ್ ಆಪವ್ನ್ ಆಪ್ಣಾಕ್ ಜಾಯ್ ಜಾಲ್ಲೆಪರಿಂ ಚಲಯ್ತಾ, ಮ್ಯಾನಿಪುಲೇಟ್ ಕರ್ತಾ ಮ್ಹಣೊನ್. ತರ್, ಆಪುಣ್ ಮ್ಯಾನಿಪುಲೇಟ್ ಜಾಂವ್ಚೆ ತಿತ್ಲೊ ಅಸ್ಕತ್ ಸಾಂದೊ ಆಸ್ತಾಗೀ ಆರ್ಥಿಕ್ ಸಮಿತಿಂತ್? ಜರ್ ಕೊಣೆಂಯೀ ‘ಬಾಯ್ಲೆಕ್ ಡೈವೋರ್ಸ್ ದೀ ಸಾಯ್ಬಾ’ ಮ್ಹಣೊನ್ ವಾ ಹೆರ್ ಕಿತೆಂಯೀ ಕರ್ ಮ್ಹಣೊನ್ ಸಾಂಗ್‍ಲ್ಲೆಕ್ಷಣ್ ಕೊಣೀ ತಶೆಂಚ್ ಕರ್ತಾಗೀ? ತಾಕಾ ತಾಚೆಂಚ್ ಮ್ಹಳ್ಳೆಂ ಸ್ಟ್ಯಾಂಡ್ ನಾಂಗೀ? ಆಪುಣ್ ತೀನ್ ವರ್ಸಾಂಕ್ ಸಮಿತಿಚೊ ಸಾಂದೊ ಮ್ಹಣ್ ಚಿಂತ್ಚ್ಯಾಕೀ ಫಿರ್ಗಜೆಚೊ ಖಾಯಾಮ್ ಸಾಂದೊ ಮ್ಹಳ್ಳೆಂ ಪಯ್ಲೆಂ ಚಿಂತಿಜೆ. ಆಜ್ ಜರ್ ತಾಣೆಂ ಕಿತೆಂಯೀ ಚೂಕ್, ವಾಯ್ಟ್ ಮೇಟ್ ಕಾಡ್ಲೆಂ ತರ್ ತೆಂ ಆಪ್ಣಾಕ್‍ಚ್ ಫಾಲ್ಯಾಂ ಪಾಟಿಂ ಮಾರ್ತಾ ಮ್ಹಳ್ಳೆಂ ತಾಣೆಂ ಸಮ್ಜಜೆ. ಸಮಿತಿಂತ್ ಆಸ್ಲ್ಯಾರೀ ತಾಣೆಂ ವಾವ್ರ್ ಕರ್ಚೊ ಆಪ್ಲ್ಯಾ ಫಿರ್ಗಜೆ ಪಾಸತ್. ಜರ್ ಎಕ್ಲೊ ಸಾಂದೊ ವಿಗಾರಾನ್ ಸಾಂಗ್‍ಲ್ಲೆಂ ಆಯ್ಕೊನ್, ಮ್ಯಾನಿಪುಲೇಟ್ ಜಾತಾ ಮ್ಹಳ್ಯಾರ್ ತಾಚಿ ತಾಂಕ್ ಕಿತ್ಲಿ ಮ್ಹಳ್ಳೆಂ ಕಳನಾಂಗೀ? ದೆಕುನ್ ತೊಯೀ ಜವಾಬ್ದಾರ್ ಜಾತಾ. ಜರ್ ಕಿತೆಂಯೀ ಸಾರ್ಕೆಂ ನಾ ಮ್ಹಣ್ ಭೊಗ್ತಾ ತರ್ ತೆಂ ಸಾಂಗೊಂಕ್ ಕಿತ್ಯಾಕ್ ಜಾಯ್ನಾ?

ದೆಕುನ್ ಹಾಂವ್ ಮ್ಹಣ್ತಾಂ, ಹರ್ಯೆಕ್ಲ್ಯಾಕ್ ವೈಯಕ್ತಿಕ್ ಜವಾಬ್ದಾರಿ ಮ್ಹಳ್ಳಿ ಆಸಾ. ತಿ ಜವಾಬ್ದಾರಿ ಸಕ್ಡಾಂನಿ ಪಾಳ್ಳ್ಯಾರ್ ಸಗ್ಳೆಂ ಸಾರ್ಕೆಂ ಜಾತಾ. ತೆಂ ಸೊಡ್ನ್ ಫಕತ್ ಎಕಾ ಯಾಜಕಾಕ್ ಜವಾಬ್ದಾರ್ ಕರ್ಚೆಂ ಸಾರ್ಕೆಂ ನ್ಹಯ್. ವಿರೋಧ್ ಕರ್ತಾತ್ ತರ್ ತಶೆಂ ಸಾಂಗ್ಯೆತ್, ದಸ್ಕತ್ ಘಾಲಿನಾಸ್ತಾನಾ ರಾವ್ಯೆತ್. ಪುಣ್, ಆಪುಣ್ ಸಕ್ಡಾಂ ಸಂಗಿಂ ಬರೊ ಜಾಯ್ಜೆ, ದೆಕುನ್ ಉಲಯ್ನಾಸ್ತಾನಾ ರಾವೊನ್, ಭಾಯ್ರ್ ವಚೊನ್ ದುರ್ಸೊನ್ ಸಾಂಗ್ಲ್ಯಾರ್ ಕಿತೆಂ ಫಾಯ್ದೊ? ಆಪಾಪ್ಣಾಕ್ ಭೊಗ್‍ಲ್ಲೆಂ ಕಿತೆಂಯೀ, ಸಾರ್ಕೆಂ ವಾ ನ್ಹಯ್ ಮ್ಹಳ್ಳೆಂ, ಸಾಂಗೊಂಕ್ ಸಕ್ಡಾಂಕ್ ಸಾಧ್ಯ್ ಆಸಾ. ತೆಂ ಸಾಂಗ್ಚೆಂ ಧಯ್ರ್ ನಾತ್ಲ್ಯಾರ್ ಕಶೆಂ ಸಾರ್ಕೆಂ ಜಾಂವ್ಚೆಂ? ತಸಲೆಂ ಧಯ್ರ್ ಆಸ್ಲ್ಯಾರ್ ಸಗ್ಳೆಂ ಸಾರ್ಕೆಂ ಕರ್ಯೆತ್. ಫಕತ್ ಯಾಜಕಾಂಕ್ ದುರ್ಸೊನ್ ಫಾಯ್ದೊ ನಾ. ಕೆಟ್ಟ ಮೇಲೆ ಬುದ್ಧಿ ಮ್ಹಣ್ಚೆ ಪ್ರಾಸ್ ಪಯ್ಲೆಂಚ್ ಸಾರ್ಕೆಂ ಕರಿಜೆ.

Send Feedback to: budkuloepaper@gmail.com

Like us at: www.facebook.com/budkulo.epaper

Visit and Watch Videos in our YouTube Channel

Read all Budkulo Interviews here

The post ಇಗರ್ಜೆಂತ್ ಅವ್ಯವಹಾರ್ ಜಾಲ್ಯಾರ್ ಪಾದ್ರಿಂಕ್ ದುರ್ಸೊಂಚೆಂ ಸಾರ್ಕೆಂ ನ್ಹಯ್: ಫಾ. ಫ್ರಾನ್ಸಿಸ್ ಅಸಿಸಿ ಅಲ್ಮೇಡಾ appeared first on Budkulo.

This interview is the translation from the Konkani version published here before. Since many who don’t know Konkani had requested for the same, we are hereby presenting the conversation we had with deceased Fr Mahesh DSouza’s parents in English. Fr Mahesh DSouza was the Principal of Don Bosco CBSE School in Shirva, Udupi District of Karnataka state in India. He was found dead hanging mysteriously in his office on October 11, 2019.

People say such an incident had never occurred in the undivided Diocese of Mangalore, perhaps not even in the whole of Karnataka. A priest, who was adored by the masses because of his active and friendly personality, suddenly passes away under mysterious circumstances. His death and subsequent related events have shocked both his family as well as his admirers, with the mystery deepening day by day. However, there have been no satisfactory answers forthcoming for all the doubts and questions. The Catholic community of Mangalore has been in a state of shock since the death of Fr Mahesh. The sudden demise of a Priest is not unusual in itself. Nevertheless, a Priest dies under mysterious circumstances, and the behavioral pattern of the people closely associated with the deceased person becomes so dubious, such an incident has probably never occurred on this soil before.

It was evident that when the young Principal of Shirva Don Bosco School died, he had accumulated so much more love and respect that even few seasoned priests could not aspire to. That was his claim to greatness, proof of his humility, a mirror to his love towards the less privileged. His was a warm persona, he was a honest and a good priest. More than anything, he strived to live a life worthy of representing Christ.

When such a talented person who had ambitious plans for the school and was actively striving to fulfill them dies suddenly, in almost a bizarre fashion, people who knew him closely, simply could not digest what had happened.

What was even more baffling was the reaction and manner of his associates at this very shocking incident. It was extraordinarily mysterious! Wasn’t it for the same reason the parishioners and his admirers took to the streets? How did this happen? Why were people so upset?

Dear readers, you know we are on the side of truth and justice. Moreover, you are aware that we strongly oppose injustice and we never compromise on it. We have a duty to comment on the main incidents affecting our community. In that spirit, we have debated on many aspects related to the death and aftermath.

Through the local as well as social media, you may have come to know numerous developments since the death of Fr Mahesh. And may be you understand the reasons behind the display of impatience by the local Catholic community.

But at the outset, what bothers everyone is why was no compliant filed with the police after an unexpected and unnatural death of a prominent priest. Why weren’t church bells not tolled at this crisis point, which is a very common practice in the church? Untangling the sequence of key questions has become desperately complicated. Because of this confusion, people have been in the dark for three weeks. Ultimately, people had to ask what was the status of the enquiry.

That’s right, people waited for three weeks. It began to look like the authorities were earnestly trying to convince people, that the death was not unnatural. When people began probing, the explanations provided strengthen their suspicions about the deepening mystery. Naturally, people began to crave for justice.

The people who gathered to protest in the church premises were not strangers. Their presence in large numbers was a testament to the fact that Fr Mahesh was a good, honest priest and people were impressed by his good work and caring persona.

As people suspected that the death was rather mysterious and since actions of Church authorities fanned these suspicions, they were troubled. The people assembled didn’t seem to come prepared with a conspiracy to rouse trouble. People who came to offer holy mass and visit graves, were definitely not of an unruly nature. Neither did they come prepared with tools to engage in a fight, nor did they lay hands on anyone. Their intentions for assembling in the church premises seems to have been solely to pray for the souls of their dead relatives on All Souls Day.

You may be aware that since the death of Fr Mahesh, many events have taken place. It’s not possible for a responsible media outlet like ‘Budkulo’ to flee from the uproar by remaining quiet, hidden on the sidelines, shutting it’s eyes. In that regard we tried to know the truth and understand reality. Therefore, in order to understand the chain of events from the perspective of Fr Mahesh’s parents, we decided that it is vital to know their side of the story. Accordingly, we have placed before you the resulting conversation that took place.

That said, we want to make clear our intention and objective behind this. The way the people of Shirva are striving to know the truth and fight for justice, the way Fr Mahesh’s family try to understand what really happened to their deceased relative, Budkulo too is voicing its opinion in the same manner. Because the death of Fr Mahesh is mysterious, the confusion and suspicions related to it must be resolved. This is our sole purpose. How is that we have reached a situation where we cannot categorically say if the death occurred because of suicide or murder.

It’s not our intention to hurt anyone in our desire to get justice. Anyone who had raised a question on the circumstances surrounding the death of Fr Mahesh, not accused anyone for his death. Our intention is clear, we are not against any one. This is not an attempt to point fingers at someone. (However, if this article pricks someone’s conscience, they themselves are to be blamed!).

So, read what parents of Fr Mahesh have to say. Living their retired life in Manipal, Mr Frederick D’Souza and Mrs Matilda D’Souza are distraught wondering why their son met such an unfortunate end. They have shared their feelings with Budkulo with utmost sincerity and trust. They are sure that Fr Mahesh lived a virtuous life without a blemish on his character. While his talents, work ethic, perseverance brought him respect, they are struggling to understand why his life should have ended in such a cruel manner. This tragic incidence has caused them great distress and has left them in a state of shock.

So let’s hear from them. This will reveal lot of facts, that you may not have been aware of. Remember them in your prayers and pray for justice for Fr Mahesh, so that your prayer will reach almighty as well as the concerned authorities.

-Editor

Budkulo E-Magazine: We hear that your son, Fr Mahesh was good priest. In that regard a lot of things are said in the public domain. Even though he came from an educated and well off family, he was a simple man, with lot of care for poor and the downtrodden. There are instances he borrowed money from home to pay for poor children’s school fee and to provide salary for few school employees. Could you please elaborate on this…

Mrs Matilda D’Souza: He grew up in an environment with a caring attitude towards someone in need; he learnt that at home. In order to increase the student number, he used to subsidize poor students’ school fees.

Budkulo: We have also heard from many that he used to help others by borrowing money from home…

Mrs Matilda: For the school building construction he had taken money from home. We used to provide him specific amount of money every month for his personal expenses, likewise on special occasion like his birthday or feasts we used to give extra money. May be he had used that to help others. Although he never told us as much, we have heard from others that he used to help many students.

Budkulo: People say he was a humble and caring priest…

Mrs Matilda: He was humble and he had a lot of concern for people in difficulty. He routinely used to visit the sick, take communion to elderly and housebound; he was also in the habit asking for blessings from elderly. May be by looking at these things people loved and admired him.

Budkulo: Did he ever confide in you about his difficulties or problems?

Mrs Matilda: As he would not often visit home, he would not tell much of his problems. He would come when his brothers were visiting; even then would hardly stay at home. The one time that he told us about of his difficulties and wept was when an anonymous letter about him was circulated. It was a letter addressed to the Bishop, allegedly on behalf of Shirva parishioners, as suggested by signature which read: Parish community of Our Lady of Health. But he never divulged what the letter was about, except that some malicious things were written about him and that caused him enormous distress. It happened in November 2018 and it had greatly disheartened him. I had consoled him a lot on that occasion asking him to take courage. On that occasion when I asked whether there was a breakdown of interaction between him and the main parish priest, he didn’t say much except shake his head. He did not say anything against the priest. We had said, “Son, even Jesus suffered; this will not be like this for long; things will improve; take courage; if you have to tell anything, report it to your superiors.” He also didn’t say if the Bishop had enquired about the matter with him.

Anonymous letter has no credence. No one takes it seriously. However I wondered how is it possible that everything in the letter, from A to Z, was about him; the letter had accused him of things explicitly naming him.

Budkulo: What were the accusations in the letter?

Mrs Matilda: “Wolf in priest’s clothing; travels around as if a king; you sent him for the school, under the guise of CBSE he burdened teachers and students; says he spent 10 crores, but doesn’t look like from the work carried out; he has hidden money in crores, he has lead the youth of choir astray by indulging in politics…” were some of the accusations.

Since May 2016 till 2018 November wherever he went, he was involved in teaching the choir. He was a good musician. Never heard of any complaints against him all these years, what changed so suddenly in November 2018. He was sent to Shirva by the Bishop on the request of people of Shirva as they had expressed an desire to have CBSE school. He was sent there because of the parishioners’ specific demand asking a young and energetic priest. He had to put lot of hard work, which he undoubtedly carried out.

“Our current parish priest is very caring, he doesn’t help the parish priest a bit…; if this burden in the form Mahesh leaves us, we could somehow would be able to repay the loan of 4 crores… it was mistake to ordain him, he should have been properly investigated before being ordained… if he is not removed from here, we would ourselves bring him to you together with his belongings…” were some of the accusations used in that letter. We don’t know who wrote it and for what purpose they did so.

When on Monday, March 25th, we had gone to Shirva priest’s house, we had met the Parish priest and assistant priest. We had taken some home cooked food with us. Fr Mahesh was working in his school office.

The very next day we received a mail with a handwritten address on the cover containing that same letter. When I read that letter, it was as if someone had struck me on the head. Mahesh came to know about this. I asked him if this was the same letter that had been distributed before. After reading it, he simply said, ‘tear it Mummy’. But, don’t know why, I had preserved it.

When I asked some people about this issue, they said its an old matter, and said nothing will happen from it. When I read it, I thought, how could this boy be able to live his life enduring so much. I am not aware if he was called upon by the seniors (Bishop) as part of any investigation on the matter.

Budkulo: Did you do anything after this incident?

Mrs Matilda: Our son used to not like it whenever we probed him on this. He would never confide in me about any disgruntlement around him. We have heard that he had endured a lot of insults and humiliation. We don’t know much about the injustice done to him, but we know it from what we have heard. People have said that he was criticized on choir related things from the altar. Mahesh used to be busy with school related work. But some boys who used to help with food preparations told me at the funeral that he used to weep reading that letter. Close confidants have told me that there were attempts to send him away from the school. Also heard that he has endured a lot of humiliation.

Fr Stany Tauro, in his eulogy had said that Fr Mahesh had been to Delhi and Bangalore several times due to school related work. He is used to drive to Bangalore in his father’s vehicle (Scorpio car). Due to his unflinching effort for one and half years the school received CBSE affiliation; this year the first batch of year 10th Standard students will appear for the examination.

He has done everything required as per the CBSE parameters. He received good cooperation from the school management committee. A Mangalorean businessman, Michael D’Souza from Dubai, has even given a large sum of money. I’ve also heard that Fr Mahesh has repaid majority of the loan. I’ve heard that there was also a demand to hand over the money to church that was originally received for the school work (we never inquired more on this topic). We’ve heard from people shouting at the protest that he was ordered to leave and was handed a transfer. We’ve also heard that on October 11th he was given the news of transfer (we don’t know how the news was given to him). There was a seminar on September 28, and Mahesh had reached back after travelling at night at 2 O’clock. Even on that occasion he was insulted not considering his tiredness (please don’t share the details with readers). On 29th he visited us and rested awhile after having meal together. He was very occupied with two other scheduled training camps: Jeevan Jyothi and a teachers training. We know there were also some developments related these training camps.

Budkulo: People were saying that he was due to be transferred to Kanajar…

Mrs Matilda: We all know that now. He had no knowledge about any transfer, as he had lot of projections. Like having an auditorium, having the front yard paved with interlocks to prevent muck during rainy season. School related development means a long term plan (other priests are usually retained at a particular parish for that purpose). His ambition was to make Don Bosco School No. 1 in entire Karnataka.

Budkulo: That means, he was totally committed/dedicated for the development of school?

Mrs Matilda: Yes, he was very dedicated to that cause. Within 2 years after finishing his teacher training he was awarded ‘Best District Teacher’ (See attached picture). On October 11th, first day of training for teachers took place (there was an argument that the chief guest didn’t speak properly). We’ve heard that on that day Mahesh himself informed some people that he was due to be transferred (when it is to take place was not known but he was told that he would be transferred).

Budkulo: Was he not talking about these things with the family or any close friend?

Mrs Matilda: If there was anything major it was me who he used to tell. Because of his father’s ill health, he used to not say much to him. If probed he would say; don’t take my burden on yourself. Moreover, where did he have the time to sit and talk to us in detail? He may have said some things to his friends. He used to share anything out of the ordinary in the family WhatsApp group chat.

Budkulo: Did he say anything on the day of his death?

Mrs Matilda: He used to send a ‘Good Morning message’ every morning. On 4th October there was a message from him: – ‘Behind every priest there is a demon fighting for his fall’. To that I had replied, “Don’t get disappointed, you are in my every breath, son; I am praying for you. Be simple and dynamic, that is the beauty.’

Budkulo: He used to pray, didn’t he? He had great belief in praying right?

Mrs Matilda: Fr Stany Tauro in his eulogy said: In our difficulties we used to say rosary to our Lady of Health.’ Some parishioners told me that sometimes they used to see him praying alone with raised hands and tears rolling down his eyes. On 11th October, we know that he had been in the training camp during the day; later he had offered the holy mass and he had been in the Eucharistic veneration. We don’t know what occurred afterwards that evening. Because he was very busy that week, he hadn’t called us. However, if in need he used to call, he was not in the habit of lying down to rest on Sunday’s. He used to call us while he was in his school office.

Budkulo: Was he usually working late in his school office?

Mrs Matilda: Yes, when required, he was in the habit of working late in office. He used to take ‘Bisi Oota’ (midday meals) in the school. We often used to tell him to have his meals on time.

Budkulo: When did you get the news of his death?

Mrs Matilda: They visited us to tell the news at 5 am. Our daughter-in-law’s father had called us at 3 in the morning asking, ‘How is Mahesh?’ that’s all. We had no other news. They had only informed my brother, Austin. We were informed when they came here to tell the news, after the body had been kept in the mortuary.

Budkulo: Do you know who had been informed initially of his death?

Mrs Matilda: The main Parish priest was away; only the the assistant priest was stationed. Assistant priest said that when he asked to come for meals saying, “Come for dinner, Father,” Fr Mahesh had responded, “you go, I’ll come bit later.”

He said, later on when I was sitting in the office, a boy came in a car, he asked, ‘where is Fr Mahesh?’ I said, ‘I don’t know.’ Soon afterwards, the boy’s father came, he also asked the same (there was a bit of argument); then the Vice President was called, and they left’. Later, it seems they searched for Fr Mahesh, in the estate, in the church well…

Budkulo: Why there? Shouldn’t they have looked in the office first?

Mrs Matilda: That’s what I am saying too. If he wasn’t in the house, he would be in office. If he had decided to end his life, wouldn’t he have written any note to say as much? Because they saw light in the toilet near school office, they claim they went in that direction to look for him. It seems there was no light in Mahesh’s office. As there was no response when called, they went closer. They say that they saw a reflection in the mirror as if someone was there standing. We don’t know what actually occurred next. Later the Bishop and the Police arrived.

When we received a phone call at 3 am, we asked why we were called at this hour, there was no answer. When we called our daughter in law, she too didn’t tell us anything except, ‘let’s talk in the morning, now go back to sleep’. As there was a daily mass at 6.30, we decided to call him before that. After that we could not go back to sleep. Around 5 am, my brother Austin, Vice President of Parish council, Fr Francis Lewis, and a doctor from Manipal came to tell us the news that Mahesh has died (committed suicide).

At the time of his brothers’ departure to go abroad, when I had asked, ‘Son, you will visit us regularly, wont you?’ he had said, ‘I would Mummy’. Why would he then do something like that? He knew our situation. His father is not well, his grandmother is bed ridden. Could it be that someone harassed him so much? How would a person feel if he was subjected to taunts at every word?

On his ordination day he had promised me. I had sacrificed a lot for him. I wanted him to be a good priest, so I used to fast every Friday for his vocation. On his ordination day, during his speech, he wept when he said, ‘Mummy I remember all the sacrifices you have done for me. I will be a good priest.’ See what happened today…

Budkulo: Is your family been told of all the sequence of events on learning the news of his death?

Mrs Matilda: On arrival when the police requested the presence of a family member, Dr Edward Nazareth was called (but he was far away in Mangalore). Fr Francis Lewis had come (He was very close to Fr Mahesh). My brother too was called. On seeing the pictures of the incident people had lot of doubts. Some said it is not suicide but murder. It is difficult to fathom who would have that sort of enmity with him to kill him.

Budkulo: Later, until the 2nd of November, were people not aware of progress in the investigation?

Mrs Matilda: I do not know the technicalities of the matter. My brother was present. On knowing that no formal complaint has been filed from either his parish or the Bishop, people got agitated. Before the funeral, the Bishop had visited us and had prayed with us.

Budkulo: But, when the parish priest told, ‘the family has requested not to proceed with investigation’, the people got agitated… Next day the Bishop also said the same. Did you request them not to proceed with investigation?

Mrs Matilda: We had requested the Bishop, ‘We ourselves will not pursue, we have given our son to the Church, we want you to make sure that justice is done.’ Later we had issued a press statement saying the same. We also informed the Superintend of Police what we had requested the Bishop. ‘Please make sure our son’s name is not spoiled’ is the only additional thing I had requested of her. We never asked not to investigate further. I said the same when parishioners had called me. Later, they carried out a silent protest before handing over their appeal to the police. Since then further investigation has been on. The Police Circle Inspector has inquired us and has taken our statement. We have informed him about the things we knew and what we have learnt from people. Police have interrogated many in this regard. Lot of new information has come out from the people.

The one thing which we have told the police on record is – ‘‘Today our Son is not with us only because of the dirty politics of senior priests.” We also have handed over the anonymous letter that was sent to us, which they have taken as evidence.

Budkulo: What do you feel about your son now?

Mrs Matilda: He had a dream to make Don Bosco school No. 1 in Karnataka. He dedicated his whole life to that cause. He received good cooperation from the people. He had a very infective personality. Whenever he would ask, people never refused him, they would give what they can. Based on that trust he had planned each one of his projections. He had a strong belief that he would be able to accomplish what he had planned. Because of the big donation from businessman, Michael D’Souza, his confidence was strong. Last year the student intake had gone up. He was very good in music and he had won people’s admiration.

He had served in many parishes in various capacities; from the time when he was a student in the seminary to after his ordination. In between, on the direction of then Bishop of Mangalore, he had to study for 2 years for his B.Ed. There were of his admirers present at the funeral. At the funeral, it was as if the whole universe was provoked. On seeing the heavy thunder lightening, darkness caused by heavy rain, people told me, ‘the same had happened when Jesus was crucified…’

On All Souls day among the people who had come to venerate the graves of their loved ones, were his loved ones. He was first to be ordained as the priest in the newly formed Udupi diocese.

Budkulo: Do you believe your son has committed suicide?

Mrs Matilda: If he was killed, I am struggling to understand who could have been his enemy. And when he had planned so much for the future why would he kill himself? He was very active. At his school, none of his colleagues know the reasons. They are also in shock. Some say he committed suicide because of personal reasons; but we don’t know anything about that. We also don’t know what they know on this regard. Because it was said in the media, that could give rise to negative connotation, this could damage to personality and good image of Fr Mahesh.

Send Feedback to: budkuloepaper@gmail.com

Like us at: www.facebook.com/budkulo.epaper

Watch our YouTube Channel here (click to open)

The post Our Son Has Given His Life to Don Bosco School of Shirva: Late Fr Mahesh’s Parents appeared first on Budkulo.

ವ್ಹಯ್, ಶಿರ್ವಾಂ ಫಿರ್ಗಜ್‍ಗಾರಾಂನಿ ಆಖ್ಖ್ಯಾ ಕೊಂಕ್ಣಿ ಕ್ರಿಸ್ತಾಂವ್ ಸಮಾಜೆಕ್ ಬಡವ್ನ್ ಉಟಯ್ಲಾಂ. ಕ್ರಿಸ್ತಾಂವ್ ಮ್ಹಳ್ಳೆಲೆ ಭಿಂವ್ಕುರೆ, ಶಾಂತ್ ಸ್ವಭಾವಾಚೆ ಮ್ಹಳ್ಳ್ಯಾ ಬಿರುದಾನ್ ಫುಲ್‍ಲ್ಲೆ ಪಲಾಯನ್‍ವಾದಿ, ಕೊಣೆಂಯೀ ಕಿತ್ಲೊಯೀ ಅನ್ಯಾಯ್ ಕೆಲ್ಯಾರ್ ಭೊಗ್ಸಾಣ್ಯಾಚೊ ಸ್ಪಿರಿತ್ ಮ್ಹಳ್ಳ್ಯಾ ಸ್ವಭಾವಾಕ್ ಲಾಗೊನ್ ಥಂಡ್ ಬಸ್ಚೆ ಆನಿ ಆಖೇರಿಕ್ ಧರ್ಮ್, ಭಾವಾಡ್ತ್, ದೇವ್ ಮ್ಹಳ್ಳೊ ಗೊಂಗೊ ದಾಕಯ್ಲ್ಯಾರ್ ಬೊಕ್ರ್ಯಾಂಪರಿಂ ಶರಣ್ ಜಾಂವ್ಚೆ ಮ್ಹಳ್ಳೆಂ ಚಿಂತಪ್, ಜಾಯ್ತ್ಯಾ ಮಾಪಾನ್, ಬದ್ಲುಂಕ್ ಶಿರ್ವಾಂಗಾರ್ ಕಾರಣ್ ಜಾಲ್ಯಾತ್. ಪುಣ್ ಹಾಚ್ಯಾ ಪಾಟ್ಲೆಂ ಕಾರಣ್ ಮಾತ್ರ್ ಆಘಾತಾಚೆಂ, ದುಖಾಚೆಂ, ಶೋಕಾಚೆಂ. ಎಕಾ ಅನ್ವಾರಾ ಪಾಟ್ಲಿ ವಾಡಾವಳ್ ಹಿ.

ವ್ಹಯ್. ಅನ್ವಾರ್ ಆಯ್ಲೆಂ ಎಕಾ ಲೊಕಾಮೊಗಾಳ್ ಆನಿ ತಿತ್ಲೊಚ್ ಕ್ರಿಯಾಳ್ ತಶೆಂ ಸಾಧಕ್ ಜಾವ್ನ್ ನಾಂವ್ ಜೊಡ್‍ಲ್ಲ್ಯಾ ಎಕಾ ತರ್ನ್ಯಾ ಯಾಜಕಾಚ್ಯಾ ಅನಿರೀಕ್ಷಿತ್, ಅಸಹಜ್ ಮರ್ಣಾ ದ್ವಾರಿಂ. ಪುಣ್, ಹ್ಯಾ ಅವ್ಗಡಾಚ್ಯಾ, ಆಘಾತಾಚ್ಯಾ ತಶೆಂ ಖಂತಿಚ್ಯಾ ವೆಳಾರ್, ಆಕಾಂತಾಚ್ಯಾ ಸಂದರ್ಭಾರ್ ಸಯ್ತ್ ಧರ್ಮಾಚೊ ‘ಗೊಂಗೊ’ ದಾಕಯ್ತೆಲೆ ಹರ್ಶೆಂಚೆಪರಿಂ ಬಿಂದಾಸ್ ಉರ್ಲೆ. ಪುಣ್, ಸತ್ತಿ ಆನಿ ಪ್ರಾಮಾಣಿಕ್ ಲೋಕ್ ಮಾತ್ರ್ ಶೆರ್ಮೆಲೊ, ಪುಣ್ ಜಾಗೃತ್ ಜಾಲೊ. ಭಾವಾಡ್ತಾಚ್ಯಾ ನಾಂವಾನ್ ಆಪ್ಣಾಕ್ ಇತ್ಲಿಂ ವರ್ಸಾಂ ‘ಬೊಕ್ರೊ’ ಕರ್ನ್‍ಂಚ್ ಭುಮಿ ವಯ್ಲ್ಯಾ ಸಂಸಾರಾಂತ್ ಕಶೆಂ ‘ಸರ್ಗಾರಾಜಾಚಿ ಜಿಣಿ’ ಜಿಯೆವ್ನ್ ಆಸ್‍ಲ್ಲೆ ಹಿಪೊಕ್ರಿತ್, ಹಜಾರೊಂ ಲೊಕಾಚ್ಯಾ ದುಖಾಕ್, ಸಂತಾಪಾಕ್, ಕಳ್ವಳ್ಯಾಂಕ್, ಚಿಂತ್ನಾಂಕ್ ಆನಿ ಭೊಗ್ಣಾಂಕ್ ಚಿಲ್ಲುನ್ ಚಲ್ಲೆ ಮ್ಹಳ್ಳೆಂಯೀ ಸಂಸಾರಾಕ್, ದೆವಾಚ್ಯಾ ದಯೆನ್ ಉಬ್ಜಲ್ಲ್ಯಾ ಆಧುನಿಕ್ ಮಾಧ್ಯಮಾಂ ಮುಖಾಂತ್ರ್, ಕಳಿತ್ ಜಾಲೆಂ. ಹೆಂ ಆನ್ಯೇಕ್ ದುರಂತ್, ವಿಪರ್ಯಾಸ್ ಆನಿ ಅನಪೇಕ್ಷಿತ್‍ಚ್ ಸಯ್. (ತುಮಿಂಚ್ ಚಿಂತಾ, ಹಾಂಚೆರ್ ಜೆಜು ಕಿತ್ಲೊ ರಾಗಾರ್ ಜಾಲಾ ಆಸ್ತಲೊ ಮ್ಹಣ್).

ತೆಂ ಆಸೊಂ. ರಾಜಾಂವ್ ಕುಶಿಕ್ ದವರ್ಯಾಂ.

‘ಫಾದರ್ ಮಹೇಶ್’ ಆಜ್ ಏಕ್ ವ್ಯಕ್ತಿ ಜಾವ್ನ್ ಉರೊಂಕ್ ನಾ. ತಾಕಾ ಪಳೆಲ್ಲೆಂ ಥೊಡ್ಯಾ ಹಜಾರ್ ಜಣಾಂನಿ ಜಾವ್ಯೆತ್. ಪುಣ್ ತಾಚ್ಯಾ ಗೈರ್ ಹಾಜ್ರೆಂತ್ ಆಜ್ ಲಾಖೊಂ ಲೋಕ್ ತಾಕಾ ಮಾಂದ್ತಾ. ತಾಚೆಂ ನಿರ್ಗಮನ್, ಸರ್ಗಾರಾಜಾಕ್ ವಾಟ್ ದಾಕಯ್ತಾಂ ಮ್ಹಣ್ ಲೊಕಾಕ್ ಫಟವ್ನ್ ಆಪುಣ್ ಹ್ಯಾಚ್ ಸಂಸಾರಾಂತ್ ಸುಶೆಗಾತ್ ಜಿಯೆವ್ನ್ ಆಸ್‍ಲ್ಲ್ಯಾ, ಥೊಡ್ಯಾ ಕಪಟ್ಯಾಂಕ್, ಹಾಲಂವ್ಕ್ ಸಕ್ಲಾಂ. ಮ್ಹಳ್ಯಾರ್ ಹೆ ಹಿಪೊಕ್ರಿತ್, ಗಿಲ್ಟಿ ಮನಿಸ್ ಆಪ್ಣಾಚಿಂ ಪಾತ್ಕಾಂ ಹೆರಾಂಕ್ ಕಳ್ಳ್ಯಾರ್ ಕಶೆಂ ಥರ್ಥರ್ತಾತ್ ಮ್ಹಳ್ಳ್ಯಾಚೆಂ ‘ವಿಶ್ವರೂಪ ದರ್ಶನ’ ಜಾಂವ್ಕ್ ಹೆಂ ಪ್ರಕರಣ್ ರುಜ್ವಾತ್ ಜಾಲೆಂ. (ಹೆರಾಂಚ್ಯಾ ಪಾತ್ಕಾಂಕ್ ಬಂಡ್ವಾಳ್ ದವರ್ನ್ ಚಡ್ ತೇಂಪ್ ರಾಜ್ವಟ್ಕಾಯ್ ಚಲಂವ್ಕ್ ಜಾಯ್ನಾ ಮ್ಹಳ್ಳೆಂ ಉಗ್ಡಾಪೆಂ ಕರಂವ್ಕ್‍ಯೀ ಹೆಂ ಪ್ರಕರಣ್ ನಿದರ್ಶನ್ ಜಾಲೆಂ).

ಶಿರ್ವಾಂ ಫಿರ್ಗಜ್‍ಗಾರಾಂಚಿ ಯೂನಿಟಿ (ಎಕ್ವಟ್) ಆಜ್ ಏಕ್ Entity ಜಾವ್ನ್ ರೂಪಾಂತರ್ ಜಾಲ್ಯಾ. ಹಾಕಾ ಕಾರಣ್ ಮೋಗ್‍ಯೀ ವ್ಹಯ್, ಸ್ವಾಭಿಮಾನ್‍ಯೀ ವ್ಹಯ್, ಅಕ್ಮಾನ್-ಅನ್ಯಾಯ್-ಅನೀತೆ ವಿರೋಧ್ ಆಕ್ರಂದನ್‍ಯೀ ವ್ಹಯ್. ಹೆಂ ದಾಕವ್ನ್ ದಿಲಾಂ ತಾಂಚ್ಯಾ ಖಾಲ್ತ್ಯಾ ಪ್ರತಿರೋಧಾನ್. ದೆಕುನ್ ತಾಂಕಾಂ ಏಕ್ ಸಲಾಮ್. ಶಿರ್ವಾಂಗಾರಾಂಕ್, ತಾಂತುಂಯೀ ಸಂಸಾರ್‍ಭರ್ ಜಿಯೆವ್ನ್ ಆಸ್ಚ್ಯಾ ಕೊಂಕ್ಣಿ ಕ್ರಿಸ್ತೀ ಪರ್ಜೆಕ್, ಹ್ಯಾ ವೆಳಿಂ ತಾಣಿಂ ದಾಕಯಿಲ್ಲ್ಯಾ ಮೆಚ್ಯೂರಿಟಿಕ್ ‘ಬುಡ್ಕುಲೊ’ ಶಾಭಾಸ್ಕಿ ಪಾಟಯ್ತಾ.

ಲೊಕಾನ್ ಝುಜನಾತ್ಲ್ಯಾರ್ ನ್ಯಾಯ್ ಮೆಳನಾ ಮ್ಹಳ್ಳೆಂ ಯೂನಿವರ್ಸಲ್ ಸತ್. ಪಾಟ್ಲ್ಯಾ ಸಬಾರ್ ದಿಸಾಂನಿ ಹಾಂಗ್‍ಕಾಂಗಾಂತ್ ಲೋಕ್, ಪ್ರತ್ಯೇಕ್ ಕರ್ನ್ ಯುವಜಣ್, ಆಪ್ಲ್ಯಾ ಜಿವಾಚಿ ಪರ್ವಾ ಕರಿನಾಸ್ತಾನಾ, ಚೈನಾ ತಸಲ್ಯಾ ಭಿರಾಂಕುಳ್ ಸಕ್ತೆ ವಿರೋಧ್ ಪ್ರತಿಭಟನ್ ಕರ್ನ್ ಆಸಾತ್. ಥೊಡ್ಯಾ ವರ್ಸಾಂ ಆದಿಂ ಮಧ್ಯ್ ಏಷ್ಯಾ-ಆಫ್ರಿಕಾಚ್ಯಾ ರಾಷ್ಟ್ರಾಂನಿ ಫೇಸ್‍ಬುಕ್ ತಸಲ್ಯಾ ಮಾಧ್ಯಮಾಂ ಮುಖಾಂತ್ರ್ ಬೃಹತ್ ಆಂದೋಲನ್ ಚಲೊನ್ ಹೊಸ್ನಿ ಮುಬಾರಕ್ ಆನಿ ಹೆರ್ ಜಾಯ್ತ್ಯಾ ಸರ್ವಾಧಿಕಾರಿಂಕ್ ಲೊಕಾನ್ ಅಧಿಕಾರಾ ಥಾವ್ನ್ ಶಾಶ್ವತ್ ದೆಂವಯ್ಲೆಂ, ಧಾಂವ್ಡಾಯ್ಲೆಂ. ಹಿ ತಾಂಕ್ ಲೊಕಾಚಿ ಆನಿ ಎಕ್ವಟಾಚಿ. ಆಜ್ ಜರ್ ಶಿರ್ವಾಂತ್ ಕಥೊಲಿಕ್ ಭಾವಾಡ್ತಿ ಝುಜ್ತಾತ್ ಜಾಲ್ಯಾರ್ ತಾಕಾಯೀ ಕಾರಣ್ ಸೊಸ್ಣಿಕಾಯೆಚಿ ಗಡ್ ಉತ್ರಲ್ಲೆಂ ಶೋಶಣ್ ಮ್ಹಣ್ಯೆತ್. ಬಾಪ್ ಮಹೇಶ್ ಹ್ಯಾ ಸರ್ವಾಕ್ ಏಕ್ ನಿಮಿತ್ತ್ ಮ್ಹಳ್ಳೆಪರಿಂ, ಆಪ್ಲ್ಯಾ ಜಿವಾಚೆಂ ಬಲಿದಾನ್ ಕರುನ್ ಗೆಲೊ, ಪುಣ್ ತಾಣೆಂ ಆಪ್ಲ್ಯಾ ಮರ್ಣಾ ಮುಖಾಂತ್ರ್ ಲೊಕಾಕ್ ಎಕ್ವಟಾಯ್ಲೆಂ.

ವಿಪರ್ಯಾಸ್ ಪಳೆಯಾ, ಖಂಯ್ ತರೀ ಕೊಣೆಂ ಪುಣೀ ಇಗರ್ಜೆಚೊ ಆರ್ಸೊ ಫುಟಯ್ಲ್ಯಾರ್, ಇಮಾಜ್ ಫೊಡ್ಲ್ಯಾರ್ ಸಗ್ಳೆಂ ಕಾಮ್ ಸೊಡ್ನ್ ಧಾಂವೊನ್ ಯೇವ್ನ್ ಪ್ರತಿಭಟನ್ ಕರ್ಚೆ, ಇಗರ್ಜೆಚ್ಯಾ ಕುತ್ತಾರಿ ಪಂದಾ ಸುಖ್ ಭೊಗ್ಚೆ ‘ಮುಖೆಲಿ’ ಆತಾಂ ಎಕಾ ಯಾಜಕಾನ್ ಮೊರೊನ್ ಪಡ್ತಾನಾ ಪಣಂದೆ ಪದ್ರಾಡ್ ಜಾಲ್ಯಾತ್!? ಹೆರ್ ಜಾತಿಚ್ಯಾ ಸಂಘಟನಾಂನಿ, ಕಾರ್ಯಕರ್ತಾಂನಿ ಕಿತೆಂ ಪುಣೀ ಚಿಲ್ಲರ್ ಸಂಗತ್ ಆಧಾರ್ಲ್ಯಾರ್ ಆಪ್ಲ್ಯಾ ಧರ್ಮಾಕ್ ಅಕ್ಮಾನ್ ಜಾಲೊ, ಜುಲುಮ್ ಚಲಯ್ಲೆಂ ಮ್ಹಣ್ ವಿಳಾಪ್ ದಿಂವ್ಚೆ ‘ಬಲಿಷ್ಟ್’ ಸಂಘಟನಾಂಚೆ ಮುಖೆಲಿ, ಹುದ್ದೆದಾರ್, ಖುದ್ ಏಕ್ ಯಾಜಕ್ ಇಗರ್ಜೆಚ್ಯಾ ಕಂಪಾಂವ್ಡಾಂತ್ ಅಸಹಜ್ ಮರ್ಣಾಕ್ ವಳಗ್ ಜಾಲ್ಯಾರೀ, ಡಿಫೆನ್ಸಿವ್ ಗೇಮ್ ಖೆಳ್ತಾತ್. ಅಸಲಿಂ ನಪುಂಸಕ್ ಸಂಘಟನಾಂ (ಸಂಘಟನಾಂ ವಾ ಸೊಡೆಲಿಟಿ?) ಕಿತ್ಯಾಕ್ ಆಸಜೆ? ಸಮುದಾಯಾಕ್, ಲೊಕಾಕ್, ಭಾವಾಡ್ತ್ಯಾಂಕ್ ಕುಮ್ಕೆಕ್ ಯೇನಾಸ್ತಾನಾ ಫಕತ್ ಪ್ರಚಾರಾಕ್ (ಆನಿ ಲೊಬಾಚೆಂ ರಕ್ಷಣ್ ಕರುಂಕ್!) ಸೀಮಿತ್‍ಗೀ ಮ್ಹಳ್ಳೆಂ ಸವಾಲ್ ಆಜ್ ಲೋಕ್ ವಿಚಾರುನ್ ಆಸಾ.

ವಿಪರ್ಯಾಸ್‍ಚ್ ಸಯ್. ಹ್ಯಾಚ್ ಶಿರ್ವಾಂ ಇಗರ್ಜೆಂಚ್, ಥೊಡ್ಯಾಚ್ ವರ್ಸಾಂ ಆದಿಂ, ಏಕ್ ಇಮಾಜ್ ಫುಟ್‍ಲ್ಲಿ. ತೆದ್ನಾಂಯೀ ಕಠಿಣ್ ಗಲಾಟೊ ಜಾಲೊ. ಪೊಲಿಸ್, ಅಪ್ರಾಧ್ಯಾಂಕ್ ಧರುಂಕ್ ಪೆಟ್ಯಾಂಕ್ ಹಾಡುನ್ ಆಯ್ಲೆ. ರಾಜಕಾರಣಿ ಧಾಂವೊನ್ ಆಯ್ಲೆ. ಪುಣ್ ಏಕ್ ಯಾಜಕ್ ಮೊರ್ತಾನಾ ಸಗ್ಳೆಂ ಗುಪಿತ್, ಗುಮಾನಿತ್ ಘಡ್ತಾ!? ಲೊಕಾಕ್ ಖಬರ್ ಸಯ್ತ್ ಆಸನಾ ಮ್ಹಳ್ಯಾರ್ ಕಿತೆಂ ಅರ್ಥ್? ಪಾದ್ರ್ಯಾಬಾಚ್ಯಾ ಸಂಶಯಾಸ್ಪದ್ ಮರ್ಣಾ ಥಂಯ್ ದುಬಾವ್ ಉಟೊನ್, ಲೊಕಾನ್ ಸವಾಲಾಂ ವಿಚಾರ್ಲ್ಯಾರ್ ತೆಂ ಸಮಡ್ತಿಕ್ ವಿರೋಧ್ ಜಾತಾ?! ಇಮಾಜೆಕ್ ಆಸ್ಚೆಂ ಮೋಲ್ ಸಯ್ತ್ ಎಕಾ ಸಾಧಕ್, ಲೊಕಾಮೊಗಾಳ್ ಯಾಜಕಾಕ್ ನಾ ಜಾಲೆಂ?! ವಿಚಿತ್ರ್ ನ್ಹಯ್ಗೀ?

ಆತಾಂ, ಹ್ಯಾ ಸರ್ವ್ ವಾಡಾವಳಿಂ ಮಧೆಂ ಸಕ್ಕಡ್ ಗಜಾಲಿಂಕ್ ಸಾಕ್ಸ್ ಜಾಲ್ಲ್ಯಾ ಆನಿ ಧಯ್ರಾನ್ ಆಪ್ಲೆಂ ಅಭಿವ್ಯಕ್ತ್ ಸ್ವಾತಂತ್ರ್ಯ್ ಉಗ್ತ್ಯಾನ್ ಉಚಾರ್ಲೆಲ್ಯಾ ಶಿರ್ವಾಂ ಫಿರ್ಗಜ್‍ಗಾರಾಂಚಿ ಅಭಿಪ್ರಾಯ್ ಕಿತೆಂ ಆಸಾ ಮ್ಹಣ್ ತುಮ್ಕಾಂ, ಆಮ್ಚ್ಯಾ ವಾಚ್ಪ್ಯಾಂಕ್, ಕಳಂವ್ಚಿ ಆಮ್ಚಿ ಜವಾಬ್ದಾರಿ ಪಾಳುಂಕ್ ಆಮಿ ಇಲ್ಲೊಸೊ ವಾವ್ರ್ ಕೆಲೊ. ತಾಚೊ ಫಳ್ ಹೆಂ ಬರಪ್. ವಾಚಾ. ತುಮಿ ಹೆಂ ವಾಚಿಜೆ, ಚಿಂತಿಜೆ ಆನಿ ಫಾದರ್ ಮಹೇಶ್ ಮ್ಹಳ್ಳ್ಯಾ ಎಕಾ ವಿಶೇಸ್ ಸಕ್ತೆಚೆಂ ಮೋಲ್ ಕಸಲೆಂ ಆನಿ ತಾಕಾ ಕಸಲೊ ಮಾನ್ ಮೆಳಜೆ ಆಸ್‍ಲ್ಲೊ ಮ್ಹಣ್ ಏಕ್ ಆಟವ್ ಕರಿಜೆ. ಫಾದರ್ ಮಹೇಶಾಕ್, ತಾಚೆ ವರ್ತಿ ಶ್ರದ್ಧಾಂಜಲಿ ಕಿತೆಂ ಆಸತ್?

Now, Over to Shirva Parishioners…..

-ಸಂಪಾದಕ್

ಬುಡ್ಕುಲೊ: ತುಮ್ಚ್ಯಾ ಫಿರ್ಗಜೆಚೊ ಯಾಜಕ್, ಪ್ರಿನ್ಸಿಪಾಲ್ ಬಾಪ್ ಮಹೇಶ್ ಡಿಸೋಜ ಅವ್ಚಿತ್ ಅಂತರ್ಲ್ಯಾ ಉಪ್ರಾಂತ್ ಎಕಾ ವಯ್ರ್ ಏಕ್ ಘಡಿತಾಂ ಘಡೊನ್ ಆಸಾತ್. ಆನಿ ವಿಶೇಸ್ ಖಬರ್ ಮ್ಹಳ್ಯಾರ್, ಶಿರ್ವಾಂ ಫಿರ್ಗಜ್‍ಗಾರ್ ಆಪುರ್ಬಾಯೆನ್ ಎಕ್ವಟಿತ್ ಜಾಲ್ಯಾತ್ ಮ್ಹಳ್ಳಿ ಗಜಾಲ್. ತುಮ್ಚ್ಯಾ ಹ್ಯಾ ಎಕ್ವಟಾಚೆಂ ಕಾರಣ್ ಕಿತೆಂ?

ಶಿರ್ವಾಂ ಫಿರ್ಗಜ್‍ಗಾರ್: ಬಾಪ್ ಮಹೇಶಾಚೆಂ ಅಕಾಲಿಕ್ ಮರಣ್ ಜಾಲಾಂ. ತಾಚೆಂ ಮರಣ್ ಫಕತ್ ಶಿರ್ವಾಂ ಫಿರ್ಗಜ್‍ಗಾರಾಂಕ್ ಮಾತ್ರ್ ನ್ಹಯ್, ಮಂಗ್ಳುರ್ ಆನಿ ಉಡುಪಿ ದಿಯೆಸೆಜಿಚ್ಯಾ ಕ್ರಿಸ್ತಾಂವ್ ಪರ್ಜೆಕ್‍ಚ್ ಘಡ್ಗಡೊ-ಝಗ್ಲಾಣೆಂ ಮಾರ್‌ಲ್ಲೆಪರಿಂ ಜಾಲಾಂ. ಲೊಕಾಕ್ ಭುಜಾವಣ್ ದಿಂವ್ಚೊ ವ್ಯಕ್ತಿ ತೊ ಜಾವ್ನಾಸ್‍ಲ್ಲೊ. ತಾಚ್ಯಾ ಮರ್ಣಾಚ್ಯಾ ಥೊಡ್ಯಾಚ್ ದಿಸಾಂ ಆದಿಂ ಭುರ್ಗ್ಯಾಂಕ್ ತಾಣೆಂ, ‘ಜೀವ್ಘಾತ್ ಕರುಂಕ್ ನಜೊ, ಕಿತೆಂಯೀ ಆಸ್ಲ್ಯಾರೀ ಧಯ್ರಾನ್ ಫುಡ್ ಕರಿಜೆ’ ಮ್ಹಣ್ ಭಾಷಣ್ ದಿಲ್ಲೆಂ. ಮಹೇಶ್ ಪಾದ್ರ್ಯಾಬಾ ತಸಲೊ ಪ್ರತಿಭಾವಂತ್, ಸಂಘಟಕ್ ಆನಿ ಮನ್ಶ್ಯಾಪಣಾಚೊ ವ್ಯಕ್ತಿ ಎದೊಳ್ ಆಮಿ ಪಳೆಲ್ಲೊ ನಾ. ತಾಣೆಂ ಸಕ್ಕಡ್ ಲೊಕಾಕ್ ಎಕ್ವಟಾಯಿಲ್ಲೆಂ. ತಾಚ್ಯಾ ಮರ್ಣಾಂತ್ ದೊನೀ ದಿಯೆಸೆಜಿಂಚೊ ಲೋಕ್ ಎಕ್ವಟಿತ್ ಜಾಲಾ. ಕ್ರಿಸ್ತಾಂವ್ ನ್ಹಯ್ ಆಸ್‍ಲ್ಲೆಯೀ, ಹಿಂದೂ ಆನಿ ಮುಸ್ಲಿಮ್‍ಯೀ ಬಾ. ಮಹೇಶಾ ಸಂಗಿಂ ಭೋವ್ ಮೊಗಾನ್ ಆಸ್‍ಲ್ಲೆ. ಡೊನ್ ಬೊಸ್ಕೊ ಇಸ್ಕೊಲಾ ಮುಖಾಂತ್ರ್ ತಾಚ್ಯಾ ತಾಲೆಂತ್, ಕ್ರಿಯಾಶೀಲತಾ ಆನಿ ಮೊಗಾಳ್ ವ್ಯಕ್ತಿತ್ವಾನ್ ಸರ್ವ್ ಲೊಕಾಚೊ ಅಭಿಮಾನ್ ತೊ ಜಿಕ್‍ಲ್ಲೊ.

ತಾಚ್ಯಾ ಮರ್ಣಾ ಥಂಯ್ ಸಗ್ಳೊ ಲೋಕ್ ಎಕ್ವಟಿತ್ ಜಾಲ್ಲೊ ಶಿವಾಯ್ ದುಸ್ರ್ಯಾ ಕಸಲ್ಯಾಯೀ ಕಾರಣಾಂ ವರ್ವಿಂ ನ್ಹಯ್. ಲೊಕಾನ್ ಎಕ್ವಟಿತ್ ಜಾಲ್ಲೆಂ ಫಾ. ಮಹೇಶಾಚಿ ಸಕತ್ ದಾಕಯ್ತಾ.

ಬುಡ್ಕುಲೊ: ಬಾ. ಮಹೇಶಾಕ್ ತುಮಿಂಚ್ ವಿಚಾರ್ನ್ ಹಾಡಯಿಲ್ಲೆಂಗೀ? ಇಸ್ಕೊಲಾ ಖಾತಿರ್ ವಾವ್ರ್ ಕರ್ಚೊ ಹುಮೆದ್ವಂತ್ ಯಾಜಕ್ ಜಾಯ್ ಮ್ಹಣ್ ತುಮಿಂಚ್ ವತ್ತಾಯ್ ಕೆಲ್ಲಿಮೂ?

ಶಿರ್ವಾಂಗಾರ್: ವ್ಹಯ್, ಸಾರ್ಕೆಂ. ತೊ ಕಲ್ಯಾಣ್ಪುರಾಂತ್ ಆಸ್‍ಲ್ಲೊ. ಡೊನ್ ಬೊಸ್ಕೊ ಇಸ್ಕೊಲ್ ಸಿಬಿಎಸ್‍ಸಿ ಕರಿಜೆ ಮ್ಹಣ್ ಶಿರ್ವಾಂ ಫಿರ್ಗಜ್‍ಗಾರಾಂಚೆಂ ಸಪಣ್ ಆಸ್‍ಲ್ಲೆಂ, ಆಮ್ಚೊ ವಿಗಾರ್ ಬಾಪ್ ಸ್ಟ್ಯಾನಿ ತಾವ್ರೊಕೀ ತಿಚ್ ಆಶಾ ಆಸ್‍ಲ್ಲಿ. ಹ್ಯಾ ಖಾತಿರ್ ಸೂಕ್ತ್ ವ್ಯಕ್ತಿ ಜಾಯ್ಜೆ ಆಸ್‍ಲ್ಲೊ. ದೆಕುನ್ ಫಾ. ಮಹೇಶಾಕ್ ಆಮ್ಚ್ಯಾ ಲೊಕಾನ್ ವಿಚಾರ್ನ್ ಹಾಂಗಾ ಹಾಡಯಿಲ್ಲೆಂ.

ಬುಡ್ಕುಲೊ: ತಾಣೆಂ ಹಾಂಗಾ ಆಯ್ಲ್ಯಾ ಉಪ್ರಾಂತ್ ಕೆಲ್ಲ್ಯಾ ವಾವ್ರಾಚೊ ವಿವರ್ ದಿವ್ಯೆತ್‍ಗೀ?

ಶಿರ್ವಾಂಗಾರ್: ತೊ ಏಕ್ ಭಾರಿಚ್ ತಾಲೆಂತ್‍ವಂತ್ ವ್ಯಕ್ತಿ. ಏಕ್ ಬರೊ ಸಂಗೀತ್‍ಗಾರ್, ಸಂಘಟಕ್. ತಾಲೆಂತಾಂಚೊ ಭಂಡಾರ್ ತೊ. ತಾಚ್ಯಾ ಮೊಗಾಳ್ ಉಲವ್ಣ್ಯಾ ವರ್ವಿಂ ಫಿರ್ಗಜ್‍ಗಾರಾಂಕ್ ಸಾಂಗಾತಾ ಹಾಡ್ತಾಲೊ. ಯುವಜಣ್ ತಾಚೊ ಮೋಗ್ ಕರ್ತಾಲೆ. ತಾಚೆ ವರ್ವಿಂ ಯುವ ಸಂಘಟನ್ ಬಲಿಷ್ಠ್ ಜಾಲ್ಲೆಂ. ತೊ ಇಸ್ಕೊಲಾಚಿ ಅಭಿವೃದ್ಧಿ ಕರುಂಕ್ ಆಯಿಲ್ಲೊ. ಸಾಡೆ ತೀನ್ ವರ್ಸಾಂನಿ ತಾಣೆಂ ತೆಂ ಕರ್ನ್ ದಾಕಯ್ಲಾಂ. ಇಸ್ಕೊಲಾಚೆಂ ನವೆಂ ಬಾಂಧಪ್ ತಾಣೆಂಚ್ ರಾವೊನ್ ಬಾಂಧಯಿಲ್ಲೆಂ. ಸೆಂಟ್ರಲ್ ಸಿಲೆಬಸ್ ಜೊಡ್ಚ್ಯಾಕ್ ಬೆಂಗ್ಳುರ್ ಆನಿ ಡೆಲ್ಲಿ ಸಬಾರ್ ಪಾವ್ಟಿಂ ವಚೊನ್ ಜಾಯ್ ಜಾಲ್ಲೊ ಸರ್ವ್ ವಾವ್ರ್ ತಾಣೆಂಚ್ ಕೆಲ್ಲೊ. ಫಿರ್ಗಜ್‍ಗಾರಾಂನಿಯೀ ತಾಕಾ ಸಾಂಗಾತ್ ದಿಲಾ. ಹೆಳ್‍ಲ್ಲ್ಯಾಂ ಲಾಗಿಂ ಸಲಹಾ ಘೆವ್ನ್, ತಾಂಚೊ ಸಹಕಾರ್ ತಾಣೆಂ ಆಪ್ಣಾಯಿಲ್ಲೊ. ತೊ ಏಕ್ ಬರೊ ಶಿಕ್ಷಕ್‍ಯೀ ಜಾವ್ನಾಸ್‍ಲ್ಲೊ. ತಾಣೆಂ ಶಿಕಂವ್ಚಿ ರೀತ್ ಪಳೆವ್ನ್ ಹೆರ್ ಇಸ್ಕೊಲಾಂಚ್ಯಾ ವಿದ್ಯಾರ್ಥಿಂಕ್ ವ್ಹಡಿಲಾಂನಿ ಹಾಂಗಾ ಭರ್ತಿ ಕೆಲ್ಲೆಂಯೀ ಆಸಾ. ತಾಚಿ ಜವಾಬ್ದಾರಿ ತಾಣೆಂ ಬರಿಚ್ ಸಾಂಬಾಳ್ಳ್ಯಾ. ಪಿ.ಯು.ಸಿ. ಸುರು ಕರಿಜೆ ಮ್ಹಳ್ಳೆಂ ಸಪಣ್‍ಯೀ ತಾಕಾ ಆಸ್‍ಲ್ಲೆಂ. ಮೈದಾನಾರ್ ಪಾವ್ಸಾಂತ್ ಉದಾಕ್ ರಾವ್ತಾಲೆಂ ದೆಕುನ್ ಥಂಯ್ ಇಂಟರ್‌ಲಾಕ್ ಘಾಲುಂಕ್ ತಾಕಾ ಜಾಯ್ ಆಸ್‍ಲ್ಲೆಂ.

ಭುರ್ಗ್ಯಾಂಕ್ ಕಿತೆಂಯೀ ಭಲಾಯ್ಕೆಚೆ ಸಮಸ್ಸೆ ಆಸ್ಲ್ಯಾರ್ ತೊಚ್ ತಾಂಕಾಂ ಆಸ್ಪತ್ರೆಕ್ ವ್ಹರ್ನ್ ಚಿಕಿತ್ಸಾ ದಿವಯ್ತಾಲೊ. ಇಸ್ಕೊಲ್ ಫೈವ್ ಸ್ಟಾರ್ ಹೊಟೆಲಾ ಪ್ರಾಸ್ ಚಡ್ ನಿತಳ್ ಆಸ್ತಾಲೆಂ. ಸ್ವಚ್ಛತೆಕ್ ತೊ ಪ್ರಾಮುಖ್ಯತಾ ದಿತಾಲೊ. ಸರ್ವ್ ಸುವ್ಯವಸ್ಥಿತ್ ಆಸ್‍ಲ್ಲೆಂ.

ಬುಡ್ಕುಲೊ: ತೊ ಮೊರ್ಚ್ಯಾ ಪಯ್ಲೆಂ ಕಸಲಿಂಯ್ ಖುಣಾಂ ದಿಸ್‍ಲ್ಲಿಂಗೀ?

ಶಿರ್ವಾಂಗಾರ್: ಫಾ. ಮಹೇಶ್ ಯೇವ್ನ್ ಸಾಡೆ ತೀನ್ ವರ್ಸಾಂ ಜಾಲಿಂ. ತಾಚೆ ಸಾಂಗಾತಿ ಜಾವ್ನ್ ಫಾ. ಸ್ಟ್ಯಾನಿ ತಾವ್ರೊ, ಫಾ. ಕೆನ್ಯೂಟ್ ಆಸ್‍ಲ್ಲೆ. ತೆ ಮೊಗಾನ್, ಸಂತೊಸಾನ್ ಆಸ್‍ಲ್ಲೆ. ಲೊಕಾಕ್ ತೆಂ ಕಳಿತ್ ಆಸಾ. ತ್ಯಾ ಉಪ್ರಾಂತ್ ಫಾ. ಮಹೇಶಾ ಥಂಯ್ ಕಿತೆಂಗೀ ಏಕ್ ಬದ್ಲಾವಣ್ ಜಾಲ್ಲಿ ಆಮಿ ಪಳೆಲ್ಯಾ. ತಾಣೆಂ ಸಬಾರಾಂಕ್ ಆಪ್ಣಾಚೆರ್ ಒತ್ತಡ್ ಆಸಾ ಮ್ಹಣ್ ಸಾಂಗ್ಲಾಂ. ಆಪ್ಣಾಚೆರ್ ವಾಯ್ಟ್ ಕಮೆಂಟ್ ಕರ್ಚೆಂ ಇತ್ಯಾದಿ ಕಾರಣಾಂ ವರ್ವಿಂ ತೊ ಟೆನ್ಶನಾರ್ ಆಸ್ತಾಲೊ. ತೊ ಸೆನ್ಸಿಟಿವ್ ವ್ಯಕ್ತಿ. ಹ್ಯಾ ಸರ್ವ್ ಕಾರಣಾಂಕ್ ಲಾಗೊನ್ ತಾಕಾ ದುಖ್ ಭೊಗ್ತಾಲೆಂ. ಆಮ್ಚಿ 100 ವರ್ಸಾಂ ಆದ್ಲಿ ಫಿರ್ಗಜ್. ಆಮ್ಕಾಂ ಫಿರ್ಗಜ್‍ಗಾರಾಂಕ್ ವಿಗಾರಾನ್ ಆಲ್ತಾರಿರ್ ಥಾವ್ನ್ ‘ತುಮ್ಕಾಂ ಕೊಯರ್ ಗೊತ್ತುನಾ, ಕಾಣಿಕ್ ಹಾಡುಂಕ್ ಗೊತ್ತುನಾ, ವಾಚಪ್ ವಾಚುಂಕ್ ಗೊತ್ತುನಾ, ತೆಂ ಗೊತ್ತುನಾ, ಹೆಂ ಗೊತ್ತುನಾ…’ ಮ್ಹಣ್ ಅಕ್ಮಾನ್ ಕರ್ಚೆಂ ಆಸ್‍ಲ್ಲೆಂ. ಜಾಲ್ಯಾರೀ ಆಮ್ಚ್ಯಾ ಲೊಕಾನ್ ತೆಂ ಸಗ್ಳೆಂ ಸೊಸ್ಣಿಕಾಯೆನ್ ಸೊಸ್ಲಾಂ. ಫಾ. ಮಹೇಶ್ ಕೊಯರ್ ಸಾಂಬಾಳ್ತಾಲೊ. ಕೊಯರ್ ಬರೆಂ ಜಾಂವ್ಕ್ ನಾ ಮ್ಹಣ್ ಹಿಣ್ಸುಂಚೆಂ ಆಸ್‍ಲ್ಲೆಂ. ಯಾಜಕಾಂ ಮಧೆಂ ಬರೊ ಸಂಬಂಧ್ ನಾತ್‍ಲ್ಲೊ. ಸಾಂಗಾತಾ ಜೆಂವ್ಚೆಂಯೀ ನಾತ್‍ಲ್ಲೆಂ. ಘುಸ್ಪಡ್ ಗೊಂದೊಳ್ ಆಸ್‍ಲ್ಲಿ ಗಜಾಲ್ ಲೊಕಾಕ್ ಕಳಿತ್ ಆಸಾ. ಆನಿ ತ್ಯೊ ಗಜಾಲಿ ಫಾ. ಮಹೇಶಾನ್ ಸಬಾರಾಂಕ್ ಸಾಂಗ್ಲ್ಯಾತ್. ಹಿ ಲಿಪವ್ನ್ ದವರ್ಚಿ ಗಜಾಲ್ ನ್ಹಯ್.

ಬುಡ್ಕುಲೊ: ನವೆಂಬರ್ 2 ತಾರಿಕೆರ್, ಆಲ್ಮಾಂವಾಂಚ್ಯಾ ದಿಸಾ, ಕಿತೆಂ ಘಡ್ಲೆಂ?

ಶಿರ್ವಾಂಗಾರ್: ಬಾಪ್ ಮಹೇಶಾನ್ ಸುಸೈಡ್ ಕೆಲಾಂ ಮ್ಹಣ್ ಖಬರ್ ಜಾಲಿ. ಪುಣ್ ವಾಟ್ಸಪ್ ಆನಿ ಹೆರ್ ಮಾಧ್ಯಮಾಂನಿ ಆಯಿಲ್ಲ್ಯೊ ಫೊಟೊ ಇತ್ಯಾದಿ ಪಳೆತಾನಾ ಲೊಕಾಕ್ ತೆಂ ಜೀವ್ಘಾತ್ ನ್ಹಯ್ ಪ್ರಿಪ್ಲ್ಯಾನ್ ಕೆಲ್ಲೆಂ ಮರ್ಡರ್ ಆಸೊಂಕ್ ಪುರೊ ಮ್ಹಣ್ ಭೊಗ್ಲೆಂ. ಫಾ. ಮಹೇಶಾಚೆಂ ಮರಣ್ ಜಾತಾನಾ ವಿಗಾರ್ ಗಾಂವಾಂತ್ ನಾತ್‍ಲ್ಲೊ. ಆರ್ಥಿಕ್ ಸಮಿತಿಚಿಂ ಸಬಾರ್ ಮೀಟಿಂಗಾಂ ಚಲ್ಲಿಂ. ಕಂಪ್ಲೈಂಟ್ ದೀಜೆ ಮ್ಹಣ್ ಪ್ರಸ್ತಾಪ್ ಯೆತಾಲೊ ಪುಣ್ ಕೊಣೆಂ ದಿಂವ್ಚೆಂ ಮ್ಹಣ್ ನಿರ್ಣಯ್ ಜಾಯ್ನಾತ್‍ಲ್ಲೊ. ಉಪಾಧ್ಯಕ್ಷಾನ್ ದೀಜೆ ಮ್ಹಣ್ ವಿಗಾರ್, ವಿಗಾರಾನ್ ದೀಜೆ ಮ್ಹಣ್ ಉಪಾಧ್ಯಕ್ಷ್ ಸಾಂಗ್ತಾಲೆ. ಆಖೇರಿಕ್ ಆಪ್ಣಾಕ್ ಕೊಣೀ ಸಹಕಾರ್ ದೀನಾ ಮ್ಹಣ್ ವಿಗಾರಾನ್ ಸಾಂಗ್ಲಾಂ ಮ್ಹಳ್ಳಿ ಖಬರ್ ಫಿರ್ಗಜ್‍ಗಾರಾಂಕ್ ಮೆಳ್ಳಿ. ಕಿತ್ಯಾಕ್ ಕಂಪ್ಲೈಂಟ್ ದೀನಾಂತ್ ಮ್ಹಣ್ ಲೊಕಾಕ್‍ಯೀ ದುಬಾವ್ ಧೊಸುಂಕ್ ಸುರು ಜಾಲೊ. ಎಕಾ ಪ್ರಾಯ್ವಂತ್ ಸ್ತ್ರೀಯೆನ್, ಮೆಲ್ಲ್ಯಾಂಚ್ಯಾ ದಿಸಾ ಮಿಸಾ ಉಪ್ರಾಂತ್ ಸಿಮೆಸ್ತ್ರಿ ಥಾವ್ನ್ ಭಾಯ್ರ್ ಯೆತಾನಾ, ‘ಫಾದರ್ ಕಿತ್ಯಾಕ್ ತುಮಿ ಕಂಪ್ಲೈಂಟ್ ದೀಂವ್ಕ್ ನಾ?’ ಮ್ಹಣ್ ವಿಚಾರ್ಲೆಂ. ತೆದಾಳಾ, ‘ಫಾದರ್ ಮಹೇಶಾಚ್ಯಾ ಘರ್ಚ್ಯಾಂನಿ ಕಂಪ್ಲೈಂಟ್ ದಿಂವ್ಚೆಂ ನಾಕಾ ಮ್ಹಳಾಂ. ತಾಣಿಂ ತಶೆಂ ಸಾಂಗ್ಲ್ಯಾ ಉಪ್ರಾಂತ್ ಆಮಿ ಕಂಪ್ಲೈಂಟ್ ದಿಂವ್ಚೆಂ ಸಾರ್ಕೆಂಗೀ?’ ಮ್ಹಣ್ ಜಾಪ್ ಆಯ್ಲಿ. ತಾಕಾ ಲೊಕಾನ್, ‘ಕಂಪ್ಲೈಂಟ್ ದೀಜೆಚ್ಚ್, ತೊ ಆಮ್ಚೊ ಪಾದ್ರ್ಯಾಬ್. ಘರ್ಚ್ಯಾಂನಿ ತಾಕಾ ಒಪ್ಸುನ್ ದಿಲ್ಯಾ ಉಪ್ರಾಂತ್ ತೊ ಆಮ್ಚೊ ಪಾದ್ರ್ಯಾಪ್. ಆಮಿ ಕಂಪ್ಲೈಂಟ್ ದೀಜೆಚ್’ ಮ್ಹಣ್ ಸಾಂಗ್ಲೆಂ. ತೆದಾಳಾ ಫೈನಾನ್ಸ್ ಸಮಿತಿಚ್ಯಾ ಎಕಾ ಮಾನೆಸ್ತಾನ್ ಉಲಂವ್ಕ್ ಸುರು ಕೆಲೆಂ. ತಾಕಾ ಉಲಂವ್ಕ್ ಲೊಕಾನ್ ಸೊಡ್ಲೆಂ ನಾ, ವಿಗಾರಾನ್‍ಂಚ್ ಜಾಪ್ ದೀಜೆ ಮ್ಹಳೆಂ. ತೆದ್ನಾಂ ಡೊಲ್ಫಿ ಮ್ಹಳ್ಳೆಲ್ಯಾನ್, ‘ಫಾದರ್ ತುಮಿ ವಿದೇಶಾಕ್ ವೆತಾನಾ ಲೊಕಾಕ್ ಕಳಯ್ಲಾಂಯೇ?’ ಮ್ಹಣ್ ವಿಚಾರ್ಲೆಂ. ‘ತುಮ್ಕಾಂ ಸಾಂಗ್ಚಿ ಗರ್ಜ್ ಮ್ಹಾಕಾ ನಾ’ ಮ್ಹಳ್ಳಿ ಹಂಕಾರಿ ಜಾಪ್ ಆಯ್ಲಿ. ತಾಕಾ ಲೊಕಾನ್ ವಿರೋಧ್ ಕೆಲೊ. ದುಸ್ರೊ ಎಕ್ಲೊ ಮಾನೆಸ್ತ್ ಉಲಯ್ಲೊ. ಲೊಕಾನ್ ಕಂಪ್ಲೈಂಟ್ ದೀಜೆ ಮ್ಹಳ್ಳೆಂ ಡಿಮಾಂಡ್ ದವರ್ಲೆಂ. ಉಲವ್ಣೆಂ ಚಲೊನ್ ಆಸ್ತಾನಾಂಚ್ ಪಾದ್ರ್ಯಾಬ್ ಧಾಂವ್ಲೊ ಆನಿ ಕುಡಾ ಭಿತರ್ ರಿಗ್ಲೊ. ಥಂಯ್ ಥಾವ್ನ್ ತಾಣೆಂ ಪೊಲಿಸಾಂಕ್ ಆಪಯ್ಲೆಂ. ಸದಾಂನೀತ್ ಹಾಸೊನ್ ಖೆಳೊನ್ ಆಸ್‍ಲ್ಲ್ಯಾ ತ್ಯಾಚ್ ಜಣಾಂ ಸಂಗಿಂ ಆಸ್ತಾನಾ ತಾಕಾ ಕಿತ್ಯಾಕ್ ಭ್ಯೆಂ ದಿಸ್ಲೆಂ ಮ್ಹಳ್ಳೆಂಚ್ ಆಮ್ಕಾಂ ಫಿರ್ಗಜ್‍ಗಾರಾಂಕ್ ಕಳ್ಳೆಂ ನಾ. ಪೊಲಿಸ್ ಆಯ್ಲೆ. ಪೊಲಿಸಾಂಕ್ ಆಪಯಿಲ್ಲ್ಯಾಕ್ ಆಮಿ ಆಕ್ಷೇಪ್ ಉಚಾರ್ಲೊ. ‘ಆಮಿ ಕಿತೆಂ ಚೋರ್‌ಗೀ, ಟೆರರಿಸ್ಟ್‌ಗೀ?’ ಮ್ಹಣ್ ವಿಚಾರ್ಲೆಂ. ತ್ಯಾ ವರ್ತನಾ ವರ್ವಿಂ ಪಾದ್ರಿಂ ವಯ್ರ್ ಲೊಕಾಕ್ ದುಬಾವ್ ಉದೆಲೊ. ಸಾಡೆ ಸ ವೊರಾ ಪರ್ಯಾಂತ್ ಫಿರ್ಗಜೆಚೊ ಲೋಕ್ ಮಾತ್ರ್ ಆಸ್‍ಲ್ಲೊ. ಭಾಯ್ಲೊ ಕೊಣೀ ನಾತ್‍ಲ್ಲೊ. ಸಾತ್ ವೊರಾ ಉಪ್ರಾಂತ್, ಘಾಂಟ್ ಮಾರ್‌ಲ್ಲ್ಯಾನ್, ಹೆರ್ ಲೋಕ್ ಆಯ್ಲಾ ಆಸ್ತಲೊ. ತಿತ್ಲೆ ಪೊಲಿಸ್ ಆಸ್‍ಲ್ಲೆ ತರೀ ಯಾಜಕ್ ಭಾಯ್ರ್ ಆಯ್ಲೊ ನಾ. ಉಪ್ರಾಂತ್ ಇನ್ಸ್‌ಪೆಕ್ಟರಾನ್ ವಿನತಿ ಕೆಲ್ಲ್ಯಾನ್ ಭಾಯ್ರ್ ಆಯ್ಲೊ. ಯೇವ್ನ್ ಪರತ್ ‘ಘರ್ಚ್ಯಾಂನಿ ದೂರ್ ದಿಂವ್ಚೆಂ ನಾಕಾ ಮ್ಹಳ್ಳ್ಯಾ ಉಪ್ರಾಂತ್ ತಾಂಚೆ ವಿರೋಧ್ ಮ್ಹಾಕಾ ವಚೊಂಕ್ ಜಾತಾಗೀ’ ಮ್ಹಣ್ ಸಾಂಗ್‍ಲ್ಲೆಂಚ್ ಸಾಂಗ್ಲೆಂ. ಲೋಕ್ ತಾಕಾ ಒಪ್ಲೊ ನಾ.

ಬಿಸ್ಪಾಕ್ ಆಪಯ್ಜೆ ಮ್ಹಣ್ ವತ್ತಾಯ್ ಕೆಲೆಂ. ಪೊಲಿಸ್ ಅಧಿಕಾರಿನ್ ರಾತ್ ಜಾತಾ, ಆಜ್ ನಾಕಾ ಫಾಲ್ಯಾಂ ಬಿಸ್ಪಾಕ್ ಆಪವ್ಯಾಂ, ಲೊಕಾಕ್ ಘರಾ ವಚಾ ಮ್ಹಳೆಂ. ಆಮಿ ಲೊಕಾಕ್ ಸಮಾಧಾನ್ ಕರ್ನ್ ಘರಾ ಧಾಡ್ಲೆಂ.

ಬುಡ್ಕುಲೊ: ಇಗರ್ಜೆಚಿ ಘಾಂಟ್ ಕಿತ್ಯಾಕ್ ವೊಡ್‍ಲ್ಲಿ?

ಶಿರ್ವಾಂಗಾರ್: ತೆಂ ಮ್ಹಳ್ಯಾರ್, ಪಾದ್ರ್ಯಾಬ್ ಭಾಯ್ರ್ ಯೇಂವ್ಕ್ ಆಯ್ಕನಾತ್‍ಲ್ಲೆ. ಫಿರ್ಗಜ್ ಮ್ಹಳ್ಯಾರ್ ಏಕ್ ಕುಟಮ್ ಆಸ್‍ಲ್ಲ್ಯಾಪರಿಂ. ಹೊ ಕಾಂಯ್ ನವೊಚ್ ಆಯಿಲ್ಲೊ ಯಾಜಕ್ ನ್ಹಯ್. ತಾಕಾ ಲೊಕಾಚಿ ವಳಕ್ ಜಾಲ್ಯಾ, ಬರಿ ಸಳಾವಳ್ ಆಮ್ಕಾಂ ಆಸ್‍ಲ್ಲಿ. ತಿತ್ಲೆಂ ಆಸೊನ್‍ಯೀ ತಾಣೆಂ ಪೊಲಿಸಾಂಕ್ ಕಿತ್ಯಾಕ್ ಆಪಯ್ಲೆಂ ಮ್ಹಳ್ಳೆಂ ಆಮ್ಚೆಂ ಸವಾಲ್. ಬಾಗಿಲ್ ಘಾಲ್ನ್ ಭಿತರ್ ಬಸ್‍ಲ್ಲ್ಯಾನ್, ಆಮ್ಕಾಂ ಜಾಪ್ ಮೆಳನಾತ್‍ಲ್ಲ್ಯಾನ್, ಲೊಕಾಕ್ ಆಪಂವ್ಚ್ಯಾ ಉದ್ದೇಶಾನ್ ಘಾಂಟ್ ಮಾರ್ಲಿ.

ಬುಡ್ಕುಲೊ: ಉಪ್ರಾಂತ್ ಕಿತೆಂ ಜಾಲೆಂ?

ಶಿರ್ವಾಂಗಾರ್: ಚಡ್ತಿಕ್ ಲೋಕ್ ಆಯ್ಲೊ. ಪೊಲಿಸ್ ತೆದಾಳಾಚ್ ಆಯಿಲ್ಲೆ. ಸುತ್ತೂರಾಂತ್ಲೆ ಪಾಂಚ್ ಸ ಜಣ್ ಪೊಲಿಸ್ ಅಧಿಕಾರಿಯೀ ಆಯಿಲ್ಲೆ. ಎಕಾ ಪೊಲಿಸಾನ್, ಇಗರ್ಜೆಕ್ ಫಾತೊರ್ ಉಡಯ್ತಾತ್ ಮ್ಹಣ್ ಆಮ್ಕಾಂ ಆಪಯಿಲ್ಲೆಂ ಮ್ಹಳೆಂ. ಲೋಕ್ ಘರಾ ವಚೊಂಕ್ ತಯಾರ್ ನಾತ್‍ಲ್ಲೊ. ಬಿಸ್ಪಾನ್ ಯೇಜೆ ಮ್ಹಣ್ ತಾಂಚೆಂ ಮಾಗ್ಣೆಂ ಆಸ್‍ಲ್ಲೆಂ. ಉಪ್ರಾಂತ್ ಲೊಕಾಕ್ ಸಮಾಧಾನ್ ಕರ್ನ್ ಪಾಟಿಂ ಧಾಡ್ಲೆಂ.

ಬುಡ್ಕುಲೊ: ತುಮ್ಚಿ ಗೊವ್ಳಿಕ್ ಪರಿಷದ್ ಕಿತೆಂ ಕರ್ತಾಲಿ?

ಶಿರ್ವಾಂಗಾರ್: ತಾಂಚೆಂ ವರ್ತನ್ ಪ್ರಾಮಾಣಿಕ್ ನಾತ್‍ಲ್ಲೆಂ. ತೆ ಪಯ್ಸ್ ಪಯ್ಸ್ ಆಸ್‍ಲ್ಲೆ, ಕೊಣೀ ಲಾಗಿಂ ಯೇಂವ್ಕ್ ನಾಂತ್. ಕಿತ್ಯಾಕ್ ಮ್ಹಣ್ ಆಮ್ಕಾಂ ಕಳಿತ್ ಜಾಂವ್ಕ್ ನಾ. ಪೊಲಿಸ್ ಕಂಪ್ಲೈಂಟ್ ಕಿತ್ಯಾಕ್ ದೀನಾಂತ್ ಮ್ಹಳ್ಳೆ ವಿಶಿಂ ಗೊಂದೊಳ್, ಘುಸ್ಪಡ್ ಆಸ್‍ಲ್ಲೊ. ಆತಾಂ ಪಳೆ, ಪಾದ್ರ್ಯಾಬಾಕ್ ಆಪ್ಲೊಚ್ ಏಕ್ ಯಾಜಕ್ ಭಾವ್ ಮೊರೊನ್ ಪಡ್ಲಾ ಆಸ್ತಾನಾ ಪೊಲಿಸಾಂಕ್ ಕಂಪ್ಲೈಂಟ್ ದೀಂವ್ಕ್ ಧಯ್ರ್ ಮೆಳ್ಳೆಂ ನಾ. ಪುಣ್, ತ್ಯಾ ವಿಶಿಂ ಸವಾಲ್ ಕರ್ತಾನಾ ಸಗ್ಳ್ಯಾ ಫಿರ್ಗಜ್‍ಗಾರಾಂ ವಯ್ರ್ ಕಂಪ್ಲೈಂಟ್ ಕರುಂಕ್ ತಾಕಾ ಧಯ್ರ್ ಆಯ್ಲೆಂ. ತೊಂಡಾ ಉತ್ರಾನ್ ಲೊಕಾ ವಿರೋಧ್ ಪೊಲಿಸಾಂಕ್ ಸಾಂಗ್ಲಾಂ ಮ್ಹಳ್ಯಾರ್ ತೆಂ ಕಂಪ್ಲೈಂಟ್‍ಚ್ ಮ್ಹಣ್ ಜಾಲೆಂ. ಶಿರ್ವಾಂಚ್ಯಾ ಶೆಂಬರ್ ವರ್ಸಾಂಚ್ಯಾ ಇತಿಹಾಸಾಂತ್ ಇಗರ್ಜೆಚೆರ್ ಹಲ್ಲೊ ಮ್ಹಳ್ಳೊ ಜಾಂವ್ಕ್ ನಾ. ಶಿರ್ವಾಂಗಾರ್ ಇತ್ಲೆ ಮೊಗಾಳಿಗೀ, ಕಸಲ್ಯಾಯ್ ಸಂಗ್ತಿಂತ್ ತರೀ ಸಂಘಟಿತ್ ಥರಾನ್ ವಾವುರ್ತಾತ್. ಶತಮಾನೋತ್ಸವ್ ಆಚರಣ್ ತಾಕಾ ಏಕ್ ಸಾಕ್ಸ್.

ಬುಡ್ಕುಲೊ: ವ್ಹಯ್ಗೀ, ಪಾದ್ರ್ಯಾಬಾನ್ ತುಮ್ಚೆ ವಿರೋಧ್ ಸಾಂಗೊನ್ ಪೊಲಿಸಾಂಕ್ ಆಪಯ್ಲೆಂಗೀ?

ಶಿರ್ವಾಂಗಾರ್: ವ್ಹಯ್. ತಾಕಾ ಮೀಟಿಂಗ್‍ಯೀ ನಾಕಾ, ಕಾಂಯ್ ನಾಕಾ. ಸ್ವಂತ್ ನಿರ್ಧಾರ್ ಕರುನ್ ಪೊಲಿಸಾಂಕ್ ಆಪಯ್ಲೆಂ. ಆರ್ಥಿಕ್ ಸಮಿತಿಚೆಂ ಮೀಟಿಂಗ್‍ಯೀ ನಾ. ಉಪ್ರಾಂತ್, ರಾಜಕೀಯಾಂತ್ ಆಸ್ಚ್ಯಾ ಎಕಾ ಮಾನೆಸ್ತಾನ್ ಲೊಕಾನ್ ಗಲಾಟೊ ಕೆಲ್ಯಾರ್ ಪೊಲಿಸ್ ಲಾಠಿ ಚಾರ್ಜ್ ಕರ್ತಾತ್, ತೆದ್ನಾಂ ಲೋಕ್ ಕಶೆಂ ಧಾಂವ್ತಾ ಪಳೆ ಮ್ಹಣ್ ಸಾಂಗ್ಲೆಂ. ತೆದ್ನಾಂ ಆಮಿ ಲೊಕಾ ಲಾಗಿಂ ‘ಲಾಠಿಚಾರ್ಜ್ ಕರ್ತಾತ್ ಖಂಯ್, ತುಮಿ ಧಾಂವ್ತಾತ್‍ಗೀ?’ ಮ್ಹಣ್ ವಿಚಾರ್ಲೆಂ. ತಾಕಾ ತಾಣಿಂ, ‘ಲಾಠಿಚಾರ್ಜ್ ನ್ಹಯ್, ಫೈರಿಂಗ್ ಕೆಲ್ಯಾರೀ ಆಮಿ ಹಾಂಗಾಚೆ ಹಾಲನಾಂವ್’ ಮ್ಹಣ್ ಜಾಪ್ ದಿಲಿ.

ಬುಡ್ಕುಲೊ: ಸಮಿತಿಚ್ಯಾ ಹುದ್ದೆದಾರಾಂ ಲಾಗಿಂ ತುಮಿ, ‘ಕಿತ್ಯಾಕ್ ದೂರ್ ದಾಖಲ್ ಜಾಂವ್ಕ್ ನಾ’ ಮ್ಹಣ್ ವಿಚಾರುಂಕ್ ನಾಂಗೀ?

ಶಿರ್ವಾಂಗಾರ್: ತೆ ಆಸೊನ್‍ಯೀ ಫಾಯ್ದ್ಯಾಕ್ ನಾಂತ್! ಸಮಿತಿ ಆಸೊನ್‍ಯೀ ಏಕ್ ನಿರ್ಧಾರ್ ಘೆಂವ್ಕ್ ಜಾಯ್ನಾ ತರ್ ತಿ ಸಮಿತಿ ಆಸೊನ್ ಕಿತೆಂ ಫಾಯ್ದೊ? ಪಳೆಯಾ, ಹಾಂಗಾಸರ್ ಏಕ್ ಲಾಯಿಕ್ ಮೆಲ್ಲೊ ನ್ಹಯ್. ವಾ ಏಕ್ ನಾಕಾರಿ ವ್ಯಕ್ತಿ ಮೆಲ್ಲೊ ನ್ಹಯ್. ಏಕ್ ಶಿಕ್ಪಿ, ಬರೊ ಯಾಜಕ್, ನಾಂವಾಡ್‍ಲ್ಲೊ ಸಾಧಕ್, ಮುಖಾರಿಂ ವ್ಹಡ್ ಹುದ್ದ್ಯಾಂಕ್ ಪಾಂವ್ಚೆ ತಸಲೊ ಪ್ರತಿಭಾವಂತ್ ವ್ಯಕ್ತಿ ಮೆಲಾ. ಫೈನಾನ್ಸ್ ಕಮಿಟಿನ್ ಮುಖಾರ್ ಸರಜೆ ಆಸ್‍ಲ್ಲೆಂ. ವ್ಯಕ್ತಿಗತ್ ಜಾಯ್ನಾ ತರ್ ಸಗ್ಳ್ಯಾ ಸಮಿತಿನ್ ಸಂಗಿಂ ಮೆಳೊನ್ ಕಂಪ್ಲೈಂಟ್ ದೀಜೆ ಆಸ್‍ಲ್ಲೆಂ.

ಬುಡ್ಕುಲೊ: ದುಸ್ರ್ಯಾ ದಿಸಾ, ಆಯ್ತಾರಾ, ಕಿತೆಂ ಜಾಲೆಂ?

ಶಿರ್ವಾಂಗಾರ್: ಸನ್ವಾರಾ ಪ್ರಾಸ್ ಚಡ್ ಲೋಕ್ ಆಯ್ತಾರಾ ಆಸ್‍ಲ್ಲೊ. ಬಿಸ್ಪಾನ್ ಉಲಯ್ಜೆ ಮ್ಹಣ್ ಲೊಕಾನ್ ವಿಚಾರ್ಲೆಂ. ಪುಣ್ ಬಿಸ್ಪಾನ್ ಆಪುಣ್ ಲೊಕಾ ಲಾಗಿಂ ಉಲಯ್ನಾ, ಗೊವ್ಳಿಕ್ ಪರಿಷದೆ ಸಂಗಿಂ ಉಲಯ್ತಾಂ ಮ್ಹಣಾಲೊ. ಬಿಸ್ಪ್ ಭಿತರ್ ಬಸ್ಲೊ ತರೀ ಕೊಣೀ ಥಂಯ್ ವಚೊಂಕ್ ನಾ.

ಸರ್ಕಲ್ ಇನ್ಸ್‌ಪೆಕ್ಟರಾನ್ ಭಿತರ್ ಜಮಾತೆಕ್ ವಚೊಂಕ್ ವತ್ತಾಯ್ ಕೆಲೆಂ. ತಾಚ್ಯಾ ವಿನತೆಕ್ ಲಾಗೊನ್ 40-50 ಜಣ್ ಗೆಲ್ಯಾಂವ್. ಬಿಸ್ಪ್ ವಾಟ್ಸಪಾಂತ್ ಖಬ್ರೊ ಕರ್ತೆಲ್ಯಾಂಚೆರ್ ಕ್ರಮ್ ಘೆಂವ್ಚೆ ವಿಶಿಂ ಉಲಯ್ಲೊ. ತಾಕಾ ಆಮಿ ವಿರೋಧ್ ಕರ್ನ್, ಶೀದಾ ವಿಷಯ್ ಉಲಯ್ಜೆ ಮ್ಹಳೆಂ. ತ್ಯಾ ಮಧೆಂ ಎಕ್ಲ್ಯಾಕ್, ಯಾಜಕಾನ್ ಪೊಲಿಸಾಂ ಮುಖಾಂತ್ರ್, ಭಾಯ್ರ್ ಧಾಡ್ಲೆಂ. ತೊ ಫಿರ್ಗಜ್‍ಗಾರಾಂಕ್ ಪಾತ್ಯೆನಾ, ಪೊಲಿಸಾಂಕ್‍ಚ್ ಪಾತ್ಯೆತಾ! ಯಾಜಕಾನ್ ಫಿರ್ಗಜ್‍ಗಾರಾಂಕ್ ಚಲಂವ್ಚ್ಯಾ ವಿಶಿಂ ಬಿಸ್ಪಾಕ್ ದೂರ್ ಸಾಂಗ್ಲೆಂ. ಸಾಂಗಾತಿ ಯಾಜಕ್ ಮೆಲಾ ಮ್ಹಣ್ ಕಳ್ಳ್ಯಾರೀ ತಕ್ಷಣ್ ಯೇನಾತ್‍ಲ್ಲ್ಯಾಕ್ ಆಕ್ಷೇಪ್ ಉಚಾರ್ಲೊ. ಆಪ್ಣಾಕ್ ಟಿಕೆಟ್ ಮೆಳೊಂಕ್ ನಾ ಮ್ಹಣ್ ನೀಬ್ ದಿಲೆಂ. ‘ಬಿಸ್ಪಾನ್ ಆಪ್ಣೆಂ ಗೆಲ್ಲೆಂ ಕಾಮ್ ಪೊಂತಾಕ್ ಪಾವವ್ನ್ಂಚ್ ಯೇ ಮ್ಹಳ್ಳೆಂ’ ಮ್ಹಣಾಲೊ. ತೊ ಕಿತೆಂ ಸಮಡ್ತಿಚೊ ವಾವ್ರ್ ಕರುಂಕ್ ಗೆಲ್ಲೊಗೀ, ಕ್ರಿಸ್ತೀ ಧರ್ಮಾಚ್ಯಾ ಗರ್ಜೆಚ್ಯಾ ಕಾಮಾಕ್ ಗೆಲ್ಲೊಗೀ? ಮರಣ್ ಘಡ್ಲಾಂ ಮ್ಹಣ್ತಾನಾ ತಾಚ್ಯಾ ಪ್ರಾಸ್ ಚಡ್ ಗರ್ಜೆಚೆಂ ಕಾಮ್ ಆಸಾಗೀ? ಸನ್ವಾರಾ ಲೊಕಾನ್ ಉಚಾಂಬಳ್ ಜಾಂವ್ಕ್ ತಾಚೆಂ ಹಂಕಾರಿ ಉಲವ್ಣೆಂಚ್ ಕಾರಣ್ ಮ್ಹಣ್ ಆಮಿ ಸಾಂಗ್ಲೆಂ.

ಭಾಯ್ರ್ ಲೋಕ್ ದೇಡ್ ಘಂಟೊ ರಾಕೊನ್ ರಾವ್‍ಲ್ಲೊ. ಪೊಲಿಸ್ ಅಧಿಕಾರಿನ್ ‘ಕಾಲ್ ಲೊಕಾಕ್ ಬಿಸ್ಪ್ ಯೆತಾ ಮ್ಹಣ್ ಭರ್ವಸೊ ದಿಲ್ಲ್ಯಾನ್ ತೆ ಪಾಟಿಂ ಗೆಲ್ಲೆ. ಆತಾಂ ತಾಂಕಾಂ ಉದ್ದೇಸುನ್ ಉಲಯ್ಜೆ’ ಮ್ಹಣ್ ಜಾಯ್ತೊ ವೇಳ್ ಕನ್ವಿನ್ಸ್ ಕೆಲೆಂ. ಎಂ.ಎಲ್.ಎ. ಆಯ್ಲೊ. ಉಪ್ರಾಂತ್ ಬಿಸ್ಪ್ ಭಾಯ್ರ್ ಆಯ್ಲೊ. ಪುಣ್ ತಾಣೆಂ ವಿಗಾರಾನ್ ಸಾಂಗ್‍ಲ್ಲೆಂಚ್ ಸಾಂಗ್ಲೆಂ, ಕುಟ್ಮಾಚೆರ್ ಬೋಟ್ ಜೊಕ್ಲೆಂ. ಲೋಕ್ ವೊಪ್ಲೊ ನಾ. ಕಂಪ್ಲೈಂಟ್ ದೀಜೆಚ್ ಮ್ಹಳೆಂ. ಬಿಸ್ಪ್ ಗೆಲೊ.

ಬುಡ್ಕುಲೊ: ‘ಬಿಸ್ಪ್ ಧಾಂವ್ಲೊ’ ಮ್ಹಣ್ ಕಿತ್ಯಾಕ್ ಆಯ್ಕೊಂಕ್ ಮೆಳ್ತಾ?

ಶಿರ್ವಾಂಗಾರ್: ಬಿಸ್ಪ್ ಪಾದ್ರ್ಯಾಬಾಚ್ಯಾ ಘರಾ ಗೆಲೊ. ತೆದ್ನಾಂ ಇಸ್ಕೊಲಾ ಲಾಗಿಂ ಆಸ್‍ಲ್ಲೊ ಲೋಕ್ ತಿಶಿನ್ ಗೆಲೊ. ಲೊಕಾಚೊ ಸಂಖೊ ಚಡೊನ್ ಆಸ್‍ಲ್ಲೊ. ತಿತ್ಲ್ಯಾರ್ ಜಾಯ್ತೆ ರಾಜಕೀಯ್ ಫುಡಾರಿ ಆನಿ ಪ್ರತಿನಿಧಿ ಆಯ್ಲೆ. ಪುಣ್ ಬಿಸ್ಪ್ ಕಿತ್ಯಾಕ್ ಪಾಟ್ಲ್ಯಾನ್ ಗೆಲೊ ಮ್ಹಣ್ ಕಳ್ಳೆಂ ನಾ. ಇತ್ಲೆ ಪೊಲಿಸ್ ಆಸ್‍ಲ್ಲೆ. ಕ್ರಿಸ್ತಾಂವ್ ಲೋಕ್ ಕಿತೆಂ ಭಯೋತ್ಪಾದಕ್‍ಗೀ? ಆಜ್ ಪರ್ಯಾಂತ್ ಕೊಣೀ ಕ್ರಿಸ್ತಾಂವ್ ಲೊಕಾನ್ ಬಿಸ್ಪ್ ವಾ ಪಾದ್ರ್ಯಾಬಾಂಕ್ ಫಾತೊರ್ ಉಡಯಿಲ್ಲೊ ಆಸಾಗೀ? ಚೂಕ್ ಕೆಲ್ಯಾರ್ ವಿಚಾರುಂಕ್ ಲೊಕಾಕ್ ಹಕ್ಕ್ ಆಸಾ. ತೆಂ ಸೊಡ್ನ್ ಕೊಣೆಂಯೀ ಪಾದ್ರ್ಯಾಬಾಂಚ್ಯಾ ಆಂಗಾರ್ ಮಾರುಂಕ್ ಹಾತ್ ಘಾಲಾಗೀ? ಆನಿ ಕಿತ್ಯಾಕ್, ಇತ್ಲೆ ಸೆರ್ಮಾಂವ್ ದಿಂವ್ಚೆ, ದೈವಿಕ್ ಸಂಗ್ತ್ಯೊ ಉಲಂವ್ಚೆ ಜಣ್ ಲೊಕಾಕ್ ಫುಡ್ ಕರುಂಕ್ ಧಯ್ರ್ ಘೆನಾಂತ್? ತೊ ಖಂಚ್ಯಾ ಅರ್ಥಾನ್ ಧಾಂವ್ಲೊ, ಕಿತ್ಯಾಕ್ ಪಾಟ್ಲ್ಯಾನ್ ಗೆಲೊ ಮ್ಹಳ್ಳೆಂ ಆಮ್ಕಾಂ ಲೊಕಾಕ್ ಕಳೊಂಕ್ ನಾ. ತಾಚಿ ಮರ್ಯಾದ್ ಲೊಕಾನ್ ಕಾಡುಂಕ್ ನಾ. ಪಾಟ್ಲ್ಯಾನ್ ಧಾಂವಜೆ ಮ್ಹಣ್ ಫಿರ್ಗಜ್‍ಗಾರಾಂನಿ ಸಾಂಗ್ಲೆಂಗೀ? ಅಚಾನಕ್, ಕೊಣೆಂಚ್ ಚಿಂತಿನಾತ್‍ಲ್ಲೆಪರಿಂ ತೊ ಧಾಂವೊನ್ ಗೆಲ್ಲೊ. ಥಂಯ್ ಆಸ್‍ಲ್ಲ್ಯಾ ಥೊಡ್ಯಾ ಭುರ್ಗ್ಯಾಂನಿ ಮೊಬೈಲಾಂತ್ ತೆಂ ರೆಕೊರ್ಡ್ ಕೆಲೆಂ. ತಾಚ್ಯಾ ಗಾಡಿಯೆಚ್ಯಾ ಟಯರಾಚೆಂ ವಾರೆಂ ಕಾಡ್ಲಾಂ ಮ್ಹಣಯ್ಲೆಂ. ಪುಣ್ ತೆಂ ಫಟ್. ಡ್ರೈವರ್ ತಿಚ್ ಗಾಡಿ ಕಾಣ್ಗೆವ್ನ್ ಗೆಲಾ.

ಉಪ್ರಾಂತ್ ಎಸ್.ಪಿ. ಆಯ್ಲಿ. ತಿಣೆಂಯೀ ತಿಚ್ ಗಜಾಲ್ ಸಾಂಗ್ಲಿ. ಫಾ. ಮಹೇಶಾನ್ ವೈಯಕ್ತಿಕ್ ಕಾರಣಾಂಕ್ ಲಾಗೊನ್ ಸುಸೈಡ್ ಕೆಲಾಂ ಮ್ಹಳೆಂ. ತೆಂ ಆಯ್ಕೊನ್ ಲೋಕ್ ಖುಬಾಳ್ಳೊ. ಫಾ. ಮಹೇಶಾಚೆಂ ವ್ಯಕ್ತಿತ್ವ್‌ಹರಣ್ ಕರುಂಕ್‍ಯೀ ಪ್ರಯತ್ನಾಂ ಚಲ್ಲ್ಯಾಂತ್. ತಾಕಾ ವಾಯ್ಟ್ ಸವಯೊ ಆಸ್‍ಲ್ಲ್ಯೊ ಮ್ಹಣ್ ಫಟ್ಕಿರಿ ಗಜಾಲ್ ಉದ್ದೇಶ್‍ಪೂರ್ವಕಿಂ ಪ್ರಸಾರ್ ಕೆಲ್ಯಾತ್.

ಬುಡ್ಕುಲೊ: ಉಪ್ರಾಂತ್ ಕಿತೆಂ ಜಾಲೆಂ?

ಶಿರ್ವಾಂಗಾರ್: ಮಂಗ್ಳಾರಾ ದಿಸಾ, ನವೆಂಬರ್ 5ವೆರ್, ಪುರ್ಶ್ಯಾಂವಾರ್ ವಚೊನ್ ಪೊಲಿಸಾಂಕ್ ಮನವಿ ದಿಂವ್ಚಿ ಆಲೋಚನ್ ಜಾಲಿ. ಬಿಸ್ಪ್ ಗೆಲ್ಯಾ ಉಪ್ರಾಂತ್ ಎಂ.ಎಲ್.ಸಿ. ಐವನ್ ಡಿಸೋಜ ಜಮಾತಿರ್ ಉಲಯ್ಲೊ. ಲೊಕಾಕ್ ಮಂಗ್ಳಾರಾ ಮೌನ್ ಪ್ರತಿಭಟನ್ ಕರ್ಯಾಂ ಮ್ಹಣ್ ಸಾಂಗೊನ್ ಘರಾ ಧಾಡ್ಲೆಂ. ಆಮಿ ತಯಾರಿ ಕೆಲಿ. ತಾಚೆಂ ಮುಖೇಲ್ಪಣ್ ಆಮಿ ಘೆತ್ಲೆಂ. ಸನ್ವಾರಾ ಜಾಲ್ಲೆಂ ಘಡಿತ್ ಅಕಸ್ಮಾತ್ ಜಾಲ್ಲೆಂ ಶಿವಾಯ್ ಕೊಣೆಂಯೀ ಕಿತೆಂಯೀ ತಯಾರಿ ಕರ್ನ್ ಘಡ್‍ಲ್ಲೆಂ ನ್ಹಯ್. ಪುರ್ಶ್ಯಾಂವ್ ಕಾಡುಂಕ್ ಭಾಯ್ರ್ ಸರ್ತಾನಾ, ಹಿಂದೂ ಮುಸ್ಲಿಮ್ ಲೊಕಾನ್‍ಯೀ ಆಮ್ಕಾಂ ‘ಆಮಿ ತುಮ್ಚೆ ಸಂಗಿಂ ಆಸಾಂವ್’ ಮ್ಹಣ್ ಧಯ್ರ್ ದಿಲೆಂ. ಸಕ್ಕಡ್ ಸಂಘಟನಾಂನಿ ಪಾಟಿಂಬೊ ಭಾಸಾಯ್ಲೊ. ಪುಣ್ ಆಮಿ ಹ್ಯಾ ಪಾವ್ಟಿಂ ಆಮಿಂಚ್ ಹೆಂ ಕಾಮ್ ಕರ್ತಾಂವ್ ಮ್ಹಳೆಂ. ಹಿಂದೂ ಮುಖೆಲ್ಯಾಂನಿ ಸೊಮಾರಾ ದೀಸ್ ಆಂಗ್ಡಿಗಾರಾಂಕ್ ಮೆಳೊನ್, ‘ಫಾಲ್ಯಾಂ ಮೌನ ಪ್ರತಿಭಟನೆ ಚಲ್ತೆಲೆಂ ದೆಕುನ್ ಆಂಗಡ್ ಬಂದ್ ಕರಿಜೆ’ ಮ್ಹಣ್ ವಿನತಿ ಕೆಲಿ. ತಶೆಂ ಪಳೆಂವ್ಕ್ ಗೆಲ್ಯಾರ್ ಕ್ರಿಸ್ತಾಂವಾಂ ಪ್ರಾಸ್ ಚಡ್ ಮ್ಹಣ್ಯೆತ್ ತಿತ್ಲೊ ಮೋಗ್ ಅಕ್ರಿಸ್ತಾಂವಾಂಕ್ ಫಾ. ಮಹೇಶಾಚೆರ್ ಆಸ್‍ಲ್ಲೊ. ಮಂಗ್ಳಾರಾ ಸರ್ವ್ ಜಾತಿ ಧರ್ಮಾಚ್ಯಾ ಲೊಕಾನ್ ಆಂಗ್ಡಿ ಬಂದ್ ದವರ್ಲ್ಯೊ. ತಾಣಿಂ ಸರ್ಬತ್ ಆನಿ ಖಾಣಾಚಿ ವ್ಯವಸ್ಥಾಯೀ ಕೆಲ್ಲಿ. 2500 ಪ್ರಾಸ್ ಚಡ್ ಲೋಕ್ ಪುರ್ಶ್ಯಾಂವಾಕ್ ಮೆಳ್‍ಲ್ಲೊ. ಉಪ್ರಾಂತ್ ಆಮಿ ಪೊಲಿಸಾಂಕ್ ಮನವಿ ದಿಲಿ.

ಆಮಿ ಕೊಣಾಯ್ಚೆ ವಿರೋಧ್ ನಾಂವ್. ಆಮ್ಚೆಂ ಮಾಗ್ಣೆಂ ಫಕತ್ ನ್ಯಾಯ್ ಜಾಯ್ಜೆ ಮ್ಹಣೊನ್ ಮಾತ್ರ್. ದುಸ್ರ್ಯಾ ದಿಸಾಚ್ ತನ್ಖೆಕ್ ಚಾಲನ್ ಮೆಳ್ಳೆಂ ಆನಿ ಕಾಪು ಸರ್ಕಲ್ ಇನ್ಸ್‌ಪೆಕ್ಟರಾಕ್ ತನ್ಖೆಚಿ ಜವಾಬ್ದಾರಿ ಎಸ್.ಪಿ.ನ್ ವಹ್ಸಿಲಿ.

ಬುಡ್ಕುಲೊ: ಬಾಪ್ ಮಹೇಶ್ ಮೆಲಾ ಮ್ಹಳ್ಳಿ ಖಬರ್ ತುಮ್ಕಾಂ ಕೆದಾಳಾ ಮೆಳ್‍ಲ್ಲಿ?

ಶಿರ್ವಾಂಗಾರ್: ಫಿರ್ಗಜ್‍ಗಾರಾಂಕ್ ಖಬರ್ ಕಳ್‍ಲ್ಲಿಚ್ ದುಸ್ರ್ಯಾ ಸಕಾಳಿಂ. ರಾತಿಕ್ ಫಕತ್ ಥೊಡ್ಯಾಂಕ್ ಮಾತ್ರ್ ಖಬರ್ ಕಳಯ್ಲ್ಯಾ. ಲೊಕಾಕ್ ಸಾಂಗನಾತ್‍ಲ್ಲ್ಯಾಂತ್ ತಾಂಚೊ ಇರಾದೊ ಕಸಲೊ ಮ್ಹಳ್ಳೆಂಚ್ ಕಳನಾ. ಆಮ್ಚಿಂ ಘರಾಂ ಇಗರ್ಜೆಚ್ಯಾ ಲಾಗ್ಸರ್ ಆಸಾತ್, ಸಾಂಗ್ಯೆತೆಂ ಆಸ್‍ಲ್ಲೆಂ. ಆಮ್ಕಾಂಯೀ ಕಳಂವ್ಕ್ ನಾ.

ಬುಡ್ಕುಲೊ: ಫಾ. ಮಹೇಶಾಚಿ ಕೂಡ್ ಪಯ್ಲೆಂ ಕೊಣೆಂ ಪಳೆಲ್ಲಿ?

ಶಿರ್ವಾಂಗಾರ್: ಪಯ್ಲೆಂ ಪಳೆಲ್ಲಿ ಸಹಾಯಕ್ ವಿಗಾರಾನ್. ಗೊವ್ಳಿಕ್ ಸಮಿತಿಚ್ಯಾ ಜಮಾತಿಂತ್ ತಾಣೆಂ ತಾಚೊ ವಿವರ್ ದಿಲ್ಲೊ. ಶ್ರದ್ಧಾಂಜಲಿ ಪಾಟಂವ್ಕ್ ಮ್ಹಣ್ ಗೊವ್ಳಿಕ್ ಪರಿಶದೆಚಿ ಸಭಾ ಆಪಯ್ಲಿ. ತಾಂತುಂ, ಆಮಿ ಕೊಣೆಂಯೀ ಕಿತೆಂಯೀ ಸವಾಲಾಂ ಕರುಂಕ್ ನಜೊ ಮ್ಹಣ್ ತಾಕಿದ್ ದಿಲಿ. ‘8.20ಕ್ ಜೆವ್ಣಾಕ್ ವೆತಾನಾ ಫಾ. ಮಹೇಶಾಕ್ ಆಪಯ್ಲೆಂ. ತೊ ಯೇವ್ನಾ. ಹಾಂವ್ ಜೆವ್ಲೊಂ. ಹಾಂವ್ ದುಸ್ರ್ಯಾ ದಿಸಾಚ್ಯಾ ಮಿಸಾಚಿ ತಯಾರಿ ಕರ್ತಾಲೊಂ. ತೆದ್ನಾಂ ಏಕ್ ಗಾಡಿ ಆಯ್ಲಿ, ಎಕ್ಲೊ ಚೆರ್ಕೊ ಆಯ್ಲೊ. ತಾಣೆಂ ಫಾ. ಮಹೇಶಾಕ್ ವಿಚಾರ್ಲೆಂ. ತಾಚೊ ಬಾಪಯ್ ಆಯ್ಲೊ, ತಾಣೆಂಯೀ ವಿಚಾರ್ಲೆಂ. ಉಪಾಧ್ಯಕ್ಷಾಕ್ ಆಪಯ್ಲೆಂ. ಚರ್ಚಾ ಜಾಲಿ. ಉಪ್ರಾಂತ್ ಸೊಧ್ನಾಂ ಕೆಲಿಂ. ತೊಟಾಂತ್, ಬಾಂಯ್ತ್ ಸೊಧ್ಲೆಂ. ಉಪ್ರಾಂತ್ ಇಸ್ಕೊಲಾ ಲಾಗಿಂ ಗೆಲ್ಯಾಂವ್. ಬಾತ್‍ರೂಮಾಂತ್ ಲೈಟ್ ಪೆಟ್ತಾಲೊ. ಆಫೀಸಾ ಲಾಗಿಂ ವೆತಾನಾ ಕೀ ದಾರಾರ್ ಉಮ್ಕಳ್ತಾಲಿ. ಭಿತರ್ ಎಕ್ಲೊ ವ್ಯಕ್ತಿ ಉಬೊ ರಾವ್‍ಲ್ಲೆಪರಿಂ ದಿಸ್ತಾಲೊ. ಪಳೆತಾನಾ ಫಾ. ಮಹೇಶ್ ಉಮ್ಕಳ್ತಾಲೊ…’ ಮ್ಹಳೆಂ.

ತಾಚ್ಯಾ ಉಪ್ರಾಂತ್ ವ್ಹಡಿಲಾಂಕ್ ಫೊನ್ ಕರ್ತಾನಾ ಫೊನ್ ಲಾಗೊಂಕ್ ನಾ, ಬಿಸ್ಪ್ ಚಿಕ್‍ಮಗ್ಳುರ್ ಗೆಲ್ಲೊ ಪಾಟಿಂ ಯೆತಾಲೊ, ತಾಕಾ ಖಬರ್ ದಿಲಿ, ಫಾ. ಫ್ರಾನ್ಸಿಸ್ ಲುವಿಸಾಕ್ ಕಳಯ್ಲೆಂ, ಪೊಲಿಸಾಂಕ್ ಖಬರ್ ದಿಲಿ, ಕುಟ್ಮಾಚ್ಯಾಂಕ್ ಆಪಯ್ಲೆಂ ಮ್ಹಣ್ ಸಾಂಗ್ಲೆಂ.

ಫಾ. ಮಹೇಶ್ ದಿಸನಾ ಮ್ಹಳ್ಯಾರ್, ತಾಣೆಂ ಎಕ್‍ಚ್ ಇಗರ್ಜೆಂತ್ ಆಸಜೆ ನಾ ತರ್ ದಫ್ತರಾಂತ್. ಪುಣ್ ಬಾಂಯ್ತ್, ತೊಟಾಂತ್ ಸೊಧ್ಚಿ ಗರ್ಜ್ ಕಿತೆಂ ಆಸ್‍ಲ್ಲಿ ಮ್ಹಣ್ ಆಮ್ಕಾಂ ಸಮ್ಜನಾ. ಜಮಾತಿಂತ್ ಆಮ್ಕಾಂ ಕಿತೆಂಚ್ ಉಲಂವ್ಕ್ ನಾ ಮ್ಹಣ್ ಸಾಂಗೊನ್ ತೊಂಡಾಂ ಬಂಧ್ ಕರಯಿಲ್ಲಿಂ.

ವ್ಯಕ್ತಿ ದಿಸನಾ ಮ್ಹಳ್ಳ್ಯಾಫರಾ ಮೊಬೈಲಾಕ್ ಫೋನ್ ಕೆಲಾಂಗೀ ಮ್ಹಳ್ಳೆಂ ತನ್ಖೆಂತ್ ಕಳಜೆ. ಲೊಕಾಕ್ ಜಾಯ್ತಿಂ ಸವಾಲಾಂ ಉದೆಲ್ಲಿಂ. ಪಯ್ಲೆಂ ಮರ್ಣ್ ಬರ್‍ಯಾ ಥರಾನ್ ಜಾಂವ್ದಿ ಮ್ಹಣ್ ವೊಗೆ ರಾವ್ಲೆ. ಉಪ್ರಾಂತ್ ಜಾಲ್ಯಾರೀ ಕಂಪ್ಲೈಂಟ್ ಕಿತ್ಯಾಕ್ ದೀಂವ್ಕ್ ನಾ ಮ್ಹಣ್‍ಂಚ್ ಕಳೊಂಕ್ ನಾ.

ಬುಡ್ಕುಲೊ: ನವೆಂಬರ್ 2 ತಾರಿಕೆರ್ ಲೊಕಾನ್ ಗಲಾಟೊ ಕೆಲಾ, ಭಾಯ್ಲೊ ಲೋಕ್ ಆಸ್‍ಲ್ಲೊ ಇತ್ಯಾದಿ ಮ್ಹಣ್ ಥೊಡೆ ಉಲಯ್ತಾತ್…

ಶಿರ್ವಾಂಗಾರ್: ಆಮ್ಕಾಂ ತೆಂ ಆಯ್ಕೊಂಕ್ ಮೆಳ್ಳಾಂ. ಪುಣ್ ಆಮ್ಕಾಂ ಕೊಣಾಯ್ಕೀ ತಸಲೆಂ ಚಿಂತಾಪ್‍ಚ್ ನಾತ್‍ಲ್ಲೆಂ. ತ್ಯಾ ದಿಸಾಚಿಂ ಸನ್ನಿವೇಶಾಂ, ದೃಶ್ಯಾಂ ಪಳೆಲ್ಯಾರ್ ಕೊಣಾಯ್ಕೀ ಕಳ್ತಾ ಕೀ, ತೆಂ ಕಿತೆಂಯೀ ತಯಾರಿ ಕರ್ನ್ ಜಾಲ್ಲೆಂ ನ್ಹಯ್ ಮ್ಹಣ್. ಲೊಕಾಕ್ ಫಕತ್ ಫಾ. ಮಹೇಶಾಚ್ಯಾ ಮರ್ಣಾಚ್ಯಾ ಸಂಗ್ತಿಂತ್ ನ್ಯಾಯ್ ಜಾಯ್ಜೆ ಮ್ಹಳ್ಳೊ ಏಕ್ ಮಾತ್ರ್ ಉದ್ದೇಶ್ ಆಸ್‍ಲ್ಲೊ. ದುಸ್ರೆಂ ಕಸಲೆಂಚ್ ಚಿಂತಾಪ್ ನಾತ್‍ಲ್ಲೆಂ. ಕೊಣಾಯ್ಚ್ಯಾ ವಿರೋಧ್ ಕಿತೆಂಯೀ ಕರುಂಕ್ ನಾ. ಥಂಯ್ಸರ್ ಕಿತೆಂಯೀ ಅನುಚಿತ್ ಘಡಿತ್ ಜಾಂವ್ಕ್ ನಾ. ತಿತ್ಲೆಂ ಆಸೊನ್‍ಯೀ ಆಮ್ಚೆರ್ ಆರೋಪ್ ಘಾಲ್ತಾತ್ ಮ್ಹಳ್ಳ್ಯಾರ್ ತೆಂ ಕಿತ್ಯಾಕ್ ಮ್ಹಣ್ ಕಳನಾ. ತಸಲ್ಯೊ ಪೂರಾ ಕ್ರಿಯೇಟ್ ಕೆಲ್ಲ್ಯೊ ಕಾಣಿಯೊ ಸಾಂಗ್ಲ್ಯಾರ್ ಆಯ್ಕೊಂಕ್ ಕೊಣೀ ತಯಾರ್ ನಾ. ಶಿರ್ವಾಂ ಫಿರ್ಗಜೆಚ್ಯಾ ಲೊಕಾನ್ ಹ್ಯಾ ಮಾಪಾನ್ ಎಕ್ವಟಿತ್ ಜಾಲ್ಲೆಂ ಪಳೆವ್ನ್ ಥೊಡೆ ಘುಸ್ಪಡ್ಲ್ಯಾತ್.

ಆನಿ ಲೊಕಾನ್ ಕೆಲ್ಲೆಂ ಬಿಲ್ಕುಲ್ ಚೂಕ್ ನ್ಹಯ್. ಲೊಕಾನ್ ಎಕ್ವಟ್ಲ್ಯಾರ್, ಸವಾಲಾಂ ಕೆಲ್ಯಾರ್ ಆನಿ ಪ್ರತಿಭಟನ್ ಕೆಲ್ಯಾರ್ ಮಾತ್ರ್ ನ್ಯಾಯ್ ಮೆಳ್ತಾ. ಕ್ರಿಸ್ತೀ ಲೋಕ್ ಶಾಂತ್ ಸ್ವಭಾವಾಚೊ, ತೊ ಕಿತೆಂಯೀ ವಿರೋಧ್ ಕರಿನಾ, ಆಮಿ ಕೆಲ್ಲೆಂಚ್ ಚಲ್ತಾ ಮ್ಹಳ್ಳೆಂ ಚಿಂತಾಪ್ ಆಮ್ಚ್ಯಾ ವ್ಹಡಿಲಾಂ ಲಾಗಿಂ ಆಸಾ. ತ್ಯಾ ವರ್ವಿಂಚ್ ತಾಂಚೆ ಥಂಯ್ ದುರಹಂಕಾರ್ ಉದೆಲಾ.

ಅಕ್ತೋಬರ್ 11ವೆರ್ ಸಾಂಜೆರ್ ಫಾ. ಮಹೇಶಾಕ್ ಟ್ರಾನ್ಸ್‌ಫರಾಚಿ ಗಜಾಲ್ ಸಾಂಗ್‍ಲ್ಲಿ ಆನಿ ತಿ ತಾಣೆಂ ಸಬಾರಾಂಕ್ ವಾಟ್ಸಪ್ ಮೆಸೇಜಿಂತ್ ಕಳಯ್ಲ್ಯಾ. ತ್ಯಾ ಸಾಂಜೆರ್ ತೊ ದೆದೆಸ್ಪರ್ ಜಾಲ್ಲೊ ದಿಸ್ತಾಲೊ ಮ್ಹಣ್ ಪಳೆಲ್ಲ್ಯಾಂನಿ ಸಾಂಗ್ಲಾಂ. ಪಯ್ಲೆಂ ಸಕ್ಡಾಂನಿ ಫಾ. ಮಹೇಶಾಕ್ ವರ್ಗ್ ಕರ್ಚಿ ಗಜಾಲ್‍ಚ್ ನಾತ್‍ಲ್ಲಿ ಮ್ಹಣ್ ನೆಗಾರ್ಲೆಂ. ಪುಣ್ ಇನ್ಸ್‍ಪೆಕ್ಟರಾನ್ ವಿಚಾರಣ್ ಸುರ್ವಾತ್ ಕೆಲ್ಯಾ ಉಪ್ರಾಂತ್ ವರ್ಗಾಚಿ ಗಜಾಲ್ ತೆ ಒಪ್ಲ್ಯಾತ್. ಆದಿಂಯೀ, ಆಪ್ಣಾಕ್ ವರ್ಗ್ ಕರುಂಕ್ ಪ್ರಯತ್ನ್ ಕರುನ್ ಆಸಾತ್ ಮ್ಹಣ್, ಫಾ. ಮಹೇಶಾನ್ ಥೊಡ್ಯಾಂ ಲಾಗಿಂ ಸಾಂಗ್ಲಾಂ. ತಾಕಾ ಸಪ್ಣಾಂ ಆಸ್‍ಲ್ಲಿಂ. ಇಸ್ಕೊಲಾಚಿಂ ಯೋಜನಾಂ ಪೂರ್ಣ್ ಕರುನ್ ಆನಿ ಲೋನ್ ಫಾರಿಕ್ ಕರ್ತಾ ಪರ್ಯಾಂತ್ ತಾಕಾ ಸಮಾಧಾನ್ ನಾತ್‍ಲ್ಲೆಂ. ಪುಣ್ ಹಾಂಗಾಸರ್ ಥೊಡೆ ‘ಲುಸಿಫೆರ್’ ಆಸಾತ್ ತೆ ಆಪ್ಣಾಕ್ ಹಾಂಗಾ ಥಾವ್ನ್ ಧಾಡುಂಕ್ ಪೆಚಾಡುನ್ ಆಸಾತ್ ಮ್ಹಣ್ ತೊ ಸಾಂಗ್ತಾಲೊ.

ಬುಡ್ಕುಲೊ: ಕಿತ್ಯಾಕ್ ಪಾಸತ್ ಖಂಯ್?

ಶಿರ್ವಾಂಗಾರ್: ತೆಂ ಸಾರ್ಕೆಂ ಗೊತ್ತು ನಾ. ಫಾ. ಮಹೇಶಾಚಿ ಜನಪ್ರಿಯತಾ, ತಾಕಾ ಮೆಳ್ಚೊ ಲೊಕಾಚೊ ಸಹಕಾರ್, ಮೋಗ್ ಪಳೆವ್ನ್ ಮೊಸ್ರಾನ್ ಆಸ್ತೆಲೆಂ. ಬಾಪ್ ಮಹೇಶ್ ಲೇಕ್‍ಪಾಕಾಂತ್ ಪಾರದರ್ಶಕತಾ ಸಾಂಬಾಳ್ತಾಲೊ. ಆಪ್ಲ್ಯಾ ಘರ್ಚ್ಯಾಂ ಥಾವ್ನ್ ತೊ ಪೈಶೆ ಹಾಡ್ತಾಲೊ. ಕಿತೆಂಯೀ ಜವಾಬ್ದಾರಿ ವಹಿಸುಂಕ್ ಆನಿ ಸಾಧನ್ ಕರುಂಕ್ ಕಷ್ಟ್ ಆಸಾತ್. ಪುಣ್ ಎಕ್ಲ್ಯಾಚೆಂ ನಾಂವ್ ಪಾಡ್ ಕರುಂಕ್ ಖಿಣಾನ್ ಜಾತಾ. ವರ್ಸಾನ್ ವರಸ್ ಪಾಂಗ್ಳಾಂತ್ ಅಂತರ್ ಫಿರ್ಗಜ್ ಗಾಯನ್ ಸ್ಪರ್ಧೊ ಚಲ್ತಾಲೊ. ಆಮ್ಚಿ ಫಿರ್ಗಜ್ ಬಾಪ್ ಮಹೇಶಾಚ್ಯಾ ಮುಖೇಲ್ಪಣಾರ್ ಇನಾಮಾಂ ಜೊಡ್ತಾಲಿ. ಪುಣ್ ಹ್ಯಾ ಪಾವ್ಟಿಂ ಧಾಡುಂಕ್‍ಚ್ ನಾ. ಕಿತ್ಯಾಕ್ ಧಾಡುಂಕ್ ನಾ ಮ್ಹಣ್ ಗೊತ್ತು ನಾ. ಸಂಗೀತ್ ಶೆತಾಕ್ ಆನಿ ಯುವಜಣಾಂಕ್ ಪ್ರೋತ್ಸಾಹ್ ದಿಂವ್ಚೆ ಕಡೆನ್ ಅಶೆಂ ಕಿತ್ಯಾಕ್ ಉಳ್ಟೆಂ ಕೆಲೆಂ ಮ್ಹಳ್ಳೆಂ ಸವಾಲ್ ಧೊಸ್ತಾ.

ಬುಡ್ಕುಲೊ: ತಾಕಾ ಜಾಯ್ತೆಂ ದುಖ್ ಭೊಗುಂಕ್ ಮೆಳ್ಳಾಂ ಮ್ಹಣ್ ಆಯ್ಕೊಂಕ್ ಮೆಳ್ತಾ…

ಶಿರ್ವಾಂಗಾರ್: ವ್ಹಯ್. ಪಯ್ಲೆಂ ಸ್ಟ್ಯಾನಿ ತಾವ್ರೊ ಪಾದ್ರ್ಯಾಬ್ ಆಸ್ತಾನಾ ತೆ ಮೊಗಾನ್ ಆಸ್‍ಲ್ಲೆ. ಉಪ್ರಾಂತ್ ತಾಕಾ ಜಾಲ್ಲೊ ಅಕ್ಮಾನ್, ಸಮಸ್ಸೆ, ತಾಚೆ ಕಷ್ಟ್, ದುಖ್ ಥೊಡ್ಯಾಂ ಕಡೆನ್ ತೊ ಸಾಂಗ್ತಾಲೊ. ತಾಕಾ ನಾಕಾ ಜಾಲ್ಲ್ಯಾ ಗಜಾಲಿಂನಿ ಶಿರ್ಕವ್ನ್ ಘಾಲುಂಕ್ ಪ್ರಯತ್ನ್ ಚಲ್ಲಾಂ. ಫಾ. ಮಹೇಶಾಕ್ ಸಾವುದ್ ಮಾಯೆಚೆರ್ ಮಸ್ತ್ ಪಾತ್ಯೆಣಿ ಆಸ್‍ಲ್ಲಿ. ಆಮ್ಕಾಂಯೀ ತೊ ಸಾವುದ್ ಮಾಂಯ್ಚೆರ್ ಪಾತ್ಯೆಣಿ ದವರುಂಕ್ ಸಾಂಗ್ತಾಲೊ. ಪುಣ್ ಪರಿಸ್ಥಿತಿ ಹ್ಯಾ ಹಂತಾಕ್ ಪಾವತ್ ಮ್ಹಣ್ ಆಮಿ ಚಿಂತುಂಕ್‍ಚ್ ನಾ. ಥೊಡೆ ಪಾವ್ಟಿಂ ಟೆನ್ಶನ್ ಜಾತಾನಾ ತೊ ಆಮ್ಚೆ ಥೊಡ್ಯಾಂ ಸಂಗಿಂ ಉಲಯ್ತಾಲೊ.

ಬುಡ್ಕುಲೊ: ಫಾ. ಮಹೇಶಾಚೊ ಮಾನ್ ಕಾಡ್ಚ್ಯಾ ಇರಾದ್ಯಾನ್ ಅನಾಮಿಕ್ ಪತ್ರ್ ಪಾಶಾರ್ ಕೆಲ್ಲೆಂ…

ಶಿರ್ವಾಂಗಾರ್: ತಿ ಗಜಾಲ್ ಆಮ್ಕಾಂ ಆಯ್ಲೆವಾರ್ ಕಳ್‍ಲ್ಲಿ. ತ್ಯಾ ವಿಶಿಂ ವೆಳಾರ್ ಕಂಪ್ಲೈಂಟ್ ದಿಲ್ಲೆಂ ತರ್ ತಶೆಂ ಕೆಲ್ಲ್ಯಾಂಕ್ ಬೂದ್ ಶಿಕವ್ಯೆತೆಂ. ಪುಣ್ ಕಿತೆಂಯೀ ಕೆಲ್ಯಾರ್ ವಿಚಾರ್ತಲೊ ನಾ ಮ್ಹಳ್ಳೆಪರಿಂ ಜಾಲೆಂ. ಎಕಾ ಶಿಕ್ಷಕಾಕ್ ಫಾ. ಮಹೇಶ್ ಆಸ್ತಾನಾ ಸಕಾರಣಾಂ ಖಾತಿರ್ ವರ್ಗ್ ಕೆಲ್ಲೊ. ತೊ ವ್ಯಕ್ತಿ ಫಾ. ಮಹೇಶಾ ವಿಶಿಂ ಥೊಡಿಂ ಪಾಡ್ ಉತ್ರಾಂ ಸಾಂಗ್ತಾಲೊ ಮ್ಹಳ್ಳೆಂ ಫಾ. ಮಹೇಶಾನ್‍ಂಚ್ ಆಮ್ಕಾಂ ಸಾಂಗ್ಲಾಂ.

ಬುಡ್ಕುಲೊ: ನವೆಂಬರ್ 2ವೆರ್ ತುಮಿ ಜಮ್‍ಲ್ಲ್ಯಾಕ್ ಪರ್ವಣ್ಗಿ ಘೆಜೆ ಆಸ್‍ಲ್ಲಿ, ತೊ ‘ಖಾಸ್ಗಿ’ ಜಾಗೊ ಮ್ಹಣೊನ್ ಸಾಂಗಯ್ಲಾಂ ನ್ಹಯ್ಗೀ?

ಶಿರ್ವಾಂಗಾರ್: ಖಂಚ್ಯಾಕ್ ಪರ್ವಣ್ಗಿ ಘೆಜೆ ಆಸ್‍ಲ್ಲಿ? ಅಳೆ, ಆಮಿ ಕೊಣೆಂಯೀ ಗಲಾಟೊ ಕರ್ಚ್ಯಾ ಉದ್ದೇಶಾನ್ ಜಮ್‍ಲ್ಲ್ಯಾಂವ್ ನ್ಹಯ್. ಆಮ್ಚ್ಯಾ ಸಮಡ್ತಿಂತ್ ಕಶೆಂ ಮ್ಹಳ್ಯಾರ್, ಪಾದ್ರಿಂಕ್ ಮಾತ್ರ್ ಉಲಂವ್ಕ್ ಹಕ್ಕ್, ಆಮ್ಕಾಂ ನಾ. ಪೈಶೆ ದೀಂವ್ಕ್ ಮಾತ್ರ್ ಲೋಕ್, ಲೇಕ್ ವಿಚಾರ್ಚೆಂ ಹಕ್ಕ್ ಲೊಕಾಕ್ ನಾ. ಆತಾಂ ಆಮಿ ಕಿತೆಂ ಮ್ಹಣ್ಚೆಂ ಮ್ಹಳ್ಯಾರ್, ಆಮಿ ಪೈಶೆ ದಿಂವ್ಚೆಂ ರಾವಯ್ಜೆ. ಬಿಸ್ಪ್ ಮಹಿನ್ಯಾವಾರ್ ಫಿರ್ಗಜೆಚ್ಯಾ ಯಾಜಕಾಂಕ್ ಪೈಶೆ ಧಾಡುಂದಿ. ಮಾಗಿರ್ ಆಮಿ ಸವಾಲಾಂ ಕರುಂಕ್ ಯೇನಾಂವ್. ತೆದಾಳಾ ಆಮಿ ತಾಂಕಾಂ ಮಾನ್ತಾಂವ್, ಸವಾಲಾಂಯೀ ಕರಿನಾಂವ್.

ಫಿರ್ಗಜ್ ಫಿರ್ಗಜ್‍ಗಾರಾಂಚಿ. ಆರ್.ಟಿ.ಸಿ. ಫಿರ್ಗಜ್ ವಿಗಾರಾಚ್ಯಾ ನಾಂವಾರ್ ಆಸ್ತೆಲಿ ಜಾಂವ್ಕ್ ಪುರೊ. ಹಿ ಫಿರ್ಗಜ್ ಸಾವುದ್ ಸಾಯ್ಭಿಣಿಚ್ಯಾ ನಾಂವಾರ್ ಆಸ್ಚಿ ಫಿರ್ಗಜ್, ಕೊಣಾಯ್ ವಿಗಾರಾಚಿ ನ್ಹಯ್. ಯಾಜಕಾಂನಿ ಫಿರ್ಗಜೆಕ್ ಯೆಂವ್ಚೆಂ ಧಾರ್ಮಿಕ್ ಸೆವಾ ದೀಂವ್ಕ್, ಆಧ್ಯಾತ್ಮಿಕ್ ಗರ್ಜಾಂಕ್ ಪಾವೊಂಕ್. ಆತಾಂ ಕಿತೆಂ ದಿಸ್ತಾ ಮ್ಹಳ್ಯಾರ್, ತಾಣಿಂ ಯೆಂವ್ಚೊ ಉದ್ದೇಶ್ ಪೈಶೆ ಕರುಂಕ್, ಕಮರ್ಶಿಯಲ್ ವ್ಯವಹಾರ್ ಕರುಂಕ್. ಪೈಶೆ ದಿಂವ್ಚೆ ಕೊಣೆಂ ಆನಿ ತ್ಯಾ ಪೈಶ್ಯಾಂಚೆರ್ ಅಧಿಕಾರ್ ಚಲಂವ್ಚೊ ಕೊಣೆಂ? ಕೊಣಾಚ್ಯಾ ಪೈಶ್ಯಾನ್ ಹೆ ದರ್ಬಾರ್ ಚಲಯ್ತಾತ್? ಬಿಸ್ಪ್ ಆಪ್ಲಿ ಮಾಂಡಾವಳ್ ಚಲಯ್ತಾ ಜಾಂವ್ಕ್ ಪುರೊ. ಪುಣ್ ಆಮ್ಕಾಂ ವಿಚಾರುಂಕ್ ಹಕ್ಕ್ ಖಂಡಿತ್ ಆಸಾ. ಕಿತ್ಯಾಕ್ ಮ್ಹಳ್ಯಾರ್ ಆಮಿ ದಿಲ್ಲೊ ಏಕ್ ಪೈಸೊಯೀ ತೊ ಉಪಯೋಗ್ ಕರ್ತಾ. ಹರ್ಯೆಕಾ ಫಿರ್ಗಜ್‍ಗಾರಾಕ್ ವಿಚಾರ್ಚೆಂ ಹಕ್ಕ್ ಆಸಾ. ಯಾಜಕಾಂನಿ ಫಿರ್ಗಜೆ ಖಾತಿರ್, ಫಿರ್ಗಜೆಚ್ಯಾ ಲೊಕಾ ಖಾತಿರ್ ಆಸಜೆ ಶಿವಾಯ್ ತಾಣಿಂ ಹಾಂಗಾ ಯೇವ್ನ್ ಕಮಾಂಡ್ ಕರುಂಕ್ ತಾಂಕಾಂ ಅಧಿಕಾರ್ ನಾ. ಫಿರ್ಗಜ್ ಧಾ ಜಣಾಂಚಿ, ಕೊಣಾಯ್ಚಿ ಖಾಸ್ಗಿ ಆಸ್ತ್ ನ್ಹಯ್.

ಪೈಶೆ ಆಮ್ಚೆ, ದರ್ಬಾರ್ ತಾಂಚೆಂ. ಆಮ್ಚೊ ಲೋಕ್ ಕಿತ್ತುನ್ ಪರ್ಯಾಂತ್ ಅವಿದ್ಯಾವಂತಾಂಪರಿಂ ಪಾದ್ರಿಂನಿ ವಿಚಾರ್‌ಲ್ಲ್ಯಾ ಹರ್ಯೆಕಾಕ್ ಪೈಶೆ ದೀವ್ನ್ ಆಸ್ತಾತ್ ತಿತ್ತುನ್ ಪರ್ಯಾಂತ್ ಹೆಂ ಬದ್ಲನಾ. ದಿಯೆಸೆಜಿಚ್ಯಾ ಹರ್ಯೆಕಾ ಫಿರ್ಗಜೆಚ್ಯಾ ಲೊಕಾ ಥಾವ್ನ್ ಪೈಶೆ ಘೆವ್ನ್ ವ್ಹಡ್ ವ್ಹಡ್ ವಿದ್ಯಾ ಸಂಸ್ಥೆ ಬಾಂಧ್ಲೆ. ಪುಣ್ ಉಪ್ರಾಂತ್ ಲೊಕಾಚೊ ವಿಸರ್ ಪಡ್ತಾ. ಎಕಾ ಮೆಡಿಕಲ್ ಸಂಸ್ಥ್ಯಾಕ್ ವಚೊನ್ ದುಬ್ಳ್ಯಾ ಪುಣ್ ಹುಶ್ಯಾರ್ ವಿದ್ಯಾರ್ಥಿಂಕ್ ರಿಯಾಯ್ತಿ ದಿಯಾ ಮ್ಹಳ್ಯಾರ್ ‘ಜಾಯ್ನಾ, ಆಮ್ಕಾಂ ಮಲಯಾಳಿಂ ವಿದ್ಯಾರ್ಥಿಂ ಥಾವ್ನ್ ಲಾಖಾಂನಿ ಡೊನೇಶನ್ ಮೆಳ್ತಾ’ ಮ್ಹಣ್ ತಿರಸ್ಕಾರ್ ಕೆಲ್ಲೊ ದಾಖ್ಲೊ ಆಮ್ಕಾಂ ಕಳಿತ್ ಆಸಾ.

ಬುಡ್ಕುಲೊ: ಇಗರ್ಜೆಚ್ಯಾ ಸಮಿತಿಂನಿ ಅಶೆಂ ಸವಾಲಾಂ ಕೆಲ್ಲ್ಯಾಂಕ್ ಹುದ್ದೊ ಮೆಳನಾ, ಸಾಂದೊ ಜಾಂವ್ಕ್ ಹಕ್ಕ್ ನಾ ಮ್ಹಣ್ ಆಸಾ… ತುಮ್ಚಿ ಪರಿಸ್ಥಿತಿ ಕಶಿ ಜಾಯ್ತ್..?

ಶಿರ್ವಾಂಗಾರ್: ಆಮ್ಕಾಂ ಗೊವ್ಳಿಕ್ ಪರಿಶದ್ ಜಾಯ್ಜೆ ಮ್ಹಣೊನ್ ನಾ. ಇಗರ್ಜೆಚೊ ಏಕ್ ಸಾಂದೊ ಜಾವ್ನ್ ಉಲಂವ್ಚೆಂ ಹಕ್ಕ್ ಆಮ್ಕಾಂ ಆಸಾ. ತಾಂಚೆಂ ಕಶೆಂ ಮ್ಹಳ್ಯಾರ್, ಬಗ್ಗಿದವನಿಗೆ ಇನ್ನೊಂದು ಗುದ್ದು ಮ್ಹಳ್ಳೆಂ ಧೋರಣ್. ತೆ ಕ್ಯಾನನ್ ಲಾ ಆನಿ ಕಿತೆಂ ಪೂರಾ ಸಾಂಗ್ತಿತ್, ಸಂವಿಧಾನಾನ್ ಆಮ್ಕಾಂಯೀ ಕಾನೂನ್ ದಿಲಾಂ, ಹಕ್ಕಾಂ ದಿಲ್ಯಾಂತ್. ತಾಣಿಂ ಆಪುಣ್‍ಂಚ್ ಬುದ್ವಂತ್ ಮ್ಹಣ್ ಚಿಂತ್ಚೆಂ ನಾಕಾ. ತಾಣಿಂ ಧಾರ್ಮಿಕ್ ಸೆವಾ ದಿಂವ್ಚೆಂ ಉಣೆಂ ಜಾವ್ನ್ ಯೆತಾ. ಲಾಯಿಕಾಂಕ್ ಸಬಾರ್ ಸಂಗ್ತಿಂನಿ ರೀಗ್ ದಿಲ್ಯಾ. ಹಾಚೊ ದುರುಪಯೋಗ್ ಕಶೆಂ ಜಾಲಾ ಮ್ಹಳ್ಯಾರ್, ಹಫ್ತೊಭರ್ ಅನಾಚಾರ್ ಕರ್ತೆಲೆ ಸಯ್ತ್ ಮಿಸಾ ವೆಳಾರ್ ಕುಮ್ಗಾರ್ ದಿತಾತ್. ತ್ಯಾಚ್ ಮ್ಹೆಳ್ಯಾ ಹಾತಾಂನಿ ಪವಿತ್ರ್ ಎವ್ಕರಿಸ್ತ್ ದಿತಾತ್. ಭುರ್ಗಿಂ ಸಯ್ತ್ ಅಸಲ್ಯಾಂಚೆರ್ ಉಲಯ್ತಾತ್.

ಜೆಜು ಕ್ರಿಸ್ತಾನ್‍ಂಚ್ ಅನ್ಯಾಯಾ ವಿರೋಧ್ ಪ್ರತಿಭಟನ್ ಕೆಲ್ಲೆಂ. ಲೋಕ್ ಕೆದೊಳ್ ಪರ್ಯಾಂತ್ ಗುಲಾಮ್ ಜಾವ್ನ್ ಆಸ್ತಾ ತೆದೊಳ್ ಪರ್ಯಾಂತ್ ಬದ್ಲಾವಣ್ ಯೇನಾ. ಕಿತ್ಲೆಗೀ ಭುರ್ಗೆ ದಾಕ್ತೆರ್ಗಿ, ಇಂಜಿನಿಯರಿಂಗ್ ಆನಿ ಊಂಚ್ಲೆಂ ಶಿಕಪ್ ಜೊಡುಂಕ್ ಅತ್ರೆಗ್ತಾತ್, ಪುಣ್ ತಾಂಚೆ ಕಡೆನ್ ದುಡು ನಾ. ತಾಣಿಂ ಕುಮಕ್ ವಿಚಾರ್ನ್ ಗೆಲ್ಯಾರ್ ಹೆ ಪಾದ್ರಿ ಕಠಿಣ್ ಅಕ್ಮಾನ್ ಕರ್ನ್ ಧಾಡ್ತಾತ್. ಇತ್ಲೆಂ ಆಸೊನ್‍ಯೀ ಲೊಕಾನ್ ಆನಿಕೀ ಚಡ್ ದಾನ್ ದಿಂವ್ಚೆಂ – ತಾಂತುಂ ಕಿತೆಂ ಬರೆಂಪಣ್ ಜಾತಾ? ದುಬ್ಳ್ಯಾ ಭುರ್ಗ್ಯಾಂಕ್ ಶಿಕ್ಪಾಕ್ ಮಜತ್ ಕರುಂಕ್ ತೆಚ್ ಪೈಶೆ ದಿವ್ಯೆತ್ ನೆ? ಲೊಕಾನ್ ದಾನ್ ದೀವ್ನ್ ಬಾಂಧ್‍ಲ್ಲ್ಯಾ ಸಂಸ್ಥ್ಯಾಂನಿ ತ್ಯಾಚ್ ಲೊಕಾನ್ ಸೀಟ್ ದೀ ಮ್ಹಣ್ ವಿಚಾರ್ಲ್ಯಾರ್ ದೀನಾಂತ್.

ಬುಡ್ಕುಲೊ: ಕಥೊಲಿಕ್ ಸಭಾ ಲಾಯಿಕಾಂಚೆಂ ಏಕ್ ವ್ಹಡ್ ಸಂಘಟನ್. ಫಾ. ಮಹೇಶಾಚ್ಯಾ ಮರ್ಣಾಕ್ ಬಾಬ್ತಿಂ ನ್ಯಾಯ್ ವಿಚಾರ್ನ್ ತುಮಿ ಕರ್ಚ್ಯಾ ಆಂದೋಲನಾಕ್ ಕಥೊಲಿಕ್ ಸಭೆಚೊ ಸಹಕಾರ್ ಕಸೊ ಆಸಾ? ತಾಂಚೆ ಥಾವ್ನ್ ತುಮ್ಕಾಂ ಪಾಟಿಂಬೊ ಮೆಳ್ಳಾ ವಾ ನಾ?

ಶಿರ್ವಾಂಗಾರ್: ನಾ, ಪಯ್ಲೆಂ ತೆ ಮುಖಾರ್ ಯೇವ್ನಾಂತ್. ಹಾಂಗಾಚೆಂ ಘಟಕ್ ಮುಖಾರ್ ಯೇಂವ್ಕ್ ನಾ. ಫೈನಾನ್ಸ್ ಕಮಿಟಿಚೆಚ್ ನರ್ಗತಾನಾ ತೆಯೀ ಮುಖಾರ್ ಸರೊಂಕ್ ನಾಂತ್. ದಿಯೆಸೆಜಿ ಮಟ್ಟಾರ್ ಕೇಂದ್ರಿಯ್ ಸಮಿತಿನ್ ಇನೀಶಿಯೇಟಿವ್ ಕಾಣ್ಗೆಂವ್ಕ್ ನಾ. ಧಾರ್ಮಿಕ್ ವ್ಹಡಿಲಾಂಕ್ ಅಕ್ಮಾನ್ ಕರುಂಕ್ ನಜೊ ಮ್ಹಣ್ ಮಾತ್ರ್ ಸಾಂಗ್ಲೆಂ. ಉಪ್ರಾಂತ್ ತಾಂಚೆ ಲಾಗಿಂ ಆಮಿ ಹಾಂಗಾಚ್ಯೊ ಗಜಾಲಿ, ಲೊಕಾಚೆಂ ಮಾಗ್ಣೆಂ ಸಾಂಗ್ಲೆಂ. ತಾಂಕಾಂ ಬಿಸ್ಪಾನ್ ಗುಮಾನ್ ದಿಲಾಂ ವಾ ನಾ ತೆಂ ಕಳಿತ್ ನಾ. ಆಖೇರಿಕ್ ಮಾಧ್ಯಮಾಂಕ್ ಏಕ್ ಸ್ಟೇಟ್‍ಮೆಂಟ್ ದಿಲೆಂ, ತಿತ್ಲೆಂಚ್. ಆಮ್ಚೆ ಲಾಗಿಂ ಆಯೋಗಾಂಕ್ ಉಣೆಂಪಣ್ ನಾ. ಪುಣ್ ತಿಂ ಸರ್ವ್ ಕೊಣಾಚ್ಯಾ ಫಾಯ್ದ್ಯಾಕ್?

ಬಿಸ್ಪಾನ್ ಗೊವ್ಳಿಕ್ ಪರಿಶದೆಚ್ಯಾ ಜಮಾತಿರ್, ಮರ್ಣಾಚ್ಯಾ ರಿತಿ ವಿಶಿಂ ಚರ್ಚಾ ಕರ್ತಾನಾ, ಫಾ. ಮಹೇಶಾ ವಿಶಿಂ ಕೊಣೆಂಯೀ ವಿಚಾರ್ಲ್ಯಾರ್ ‘ತೊ ಬರೊ ಪಾದ್ರ್ಯಾಬ್ ಮ್ಹಣ್ ಸಾಂಗಾ’ ಮ್ಹಣ್ ಸಾಂಗ್‍ಲ್ಲೆಂ. ಪುಣ್ ಉಪ್ರಾಂತ್ ತ್ಯಾಚ್ ಮಹೇಶ್ ಪಾದ್ರ್ಯಾಬಾ ವಿಶಿಂ ವಾಯ್ಟ್ ಖಬ್ರೊ ಕೊಣೆಂ ಕೆಲ್ಲ್ಯೊ? ತೊ ಡಿಪ್ರೆಶನಾರ್ ಆಸ್‍ಲ್ಲೊ, ತಾಕಾ ವಾಯ್ಟ್ ಸವಯೊ ಆಸ್‍ಲ್ಲ್ಯೊ ಮ್ಹಣ್ ಅಪಪ್ರಚಾರ್ ಕೆಲ್ಲೊ ಕೊಣೆಂ? ಎಸ್.ಪಿ.ನ್‍ಯೀ ಥೊಡ್ಯೊ ಗಜಾಲಿ ಸಾಂಗ್‍ಲ್ಲ್ಯೊ, ತ್ಯೊ ತಿಕಾ ಕೊಣೆಂ ಸಾಂಗ್‍ಲ್ಲ್ಯೊ?

ಬುಡ್ಕುಲೊ: ಕಥೊಲಿಕ್ ಸಭೆಚೆ ಖಂಯ್ಸರೀ ಗ್ರೊಟ್ಟ್ಯಾಚೆರ್ ಫಾತೊರ್ ಪಡ್ಲ್ಯಾರ್, ಧಾರ್ಮಿಕಾಂಚೆರ್ ಕೊಣೆಂಯ್ ಉಲಯ್ಲ್ಯಾರ್ ಕಸಲ್ಯೊಯೀ ಜಮಾತಿ ನಾಸ್ತಾನಾ ತಕ್ಷಣ್ ಕಾರ್ಯಪ್ರವೃತ್ತ್ ಜಾತಾತ್, ಲೊಕಾಕ್ ಆಪಯ್ತಾತ್…

ಶಿರ್ವಾಂಗಾರ್: ಅನ್ಯ್ ಜಾತಿಚ್ಯಾಂನಿ ಕಿತೆಂಯೀ ಕೆಲ್ಯಾರ್ ಮಾತ್ರ್ ತೆ ಮುಖಾರ್ ಯೆತಾತ್. ಆಮ್ಚ್ಯಾಂನಿಂಚ್ ಕೆಲ್ಯಾರ್ ವೊಗೆಚ್ ರಾವ್ತಾತ್. ಕಥೊಲಿಕ್ ಸಭೆಚೆ ಬಿಸ್ಪಾ ಲಾಗಿಂ ಉಲವ್ಯಾಂ ಮ್ಹಣ್ ಆಯಿಲ್ಲೆ. ಆಮಿ ತಾಂಕಾಂ, ‘ತುಮಿ ಹಾಂಗಾ ಯೇವ್ನ್ ಮೆತೆರ್ ಜಾಯ್ಜೆ ಆಸ್‍ಲ್ಲೆಂ. ತುಮಿ ಪಾದ್ರಿಂಚೆ ಗುಲಾಮ್, ತೆ ಕಿತೆಂ ಸಾಂಗ್ತಾತ್ ತಶೆಂ ಚಲ್ತಾತ್’ ಮ್ಹಣ್ ಶೀದಾ ಸಾಂಗ್ಲಾಂ. 18 ಆಯೋಗ್ ಆಸಾತ್, ಪುಣ್ ತೆ ನಿಯಂತ್ರಣಾರ್ ದವರ್ಲ್ಯಾತ್. ಉಲಂವ್ಕ್ ಹಕ್ಕ್ ನಾ. ಕೊಣೆಂಯೀ ಸವಾಲ್ ಕೆಲ್ಲೆ ತಕ್ಷಣ್ ಪ್ರೊಪಗಾಂಡಾ ಕರ್ತಾತ್.

ಆಮಿ ಕೊಣಾಯ್ಚ್ಯಾ ವಿರೋಧ್, ಪ್ರತ್ಯೇಕ್ ಕರ್ನ್ ಯಾಜಕ್ ವಾ ಇಗರ್ಜೆಚ್ಯಾ ವ್ಹಡಿಲಾಂ ವಿರೋಧ್, ಕಿತೆಂಯೀ ಕರುನ್ ನಾಂವ್. ಆಮಿ ಫಕತ್ ನ್ಯಾಯ್ ಮೆಳಜೆ ಮ್ಹಣ್ ಝುಜೊನ್ ಆಸಾಂವ್. ಹಾಂಗಾ ರಾಜಕೀಯ್, ಸ್ವಾರ್ಥ್ ಬಿಲ್ಕುಲ್ ನಾ. ಆಮ್ಚೊ ಎಕ್ವಟ್ ಪಳೆವ್ನ್ ಸೊಸುಂಕ್ ಜಾಯ್ನಾತ್‍ಲ್ಲೆ ಮಾತ್ರ್ ಆಮ್ಚೆ ವಿರೋಧ್ ಉಲವ್ನ್ ಆಸಾತ್.

ಬುಡ್ಕುಲೊ: ಪೊರ್ಚೆ ಪೋರ್ ಮುಲ್ಕಿ ರೆತಿರ್ ಮಂದಿರಾಚ್ಯಾ ಪ್ರಕರಣಾಕ್ ಲಾಗೊನ್ ಕ್ರಿಸ್ತಾಂವಾಂನಿ ಭಾರಿಚ್ ಆವಾಜ್ ಉಟಯ್ಲೊ. ಖುರ್ಸಾಕ್ ಅಕ್ಮಾನ್ ಕೆಲಾ ಮ್ಹಣ್ ಭಾರಿಚ್ ಘೊರೊಜ್ ಘಾಲಿ. ಪುಣ್ ಹಾಂಗಾ ಖುರಿಸ್ ಆಂಗಾರ್ ನ್ಹೆಸ್‍ಲ್ಲೊ, ಜೆಜು ಕ್ರಿಸ್ತಾಚೊ ಪ್ರತಿನಿಧಿಚ್ ಅಸಹಜ್ ಮರ್ಣಾಕ್ ವಳಗ್ ಜಾತಾನಾ ಹೊ ಸ್ಪಿರಿತ್ ಖಂಯ್ ಮಾಯಾಗ್ ಜಾಲೊ?

ಶಿರ್ವಾಂಗಾರ್: ಆಮಿ ಮ್ಹಣ್ಚೆಂ ಆಮ್ಚೊ 99% ಲೋಕ್ ಆಮ್ಚ್ಯಾ ಹ್ಯಾ ಝುಜಾಂತ್ ಸಪೋರ್ಟ್ ದೀವ್ನ್ ಆಸಾತ್. ಏಕ್ ದೋಗ್ ಲುಸಿಫೆರ್ ಆಸೊಂಕ್ ಪುರೊ. ತೆ ಖಂಯ್ಸರೀ ಆಸ್ತಾತ್. ಫಾ. ಮಹೇಶಾಚೆ ಅಭಿಮಾನಿ, ಅಕ್ರಿಸ್ತಾಂವ್‍ಯೀ ಆಸಾತ್, ಸರ್ವ್ ಸಕ್ರಿಯ್ ಆಸಾತ್. ಸಂಸಾರ್‌ಭರ್ ಥಾವ್ನ್ (ಗಾಂವ್ಚೊ ಲೋಕ್) ಆಮ್ಕಾಂ ಪಾಟಿಂಬೊ ಆನಿ ಪ್ರೋತ್ಸಾಹ್ ಮೆಳೊನ್ ಆಸಾ. ಆಮ್ಚೊ ಉದ್ದೇಶ್ ಕಿತೆಂ ಮ್ಹಳ್ಯಾರ್, ಅಶೆಂ ಆನ್ಯೇಕ್ಲ್ಯಾಕ್ ಜಾಂವ್ಕ್ ನಜೊ. ಥೊಡ್ಯಾ ಪಾದ್ರಿಂ ಲಾಗಿಂ ‘ಮೆಲ್ಲೊ ಗೆಲೊ’ ಮ್ಹಳ್ಳೆಂ ಧೋರಣ್ ಆಸಾ. ಪುಣ್, ಜಾಯ್ತೆ ಪಾದ್ರಿ ಆಮ್ಕಾಂ ಪಾಟಿಂಬೊ ದೀವ್ನ್ ಆಸಾತ್. ಥೊಡೆ, ತುಮಿ ತುಮ್ಚೆಂ ಕಾಮ್ ರಾವಯ್ನಾಕಾತ್, ಝುಜ್ ಮುಂದರ್ಸಿಯಾ ಮ್ಹಣ್ತಾತ್. ಥೊಡೆ ಆಮ್ಕಾಂ ಮುಖಾರ್ ಪಡೊಂಕ್ ಜಾಯ್ನಾ, ಪುಣ್ ಆಮ್ಚೊ ಸಹಕಾರ್ ಆಸಾ ಮ್ಹಣ್ತಾತ್. ಶೋಷಣಾಕ್ ವಳಗ್ ಜಾಲ್ಲೆ ಪಾದ್ರಿ ಜಾಯ್ತೆ ಆಸಾತ್. ತಸಲ್ಯಾಂನಿಯೀ ಆಮ್ಕಾಂ ಪಾಟಿಂಬೊ ದಿಲಾ. ಆಮ್ಕಾಂ ತಾಣಿಂ ಮಾಗ್ಣ್ಯಾಚೊ ಆಧಾರ್ ಭಾಸಾಯ್ಲಾ. ಸಕ್ಡಾಂನಿ, ‘ಅಶೆಂ ಆನ್ಯೇಕ್ಲೊ ಮಹೇಶ್ ಜಾಂವ್ಕ್ ನಜೊ’ ಮ್ಹಣ್ಚೆಂ.

ಸತ್ ಕಿತೆಂ ಮ್ಹಳ್ಯಾರ್ ಆಮ್ಚ್ಯಾ ಕ್ರಿಸ್ತಾಂವ್ ಲೊಕಾನ್ ಆಮ್ಕಾಂ ಭರ್ಪೂರ್ ಪಾಟಿಂಬೊ, ಪ್ರೋತ್ಸಾಹ್ ದಿಲಾ. ಹೆಂ ಕೊಣಾಯ್ಚೆಂ ವೈಯಕ್ತಿಕ್ ಝುಜ್ ನ್ಹಯ್. ಹೆಂ ಫಾ. ಮಹೇಶಾಚ್ಯಾ ಅಭಿಮಾನಿಂಚೆಂ ಆನಿ ಫಿರ್ಗಜ್‍ಗಾರಾಂಚೆಂ ಝುಜ್. ಕಿತ್ಲೆಶ್ಯಾಗೀ ಜಣಾಂನಿ ಆಂಗವ್ಣ್ ಸಯ್ತ್ ಘಾಲ್ಯಾ. ಹಿಂದೂ ಮುಸ್ಲಿಮ್ ಲೋಕ್ ಸಯ್ತ್ ಫಾ. ಮಹೇಶಾ ಪಾಸತ್ ಮಾಗೊನ್ ಆಸಾ. ಪ್ರಾಯ್ವಂತ್ ಮನಿಸ್ ಆಮ್ಕಾಂ ‘ತುಮಿ ಸೊಡಿನಾಕಾತ್, ನ್ಯಾಯ್ ಜೊಡುನ್ ದಿಯಾ’ ಮ್ಹಣ್ ಸಾಂಗ್ತಾತ್.

ಹಿಂದೂ ಭಾವಾಂನಿ, ರಿಕ್ಷಾಗಾರಾಂನಿ ಹಾಂಗಾಚ್ಯಾ ಜಾರಂದಾಯ ದೈವಸ್ಥಾನಾಂತ್ ಫಾ. ಮಹೇಶಾ ಖಾತಿರ್ ಕೋಲ ದಿಲಾ. ಕೋಲ ಕರುಂಕ್ ದೇಡ್ ಲಾಕ್ ರುಪಯ್ ಪುಣೀ ಖರ್ಚ್ ಆಸಾ. ಮುಸ್ಲಿಮಾಂನಿ ದರ್ಗಾಂತ್ ಮಾಗ್ಣೆಂ ಕೆಲಾಂ. ಹಿಂದೂ ಲೋಕ್ ಮೆಳ್ತಾನಾಂಯೀ ‘ಎಂಚಿನ ಆಂಡ್ ಮಗಾ, ದಾದ ಆಂಡ್, ಬುಡೊಡ್ಚಿ ಮಗಾ’ ಮ್ಹಣ್ತಾತ್. ಆಮ್ಕಾಂ ಪಾಟಿಂಬೊ ದೀಂವ್ಕ್ ತೆ ತಯಾರ್ ಆಸಾತ್. ಫಾ. ಮಹೇಶಾಚೊ ಮೋಗ್ ಕೆಲ್ಲೊ ಲೋಕ್ ಆಸಾ, ತಾಂಕಾಂ ನೀದ್ ಪಡನಾ. ತಾಣೆಂ ತಿತ್ಲಿಂ ಆಜ್ಯಾಪಾಂ ಕೆಲ್ಯಾಂತ್. ತಾಚ್ಯಾ ಮರ್ಣಾ ದೀಸ್‍ಯೀ ಕಾಳೊಕ್, ವಾರೆಂ, ಝಗ್ಲಾಣೆಂ, ಘಡ್ಗಡೊ ಆನಿ ಪಾವ್ಸ್ ಪಳೆವ್ನ್ ಲೋಕ್ ವಿಜ್ಮಿತ್ ಪಾವ್ಲಾ. ತೊ ಭೋವ್ ಮೊಗಾಳಿ ವ್ಯಕ್ತಿ, ರಾಗ್ ಮೊಸೊರ್ ನೆಣಾಸ್‍ಲ್ಲೊ. ಆಜೂನ್ ಧಾಕ್ಟಿಂ ಭುರ್ಗಿಂ ಆಮ್ಕಾಂ ಫಾ. ಮಹೇಶ್ ಜಾಯ್ ಮ್ಹಣ್ ರಡೊನ್ ಆಸಾತ್.

ಬುಡ್ಕುಲೊ: ಫಾ. ಮಹೇಶಾಚೆಂ ಕಿತೆಂಯೀ ಸ್ಮಾರಕ್ ಕರುಂಕ್ ಚಿಂತ್ಲಾಂಗೀ?

ಶಿರ್ವಾಂಗಾರ್: ವ್ಹಯ್. ಪಯ್ಲೆಂ ಆಮಿ ತನ್ಖಿ ಸಂಪೊಂಕ್ ರಾಕ್ತಾಂವ್. ಫಾ. ಮಹೇಶಾಚ್ಯಾ ಉಡಾಸಾನ್ ಏಕ್ ಬರೆಂ ಯೋಜನ್ ಕರುಂಕ್ ಆಲೋಚನ್ ಕೆಲ್ಯಾ. ಹಾಕಾ ಸರ್ವ್ ಲೊಕಾನ್ ಆಪ್ಲೊ ಪಾಟಿಂಬೊ ಭಾಸಾಯ್ಲಾ. ಮಹಿನ್ಯಾಚ್ಯಾ ಮಿಸಾಕ್ ಆಮಿ ತಾಚೊ ಫೊಟೊ ಫ್ರೇಮ್ ಲೊಕಾಕ್ ವಾಂಟ್ಲೊ. ತಾಚ್ಯಾ ಮಹಿನ್ಯಾಚ್ಯಾ ಮಿಸಾ ವಿಶಿಂ ಪುರ್ವಿತಾಂನಿ ಕಿತೆಂಯೀ ಆಸಕ್ತ್ ದಾಕಯಿಲ್ಲಿ ನಾ. ಆಮಿಂಚ್ ಮೆಳೊನ್ ಬರ್‍ಯಾ ರಿತಿನ್ ಮೀಸ್ ಭೆಟಯ್ಲೆಂ. 1300 ಲೋಕ್ ಮಿಸಾಕ್ ಹಾಜರ್ ಆಸ್‍ಲ್ಲೊ.

ಬುಡ್ಕುಲೊ: ಪೊಲಿಸ್ ಅಧಿಕಾರಿ ತನ್ಖಿ ಭರಾನ್ ಚಲವ್ನ್ ಆಸಾತ್. ತ್ಯಾ ವಿಶಿಂ ತುಮ್ಕಾಂ ಸಮಾಧಾನ್ ಆಸಾಗೀ?

ಶಿರ್ವಾಂಗಾರ್: ಮೌನ್ ಪ್ರತಿಭಟನ್ ಜಾಲ್ಯಾ ಉಪ್ರಾಂತ್, ದುಸ್ರ್ಯಾ ದಿಸಾ ಥಾವ್ನ್ ಕಾಪು ಸರ್ಕಲ್ ಇನ್ಸ್‌ಪೆಕ್ಟರ್ ಮಹೇಶ್ ಪ್ರಸಾದ್ ಬರ್‍ಯಾ ರಿತಿನ್ ತನ್ಖಿ ಚಲವ್ನ್ ಆಸಾ. ತೊ ಏಕ್ ಬರೊ, ಯಶಸ್ವಿ ಅಧಿಕಾರಿ. ತಾಚೆರ್ ಆಮ್ಕಾಂ ಭರ್ವಸೊ ಆಸಾ. ಸಾವುದ್ ಮಾಂಯ್ ತಾಚೆ ಮುಖಾಂತ್ರ್ ಸತ್ ಭಾಯ್ರ್ ಘಾಲಯ್ತಾ ಮ್ಹಳ್ಳೆಂ ಧಯ್ರ್ ಆಮ್ಕಾಂ ಆಸಾ. ಎದೊಳ್ ಮ್ಹಣಸರ್ 60 ಜಣಾಂಚೆಂ ವಿಚಾರಣ್ ಚಲಯ್ಲಾಂ, ಆನಿಕೀ ಥೊಡ್ಯಾಂಚೆಂ ಜಾಂವ್ಕ್ ಆಸ್ತೆಲೆಂ. ಸತ್ ಭಾಯ್ರ್ ಕಾಡ್ತಾಂ ಮ್ಹಣ್ ತಾಣೆಂ ಆಮ್ಕಾಂ ಸಾಂಗ್ಲಾಂ.

ಬುಡ್ಕುಲೊ: ಸಬಾರ್ ಜಣಾಂಕ್, ಜೆರಾಲ್ ಲೊಕಾಕ್, ಫಾ. ಮಹೇಶಾನ್ ಸುಸೈಡ್ ಕೆಲ್ಲೆಂ ನ್ಹಯ್, ತಾಚಿ ಖುನಿ ಜಾಲ್ಯಾ ಮ್ಹಳ್ಳೆಂ ಚಿಂತಾಪ್ ಆಸಾ. ತನ್ಖಿ ಸಂಪೊನ್ ಜರ್ ಜೀವ್ಘಾತ್ ಮ್ಹಣ್ ವರ್ದಿ ಆಯ್ಲ್ಯಾರ್ ತುಮಿ ಕಿತೆಂ ಕರ್ತಾತ್?

ಶಿರ್ವಾಂಗಾರ್: ಜರ್ ವರ್ದಿ ಆಮ್ಕಾಂ ತೃಪ್ತಿ ದೀನಾ, ಸಿ.ಓ.ಡಿ. ತನ್ಖಿ ಕರುಂಕ್ ಆಮಿ ವತ್ತಾಯ್ ಕರ್ತಾಂವ್. ಎದೊಳ್‍ಚ್ ಗೃಹ್ ಮಂತ್ರಿಕ್ ಆಮಿ ಮೆಳೊನ್ ವಿವರ್ ದಿಲಾ. ತಾಕಾ ತೆದೊಳ್‍ಚ್, ‘ಫಾ. ಮಹೇಶ್ ಪಿಯೆತಾಲೊ, ತಾಕಾ ವಾಯ್ಟ್ ಸವಯೊ ಆಸ್‍ಲ್ಲ್ಯೊ’ ಮ್ಹಣ್ ತೊಂಡ್ಪಾಶಿಂ ವರ್ದಿ ಆಯಿಲ್ಲಿ ಮ್ಹಣ್ ಆಮ್ಕಾಂ ಕಳ್ಳೆಂ. ಆಮಿ ಜಾಲ್ಲ್ಯಾ ಸರ್ವ್ ಸಂಗ್ತಿಂಚೊ ವಿವರ್ ದಿಲೊ. ತೆಗಾಂ ಶಾಸಕಾಂ ಮುಖಾಂತ್ರ್ ತಾಚಿ ಭೆಟ್ ಆಮ್ಕಾಂ ಜಾಲಿ. ಆಮ್ಚೆ ಹೆರ್ ಭಾವ್‍ಯೀ ವೆವೆಗ್ಳ್ಯಾ ರಿತಿಂನಿ ನ್ಯಾಯ್ ಜೊಡ್ಚ್ಯಾಕ್ ವಾವ್ರ್ ಕರುನ್ ಆಸಾ. ಹ್ಯೂಮನ್ ರೈಟ್ಸ್ ಆಯೋಗಾಚ್ಯಾ ದಫ್ತರಾಂತ್ ಕೇಜ್ ದಾಖಲ್ ಜಾಲ್ಯಾ. ‘ಮಾಹಿತಿ ಸೇವಾ ಸಮಿತಿ’ ಥಾವ್ನ್ ಪ್ರಧಾನ್ ಮಂತ್ರಿಚ್ಯಾ ದಫ್ತರಾಕ್‍ಯೀ ಮನವಿ ಧಾಡುನ್ ದಿಲ್ಯಾ.

Send Feedback to: budkuloepaper@gmail.com

Like us at: www.facebook.com/budkulo.epaper

Visit Budkulo’s YouTube Channel, click here

The post ಫಾ. ಮಹೇಶಾಕ್ ಜಾಯ್ತೊ ಅನ್ಯಾಯ್ ಜಾಲಾ, ಆಮ್ಚೆಂ ಝುಜ್ ನ್ಯಾಯಾ ಖಾತಿರ್: ಶಿರ್ವಾಂ ಫಿರ್ಗಜ್‍ಗಾರ್ appeared first on Budkulo.

ತಸ್ವೀರ್‍ಯೊ ಕುರ್ಪಾ: ಬಾಪ್ ಮಹೇಶಾಚೆಂ ಕುಟಮ್

ಅವಿಭಜಿತ್ ಮಂಗ್ಳುರ್ ದಿಯೆಸೆಜಿಚ್ಯಾ ಚರಿತ್ರೆಂತ್‍ಚ್ ಅಶೆಂ ಘಡೊಂಕ್ ನಾ ಆಸ್ತೆಲೆಂ. ಕರ್ನಾಟಕಾಂತ್‍ಯೀ ಅಶೆಂ ಘಡೊಂಕ್ ನಾ ಮ್ಹಣ್ತಾತ್. ಲ್ಹಾನ್ ಪ್ರಾಯೆರ್ ಆಪ್ಲ್ಯಾ ಸುಡ್ಸುಡಿತ್ ಆನಿ ಮೊಗಾಳ್ ವ್ಯಕ್ತಿತ್ವಾಕ್ ಲಾಗೊನ್ ಹಜಾರೊಂ ಲೊಕಾಚೊ ಅಭಿಮಾನ್ ಆನಿ ಗೌರವ್ ಸಂಪಾದನ್ ಕೆಲ್ಲೊ ಏಕ್ ಯಾಜಕ್ ವಿಚಿತ್ರ್ ರಿತಿನ್ ಮರಣ್ ಪಾವ್ತಾ! ತಾಚ್ಯಾ ಮರ್ಣಾನ್ ಆನಿ ತಾಕಾ ಲಗ್ತಿ ಜಾಲ್ಲ್ಯಾ ಉಪ್ರಾಂತ್ಲ್ಯಾ ಘಡಿತಾಂನಿ, ತಾಚ್ಯಾ ಕುಟ್ಮಾಚ್ಯಾಂಕ್, ಫಿರ್ಗಜ್‍ಗಾರಾಂಕ್, ಅಭಿಮಾನಿಂಕ್ ಆನಿ ಲೊಕಾಕ್ ಆಘಾತಾಂ ವಯ್ರ್ ಆಘಾತ್ ಫುಡ್ ಜಾಲೆ. ದಿಸಾನ್ ದೀಸ್ ಮಿಸ್ತೆರ್ ನಿಗೂಢ್ ಜಾವ್ನ್ ವೆಚೊ ದಿಸ್ಲೊ. ಪುಣ್… ಧೊಸ್ಚ್ಯಾ ದುಬಾವಾಂಕ್, ಉಟ್‍ಲ್ಲ್ಯಾ ಸವಾಲಾಂಕ್ ಸಾರ್ಕ್ಯೊ ಜಾಪಿ ಆಜೂನ್ ಮೆಳೊಂಕ್ ನಾಂತ್.

ಮಾನಾಧಿಕ್ ಬಾಪ್ ಮಹೇಶ್ ಡಿಸೋಜಾಚ್ಯಾ ಮರ್ಣಾ ವರ್ವಿಂ ಮಂಗ್ಳುರಿ ಕಥೊಲಿಕ್ ಸಮುದಾಯಾಕ್ ದಖೊ ಬಸ್ಲಾ. ಯಾಜಕಾಂಚೆಂ ಅವ್ಚಿತ್ ಮರಣ್ ನವಿ ಖಬರ್ ನ್ಹಯ್. ಪುಣ್, ಅಶೆಂಯೀ ಏಕ್ ಮರಣ್ ಘಡ್ತಾ ಆನಿ ತ್ಯಾ ಮರ್ಣಾಕ್ ಸಂಬಂಧ್ ಜಾಲ್ಲ್ಯಾಂಚೆಂ ವರ್ತನ್ ಇತ್ಲೆಂ ಸಂಶಯಾಸ್ಪದ್ ಜಾತಾ ಮ್ಹಳ್ಳೆಂ ಹ್ಯಾ ಮಾತಿಯೆಂತ್ ನವೆಂಚ್ ಸಯ್. ಶಿರ್ವಾಂ ಫಿರ್ಗಜೆಚ್ಯಾ ಡೊನ್ ಬೊಸ್ಕೊ ಇಸ್ಕೊಲಾಚೊ ಪ್ರಿನ್ಸಿಪಾಲ್ ಜಾವ್ನಾಸ್‍ಲ್ಲೊ ಫಾದರ್ ಮಹೇಶ್, 36 ವರ್ಸಾಂಚ್ಯಾ ತರ್ನ್ಯಾ ಪ್ರಾಯೆರ್ ಮೊರ್ತಾನಾ, ಕಿತ್ಲೆಶ್ಯಾಗೀ ಯಾಜಕಾಂನಿ ಜೀಣ್‍ಭರ್ ಸಂಪಾದನ್ ಕರಿನಾತ್‍ಲ್ಲೆ ತಿತ್ಲೊ ಮೋಗ್, ಅಭಿಮಾನ್ ಆನಿ ಗೌರವ್ ಆಪ್ಣಾಯಿಲ್ಲೊ ತೆಂ ಆಯ್ಲೆವಾರ್ ರುಜು ಜಾಲೆಂ. ತಾಚಿ ವ್ಹಡ್ವಿಕಾಯ್ ತಿ; ತಾಚ್ಯಾ ಖಾಲ್ತೆಪಣಾಚಿ ಸಾಕ್ಸ್ ತಿ, ದುಬ್ಳ್ಯಾ ಧಾಕ್ಟ್ಯಾಂ ವಯ್ಲ್ಯಾ ತಾಚ್ಯಾ ಹುಸ್ಕ್ಯಾಚೆಂ ದರ್ಶನ್ ತೆಂ. ಏಕ್ ಮೊಗಾಳ್ ವ್ಯಕ್ತಿ, ಮನ್ಶ್ಯಾಪಣಾಚ್ಯಾ ಮೌಲ್ಯಾಂಕ್ ಉಕಲ್ನ್ ಧರ್ನ್ ಜಿಯೆಲ್ಲೊ ಸರಳ್ ವ್ಯಕ್ತಿ, ಪ್ರಾಮಾಣಿಕ್ ಮನಿಸ್ ಆನಿ ಬರೊ ಯಾಜಕ್ ತೊ. ಸಕ್ಡಾಂ ಪ್ರಾಸ್ ಊಂಚ್ – ಜೆಜು ಕ್ರಿಸ್ತಾಚೊ ಖರೊ ಪ್ರತಿನಿಧಿ ಜಾವ್ನ್ ಜಿಯೆಲ್ಲೊ ಆಪುರ್ಬಾಯೆಚೊ ಯಾಜಕ್ ತೊ ಜಾವ್ನಾಸ್‍ಲ್ಲೊ.

ಅಸಲೊ ಎಕ್ಲೊ ತಾಲೆಂತ್‍ವಂತ್, ಭೋವ್ ವ್ಹರ್ತೆಂ ಸಾಧನ್ ಕರ್ನ್ ಜಾಯ್ತಿಂ ಸಪ್ಣಾಂ ಮತಿಂತ್ ದವರ್ನ್, ಯೋಜನಾಂ ಸಾಕಾರ್ ಕರುಂಕ್ ನಿರಂತರ್ ಪೆಚಾಡುನ್ ಸುಡ್ಸುಡಿತ್ ಆನಿ ವ್ಯಸ್ತ್ ಆಸ್‍ಲ್ಲೊ ವ್ಯಕ್ತಿ ಎಕಾಚ್ಛಾಣೆಂ, ಹಜಾರೊಂ ದುಬಾವಾಂಕ್ ಇಡೆಂ ದಿಂವ್ಚ್ಯಾ ಸನ್ನಿವೇಶಾಂತ್, ಮರಣ್ ಪಾವ್‍ಲ್ಲೆಂ ಸತ್ ಜಿರಂವ್ಕ್ ಲೊಕಾಕ್ ಸಾಧ್ಯ್ ಜಾಂವ್ಕ್ ನಾ.

ಪುಣ್ ಅಸಲ್ಯಾ ಆಘಾತಾಚ್ಯಾ ಘಡಿತಾ ವೆಳಾರ್ ಸಂಬಂಧ್ ಜಾಲ್ಲ್ಯಾಂಚಿ ಪ್ರತಿಕ್ರಿಯಾ ಆನಿ ವರ್ತನ್ ಕಶೆಂ ಆಸ್‍ಲ್ಲೆಂ? ತಿಚ್ ಭೋವ್ ಮಿಸ್ತೆರಾಚಿ ಗಜಾಲ್! ಹ್ಯಾಚ್ ಕಾರಣಾಂ ವರ್ವಿಂ ನ್ಹಯ್ಗೀ ಶಿರ್ವಾಂ ಫಿರ್ಗಜ್‍ಗಾರ್ ಆನಿ ಫಾದರ್ ಮಹೇಶಾಚೆ ಅಭಿಮಾನಿ ರಸ್ತ್ಯಾಕ್ ದೆಂವ್‍ಲ್ಲೆಂ? ತಶೆಂ ಕಿತ್ಯಾಕ್ ಘಡ್ಲೆಂ? ಲೋಕ್ ಕಿತ್ಯಾಕ್ ಖುಬಾಳ್ಳೊ?

ಮೊಗಾಳ್ ‘ಬುಡ್ಕುಲೊ’ ಇ-ಪತ್ರಾಚ್ಯಾ ವಾಚ್ಪ್ಯಾಂನೊ, ತುಮಿ ಜಾಣಾಂತ್ ಆಮಿ ಕೆದ್ನಾಂಯ್ ಸತ್-ನ್ಯಾಯ್-ನಿತಿಚ್ಯಾ ಪಕ್ಷೆನ್ ಆಸಾಂವ್ ಮ್ಹಳ್ಳೆಂ. ತಿತ್ಲೆಂಚ್ ನ್ಹಯ್, ಅನ್ಯಾಯ್-ಅನೀತ್-ಅಕ್ರಮಾಂಕ್ ಆಮಿ ವಿರೋಧ್ ಕರ್ತಾಂವ್ ಮ್ಹಳ್ಳೆಂಯೀ ತುಮಿ ಜಾಣಾಂತ್. ಹ್ಯಾ ಸಂಗ್ತಿಂನಿ ಆಮಿ ರಾಜಿ ಕೆಲ್ಲಿ ನಾ. ಆಮ್ಚ್ಯಾ ಸಮುದಾಯಾಂತ್ ಘಡ್ಚ್ಯಾ ಪ್ರಮುಖ್ ಘಡಿತಾಂಕ್, ಸಂಗ್ತಿಂಕ್ ಉಲ್ಲೇಖ್ ಕರ್ಚೆಂ ಆಮ್ಚೊ ಕಾಯ್ದೊ. ತ್ಯಾಚ್ ಪರ್ಮಾಣೆಂ, ಬಾಪ್ ಮಹೇಶ್ ಡಿಸೋಜಾಚ್ಯಾ ಮರ್ಣಾ ಉಪ್ರಾಂತ್ಲ್ಯಾ ಕಾಂಯ್ ವಿಚಾರಾಂಚೆರ್ ಆಮಿ ಚರ್ಚಾ ಕೆಲ್ಯಾ.

ಬಾಪ್ ಮಹೇಶಾಚ್ಯಾ ವಿಚಿತ್ರ್ ಮರ್ಣಾ ಉಪ್ರಾಂತ್ ಜಾಯ್ತ್ಯೊ ವಾಡಾವಳಿ ಜಾಲ್ಯಾತ್. ತುಮಿ ತ್ಯೊ ಮಾಧ್ಯಮಾಂ ಮುಖಾಂತ್ರ್ ಜಾಣಾಂ ಜಾಲ್ಯಾತ್. ಆತಾಂ, ತಾಚ್ಯಾ ಮರ್ಣಾ ಉಪ್ರಾಂತ್ ಭಾವಾಡ್ತಿ ಲೊಕಾನ್ ಸೊಸ್ಣಿಕಾಯ್ ಹೊಗ್ಡಾಂವ್ಚ್ಯಾ ಸ್ಥಿತೆಕ್ ಕಾರಣ್ ಕಿತೆಂ ಮ್ಹಳ್ಳೆಂಯೀ ತುಮಿ ಜಾಣಾಂತ್.

ಪುಣ್ ಪಯ್ಲಿ ಗಜಾಲ್, ಎಕ್ಲೊ ಪ್ರಮುಖ್ ಯಾಜಕ್ ಅನಿರೀಕ್ಷಿತ್ ಜಾವ್ನ್ ಅಸಹಜ್ ರಿತಿನ್ ಮರಣ್ ಪಾವ್ಲಾ ಮ್ಹಳ್ಳೆಂ ಕಳಿತ್ ಜಾಲ್ಯಾ ಉಪ್ರಾಂತ್‍ಯೀ ಪೊಲಿಸಾಂಕ್ ಕಿತ್ಯಾಕ್ ದೂರ್ ದೀಂವ್ಕ್ ನಾ ಮ್ಹಳ್ಳೆಂ ಸಕ್ಡಾಂಕ್ ಧೊಸ್ಚೆಂ ಪಯ್ಲೆಂ ಸವಾಲ್. ತಸಲಿ ಎಮರ್ಜೆನ್ಸಿ ಆಸ್ತಾನಾಂಯೀ ಇಗರ್ಜೆಚಿ ಘಾಂಟ್ ಕಿತ್ಯಾಕ್ ವ್ಹಾಜಂವ್ಕ್ ನಾ? ಹ್ಯಾ ಸವಾಲಾಂಚಿ, ದುಬಾವಾಂಚಿ, ಮಿಸ್ತೆರಾಂಚಿ ಶಿಂಕಳ್, ಸುಟಂವ್ಕ್ ಜಾಯ್ನಾ ತಿತ್ಲಿ ಸಂಕೀರ್ಣ್ ಜಾಲ್ಯಾ. ಗೊಂದೊಳ್ ಚಡ್ಲ್ಯಾತ್. ತಾಚೊ ಪರಿಣಾಮ್ ಜಾವ್ನ್ ತೀನ್ ಹಫ್ತೆ ಲೋಕ್ ಕಾಳೊಕಾಂತ್‍ಚ್ ಉರ್ಲೊ. ಕಿತ್ಯಾಕ್ ಕಿತೆಂಯೀ ತನ್ಖಿ ಜಾಯ್ನಾ ಮ್ಹಳ್ಳೆಂ ಸವಾಲ್ ಲೊಕಾನ್ ವಿಚಾರಿಜೆ ಪಡ್ಲೆಂ.

ವ್ಹಯ್. ತೀನ್ ಹಫ್ತೆ ಲೋಕ್ ರಾಕ್ಲೊ. ಫಾ. ಮಹೇಶಾಚೆಂ ಮರಣ್ ಏಕ್ ಸಹಜ್ ಘಡಿತ್ ಮ್ಹಳ್ಳೆಪರಿಂ ‘ಸಂಬಂಧಿತಾಂನಿ’ ಲೆಕ್‍ಲ್ಲೆಂ ತಶೆಂಚ್ ಲೊಕಾಕ್ ಕನ್ವಿನ್ಸ್ ಕರುಂಕ್ ಪೆಚಾಡ್‍ಲ್ಲೆಂ ಉಟೊನ್ ದಿಸ್ತಾಲೆಂ. ತ್ಯಾ ನಿಮ್ತಿಂ ಲೊಕಾನ್ ಸವಾಲಾಂ ಕೆಲಿಂ; ಆನಿ ತಾಕಾ ಮೆಳ್‍ಲ್ಲ್ಯೊ ಜಾಪಿ, ಮಿಸ್ತೆರ್ ಖಂಡಿತ್ ‘ಗೂಂಡ್’ ಆಸಾ ಮ್ಹಣ್ ದುಬಾವೊಂಕ್ ಕಾರಣ್ ಜಾಲೆಂ. ತಶೆಂ ಲೋಕ್ ಜಾಗೃತ್ ಜಾಲೊ ಆನಿ ನ್ಯಾಯ್ ಜೊಡುಂಕ್ ಅತ್ರೆಗ್ಲೊ.

ಅಶೆಂ ಜಾಲ್ಲ್ಯಾ ಪ್ರತಿಭಟನಾಕ್ ಜಮ್‍ಲ್ಲೊ ಕೋಣ್? ತೊ ಖಂಡಿತ್ ಪರ್ಕಿ ನ್ಹಯ್. ಫಾ. ಮಹೇಶ್ ಏಕ್ ಕಿತ್ಲೊ ಬರೊ, ಪ್ರಾಮಾಣಿಕ್ ಯಾಜಕ್ ಆನಿ ಲೊಕಾಕ್ ತಾಚ್ಯಾ ಸರ್ವ್ ಬರ್‍ಯಾ, ಖರ್‍ಯಾ ವಾವ್ರಾಚೆರ್, ವ್ಯಕ್ತಿತ್ವಾಚೆರ್ ಕಿತ್ಲೊ ಅಭಿಮಾನ್, ಮೋಗ್ ಆಸ್‍ಲ್ಲೊ ಮ್ಹಳ್ಳ್ಯಾಕ್ ಹಾಜರ್ ಆಸ್‍ಲ್ಲ್ಯಾ ಲೊಕಾಚ್ಯಾ ಸಂಖ್ಯಾನ್ ಸಾಕ್ಸ್ ದಿಲಿ.

ಫಾ. ಮಹೇಶಾಚೆಂ ಮರಣ್ ನಿಗೂಢ್ ರಿತಿನ್ ಜಾಲಾಂ ಮ್ಹಳ್ಳೊ ದುಬಾವ್ ತಾಂಕಾಂ ಧೊಸ್‍ಲ್ಲ್ಯಾನ್, ಆನಿ ಇಗರ್ಜ್‍ಮಾತೆಚ್ಯಾ ವ್ಹಡಿಲಾಂನಿ ತ್ಯಾ ದುಬಾವಾಕ್ ತೇಲ್ ವೊತ್‍ಲ್ಲ್ಯಾನ್‍ಂಚ್ ತೊ ಭಿಗಡ್ಲೊ. ಶಿವಾಯ್ ಥಂಯ್ಸರ್ ಕೊಣ್‍ಯೀ ತಯಾರಿ ಕರ್ನ್ ವಾ ಷಡ್ಯಂತ್ರ್ ರಚುನ್ ಝಗ್ಡೆಂ-ಲಡಾಯ್-ಮಾರ್‌ಫಾರ್ ಕರುಂಕ್ ಆಯಿಲ್ಲೊ ನ್ಹಯ್. ಮಿಸಾಕ್ ಆನಿ ಸಿಮಿಸ್ತ್ರೆಕ್ ಹಾಜರ್ ಜಾಂವ್ಚೊ ಭಕ್ತಿಕ್ ಲೋಕ್ ಗೂಂಡಾ ಖಾಸ್ತಾಚೊ ಬಿಲ್ಕುಲ್ ನ್ಹಯ್. ರೌಡಿಂಪರಿಂ ಮಾರೆಕಾರ್ ಹಾತೆರಾಂ ಘೆವ್ನ್ ತೆ ಖಂಡಿತ್ ಯೇಂವ್ಕ್ ನಾಂತ್. ಕೊಣೆಂಯ್ ತೊಣ್ಕೆ, ಬೊಯ್ತಾಡೆ, ಫಾತೊರ್, ತಾಲ್ವಾರಿ ವಾ ಬಂದೂಕ್ಯೊ ಹಾಡುಂಕ್ ನಾಂತ್. ಲೊಕಾನ್ ಕೊಣಾಯ್ಚೆರೀ ಹಾತ್ ಘಾಲುಂಕ್ ನಾ, ಬಲಾತ್ಕಾರ್/ಅತ್ಯಾಚಾರ್ ಕರುಂಕ್ ನಾ. ತೆ ಫಕತ್ ಧಾರ್ಮಿಕ್ ಕಾರಣಾಂ ಖಾತಿರ್ ಆನಿ ಫಲಾಣ್ಯಾ ಉದ್ದೇಶಾ ಖಾತಿರ್ – ಮ್ಹಣ್ಜೆ ಆಲ್ಮಾಂವಾಂಕ್ ಮೀಸ್ ಭೆಟಂವ್ಕ್, ಮರಣ್ ಪಾವ್‍ಲ್ಲ್ಯಾಂಕ್ ಶ್ರದ್ಧಾಂಜಲಿ ಭೆಟಂವ್ಕ್ – ಆಯಿಲ್ಲೆ. ತಿತ್ಲೆಂಚ್.

ಫಾದರ್ ಮಹೇಶಾಚ್ಯಾ ಹೀನ್ ಮರ್ಣಾ ಉಪ್ರಾಂತ್ ಜಾಯ್ತಿಂ ಘಡಿತಾಂ ಘಡ್ಲ್ಯಾಂತ್ ತೆಂ ತುಮಿ ಜಾಣಾಂತ್ ಆಸ್ತೆಲ್ಯಾತ್. ಏಕ್ ಮಾಧ್ಯಮ್ ಜಾವ್ನ್ ‘ಬುಡ್ಕುಲೊ’ ಇ-ಪತ್ರಾನ್ ದೊಳೆ ಧಾಂಪುನ್, ನಿಸ್ತೇಜ್ ಜಾವ್ನ್, ನಿರ್ಲಿಪ್ತ್ ಉರೊನ್ ಪಲಾಯನ್ ಕರುಂಕ್ ಖಂಡಿತ್ ಸಾಧ್ಯ್ ನಾ. ತ್ಯಾ ದಿಶೆನ್ ಸತ್ ಜಾಣಾಂ ಜಾಂವ್ಕ್, ಹಕೀಗತ್ ಸಮ್ಜೊಂಕ್ ಥೊಡಿಂ ಪ್ರಯತ್ನಾಂ ಆಮಿ ಕೆಲಿಂ. ಗ್ರೌಂಡ್ ರಿಯಾಲಿಟಿ ಜಾಣಾಂ ಜಾಂವ್ಕ್ ಆಮಿ ಪೆಚಾಡ್ಲೆಂ. ತ್ಯಾ ದಿಶೆನ್, ಎಕಾ ಪುತಾಕ್ ಹೊಗ್ಡಾಯಿಲ್ಲ್ಯಾ ಆವಯ್ ಬಾಪಯ್ಕ್ ಕಾನ್ ದಿಂವ್ಚೆಂ ಅವಶ್ಯ್ ಮ್ಹಣೊನ್, ಆಮಿ ಬಾಪ್ ಮಹೇಶಾಚ್ಯಾ ವ್ಹಡಿಲಾಂ ಲಾಗಿಂ ಉಲಯ್ಲ್ಯಾಂವ್. ತಶೆಂ ಚಲಯಿಲ್ಲೊ ಸಂವಾದ್ ಆಮಿ ತುಮ್ಚೆ ಖಾತಿರ್ ಹಾಂಗಾ ದಿಲಾ.

ಇತ್ಲೆಂ ಮ್ಹಣ್ತಾನಾ, ಆಮ್ಚೊ ಉದ್ದೇಶ್/ಇರಾದೊ, ಪರತ್, ಸ್ಪಷ್ಟ್ ಕರ್ಚೆಂ ಗರ್ಜೆಚೆಂ ಮ್ಹಣ್ ದಿಸ್ತಾ. ಜಶೆಂ ಶಿರ್ವಾಂ ಫಿರ್ಗಜೆಚೊ ಲೋಕ್ ಸತ್ ಜಾಣಾಂ ಜಾಂವ್ಕ್, ನ್ಯಾಯ್ ಜೊಡುಂಕ್ ಪೆಚಾಡುನ್ ಆಸಾಗೀ, ಕಶೆಂ ತಾಚ್ಯಾ ಕುಟ್ಮಾಚಿಂ ಆಪ್ಲ್ಯಾ ಅಂತರ್ಲೆಲ್ಯಾ ವ್ಯಕ್ತಿಕ್ ಕಿತೆಂ ಜಾಲೆಂ ಮ್ಹಣ್ ಸಮ್ಜೊಂಕ್ ಅತ್ರೆಗ್ತಾತ್‍ಗೀ, ತಶೆಂಚ್ ‘ಬುಡ್ಕುಲೊ’ ಇ-ಪತ್ರ್‌ಯೀ ತ್ಯಾಚ್ ಖಾತಿರ್ ತಾಳೊ ಉಬಾರುನ್ ಆಸಾ. ಬಾಪ್ ಮಹೇಶಾಚೆಂ ಮರಣ್ ಮಿಸ್ತೆರಾ ಭರಿತ್ ಆಸಾ ದೆಕುನ್ ಉಬ್ಜಲ್ಲೆ ಗೊಂದೊಳ್ ನಿವಾರಿಜೆ, ದುಬಾವ್ ನಿತಳ್ ಕರಿಜೆ ಮ್ಹಳ್ಳೊಚ್ ಆಮ್ಚೊಯೀ ಇರಾದೊ. ಬಾಪ್ ಮಹೇಶ್ ಡಿಸೋಜಾನ್ ಜೀವ್ಘಾತ್ ಕೆಲಾಗೀ ವಾ ತಾಚಿ ಖುನಿ ಜಾಲ್ಯಾಗೀ ಮ್ಹಳ್ಳೆಂ ಸಾಂಗೊಂಕ್ ಕೊಣೀ ಸಕನಾಂತ್ ತಸಲಿ ಪರಿಸ್ಥಿತಿ ನಿರ್ಮಾಣ್ ಜಾಲ್ಲಿ ಕಿತ್ಯಾಕ್ ಮ್ಹಳ್ಳೆಂಚ್ ಆಮ್ಚೆಂಯೀ ಸವಾಲ್.

ತಶೆಂ ಮ್ಹಣ್ತಾನಾ, ಎಕ್ಲ್ಯಾಕ್ ನ್ಯಾಯ್ ವಿಚಾರ್ತಾನಾ, ತೆಂ ಆನ್ಯೇಕ್ಲ್ಯಾಕ್ ಅನ್ಯಾಯ್ ಕರಿಜೆ ಮ್ಹಳ್ಳೆಂ ಖಂಡಿತ್ ನ್ಹಯ್. ಹಾಂಗಾಯೀ ತಿತ್ಲೆಂಚ್. ಲೊಕಾನ್ ಆನಿ ಹರ್ಯೆಕ್ಲ್ಯಾಂನಿ ಬಾ. ಮಹೇಶಾಕ್ ಕಿತೆಂ ಜಾಲಾಂ, ಕಿತ್ಯಾಕ್ ತಶೆಂ ಜಾಲಾಂ ಮ್ಹಳ್ಳೆಂ ವಿಚಾರ್ಲಾಂ ಶಿವಾಯ್, ಕೊಣಾಯ್ ಎಕಾ ಫಲಾಣ್ಯಾ ವ್ಯಕ್ತಿಕ್ ಗುನ್ಯಾಂವ್ಕಾರ್ ಕರುಂಕ್ ನಾ ಆನಿ ತಶೆಂ ಕರುಂಕ್‍ಯೀ ಸಾಧ್ಯ್ ನಾ (ತಿ ಗಜಾಲ್ ತನ್ಖಿ ಕಿತೆಂ ಮ್ಹಣ್ತಾ ತಾಚೆರ್ ಹೊಂದ್ವೊನ್ ಆಸಾ). ಆಮ್ಚೆಂ ಧೋರಣ್‍ಯೀ ಸ್ಪಷ್ಟ್, ಆಮಿಯೀ ಕೊಣಾಯ್ಚೆ ವಿರೋಧ್ ಬಿಲ್ಕುಲ್ ನಾಂವ್, ಕೊಣಾಯ್ಕೀ ಬೋಟ್ ಜೊಕ್ಚೆಂ ಪ್ರಯತನ್ ಆಮ್ಚೆಂ ನ್ಹಯ್. (ಜರ್ ಕೊಣೀ ಅಪ್ರಾಧಿ/ಚುಕಿದಾರಾಕ್ ಗಳ್ಯಾಂತ್ ಲಾಸ್ತಾ ತರ್ ತಾಕಾ ತೆಚ್ ಜವಾಬ್ದಾರ್).

ತರ್ ಆತಾಂ ವಾಚಾ, ಫಾದರ್ ಮಹೇಶಾಚಿಂ ಆವಯ್ ಬಾಪಯ್ ಕಿತೆಂ ಮ್ಹಣ್ತಾತ್ ತೆಂ. ಮಣಿಪಾಲಾಂತ್ ನಿವೃತ್ತ್ ಜಿವಿತ್ ಸಾರುನ್ ಆಸ್ಚಿಂ ಮಾನೆಸ್ತ್ ಫ್ರೆಡ್ರಿಕ್ ಡಿಸೋಜ ಆನಿ ಮಾನೆಸ್ತಿಣ್ ಮೆಟಿಲ್ಡಾ ಡಿಸೋಜ ಆಪ್ಲೊ ಪೂತ್, ಕಿತ್ಯಾಕ್ ಅಸೊಯೀ ನಿರ್ಭಾಗಿ ಜಾಂವ್ಕ್ ಪಾವ್ಲೊ ಮ್ಹಳ್ಳೆಂ ಕಳನಾಸ್ತಾನಾ ಕಂಗಾಲ್ ಜಾಲ್ಯಾಂತ್. ಭೋವ್ ವಿಶ್ವಾಸಾನ್ ತಾಣಿಂ ‘ಬುಡ್ಕುಲೊ’ ಸಂಗಿಂ ಆಪ್ಲಿಂ ಭೊಗ್ಣಾಂ ವಾಂಟುನ್ ಘೆತ್ಲಿಂ. ಪುತಾಚ್ಯಾ ಯಾಜಕ್ಪಣಾಂತ್ ಜಾಂವ್, ಖಾಸ್ಗಿ ಜಿವಿತಾಂತ್ ಜಾಂವ್ ಕಿತೆಂಚ್ ಕಳಂಕ್ ನಾತ್‍ಲ್ಲೆಂ ತಿಂ ಜಾಣಾಂತ್. ತಾಚೆಂ ಸಾಧನ್, ತಾಲೆಂತಾಂ ಆನಿ ಪರಿಶ್ರಮ್ ತಾಂಕಾಂ ತಾಚೆರ್ ವಿಶೇಸ್ ಗೌರವ್ ಹಾಡುಂಕ್ ಕಾರಣ್ ಜಾಲ್ಲೆಪರಿಂಚ್; ತಾಚೆಂ ಜಿವಿತ್ ಕಿತ್ಯಾಕ್ ಇತ್ಲ್ಯಾ ಕ್ರೂರ್ ದುರಂತಾಕ್ ಸಾಂಪ್ಡಲೆಂ ಮ್ಹಳ್ಳೆಂ ಜಿರಂವ್ಕ್ ಸಕನಾಸ್ತಾನಾ ತಿಂ ದುಖಾಂತ್ ಪಡ್ಲ್ಯಾಂತ್. ಜಾಲ್ಲ್ಯಾ ಘಡಿತಾಂ ವರ್ವಿಂ ತಿಂ ಆಘಾತಾಕ್ ಸಾಂಪ್ಡಲ್ಯಾಂತ್.

ವಾಚಾ, ಬಾಪ್ ಮಹೇಶಾಚ್ಯಾ ಆವಯ್-ಬಾಪಯ್ಚಿಂ ಭೊಗ್ಣಾಂ. ಜಾಯ್ತಿಂ ಸತಾಂ, ಜಿಂ ತುಮ್ಕಾಂ ಎದೊಳ್ ಕಳಿತ್ ನಾತ್‍ಲ್ಲಿಂ, ಹ್ಯಾ ಮುಖಾಂತ್ರ್ ಕಳಿತ್ ಜಾತೆಲಿಂ. ಬಾಪ್ ಮಹೇಶಾಚ್ಯಾ ಕುಟ್ಮಾ ಖಾತಿರ್ ತುಮ್ಚೆಂ ಮಾಗ್ಣೆಂ ಆಸೊಂದಿ. ಸವೆಂ ಬಾಪ್ ಮಹೇಶಾಕ್ ಜಾಲ್ಲ್ಯಾ ಅನ್ಯಾಯಾಕ್ ಜೊಕ್ತೊ ಪರಿಹಾರ್ ಮೆಳೊಂದಿ ಮ್ಹಣ್‍ಯೀ ಮಾಗಾ. ಲೊಕಾಚೆಂ ಮಾಗ್ಣೆಂ ದೇವ್‍ಯೀ ಆಯ್ಕೊಂದಿ, ಸರ್ಕಾರ್‌ಯೀ ಮಾನುಂದಿ.

-ಸಂಪಾದಕ್

ಬುಡ್ಕುಲೊ: ತುಮ್ಚೊ ಪೂತ್ ಫಾದರ್ ಮಹೇಶ್ ಭಾರೀ ಬರೊ ಯಾಜಕ್ ಜಾವ್ನಾಸ್‍ಲ್ಲೊ ಮ್ಹಣ್ ಆಯ್ಕೊಂಕ್ ಮೆಳ್ತಾ. ತ್ಯಾ ವಿಶಿಂ ಜಾಯ್ತ್ಯೊ ಗಜಾಲಿ ಪ್ರಚಾರಾರ್ ಆಸಾತ್. ತೊ ಎಕಾ ಶಿಕ್ಪಿ, ಅನ್ಕೂಲ್‍ವಂತ್ ಕುಟ್ಮಾ ಥಾವ್ನ್ ಆಯಿಲ್ಲೊ, ತರೀ, ತೊ ಏಕ್ ಖಾಲ್ತೊ ಮನಿಸ್ ಜಾವ್ನಾಸ್‍ಲ್ಲೊ, ದುಬ್ಳ್ಯಾ ಧಾಕ್ಟ್ಯಾಂಚೊ ಹುಸ್ಕೊ ತಾಕಾ ಆಸ್‍ಲ್ಲೊ. ಕುಟ್ಮಾ ಥಾವ್ನ್ ಪೈಶೆ ಹಾಡವ್ನ್ ದುಬ್ಳ್ಯಾ ವಿದ್ಯಾರ್ಥಿಂಚೆ ಫೀಸ್ ಭರ್ತಾಲೊ, ಉದ್ಯೋಗಿಂಕ್ ಸಾಂಬಾಳ್ ದಿತಾಲೊ. ಹ್ಯಾ ತಾಚ್ಯಾ ಶೆಗುಣಾಂ ವಿಶಿಂ ಸಾಂಗಾ…

ಶ್ರೀಮತಿ ಮೆಟಿಲ್ಡಾ ಡಿಸೋಜ: ದುಬ್ಳ್ಯಾ ಧಾಕ್ಟ್ಯಾಂಚೊ ಮೋಗ್ ಆಮ್ಕಾಂಯೀ ಆಸ್‍ಲ್ಲೊ. ಕೊಣೀ ಕಾಂಯ್ ಕುಮಕ್ ವಿಚಾರ್ನ್ ಆಯಿಲ್ಲ್ಯಾ ವೆಳಾರ್ ವಾ ಆಮ್ಕಾಂ ತಶೆಂ ಭೊಗ್ತಾಲೆಂ ತರ್ ಆಮಿ ಆಮ್ಚೆಸ್ತಕಿಂ ಮಜತ್ ಕರ್ತೆಲ್ಯಾಂವ್. ಹೆಂ ತೊ ಘರಾಂತ್‍ಚ್ ಶಿಕ್‍ಲ್ಲೊ. ಆನಿ, ತಾಚ್ಯಾ ಇಸ್ಕೊಲಾಂತ್ ವಿದ್ಯಾರ್ಥಿಂಚೊ ಸಂಖೊ ಚಡಂವ್ಚ್ಯಾಕ್ ತೊ ದುಬ್ಳ್ಯಾ ವಿದ್ಯಾರ್ಥಿಂಕ್ ರಿಯಾಯ್ತ್ ದಿತಾಲೊ.

ಬುಡ್ಕುಲೊ: ಘರ್ಚ್ಯಾಂ ಥಾವ್ನ್ ಪೈಶೆ ವ್ಹರ್ನ್ ತೊ ಹೆರಾಂಕ್ ಮಜತ್ ದಿತಾಲೊ ಮ್ಹಣ್ ಸಬಾರಾಂ ಥಾವ್ನ್ ಆಯ್ಕಲೆಂ…

ಶ್ರೀಮತಿ ಮೆಟಿಲ್ಡಾ: ಇಸ್ಕೊಲಾಚ್ಯಾ ಬಾಂಧ್ಪಾ ಖಾತಿರ್ ಮ್ಹಣೊನ್ ತಾಣೆಂ ಘರಾ ಥಾವ್ನ್ ಪೈಶೆ ವ್ಹೆಲ್ಯಾತ್. ಆನಿ ಆಮಿ ತಾಕಾ ಮಹಿನ್ಯಾಕ್ ನಿರ್ದಿಶ್ಟ್ ಐವಜ್ ಖರ್ಚಾಕ್, ಗರ್ಜಾಂ ಖಾತಿರ್ ಮ್ಹಣೊನ್ ದಿತೆಲ್ಯಾಂವ್. ತಶೆಂಚ್ ಫೆಸ್ತಾಂಕ್, ತಾಚ್ಯಾ ಜಲ್ಮಾ ದಿಸಾ ವೆಳಾರ್ ಚಡ್ತಿಕ್ ದಿತೆಲ್ಯಾಂವ್. ತಾಂತ್ಲೆಯೀ ತಾಣೆಂ ಹೆರಾಂಕ್ ಕುಮಕ್ ಕರುಂಕ್ ವಾಪರ್ಲ್ಯಾತ್ ಆಸ್ತೆಲೆ. ತಾಚೆ ಥಾವ್ನ್ ಜಾಯ್ತ್ಯಾ ಭುರ್ಗ್ಯಾಂಕ್ ಕುಮಕ್ ಜಾಲ್ಯಾ ಮ್ಹಣ್ ಲೊಕಾನ್ ಸಾಂಗ್‍ಲ್ಲೆಂ ಆಮಿ ಆಯ್ಕಲಾಂ. ತೊ ಜಾವ್ನ್ ತೆಂ ಸಾಂಗೊಂಕ್ ವಚನಾತ್‍ಲ್ಲೊ.

ಬುಡ್ಕುಲೊ: ಏಕ್ ಖಾಲ್ತೊ ಯಾಜಕ್ ಆನಿ ಮೊಗಾಳಿ ಮನಿಸ್ ತೊ ಜಾವ್ನಾಸ್‍ಲ್ಲೊ ಮ್ಹಣ್ ಲೋಕ್ ಸಾಂಗ್ತಾ…

ಶ್ರೀಮತಿ ಮೆಟಿಲ್ಡಾ: ಖಾಲ್ತೆಂಪಣ್ ತಾಕಾ ಆಸ್‍ಲ್ಲೆಂ. ಕಷ್ಟಾಂತ್ ಆಸ್‍ಲ್ಲ್ಯಾಂಚೊ, ಗರ್ಜೆವಂತಾಂಚೊ ಹುಸ್ಕೊ ತಾಕಾ ಆಸ್‍ಲ್ಲೊ. ಪಿಡೆಸ್ತಾಂಚಿ ಭೆಟ್ ಕರ್ತಾಲೊ, ಪ್ರಾಯೆಸ್ತಾಂಕ್ ಕುಮ್ಗಾರ್ ವ್ಹರ್ನ್ ವೆತಾಲೊ. ವ್ಹಡಿಲಾಂ ಲಾಗಿಂ ಬೆಸಾಂವ್ ಮಾಗ್ತಾಲೊ. ತೆಂ ಪಳೆವ್ನ್ ಲೊಕಾಕ್ ತಾಚೆರ್ ಅಭಿಮಾನ್ ಆನಿ ಮೋಗ್ ಭರ್ಲೊ.

ಬುಡ್ಕುಲೊ: ತಾಚೆ ಕಷ್ಟ್ ಪುಣೀ ತುಮ್ಚೆ ಲಾಗಿಂ ತೊ ಸಾಂಗ್ತಾಲೊಗೀ?

ಶ್ರೀಮತಿ ಮೆಟಿಲ್ಡಾ: ತಾಚೆ ಕಷ್ಟ್ ಕೆದ್ನಾಂಯ್ ತಾಣೆಂ ವ್ಹಡ್ ಕರ್ನ್ ಸಾಂಗ್‍ಲ್ಲೆ ನಾಂತ್. ಘರಾ ಭೆಟ್ ದಿಂವ್ಚಿಚ್ ಆಪ್ರೂಪ್ ಆಸ್‍ಲ್ಲಿ. ತಾಚೆ ಭಾವ್ ಆಯಿಲ್ಲ್ಯಾ ವೆಳಾರ್ ಯೆತಾಲೊ, ಆಯ್ಲ್ಯಾರೀ ರಾಂವ್ಚೆಂ ಉಣೆಂ ಆಸ್‍ಲ್ಲೆಂ. ಏಕ್ ಪಾವ್ಟಿಂ ತಾಣೆಂ ತಾಚೆ ಕಷ್ಟ್ ಸಾಂಗ್‍ಲ್ಲೆ ಮ್ಹಳ್ಯಾರ್, ತಾಚೊ ಮಾನ್ ಕಾಡ್ನ್ ಏಕ್ ಅನಾಮಧೇಯ್ ಪತ್ರ್ ಸಾರ್ವಜನಿಕಾಂಕ್ ವಾಂಟ್‍ಲ್ಲ್ಯಾ ವೆಳಾರ್ ತೊ ಹಾಂಗಾ ಯೇವ್ನ್ ರಡ್‍ಲ್ಲೊ. ಶಿರ್ವಾಂ ಫಿರ್ಗಜ್‍ಗಾರಾಂಚ್ಯಾ ನಾಂವಾರ್ ಬಿಸ್ಪಾಕ್ ಉದ್ದೇಸುನ್ ತೆಂ ಬರಯಿಲ್ಲೆಂ, ಸಕಯ್ಲ್ ಸಾವುದ್ ಮಾಯ್ ಫಿರ್ಗಜೆಚಿ ದೇವ್ ಪರ್ಜಾ ಮ್ಹಣ್ ಆಸ್‍ಲ್ಲೆಂ. ತಾಣೆಂ ತ್ಯಾ ಪತ್ರಾಂತ್ಲೊ ವಿವರ್ ಕಿತೆಂಚ್ ಸಾಂಗೊಂಕ್ ನಾತ್‍ಲ್ಲೊ. ಪುಣ್ ಆಪ್ಣಾ ವಿಶಿಂ ನಾಕಾ ಜಾಲ್ಲೆಂ ಕಿತೆಂ ಪೂರಾ ಬರವ್ನ್ ಫಾಯ್ಸ್ ಕೆಲಾಂ ಮ್ಹಣ್ ದುಖಾನ್ ಸಾಂಗ್‍ಲ್ಲೆಂ ತಾಣೆಂ. ತೆಂ ಘಡ್‍ಲ್ಲೆಂ 2018 ನವೆಂಬರಾಂತ್. ತೊ ಮಸ್ತ್ ನಿರಾಶಿ ಜಾಲ್ಲೊ. ತಾಕಾ ಜಾಯ್ತೆಂ ಭುಜಯಿಲ್ಲೆಂ ಹಾಂವೆಂ. ಸಮಾಧಾನ್ ಘೆ ಮ್ಹಳೆಂ. ತೆದ್ನಾಂ ಹಾಂವೆಂ ವಿಗಾರ್ ಆನಿ ತುಜೆ ಮಧೆಂ ಉಲವ್ಣೆಂ ನಾಂಗೀ ಮ್ಹಣ್ ವಿಚಾರ್‌ಲ್ಲ್ಯಾಕ್ ತಾಣೆಂ ಕಾಂಯ್ ಜಾಪ್ ದೀಂವ್ಕ್ ನಾ, ಮಾತೆಂ ಮಾತ್ರ್ ಹಾಲಯ್ಲೆಂ. ವಿಗಾರಾ ವಿರೋಧ್ ತಾಣೆಂ ಕಿತೆಂಚ್ ಮ್ಹಳೆಂ ನಾ. ‘ಪುತಾ, ಜೆಜು ಕ್ರೀಸ್ತಾನ್‍ಯೀ ಮಸ್ತ್ ಕಷ್ಟ್ ಭೊಗ್‍ಲ್ಲೆ, ಅಶಿಚ್ ಪರಿಸ್ಥಿತಿ ಉರ್ಚಿ ನಾ, ಇಲ್ಲೆಶೆಂ ಸಮಾಧಾನ್ ಕಾಣ್ಗೆ, ತುಜ್ಯಾ (ಧಾರ್ಮಿಕ್) ವ್ಹಡಿಲಾಂ ಸಂಗಿಂ ಕಿತೆಂ ಸಾಂಗೊಂಕ್ ಆಸಾ ವಾ ಕರುಂಕ್ ಆಸಾ ತೆಂ ಕರ್’ ಮ್ಹಣ್ ಆಮಿ ಸಾಂಗ್ಲೆಂ. ತ್ಯಾ ಲಗ್ತಿಂ ಬಿಸ್ಪಾನ್ ತಾಕಾ ಆಪಯ್ಲಾಂಗೀ ವಾ ನಾ ತೆಂ ಏಕ್‍ಯೀ ತಾಣೆಂ ಆಮ್ಚೆ ಲಾಗಿಂ ಸಾಂಗೊಂಕ್ ನಾ.

ಅನಾಮಧೇಯ್ ಪತ್ರಾಕ್ ಮೋಲ್ ನಾ, ಕೊಣೀ ತೆಂ ಲೆಕಾಕ್ ಧರಿನಾ ತರೀ ತಾಂತುಂ ಎ ಟು ಝಡ್ ಎಕ್ಲ್ಯಾಕ್‍ಚ್ ಕೊಂಕುನ್ ಆಸಾ ತರ್ ಕಶೆಂ ಜಾಯ್ತ್? ತಾಚೆಂ ನಾಂವ್ ಘಾಲ್ನ್ಂಚ್ ಆರೋಪ್ ಮಾಂಡ್‍ಲ್ಲೆ.

ಬುಡ್ಕುಲೊ: ಕಿತೆಂ ಮ್ಹಣ್ ಆರೋಪ್ ಘಾಲ್ಲೆ?

ಶ್ರೀಮತಿ ಮೆಟಿಲ್ಡಾ: ಮಸ್ತ್ ಆರೋಪ್ ಆಸ್‍ಲ್ಲೆ. ‘ಲೊಬಾ ಭಿತರ್ಲೊ ಬೊಲ್ಪೊ, ರಾಜ್ ಮರ್ಜೆನ್ ಭೊಂವೊನ್ ಆಸಾ.. ಇಸ್ಕೊಲಾ ಖಾತಿರ್ ತಾಕಾ ತುಮಿ ಧಾಡ್ಲೆಂ, ಸಿಬಿಎಸ್‍ಸಿ ಮ್ಹಣೊನ್ ಶಿಕ್ಷಕಾಂ ಆನಿ ವಿದ್ಯಾರ್ಥಿಂಚೆರ್ ಅನಾವಶ್ಯ್ ವೊಜೆಂ ತಾಣೆಂ ದಿಲೆಂ… 10 ಕೊರೊಡಾಂಚೊ ವಹಿವಾಟ್ ಕೆಲೊ ಮ್ಹಣ್ತಾ, ಕಾಮ್ ಪಳೆತಾನಾ ತಿತ್ಲೆ ಖರ್ಚಿಲ್ಲೆಂ ದಿಸನಾ, ಕೊರೊಡಾಂನಿ ರುಪಯ್ ತಾಣೆಂ ಲಿಪವ್ನ್ ದವರ್ಲ್ಯಾತ್… ಕೊಯರಾಕ್ ರಿಗೊನ್ ಪೊಲಿಟಿಕ್ಸ್ ಕರುನ್ ತರ್ನಾಟ್ಯಾಂಚಿ ವಾಟ್ ಚುಕಯ್ಲ್ಯಾ…’ ತಸಲೆ ಆರೋಪ್ ಘಾಲ್ಲೆ.

2016 ಮೇ ಮಹಿನ್ಯಾ ಥಾವ್ನ್ 2018 ನವೆಂಬರ್ ಪರ್ಯಾಂತ್ ಖಂಯ್ ಗೆಲ್ಯಾರೀ ತೊ ಕೊಯರಾಂತ್ ಶಿಕಯ್ತಾಲೊ. ತೊ ಏಕ್ ಬರೊ ಸಂಗೀತ್‍ಗಾರ್. ತಿತ್ಲಿಂ ವರ್ಸಾಂ ಕೊಯರಾಂತ್ ತೊ ಆಸ್ತಾನಾ ಕಿತೆಂಯೀ ನಾತ್‍ಲ್ಲೆಂ, 2018 ಇಸ್ವೆಚ್ಯಾ ನವೆಂಬರಾಂತ್‍ಚ್ ಕಿತ್ಯಾಕ್ ತೊಪ್ಲೆಂ? ಆನಿ ಶಿರ್ವಾಂತ್ ಸಿಬಿಎಸ್‍ಸಿ ಕರಿಜೆ ಮ್ಹಣೊನ್‍ಂಚ್ ಶಿರ್ವಾಂ ಫಿರ್ಗಜ್‍ಗಾರಾಂನಿ ತಾಕಾ ವಿಚಾರ್ಲೆಲ್ಯಾನ್ ಬಿಸ್ಪಾನ್ ತಾಕಾ ಥಂಯ್ ಧಾಡ್‍ಲ್ಲೊ. ಥಂಯ್ಚ್ಯಾ ಲೊಕಾನ್ ವಚೊನ್ ವಿಚಾರ್ನ್ ಆಮ್ಕಾಂ ತರ್ನಾಟೊ ಪಾದ್ರ್ಯಾಬ್‍ಚ್ ಜಾಯ್ಜೆ ಮ್ಹಣ್ ವತ್ತಾಯ್ ಕರುನ್ ತಾಕಾ ಹಾಡಯಿಲ್ಲೊ. ಥಂಯ್ ಮಸ್ತ್ ವಾವ್ರ್ ಕರುಂಕ್ ಆಸ್‍ಲ್ಲೊ, ತೊ ತಾಣೆಂ ಕೆಲಾ.

‘ಆಮ್ಚೊ ಆತಾಂಚೊ ವಿಗಾರ್ ಭೋವ್ ಮೊಗಾಳಿ, ವಿಗಾರಾಕ್ ತಾಚಿ ಕುಸ್ಕುಟಾಚಿ ಮಜತ್ ನಾ… ಜರ್ ಹೆಂ ಮಹೇಶ್ ಮ್ಹಳ್ಳೆಂ ವೊಜೆಂ ಹಾಂಗಾ ಥಾವ್ನ್ ವಚತ್ ಜಾಲ್ಯಾರ್ ಆಮಿ ಹೆಂ ಚಾರ್ ಕೊರೊಡಾಂಚೆಂ ಲೋನ್ ಕಶೆಂಯೀ ಭರ್ತೆಲ್ಯಾಂವ್… ಹಾಕಾ ಓಡ್ದ್ ದಿಲ್ಲಿಚ್ ಚೂಕ್, ವೋಡ್ದ್ ದಿಂವ್ಚ್ಯಾ ಪಯ್ಲೆಂ ತನ್ಖಿ ಕರಿಜೆ ಆಸ್‍ಲ್ಲಿ… ಜರ್ ತುಮಿ ಹಾಕಾ ಹಾಂಗಾ ಥಾವ್ನ್ ವೆಳಾರ್ ಕಾಡಿನಾಂತ್, ತೊ ಆನಿ ತಾಚಿ ಸಾಟ್ಲಿ ಪೊಟ್ಲಿ ಬಾಂಧುನ್ ಆಮಿ ಥಂಯ್ ಹಾಡ್ನ್ ಉಡಯ್ತೆಲ್ಯಾಂವ್..’ ಅಶೆಂ ಪೂರಾ ಆಪ್ವಾದ್ ಮಾಂಡುನ್ ಬಿಸ್ಪಾಕ್ ಬರಯಿಲ್ಲೆಂ. ತೆಂ ಕೊಣಾ ಥಾವ್ನ್, ಕಿತ್ಯಾಕ್ ಮ್ಹಣ್ ಆಮ್ಕಾಂ ಗೊತ್ತು ನಾ.

ಮಾರ್ಚ್ 25 ತಾರಿಕೆರ್, ಸೊಮಾರಾ, ಆಮಿ ಶಿರ್ವಾಂ ಪಾದ್ರ್ಯಾಬಾಚ್ಯಾ ಘರಾ ಭೆಟ್ ದಿಲ್ಲಿ. ಆಮಿ ಘರಾ ರಾಂದ್‍ಲ್ಲೆಂ ವ್ಹರ್ನ್ ಕುಜ್ನಾಂತ್ ದೀವ್ನ್, ವಿಗಾರಾಕ್ ಆನಿ ಸಹಾಯಕ್ ವಿಗಾರಾಕ್ ಮೆಳೊನ್ ಆಯ್ಲ್ಯಾಂವ್. ಮಹೇಶ್ ದಫ್ತರಾಂತ್ ಆಸ್‍ಲ್ಲೊ. ದುಸ್ರ್ಯಾ ದಿಸಾ ಆಮ್ಚ್ಯಾ ಘರಾ, ಎಡ್ರೆಸ್ ಹಾತಾಂತ್ ಬರಯಿಲ್ಲ್ಯಾ ಕವರಾರ್ ಪೋಸ್ಟ್ ಆಯ್ಲೆಂ ಆನಿ ತಾಂತುಂ ತೆಂ ಲೆಟರ್ ಆಸ್‍ಲ್ಲೆಂ. ತೆಂ ವಾಚ್ತಚ್ ಮಾತ್ಯಾರ್ ಫಾತೊರ್ ಘಾಲ್ಲ್ಯಾಪರಿಂ ಜಾಲೆಂ ಆಮ್ಕಾಂ. ಪುತಾಕ್ ತೆಂ ಕಳ್ಳೆಂ. ತಾಚೆಂ ಲಾಗಿಂ ಹೆಂಚ್ ಪತ್ರ್‍ಗೀ ವಾಂಟ್‍ಲ್ಲೆಂ ಮ್ಹಣ್ ವಿಚಾರ್ಲೆಂ. ತಾಣೆಂ ವಾಚುನ್ ಪಳೆವ್ನ್ ‘ಹೆಂ ಪಿಂದುನ್ ಘಾಲ್ ಮಮ್ಮಿ’ ಮ್ಹಣಾಲೊ. ಪುಣ್, ಕಿತ್ಯಾಕ್‍ಗೀ ಮ್ಹಣ್ ಗೊತ್ತು ನಾ, ಹಾಂವೆಂ ತೆಂ ಪಿಂದುನ್ ಘಾಲುಂಕ್ ನಾ, ಬಗಾರ್ ಕಾಡ್ನ್ ದವರ್ಲೆಂ.

ಥೊಡ್ಯಾಂ ಲಾಗಿಂ ಹಾಂವೆಂ ತ್ಯಾ ವಿಶಿಂ ವಿಚಾರ್ತಾನಾ ತಿ ಆದ್ಲಿ ಗಜಾಲ್ ಮ್ಹಣಾಲೆ, ಆನಿ ತಾಂತುಂ ಕಾಂಯ್ ಜಾಯ್ನಾ ಮ್ಹಣಾಲೆ. ತೆಂ ವಾಚ್ತಾನಾ ಹ್ಯಾ ಚೆಕ್ರ್ಯಾನ್ ಕಶೆಂ ಸೊಸುನ್ ರಾಂವ್ಚೆಂ ಮ್ಹಣ್ ಮ್ಹಾಕಾ ಭೊಗ್ಲೆಂ. ತ್ಯಾ ವಿಶಿಂ ವ್ಹಡಿಲಾಂನಿ (ಬಿಸ್ಪಾನ್) ಆಪವ್ನ್ ವಿಚಾರ್ ಕೆಲಾಗೀ ಗೊತ್ತು ನಾ.

ಬುಡ್ಕುಲೊ: ತ್ಯಾ ಉಪ್ರಾಂತ್ ತುಮಿ ಕಿತೆಂಯೀ ಕೆಲೆಂಗೀ?

ಶ್ರೀಮತಿ ಮೆಟಿಲ್ಡಾ: ಪುತಾಕ್ ತ್ಯಾ ವಿಶ್ಯಾಂತ್ ಮಸ್ತ್ ವಿಚಾರ್ಲ್ಯಾರ್ ತಾಕಾ ಬರೆಂ ಜಾಯ್ನಾತ್‍ಲ್ಲೆಂ. ಆಪ್ಣಾ ಭೊಂವ್ತಿಂ ಆಸ್ಚೆಂ ನಾ-ಸಮಾಧಾನ್ ತೊ ಸಾಂಗನಾತ್‍ಲ್ಲೊ. ತಾಕಾ ಜಾಯ್ತೊ ಅಕ್ಮಾನ್ ಭೊಗುಂಕ್ ಮೆಳ್ಳಾ ಮ್ಹಣ್ ಹಾಂವೆಂ ಆಯ್ಕಲಾಂ. ತಾಕಾ ಜಾಲ್ಲೊ ಅನ್ಯಾಯ್ ಆಮ್ಕಾಂ ಚಡ್ ಮಾಪಾನ್ ಗೊತ್ತುನಾ, ಪುಣ್ ಆಯ್ಕೊನ್ ಗೊತ್ತಾಸಾ. ಆಲ್ತಾರಿ ಥಾವ್ನ್‍ಂಚ್ ಕೊಯರಾ ವಿಶಿಂ ತಾಚಿ ಠಿಕಾ ಕೆಲ್ಲಿ ಮ್ಹಣ್ ಲೋಕ್ ಸಾಂಗ್ತಾ. ಮಹೇಶ್ ಇಸ್ಕೊಲಾಚ್ಯಾ ಕಾಮಾಂತ್‍ಚ್ ವ್ಯಸ್ತ್ ಆಸ್ತಾಲೊ. ಪುಣ್ ತೆಂ ಕಾಗದ್ ವಾಚುನ್ ತೊ ರಡ್ತಾಲೊ ಮ್ಹಣ್, ಇಸ್ಕೊಲಾಂತ್ ಜೆವಣ್ ತಯಾರ್ ಕರ್ಚೆ ಭುರ್ಗೆ ಆಸ್‍ಲ್ಲೆ (ತೆ ಆತಾಂ ನಾಂತ್), ಮರ್ಣಾಕ್ ಆಯಿಲ್ಲ್ಯಾ ವೆಳಾರ್ ಉಲಯ್ತಾನಾ ತಾಣಿಂ ಸಾಂಗ್ಲೆಂ. ಮಹೇಶಾಕ್ ಇಸ್ಕೊಲಾ ಥಾವ್ನ್ ಪಯ್ಸ್ ಧಾಡುಂಕ್ ಪ್ರಯತ್ನ್ ಚಲ್ಲಾಂ ಮ್ಹಣ್ ಲಾಗ್ಶಿಲ್ಯಾನಿಂ ಮ್ಹಾಕಾ ಸಾಂಗ್ಲಾಂ. ತಾಣೆಂ ಜಾಯ್ತೊ ಅಕ್ಮಾನ್ ಸೊಸ್ಲಾ ಮ್ಹಳ್ಳೆಂ ಆಯ್ಕಲಾಂ.

ಇಸ್ಕೊಲಾಚ್ಯಾ ಕಾಮಾ ಖಾತಿರ್ ತೊ ಕಿತ್ಲೆ ಪಾವ್ಟಿಂ ಬೆಂಗ್ಳುರ್ ಆನಿ ಡೆಲ್ಲಿ ಗೆಲಾ ಮ್ಹಳ್ಳೆಂ ಶ್ರದ್ಧಾಂಜಲಿ ಪಾಟಯಿಲ್ಲ್ಯಾ ಬಾಪ್ ಸ್ಟ್ಯಾನಿ ತಾವ್ರೊನ್ ವಿವರ್ ದಿಲಾ. ಬಾಪಾಯ್ಚೆಂ ಸ್ಕಾರ್ಪಿಯೊ ತೊಚ್ ಡ್ರೈವಿಂಗ್ ಕರ್ನ್ ಬೆಂಗ್ಳುರ್ ವೆತಾಲೊ. ದೇಡ್ ವರ್ಸಾಚ್ಯಾ ತಾಚ್ಯಾ ಪರಿಶ್ರಮಾನ್ ಎಫೀಲಿಯೇಶನ್ ಮೆಳ್ಳೆಂ. ಹ್ಯಾ ಪಾವ್ಟಿಂ ಸಿಬಿಎಸ್‍ಸಿಂತ್ ಧಾವ್ಯಾ ಕ್ಲಾಸಿಚೆಂ ಪಯ್ಲೆಂ ಬ್ಯಾಚ್ ಪರೀಕ್ಷಾ ಬರಯ್ತಾ.

ಸಿಬಿಎಸ್‍ಸಿಚ್ಯಾ ಪ್ಯಾರಾಮೀಟರಾ ಪರ್ಮಾಣೆಂ ಕಿತೆಂ ಪೂರಾ ಜಾಂವ್ಕ್ ಆಸಾ ತೆಂ ಸರ್ವ್ ತಾಣೆಂ ಕರಯ್ಲಾಂ. ಮ್ಯಾನೇಜ್‍ಮೆಂಟ್ ಕಮಿಟಿನ್ ತಾಕಾ ಬರೊ ಸಹಕಾರ್ ದಿಲಾ. ದುಬಾಯ್ ಥಾವ್ನ್, ಮಂಗ್ಳುರ್ಗಾರ್ ಉದ್ಯಮಿ ಮೈಕಲ್ ಡಿಸೋಜಾನ್ ವ್ಹಡ್ ಐವಜ್ ದಿಲಾ. ಲೋನ್ ಜಾಯ್ತೆಂ ಫಾರಿಕ್ ಕೆಲಾಂ ಮ್ಹಳ್ಳೆಂ ಆಯ್ಕಲಾಂ. ಇಸ್ಕೊಲಾಕ್ ಆಯಿಲ್ಲೊ ದುಡು ಇಗರ್ಜೆಕ್ ದೀಜೆ ಮ್ಹಣ್ತಾತ್ ಮ್ಹಳ್ಳೆಂಯೀ ಆಮಿ ಆಯ್ಕಲಾಂ (ಕೋಣ್, ಕಿತೆಂ ಮ್ಹಣ್ ಆಮಿ ವಿಚಾರುಂಕ್ ನಾ). ಆನಿ, ಮಹೇಶಾಕ್ ಟ್ರಾನ್ಸ್‍ಫರ್ ಘೆವ್ನ್ ವಚ್ ಮ್ಹಣ್ ಸಾಂಗ್‍ಲ್ಲೆಂ ಖಂಯ್ ಮ್ಹಣ್ ಪೋರ್ ಲೊಕಾನ್ ಬೋಬ್ ಮಾರ್ನ್ ಸಾಂಗ್‍ಲ್ಲೆಂಯೀ ಆಯ್ಕಲಾಂ. ಅಕ್ತೋಬರ್ 11 ತಾರಿಕೆರ್‌ಚ್ಚ್ ತಾಕಾ ಟ್ರಾನ್ಸ್‍ಫರಾಚಿ ಖಬರ್ ಪಾವಿತ್ ಕೆಲ್ಯಾ ಮ್ಹಣ್‍ಯೀ ಆಯ್ಕೊಂಕ್ ಮೆಳ್ತಾ (ತಿ ಕಶಿ ದಿಲ್ಲಿ ಮ್ಹಣ್ ಆಮಿ ನೆಣಾಂವ್).

ಸಪ್ತೆಂಬರ್ 28 ತಾರಿಕೆರ್ ಏಕ್ ಸೆಮಿನಾರ್ ಆಸ್‍ಲ್ಲಿ. ಮಹೇಶ್ ಬೆಂಗ್ಳುರ್ ಥಾವ್ನ್ ರಾತಿಚೆಂ ಪಯ್ಣ್ ಕರ್ನ್ 2 ವೊರಾರ್ ಪಾವ್‍ಲ್ಲೊ. ತ್ಯಾ ಸಂದರ್ಭಾರ್‌ಯೀ ಮಹೇಶಾಕ್ ತಾಚಿ ಪುರಾಸಣ್ ಸಯ್ತ್ ಲೆಕಿನಾಸ್ತಾನಾ ಅಕ್ಮಾನ್ ಕೆಲಾ (ವಿವರ್ ವಾಚ್ಪ್ಯಾಂಕ್ ದಿಂವ್ಚೊ ನಾಕಾ). 29 ತಾರಿಕೆರ್ ಮಹೇಶ್ ಘರಾ ಯೇವ್ನ್ ಜೇವ್ನ್ ಇಲ್ಲೊ ವಿಶೆವ್ ಘೆವ್ನ್ ಗೆಲ್ಲೊ. ಉಪ್ರಾಂತ್ ಜೀವನ್ ಜ್ಯೋತಿ ಶಿಬಿರ್ ಆನಿ ಟೀಚರ್ಸ್ ಟ್ರೈನಿಂಗ್ ಆಸ್‍ಲ್ಲೆಂ. ತಶೆಂ ತೊ ವ್ಯಸ್ತ್ ಆಸ್‍ಲ್ಲೊ. (ತ್ಯಾ ಸಂಗ್ತಿಂತ್‍ಯೀ ಜಾಯ್ತಿ ವಾಡಾವಳ್ ಘಡ್ಲ್ಯಾ).

ಬುಡ್ಕುಲೊ: ಕಣಜಾರಾಕ್ ಟ್ರಾನ್ಸ್‌ಫರ್ ಜಾತಾ ಮ್ಹಣ್ ಖಬರ್ ಜಾಲ್ಲಿ ಮ್ಹಣ್ ಲೋಕ್ ಉಲಯ್ತಾ…

ಶ್ರೀಮತಿ ಮೆಟಿಲ್ಡಾ: ತೆಂ ಪೂರಾ ಆತಾಂ ಆಯ್ಕೊಂಕ್ ಮೆಳ್ತಾ. ಟ್ರಾನ್ಸ್‌ಫರಾ ವಿಶಿಂ ತಾಕಾ ನಿರೀಕ್ಷಾಚ್ ನಾತ್‍ಲ್ಲಿ. ಕಿತ್ಯಾಕ್ ಮ್ಹಳ್ಯಾರ್ ತಾಚೆಂ ಪ್ರೊಜೆಕ್ಷನ್ ಜಾಯ್ತೆಂ ಆಸ್‍ಲ್ಲೆಂ. ಆಡಿಟೋರಿಯಂ, ಪಾವ್ಸಾಂತ್ ಕಿಂರ್ಚಿ ಜಾಂವ್ಚೆ ಕಡೆನ್ ಇಂಟರ್‌ಲಾಕ್ಸ್ ಘಾಲ್ಚೆ ತಸಲಿಂ ಯೋಜನಾಂ ಆಸ್‍ಲ್ಲಿಂ. ಇಸ್ಕೊಲಾಚಿ ಅಭಿವೃದ್ಧಿ ಮ್ಹಣ್ತಾನಾ ಸಬಾರ್ ವರ್ಸಾಂಚಿ ಆವ್ದಿ ಗರ್ಜ್ ಪಡ್ತಾ (ಹೆರ್ ಯಾಜಕಾಂಕ್ ತ್ಯಾಚ್ ಖಾತಿರ್ ಉರಯ್ಲಾಂ). ಡೊನ್ ಬೊಸ್ಕೊ ಇಸ್ಕೊಲಾಕ್ ಕರ್ನಾಟಕಾಂತ್‍ಚ್ ನಂ. 1 ಇಸ್ಕೊಲ್ ಕರುಂಕ್ ಮಹೇಶಾಕ್ ಭಾರೀ ಆಶಾ ಆಸ್‍ಲ್ಲಿ.

ಬುಡ್ಕುಲೊ: ಮ್ಹಳ್ಯಾರ್, ತೊ ಆಪ್ಲ್ಯಾ ಇಸ್ಕೊಲಾ ಖಾತಿರ್ ಪುರ್ತೊ ಕಮಿಟೆಡ್/ಡೆಡಿಕೇಟೆಡ್ ಜಾವ್ನಾಸ್‍ಲ್ಲೊ, ನ್ಹಯ್ಗೀ?

ಶ್ರೀ ಫ್ರೆಡ್ರಿಕ್/ಶ್ರೀಮತಿ ಮೆಟಿಲ್ಡಾ: ವ್ಹಯ್, ತೊ ತ್ಯಾ ಖಾತಿರ್ ಡೆಡಿಕೇಟೆಡ್ ಆಸ್‍ಲ್ಲೊ. ಶಿಕ್ಷಕ್ ಜಾವ್ನ್ ಫಕತ್ ದೋನ್‍ಂಚ್ ವರ್ಸಾಂನಿ ತಾಣೆಂ ‘ಜಿಲ್ಲಾ ಶಿಕ್ಷಕ ಪ್ರಶಸ್ತಿ’ ಆಪ್ಣಾಯಿಲ್ಲಿ (ತಸ್ವೀರ್ ಚಿಡ್ಕಾಯ್ಲ್ಯಾ). ಅಕ್ತೋಬರ್ 11ವೆರ್ ಶಿಕ್ಷಕಾಂಚೆಂ, ಎಕಾ ದಿಸಾಚೆಂ ಟ್ರೈನಿಂಗ್ ಜಾಲಾಂ. (ತ್ಯಾ ದಿಸಾ ಮುಖೆಲ್ ಸೈರ್‍ಯಾನ್ ಉಲಯಿಲ್ಲೆಂ ಸಾರ್ಕೆಂ ನಾ ಮ್ಹಣ್ ಉಲೊಣೆಂ ಚಲ್ಲಾಂ). ತ್ಯಾ ದೀಸ್ ಆಪ್ಣಾಕ್ ವರ್ಗ್ ಆಸಾ ಮ್ಹಣ್ ಮಹೇಶಾನ್‍ಂಚ್ ಥೊಡ್ಯಾಂಕ್ ಖಬರ್ ದಿಲ್ಯಾ ಮ್ಹಣ್ ಆಯ್ಕಲಾಂ. (ವರ್ಗ್ ಕೆದಾಳಾ ಆಸಾ ಮ್ಹಳ್ಳೆಂ ಕಳಿತ್ ನಾ, ಪುಣ್ ಆಸಾ ಮ್ಹಳ್ಳೆಂ ತಾಕಾ ಸಾಂಗ್ಲಾಂ).

ಬುಡ್ಕುಲೊ: ಬಾಪ್ ಮಹೇಶ್ ಕುಟ್ಮಾ ಲಾಗಿಂ ವಾ ಹೆರ್ ಕೊಣೀ ಆತ್ಮೀಯ್ ವ್ಯಕ್ತಿಂ ಲಾಗಿಂ ಹ್ಯೊ ಗಜಾಲಿ ಸಾಂಗನಾತ್‍ಲ್ಲೊಗೀ?

ಶ್ರೀಮತಿ ಮೆಟಿಲ್ಡಾ: ಕಿತೆಂಯೀ ಆಸ್ಲ್ಯಾರ್ ತೊ ಮ್ಹಜೆ ಲಾಗಿಂಚ್ ಸಾಂಗ್ತಾಲೊ. ಬಾಪಾಯ್ಚಿ ಭಲಾಯ್ಕಿ ಬರಿ ನಾತ್‍ಲ್ಲ್ಯಾನ್ ತಾಕಾ ಚಡ್ ಸಾಂಗೊಂಕ್ ವಚನಾತ್‍ಲ್ಲೊ. ವಿಚಾರ್ಲ್ಯಾರ್, ಮ್ಹಜೆಂ ವೊಜೆಂ ತುಮಿ ಕಾಣ್ಗೆನಾಕಾತ್ ಮ್ಹಣ್ತಾಲೊ. ತಿತ್ಲ್ಯಾಕೀ ತೆಂ ಸರ್ವ್ ಉಲವ್ನ್ ಬಸೊಂಕ್ ತಾಕಾ ವೇಳ್ ಖಂಯ್ ಆಸ್‍ಲ್ಲೊ? ತಾಚ್ಯಾ ಇಷ್ಟಾಂ ಲಾಗಿಂ ತಾಣೆಂ ಕಾಂಯ್ ಸಾಂಗ್ಲಾಂ ಆಸೊಂಕ್ ಪುರೊ. ಆಮ್ಚ್ಯಾ ಕುಟ್ಮಾಚ್ಯಾ ವಾಟ್ಸಪ್ ಪಂಗ್ಡಾಂತ್ ಕಿತೆಂಯ್ ವಿಶೇಸ್ ಗಜಾಲ್ ಆಸ್ಲ್ಯಾರ್ ಸಾಂಗ್ತಾಲೊ.

ಬುಡ್ಕುಲೊ: ಮೊರ್ಚ್ಯಾ ದಿಸಾ ತಾಣೆಂ ಕಿತೆಂಯೀ ಸಾಂಗ್‍ಲ್ಲೆಂಗೀ?

ಶ್ರೀಮತಿ ಮೆಟಿಲ್ಡಾ: ಸಕಾಳಿಂಚೆಂ ಗುಡ್ ಮಾರ್ನಿಂಗ್ ಮೆಸೇಜ್ ಧಾಡ್ತಾಲೊ. 4 ತಾರಿಕೆರ್ ತಾಚಿ ಏಕ್ ಮೆಸೇಜ್ ಆಯಿಲ್ಲಿ – ‘Behind every priest there is a demon fighting for his fall’. ತಾಕಾ ಹಾಂವೆಂ, ‘ಬೆಜಾರ್ ಕರಿನಾಕಾ, ಹರ್ಯೆಕಾ ಮ್ಹಜ್ಯಾ ಉಸ್ವಾಸಾಂತ್ ತುಂ ಆಸಾಯ್ ಪುತಾ, ತುಜೆ ಖಾತಿರ್ ಹಾಂವ್ ಮಾಗ್ತಾಂ. Be simple and dynamic, that is the beauty’ ಮ್ಹಣ್ ಜಾಪ್ ದಿಲ್ಲಿ.

ಬುಡ್ಕುಲೊ: ತೊ ಮಾಗ್ಣೆಂ ಕರ್ತಾಲೊ ನ್ಹಯ್ಗೀ? ಮಾಗ್ಣ್ಯಾಂತ್ ತಾಕಾ ಭರ್ವಸೊ ಆಸ್‍ಲ್ಲೊಮೂ?

ಶ್ರೀಮತಿ ಮೆಟಿಲ್ಡಾ: ಬಾಪ್ ಸ್ಟ್ಯಾನಿ ತಾವ್ರೊನ್ ಪೋರ್ ಸಾಂಗ್ಲೆಂ, ‘ಆಮ್ಚ್ಯಾ ಕಷ್ಟಾಂಚ್ಯಾ ವೆಳಾರ್ ಆಮಿ ದೊಗೀ ಮೆಳೊನ್ ಸಾವುದ್ ಮಾಯೆ ಲಾಗಿಂ ಯೇವ್ನ್ ತೇರ್ಸ್ ಕರ್ತೆಲ್ಯಾಂವ್’ ಮ್ಹಣೊನ್. ತಾಚ್ಯಾ ಥೊಡ್ಯಾ ಫಿರ್ಗಜ್‍ಗಾರಾಂನಿ ಮ್ಹಜೆ ಲಾಗಿಂ ಸಾಂಗ್ಲಾಂ, ಕೀ, ಕಿತ್ಲೆಗೀ ಪಾವ್ಟಿಂ ತೊ ಎಕ್ಲೊಚ್ ಇಗರ್ಜೆಕ್ ಯೇವ್ನ್ ಹಾತ್ ವಯ್ರ್ ಕರ್ನ್ ದೊಳ್ಯಾಂತ್ ದುಖಾಂ ದೆಂವವ್ನ್ ಮಾಗ್ಣೆಂ ಕರ್ತಾಲೊ ಮ್ಹಣ್. ತ್ಯಾ ದಿಸಾಚೆಂ ಟ್ರೈನಿಂಗ್ ಸಂಪೊನ್, ಮೀಸ್ ಜಾಲಾಂ, ಆರಾಧನ್ ಜಾಲಾಂ. ತಾಚ್ಯಾ ಉಪ್ರಾಂತ್ ಸಾಂಜೆರ್ ಕಿತೆಂ ಜಾಲಾಂ ಆಮ್ಕಾಂ ಖಬರ್ ನಾ. ತೊ ತಾಚೊ ಬಿಸೀ ಹಫ್ತೊ ಜಾಲ್ಲ್ಯಾನ್ ಆಮಿ ಫೋನ್ ಕರುಂಕ್ ನಾತ್‍ಲ್ಲೆಂ. ಗರ್ಜ್ ಆಸ್ಲ್ಯಾರ್ ಫೋನ್ ಕರ್ತಾಲೊ. ಆಯ್ತಾರಾ ದೊನ್ಪಾರಾಂಚೆಂ ತೊ ನಿದನಾತ್‍ಲ್ಲೊ. ಇಸ್ಕೊಲಾಚ್ಯಾ ದಫ್ತರಾ ಥಾವ್ನ್ ಫೋನ್ ಕರ್ನ್ ಉಲಂವ್ಚೆಂ ಆಸ್‍ಲ್ಲೆಂ.

ಬುಡ್ಕುಲೊ: ತೊ ರಾತಿಚೆಂ ತಡವ್ ಕರ್ನ್ ಇಸ್ಕೊಲಾಚ್ಯಾ ದಫ್ತರಾಂತ್ ಕಾಮ್ ಕರ್ತಾಲೊಗೀ?

ಶ್ರೀಮತಿ ಮೆಟಿಲ್ಡಾ: ವ್ಹಯ್. ಗರ್ಜ್ ಆಸ್ತಾನಾ ದಫ್ತರಾಂತ್ ಬಸೊನ್ ಕಾಮ್ ಕರ್ಚಿ ಸವಯ್ ತಾಕಾ ಆಸ್‍ಲ್ಲಿ. ವ್ಯಸ್ತ್ ಕಾಮ್ ಆಸ್ಲ್ಯಾರ್ ಜೆವಣ್ ಕರ್ನ್ ಯೇವ್ನ್ ಬಸ್ತಾಲೊ. ದೊನ್ಪಾರಾಂಚೆಂಯೀ ಇಸ್ಕೊಲಾಂತ್ ಬಿಸಿಯೂಟಚೆಂ ಜೆವಣ್ ಜೇವ್ನ್ ಸುಧಾರ್ಸಿತಾಲೊ. ಕೆದ್ನಾಂಯ್ ವೆಳಾರ್ ಜೇವ್ ಮ್ಹಣ್ ಆಮಿ ತಾಕಾ ಸಾಂಗ್ತಾಲ್ಯಾಂವ್.

ಬುಡ್ಕುಲೊ: ಬಾಪ್ ಮಹೇಶ್ ಅಂತರ್ಲಾ ಮ್ಹಣ್ ತುಮ್ಕಾಂ ಕೆದಾಳಾ ಖಬರ್ ಮೆಳ್‍ಲ್ಲಿ?

ಶ್ರೀಮತಿ ಮೆಟಿಲ್ಡಾ: ಆಮ್ಕಾಂ ಫಾಂತ್ಯಾರ್ ಪಾಂಚ್ ವೊರಾರ್ ಹಾಂಗಾ ಯೇವ್ನ್‍ಂಚ್ ಖಬರ್ ದಿಲ್ಲಿ. ರಾತಿಂ ತೀನ್ ವೊರಾರ್ ಆಮ್ಚ್ಯಾ ಸುನೆಚ್ಯಾ ಬಾಪಾಯ್ಚೆಂ ‘ಮಹೇಶ್ ಕಸೊ ಆಸಾ?’ ಮ್ಹಣ್ ವಿಚಾರ್ನ್ ಫೋನ್ ಆಯಿಲ್ಲೆಂ, ತಿತ್ಲೆಂಚ್. ಹೆರ್ ಕಿತೆಂಚ್ ಖಬರ್ ನಾತ್‍ಲ್ಲಿ. ಮ್ಹಜ್ಯಾ ಭಾವಾಕ್, ಆಸ್ಟಿನಾಕ್ ಮಾತ್ರ್ ಖಬರ್ ದಿಲ್ಲಿ. ಕೂಡ್ ಮೊರ್ಚುವರಿಂತ್ ದವರ್ನ್ ಹಾಂಗಾ ಯೇವ್ನ್ ಆಮ್ಕಾಂ ಸಾಂಗ್‍ಲ್ಲೆಂ.

ಬುಡ್ಕುಲೊ: ಬಾಪ್ ಮಹೇಶಾಚೆಂ ಮರಣ್ ಜಾಲಾಂ ಮ್ಹಣ್ ಕೊಣಾಕ್ ಪಯ್ಲೆಂ ಖಬರ್ ಮೆಳ್‍ಲ್ಲಿ, ತುಮ್ಕಾಂ ತ್ಯಾ ವಿಶಿಂ ಕಳಿತ್ ಆಸಾಗೀ?

ಶ್ರೀಮತಿ ಮೆಟಿಲ್ಡಾ: ವಿಗಾರ್ ಗಾಂವಾಂತ್ ನಾತ್‍ಲ್ಲೊ. ಸಹಾಯಕ್ ವಿಗಾರ್ ಆಸ್‍ಲ್ಲೊ. ‘8.20ಶೆಂ ಜೆವ್ಣಾಕ್ ವೆತಾನಾ ಫಾದರ್ ಮಹೇಶ್ ಫೊನಾರ್ ಆಸ್‍ಲ್ಲೊ, ಜೆವ್ಣಾಕ್ ಯೆಯಾ ಫಾದರ್ ಮ್ಹಣ್ ಆಪಯಿಲ್ಲ್ಯಾಕ್, ತುಂ ವಚ್ ಹಾಂವ್ ಉಪ್ರಾಂತ್ ಯೆತಾಂ ಮ್ಹಳೆಂ’ ಮ್ಹಣ್ ಸಹಾಯಕ್ ವಿಗಾರಾನ್ ಸಾಂಗ್ಲಾಂ.

‘ಉಪ್ರಾಂತ್ ದಫ್ತರಾಂತ್ ಆಪುಣ್ ಬಸೊನ್ ಆಸ್ತಾನಾ ಏಕ್ ಗಾಡಿ ಆಯ್ಲಿ, ತಾಂತ್ಲೊ ಏಕ್ ವ್ಯಕ್ತಿ ದೆಂವೊನ್ ಫಾದರ್ ಮಹೇಶ್ ಖಂಯ್ ಆಸಾ ಮ್ಹಣ್ ವಿಚಾರ್ಲೆಂ, ಗೊತ್ತು ನಾ ಮ್ಹಳೆಂ. ಉಪ್ರಾಂತ್ ಬಾಪಯ್ ಆಯ್ಲೊ, ತಾಣೆಂಯೀ ತೆಂಚ್ ವಿಚಾರ್ಲೆಂ (ಇಲ್ಲಿಶಿ ಚರ್ಚಾ ಜಾಲಿ). ತವಳ್ ಉಪಾಧ್ಯಕ್ಷಾಕ್ ಆಪಯ್ಲೆಂ. ಉಪ್ರಾಂತ್ ತೆ ಗೆಲೆ’ ಮ್ಹಣ್ ಕಳಯ್ಲಾಂ. ಉಪ್ರಾಂತ್ ಫಾ. ಮಹೇಶಾಚಿಂ ಸೊಧ್ನಾಂ ಸುರು ಜಾಲಿಂ ಮ್ಹಣ್ತಾತ್. ತೊಟಾಂತ್, ಬಾಂಯ್ತ್ ಪಳೆಲೆಂ ಖಂಯ್…

ಬುಡ್ಕುಲೊ: ತೆಣೆಂ ಕಿತ್ಯಾಕ್! ಇಸ್ಕೊಲಾಚ್ಯಾ ದಫ್ತರಾಂತ್ ಸೊಧಿಜೆ ಆಸ್‍ಲ್ಲೆಂ ನ್ಹಯ್ಗೀ..?

ಶ್ರೀಮತಿ ಮೆಟಿಲ್ಡಾ: ಹಾಂವೆಂ ಮ್ಹಣ್ಚೆಂಯೀ ತೆಂಚ್! ಘರಾಂತ್ ತೊ ನಾ ತರ್ ದಫ್ತರಾಂತ್ ಆಸ್ತಾಲೊ. ಅಶೆಂ ಮ್ಹಣ್ತಾನಾಂಚ್ ಆಮ್ಕಾಂ ದುಬಾವ್ ಮಾರ್ತಾ. ಆಪ್ಲಿ ಜಿಣಿ ಆಖೇರ್ ಕರುಂಕ್ ತಾಣೆಂ ಚಿಂತ್‍ಲ್ಲೆಂ ತರ್, ತಾಕಾ ಕಾರಣ್ ಕಿತೆಂ ಮ್ಹಣ್ ತೊ ಬರವ್ನ್ ದವರಿನಾತ್‍ಲ್ಲೊಗೀ ಮ್ಹಣ್ ಆಮ್ಕಾಂ ಸವಾಲ್ ಉದೆತಾ. ಉಪ್ರಾಂತ್ ಇಸ್ಕೊಲಾಚ್ಯಾ ದಫ್ತರಾ ಲಾಗ್ಸರ್ ಎಕಾ ಟಾಯ್ಲೆಟಾಚೊ ಲೈಟ್ ಪೆಟ್ತಾಲೊ ಪಳೆವ್ನ್ ತೆವ್ಶಿನ್ ಸೊಧುನ್ ಗೆಲೆ ಮ್ಹಣ್ ಸಾಂಗ್ತಾತ್. ಮಹೇಶಾಚ್ಯಾ ದಫ್ತರಾಂತ್ ಉಜ್ವಾಡ್ ನಾತ್‍ಲ್ಲೊ ಖಂಯ್. ಆಪಯಿಲ್ಲ್ಯಾಕ್ ಜಾಪ್ ನಾತ್‍ಲ್ಲ್ಯಾನ್ ಬಾಗ್ಲಾ ಲಾಗಿಂ ವೆತಾನಾ ಆರ್ಶ್ಯಾಂತ್ ಕೋಣ್‍ಗೀ ಉಬೆಂ ರಾವ್‍ಲ್ಲೆಪರಿಂ ದಿಸ್ತಾಲೆಂ ಮ್ಹಣ್ತಾತ್. ಉಪ್ರಾಂತ್ಲಿ ಖಬರ್ ಚಡ್ ಆಮ್ಕಾಂ ಕಳಿತ್ ನಾ. ಉಪ್ರಾಂತ್ ಬಿಸ್ಪ್, ಪೊಲಿಸ್ ಪಾವ್ಲ್ಯಾತ್.

ತೀನ್ ವೊರಾರ್ ಆಮ್ಕಾಂ ಫೋನ್ ಯೆತಾನಾ, ಹ್ಯಾ ವೆಳಾರ್ ಕಿತ್ಯಾಕ್ ಫೋನ್ ಕೆಲೆಂಯ್ ಮ್ಹಣ್ ಆಮಿ ವಿಚಾರ್ಲೆಂ, ಜಾಪ್ ಮೆಳ್ಳಿ ನಾ. ಸುನೆಕ್ ಫೋನ್ ಕರ್ತಾನಾಂಯೀ ಕಾಂಯ್ ಸಾಂಗ್ಲೆಂ ನಾ. ಉಪಾಧ್ಯಕ್ಷಾಕ್ ಫೋನ್ ಕರ್ತಾನಾಂಯೀ ಆಮ್ಕಾಂ ಕಿತೆಂಯೀ ಗಜಾಲ್ ಸಾಂಗ್ಲಿ ನಾ. ಸಕಾಳಿಂ ಉಲವ್ಯಾಂ, ಆತಾಂ ತುಮಿ ನಿದಾ ಮ್ಹಣಾಲೆಂ ಸುನ್. ಸಕಾಳಿಂ 6.30ಚೆಂ ಮೀಸ್ ಆಸಾ, ತಾಚ್ಯಾ ಪಯ್ಲೆಂ ಪುತಾಕ್ ಫೋನ್ ಕರ್ನ್ ಉಲವ್ನ್ಂಚ್ ದಿಸಾಚೆಂ ಕಾಮ್ ಸುರ್ವಾತ್ ಕರ್ಚೆಂ ಮ್ಹಣ್ ಆಮಿ ನಿರ್ಧಾರ್ ಕೆಲೊ. ನೀದ್ ಯೇನಾತ್‍ಲ್ಲ್ಯಾನ್ ಬಸೊನ್ ಆಸ್ತಾನಾ ಪಾಂಚ್ ವೊರಾರ್‌ಶೆಂ ಮ್ಹಜೊ ಭಾವ್, ಉಪಾಧ್ಯಕ್ಷ್, ಫಾ. ಫ್ರಾನ್ಸಿಸ್ ಲುವಿಸ್ ಆನಿ ಮಣಿಪಾಲ್ಚೊ ಎಕ್ಲೊ ದಾಕ್ತೆರ್ ಆಯ್ಲೆ ಆನಿ ಮಹೇಶ್ ನಾ (ಜೀವ್ಘಾತ್ ಕೆಲಾ) ಮ್ಹಣ್ ಖಬರ್ ದಿಲಿ.

ಭಾವ್ ದೊಗೀ ಪರ್ಗಾಂವಾಕ್ ವೆತಾನಾ ‘ತುಂ ತವಳ್ ತವಳ್ ಘರಾ ಯೆತಾಯ್ ನೇ?’ ಮ್ಹಣ್ ವಿಚಾರ್‌ಲ್ಲ್ಯಾಕ್ ‘ಜಾಯ್ತ್ ಮಮ್ಮಿ’ ಮ್ಹಳ್ಳೆಂ ತಾಣೆಂ. ತಾಣೆಂ ಕಿತ್ಯಾಕ್ ಅಶೆಂ ಕರ್ನ್ ಕಾಣ್ಗೆಲೆಂಗಿ..? ಘರ್ಚಿ ಪರಿಸ್ಥಿತಿ ತಾಕಾ ಕಳಿತ್ ಆಸ್‍ಲ್ಲಿ. ಬಾಪಯ್ ಹುಶಾರ್ ನಾ, ಆಜಿ ಬೆಡ್ಡಾರ್ ಆಸಾ. ತಾಕಾ ಕಿತ್ಲೊ ಅಡ್ಚಿಲೊಗಿ ಕೊಣೆಂಯ್? ಹರ್ಯೆಕಾ ಉತ್ರಾ ಉತ್ರಾಕ್ ಕೊಂಕ್ಲ್ಯಾರ್ ಕಶೆಂ ಜಾಯ್ತ್ ಎಕಾ ಮನ್ಶ್ಯಾಕ್?

ಓಡ್ದಿ ದೀಸ್ ತಾಣೆಂ ಭಾಸ್ ದಿಲ್ಲಿ. ಹಾಂವೆಂ ತಾಚೆ ಖಾತಿರ್ ಮಸ್ತ್ ಸಾಕ್ರಿಫಿಸ್ ಕೆಲ್ಯಾತ್. ತಾಣೆಂ ಏಕ್ ಖರೊ ಯಾಜಕ್ ಜಾಯ್ಜೆ ಮ್ಹಣ್ ಸುಕ್ರಾರಾ ದೀಸ್ ಹಾಂವ್ ಉಪಾಸ್‍ಯೀ ಕರ್ತಾಲಿಂ. ತ್ಯಾ ದೀಸ್ ರಡೊನ್ ರಡೊನ್ ತೊ ಸಾಂಗಲಾಗ್ಲೊ, ‘ಮಮ್ಮಿ, ತುವೆಂ ಕೆಲ್ಲೊ ಸಾಕ್ರಿಫಿಸ್ ಮ್ಹಾಕಾ ಬರೊ ಉಡಾಸ್ ಆಸಾ. ಹಾಂವ್ ಖರೊ ಯಾಜಕ್ ಜಾವ್ನ್ ರಾವ್ತಾಂ’ ಮ್ಹಣ್ ತಾಣೆಂ ಉಗ್ತ್ಯಾ ಉಲವ್ಪಾಂತ್ ಸಾಂಗ್‍ಲ್ಲೆಂ. ಆಜ್ ಆತಾಂ ಜಾಲೆಂ ಪಳೆ…

ಬುಡ್ಕುಲೊ: ಮರ್ಣಾಚಿ ಖಬರ್ ಕಳ್ತಾನಾ ಕಿತೆಂ ಘಡ್ಲೆಂ ಮ್ಹಳ್ಳೊ ವಿವರ್ ತುಮ್ಚ್ಯಾ ಕುಟ್ಮಾಕ್ ಕಳಯ್ಲಾಗೀ?

ಶ್ರೀಮತಿ ಮೆಟಿಲ್ಡಾ: ಪೊಲಿಸ್ ಆಯ್ಲ್ಯಾ ಉಪ್ರಾಂತ್ ಕುಟ್ಮಾಚೊ ಜಣ್ ಜಾಯ್ ಮ್ಹಣ್ ವಿಚಾರ್ತಾನಾ, ಡೊ. ಎಡ್ವರ್ಡ್ ನಜ್ರೆತಾಕ್ ಆಪಯಿಲ್ಲೆಂ (ತೊ ಪಯ್ಸ್ ಕೊಡ್ಯಾಳ್ ಆಸ್‍ಲ್ಲೊ). ಫಾ. ಫ್ರಾನ್ಸಿಸ್ ಲುವಿಸ್ ಆಯಿಲ್ಲೊ (ತಾಕಾ ಮಹೇಶ್ ಭೋವ್ ಲಾಗ್ಶಿಲೊ ಆಸ್‍ಲ್ಲೊ). ಮ್ಹಜ್ಯಾ ಭಾವಾಕ್‍ಯೀ ಆಪಯಿಲ್ಲೆಂ. ತ್ಯಾ ದೃಶ್ಯಾಚ್ಯೊ ಫೊಟೊ ಪಳೆವ್ನ್ ಲೊಕಾಕ್ ನಾನಾಂತೆ ದುಬಾವ್ ಉದೆಲೆ. ಜೀವ್ಘಾತ್ ನ್ಹಯ್, ಖುನ್ ಆಸ್ಯೆತ್ ಮ್ಹಣ್ ಥೊಡೆ ಉಲಂವ್ಕ್ ಲಾಗ್ಲೆ. ಪುಣ್ ತಾಕಾ ಮಾರ್ನ್ ಕಾಡ್ಚೆ ತಿತ್ಲೊ ದುಸ್ಮಾನ್ ಕೊಣೀ ಆಸ್‍ಲ್ಲೊಗೀ ಮ್ಹಣ್ ಕೊಣಾಯ್ಕೀ ಪಾತ್ಯೆಂವ್ಕ್ ಕಷ್ಟ್.

ಬುಡ್ಕುಲೊ: ಉಪ್ರಾಂತ್, ನವೆಂಬರ್ 2 ತಾರಿಕೆ ಪರ್ಯಾಂತ್, ಕಿತೆಂ ಘಡೊನ್ ಆಸಾ (ತನ್ಖೆಚಿ ವಾಡಾವಳ್) ಮ್ಹಳ್ಳೆಂ ಲೊಕಾಕ್ ಖಬರ್ ನಾತ್‍ಲ್ಲಿಗೀ?

ಶ್ರೀಮತಿ ಮೆಟಿಲ್ಡಾ: ತ್ಯಾ ವಿಶ್ಯಾಂತ್ ತಾಂತ್ರಿಕ್ ಗಜಾಲಿ ಮ್ಹಾಕಾ ಕಳಿತ್ ನಾಂತ್. ಮ್ಹಜೊ ಭಾವ್ ಹಾಜರ್ ಆಸ್‍ಲ್ಲೊ. ಇಗರ್ಜೆ ಥಾವ್ನ್, ಬಿಸ್ಪಾ ಥಾವ್ನ್ ಪೊಲಿಸಾಂಕ್ ಕಂಪ್ಲೈಂಟ್ ವಚೊಂಕ್ ನಾ ಮ್ಹಣ್ ಕಳೊನ್ ಲೋಕ್ ಭಿಗಡ್ಲೊ. ಮರ್ಣ್ ಕಾಡ್ಚ್ಯಾ ಆದಿಂ ಬಿಸ್ಪ್ ಆಮ್ಗೆರ್ ಯೇವ್ನ್ ಮಾಗ್ಣೆಂ ಕರ್ನ್ ಗೆಲ್ಲೊ.

ಬುಡ್ಕುಲೊ: ಪುಣ್, ‘ತನ್ಖಿ ಕರ್ಚಿ ನಾಕಾ ಮ್ಹಣ್ ಕುಟ್ಮಾಚ್ಯಾಂನಿ ಸಾಂಗ್ಲಾಂ’ ಮ್ಹಣ್ ವಿಗಾರಾನ್ ಸಾಂಗ್‍ಲ್ಲ್ಯಾನ್ ಲೋಕ್ ಭಿಗಡ್ಲೊ… ದುಸ್ರ್ಯಾ ದಿಸಾ ಬಿಸ್ಪಾನ್‍ಯೀ ತಶೆಂಚ್ ಸಾಂಗ್‍ಲ್ಲೆಂ. ತುಮಿ ತಶೆಂ ಸಾಂಗ್‍ಲ್ಲೆಂಗೀ?

ಶ್ರೀಮತಿ ಮೆಟಿಲ್ಡಾ: ಆಮಿ ಬಿಸ್ಪಾ ಕಡೆನ್, ‘ಆಮಿ ಜಾವ್ನ್ ವಚನಾಂವ್, ಆಮಿ ತಾಕಾ ತುಮ್ಕಾಂ ಸಮರ್ಪುನ್ ದಿಲಾ, ಆಮ್ಕಾಂ ತುಮ್ಚೆ ಥಾವ್ನ್ ನ್ಯಾಯ್ ಜಾಯ್ಜೆ’ ಮ್ಹಣ್ ಆಮ್ಚ್ಯಾ ಕುಟ್ಮಾನ್ ಸಾಂಗ್‍ಲ್ಲೆಂ. ಉಪ್ರಾಂತ್ ಆಮ್ಚೆಂ ಪ್ರೆಸ್ ಸ್ಟೇಟ್‍ಮೆಂಟ್‍ಯೀ ದಿಲ್ಲೆಂ. ಎಸ್.ಪಿ. ಕಡೆನ್, ಬಿಸ್ಪಾಕ್ ಆಮಿ ಕಿತೆಂ ಸಾಂಗ್ಲಾಂ ಮ್ಹಣ್ ಕಳಯಿಲ್ಲೆಂ. ತಿಚೆ ಲಾಗಿಂ, ‘ಆಮ್ಚ್ಯಾ ಪುತಾ ಮಹೇಶಾಚೆಂ ನಾಂವ್ ಪಾಡ್ ಜಾಯ್ನಾತ್‍ಲ್ಲೆಪರಿಂ ಪಳೆಯಾ’ ಮ್ಹಣ್ ಮಾತ್ರ್ ಚಡ್ತಿಕ್ ಸಾಂಗ್‍ಲ್ಲೆಂ. ತನ್ಖಿ ಕರಿನಾಕಾತ್ ಮ್ಹಣ್ ಸಾಂಗೊಂಕ್ ನಾ. ಫಿರ್ಗಜ್‍ಗಾರಾಂನಿ ಮ್ಹಾಕಾ ಫೊನ್ ಕರ್ತಾನಾಂಯೀ ಹಾಂವೆಂ ತೆಂಚ್ ಸಾಂಗ್‍ಲ್ಲೆಂ. ಉಪ್ರಾಂತ್ ತಾಣಿಂ ಮೌನ್ ಪುರ್ಶ್ಯಾಂವ್ ಕಾಡ್ನ್ ಪೊಲಿಸಾಂಕ್ ಮನವಿ ದಿಲ್ಲಿ. ತ್ಯಾ ಉಪ್ರಾಂತ್ ಮುಖ್ಲಿ ವಾಡಾವಳ್ ಚಲೊನ್ ಆಸಾ. ಸರ್ಕಲ್ ಇನ್ಸ್‌ಪೆಕ್ಟರಾನ್ ಯೇವ್ನ್ ಆಮ್ಚೆಂ ವಿಚಾರಣ್ ಕರ್ನ್ ಸ್ಟೇಟ್‍ಮೆಂಟ್ ಘೆತ್ಲಾಂ. ಆಮ್ಕಾಂ ಕಳಿತ್ ಆಸ್‍ಲ್ಲ್ಯೊ ಆನಿ ಲೊಕಾ ಥಾವ್ನ್ ಆಯ್ಕಲ್ಲ್ಯೊ ಗಜಾಲಿ ತಾಂಕಾಂ ಸಾಂಗ್ಲ್ಯಾತ್. ಜಾಯ್ತ್ಯಾಂಚೆಂ ವಿಚಾರಣ್ ತಾಣಿಂ ಚಲಯ್ಲಾಂ. ತನ್ಖಿ ಮುಂದರುನ್ ಆಸಾ. ಲೊಕಾ ಥಾವ್ನ್ ಜಾಯ್ತ್ಯೊ ಗಜಾಲಿ ಭಾಯ್ರ್ ಪಡ್ಲ್ಯಾತ್.

ಪೊಲಿಸಾಂಕ್ ಆಮಿ ಏಕ್ ಗಜಾಲ್ ಸಾಂಗ್ಲ್ಯಾ, ತಿ ದಾಖಲ್ ಜಾಲ್ಯಾ. ‘Today our Son is not with us only because of the dirty politics of senior priests’ ಮ್ಹಣ್ ಸಾಂಗ್ಲಾಂ. ಆಮ್ಕಾಂ ಆಯಿಲ್ಲೆಂ ಲೆಟರ್ ತಾಂಕಾಂ ದಿಲಾಂ, ತಾಣಿಂ ತೆಂ ಸೀಜ್ ಕೆಲಾಂ.

ಬುಡ್ಕುಲೊ: ತುಮ್ಚ್ಯಾ ಪುತಾ ವಿಶಿಂ ಆತಾಂ ತುಮ್ಕಾಂ ಕಿತೆಂ ಭೊಗ್ತಾ?

ಶ್ರೀಮತಿ ಮೆಟಿಲ್ಡಾ: ಡೊನ್ ಬೊಸ್ಕೊ ಇಸ್ಕೊಲ್ ಕರ್ನಾಟಕಾಂತ್‍ಚ್ ಊಂಚ್ಲೆಂ ಕರಿಜೆ ಮ್ಹಣ್ ತಾಕಾ ಹುಸ್ಕೊ ಆನಿ ಸಪಣ್ ಆಸ್‍ಲ್ಲೆಂ. ತಾಚೊ ಸಗ್ಳೊ ಜೀವ್ ತಾಣೆಂ ತಾಕಾ ಸಮರ್ಪಿಲಾ. ಲೊಕಾಚೊ ತಾಕಾ ಬರೊಚ್ ಸಹಕಾರ್ ಆಸ್‍ಲ್ಲೊ. ತಾಚೆಂ ಭೋವ್ ಆಕರ್ಷಕ್ ವ್ಯಕ್ತಿತ್ವ್ ಜಾವ್ನಾಸ್‍ಲ್ಲೆಂ. ತಾಣೆಂ ವಿಚಾರ್ಲ್ಯಾರ್ ಕೊಣೀ ತಾಕಾ ನಾ ಮ್ಹಣನಾತ್‍ಲ್ಲೊ, ಫುಲ್ ವಾ ಪಾಕ್ಳಿ ದಿತಾಲೆ. ತಿತ್ಲೊ ಸಹಕಾರ್ ತಾಕಾ ಮೆಳ್‍ಲ್ಲೊ. ತ್ಯಾ ಪಾತ್ಯೆಣೆನ್ ತಾಣೆಂ ಹರ್ಯೆಕ್ ಪ್ರೊಜೆಕ್ಷನ್ ಆಸಾ ಕೆಲ್ಲೆಂ. ಯೆವ್ಜಿಲ್ಲೆಂ ಕರ್ತಲೊಂ ಮ್ಹಳ್ಳೊ ಭರ್ವಸೊ ತಾಕಾ ಆಸ್‍ಲ್ಲೊ. ಉದ್ಯಮಿ ಮೈಕಲ್ ಡಿಸೋಜಾನ್ ವ್ಹಡ್ ಐವಜ್ ದಿಲ್ಲ್ಯಾನ್ ತಾಚೊ ವಿಶ್ವಾಸ್ ಚಡ್‍ಲ್ಲೊ. ಆದ್ಲ್ಯಾ ವರ್ಸಾ ವಿದ್ಯಾರ್ಥಿಂಚೊ ಸಂಖೊ ವಾಡ್‍ಲ್ಲೊ.

ಸಂಗೀತಾಂತ್‍ಯೀ ತೊ ಮುಖಾರ್ ಆಸ್‍ಲ್ಲೊ. ತ್ಯಾ ಕ್ಷೇತ್ರಾಂತ್‍ಯೀ ಬರಿಚ್ ಲೊಕಾಮೊಗಾಳಾಯ್ ತಾಣೆಂ ಆಪ್ಣಾಯಿಲ್ಲಿ.

ಜಾಯ್ತ್ಯಾ ಫಿರ್ಗಜಾಂನಿ ತಾಣೆಂ ಸೆವಾ ದಿಲ್ಯಾ. ಸೆಮಿನರಿಂತ್ ಆಸ್ತಾನಾ ಥಾವ್ನ್ ಧರ್ನ್ ಓಡ್ದ್ ಮೆಳ್ಳ್ಯಾ ಉಪ್ರಾಂತ್ ತಾಣೆಂ ಸಬಾರ್ ಫಿರ್ಗಜಾಂನಿ ವೆವೆಗ್ಳಿ ಸೆವಾ ದಿಲ್ಯಾ. ಮಧೆಂ, ತೆದ್ನಾಂ ಕೊಡ್ಯಾಳ್ಚ್ಯಾ ಬಿಸ್ಪಾನ್ ಸಾಂಗ್‍ಲ್ಲ್ಯಾನ್, ದೋನ್ ವರ್ಸಾಂ ಬಿ.ಎಡ್. ಕರುಂಕ್ ಆಸ್‍ಲ್ಲೆಂ. ತಾಚ್ಯಾ ಮರ್ಣಾಚಿ ಖಬರ್ ಆಯ್ಕೊನ್ ತಾಚೆ ಅಭಿಮಾನಿ ಹಾಜರ್ ಜಾಲ್ಲೆ. ಮರ್ಣಾ ದೀಸ್ ಪ್ರಕೃತಿ ಉಚಾಂಬಳ್ ಜಾಲ್ಲಿ, ಘಡ್ಗಡೆ-ಝಗ್ಲಾಣೆಂ-ಕಾಳೊಕ್-ಪಾವ್ಸ್ ಪಳೆಲ್ಲೊ ಲೋಕ್‍ಚ್ ಉಚಾರಿಲಾಗ್‍ಲ್ಲೊ, ‘ಜೆಜು ಕ್ರಿಸ್ತಾಕ್ ಖುರ್ಸಾರ್ ಮಾರ್ತಾನಾ ಅಶೆಂಚ್ ಜಾಲ್ಲೆಂ…’ ಮ್ಹಣ್.

ಆಲ್ಮಾಂವಾಂಚ್ಯಾ ದಿಸಾಯೀ ಆಪಾಪ್ಲ್ಯಾ ಕುಟ್ಮಾಚ್ಯಾಂಚ್ಯಾ ಫೊಂಡಾಕ್ ಆಯಿಲ್ಲ್ಯಾಂ ಸವೆಂ ಬಾಪ್ ಮಹೇಶಾಚೆ ಅಭಿಮಾನಿಯೀ ಆಸ್‍ಲ್ಲೆ. ಉಡುಪಿ ದಿಯೆಸೆಜಿಚೊ ಪಯ್ಲೊ ಯಾಜಕ್ ಜಾವ್ನ್ ತಾಣೆಂ ಓಡ್ದ್ ಘೆತ್‍ಲ್ಲಿ.

ಬುಡ್ಕುಲೊ: ತುಮ್ಚ್ಯಾ ಪುತಾನ್ ಜೀವ್ಘಾತ್ ಕೆಲಾ ಮ್ಹಣ್ ತುಮಿ ಪಾತ್ಯೆತಾತ್‍ಗೀ?

ಶ್ರೀಮತಿ ಮೆಟಿಲ್ಡಾ: ಜರ್ ತಾಕಾ ಮಾರ್ಲಾಂ ವ್ಹಯ್ ತರ್, ತಾಚೆ ದುಸ್ಮಾನ್ ಕೋಣ್ ಆಸ್ತಿತ್ ಮ್ಹಳ್ಳೆಂ ಸವಾಲ್ ಧೊಸ್ತಾ. ಆನಿ, ತಾಚಿಂ ಇತ್ಲಿಂ ಸರ್ವ್ ಯೋಜನಾಂ ಆನಿ ದೂರ್‌ದೃಷ್ಟಿ ಆಸ್ತಾನಾ ಕಿತ್ಯಾಕ್ ತಾಣೆಂ ತಶೆಂ (ಜೀವ್ಘಾತ್) ಕೆಲೆಂ, ತಾಕಾ ಕಾರಣಾಂ ತರೀ ಕಸಲಿಂ ಮ್ಹಣೊನ್‍ಯೀ ಆಮ್ಕಾಂ ಧೊಸ್ತಾ. ಕೆದ್ನಾಂಯ್ ತೊ ಸುಡ್ಸುಡಿತ್ ಆಸ್‍ಲ್ಲೊ. ಇಸ್ಕೊಲಾಂತ್ ತಾಚ್ಯಾ ಸಾಂಗಾತ್ಯಾಂಕ್‍ಯೀ ಕಿತೆಂಚ್ ಕಳಿತ್ ನಾ, ತಾಂಕಾಂಯೀ ಆಘಾತ್ ಜಾಲಾ. ‘ವೈಯಕ್ತಿಕ್’ ಕಾರಣಾಂ ಖಾತಿರ್ ಜೀವ್ಘಾತ್ ಕೆಲಾ ಮ್ಹಣ್ ಸಾಂಗ್ತಾತ್; ಪುಣ್ ಆಮ್ಕಾಂ ತಸಲೆಂ ಕಾಂಯ್ಚ್ ಕಳಿತ್ ನಾ. ತಾಂಕಾಂ ತಸಲೆಂ ಕಿತೆಂ ಕಳಿತ್ ಆಸಾ ಮ್ಹಣ್‍ಯೀ ಆಮ್ಕಾಂ ಗೊತ್ತು ನಾ. ಮಾಧ್ಯಮಾಂ ಮುಖಾಂತ್ರ್ ತಶೆಂ ಸಾಂಗ್‍ಲ್ಲ್ಯಾನ್ ನಕಾರಾತ್ಮಕ್ ಅರ್ಥ್ ಉದೆಂವ್ಕ್ ಕಾರಣ್ ಜಾತಾ, ತ್ಯಾ ವರ್ವಿಂ ಫಾದರ್ ಮಹೇಶಾಚ್ಯಾ ವ್ಯಕ್ತಿತ್ವಾಕ್ ಆನಿ ಬರ್‍ಯಾ ಇಮೇಜಿಕ್ ಮಾರ್ ಬಸ್ತಾ.

Send Feedback to: budkuloepaper@gmail.com

Like us at: www.facebook.com/budkulo.epaper

The post ಶಿರ್ವಾಂ ಡೊನ್ ಬೊಸ್ಕೊ ಇಸ್ಕೊಲಾ ಖಾತಿರ್ ಆಮ್ಚ್ಯಾ ಪುತಾನ್ ಜೀವ್‍ಚ್ ದಿಲಾ: ಬಾ. ಮಹೇಶಾಚಿಂ ಆವಯ್ ಬಾಪಯ್ appeared first on Budkulo.

ಏಕ್ ಕೃತಿ ವಾ ಉತ್ಪನ್ನ್ ತಯಾರ್ ಜಾವ್ನ್ ಗ್ರಾಹಕಾಂಚ್ಯಾ ಹಾತಿಂ ಪಾವೊಂಕ್ ತಾಚ್ಯಾ ಪಾಟ್ಲ್ಯಾನ್ ಜಾಯ್ತ್ಯಾ ಜಣಾಂಚಿ ದೇಣ್ಗಿ ಆನಿ ಸಬಾರ್ ಸ್ತರಾಂಚಿ ವಾಂವ್ಟ್ ಆಸ್ತಾ. ಜಾಂವ್ಕ್ ಪುರೊ ಏಕ್ ಖಾಣ್, ಪುಸ್ತಕ್ ವಾ ವಸ್ತ್, ಜಾಂವ್ಕ್ ಪುರೊ ಏಕ್ ಬಾಂಧಪ್, ವಾಹನ್ ವಾ ಗ್ಯಾಜೆಟ್; ತೆಂ ತ್ಯಾ ರುಪಾರ್ ರಚಿತ್ ಜಾಂವ್ಕ್ ಸಬಾರಾಂಚೊ ವಾವ್ರ್, ಮ್ಹಿನತ್ ಆನಿ ಇನ್ವಾಲ್ವ್‍ಮೆಂಟ್ ಆಸ್ತಾ. ತಶೆಂಚ್ ಏಕ್ ಸಿನೆಮ್‍ಯೀ. ಲೋಕ್ ಪಡ್ದ್ಯಾರ್ ಫಕತ್ ದೃಶ್ಯಾಂ ಪಳೆತಾ ಆನಿ ಪ್ರತ್ಯೇಕ್ ಕರ್ನ್ ನಟ್-ನಟಿಂಕ್ ಪಳೆವ್ನ್ ಎಂಜಾಯ್ ಕರ್ತಾ. ಎಕ್ಲೊ ಹೀರೊ ಜಬರ್‌ದಸ್ತ್ ಡೈಲಾಗ್ ಸಾಂಗ್ತಾನಾ ಜಾಂವ್, ವಿಲನಾಕ್ ಸರ್ಸರಿತ್ ಬಡಯ್ತಾನಾ ಜಾಂವ್ ವಾ ಹೀರೋಯಿನ್ ಮೊಗಾ ಪಾಶಾಂವಾಂತ್ ಕಡ್ತಾನಾ ವೀಕ್ಷಕ್ ತೆಂ ಆಸ್ವಾದನ್ ಕರ್ತಾ. ಪ್ರೇಕ್ಷಕ್ ಫಿಲ್ಮ್ ಪಳೆತಾ; ರುಚ್ಲ್ಯಾರ್ ಮೆಚ್ವತಾ, ಪಸಂದ್ ಜಾಯ್ನಾತ್ಲ್ಯಾರ್ ಪುರ್ಪುರ್ತಾ. ಪುಣ್ ಏಕ್ ಫಿಲ್ಮ್ ಮ್ಹಳ್ಯಾರ್ ತಿತ್ಲೆಂಚ್ ನ್ಹಯ್.

ಫಿಲ್ಮ್ ಮ್ಹಳ್ಯಾರ್ ಏಕ್ ಅಪ್ರತಿಮ್ ಪ್ರೊಜೆಕ್ಟ್. ಸಿನೆಮಾ ಬರೆಂ ಜಾಯ್ಜೆ ತರ್ ಎಕಾ ದೊಗಾಂಚಿ ಕ್ರಿಯೇಟಿವಿಟಿ ಆನಿ ಪರಿಶ್ರಮ್ ಪಾವನಾ. ತಾಚ್ಯಾ ಪಾಟ್ಲ್ಯಾನ್ ಹರ್ಯೆಕ್ಲ್ಯಾಚೆಂ ಡೆಡಿಕೇಶನ್ ಆನಿ ಪರಿಣತೆಚೊ ವಾವ್ರ್ ಗರ್ಜ್. ಪ್ರಸ್ತುತ್ ಕೊಂಕ್ಣೆಂತ್ ಸಿನೆಮಾಂ ವಿಶಿಂ ಬರಿಚ್ ಜಾಗೃತಿ ಉದೆಲ್ಯಾ, ತವಳ್ ತವಳ್, ತಾಂತುಂಯೀ ಮಂಗ್ಳುರ್ಗಾರಾಂಚಿಂಚ್, ಕೊಂಕ್ಣಿ ಪಿಂತುರಾಂ ಪ್ರದರ್ಶನಾಕ್ ಪಡೊನ್ ಆಸಾತ್.

ಆಯ್ಲೆವಾರ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾನ್ ಬರೊಚ್ ಆವಾಜ್ ಉಟಯ್ಲಾ. ತಾಚ್ಯಾ ನಿರ್ಮಾಪಕ್, ಹೀರೋಯಿಚೆಂ ಸಂದರ್ಶನ್ ಎದೊಳ್‍ಚ್ ಆಮಿ ಪ್ರಸ್ತುತ್ ಕೆಲಾಂ. ಫಿಲ್ಮಾಕ್‍ಯೀ ಬರೊಚ್ ಪಾಟಿಂಬೊ ಆಮಿ, ‘ಬುಡ್ಕುಲೊ’ ಇ-ಪತ್ರಾನ್, ದಿಲಾ. ಹ್ಯಾ ಸಿನೆಮಾಚ್ಯಾ ನಿರ್ಮಾಣಾಂತ್ ತಶೆಂ ತೆಂ ಲೊಕಾಕ್ ಪಾವಂವ್ಚ್ಯಾಂತ್‍ಯೀ ಆಪ್ಲಿ ದರಬಸ್ತ್ ದೇಣ್ಗಿ ದೀವ್ನ್ ಜಾಯ್ತಿ ವಾಂವ್ಟ್ ಕಾಡ್‍ಲ್ಲೆ ಜಾವ್ನಾಸಾತ್ ತಾಚೊ ನಿರ್ದೇಶಕ್ ಮೆಲ್ವಿನ್ ಎಲ್ಪೆಲ್ ಆನಿ ಸಹ ನಿರ್ದೇಶಕ್, ಸ್ಕ್ರೀನ್‍ಪ್ಲೇ ರಚ್ಪಿ ನೊರ್ಬರ್ಟ್ ಜಾನ್ ಡಿಸೋಜ. ತಾಂಚೆ ಲಾಗಿಂ ಥೊಡ್ಯೊ ಗಜಾಲಿ ಆಮ್ಚ್ಯಾ ವಾಚ್ಪ್ಯಾಂ ಪಾಸತ್ ಆಮಿ ವಿಚಾರ್ಲ್ಯೊ. ತೆ ಕಿತೆಂ ಮ್ಹಣ್ತಾತ್ ತೆಂ ಹಾಂಗಾಸರ್ ದಿಲಾಂ.

ಪಯ್ಲೆಂ, ನಿರ್ದೇಶಕ್, ಏಕ್ ತರುಣ್ ಸಿನೆಮಾ ವಾವ್ರಾಡಿ, ಮೆಲ್ವಿನ್ ಎಲ್ಪೆಲ್ ಉಲಯ್ತಾ:

ಡೊನಾಲ್ಡ್ ಪಿರೇರಾ: ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ಲೊಕಾನ್ ಪಸಂದ್ ಕೆಲಾಂ. ಫಿಲ್ಮ್ ತಯಾರ್ ಕರುಂಕ್ ಜಾಯ್ತಿ ಮ್ಹಿನತ್ ಕಾಡಿಜೆ ಪಡ್ತಾ. ಆತಾಂ ಲೊಕಾಚಿ ಪ್ರತಿಕ್ರಿಯಾ ಪಳೆವ್ನ್ ತುಮ್ಕಾಂ ಕಿತೆಂ ಭೊಗ್ತಾ?

ಮೆಲ್ವಿನ್ ಎಲ್ಪೆಲ್: ಪಯ್ಲೆ ಪಾವ್ಟಿಂ ಕೊಂಕ್ಣೆಂತ್ ಸಿನೆಮಾಚೆಂ ನಿರ್ದೇಶನ್ ಕರುಂಕ್ ಆವ್ಕಾಸ್ ದಿಲ್ಲ್ಯಾಕ್ ನಿರ್ಮಾಪಕ್ ಹೆನ್ರಿ ಡಿಸಿಲ್ವಾಕ್ ಧಿನ್ವಾಸ್ತಾಂ. ಫಿಲ್ಮ್ ಪಳೆಲ್ಲ್ಯಾ ಸಕ್ಡಾಂನಿ ರುಚ್ಲೆಂ ಮ್ಹಳಾಂ ಆನಿ ಜಾಯ್ತ್ಯಾ ಜಣಾಂನಿ ಸಂದೇಶ್ ಧಾಡ್ಲ್ಯಾತ್. ಕೊಂಕ್ಣೆಂ ಆನ್ಯೇಕ್ಲೊ ನಿರ್ದೇಶಕ್ ಉದೆಲೊ ಮ್ಹಣೊನ್ ಸಬಾರಾಂನಿ ಸಂತೊಸ್ ಪಾಚಾರ್ಲಾ. ಹೆಂ ಆಮ್ಚ್ಯಾ ಟೀಮ್‍ವರ್ಕಾಕ್, ಆಮಿ ಸಕ್ಡಾಂನಿ ಕಾಡ್‍ಲ್ಲ್ಯಾ ಮ್ಹಿನತೆಕ್ ಮೆಳ್‍ಲ್ಲಿ ಜೀಕ್ ಮ್ಹಣ್ತಾಂ. ಫಿಲ್ಮಾಚೆಂ ಕ್ಲೈಮ್ಯಾಕ್ಸ್ ಯೆತಾನಾ ಜಾಯ್ತ್ಯಾ ಸ್ತ್ರೀಯಾಂಚ್ಯಾ ದೊಳ್ಯಾಂನಿ ದುಖಾಂ ದೆಂವ್‍ಲ್ಲಿಂ ಹಾಂವೆಂ ಖುದ್ ಪಳೆಲೆಂ. ಎಕಾ ಸಿನೆಮಾಚ್ಯಾ ಯಶಸ್ವೆಚಿಂ ಖುಣಾಂ ಹಿಂ. ಪ್ರತ್ಯೇಕ್ ಕರ್ನ್ 35 – 40 ವರ್ಸಾಂ ವಯ್ಲ್ಯಾಂನಿ ಹೆಂ ಪಿಂತುರ್ ನ್ಹಯ್ ನೀಜ್ ಘಡ್‍ಲ್ಲೆಂಚ್ ಮ್ಹಳ್ಳೆಪರಿಂ ಫೀಲ್ ಕೆಲ್ಲೆಂ ಥಿಯೇಟರಾ ಥಾವ್ನ್ ತಿಂ ಭಾಯ್ರ್ ಯೆತಾನಾ ಕಳ್ತಾಲೆಂ.

ಡೊನಾಲ್ಡ್: ಗಾಂವಾಂತ್ ಸರ್ವ್ ಭಾಶೆಚಿಂ ಸಿನೆಮಾಂ ಎಕಾಮೆಕಾ ಸ್ಪರ್ಧೊ ಕರುನ್ ಆಸಾತ್. ತಾಂಚ್ಯಾ ಇಡ್ಯಾಂತ್ ಕೊಂಕ್ಣಿ ಪಿಂತುರಾಂಯೀ ಆವಾಜ್ ಕರುನ್ ಆಸಾತ್. ಲೋಕ್ ಕೊಂಕ್ಣಿ ಫಿಲ್ಮಾಂನಿ ಕಿತೆಂ ಅಪೇಕ್ಷಿತಾ ಮ್ಹಣ್ ತುಕಾ ಭೊಗ್ತಾ?

ಮೆಲ್ವಿನ್: ಸಿನೆಮಾಂಕ್ ಭಾಸ್ ವಾ ಧರ್ಮ್ ಮ್ಹಳ್ಳೊ ನಾ. ಲೊಕಾಕ್ ಖಂಚೆಂ ಪಸಂದ್ ಜಾತಾ ತೆಂ ತೊ ಪಳೆತಾ. ಫಿಲ್ಮ್ ಪಳೆತೆಲ್ಯಾ ಪ್ರೇಕ್ಷಕಾಕ್ ಬಜೆಟ್ ಮುಖ್ಯ ನ್ಹಯ್. ಪ್ರೇಕ್ಷಕಾಕ್ ಆಪ್ಣೆಂ ದಿಲ್ಲ್ಯಾ ಪೈಶ್ಯಾಂಕ್ ತೆಕಿದ್ ಬರೆಂ ಮನೋರಂಜನ್ ಮೆಳಜೆ ಮ್ಹಣ್ ಅಪೇಕ್ಷಾ ಆಸ್ತಾ. ಏಕ್ ಬರಿ ಕಾಣಿ ತಾಂಕಾಂ ಜಾಯ್. ಸಿನೆಮಾಂನಿ ಕೊಣೆಂಯೀ ಆಪ್ಲ್ಯಾ ತಾಲೆಂತಾಂ ಮುಖಾಂತ್ರ್ ಸ್ಟಾರ್ ಜಾವ್ಯೆತ್. ತಾಲೆಂತ್‍ಚ್ ಮುಖ್ಯ್ ಸ್ಟಾರ್. ಆತಾಂಚ್ಯಾ ದಿಸಾಂನಿ ಸ್ಟಾರಾಂಚಿಂ ಫಿಲ್ಮಾಂ ಧಾಂವ್ಚ್ಯಾ ಪ್ರಾಸ್ ತಿಂ ಧಾಂವ್ಡಾಂವ್ಚೆಂಚ್ ಚಡ್. ಸಿನೆಮ್ ಕೋಣ್ ಪಳೆಂವ್ಕ್ ಯೆತಾತ್ ತೆಚ್ ಸ್ಟಾರ್, ಆನಿ ವೀಕ್ಷಕಾಂನಿ ದಿಂವ್ಚೆಂ ರೇಟಿಂಗ್‍ಚ್ ಆಮ್ಕಾಂ ಸ್ಟಾರ್ ವ್ಯಾಲ್ಯೂ ಹಾಡ್ನ್ ದಿತಾ.

ಲವ್ ಸ್ಟೋರಿ ಆನಿ ಸಸ್ಪೆನ್ಸ್ ಆಟಾಪುನ್ ಆಸ್ಚೆಂ ಸಿನೆಮ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಲೊಕಾಕ್ ಪಸಂದ್ ಜಾಲಾಂ. ಕೊಂಕ್ಣೆಂತ್ ಅಸಲೆಂ ಫಿಲ್ಮ್ ಆಯಿಲ್ಲ್ಯಾಕ್ ಲೊಕಾನ್ ಸ್ವಾಗತ್ ಕೆಲಾಂ. ಹಾಂವೆಂ ಖುದ್ ಪಳೆಲ್ಲೆ ಪರ್ಮಾಣೆಂ, 35+ ಪ್ರಾಯೆಚ್ಯಾಂಕ್ ಏಕ್ ಕಾಣಿ ಆನಿ ಸೆಂಟಿಮೆಂಟ್ಸ್ ಜಾಯ್. ಯುವಜಣ್ ಕೊಂಕಣಿ ಸಿನೆಮಾಂ ಪಳೆಂವ್ಕ್ ಪಾಟಿಂ ಸರ್ತಾತ್ ತೆಂ ಪಳೆವ್ನ್ ಬೆಜಾರ್ ಭೊಗ್ತಾ. ತಾಂಕಾಂ ಫಕತ್ ಕೊಮೆಡಿ ಪಸಂದ್, ಸಿಂತಿಮೆಂತಾಂ ನಾಕಾತ್.

ಡೊನಾಲ್ಡ್: ಹೆರ್ ಕಿತೆಂಯ್ ಗಜಾಲಿ..?

ಮೆಲ್ವಿನ್: ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ಪಳೆಲ್ಲ್ಯಾ ಸಕ್ಡಾಂಕ್‍ಯೀ ಆನಿ ಸಂದೇಶ್ ಧಾಡ್‍ಲ್ಲ್ಯಾ ಸರ್ವಾಂಕೀ ದೇವ್ ಬರೆಂ ಕರುಂ ಮ್ಹಣ್ತಾಂ. ಆನಿ ಮುಖಾರ್ ಯೆಂವ್ಚ್ಯಾ ಫಿಲ್ಮಾಂಕೀ ಲೊಕಾಚೆಂ ಬೆಸಾಂವ್ ಆನಿ ಪಾಟಿಂಬೊ ಅಶೆಂಚ್ ಮೆಳ್ತಾ ಮ್ಹಣ್ ಭರ್ವಸ್ತಾಂ. ಮುಖ್ಲ್ಯಾ ದಿಸಾಂನಿ ಆನಿಕೀ ಥೊಡಿಂ ಕೊಂಕ್ಣಿ ಫಿಲ್ಮಾಂ ಯೆಂವ್ಚ್ಯಾರ್ ಆಸಾತ್, ತಾಂಕಾಂಯೀ ಲೊಕಾನ್ ಸಹಕಾರ್ ದೀಂವ್ಕ್ ಹಾಂವ್ ಉಲೊ ದಿತಾಂ.

ಕೊಂಕ್ಣೆಂತ್ ಪೈಶೆ ಘಾಲ್ನ್ ಸಿನೆಮ್ ಕಾಡ್ಚೆಂ ಮ್ಹಳ್ಯಾರ್ ಏಕ್ ಸಾಹಸ್ ಆನಿ ರಿಸ್ಕಿ ವ್ಯವಹಾರ್. ಹ್ಯಾ ಖಾತಿರ್ ಆಮ್ಚ್ಯಾ ನಿರ್ಮಾಪಕಾಕ್ ನಿಜಾಯ್ಕೀ ಗ್ರೇಟ್ ಮ್ಹಣಜೆ. ತಾಕಾ ಆನಿ ಸರ್ವ್ ಕೊಂಕ್ಣಿ ಸಿನೆಮಾ ನಿರ್ಮಾಪಕಾಂಕ್ ಯಶಸ್ವಿ ಮೆಳೊಂದಿ, ತಾಣಿಂ ಘಾಲ್ಲೆ ಪೈಶೆ ಪಾಟಿಂ ಮೆಳೊಂದಿತ್ ಮ್ಹಣ್ ಹಾಂವ್ ಆಶೆತಾಂ. ಆಮ್ಚ್ಯಾ ಯುವಜಣಾಂನಿ ಚಡ್ ಸಂಖ್ಯಾನ್ ಕೊಂಕ್ಣಿ ಸಿನೆಮಾಂ ಪಳೆಜೆ ಮ್ಹಣ್ ಹಾಂವ್ ಅಪೇಕ್ಷಿತಾಂ.”

ವಯ್ಲಿಂಚ್ ಸವಾಲಾಂ, ಪಿಂತುರಾಚೊ ಸ್ಕ್ರೀನ್‍ಪ್ಲೇ ರಚ್ಪಿ ಆನಿ ಸಹ ನಿರ್ದೇಶಕ್ ನೊರ್ಬರ್ಟ್ ಜಾನ್ ಡಿಸೋಜಾಕ್ ಆಮಿ ವಿಚಾರ್‌ಲ್ಲಿಂ. ತಾಚ್ಯೊ ಜಾಪಿ ಅಶೆಂ ಆಸಾತ್:

“ಆಮ್ಚೆಂ ಪಿಂತುರ್ ಲೊಕಾನ್ ಮಸ್ತ್ ಪಂಸದ್ ಕೆಲಾಂ. ಆಮಿ ನಿಜಾಯ್ಕಿ ಇತ್ಲ್ಯಾ ಮಾಪಾನ್ ಆಮ್ಕಾಂ ಪಾಟಿಂಬೊ ಮೆಳ್ತಾ ಮ್ಹಣ್ ಚಿಂತುಂಕ್ ನಾತ್‍ಲ್ಲೆಂ. ಪಿಂತುರ್ ಪಳೆವ್ನ್ ಗೆಲ್ಲ್ಯಾ ಲೊಕಾನ್ ಹೆರಾಂಕ್ ಸಾಂಗೊನ್, ಲೊಕಾಕ್ ಆಪವ್ನ್ ಹಾಡ್ನ್ ದೊದೋನ್ ಪಾವ್ಟಿಂ ಪಳೆಲ್ಲೆಂಯೀ ಆಸಾ. ಲೊಕಾಚೊ ಮೋಗ್ ಪಳೆವ್ನ್ ಜಾಯ್ತಿ ಖುಷಿ ಜಾತಾ.”

ದುಸ್ರ್ಯಾ ಸವಾಲಾಕ್ ನೊರ್ಬರ್ಟ್ ಮ್ಹಣ್ತಾ: “ವ್ಹಯ್ ಖಂಡಿತ್ ಜಾವ್ನ್ ಆಮ್ಕಾಂ ಚಾಲೆಂಜ್ ಆಸ್‍ಲ್ಲೆಂ. ಕೊಂಕ್ಣೆಕ್ ಮಾರ್ಕೆಟ್ ನಾ, ಲೋಕ್ ಪಳೆನಾ, ಥೊಡ್ಯಾಂಕ್ ಕಾಮಿಡಿ ಜಾಯ್, ಥೊಡ್ಯಾಂಕ್ ಸ್ಟೋರಿ ಜಾಯ್, ಆನಿ ಥೊಡ್ಯಾಂಕ್ ರಡ್ಚಿಂ ಸಿಂತಿಮೆಂತಾಳ್ ದೃಶ್ಯಾಂ ಜಾಯ್… ಆಮಿ ಸರ್ವೆ ಕರ್ತಾನಾ ತಶೆಂ ಆಮ್ಕಾಂ ಅಭಿಪ್ರಾಯ್ ಮೆಳ್ಳಿ. ಕೊಂಕ್ಣಿ ಲೋಕ್ ಬಾಲಿವುಡ್ ಸಿನೆಮಾಂ ಚಡ್ ಪಳೆತಾ. ತ್ಯಾ ದೆಕುನ್ ತಸಲೆಂಚ್ ಮಸಾಲಾ ಟೈಪಾಚೆಂ ಸಿನೆಮ್ ತಾಂಕಾಂ ಜಾಯ್ ಆಸ್‍ಲ್ಲೆಂ. ತಶೆಂ, ಅಸಲ್ಯೊ ಅಭಿಪ್ರಾಯೊ ಕಾಣ್ಗೆವ್ನ್ ಏಕ್ ಸಂಪೂರ್ಣ್ ಮನೋರಂಜನಾಚೆಂ ಫಿಲ್ಮ್ ಆಮಿ ತಯಾರ್ ಕೆಲ್ಲೆಂ.”

“ವ್ಹಯ್, ಹೆಂ ಪುರಾ ಲೊಕಾಕ್ ದೀಜೆ ಪಡ್ತಾ. ತಾಚೆ ಸಾಂಗಾತಾ, ಉಣ್ಯಾಂತ್ಲ್ಯಾ ಉಣ್ಯಾ ಬಜೆಟಿರ್ ಕರಿಜೆ ಪಡ್ತಾ… ಉಣೆಂ ಬಜೆಟ್ ಮ್ಹಣ್ತಾನಾ ಥೊಡ್ಯಾ ಸಂಗ್ತಿಂನಿ ಕೊಂಪ್ರಮೈಸ್ ಕರಿಜೆ ಪಡ್ತಾ. (ನಟ್, ನಟಿಂಚಿ ವಿಂಚವ್ಣ್, ಲೊಕೇಶನ್ಸ್, ಕ್ಯಾಮೆರಾ, ಸರಳ್ ಕಾಣಿ ಇತ್ಯಾದಿ ಗಜಾಲಿಂಚೆರ್).”

“ಇಲ್ಲೆಂ ಬಜೆಟ್ ಚಡ್ ಕೆಲ್ಯಾರ್ ಆನಿಕೀ ಬರೆಂ ಸಿನೆಮ್ ಕಾಡ್ಯೆತ್. ಪುಣ್ ಘಾಲ್ಲೆ ಪಯ್ಶೆ ಪಾಟಿಂ ಯೆತಾತ್ ಮ್ಹಣೊಂಕ್ ಜಾಯ್ನಾ… ಕಿತ್ಯಾಕ್ ಮ್ಹಳ್ಯಾರ್ ಆಮ್ಚೊ ಲೋಕ್ ಸನ್ವಾರಾ, ಅಯ್ತಾರಾ ವಾ ಸುಟಿ ಆಸ್‍ಲ್ಲ್ಯಾ ವೆಳಾರ್ ಮಾತ್ರ್ ಸಿನೆಮಾಂ ಪಳೆತಾ. ತಶೆಂ, ಹಫ್ತ್ಯಾ ಮಧೆಂ ಲೋಕ್ ಯೇನಾತ್ಲೆ ವರ್ವಿಂ ಥಿಯೇಟರಾ ಥಾವ್ನ್ ವೆಗಿಂ ಫಿಲ್ಮ್ ಕಾಡಿಜೆ ಪಡ್ತಾ… ತಶೆಂ ಜಾಲ್ಲ್ಯಾನ್ ಸ್ಕ್ರೀನಿಂಗ್ ಚಡ್ ಮೆಳನಾ” ಮ್ಹಣ್ತಾ ನೊರ್ಬರ್ಟ್.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಸಿನೆಮ್ ರಿಲೀಸ್ ಜಾಲ್ಲೆಂಚ್ ಖಬರ್ ಆನಿ ಪ್ರಚಾರ್ ಆಪಾಪಿಂಚ್ ಫಾವೊ ಜಾಲೊ! ಥೊಡ್ಯಾಂನಿ ಹೊ ಆವ್ಕಾಸ್ ‘ಗಳ್ಸುಂಕ್’ ಪಾಟಿಂ ಫುಡೆಂ ಕೆಲೆಂ ನಾ. ಹ್ಯಾ ಗಜಾಲಿಂ ವಿಶಿಂ ನೊರ್ಬರ್ಟ್ ಮ್ಹಣ್ತಾ: “ಸತ್ ಸಾಂಗ್ಚೆಂ ತರ್, ಕೊಂಕ್ಣಿ ಪಿಂತುರ್ 10 ಜಣ್ ಪಳೆತಾತ್ ತರ್, 15 ಜಣ್ ರಿವ್ಯೂ ದಿತಾತ್..! ಥೊಡೆ ಪಳೆನಾಸ್ತಾನಾಂಚ್ ‘ರಿವ್ಯೂ’ ದಿತಾತ್ ಆನಿ ಥೊಡ್ಯಾಂಕ್ ರಿವ್ಯೂ ದಿಂವ್ಚೆಂ ಫ್ಯಾಷನ್ ಜಾಲಾಂ. ಥೊಡಿಂ, ಪಿಂತುರ್ ಲೊಕಾಕ್ ಪಸಂದ್ ಜಾಲ್ಯಾರೀ, ಆಪ್ಲ್ಯಾ ಬರ್ಪಾಂ ವರ್ವಿಂ ನಿರ್ಮಾಪಕಾಕ್ ಲುಕ್ಸಾಣ್ ಜಾಯ್ಶೆಂ ಕರ್ತಾತ್. ಹ್ಯಾ ವರ್ವಿಂ ಆಮ್ಚೆ ಮನಿಸ್ ಪಿಂತುರ್ ಕಾಡುಂಕ್ ಪಾಟಿಂ ಸರ್ತಾತ್…”

“ಆಕ್ರೇಕ್ ಸಾಂಗ್ಚೆಂ ತರ್.. ಆತಾಂ ಕೊಂಕ್ಣಿ ಫಿಲ್ಮ್ ಇಂಡಸ್ಟ್ರಿ ಬರಿಂ ಬರಿಂ ಪಿಂತುರಾಂ ಕಾಡುಂಕ್ ಪ್ರಯತ್ನ್ ಕರ್ನ್ ಆಸಾ. ಆನಿ ಮುಖ್ಲ್ಯಾ ಥೊಡ್ಯಾ ವರ್ಸಾಂನಿ ಆಪುರ್ಬಾಯೆಚಿಂ ಫಿಲ್ಮಾಂ ಕಾಡುಂಕ್ ಸಾಧ್ಯ್ ಜಾತೆಲೆಂ ಮ್ಹಣ್ ಮ್ಹಜಿ ಆಶಾ ಆನಿ ಭರ್ವಸೊ” ಮ್ಹಣ್ತಾ ನೊರ್ಬರ್ಟ್ ಫುಡಾರಾ ವಿಶಿಂ ವಿಚಾರ್‌ಲ್ಲ್ಯಾಕ್.

Send Feedback to: budkuloepaper@gmail.com

Like us at: www.facebook.com/budkulo.epaper

ಕೊಂಕ್ಣೆಂತ್ ವಾವುರ್‍ಚೆಂ ದಾದೊಸ್ಕಾಯೆಚೆಂ: ನಟಿ ಸೀಮಾ ಬುತೆಲ್ಲೊ

6ವ್ಯಾ ಹಫ್ತ್ಯಾಂತ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’: ಕೊಂಕ್ಣೆಂತ್ ಏಕ್ ದಾಖ್ಲೊ

ನಿರ್ಮಿಲ್ಲೆಂ ನಿರ್ಮೊಣೆಂ: ಕುಟ್ಮಾ ಸಂಗಿಂ ಪಳೆವ್ಯೆತ್ ಜಾಲ್ಲೆಂ ಬರೆಂ, ನಿತಳ್ ಸಿನೆಮ್

ಕೊಂಕ್ಣಿ ಸಿನೆಮಾಂಚೊ ವಿಮರ್ಸೊ ಕೆಲ್ಯಾರ್ ಬರೆಂಚ್: ಹೆನ್ರಿ ಡಿಸಿಲ್ವ

The post ಲೊಕಾನ್ ಪಾಟಿಂಬೊ ದಿಲ್ಯಾರ್ ಕೊಂಕ್ಣಿ ಸಿನೆಮಾಂಕ್ ಯಶಸ್ವಿ ಖಂಡಿತ್: ಮೆಲ್ವಿನ್ ಎಲ್ಪೆಲ್, ನೊರ್ಬರ್ಟ್ ಡಿಸೋಜ appeared first on Budkulo.

ಹ್ಯಾ ದಿಸಾಂನಿ ಗಾಂವಾಂತ್ ಸಿನೆಮಾಂಚಿಚ್ ಖಬರ್. ಕಶೆಂ ಸುಕ್ತಿ ಆನಿ ಭರ್ತಿ ನೈಸರ್ಗಿಕ್‍ಗೀ ತಶೆಂಚ್ ಹೆರ್ ಗಜಾಲಿಯೀ ಮ್ಹಣ್ಯೆತ್. ಪಾವ್ಸ್ ಪಡ್ಲ್ಯಾರ್ ಸರ್ಸರಿತ್ ಪಾವ್ಸ್, ಹಿಂವ್ ಜಾಲ್ಯಾರ್ ಹಿಂವ್ ಆನಿ ಧಗ್ ಮ್ಹಳ್ಯಾರ್ ಧಗಿ ಶಿವಾಯ್ ದುಸ್ರಿ ಗಜಾಲ್‍ಚ್ ನಾ. ತಶೆಂಚ್ ಸಂಸಾರಾಂತ್ಲ್ಯೊ ಗಜಾಲಿ. ಫೆಸ್ತಾಂ ಮ್ಹಳ್ಯಾರ್ ಫೆಸ್ತಾಂ, ಚುನಾವಾ ವೆಳಾರ್ ಫಕತ್ ರಾಜಕೀಯ್, ಹೆರಾ ವೆಳಾರ್ ತ್ಯೊ ತ್ಯೊ ಗಜಾಲಿ. ತಶೆಂ ಮಂಗ್ಳುರ್ಗಾರಾಂಕ್ ಆತಾಂ ಸಿನೆಮಾಂಚಿಚ್ ಕ್ರೇಜ್ ಮ್ಹಳ್ಯಾರ್ ಚೂಕ್ ಜಾಂವ್ಚೆಂ ನಾ.

ಜಾಂವ್ ತುಳು ವಾ ಕೊಂಕ್ಣಿ, ಹ್ಯಾ ದಿಸಾಂನಿ ಸಕಾರಾತ್ಮಕ್ ಗಜಾಲಿ, ವಾಡಾವಳಿ ಚಲ್‍ಲ್ಲ್ಯೊ ದಿಸ್ತಾತ್. ಕಾಕತಾಳೀಯ್ ಮ್ಹಳ್ಯಾರ್ ಎಕಾಚ್ ದಿಸಾ ರಿಲೀಸ್ ಜಾಲ್ಲಿಂ ‘ಗಿರಿಗಿಟ್’ ಆನಿ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಂ ದಾಖ್ಲ್ಯಾಂ ವಯ್ರ್ ದಾಖ್ಲೊ ರಚುಂಕ್ ಸಕ್ಲ್ಯಾಂತ್. ‘ಗಿರಿಗಿಟ್’ ತುಳುಂತ್ ಸಾರ್ವಕಾಲಿಕ್ ದಾಖ್ಲೊ ರಚುನ್ ಆಜೂನ್ ಜೈತಾಚೆಂ ಪಯ್ಣ್ ಮುಂದರುನ್ ಆಸಾ. ಕೊಂಕ್ಣಿ ಫಿಲ್ಮ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕೊಂಕ್ಣೆಚ್ಯಾ ಮಟ್ಟಾಕ್ ನವೆಚ್ ದಾಖ್ಲೆ ರಚುಂಕ್ ಪಾವ್ಲಾಂ. ಸಕ್ಡಾಂಕ್ ನ್ಹಯ್ ತರೀ, ಸಿನೆಮಾ ವಿಶಿಂ ಆಸಕ್ತ್ ಆಸ್‍ಲ್ಲ್ಯಾಂಕ್ ಹ್ಯೊ ಖುಷೆಚ್ಯೊಚ್ ಗಜಾಲಿ.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಚೊ ನಿರ್ಮಾಪಕ್ ಹೆನ್ರಿ ಡಿಸಿಲ್ವಾನ್ ‘ಬುಡ್ಕುಲೊ’ಕ್ ದಿಲ್ಲ್ಯಾ ಸಂದರ್ಶನಾಂತ್ ಸಾಂಗ್‍ಲ್ಲೆಂ ತುಮ್ಕಾಂ ಉಡಾಸ್ ಆಸೊಂಕ್ ಪುರೊ. ಆಪ್ಣಾಕ್ ಸೊಡ್ಲ್ಯಾರ್ ಪಿಂತುರಾಂತ್ಲೆ ಹೆರ್ ಸರ್ವ್ ವಾವ್ರಾಡಿ ತರ್ನಾಟೆಚ್ ಮ್ಹಣ್ ತಾಣೆಂ ಸಾಂಗ್‍ಲ್ಲೆಂ. ಪಡ್ದ್ಯಾರ್ ಪರ್ಜಳ್ಚಿಂ ಮಾತ್ರ್ ನ್ಹಯ್, ಪಡ್ದ್ಯಾ ಪಾಟ್ಲ್ಯಾನ್ ವಾವರ್‌ಲ್ಲ್ಯಾಂ ಪಯ್ಕಿ ಹುನ್ ರಗ್ತಾಚಿಂ ತರ್ನಾಟಿಂಚ್ ಚಡ್ ಆಸ್‍ಲ್ಲಿಂ. ವಿಶೇಸ್ ಮ್ಹಳ್ಯಾರ್ ಹಾಂತ್ಲ್ಯಾ ಚಡಾವತಾಂಕ್ ಸಿನೆಮ್ ರಿಲೀಸ್ ಜಾತಾನಾ ‘ಬುಡ್ಕುಲೊ’ ಇ-ಪತ್ರ್ ಕಿತೆಂ ಅಭಿಪ್ರಾಯ್ ದಿತಾ ಮ್ಹಣ್ ಭಾರಿಚ್ ಆತುರಾಯ್ ಆಸ್‍ಲ್ಲಿ. ಆನಿ ಆಮಿ ತೆಂ ಉಚಾರ್ತಾನಾ ತಾಂಕಾಂ ಸಕ್ಡಾಂಕ್ ನಿಜಾಯ್ಕೀ ಸಂತೊಸ್ ಜಾಲ್ಲೊ ಮಾತ್ರ್ ನ್ಹಯ್, ಆಪ್ಣೆಂ ದೀಸ್ ರಾತ್ ಘೊಳೊನ್, ತನ್-ಮನ್-ಧನ್ ಅರ್ಪುನ್ ಸಿನೆಮಾಚೆಂ ಪ್ರೊಜೆಕ್ಟ್ ಲೊಕಾಕ್ ಪಾವಂವ್ಕ್, ತಾಂಕಾಂ ಮೆಚ್ವಂವ್ಕ್ ಕಾಡ್‍ಲ್ಲಿ ಮ್ಹಿನತ್ ಸಾರ್ಥಕ್ ಜಾಲಿ ಮ್ಹಳ್ಳಿ ಸಂತೃಪ್ತಿ ಭೊಗ್‍ಲ್ಲಿ.

 ಹಾಂ, ವಾಚ್ಪ್ಯಾಂನೊ, ಹೆಂ ಕಾಂಯ್ ಹಾಂವೆಂ ಆಮ್ಚಿಚ್ ವ್ಹಡ್ವಿಕಾಯ್ ಪಾಚಾರುಂಕ್ ಉಚಾರ್ಚೆಂ ಖಂಡಿತ್ ನ್ಹಯ್. ಪೊಕ್ಳೆ ಉಲಂವ್ಚೆಂ ಮ್ಹಾಕಾ ಬಿಲ್ಕುಲ್ ಪಸಂದ್ ನಾ, ಆನಿ ತಸಲೆಂ ‘ಬುಡ್ಕುಲೊ’ ಇ-ಪತ್ರಾಂತ್ ಕೆದಿಂಚ್ ಆಮಿ ಪ್ರಕಟ್ ಕರಿನಾಂವ್. ವಯ್ಲಿ ಗಜಾಲ್, ಮ್ಹಾಕಾ, ಮ್ಹಣ್ಜೆ ಹಾಂವ್ ಏಕ್ ಮಾಧ್ಯಮ್ ಸಂಸ್ಥ್ಯಾಚೊ ಮುಖೆಲಿ ಜಾಲ್ಲ್ಯಾನ್ ಆಪಾಪಿಂಚ್ ಕಳಿತ್ ಜಾತಾತ್. ಆನಿ ಕೊಣಾಕ್ ಯೋಗ್ಯ್ ಕ್ರೆಡಿಟ್ ದೀಜೆ ತೆಂ ತಾಂಕಾಂ ಫಾವೊ ಕರುಂಕ್ ಹಾಂವ್ ಬಿಲ್ಕುಲ್ ಪಾಟಿಂ ಸರನಾ.

ವ್ಹಯ್. ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಕ್ ಸಬಾರ್ ಆನಿ ಸಬಾರ್ ಜಣಾಂನಿ ಕಾಮ್ ಕೆಲಾಂ, ದೇಣ್ಗಿ ದಿಲ್ಯಾ. ಫಿಲ್ಮಾಂ ಮ್ಹಣ್ತಾನಾ ನಿರ್ಮಾಣ್ ಸಂಸ್ಥೊ (ನಿರ್ಮಾಪಕ್ ವಾ ತಾಚಿ ಕಂಪೆನಿ) ದುಡು ಇನ್ವೆಸ್ಟ್ ಕರ್ತಾ ಆನಿ ಹೆರ್ ಜಣ್ ಆಪ್ಲಿ ಜವಾಬ್ದಾರಿ ನಿರ್ವಹಣ್ ಕರುನ್ ತ್ಯಾ ತೆಕಿದ್ ಸಂಭಾವನ್ ಘೆವ್ನ್ ಪಯ್ಸ್ ಚಲ್ತಾತ್. ತೆಂ ವ್ಹಡ್ ಇಂಡಸ್ಟ್ರಿಂಚಿ ಗಜಾಲ್ ಜಾಲಿ. ಖಂಡಿತ್ ಜಾವ್ನ್, ಹೆಂ ನಿಜಾಯ್ಕೀ ಸತ್, ಕೊಂಕ್ಣೆಂತ್ ತಸಲಿ ಪರಿಸ್ಥಿತಿ, ಸದ್ದ್ಯಾಕ್ ತರೀ, ನಾ.

ಕೊಂಕ್ಣಿ ಮ್ಹಣ್ತಾನಾ ಆಮಿ, ಚಡಾವತ್, ಭಾವನಾತ್ಮಕ್ ಜಾವ್ನ್‍ಂಚ್ ಕಿತೆಂಯೀ ಕರ್ತಾಂವ್. ವೃತ್ತಿಪರತಾ ವಾ ಉದ್ಯಮಿ ಭೊಂವಾರ್ ಹಾಂಗಾಸರ್ ಚಡ್ ಝಳ್ಕನಾ. ಆಪ್ರೂಪ್ ಹಾಂಗಾ ಫಿಲ್ಮಾಂಯೀ ಯೇವ್ನ್ ಆಸಾತ್. ತಾಂತ್ಲಿಂ ಗಜಾಲ್‍ಯೀ ವೆಗ್ಳಿ ನಾ. ಪುಣ್ ಖುಷೆಚಿ ಆನಿ ಅಭಿಮಾನಾಚಿ ಗಜಾಲ್ ಮ್ಹಳ್ಯಾರ್, ಕೊಂಕ್ಣಿ ಫಿಲ್ಮಾಂನಿ ವಾವ್ರ್ ಕೆಲ್ಯಾರ್ ಪೈಶೆ ಮೆಳ್ತಾತ್ ಮ್ಹಳ್ಳೊ ಭರ್ವಸೊ ನಾತ್ಲ್ಯಾರೀ, ಫಕತ್ ಆಪ್ಣಾಚ್ಯಾ ಹಾತಿಂ ಆಯಿಲ್ಲೆಂ ಕಾಮ್ ಚಡ್ ಆನಿ ಚಡ್ ಬರೆಂ ಕರುಂಕ್ ಪೆಚಾಡ್ಚಿಂಯೀ ಆಸಾತ್. ವ್ಹಯ್. ತಿ ಸತ್ ಗಜಾಲ್.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಫಿಲ್ಮಾಚಿ ಸುರ್ವಾತ್ ಕರ್ತಾನಾಂಚ್ ನಿರ್ಮಾಪಕ್ ಹೆನ್ರಿ ಡಿಸಿಲ್ವಾನ್, ‘ಹೊ ಏಕ್ ಪ್ರಯೋಗ್’ ಮ್ಹಣ್‍ಂಚ್ ಕಳಯಿಲ್ಲೆಂ. ಹ್ಯಾ ವರ್ವಿಂ ಫಿಲ್ಮಾಂತ್ ವಾವುರ್ಲೆಲ್ಯಾ ಕೊಂಕ್ಣಿ ವ್ಯಕ್ತಿಂನಿ ಆಪ್ಣಾಚೆಂ ದೆಣೆಂ ಉಜ್ವಾಡಾಕ್ ಹಾಡುಂಕ್ ಹೊ ಏಕ್ ಸುಸಂದರ್ಭ್ ಮ್ಹಣ್ ಚಿಂತುನ್ ಆನಿ ಏಕ್ ಚಾಲೆಂಜ್ ಜಾವ್ನ್ ಘೆವ್ನ್ ಸಮರ್ಪಿತ್ ವಾವ್ರ್ ಕೆಲಾ. ಹಾಂಚೆ ಪಯ್ಕಿ ಥೊಡ್ಯಾಂನಿ ವೇಳ್ ಆನಿ ದುಡ್ವಾಚಿ ಸಯ್ತ್ ಸುರಾತ್ ಕರುಂಕ್ ನಾ.

‘ಬುಡ್ಕುಲೊ’ ಇ-ಪತ್ರಾಂತ್ ಸಿನೆಮಾ ವಿಶಿಂ ಬರಪ್ ಫಾಯ್ಸ್ ಜಾಲ್ಲೆಂಚ್ ಅಸಲ್ಯಾ ಥೊಡ್ಯಾಂನಿ ಆಮ್ಚೊ ಸಂಪರ್ಕ್ ಕರ್ನ್ ಜಾಯ್ತ್ಯೊ ಗಜಾಲಿ ವಿನಿಮಯ್ ಕೆಲ್ಯಾತ್. ಹಾಂಚೆ ಪಯ್ಕಿ ನಿರ್ದೇಶಕ್, ಸಹ ನಿರ್ದೇಶಕ್ ಆನಿ ಪ್ರಮುಖ್ ನಟಿ ಆಸಾತ್. ಹೆರಾಂನಿ ಖಾಸ್ಗಿ ಸಂದೇಶ್ ಧಾಡ್‍ಲ್ಲೆ ಆಸಾತ್. ನಿರ್ಮಾಪಕ್ ಪಯ್ಲೆಂಚ್ ಆಮ್ಚೆ ಸಂಗಿಂ ಉಲಯ್ಲಾ, ಉಪ್ರಾಂತ್‍ಯೀ ಉಲಯ್ಲಾ. ಹೆಂ ತಾಚೆಂ ಡ್ರೀಮ್ ಪ್ರೊಜೆಕ್ಟ್ ಮ್ಹಣ್ಚ್ಯಾಂತ್ ಕಸಲೊಚ್ ದುಬಾವ್ ನಾ. ಪುಣ್ ಸಿನೆಮಾ ತಸಲೆಂ ಪ್ರೊಜೆಕ್ಟ್ ಕಾರ್ಯಾ ರುಪಾಕ್ ಯೇಂವ್ಕ್ ಜಾಯ್ತ್ಯಾ ಜಣಾಂನಿ ಪೆಚಾಡುಂಕ್ ಆಸಾ. ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಂತ್‍ಯೀ ಅಶೆಂಚ್ ಜಾಲಾಂ. ತಸಲ್ಯಾಂಕ್ ಶಾಭಾಸ್ಕಿ ದಿಂವ್ಚೆಂ ಆಮ್ಚೆಂ ಕರ್ತವ್ಯ್.

ಹೆಳ್‍ಲ್ಲಿ ನಟಿ, ಸಿನೆಮಾಂತ್ ಪ್ರಮುಖ್ ಪಾತ್ರ್ ಖೆಳ್‍ಲ್ಲಿ ಸೀಮಾ ಬುತೆಲ್ಲೊ, ನಿರ್ದೇಶಕ್ ಮೆಲ್ವಿನ್ ಎಲ್ಪೆಲ್ ಆನಿ ಸಹ ನಿರ್ದೇಶಕ್ ನೊರ್ಬರ್ಟ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಆಪ್ಣಾಚೆಂಚ್ ಸಪಣ್ ಮ್ಹಳ್ಳೆಪರಿಂ ವಾವುರ್ಲ್ಯಾಂತ್. (ಅಶೆಂ ಮ್ಹಣ್ ಹೆರಾಂಚಿ ದೇಣ್ಗಿ ನೆಗಾರಿನಾಂವ್. ಪುಣ್ ಹಾಣಿಂ ತೆಗಾಂನಿ ದಿಲ್ಲಿ ದೇಣ್ಗಿ ಅಪರಿಮಿತ್ ಆಸಾ ದೆಕುನ್ ಹಿ ವಿಶೇಸ್ ಶಾಭಾಸ್ಕಿ). ಹ್ಯಾ ವಿಶಿಂ ತಾಣಿಂ ಆಮ್ಚೆ ಲಾಗಿಂ ಜಾಯ್ತ್ಯೊ ಗಜಾಲಿ ಚರ್ಚಾ ಕೆಲ್ಯಾತ್. ತಾಂತ್ಲ್ಯೊ ಥೊಡ್ಯೊ ಗಜಾಲಿ, ತುಮ್ಚೆ ಪಾಸತ್ ಹಾಂಗಾ ದಿಲ್ಯಾತ್.

ಕುಂದಾಪುರ್ ವಾರಾಡ್ಯಾಚ್ಯಾ ಗಂಗೊಳ್ಳಿ ಫಿರ್ಗಜೆಚ್ಯಾ ಸೀಮಾ ಬುತೆಲ್ಲೊನ್ ಮಾಡೆಲಿಂಗ್ ಶೆತಾಂತ್ ನಾಂವ್ ಕರ್ನ್ ಸಿನೆಮಾಂನಿ ನಟನ್ ಕೆಲಾಂ. ‘ಪ್ಲ್ಯಾನಿಂಗ್ ದೆವಾಚೆಂ’, ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕೊಂಕ್ಣಿ ಪಿಂತುರಾಂನಿ ಆನಿ ಕನ್ನಡ ಫಿಲ್ಮ್ ಇಂಡಸ್ಟ್ರಿಂತ್ ತೆಂ ವಾವುರ್ಲಾಂ. ಬೆಂಗ್ಳುರಾಂತ್ ಸಾಫ್ಟ್‍ವೇರ್ ಕಂಪೆನಿಂತ್ ಉದ್ಯೋಗ್ ಕರ್ನ್ ಆಸ್ಚೆಂ ತೆಂ ಕೊಂಕ್ಣಿ ಭಾಶೆ ಥಂಯ್ ಆನಿ ಮಾಂಯ್‍ಗಾಂವಾ ಥಂಯ್ ವಿಶೇಸ್ ಅಭಿಮಾನ್ ದವರುನ್ ಆಸಾ. ತಾಚೆ ಲಾಗಿಂ ಆಯ್ಲೆವಾರ್ ಕೆಲ್ಲ್ಯಾ ಸಂವಾದಾಚೊ ವಾಂಟೊ ಹೊ:

ಡೊನಾಲ್ಡ್ ಪಿರೇರಾ: ಕೊಂಕ್ಣಿ ಸಿನೆಮಾಂನಿ ನಟನ್ ಕರ್ಚ್ಯಾ ವಿಶಿಂ ಕಿತೆಂ ಮ್ಹಣ್ತಾಯ್? ಕನ್ನಡ ತಸಲ್ಯಾ ವ್ಹಡ್ ಇಂಡಸ್ಟ್ರಿಂನಿ ತುಕಾ ಆವ್ಕಾಸ್ ಮೆಳೊನ್ ಆಸ್ತಾನಾ ಕೊಂಕ್ಣೆಂತ್ ನಟನ್ ಕೆಲ್ಯಾರ್ ಕಿತೆಂ ಮೆಳ್ತಾ?

ಸೀಮಾ ಬುತೆಲ್ಲೊ: ಹೆರ್ ವ್ಹಡ್ ಸಿನೆಮಾ ಇಂಡಸ್ಟ್ರಿಂಪರಿಂ ಕೊಂಕ್ಣಿ ಸಿನೆಮಾ ಉದ್ಯಮ್ ನಾ. ಹಾಂವ್ ಕೊಂಕ್ಣಿ ಸಿನೆಮಾಂ ಪಳೆವ್ನ್ ಆಯ್ಲ್ಯಾಂ. ಆಮಿ ಉದೆವ್ನ್ ಆಸಾಂವ್ ಮಾತ್ರ್. ಕೊಂಕ್ಣಿ ಸಿನೆಮಾಂಕ್ ಚಡ್ ಮಾನ್ಯತಾ ಆನಿ ಪಾಟಿಂಬೊ ಗರ್ಜ್ ಆಸಾ. ಮ್ಹಾಕಾ ಹೆರ್ ಭಾಶೆಂನಿ ನಟನಾಕ್ ಆವ್ಕಾಸ್ ಲಾಭ್ಲ್ಯಾರೀ, ಕೊಂಕ್ಣೆಕ್ ಮ್ಹಜಿ ಮಾಂಯ್‍ಭಾಸ್ ಜಾವ್ನ್ ಮ್ಹಜ್ಯಾ ಕಾಳ್ಜಾಂತ್ ವಿಶೇಸ್ ಸ್ಥಾನ್ ಆಸಾ ಜಾಲ್ಲ್ಯಾನ್, ಕೊಂಕ್ಣಿ ಸಿನೆಮಾಂನಿ ನಟನ್ ಕರ್ಚ್ಯಾಂತ್ ವ್ಹರ್ತಿ ದಾದೊಸ್ಕಾಯ್ ಮೆಳ್ತಾ. ಕೊಂಕ್ಣಿ ಪಿಂತುರಾಂನಿ ವಾವ್ರ್ ಕರ್ಚೆಂ ನಾಂವ್ ಜೊಡ್ಚ್ಯಾಕ್ ವಾ ದುಡು ಕಮಾಂವ್ಚ್ಯಾಕ್ ನ್ಹಯ್, ಬಗಾರ್ ಮ್ಹಜ್ಯಾ ಮಾಂಯ್‍ಭಾಶೆಂತ್ ಕಿತೆಂ ತರೀ ಕರಿಜೆ ಮ್ಹಳ್ಳ್ಯಾ ಅಪೇಕ್ಷೆನ್.

ಡೊನಾಲ್ಡ್: ತುವೆಂ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಂತ್ ನಟನ್ ಕೆಲ್ಲೆಂ ಮಾತ್ರ್ ನ್ಹಯ್, ಫಿಲ್ಮ್ ಬರೆಂ ಜಾಂವ್ಚ್ಯಾಕ್ ಜಾಯ್ತಿ ಮ್ಹಿನತ್ ಘಾಲ್ಯಾಯ್. ನಟನ್ ಕರ್ನ್ ತುಜೆಯಿತ್ಲ್ಯಾಕ್ ತುವೆಂ ಆಸ್ಯೆತೆಂ. ಚಡ್ತಿಕ್ ವಾಂವ್ಟ್ ಕಾಡುಂಕ್ ಕಿತೆಂ ಪ್ರೇರಣ್?

ಸೀಮಾ: ಹಾಂವೆಂ ತುಜೆ ಲಾಗಿಂ ಎದೊಳ್‍ಚ್ ಸಾಂಗ್ಲಾಂ, ಹಾಂವ್ ಬೆಂಗ್ಳುರಾಂತ್ ಸೈಬರ್ ಸೆಕ್ಯೂರಿಟಿ ಪ್ರೊಡಕ್ಟ್ ಮ್ಯಾನೇಜರ್ ಜಾವ್ನ್ ವಾವುರ್ತಾಂ, ಆನಿ ಹಾಂವ್ ಮ್ಹಜೆಂ ಕಾಮ್ ಭೋವ್ ಪಸಂದ್ ಕರ್ತಾಂ. ದುಸ್ರ್ಯಾನ್, ಏಕ್ ಮೊಡೆಲ್ ಆನಿ ನಟಿ ಜಾವ್ನ್ ಗ್ಲ್ಯಾಮರ್ ಸಂಸಾರಾಂತ್ ವಾವುರ್ತಾಂ. ಕಾರ್ಪೋರೆಟ್ ವೃತ್ತೆಂತ್ಲೊ ಮ್ಹಜೊ ಅನುಭವ್ ಹಾಂವ್ ಹಾಂಗಾಯೀ ವಾಪಾರ್ತಾಂ ಆನಿ ಫಕತ್ ಏಕ್ ನಟಿ ಜಾವ್ನ್ ಉರ್ಚ್ಯಾ ಪ್ರಾಸ್ ಚಡ್ ವಾವ್ರ್ ಹಾಂವ್ ದಿತಾಂ. ತೆಂ ಮ್ಹಾಕಾ ವ್ಹಡ್ ಸಂತೃಪ್ತಿ ದಿತಾ ಆನಿ ಪರ್ಫೆಕ್ಷನ್ ಹಾಡುಂಕ್ ಸಾಧ್ಯ್ ಜಾತಾ. ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಚ್ಯಾ ಟೈಟಲಾ ಥಾವ್ನ್ ಸೆನ್ಸಾರ್ ಪರ್ಯಾಂತ್ ಆನಿ ಆತಾಂ ಮಾರ್ಕೆಟಿಂಗ್ ತಶೆಂ ತೆಂ ಏಕ್ ಬ್ರಾಂಡ್ ಜಾವ್ನ್ ಸ್ಥಾಪಿತ್ ಕರ್ಚೆಂ ಮ್ಹಜೆಂ ಸಪಣ್ ಜಾವ್ನಾಸ್‍ಲ್ಲೆಂ. ಹಾಂವೆಂ ಕೆದ್ನಾಂಯ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಮ್ಹಜೆಂಚ್ ಪ್ರೊಜೆಕ್ಟ್ ಮ್ಹಳ್ಳೆ ತಿತ್ಲಿಂ ಅಟ್ಯಾಚ್ ಜಾವ್ನಾಸ್‍ಲ್ಲಿಂ (ನಾ, ಫಾಯ್ದೊ ಮೆಳ್ತಾ ಮ್ಹಳ್ಳ್ಯಾ ಇರಾದ್ಯಾನ್ ಖಂಡಿತ್ ನ್ಹಯ್). ಕಿತ್ಯಾಕ್ ಮ್ಹಳ್ಯಾರ್ ಆಮ್ಚೆಂ ಸಗ್ಳೆಂ ಟೀಮ್, ಏಕ್ ದಾಖ್ಲೊ ಕರುಂಕ್, ಕೊಂಕ್ಣಿ ಸಿನೆಮಾ ಶೆತಾಂತ್ ಏಕ್ ಮಯ್ಲಾ ಫಾತೊರ್ ರಚುಂಕ್ ಅತ್ರೆಗ್ತೆಲ್ಯಾಂವ್. ಆಜ್ ತೆಂ ಸಪಣ್ ಜಾರಿ ಜಾಲಾಂ ಮ್ಹಳ್ಳಿ ದಾದೊಸ್ಕಾಯ್ ಆಮ್ಚಿ.

ಡೊನಾಲ್ಡ್: ತುಜೆಂ ನಟನ್ ಸಕ್ಡಾಂನಿ ಪಸಂದ್ ಕೆಲಾಂ. ತುಜ್ಯಾ ಪಾತ್ರಾ ವಿಶಿಂ ಆನಿ ಸಿನೆಮಾಂತ್ ತಾಚ್ಯಾ ಪ್ರಾಮುಖ್ಯತೆ ವಿಶಿಂ ಕಿತೆಂ ಮ್ಹಣ್ತಾಯ್?

ಸೀಮಾ: ಸಿನೆಮಾಂತ್ ಲೆನೋರಾ ಜಾವ್ನ್ ಖೆಳ್‍ಲ್ಲ್ಯಾ ಪಾತ್ರಾ ಮುಖಾಂತ್ರ್ ಹಾಂವ್ ಲೊಕಾಚ್ಯಾ ಕಾಳ್ಜಾಂನಿ ಉರ್ತೆಲಿಂ ಮ್ಹಳ್ಳೆಂ ಜಾಣಾಂ ಜಾವ್ನ್ ವ್ಹರ್ತೊ ಸಂತೊಸ್ ಭೊಗ್ತಾ. ಮ್ಹಜೆಂ ನಟನ್ ಪಳೆವ್ನ್ ಮೆಚ್ವಲ್ಲ್ಯಾಂನಿ ಮ್ಹಾಕಾ ರಾಸ್‍ಭರ್ ಮೆಸೇಜಿ, ಫೊನಾಂ ಆನಿ ಪಿಂತುರಾಂತ್ ಮ್ಹಜ್ಯಾ ಸನ್ನಿವೇಶಾಂ ವೆಳಾರ್ ಹಾಸ್‍ಲ್ಲ್ಯಾಚ್ಯೊ, ರಡ್‍ಲ್ಲ್ಯಾಚ್ಯೊ ವಿಡಿಯೋ ಲೊಕಾನ್ ಧಾಡ್ಲ್ಯಾತ್. ಮ್ಹಜ್ಯಾ ಪಾತ್ರಾಕ್ ಜೊಕ್ತೊ ನ್ಯಾಯ್ ಹಾಂವೆಂ ದಿಲಾ ಮ್ಹಳ್ಳಿ ತೃಪ್ತಿ ಉದೆಲ್ಯಾ. ಲೆನೋರಾ ಪಾತ್ರಾಕ್ ಮ್ಹಜಿ ವಿಂಚವ್ಣ್ ಜಾಲ್ಲಿಚ್ ಅವ್ಚಿತ್. (ತ್ಯಾ ವಿಶಿಂ ನಿರ್ಮಾಪಕಾನ್ ವಿವರ್ ಎದೊಳ್‍ಚ್ ದಿಲಾ).

ಭೋವ್‍ಶಾ, ಲೆನೋರಾಚೊ ಪಾತ್ರ್ ರಚ್ತಾನಾ, ತಾಚೆಂ ಪ್ಲ್ಯಾನಿಂಗ್ ಆನಿ ವಿಶುವಲೈಶೇಶನ್ ಕರ್ತಾನಾ ತೊ ಏಕ್ ಗ್ಲ್ಯಾಮರಸ್ ಪಾತ್ರ್ ಜಾವ್ನಾಸ್‍ಲ್ಲೊ. ಪುಣ್ ತ್ಯಾ ಪಾತ್ರಾಕ್ ವಿಂಚ್‍ಲ್ಲ್ಯಾಂಕ್ ಕಾರಣಾಂತರ್ ಜಾವ್ನ್ ಖೆಳೊಂಕ್ ಸಾಧ್ಯ್ ಜಾಯ್ನಾತ್ಲೆಲ್ಯಾನ್, ಮ್ಹಾಕಾ ತಯಾರಿ ಕರುಂಕ್ ಚಡ್ ವೇಳ್ ಮೆಳೊಂಕ್ ನಾತ್‍ಲ್ಲೊ. ಹಾಂವೆಂ ಮ್ಹಜ್ಯಾ ಕಾಮಾ ನಿಮ್ತಿಂ ಮೊಡೆಲಿಂಗಾಕ್ ತಾತ್ಕಾಲಿಕ್ ವಿರಾಮ್ ದಿಲ್ಲೊ. ಪುಣ್ ಹ್ಯಾ ಫಿಲ್ಮಾ ಖಾತಿರ್ ವೆಳಾಚೊ ಅಭಾವ್ ಆಸ್‍ಲ್ಲೊ ತರೀ, ಶೂಟಿಂಗಾಕ್ ಹಾಜರ್ ಜಾತಲಿಂ. ಪುಣ್ ಆತಾಂ ವೀಕ್ಷಕಾಂನಿ ಮ್ಹಜೆಂ ಅಭಿನಯನ್ ಪಸಂದ್ ಕೆಲ್ಲ್ಯಾನ್ ಸಮಾಧಾನ್ ಭೊಗ್ತಾ ಆನಿ ಲೆನೊರಾ ಪಾತ್ರಾಕ್ ಹಾಂವ್ ಜೊಕ್ತಿಂ ಜಾಲಿಂ ಮ್ಹಣ್ ಸಂತೊಸ್ ಜಾತಾ. ಕಿತ್ಯಾಕ್ ಮ್ಹಳ್ಯಾರ್ ಪಯ್ಲೆಂ ಮ್ಹಾಕಾ ಡಾ. ಹೆರಾಚೊ ಪಾತ್ರ್ ಲಾಭ್‍ಲ್ಲೊ, ತೊ ಉಪ್ರಾಂತ್ ಹೆರಾ ಪಿಂಟೊಕ್ ದಿಲ್ಲೊ.

ಡೊನಾಲ್ಡ್: ಫಿಲ್ಮ್ ಬರ್‍ಯಾನ್ ಧಾಂವೊನ್ ಆಸಾ, ಯಶಸ್ವಿ ಪ್ರದರ್ಶನಾಂ ದೆಖೊನ್ ಆಸಾ. ಪ್ರತಿಕ್ರಿಯಾ ಬರಿಚ್ ಆಸಾ. ಆತಾಂ ತುಕಾ ಕಿತೆಂ ಭೊಗ್ತಾ?

ಸೀಮಾ: ಸಿನೆಮಾ ವಿಶಿಂ ಬರಿ ಅಭಿಪ್ರಾಯ್ ಆಯ್ಲ್ಯಾ ಆನಿ ಲೊಕಾನ್ ಬರೆಂಚ್ ಪಸಂದ್ ಕೆಲಾಂ. ‘ಬುಡ್ಕುಲೊ’ ಇ-ಪತ್ರಾನ್ ಶಾಭಾಸ್ಕಿ ದಿಲ್ಯಾ ಆನಿ ತುಮಿ ಸಾಂಗ್‍ಲ್ಲೆಪರಿಂ ಖಂಡಿತ್ ಜಾವ್ನ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಏಕ್ No Nonsense ಫಿಲ್ಮ್, ಸಕ್ಡಾಂನಿ ಕುಟ್ಮಾ ಸಂಗಿಂ ಪಳೆಂವ್ಚೆ ತಸಲೆಂ ನಿತಳ್ ಫಿಲ್ಮ್. ‘ಬುಡ್ಕುಲೊ’ನ್ ದಿಂವ್ಚ್ಯೊ reviews ಕೆದ್ನಾಂಯ್ genuine ಆಸ್ತಾತ್. ಹಾಂವ್ ತ್ಯೊ ಕೆದ್ನಾಂಯ್ ಮಾಂದ್ತಾಂ. ಕೊಂಕ್ಣಿ ಸಿನೆಮಾಂಕ್ ತುಮಿ ದಿಂವ್ಚೊ ಪಾಟಿಂಬೊ ಹೊಗ್ಳಿಕೆಕ್ ಫಾವೊ.

ಆಮ್ಚೆಂ ಫಿಲ್ಮ್ ಲೊಕಾಕ್ ಪಾವಂವ್ಚ್ಯಾ ಪಯ್ಣಾಂತ್, ಆಮಿ, ಪ್ರತ್ಯೇಕ್ ಕರ್ನ್ ಯುವಜಣಾಂನಿ, ದೋನ್ ವರ್ಸಾಂ ಥಾವ್ನ್ ಜಾಯ್ತಿ ಮ್ಹಿನತ್ ಕಾಡ್ಲ್ಯಾ. ಕೊಂಕ್ಣಿ ಸಿನೆಮಾ ಉದ್ಯಮ್ ಫುಲೊನ್ ಯೆತಾ ಮಾತ್ರ್. ಆಮಿ ಏಕ್ ದಾಖ್ಲೊ ರಚುಂಕ್ ಕಠಿಣ್ ಮ್ಹಿನತ್ ಕಾಡ್ಲ್ಯಾ. ಆಮಿ ಪಯ್ಲ್ಯಾ ದಿಸಾ ಥಾವ್ನ್ ಸಾಂಗಾತಾ ಆಸ್‍ಲ್ಲ್ಯಾಂವ್ ಆನಿ ಆಜ್ ಪರ್ಯಾಂತ್ ಆಮ್ಚೆ ಲಾಗಿಂ ಎಕ್ವಟ್ ಆಸಾ. ವೆಳಾ ಸಂಗಿಂ ದುಡುಯೀ ಆಮಿ ಇನ್ವೆಸ್ಟ್ ಕೆಲಾ. ಶೂಟಿಂಗಾ ಖಾತಿರ್ ಸಾಂಬಾಳ್ ಹೊಗ್ಡಾಯ್ಲಾ ಸಯ್ತ್. ಆಜ್ ತ್ಯಾ ಸಗ್ಳ್ಯಾಕ್ ಲೊಕಾನ್ ಉಕಲ್ನ್ ಧರ್ಲಾಂ. ತ್ಯಾ ವರ್ವಿಂ ವ್ಹರ್ತಿ ದಾದೊಸ್ಕಾಯ್ ಮೆಳ್ಳ್ಯಾ.

ಪುಣ್, ಸೋಶಿಯಲ್ ಮೀಡಿಯಾಂತ್ ಥೊಡ್ಯಾಂನಿ ಅನಾವಶ್ಯಕ್ ಗೊಂದೊಳ್ ಉಬ್ಜಂವ್ಕ್ ಪ್ರಯತ್ನ್ ಕೆಲ್ಲೆಂ ಪಳೆವ್ನ್ ದುಖ್ ಭೊಗ್ಲೆಂ. ಥೊಡ್ಯಾಂಕ್ ಸಿನೆಮ್ ಯಶಸ್ವಿ ಜಾಲ್ಲೆಂ ಪಳೆವ್ನ್ ಜಿರಂವ್ಕ್ ಸಾಧ್ಯ್ ಜಾಂವ್ಕ್ ನಾ! ತಸಲ್ಯಾಂನಿ, ಸಿನೆಮ್ ಪಳೆನಾಸ್ತಾನಾಂಯೀ ವಾಯ್ಟ್ ವಾ ಚೂಕ್ ಕಮೆಂಟ್ಸ್ ಘಾಲ್ಲೆಂ ಪಳೆತಾನಾ ಬೆಜಾರ್ ಜಾತಾ. ಕೊಂಕ್ಣೆಂತ್ ಅಸಲೆಂ ಪೂರಾ ಘಡ್ತಾ ತೆಂ ಪಳೆವ್ನ್ ಹಾಂವ್ ವಿಜ್ಮಿತ್ ಪಾವ್ಲಿಂ.

ದುಸ್ರ್ಯಾ ಕುಶಿಚೆಂ ತಣ್ ಕೆದ್ನಾಂಯ್ ಪಾಚ್ಚೆಂ ಆಸ್ತಾ ಮ್ಹಣ್ತಾತ್. ಅಸಲ್ಯಾಂನಿ ಏಕ್ ಯಶಸ್ವಿ ಸಿನೆಮ್ ಕಾಡಿಜೆ ಆನಿ ಉಪ್ರಾಂತ್ ಹೆರಾಂಚಿ ಮಸ್ಕಿರಿ ಕರಿಜೆ. ಆಮ್ಚ್ಯಾ ಸಗ್ಳ್ಯಾ ಪಂಗ್ಡಾಕ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಫಕತ್ ಏಕ್ ಫಿಲ್ಮ್ ನ್ಹಯ್, ಬಗಾರ್ ತೆಂ ಆಮ್ಕಾಂ ಏಕ್ ಭಾವನ್.

ಆಮಿ ಕಥೊಲಿಕಾಂನಿ ಸ್ವಾರ್ಥ್ ಆನಿ ರಾಜಕೀಯ್ ಪಯ್ಸ್ ದವರ್ನ್ ಸಾಂಗಾತಾ ಮೆಳೊನ್ ವಾವುರ್ಲ್ಯಾರ್ ಊಂಚಾಯೆಕ್ ಪಾವ್ತೆಲ್ಯಾಂವ್.

ಮುಖ್ಲೊ ವಾಂಟೊ: ತಂತ್ರಜ್ಞಾಂಚಿ ಅಭಿಪ್ರಾಯ್

Send Feedback to: budkuloepaper@gmail.com

Like us at: www.facebook.com/budkulo.epaper

ನಿರ್ಮಿಲ್ಲೆಂ ನಿರ್ಮೊಣೆಂ: ಕುಟ್ಮಾ ಸಂಗಿಂ ಪಳೆವ್ಯೆತ್ ಜಾಲ್ಲೆಂ ಸಿನೆಮ್

The post ಕೊಂಕ್ಣೆಂತ್ ವಾವುರ್‍ಚೆಂ ಮ್ಹಳ್ಯಾರ್ ವ್ಹರ್‍ತ್ಯಾ ದಾದೊಸ್ಕಾಯೆಚೆಂ: ನಟಿ ಸೀಮಾ ಬುತೆಲ್ಲೊ appeared first on Budkulo.

ಆಯ್ಚ್ಯಾ ಸಕಾಳಿಂಚ್, ಮಾಂಯ್‍ಭಾಶೆಚ್ಯಾ ಸಂಗ್ತಿಂ ವಿಶಿಂ ಉಲ್ಲೇಖ್ ಕರ್ನ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಚ್ಯಾ ಯಶಸ್ವೆ ವಿಶಿಂ ಲೇಖನ್ ಆಮಿ ಫಾಯ್ಸ್ ಕೆಲ್ಲೆಂ. ಆಬ್ಳೆ ಆತಾಂ ಆನ್ಯೇಕ್ ಕೊಂಕ್ಣಿ ಪಿಂತುರ್ ‘ಬೆಂಡ್ಕಾರ್’ ತಯಾರ್ ಜಾಲಾಂ ಆನಿ ಪ್ರದರ್ಶನಾಕ್ ದೀಸ್ ಮೆಜುನ್ ಆಸಾ. ಹಾಚಿ ಖಬರ್ ಆಮಿ ಎದೊಳ್‍ಚ್ ಫಾಯ್ಸ್ ಕೆಲ್ಯಾ. ಫಿಲ್ಮಾಚೆಂ ಟ್ರೈಲರ್ ಆನಿ ಆಡಿಯೊ ರಿಲೀಸ್ ಜಾವ್ನ್ ಲೊಕಾಕ್ ಆತುರಾಯ್ ಚಡ್ಲ್ಯಾ ಆನಿ ಫಿಲ್ಮ್ ರಿಲೀಸ್ ಜಾಂವ್ಚ್ಯಾಕ್ ಸಕ್ಕಡ್ ರಾಕೊನ್ ಆಸಾತ್.

ಹ್ಯಾ ವಗ್ತಾ ಫಿಲ್ಮಾಚೊ ನಿರ್ದೇಶಕ್ ಕಿತೆಂ ಮ್ಹಣ್ತಾ ತೆಂ ಜಾಣಾಂ ಜಾಂವ್ಚೆಂ ಅವಶ್ಯ್ ಆನಿ ಲೊಕಾಕ್ ತೆಂ ಪಾವಂವ್ಚೆಂ ಆಮ್ಚೆಂ ಕರ್ತವ್ಯ್. ಹ್ಯಾರಿ ಫೆರ್ನಾಂಡಿಸಾಚೆಂ ಹೆಂ ಚವ್ತೆಂ ಕೊಂಕ್ಣಿ ಸಿನೆಮ್. ಫಿಲ್ಮಾಂ ತಾಕಾ ನವಿಂ ನ್ಹಯ್. ಮುಂಬೈಚ್ಯಾ ಸಿನೆಮಾ ಇಂಡಸ್ಟ್ರಿಂತ್ ತೊ ಹೆಳ್ಳಾ. ಜೀಕ್ ಆನಿ ಸಲ್ವಣಿ ಹರ್ ಮನ್ಶ್ಯಾಕ್ ಫುಡ್ ಜಾತಾ. ಪುಣ್ ನಿರಂತರ್ ಪ್ರಯತನ್ ಗರ್ಜ್. ಪ್ರಸ್ತುತ್ ಆಪ್ಲ್ಯಾ ‘ಬೆಂಡ್ಕಾರ್’ ಫಿಲ್ಮಾ ವಿಶಿಂ ಹ್ಯಾರಿ ಕಿತೆಂ ಸಾಂಗ್ತಾ ತೆಂ ಹ್ಯಾ ಸಂದರ್ಶನಾಂತ್ ದಿಲಾಂ.

ಇತ್ಲೆಂ ಮ್ಹಣ್ತಾನಾ ಕಾಂಯ್ ಥೊಡ್ಯಾಂನಿ ಮ್ಹಾಕಾ, “ಬುಡ್ಕುಲೊನ್ ಹ್ಯಾರಿ ಫೆರ್ನಾಂಡಿಸಾಚ್ಯಾ ‘ಜಾಂವಯ್ ನಂ. 1’ ಪಿಂತುರಾಕ್ ಖೆಂಡ್‍ಲ್ಲೆಂ, ಆತಾಂ ಕಶೆಂ ತೊ ತಾಕಾ ಆವ್ಕಾಸ್ ದಿತಾ?” ಮ್ಹಣ್ ಥೊಡೆ ವಿಚಾರ್ತಾತ್ ಮ್ಹಣೊನ್ ಸಾಂಗ್ಲೆಂ. ಹೆಂ ಕಾಂಯ್ ಅನಿರೀಕ್ಷಿತ್ ನ್ಹಯ್, ಆಜ್ಯಾಪ್‍ಯೀ ನ್ಹಯ್. ಸತ್ ಆನಿ ಶೀದಾ ಸಾಂಗ್ಚೆಂ ತರ್, ಹೆಂ ಸವಾಲ್‍ಚ್ ಮೂರ್ಖ್‍ಪಣಾಚೆಂ; ತೆಂ ಚಿಂತಾಪ್‍ಚ್ ಪಿಶೆಂಪಣ್!

ವ್ಹಯ್. ಜಾಂವಯ್ ನಂ. 1 ಪಿಂತುರಾಕ್ ಆಮಿ ಸರ್ಸರಿತ್ ಖೆಂಡ್ಲಾಂ. ಕಿತ್ಯಾಕ್? ತೆಂ ಫಕತ್ ಹ್ಯಾರಿ ಫೆರ್ನಾಂಡಿಸಾಚೆಂ ಪಿಂತುರ್ ಮ್ಹಳ್ಳ್ಯಾಕ್. ಅರೆ, ತಶೆಂ ಕಿತ್ಯಾಕ್ ಮ್ಹಣ್ತಾತ್‍ಗೀ? ವಾಜ್ಭಿ ಕಾರಣ್ ಆಸಾ. ಹ್ಯಾರಿ ಫೆರ್ನಾಂಡಿಸ್ ಏಕ್ ಹೆಳ್‍ಲ್ಲೊ ನಿರ್ದೇಶಕ್, ದೆಕುನ್. ಕೊಣೆಂ ಎಕ್ಲ್ಯಾನ್, ಸಿನೆಮಾಚೆಂ ಆರು ಮೂರು ಕಳಿತ್ ನಾತ್‍ಲ್ಲ್ಯಾನ್, ತಸಲೆಂ ಫಿಲ್ಮ್ ಕಾಡ್‍ಲ್ಲೆಂ ತರ್ ಆಮ್ಕಾಂ ಕಿತೆಂಚ್ ಉಲಂವ್ಕ್ ನಾತ್‍ಲ್ಲೆಂ. ಘೊಡೊ ಧಾಂವನಾ ಮ್ಹಣೊನ್ ದುರ್ಸೊಂಕ್ ಆಸ್ಪದ್ ಆಸಾ ಶಿವಾಯ್, ಕತ್ತೆಂ ಧಾಂವನಾ ಮ್ಹಣ್ತಲೊ ಮೂರ್ಖ್‍ಚ್ ಸಯ್. ಹ್ಯಾರಿ ಫೆರ್ನಾಂಡಿಸಾನ್ ತಸಲೆಂ ಉತಳ್ ಸಿನೆಮ್ ದಿಲ್ಲ್ಯಾಕ್ ಮಾತ್ರ್ ಆಮಿ ಆಕ್ಷೇಪ್ ಉಚಾರ್‌ಲ್ಲೊ. ಘೊಡ್ಯಾಪರಿಂ ಧಾಂವಜೆ ಆಸ್‍ಲ್ಲ್ಯಾನ್ ಧ್ಯೇಯ್ ಕಳಿತ್ ನಾತ್‍ಲ್ಲೆಪರಿಂ ಖರ್ಶೆಲ್ಲ್ಯಾಕ್ ಆಮಿ ಚತ್ರಾಯ್ ಸಾಂಗ್‍ಲ್ಲಿ ಶಿವಾಯ್ ದುಸ್ರೆಂ ಕಿತೆಂಯೀ ನ್ಹಯ್.

ಕಾರಣ್ ಸ್ಪಷ್ಟ್. ತೆಂ ತಾಚೆಂ, ಕೊಂಕ್ಣೆಂತ್ಲೆಂ ತಿಸ್ರೆಂ ಫಿಲ್ಮ್. ತೆಂಯೀ ವ್ಹಡ್ ಭಾಸಾಂನಿ, ಮುಂಬೈಂತ್, ಹೆಳ್‍ಲ್ಲ್ಯಾಚೆಂ. ವಿಳಾಪ್ ದಿತೆಲ್ಯಾಂನಿ ಉಡಾಸ್ ಕರಿಜೆ, ಹ್ಯಾಚ್ ಹ್ಯಾರಿ ಫೆರ್ನಾಂಡಿಸಾಚೆಂ ಪಯ್ಲೆಂ ಪಿಂತುರ್ ‘ನಶಿಬಾಚೊ ಖೆಳ್’ ಹಿಟ್ ಜಾಂವ್ಕ್ ಪ್ರಮುಖ್ ಕಾರಣ್‍ಂಚ್ ಆಮ್ಚೊ ರಿವ್ಯೂ. ತಾಚ್ಯಾ ದುಸ್ರ್ಯಾ ಫಿಲ್ಮಾಕ್ ‘ಸೊಫಿಯಾಕ್’ಯೀ ಆಮಿ ಹೊಗೊಳ್ಸಿಲಾಂ, ಪ್ರಚಾರ್ ದಿಲಾ. ‘ಬುಡ್ಕುಲೊ’ ಇ-ಪತ್ರಾಕ್ ಇಂಟೆಗ್ರಿಟಿ ಆಸಾ ಮ್ಹಣ್ ವಳ್ಕಲ್ಲ್ಯಾಂ ಪಯ್ಕಿ ತೊಯೀ ಎಕ್ಲೊ. ತಾಚೆಂ ವಿಸ್ತ್ರತ್ ಸಂದರ್ಶನ್ ಆಮಿ ಫಾಯ್ಸ್ ಕೆಲ್ಲೆಂ. ಪುಣ್, ಆಮ್ಚ್ಯಾ ಸರ್ವ್ ನಿರೀಕ್ಷೆಂಕ್ ನಿರಾಸ್ ಕೆಲ್ಲ್ಯಾನ್ ತಾಚ್ಯಾ ತಿಸ್ರ್ಯಾ ಫಿಲ್ಮಾಕ್ ಆಮಿ ತಿರಸ್ಕಾರ್ ಕೆಲ್ಲೆಂ. ತೆಂ ತಾಕಾ ಖುರ್ಸಾರ್ ಮಾರುಂಕ್‍ಯೀ ನ್ಹಯ್, ಬಹಿಷ್ಕಾರ್ ಘಾಲುಂಕ್‍ಯೀ ನ್ಹಯ್. (ತಿಂ ಬರ್ಪಾಂ ಆತಾಂಯೀ ಆಸಾತ್, ಜರ್ ತಾಂತುಂ ಆಕ್ಷೇಪಣೀಯ್ ಕಿತೆಂಯೀ ಆಸಾ ಮ್ಹಣ್ ಕೊಣಾಯ್ಕೀ ಭೊಗ್ತಾ ತರ್ ತೆಂ ಆಮ್ಕಾಂ ಕಳವ್ಯೆತ್). ಮಾನಸಿಕ್ ಭಲಾಯ್ಕಿ ಆಸ್‍ಲ್ಲ್ಯಾಂಕ್ ಮಾತ್ರ್ ಎಕ್ಲ್ಯಾಚ್ಯಾ ಕೃತಿಯೆಕ್ ಆನಿ ವ್ಯಕ್ತಿಕ್ ಆಸ್ಚೊ ತಫಾವತ್ ಸಮ್ಜೊಂಕ್ ಜಾತಾ. ಪಿಡೇಸ್ತ್ ಮನಸ್ಥಿತಿ ಸಗ್ಳ್ಯಾಂನಿ ಆಸ್ತಾ, ಆಮ್ಚ್ಯಾ ಕೊಂಕ್ಣೆಂತ್‍ಯೀ ತಿ ಧಾರಾಳ್ ಆಸಾ ಜಾಲ್ಲ್ಯಾನ್ ಆಮ್ಚ್ಯಾ ಮಧೆಂ ಜಾಯ್ತ್ಯಾಂಕ್ ಘುಸ್ಪಡ್ ಜಾಲ್ಯಾ. (ತಿ ಕಾಣಿ ವೆಗ್ಳಿಚ್ ಆಸಾ).

ಸಿನೆಮಾ ಉದೆಲ್ಲೆಂಚ್ ಪ್ರಜಾಪ್ರಭುತ್ವಾ ಥಾವ್ನ್ ಮೆಳ್‍ಲ್ಲ್ಯಾ ಅಭಿವ್ಯಕ್ತಿ ಸ್ವಾತಂತ್ರ್ಯ್ ಆನಿ ಸಾಂವಿಧಾನಿಕ್ ಹಕ್ಕಾಂ ಥಾವ್ನ್. ಬರಂವ್ಚೆಂ ತಶೆಂಚ್ ಮಾಧ್ಯಮ್ ಸ್ವಾತಂತ್ರ್ಯ್‌ಯೀ ತಸಲೆಂಚ್ ಏಕ್ ದೆಣೆಂ. ಏಕ್ ಮಾಧ್ಯಮ್ ಜಾವ್ನ್ ‘ಬುಡ್ಕುಲೊ’ ಇ-ಪತ್ರಾನ್, ಸೀಮಿತ್ ತಾಂಕಿನ್ ತರೀ, ಆಪ್ಲಿ ಜವಾಬ್ದಾರಿ ಬರಿಚ್ ಸಾಂಬಾಳ್ಳ್ಯಾ. ಆಮ್ಚೆಂ ಕರ್ತವ್ಯ್ ಆಮಿ ಜಾಣಾಂವ್. ಕೊಣಾಯ್ಚಿಯೀ ಖಾಸ್ಗಿ ಗಜಾಲ್ ಆಮಿ ಚರ್ಚಾ ಕರಿನಾಂವ್. ಏಕ್ ಭೋವ್ ಸಂತೃಪ್ತೆಚಿ ಗಜಾಲ್ ಮ್ಹಳ್ಯಾರ್, ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸ್, ದುರ್ಸತಾನಾ ಬೆಜಾರ್ ಪಾಂವ್ಚೆಂ ಸಹಜ್ ತರೀ, ಉಪ್ರಾಂತ್ ತಾಕಾ ಸಮ್ಜತಾ ಆನಿ ತೊ ‘ಬುಡ್ಕುಲೊ ವರ್ವಿಂ ಮ್ಹಜೆ ದೊಳೆ ಉಗ್ತೆ ಜಾಲೆ’ ಮ್ಹಣ್ತಾ ತರ್ ತಾಂತುಂ ತಾಚೆಂ ವ್ಹಡ್ಪಣ್ ಸಾಬಿತ್ ಜಾತಾ. ‘ನಶಿಬಾಚೊ ಖೆಳ್’ ಸಿನೆಮಾ ರಿವ್ಯೂ ವಾಚುನ್ ತಾಣೆಂ ಸಂಪರ್ಕ್ ಕೆಲ್ಲ್ಯಾ ದಿಸಾ ಥಾವ್ನ್ ಆತಾಂಯೀ ತೊ ಮ್ಹಜ್ಯಾ ಸಂಪರ್ಕಾರ್ ಆಸಾ. ಮಂಗ್ಳುರಾಂತ್ಲ್ಯಾ ಕಿರ್ಕೊಳ್ ಸ್ವಭಾವಾಚ್ಯಾ ಸಬಾರಾಂ ಪ್ರಾಸ್ ತಾಚೆಂ ಮನ್ ಜಾಯ್ತೆಂ ಊಂಚ್ ಆಸಾ.

‘ಬೆಂಡ್ಕಾರ್’ ಸಿನೆಮಾಚಿ ತಯಾರಿ ಆನಿ ತಾಂತ್ಲ್ಯಾ ಗಜಾಲಿಂವಿಶಿಂ ಹ್ಯಾರಿ ಆಮ್ಚೆ ಸಂಗಿಂ ಉಲಯ್ಲೊ. (ಸಂವಾದಾಚ್ಯೊ ಹಾಂಗಾ ಘಾಲ್ಲ್ಯೊ ತಸ್ವಿರ್‍ಯೊ ತಾಚೆ ಸಂಗಿಂ ಆಮಿ ಆದಿಂ ಚಲಯಿಲ್ಲ್ಯಾ ಸಂದರ್ಶನಾಚ್ಯೊ). ತೊ ಕಿತೆಂ ಮ್ಹಣ್ತಾ ತೆಂ ಹೆಂ ಸಂದರ್ಶನ್ ವಾಚುನ್ ಜಾಣಾಂ ಜಾಯಾ.

-ಡೊನಾಲ್ಡ್ ಪಿರೇರಾ, ಸಂಪಾದಕ್

ಬುಡ್ಕುಲೊ: ಮಾನೆಸ್ತ್ ಹ್ಯಾರಿ ಫೆರ್ನಾಂಡಿಸ್, ‘ಬೆಂಡ್ಕಾರ್’ ಸಿನೆಮ್ ಕಾಡುಂಕ್ ಕಿತೆಂ ಪ್ರೇರಣ್?

ಹ್ಯಾರಿ: ಹಾಂವೆಂ ನಶಿಬಾಚೊ ಖೆಳ್, ಸೊಫಿಯಾ ಆನಿ ಜಾಂವಯ್ ನಂ. 1 ಸಿನೆಮಾಂಕ್ ನಿರ್ದೇಶನ್ ದಿಲ್ಲೆಂ, ಸ್ಕ್ರಿಪ್ಟ್ ಆನಿ ಪದಾಂ ಬರಯ್ಲ್ಯಾಂತ್. ಮುಖ್ಲೆಂ ಫಿಲ್ಮ್ ಕಾಡುಂಕ್ ಚಿಂತುನ್ ಆಸ್ತಾನಾ, ಮ್ಹಾಕಾ ಡೊಲ್ಫಿ ಆನಿ ಜೆಸಿಂತಾ ರೆಬೆಲ್ಲೊ ಮೆಳ್ಳಿಂ, ತಾಣಿಂ ಫಿಲ್ಮ್ ನಿರ್ಮಾಣ್ ಕರುಂಕ್ ಇಚ್ಛಾ ದಾಕಯ್ಲಿ. ಉಪ್ರಾಂತ್ ಪ್ರಿನ್ಸ್ ಜೇಕಬ್, ಸ್ಟ್ಯಾನಿ ಅಲ್ವಾರಿಸ್ ಆನಿ ಹಾಂವ್ ಸಂಗಿಂ ಮೆಳ್ಳ್ಯಾಂವ್. ಪಯ್ಲೆಂ ದುಸ್ರ್ಯಾ ಸಬ್ಜೆಕ್ಟಾಚೆರ್ ಫಿಲ್ಮ್ ಕಾಡುಂಕ್ ಚಿಂತ್‍ಲ್ಲೆಂ. ಜಾಂವಯ್ ನಂ. 1 ಪಿಂತುರಾ ವೆಳಾರ್ ಜಾಯ್ತ್ಯಾಂನಿ ಮ್ಹಾಕಾ, ಹಾಂವ್ ಏಕ್ ಹೆಳ್‍ಲ್ಲೊ ಫಿಲ್ಮ್‍ಕಾರ್ ದೆಕುನ್ ಏಕ್ ಬರೊ ವಿಷಯ್ ಘೆವ್ನ್ ಫಿಲ್ಮ್ ಕಾಡುಂಕ್ ಸಲಹಾ ದಿಲಿ. ಬೆಂಡ್ಕಾರಾಂ ವಿಶಿಂ ಪಯ್ಲೆಂ ಥಾವ್ನ್ ಮ್ಹಾಕಾ ಆಸಕ್ತ್ ಆಸ್‍ಲ್ಲಿ. ಕಾರ್ಯಾಂಕ್ ಗೆಲ್ಲ್ಯಾ ವೆಳಾರ್ ಕೆದ್ನಾಂಯ್ ಹಾಂವ್ ತಾಂಚೆ ಲಾಗಿಂ ಉಲವ್ನ್, ತಾಂಚೆಂ ಸುಖ್ ದುಖ್ ಆಯ್ಕತಾಲೊಂ. ಪುಣ್ ಆತಾಂ ಬೆಂಡ್ಕಾರಾಂಕ್ ಡಿಮಾಂಡ್ ನಾ. ನವಿ ಪಿಳ್ಗಿ ಬೆಂಡಾ ಕುಶಿನ್ ಆಸಕ್ತ್ ದಾಕಯ್ನಾ, ತಾಂಕಾಂ ಟ್ರಂಪೆಟ್ ಹಾತಿಂ ಧರುಂಕ್ ನಾಕಾ. ಆಜ್‍ಕಾಲ್ ಡಿ.ಜೆ.ಚೊಚ್ ಸ್ಪರ್ಧೊ. ಆದ್ಲೆಪರಿಂ ಬೆಂಡಾಂ ವರ್ವಿಂ ಜಿವಿತ್ ಸಾರುಂಕ್ ಆತಾಂ ಜಾಯ್ನಾಂ.

ಅಶೆಂ ಹಾಂವೆಂ ಕಾಣಿ ಬರಯ್ಲಿ ಆನಿ ಸ್ಕ್ರೀನ್‍ಪ್ಲೇ ತಯಾರ್ ಕೆಲೆಂ. ನಿರ್ಮಾಪಕಾಂಕ್ ಆನಿ ಹೆರಾಂಕ್ ವಿವರ್ಸಿತಾನಾ ತಾಂಕಾಂ ಪಸಂದ್ ಜಾಲ್ಲ್ಯಾನ್ ‘ಬೆಂಡ್ಕಾರ್’ ಸಿನೆಮ್ ನಿರ್ಮಾಣ್ ಕರುಂಕ್ ಫುಡೆಂ ಸರ್ಲ್ಯಾಂವ್.

ಬುಡ್ಕುಲೊ: ಸತ್ ಸಾಂಗ್, ‘ಬುಡ್ಕುಲೊ’ಚೆರ್ ಜಾಂವ್ ಡೊನಿಚೆರ್ ಜಾಂವ್ ತುಕಾ ರಾಗ್ ಆಸಾಗೀ? ತುಜೆಂ ತಿಸ್ರೆಂ ಫಿಲ್ಮ್ ಬರೆಂ ನಾತ್‍ಲ್ಲ್ಯಾಕ್ ಶಿಣ್‍ಲ್ಲ್ಯಾಕ್..?

ಹ್ಯಾರಿ: ನಾ, ನಾ, ನಾ. ಬಿಲ್ಕುಲ್ ನಾ. ಮ್ಹಾಕಾ ಕೆದಾಳಾಯ್ ಕೊಣಾಯ್ಚೆರ್ ರಾಗ್ ನಾ. ಆಮಿ ಮನಿಸ್. ಮನಿಸ್ ದೇವ್ ನ್ಹಯ್. ಮನ್ಶ್ಯಾಕ್ ರಾಗ್, ಬೆಜಾರಾಯ್, ಲೋಭ್ ಸಗ್ಳೆಂ ಆಸ್ತಾ. ಕೊಣೆಂಯ್ ಬರೆಂ ಮ್ಹಳ್ಯಾರ್ ಖುಷಿ ಜಾತಾ, ಪಾಡ್ ಮ್ಹಳ್ಯಾರ್ ಇಲ್ಲೊಸೊ ಮೂಡ್ ಆಫ್ ಜಾತಾ. ಹಾಂವೆಂ ಭೋಜ್‍ಪುರಿ, ಮರಾಠಿ, ಹಿಂದಿ ಧರುನ್ ಲಗ್ಬಗ್ 15 ಸಿನೆಮಾಂ ಕೆಲ್ಯಾಂತ್. 30 ವರ್ಸಾಂನಿ ಮ್ಹಾಕಾ ಜಾಯ್ತೊ ಅನುಭವ್ ಜಾಲಾ. ಏಕ್ ಫಿಲ್ಮ್ ಸಕ್ಡಾಂಕ್ ಪಸಂದ್ ಜಾಯ್ಜೆ ಮ್ಹಣ್ ನಾ. ಥೊಡ್ಯಾಂಚಿ ಅಪೇಕ್ಷಾ ಚಡ್ ಆಸ್ತಾ. ‘ಬುಡ್ಕುಲೊ’ ಆನಿ ತಾಚೊ ಸಂಪಾದಕ್ ಡೊನಿ ಪಿರೇರಾಚಿ ಅಪೇಕ್ಷಾ ಆನಿಕೀ ಚಡ್ ಜಾವ್ನಾಸ್ತೆಲಿ. ತಾಚ್ಯಾ ಅಪೇಕ್ಷಾಕ್ ಹಾಂವ್ ಫಾವೊ ಜಾಂವ್ಕ್ ನಾ ದೆಕುನ್ ತಾಣೆಂ ತಾಚಿ ಅಭಿಪ್ರಾಯ್ ದಿಲಿ. ತಾಂತುಂ ಕಿತೆಂಚ್ ಚೂಕ್ ನಾ. ಪತ್ರ್‌ಕಾರಾಂನಿ ಅಭಿಪ್ರಾಯ್ ದಿಂವ್ಚೆಂ, ಚೂಕ್ ದಾಕವ್ನ್ ದಿಂವ್ಚೆಂ ಪ್ರಜಾಪ್ರಭುತ್ವಾಂತ್ ಸಹಜ್.

ಪುಣ್ ರಾಗ್ ಯೆಂವ್ಚೊ ಕೆದ್ನಾಂ ಮ್ಹಳ್ಯಾರ್ ಪಾಟ್ಲ್ಯಾನ್ ರಾವೊನ್ ಫಾತೊರ್ ಮಾರ್ತಾನಾ. ತುಮಿ ಪತ್ರ್‍ಕಾರ್, ತುಮ್ಕಾಂ ಜಾಣ್ವಾಯ್ ಆಸ್ತಾ. ಪುಣ್ ಕಿತೆಂಚ್ ಸಮ್ಜಣಿ ನಾತ್‍ಲ್ಲ್ಯಾಂನಿ, ಬುಡ್ಕುಲೊಂತ್ ಜಾಂವಯ್ ನಂ. 1 ಪಿಂತುರ್ ಬರೆಂ ನಾ ಮ್ಹಣ್ ಲೇಖನ್ ಆಯ್ಲಾಂ ಮ್ಹಣೊನ್ ಮೆಳ್‍ಲ್ಲ್ಯಾ ಸಕ್ಕಡ್ ಗ್ರೂಪಾಂನಿ ಫಾರ್ವರ್ಡ್ ಕೆಲೆಂ. ತಾಂಚೊ ಉದ್ದೇಶ್ ಫಕತ್ ಅಪಪ್ರಚಾರ್ ಕರ್ಚೊ. ಜಿಣ್ಯೆಂತ್ ಕಿತೆಂಯ್ ಸಾಧನ್ ಕರಿನಾತ್‍ಲ್ಲೆ ವಾಟ್ಸಾಪ್ ಗ್ರೂಪಾಂನಿ ನಿಂದಾ ಕರ್ತಾತ್. ಹ್ಯಾಚ್ ಬುಡ್ಕುಲೊಂತ್ ಮ್ಹಜ್ಯಾ ನಶಿಬಾಚೊ ಖೆಳ್ ಆನಿ ಸೊಫಿಯಾ ಸಿನೆಮಾ ವಿಶಿಂ ಹೊಗ್ಳಿಕ್ ಉಚಾರ್‌ಲ್ಲಿ ಆನಿ ಬರಿಚ್ ಅಭಿಪ್ರಾಯ್ ದಿಲ್ಲಿ. ಪುಣ್ ತೆಂ ತಾಣಿಂ ಫಾರ್ವರ್ಡ್ ಕರುಂಕ್ ನಾ!

ಹಾಂವ್ ಜಾಣಾಂ, ಡೊನಿ ಪಿರೇರಾ ಜಾಯ್ತಿಂ ಫಿಲ್ಮಾಂ ಪಳೆತಾ ಆನಿ ತಾಂಚೆ ವಿಶಿಂ ಬರವ್ನ್ ಘಾಲ್ತಾ. ಫೇಸ್‍ಬುಕಾಂತ್‍ಯೀ ಫಿಲ್ಮಾಂ ವಿಶಿಂ ತುಜಿಂ ಬರ್ಪಾಂ ಹಾಂವೆಂ ವಾಚ್ಲ್ಯಾಂತ್. ತುಂ ಏಕ್ ಪತ್ರಕಾರ್ ಜಾವ್ನ್, ವಿಮರ್ಶಕ್ ಜಾವ್ನ್ ಉಲಯ್ತಾಯ್. ತುಕಾ ತೊ ಅಧಿಕಾರ್ ಆಸಾ. ಸಮಾಜೆಂತ್ ಬರವ್ಪಿ ಆನಿ ವಿಮರ್ಶಕಾಂಚೆಂ ಕಾಮ್‍ಂಚ್ ತೆಂ. ಪುಣ್ ಜಿಣ್ಯೆಂತ್ ಕಿತೆಂಯ್ ಸಾಧನ್ ಕರಿನಾತ್‍ಲ್ಲೆ, ಫಿಲ್ಮ್ ಪಳೆಂವ್ಕ್ ಸಯ್ತ್ ವಚನಾತ್‍ಲ್ಲೆ ಪಾಡ್ ಕಮೆಂಟ್ಸ್ ಘಾಲ್ತಾತ್ ತರ್ ತಾಕಾ ಕಸಲೆಂಚ್ ಮೋಲ್ ನಾ. ಸೊಫಿಯಾ ಸಿನೆಮಾಕ್ ಬೆಸ್ಟ್ ರೀಜನಲ್ ಫಿಲ್ಮ್ ಮ್ಹಣ್ ಆನಿ ತಾಚ್ಯಾ ನಿರ್ದೇಶನಾಕ್ ಪ್ರಶಸ್ತ್ಯೊ ಮೆಳ್‍ಲ್ಲ್ಯೊ. ಹ್ಯಾ ಮನ್ಶ್ಯಾಂನಿ ಏಕ್ ಗೀಟ್ ಸಯ್ತ್ ತ್ಯಾ ವಿಶಿಂ ಬರಂವ್ಕ್ ನಾ. ಹಾಚೊ ಅರ್ಥ್ ಕಿತೆಂ? ಹಾಚೊ ಅರ್ಥ್ ಇತ್ಲೊಚ್‍ಗೀ, ವೈಯಕ್ತಿಕ್ ರಾಗ್ ಕಾಡ್ಚೊ ಆನಿ ನಂಜಿ ವೊಂಕ್ಚೆಂ ಮಾತ್ರ್ ತಾಂಚೊ ಉದ್ದೇಶ್.

ಫಿಲ್ಮ್ ಬರೆಂ ನಾ ಮ್ಹಣ್ ಭೊಗ್ಲ್ಯಾರ್ ತೆಂ ಉಚಾರುಂಕ್ ಹಕ್ಕ್ ಆಸಾ. ಪುಣ್ ಬರೆಂ ಆಸ್ಲ್ಯಾರ್ ಬರೆಂ ಆಸಾ ಮ್ಹಣ್‍ಯೀ ಸಾಂಗಜೆ ನ್ಹಯ್‍ವೇ? ಮ್ಹಜಿಂ ಎದೊಳ್ ತೀನ್ ಕೊಂಕ್ಣಿ ಫಿಲ್ಮಾಂ ಆಯ್ಲ್ಯಾಂತ್. ಆತಾಂ ಚವ್ತೆಂ ಯೆತಾ. ವಿಮರ್ಶಕಾಂನಿ ಖಂಡಿತ್ ಉಲವ್ಯೆತ್. ವಿಮರ್ಸೊ ಯೆತಾನಾ ಆಡಾಂವ್ಚೆಂ ಸಾರ್ಕೆಂ ನ್ಹಯ್. ಆಮಿ ಸಿನೆಮ್ ಲೊಕಾ ಖಾತಿರ್ ಕರ್ಚೆಂ. ತಶೆಂ ಆಸ್ತಾನಾ ಲೊಕಾಚಿ ಅಭಿಪ್ರಾಯ್ ಆಮಿ ಮಾಂದುನ್ ಘೆಜೆ. ‘ಬುಡ್ಕುಲೊ’ ಇ-ಪತ್ರಾನ್ ಕೊಂಕ್ಣಿ ಫಿಲ್ಮಾಂಕ್ ಬರೊಚ್ ಪಾಟಿಂಬೊ ದಿಲಾ, ಪ್ರಚಾರ್ ದಿಲಾ. ಆನಿ ಕಿತೆಂಯ್ ಆಸ್ಲ್ಯಾರೀ ಬುಡ್ಕುಲೊಂತ್ ಉಗ್ತ್ಯಾನ್ ಅಭಿಪ್ರಾಯ್ ಫಾಯ್ಸ್ ಜಾತಾ. ಹೆರಾಂಪರಿಂ ಚೊರ್‍ಯಾಂ ನ್ಹಯ್ ವಾ ಲಿಪೊನ್ ರಾವೊನ್ ನ್ಹಯ್.

ಬುಡ್ಕುಲೊ: ಮಾಧ್ಯಮಾಂನಿ ಸಮಾಜೆಕ್ ತಿದ್ವುಂಚೆಂ ಗರ್ಜೆಚೆಂ ವಾ ನ್ಹಯ್? ಸಿನೆಮಾಚೆರ್ ವಿಮರ್ಸೊ ಕೆಲ್ಯಾರ್ ಚೂಕ್ ಜಾತಾ? ತುಜಿ ಅಭಿಪ್ರಾಯ್ ಕಿತೆಂ?

ಹ್ಯಾರಿ: ವಿಮರ್ಸೊ ಕೆಲ್ಯಾರ್ ಖಂಡಿತ್ ಚೂಕ್ ನ್ಹಯ್. ಸಂಸಾರ್‌ಭರ್ ಆನಿ ಭಾರತಾಂತ್ ಹರ್ ಭಾಶೆಚಿಂ ಸಿನೆಮಾಂ ರಿಲೀಸ್ ಜಾತಚ್ ಮಾಧ್ಯಮಾಂ ತ್ಯಾ ವಿಶಿಂ ಉಲಯ್ತಾತ್, ಆಪ್ಲಿ ಅಭಿಪ್ರಾಯ್ ದಿತಾತ್. ಮಾಧ್ಯಮಾಂ ಥೊಡೆ ಪಾವ್ಟಿಂ ಸಾರ್ಕಿಂ ಆಸ್ತಾತ್, ಥೊಡೆ ಪಾವ್ಟಿಂ ಚುಕೊನ್‍ಯೀ ಪಡ್ತಾತ್. ಭೋವ್ ಬರಿಂ, ಸ್ಟ್ಯಾಂಡರ್ಡ್ ಆನಿ ಇಂಟೆಲೆಕ್ಚುವಲ್ ಸಿನೆಮಾಂ ಜಾಯ್ತಿಂ ಯೆತಾತ್. ಹಾಂವ್‍ಯೀ ಪಳೆತಾಂ. ಆಯ್ಲೆವಾರ್ ಹಿಂದಿಂತ್ ‘ಆರ್ಟಿಕಲ್ 15’ ಫಿಲ್ಮ್ ಆಯಿಲ್ಲೆಂ. ಭಾರಿಚ್ ಮಾಹೆತ್‍ವಂತ್ ಫಿಲ್ಮ್ ತೆಂ. ಆತಾಂ ತ್ಯಾ ಫಿಲ್ಮಾಕ್‍ಯೀ ಬರೆಂ ಆಸಾ ಆನಿ ಬರೆಂ ನಾ ಮ್ಹಣ್ ಸಾಂಗ್ತೆಲೆ ಆಸಾತ್. ರೋಹಿತ್ ಶೆಟ್ಟಿಚಿಂ ಫಿಲ್ಮಾಂ ಘೆ. ತಾಚ್ಯಾ ಫಿಲ್ಮಾಂಕ್ ವಿಮರ್ಶಕಾಂನಿ ಕೆದ್ನಾಂಯ್ ಬರೆಂ ಮ್ಹಳ್ಳೆಂಚ್ ನಾ. ತರೀ ತಾಚಿಂ ಫಿಲ್ಮಾಂ ಕೊರೊಡಾಂನಿ ಕಲೆಕ್ಷನ್ ಕರ್ತಾತ್. ಸಾಧ್ಯಾ ಲೊಕಾಕ್ ಮನೋರಂಜನ್ ಪಸಂದ್ ಜಾತಾ. ದೆಕುನ್ ತೆ ಪಳೆತಾತ್.

ಮಾಧ್ಯಮಾಚೆ ಪ್ರತಿನಿಧಿ ಆಪ್ಲಿ ಅಭಿಪ್ರಾಯ್ ಮಾಂಡ್ತಾತ್. ತಾಂತುಂ ತಾಣಿಂ ಚುಕೊಂಕ್ ನಜೊ. ಕೊಂಕ್ಣೆಂತ್ ಬರಿಂ ಫಿಲ್ಮಾಂ ಯೇಂವ್ಕ್ ಜಾಯ್. ತಾಕಾ ಪ್ರೋತ್ಸಾಹ್‍ಯೀ ಜಾಯ್. ಠಿಕಾ, ವಿಮರ್ಸೊ ಆಸ್ಲ್ಯಾರ್ ಆಮ್ಚಿ ಚೂಕ್ ಆಮ್ಕಾಂ ಕಳ್ತಾ. ತ್ಯಾ ವರ್ವಿಂ ಆಮ್ಚೆ ಥಂಯ್ ಸುಧ್ರಾಪ್ ಜಾತಾ. ಮಾಧ್ಯಮಾಂಕ್ ಸ್ವಾತಂತ್ರ್ಯ್ ಆಸಾ. ತುಮಿ ತುಮ್ಚೆಂ ಕಾಮ್ ಕರುನ್‍ಂಚ್ ರಾವಾ.

ಬುಡ್ಕುಲೊ: ‘ಬೆಂಡ್ಕಾರ್’ ಫಿಲ್ಮ್ ತುಜ್ಯಾ ಹೆರ್ ಫಿಲ್ಮಾಂ ಪ್ರಾಸ್ ಚಡ್ ಬರೆಂ ಕರುಂಕ್ ಕಿತೆಂ ಸರ್ವ್ ಕೆಲಾಂಯ್?

ಹ್ಯಾರಿ: ಸೊಫಿಯಾ ಫಿಲ್ಮಾಂತ್ ಹಾಂವೆಂ ಪಾಂಚ್ ಪದಾಂ ಬರಯಿಲ್ಲಿಂ. ಹ್ಯಾ ಫಿಲ್ಮಾಂತ್ ಹಾಂವೆಂ ನಾಮ್ಣೆಚ್ಯಾ ಎಕಾ ಕವಿಕ್ ಬರಂವ್ಕ್ ದಿಲ್ಯಾಂತ್. ಮ್ಹಜ್ಯಾ ಆದ್ಲ್ಯಾ ಫಿಲ್ಮಾಂನಿ ಮುಂಬೈಚೊ, ಮರಾಠಿಂತ್ಲೊ ಸಂಗೀತ್ ನಿರ್ದೇಶಕ್ ಆಸ್‍ಲ್ಲೊ. ಹ್ಯಾ ಪಾವ್ಟಿಂ ಕೊಂಕ್ಣೆಂತ್ಲೊ ತಾಲೆಂತ್ ಪ್ಯಾಟ್ಸನ್ ಪಿರೇರಾಕ್ ತಿ ಜವಾಬ್ದಾರಿ ದಿಲ್ಯಾ. ಗೊಂಯ್ಚೆ ಫಾಮಾದ್ ಕೊಮೆಡಿಯನ್ ಕಲಾಕಾರ್ ಪ್ರಿನ್ಸ್ ಜೇಕಬ್ ಆನಿ ಜೊನ್ ಡಿಸಿಲ್ವಾ ಸಾಂಗಾತಾ ನಟನ್ ಕರ್ತಾತ್. ಹ್ಯಾ ಪಾವ್ಟಿಂ ನವಿಚ್ ಎಕ್ಲಿ ನಟಿ ನಾಯಕಿ ಜಾವ್ನ್ ನಟನ್ ಕರ್ತಾ. ಕಲಾಂಗಣಾಂತ್ ಗ್ಲೋಬಲ್ ಸಿನೆ ಪ್ರಶಸ್ತಿ ಕಾರ್ಯಾ ವೆಳಾರ್ ತಿಣೆಂ ಲೊರ್ನಾ ಸಂಗಿಂ ಗಾಯನ್ ಕೆಲ್ಲೆಂ. ತಿಚೆಂ ನಾಂವ್ ನೈಸಾ ಡಯಾಸ್ ಲೊಟ್ಲೀಕರ್. ಕೊಂಕ್ಣೆಕ್ ಏಕ್ ಬರೆಂ ಹೀರೋಯಿನ್ ತಾಚೆ ಮುಖಾಂತ್ರ್ ಮೆಳ್ಳಾಂ. ಕೊರಿಯೊಗ್ರಾಫರ್ ಜಾವ್ನ್ ಅವಿಲ್ ಡಿಕ್ರುಜ್ ಆನಿ ನಿಶಾನ್ ಸಾಂಗಾತಾ ಹಿಂದಿಂತ್ಲೊ ಫಾಮಾದ್ ಪಪ್ಪು ಖನ್ನಾಕ್ ಘೆತ್ಲಾಂ. ಪದಾಂಚೆಂ ಶೂಟಿಂಗ್ ಕರುಂಕ್ ಜಾಯ್ತೊ ವೇಳ್ ಆನಿ ಮ್ಹಿನತ್ ಖರ್ಚಿಲ್ಯಾ. ಬರಿಂ ಲೊಕೇಶನಾಂ ವಾಪಾರ್ಲ್ಯಾಂತ್. ಫಿಲ್ಮಾಚೆಂ ಶೂಟಿಂಗ್ ಜಾಲ್ಯಾ ಉಪ್ರಾಂತ್‍ಯೀ ಆಮಿ ತೆಂ ಪಳೆಂವ್ಕ್ ಸಬಾರ್ ಜಣಾಂಕ್ ದಾಕಯಿಲ್ಲೆಂ. ತಾಣಿಂ ಜಾಯ್ತಿ ಸಲಹಾ, ತಿದ್ವಣಿ ಸಾಂಗ್‍ಲ್ಲ್ಯೊ. ಜೆಂ ಕಿತೆಂ ಉಣೆಂಪಣ್ ದಿಸ್ತಾ ತೆಂ ಸಗ್ಳೆಂ ಸಾರ್ಕೆಂ ಕೆಲಾಂ, ಥೊಡಿಂ ದೃಶ್ಯಾಂ ಪರತ್ ಶೂಟ್ ಕೆಲ್ಯಾಂತ್.

ಆಮ್ಚೆ ಥಾವ್ನ್ ಚುಕಿ ಘಡನಾಂತ್ ಮ್ಹಣ್ ನ್ಹಯ್. ಫಿಲ್ಮ್ ರಿಲೀಸಾಕ್ ತಯಾರ್ ಕರ್ಚ್ಯಾ ಫುಡೆಂ ಆಮಿ ಕಿತೆಂ ಚುಕಿ ದಿಸ್ತಾತ್ ತ್ಯೊ ಸಗ್ಳ್ಯೊ ತಿದ್ವುಂಕ್ ಪ್ರಯತ್ನ್ ಕೆಲಾಂ. ಸಬಾರಾಂನಿ ದಿಲ್ಲ್ಯಾ ಅಭಿಪ್ರಾಯೆಂಕ್ ಆಮಿ ಮಾಂದ್ಲಾಂ. ಫಿಲ್ಮ್ ಲೊಕಾ ಸಾಮ್ಕಾರ್ ಪಡ್ತಾನಾ ತಾಂಚಿ ಅಭಿಪ್ರಾಯ್ ತೆ ದಿತೆಲೆ. ತಾಂಕಾಂ ಕಿತೆಂ ಭೊಗ್ತಾ ತೆಂ ಆಮ್ಕಾಂ ಸಾಂಗ್ಲ್ಯಾರ್ ತೆಂ ಆಮಿ ಸ್ವೀಕಾರ್ ಕರ್ತಾಂವ್.

ಬುಡ್ಕುಲೊ: ಹೆರ್ ಕಿತೆಂ ಆಸಾ?

ಹ್ಯಾರಿ: ಬೆಂಡ್ಕಾರ್ ಫಿಲ್ಮ್ ಬಾರ್ಕೂರಾಂತ್ ಶೂಟಿಂಗ್ ಜಾಲಾಂ. ನಶಿಬಾಚೊ ಖೆಳ್ ಬಾರ್ಕೂರಾಂತ್‍ಚ್ ಶೂಟಿಂಗ್ ಜಾಲ್ಲೆಂ. ಹಾಂತುಂ ಹೀರೋಯಿನ್ ನವಿ ಆಸಾ. ಪ್ರಿನ್ಸ್ ಜೇಕಬಾನ್ ಪಯ್ಲೆ ಪಾವ್ಟಿಂ ಗಂಭೀರ್ ಪಾತ್ರ್ ಕೆಲಾ. ಜೊನ್ ಡಿಸಿಲ್ವಾ ಸಂಗಿಂ ವಾವ್ರ್ ಕರುಂಕ್ ಭೋವ್ ಬರೆಂ ಲಾಗ್ಲೆಂ. ಸಕ್ಕಡ್ ನಟಾಂನಿ ಬರೊ ವಾವ್ರ್ ಕೆಲಾ. ಪ್ರೊಡಕ್ಷನ್ ಮ್ಯಾನೇಜರ್ ಪ್ರೇಮಾನ್ ಬರೆಂ ಕಾಮ್ ಕೆಲಾಂ. ಸಕ್ಡಾಂನಿ ಬರೊಚ್ ಸಹಕಾರ್ ದಿಲಾ. ಸಕ್ಡಾಂನಿ ಮೆಳೊನ್ ಏಕ್ ಬರೆಂ ಫಿಲ್ಮ್ ಕರ್ಚೆಂ ಪ್ರಯತ್ನ್ ಕೆಲಾಂ. ಬೆಂಡ್ಕಾರ್ ಫಿಲ್ಮ್ ಮಂಗ್ಳುರಿ ಆನಿ ಗೊಂಯ್ಚ್ಯಾ ಕೊಂಕ್ಣೆಂತ್ ಕಾಡ್ಲಾಂ. ಪ್ರಿನ್ಸ್ ಜೇಕಬಾಕ್ ಹಾಂವ್ ವಿಶೇಸ್ ಜಾವ್ನ್ ಧಿನ್ವಾಸ್ತಾಂ. ತಾಣೆಂ ಹರ್ಯೆಕ್ ಸಂಗ್ತಿಂತ್ ಮೆತೆರ್ ಜಾವ್ನ್ ಜಾಯ್ತಿ ಮ್ಹಿನತ್ ಕಾಡ್ಲ್ಯಾ, ಗೊಂಯ್ಚ್ಯಾ ಬೊಲಿಯೆಂತ್ ಡಬ್ಬಿಂಗ್ ಕರುಂಕ್ ತಾಣೆಂ ವಾಂವ್ಟ್ ಕಾಡ್ಲ್ಯಾ.

ಫಾಮಾದ್ ಮಂಗ್ಳುರ್‍ಗಾರ್ ನಟ್ ಸ್ಟ್ಯಾನಿ ಅಲ್ವಾರಿಸ್, ದೀಪಕ್ ಪಾಲಡ್ಕ, ಆಲ್ವಿನ್ ಅಂದ್ರಾದೆ, ಸುಜಾತಾ ಅಂದ್ರಾದೆ, ಕ್ಲಾಡಿ ಡಿಲೀಮಾ, ಸುನಿತಾ ಮಿನೆಜಸ್, ಜೋಸೆಫ್ ಮಥಾಯಸ್ ಆನಿ ಹೆರಾಂನಿ ನಟನ್ ಕೆಲಾಂ. ಉಶಾ ಉಸ್ಗಾಂವ್‍ಕರ್, ಕೆವಿನ್ ಡಿಮೆಲ್ಲೊ ಪ್ರಮುಖ್ ಪಾತ್ರಾರ್ ಆಸಾತ್.

ಮ್ಹಜ್ಯಾ ಆದ್ಲ್ಯಾ ದೋನ್ ನಿರ್ಮಾಪಕಾಂಚಿಂ ಕೊಂಕ್ಣಿ ಫಿಲ್ಮಾಂ ಗಾಂವಾಂತ್ ರಿಲೀಸ್ ಜಾಲ್ಯಾಂತ್. ಜಾನೆಟ್ ನೊರೊನ್ಹಾಚೆಂ ‘ಕಂತಾರ್’ ಆನಿ ಹೆನ್ರಿ ಡಿಸಿಲ್ವಾಚೆಂ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್. ಬುಡ್ಕುಲೊಚಿಂ ಬರ್ಪಾಂ ಹಾಂವೆಂ ವಾಚ್ಲ್ಯಾಂತ್. ತಶೆಂಚ್ ಲೊಕಾನ್ ಬರೊಚ್ ಸಹಕಾರ್ ದಿಲಾ. ಹೊಚ್ ಪಾಟಿಂಬೊ ಆಮ್ಚ್ಯಾ ‘ಬೆಂಡ್ಕಾರ್’ ಫಿಲ್ಮಾಕ್‍ಯೀ ಮೆಳ್ತಲೊ ಮ್ಹಳ್ಳೊ ಭರ್ವಸೊ ಆಮ್ಕಾಂ ಆಸಾ. ಕೊಂಕ್ಣಿ ಸಿನೆಮಾಂಕ್ ಲೊಕಾಚೊ ಪಾಟಿಂಬೊ ಮೆಳ್ಳ್ಯಾರ್ ಮಾತ್ರ್ ಫಿಲ್ಮ್ ಇಂಡಸ್ಟ್ರಿ ಮುಖಾರ್ ವೆತೆಲಿ.

ಬುಡ್ಕುಲೊ: ತುಮ್ಚ್ಯಾ ಫಿಲ್ಮಾಚೆಂ ಟ್ರೈಲರ್ ರಿಲೀಸ್ ಜಾಲಾಂ. ಸ್ಪಂದನ್ ಕಶೆಂ ಆಸಾ? ಮಂಗ್ಳುರಿ ಆನಿ ಗೊಂಯ್ಚ್ಯಾ ಡಯಲೆಕ್ಟಾಂತ್ ಫಿಲ್ಮ್ ಯೇವ್ನ್ ಆಸಾ… ರೆಸ್ಪಾನ್ಸ್ ಕಸೊ ಆಸಾ?

ಹ್ಯಾರಿ: ರೆಸ್ಪಾನ್ಸ್ ಬರೊ ಆಸಾ. ಟ್ರೈಲರ್ ಪಳೆಲ್ಲ್ಯಾಂ ಥಾವ್ನ್ ಪ್ರತಿಕ್ರಿಯಾ ಬರಿಚ್ ಆಯ್ಲ್ಯಾ. ಗೊಂಯಾಂತ್ ಆನಿ ಮಂಗ್ಳುರಾಂತ್ ಥಂಯ್ಚ್ಯಾಚ್ ಡಯಲೆಕ್ಟಾಂತ್ ಫಿಲ್ಮ್ ಕಾಡುಂಕ್ ಕಾರಣ್ ಆಸಾ. ‘ಸೊಫಿಯಾ’ ಗೊಂಯಾಂತ್ ಪ್ರದರ್ಶನ್ ಜಾತಾನಾ, ತಾಂಕಾಂ ಫಿಲ್ಮ್ ಪಸಂದ್ ಜಾಲೆಂ ತರೀ, ತಾಣಿಂ ತಾಂಚ್ಯಾ ಡಯಲೆಕ್ಟಾಂತ್ ಕಾಡಿಜೆ ಆಸ್‍ಲ್ಲೆಂ ಮ್ಹಳೆಂ. ಮಂಗ್ಳುರಿ ಆನಿ ಗೊಂಯ್ಚ್ಯಾ ಕೊಂಕ್ಣೆಂತ್ ತಫಾವತ್ ಆಸಾ. ಗೊಂಯಾಂತ್ ಜಾಯ್ತೆ ನಾಟಕ್ ಪ್ರದರ್ಶನ್ ಜಾವ್ನ್ ಆಸ್ತಾತ್. ಗೊಂಯ್ಚ್ಯಾ ಡಯಲೆಕ್ಟ್ ಆನಿ ಆ್ಯಕ್ಸೆಂಟಾಂತ್, ಥಂಯ್ಚ್ಯಾಚ್ ಕಲಾಕಾರಾಂ ಥಾವ್ನ್ ಡಬ್ಬಿಂಗ್ ಕರಯ್ಲಾಂ.

‘ಜಾಂವಯ್ ನಂ. 1’ ಸಿನೆಮಾಕ್ ತುಮಿ ದಿಲ್ಲಿ ಅಭಿಪ್ರಾಯ್ ಮಾನುನ್ ಘೆವ್ನ್ ಹಾಂತುಂ ಸುಧ್ರಾಪ್ ಹಾಡುಂಕ್ ಆಮಿ ಪ್ರಯತನ್ ಕೆಲಾಂ. ಏಕ್ ಫಿಲ್ಮ್ ಕಾಡ್ಚೆಂ ಮ್ಹಳ್ಯಾರ್ ಪಬ್ಲಿಕ್ ಪರೀಕ್ಷೆಕ್ ಬಸ್‍ಲ್ಲ್ಯಾಪರಿಂ. ಹಾಚ್ಯಾದಿಂ ಕಿತ್ಲಿಂಯ್ ಫಿಲ್ಮಾಂ ಕಾಡ್ಲ್ಯಾಂತ್ ಆಸ್ಯೆತ್, ತಿಂ ಯಶಸ್ವಿ ಜಾಲ್ಯಾಂತ್ ವಾ ನಾ ಆಸ್ಯೆತ್, ತಾಚೊ ಫರಕ್ ಪಡನಾ. ವ್ಹಡ್ ವ್ಹಡ್ ಸ್ಟಾರಾಂಚಿಂ ಫಿಲ್ಮಾಂ ಸಯ್ತ್ ತಶೆಂಚ್. ಹರ್ಯೆಕ್ ಫಿಲ್ಮ್ ಏಕ್ ನವೆಂಚ್ ಪ್ರೊಜೆಕ್ಟ್.

ಬುಡ್ಕುಲೊ: ಗಲ್ಫಾಂತ್ ರಿಲೀಸ್ ಡೇಟ್ ಫಿಕ್ಸ್ ಜಾಲ್ಯಾ. ಗಾಂವಾಂತ್ ಕೆದ್ನಾಂ ರಿಲೀಸ್ ಕರ್ತಾತ್?

ಹ್ಯಾರಿ: ಗಲ್ಫಾಂತ್ ಅಕ್ತೋಬರ್ 25ವೆರ್ ರಿಲೀಸ್ ಜಾತಾ. ಗೊಂಯಾಂತ್ ನವೆಂಬರ್ 12ವೆರ್ ಜಾತಾ. ಬಾರ್ಕೂರ್ ಮ್ಹಜೊ ಗಾಂವ್, ಥಂಯ್ ಏಕ್ ಶೋ ಬುಕ್ ಜಾಲಾ. ಆಮ್ಚ್ಯಾ ಫಿಲ್ಮಾಂತ್ ಪೆರಂಪಳ್ಳಿಚೆಂ ಬ್ಯಾಂಡ್ ಆಸಾ. ಥಂಯ್ ಬುಕಿಂಕ್ ಚಲೊನ್ ಆಸಾ. ಹೆರ್ ಸುವಾತ್ಯಾಂನಿ ಆನಿ ಬೆಂಗ್ಳುರಾಂತ್‍ಯೋ ಶೋ ಬುಕ್ ಜಾಲ್ಯಾತ್. ಗಲ್ಫಾಂತ್ ಚಡಾವತ್ ಕಡೆನ್ ಶೋ ಘಾಲುಂಕ್ ಆಪವ್ಣಿಂ ಯೇವ್ನ್ ಆಸಾತ್. ಪ್ರತಿಕ್ರಿಯಾ ಸಗ್ಳ್ಯಾಂನಿ ಸಕಾರಾತ್ಮಕ್ ಆಸಾ.

ಮಂಗ್ಳುರಾಂತ್ ನವೆಂಬರ್ 22ವೆರ್ ರಿಲೀಸ್ ಜಾತಾ. ಮಂಗ್ಳುರ್ಚ್ಯಾ ಲೊಕಾನ್ ಆಮ್ಕಾಂ ಬರೊ ಪಾಟಿಂಬೊ ದೀಜೆ ಮ್ಹಣ್ ಆಮ್ಚಿ ಖಾಲ್ತಿ ವಿನತಿ. ಟೊಕಿಸಾಂನಿ ಪಯ್ಲ್ಯಾ ಹಫ್ತ್ಯಾಂತ್ ಕಲೆಕ್ಷನ್ ಜಾಲ್ಯಾರ್ ಮಾತ್ರ್ ನಿರ್ಮಾಪಕಾಕ್ ಫಾಯ್ದೊ. ಚಡ್ ಹಫ್ತ್ಯಾಂಕ್ ದವರ್ಲ್ಯಾರ್ ಖರ್ಚ್‍ಚ್ ಚಡ್. ದೆಕುನ್ ಲೊಕಾನ್ ಪಯ್ಲ್ಯಾ ಹಫ್ತ್ಯಾಂತ್‍ಚ್ ಪಳೆಂವ್ಕ್ ಆಯ್ಲ್ಯಾರ್ ಪೈಶೆ ಖರ್ಚಿಲ್ಲ್ಯಾ ನಿರ್ಮಾಪಕಾಂಕ್ ಘಾಲ್ಲೆ ಪೈಶೆ ಮೆಳ್ತಿತ್. ಚಡ್ ಲಾಂಬಯ್ಲ್ಯಾರ್ ಲಾಭ್ ನಾ, ಲುಕ್ಸಾಣ್‍ಂಚ್. ಎಕಾ ಮ್ಹಯ್ನ್ಯಾ ಪಯ್ಲೆಂಚ್ ರಿಲೀಸ್ ಡೇಟ್ ಕಳ್ತಾ ಜಾಲ್ಲ್ಯಾನ್ ಪ್ಲ್ಯಾನ್ ಕರ್ನ್ ಲೊಕಾನ್ ಫಿಲ್ಮ್ ಪಳೆಂವ್ಕ್ ಯೇಜೆ. ನಿರ್ಮಾಪಕಾಕ್ ಘಾಲ್ಲೆ ಪೈಶೆ ಪಾಟಿಂ ಮೆಳ್ಳ್ಯಾರ್ ಫುಡೆಂಯೀ ತೊ ಆನಿಕೀ ಬರೆಂ ಫಿಲ್ಮ್ ಕಾಡ್ತಲೊ. ನಾತ್ಲ್ಯಾರ್ ತೊ ನಿರಾಸ್ ಜಾತಾ.

ಬುಡ್ಕುಲೊ: ಸಿನೆಮಾಂನಿ ಪದಾಂಕ್ ಭಾರಿಚ್ ಮಹತ್ವ್ ಆಸಾ. ತುಜ್ಯಾ ಬೆಂಡ್ಕಾರ್ ಸಿನೆಮಾಂತ್ ಪದಾಂ ಕಶಿಂ ಆಯ್ಲ್ಯಾಂತ್? ಸಿನೆಮಾಚ್ಯಾ ಕಾಣಿಯೆಕ್ ಪದಾಂ ಪೂರಕ್ ಆಸಾತ್‍ಗೀ?

ಹ್ಯಾರಿ: ವ್ಹಯ್. ಸಿನೆಮಾಂನಿ ಪದಾಂಕ್ ಭಾರಿಚ್ ಮಹತ್ವ್ ಆಸಾ. ಭಾರತೀಯ್ ಫಿಲ್ಮಾಂನಿ ಪದಾಂ ಅವಿಭಾಜ್ಯ್ ವಾಂಟೊ. ಬೆಂಡ್ಕಾರ್ ಫಿಲ್ಮಾಚಿಂ ಪದಾಂ ಸಂಗೀತ್ ನಿರ್ದೇಶಕ್ ಪ್ಯಾಟ್ಸನ್ ಪಿರೇರಾನ್ ತಯಾರ್ ಕೆಲ್ಯಾಂತ್. ಪಯ್ಲೆ ಪಾವ್ಟಿಂ ಮ್ಹಜ್ಯಾ ಫಿಲ್ಮಾಕ್ ವಿಲ್ಸನ್ ಕಟೀಲಾನ್ ಲಿರಿಕ್ಸ್ ಬರಯ್ಲ್ಯಾತ್. ಅವಿಲ್ ಡಿಕ್ರುಜಾನ್ ತಶೆಂ ಪಪ್ಪು ಖನ್ನಾನ್ ಕೊರಿಯೊಗ್ರಾಫಿ ಕೆಲ್ಯಾ. ಗಾಂವಾಂತ್ಲಿಂ ಬರಿಂ ಲೊಕೇಶನಾಂ ವಿಂಚ್ಲ್ಯಾಂತ್. ಎಕಾಚ್ ಪದಾಕ್ ವೆವೆಗ್ಳಿಂ ಲೊಕೇಶನಾಂ ವಾಪಾರ್ಲ್ಯಾಂತ್. ನಿರ್ದೇಶಕ್ ಜಾವ್ನ್ ಪದಾಂ ಖಂಚ್ಯಾ ಸಂದರ್ಭಾರ್ ಯೆತಾತ್ ಮ್ಹಣೊನ್ ಹಾಂವೆಂ ಸಂಗೀತ್ ನಿರ್ದೇಶಕಾಕ್ ಸಾಂಗ್‍ಲ್ಲೆಂ. ತಾಣೆಂ ತಾಚೆರ್ ಟ್ಯೂನ್ ರಚ್ಲೆ, ಆನಿ ಬರಯ್ಣಾರಾಕ್ ಧಾಡ್ಲೆ. ಪದಾಚೆಂ ಸನ್ನಿವೇಶ್, ಪಾತ್ರಾಂಚೊ ವಿವರ್ ಆನಿ ಸಗ್ಳಿ ಮಾಹೆತ್ ಹಾಂವೆಂ ಬರವ್ಪ್ಯಾಕ್ ಧಾಡ್ಲಿ. ಸಗ್ಳೆಂ ಚರ್ಚಾ ಕೆಲಾಂ. ತಾಣೆಂ ಪದಾಂ ಬರವ್ನ್ ಧಾಡ್ಲಿಂ. ಸಗ್ಳೆಂ ಸ್ವಾತಂತ್ರ್ಯ್ ಹಾಂವೆಂ ತಾಂಕಾಂ ದಿಲಾಂ. ಪದಾಂ ಭಾರೀ ಬರಿಂ ಆಯ್ಲ್ಯಾಂತ್.

ಸಿನೆಮಾಚ್ಯಾ ಕಾಣಿಯೆಕ್ ಪದಾಂ ಪೂರಕ್ ಆಸಾತ್. ಏಕ್ ದೋನ್ ಪದಾಂ ರೊಮ್ಯಾಂಟಿಕ್ ಸನ್ನಿವೇಶಾಂಚಿ ಆಸಾತ್. ತಾಂತುಂಯೀ ಕಾಣಿಯೆಕ್ ಲಿಂಕ್ ಆಸಾ. ಪಾತ್ರಾಕ್ ತೆಕಿದ್ ಪದಾಂ ಆಸಾತ್. ಕಿತೆಂ ಆಸಾ, ಕಶೆಂ ಜಾಲಾಂ ತೆಂ ಸಗ್ಳೆಂ ತುಮ್ಚೆರ್ ಆನಿ ಲೊಕಾಚೆರ್ ಆಸಾ; ಫಿಲ್ಮ್ ಪಳೆವ್ನ್ ತುಮ್ಕಾಂ ಆನಿ ಲೊಕಾಕ್ ಕಶೆಂ ಮೆಚ್ವತಾ ತೆಂ ಪಳೆಜೆ. ‘ಬುಡ್ಕುಲೊ’ ಕಿತೆಂ ಸಾಂಗ್ತಾ ತೆಂ ಜಾಣಾ ಜಾಂವ್ಕ್ ಆಮಿ ಅತ್ರೆಗಾನ್ ಆಸಾಂವ್.

Send Feedback to: budkuloepaper@gmail.com

Like us at: www.facebook.com/budkulo.epaper

The post ಆಯ್ಕಾ, ಆಬ್ಳೆ ಉಲಯ್ತಾ ‘ಬೆಂಡ್ಕಾರ್’ ಸಿನೆಮಾಚೊ ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸ್ appeared first on Budkulo.