ರಾಯ್ಮುಂದ್ ಕುಲಾಸ್ ಪಾದ್ರ್ಯಾಬಾನ್ ಸಾಂಗ್ತಾನಾ ಆಯ್ತಾರಾಚ್ಯಾ ಮಿಸಾಕ್ ಇಗರ್ಜೆಂತ್ ಭರ್‌ಲ್ಲೊ ಲೋಕ್ ಹರ್ಶೆಂಚೆಪರಿಂಚ್ ಥಂಡ್ ಬಸೊನ್ ಆಯ್ಕತಾಲೊ.

ಲಾಂಬ್ ಆನಿ ಮೊಟ್ಯಾ ಜಿವಾಚೊ, ಕಾಳ್ಯಾ ಖಾಡಾಚೊ ಕುಲಾಸ್ ಪಾದ್ರ್ಯಾಬ್ ಉಲಯ್ತಾನಾ ತಾಂಬ್ಯಾಚ್ಯಾ ಖಾಲಿ ಬಾಣಾಕ್ ಚಾಂಬಾಡಿನ್ ಮಾರ್‍ಲ್ಲ್ಯಾಪರಿಂಚ್ಚ್ ಘಣ್ಘಣಿತ್ ಆವಾಜ್ ಜಾತಾಲೊ ಮ್ಹಣ್ಯೆತ್. ತಾಚ್ಯಾ ಆವಾಜಾಕ್ ಭುರ್ಗೆ ಆನಿ ಮ್ಹಾತಾರೆ ಭಿಯೆತಾಲೆ; ತರ್ನಾಟೆಯೀ ಥಂಡ್ ಬಸ್ತಾಲೆ. ತಸೆಂ ಜಾಂವ್ಕ್ ಆನ್ಯೇಕ್ ಕಾರಣ್ – ತೊ ಹ್ಯಾ ಫಿರ್ಗಜೆಕ್ ಆಯಿಲ್ಲ್ಯಾ ತವಳ್ ಥಾವ್ನ್ ತರ್ನಾಟ್ಯಾಂಕ್ ಸಾಂಗಾತಾ ಮೆಳವ್ನ್ ಪಿರ್ಲುಕ್ ಫುಂಕುನ್, ಹಾರ್ಮೊನಿಯಮ್ ವ್ಹಾಜವ್ನ್ ಗಾಯನ್ ಶಿಕಂವ್ಕ್ ತಾಣೆಂ ಸುರು ಕೆಲ್ಲೆಂ. ನತಾಲಾಂಚಿಂ ಗಾಯನಾಂ ಜಾಂವ್, ಸೊಮ್ಯಾಚ್ಯಾ ಪಾಶಾಂವಾಚಿಂ ಕಂತಾರಾಂ ಜಾಂವ್ ರಂಗೀನ್ ರಿತಿನ್ ಗಾಂವ್ಕ್ ತಾಣೆಂ ಫಿರ್ಗಜೆಚ್ಯಾ ತರ್ನಾಟ್ಯಾಂಕ್ ಮಾತ್ರ್ ನ್ಹಯ್ ಲೊಕಾಕ್‍ಯೀ ಶಿಕಯಿಲ್ಲಿಂ. ಹುಮೆದ್ ದಿಲ್ಲಿ. ಸರ್ವಾಂಚಿ ಕಾಳ್ಜಾಂ ಜಿಕ್‍ಲ್ಲಿಂ. ಗೊಯಾಂ ಸೆಮಿನರಿಂತ್ ಶಿಕ್ತಾನಾ ಗೊರ್‍ಯಾ ಯಾಜಕಾಂ ಸಾಂಗಾತಾ ಜಿಯೆಲ್ಲೊ ಜಾಲ್ಲ್ಯಾನ್ ಗೊರ್‍ಯಾಂಚ್ಯೊ ಸವಯ್ಯೊ ತಾಚೆ ಥಂಯ್ ಆಸ್‍ಲ್ಲ್ಯೊ. ಸದಾಂಚೆಂ ಜೆವಣ್ ತೊ ಗಾರ್ಫ್ ಕುಲೆರಾನ್‍ಂಚ್ಚ್ ಸೆವ್ತಾಲೊ. ನ್ಹಂಯ್ಚ್ಯೊ ಖೊರ್ವೊ ಯಾ ಕುರ್ಲ್ಯೊ ಜಾಂವ್ ಯಾ ದರ್ಯಾಚೆ ವ್ಹಡ್ಲೆ ಶೆವ್ಟೆ-ಶೆತ್ಕಾಂ ಜಾಂವ್ ಗಾರ್ಪಾನ್‍ಂಚ್ಚ್ ಖಾಂವ್ಚಿ ತಾಚಿ ಸವಯ್. ಫಿರ್ಗಜೆಚೊ ಲೋಕ್ ಸಕಾಳಿಂಚೆಂ ಪೇಜ್-ನೀಸ್ ಜೆವ್ಲ್ಯಾರ್ ತಾಣೆಂ ಲೊಣಿ ಸಾರವ್ನ್ ಪಾವ್ ಸೆಂವ್ಚೊ. ದೆಕುನ್‍ಂಚ್ ತಾಕಾ ‘ಕಾಳ್ಯಾ ಕಾತಿಚೊ ಗೊರೊ ಪಾದ್ರ್ಯಾಬ್’ ಮ್ಹಣ್‍ಚ್ ನಾಂವ್ ಪಡ್‍ಲ್ಲೆಂ.

ಮಿಸಾಚೆಂ ನಿಮಾಣೆಂ ಬೆಸಾಂವ್ ದಿಂವ್ಚ್ಯಾ ಪಯ್ಲೆಂ ಕುಲಾಸ್ ಪಾದ್ರ್ಯಾಬಾನ್ ಭಾರಿಚ್ಚ್ ಗರ್ಜೆಚೊ ವಿಷಯ್ ಸಾಂಗೊಂಕ್ ಆಸಾ ಮ್ಹಣ್ ಸರ್ವಾಂಕ್ ಬಸೊಂಕ್ ಸಾಂಗ್‍ಲ್ಲೆಂ.

ಸರ್ವ್ ಧರ್ಣಿಚೆರ್ ಬಸ್‍ಲ್ಲೆ.

“ಹಿ ಆಮ್ಚ್ಯಾ ಬಿಸ್ಪಾ ಥಾವ್ನ್ ಆಯಿಲ್ಲಿ ಕಳವ್ಣಿ ನ್ಹಯ್; ಬಗಾರ್ ಆಮ್ಚ್ಯಾ ದೇಶಾಚ್ಯಾ ಮೊಗಾನ್ ಹಾಂವೆಂ ಸಾಂಗ್ಚೆಂ…. ಮ್ಹಾಕಾ ಘೊಡ್ಯಾ-ತಪ್ಪಾಲಾರ್ ಶ್ಹೆರಾ ಥಾವ್ನ್ ಖಬ್ರೆ ಪತ್ರಾಂ ಯೆತಾತ್ ಆನಿ ತಾಂತುಂ ಹೊ ವಿಷಯ್ ಮ್ಹಾಕಾ ಕಳೊನ್ ಆಯ್ಲಾ… ಗಾಂಧಿ ವಿಶ್ಯಾಂತ್ ಹಾಂವೆಂ ತುಮ್ಕಾಂ ಹಾಚ್ಯಾ ಆದಿಂಯೀ ವಿವರ್ ದಿಲಾ… ಗಾಂಧಿ ಆಮ್ಚ್ಯಾ ಲಾಗ್ಶಿಲ್ಯಾ ಶ್ಹೆರಾಕ್ ಯೆತಾನಾ ಆಮ್ಚ್ಯಾ ಫಿರ್ಗಜೆ ಥಾವ್ನ್ ಪಾಂಚ್ ಜಣಾಂನಿ ಪುಣೀ ವಚಜಾಯ್… ಪಯ್ಸಿಲೆಂ ಪಯ್ಣ್… ತರೀ ವಚಜಾಯ್… ಗಾಂಧಿಕ್ ಮೆಳ್ಚ್ಯಾ ಪಾಂಚ್ ಜಣಾಂಕ್ ಹಾಂವೆಂಚ್ ವಿಂಚ್ಲ್ಯಾತ್…”

ಸರ್ವಾಂ ಥಂಯ್ ಆತುರಾಯ್ ಚಡೊನ್ ಯೆತಾಲಿ.

“ಹ್ಯಾ ಪಾಂಚ್ ಜಣಾಂಚಿಂ ನಾಂವಾಂ ಅಶಿಂ ಆಸಾತ್… ಇಗರ್ಜೆ ವಾಡ್ಯಾಚೊ ಗುರ್ಕಾರ್ ರುಜಾರ್ ಮೆಂದೊಸ್… ಗಾಂಧಿಕ್ ಮೆಳ್ಚ್ಯಾಂತ್ ಆಮ್ಚ್ಯಾ ಫಿರ್ಗಜೆಚೊ ಮುಖೆಲಿ ತೊ… ಸಾಂತ್ ದೊಮಿನಿಕ್ ವಾಡ್ಯಾಚೊ ಮರಿಯಾಣ್ ಮಿರಾಂದ್… ಸಾಂತ್ ಜುಜೆ ವಾಡ್ಯಾಚೆ ಲಿಗೋರಿ ತಾವ್ರ್ ಆನಿ ಆಬುಟ್ ಪಾಯ್ಸ್… ಬಾಳೊಕ್ ಜೆಜುಚ್ಯಾ ವಾಡ್ಯಾಚೊ ಕಾಂಬಿಲ್ ಪೀಂತ್… ಹೆ ಪಾಂಚ್ ಜಣ್… ಆನಿಕ್‍ಯೀ ತೀನ್ ಹಫ್ತೆ ಆಸಾತ್… ಪಯ್ಶಿಲೆಂ ಲಾಂಬ್ ಪಯ್ಣ್… ತಾಣಿಂ ಪಯ್ಣಾಕ್ ಜಾಯ್ ಜಾಲ್ಲಿ ತಯಾರಾಯ್ ಕರ್ಚಿ…”

ಮೀಸ್ ಆಖೇರ್ ಜಾಲ್ಲೆಂಚ್ಚ್, ಲೊಕಾಚೊ ಗುಸುಗುಸು ಉಲಂವ್ಚೊ ಆವಾಜ್ ಸುರು ಜಾಲೊ…

************

ತೀನ್ ಹಫ್ತ್ಯಾಂನಿ ಕಂದಪಟ್ಣಾ ಶ್ಹೆರಾಕ್ ಗಾಂಧಿಕ್ ಮೆಳೊಂಕ್ ವೆಚ್ಯಾ ಪಾಂಚ್ ಜಣಾಂನಿ ತಾಂಚಿ-ತಾಂಚಿ ತಯಾರಾಯ್ ಕೆಲ್ಲಿ ತರ್ ರುಜಾರ್ ಮೆಂದೊಸ್ ಆಪ್ಲಿ ತಯಾರಾಯ್ ವಿಂಗಡ್‍ಚ್ ಕರುಂಕ್ ಲಾಗ್ಲೊ. ಕಿತ್ಯಾಕ್ ತೊ ಪಂಗ್ಡಾಚೊ ಮುಖೆಲಿ ಜಾಲ್ಲ್ಯಾನ್ ತಾಚೊ ಭರ್ಮ್ ವಿಂಗಡ್‍ಚ್… ತಾಚೆಂ ನ್ಹೆಸಣ್ ವಿಂಗಡ್‍ಚ್ ಜಾಯ್ಜಯ್ ಮ್ಹಣ್ ತಾಣೆಂ ಚಿಂತ್ಲೆಂ.

ಘನಾಚೆಂ ಆನಿ ಮಾನಾಚೆಂ ಪಯ್ಣ್ ಹೆಂ… ಮಹಾನ್ ಮನಿಸ್ ಗಾಂಧಿಕ್ ಮೆಳ್ಚೆಂ… ತ್ಯಾ ಖಾತಿರ್ ಬರೆಂಚ್ ವಸ್ತುರ್ ಜಾಯ್ಜಯ್… ಆಸ್‍ಲ್ಲೆ ಪರ್ನೆ ದೋನ್ ಜುಬ್ಬೆ ಆನಿ ಮುಂಡು-ಲುಂಗಿ ಪಾಂವ್ಚಿ ನಾ…

ಅದ್ಲ್ಯಾ ವರ್ಸಾ ಬೆಳೆಂ ಬರೆಂ ಜಾಲ್ಲೆಂ. ತಾಂದುಳ್, ಪೊಪ್ಳಾಂ, ನಾರ್ಲ್, ಕಸರ್ ವಿಕುನ್, ಘರ್ಚೊ ಖರ್ಚ್ ಕಾಡ್ನ್ ಉರಯಿಲ್ಲೆ ಇಲ್ಲೆ ಇಲ್ಲೆ ಪಯ್ಶೆ ಪೊತಿಯೆಂತ್ ಜಮವ್ನ್ ಬಿರ್‍ಯಾಂತ್ ಬಿಗಾತಾಚ್ಯಾ ಕಣಾಂತ್ ತಾಣೆಂ ದವರ್‌ಲ್ಲೆ. ತೆ ಆತಾಂ ಗರ್ಜೆಕ್ ಪಡ್ತೆಲೆ ಮ್ಹಣ್ ತಾಣೆಂ ಅಂದಾಜ್ ಘಾಲೊ.

ಬಾಯ್ಲ್ ಸೊಭಿನಾಕ್ ಸಾಂಗಾತಾ ಘೆವ್ನ್ ದೀಸ್-ರಾತ್ ತೊ ಆಪ್ಲ್ಯಾ ಜಾಗ್ಯಾರ್ ಘೊಳ್ತಾಲೊ. ಆಪ್ಣಾಕ್ ಶಿಕಪ್ ನಾತ್‍ಲ್ಲೆಂ ತರೀ ಭುರ್ಗ್ಯಾಂನಿ ಶಿಕಜಾಯ್ ಮ್ಹಣ್ ಚವ್ಗ್ ಚೆರ್ಕೆ ಆನಿ ತೆಗಾಂ ಚೆಡ್ವಾಂಕ್ ಇಗರ್ಜೆ ಇಸ್ಕೊಲಾಕ್ ಧಾಡ್‍ಲ್ಲೆಂ. ಗೆಣಿಚಿ ಸುಮಾರ್ ಸೊಳಾ ಎಕ್ರೆ ಭುಂಯ್ ರುಜಾರ್ ಮೆಂದೊಸಾಚಿ. ತಾಂತು ತೀನ್ ಎಕ್ರ್ಯಾಚೆಂ ಹಿತಲ್, ಇಲ್ಲೆಂ ಬೇಟ್ ಆನಿ ಗೊಟ್ಯಾಕ್ ಸೊಪ್ ಜಾಯ್ ಜಾಲ್ಲ್ಯಾನ್ ಇಲ್ಲೆಂ ರಾನ್‍ಯೀ ಆಸ್‍ಲ್ಲೆಂ. ಉರ್‌ಲ್ಲೆ ಪುರಾ ಗಾದೆ. ಸಗ್ಳೊ ಜಾಗೊ ಪಟೇಲ್ ತಂಕು ಆಳ್ವಾನ್ ತಾಕಾ ಮೂಲ್-ಗೇಣಿಕ್ ದಿಲ್ಲೊ. ಗೇಣ್ ಜಾವ್ನ್ ವರ್ಸಾಕ್ ಚಾರ್ ಮುಡೆ ತಾಂದುಳ್, ಪಾಂಯ್ಶಿ ಪೊಪಾಳ್, ಸಯ್ಶಿಂ ಪೆಂಡಿ ಭಾತೆಣ್ ಆನಿ ಪಾವಣ್ಶೆಂ ನಾರ್ಲ್ ಪಟೇಲಾಚ್ಯಾ ಗುದಾಂವಾಕ್ ಸೊಣ್ ಚುಕ್ಲ್ಯಾರ್ ನಿರ್ನಾಳ್ ಮ್ಹಹಿನ್ಯಾಂತ್ ಪಾವಂವ್ಕ್ ಆಸ್‍ಲ್ಲೆಂ. ಚೌತಿ-ಅಷ್ಟೆಮಿ ವೆಳಾರ್ ದೋನ್-ತೀನ್ ಆಟ್ಟ್ಯೊ ಕಸರ್-ಪಾನ್; ಜಾಯೊ-ಅಬೊಲಿಂ-ಚಿಕೊಳ್ಯೊ ಘುಂತುನ್ ದೋನ್-ತೀನ್ ಚೆಂಡು ದಿಂವ್ಕ್ ಆಸ್‍ಲ್ಲೊಚ್. ಬರಿ ರಾಂದ್ವಯ್ ಜಾಲ್ಯಾರ್ ಅಷ್ಟೆಮಿ-ಚೌತೆಕ್ ಕುರ್ವೆಂಭರ್ ಬೆಂಡಾಂ, ತೊವ್ಶಿಂ, ಸಾಂಗೊ, ಗೊಸಾಳಿಂ ದಿತಾಲೊ. ಘರಾ ಮುಕಾರ್ ಖಡ್ಪಿ ಗುಡ್ಯಾರ್ ಚಿಂಚೆಚೆ ತೀನ್ ರೂಕ್ ಆಸ್‍ಲ್ಲೆ. ತಾಂತುಂ ಜಾಂವ್ಚಿ ಆಮ್ಟಾಣ್ ಲೊಣಿಯೆಪರಿಂ ಆಸ್ತಾಲಿ. ಪಿಕ್‍ಲ್ಲಿ ಚೀಂಚ್ ಪಾವ್ಸ್ ಪಡ್ಚ್ಯಾ ಪಯ್ಲೆಂ ಕಾಡ್ನ್, ಜ್ಹಾಲಾಂತ್ ವೊತಾಕ್ ಸುಕವ್ನ್, ಭಾಯ್ಲಿಂ ಸರ್ಲಾಂ ನಿಕ್ಳಾವ್ನ್, ಚಿಂಚಾರೆ ವಿಂಗಡ್ ಕರ್ನ್, ವಾನಾಂತ್ ಘಾಲ್ನ್ ಮೀಟ್ ಭರ್ಸುನ್ ಪಾರಯೆಂತ್ ಧಾಡಾವ್ನ್ ಮೋಳ್ಣ್, ಅಡ್ಬೊಸರೆ ಗುಳೆ ಕರ್ನ್, ಗುಳ್ಯಾಂ ವಯ್ರ್ ನಾರ್ಲೆಲ್ ತೇಲ್ ಸಾರವ್ನ್, ಸುಕ್ಯಾ ಶಿರೊತ್ಯಾಂನಿ ಬಾಂಧುನ್ ಸುಮಾರ್ ಧಾ-ಬಾರಾ ಗುಳೆ ಹರ್ಯೆಕಾ ವರ್ಸಾ ಪಟೇಲಾಕ್ ದಿತಾಲೊ. ಇತ್ಲೆಂ ದಿಲ್ಯಾ ಉಪ್ರಾಂತ್‍ಯೀ ಆಪ್ಲ್ಯಾ ಕುಟ್ಮಾಚೊ ದಿಸ್ಪಡ್ತೊ ಗ್ರಾಸ್ ವಚೊನ್ ಇಲ್ಲೆ ಪುಣೀ ಪಯ್ಶೆ ಉರ್ತಾಲೆಚ್ಚ್. ಇತ್ಲ್ಯಾರ್‌ಚ್ ತೊ ಖುಶ್. ದೆವಾಚೆಂ ಬೆಸಾಂವ್ ಹೆಂ.

ಪಟೇಲ್ ಜಾಲ್ಯಾರೀ ಮೆಂದೊಸಾಚ್ಯಾ ಕುಟ್ಮಾಕ್ ಬರೆಂ ಕರ್ನ್ ಪಳೆತಾಲೊ. ಎಣೆಲ್ ಆನಿ ಸುಗ್ಗಿಚೆಂ ಬೆಳೆಂ ಕರುಂಕ್ ಉದಾಕ್ ರುಜಾರ್ ಮೆಂದೊಸಾಚ್ಯಾಚ್ ತಳ್ಯಾಚೆಂ ಆನಿ ದೆವಾಚ್ಯೆ ದಯೆನ್ ವೊತ್‍ಲ್ಲ್ಯಾ ಪಾವ್ಸಾಚೆಂ ಪಾವ್ತಾಲೆಂ ತರ್, ಥೊಡ್ಯಾ ಗಾದ್ಯಾಂನಿ ಕೊಳ್ಕೆಂ ಕರುಂಕ್ ಪಟೇಲಾಚ್ಯಾ ಮಾಡಿಗುಡಾಚ್ಯಾ ತಳ್ಯಾಚೆಂ ಉದಾಕ್ ಮೆಳ್ತಾಲೆಂ. ಮಾಡಿಗುಡ್ಯಾ ಥಾವ್ನ್ ತಾಲಿಕೆಂತ್ಲ್ಯಾನ್ ತೋಡ್ ಕರ್ನ್ ತೊ ಉದಾಕ್ ಆಪ್ಲ್ಯಾ ಗಾದ್ಯಾಂಕ್ ಹಾಡ್ತಾಲೊ. ಕೊಳ್ಕೆಂ ಕರಿನಾತ್‍ಲ್ಲ್ಯಾ ಗಾದ್ಯಾಂಕ್ ಖಾಲಿ ಸೊಡಿನಾಸ್ತಾನಾ ತಾಂತು ಮೊಗಿಣ್, ಕುಳಿತ್, ಮೂಗ್ ಕರ್ತಾಲೊ ಯಾ ಪದ್ವಾಚ್ಯಾ ಲೊಕಾಕ್ ಜಾಯ್ ಮ್ಹಣ್ ಕಣ್ಗೆಚೊ ಬೇಲ್ ಲಾಯ್ತಾಲೊ. ತಾಕಾ ಉದಾಕ್ ಪಟೇಲಾಚ್ಯಾ ಬಾಂಯ್ಚೆಂ ಮೆಳ್ತಾಲೆಂ. ಹಿತ್ಲಾಂತ್ ತಾಂಬ್ಡಿ ಮಾತಿ ಆಸ್‍ಲ್ಲ್ಯಾನ್ ಮಾಡ್-ಮಾಡಿ ಪಾಚ್ವಿ ಜಾವ್ನ್ ಫಳ್ ಬರೆಂ ಜಾತಾಲೆಂ. ಮಾಡಿಯಾಂಕ್ ಮಿರ್ವೊಲ್ ಆನಿ ಕಸರ್ ಚಡಯಿಲ್ಲ್ಯಾನ್ ತಾಂತುಂ ಚಡ್ತಿಕ್ ಫಾಯ್ದೊ ಆಸ್‍ಲ್ಲೊ.

ಹ್ಯಾ ವರ್ಸಾಂತ್ ಜಾಲ್ಲಿ ಹುಟ್ವಳ್ ಜೊಗಾಸಣೆನ್ ದವರ್ನ್, ಜೊಕ್ತ್ಯಾ ವೆಳಾರ್ ವಿಕುನ್, ದುಡು ಜಮವ್ನ್ ಕಾಂಯ್ ಬೊಂತಿಂಗೊಳ್ ಚುಕ್ಲ್ಯಾರ್ ಜಾರ್ದೊ ಮ್ಹಹಿನ್ಯಾಂತ್ ಸುಬ್ರಮಣ್ಯಾಕ್ ವಚೊನ್ ದೋನ್ ಬರೆ ತರ್ನೆ ಪಾಡೆ ಹಾಡಿಜಾಯ್ ಮ್ಹಣ್ ತಾಣೆಂ ಆಲೋಚನ್ ಕೆಲ್ಲಿ. ಆತಾಂಚೆ ರೆಡೆ ಚಿಕ್ಕೆ ಮ್ಹಾತಾರೆ ಜಾಲ್ಲೆ, ಆನಿ ಕಿತ್ಲೊ ತೇಂಪ್ ಯೆತಿತ್ ಮ್ಹಣ್ ಸಾಂಗೊಂಕ್ ಜಾಯ್ನಾತ್‍ಲ್ಲೆಂ. ತ್ಯಾ ಖಾತಿರ್ ಪನ್ನಾಸ್ ರುಪಯ್ ಜಮೊ ಜಾಲ್ಲೆ ತಶೆಂ ತಾಣೆಂ ಪಯ್ಲೆಂ ಲೇಕ್ ಘಾಲ್ಲೆಂ. ಆತಾಂ-ಆತಾಂ ಸುಬ್ರಮಣ್ಯಾಂತ್ ರೆಡೆ ಯಾ ಪಾಡೆ ಮೊಲಾಕ್ ಕಾಣ್ಘೆಂವ್ಕ್ ಮ್ಹಾರಗ್ ತರೀ ಕಾಂಯ್ ಅಯ್ಶಿಂ-ನೊವದ್ ರುಪಿಯಾಂಕ್ ಬರಿ ಜೊಡಿ ಪಾಡೆ ಮೆಳ್ತಿತ್ ಮ್ಹಣ್ ಅಂದಾಜ್ ತಂಕು ಆಳ್ವಾಚ್ಯಾ ಜಾಂವ್ಯಾನ್ ಕೆಲ್ಲೊ ಆನಿ ಹ್ಯಾ ವಿಶ್ಯಾಂತ್ ರುಜಾರ್ ಮೆಂದೊಸಾಕ್ ಸಾಂಗ್‍ಲ್ಲೆಂ. ಬರೆ ಪಾಡೆ ಮೆಳ್ಳೆ ತರ್ ತಾಂಕಾಂ ಬರೆಂ ಕರ್ನ್ ಪೊಸ್ಲ್ಯಾರ್ ಕಾಂಯ್ ಧಾ-ಪಂದ್ರಾ ವರ್ಸಾಂ ತೆ ಬರೆಚ್ ಘೊಳ್ತಾತ್ ಆನಿ ಆಪ್ಲ್ಯಾ ಜಾಗ್ಯಾರ್ ಭಾಂಗಾರ್ ಪಿಕವ್ಯೆತ್ ಮ್ಹಣ್ ತಾಚೊ ಅಂದಾಜ್.

ತ್ಯಾ ದಿಸಾ ದೊನ್ಪಾರಾಂಚ್ಯಾ ಜೆವ್ಣಾಕ್ ಸೊಬಿನಾನ್ ಕೊಂಬೊಚ್ಚ್ ಮಾರ್ಲೊ. ನಾರ್ಲಾ-ರೋಸ್ ಘಾಲ್ನ್ ಆಟಾಟಿತ್ತ್ ಕಡಿ ಕೆಲಿ. ಕಡಿಯೆಂತ್ ಬುಡಂವ್ಕ್ ಶೆವಿಯ್ಯೊಯ್ ಕೆಲ್ಯೊ. ತರ್ನಿಂ ಕೆಳಿಂ ನಾರ್ಲ್-ಪಿಯಾವ್ ಘಾಲ್ನ್ ಸುಕಿಂ ಕೆಲಿಂ.

ಗಮ್ಮತಾಯೆಕ್ ಉಬ್ಬ ಮೊರಾಸಾಗೆರ್ ವಚೊನ್ ಕಾಜುಚೊ ಬೊತ್ಲ್ ಸೊರೊ ಹಾಡ್ಲೊ, ರುಜಾರ್ ಮೆಂದೊಸಾನ್.

ದೊನ್ಪಾರಾಂಚೆಂ ಜೆವಣ್ ಜಾಲ್ಲೆಂಚ್ಚ್, ಬಿರ್‍ಯಾಂತ್ ಬಿಗಾತಾಚ್ಯಾ ಕಂರ್ಡ್ಯಾಂತ್ ದವರ್‌ಲ್ಲಿ ಪಯ್ಶಾಂಚಿ ಪೊತಿ ಘೆವ್ನ್ ಸೊಪ್ಯಾರ್ ಬಸ್ಲೊ. ಪಯ್ಶೆ ಮೆಜ್ಲೆ. ಬಾವನ್ ರುಪಯ್ ಆನಿ ಧಾ ಆಣೆ ಆಸ್‍ಲ್ಲೆ…

ಪಾಡೆ ಹಾಡಿನಾ ತರೀ ಮಹಾನ್ ಮನ್ಶ್ಯಾಕ್, ಗಾಂಧಿಕ್ ಪಳೆಂವ್ಕ್ ವೆಚ್ಯಾ ಪಯ್ಣಾಕ್ ಹೆ ಪಯ್ಶೆ ದರಬಸ್ತ್ ಪುರೊ ಮ್ಹಣ್ ತಾಣೆಂ ಮತಿಂತ್ ಲೇಕ್ ಘಾಲೆಂ.

************

ಮಂದಾರ್ ಗಾಂವ್ಚ್ಯಾ ಮುಖ್ಲ್ಯಾ ವಾಟೆರ್ ಸೊಮಾರಾಚಿ ಸಾಂತ್ ಜಾಂವ್ಚ್ಯಾ ಬಗ್ಲೆನ್ ವಲ್ಲು ರಸ್ಕಿಂಜಾಚಿ ವಸ್ತುರಾಂಚಿ ಆನಿ ಶಿವ್ಣೆಚಿ ಆಂಗಡ್ ಆಸಾ. ಸಾಧಾರ್ಣ್ ವ್ಹಡ್‍ಚ್ ಆಂಗಡ್ ತಿ. ಗಾಂವ್ಚ್ಯಾ ಗುರುವಪ್ಪ ಶೆಟ್ಟಿಗಾರ್ ಆನಿ ರುಕ್ಮಯ ಶೆಟ್ಟಿಗಾರಾಚ್ಯಾ ಮಾಗಾಂನಿ ವೊಳ್‍ಲ್ಲಿಂ ಕಾಪ್ಸಾ-ಸುತಾಚಿಂ ಕಾಪ್ಡಾಂ, ಲುಗ್ಟಾಂ, ಲುಂಗ್ಯೊ, ಬೈರಾಸಾಂ ಆನಿ ಕಾಷ್ಟೆ ಲೇಸ್ ತೊ ವಿಕ್ತಾಲೊ. ಪಯ್ಶಿಲ್ಯಾ ಶ್ಹೆರಾಕ್ ಘೊಡ್ಯಾ ಗಾಡಿಯೆರ್, ಸುಮಾರ್ ದೋನ್ ಹಫ್ತ್ಯಾಂಚೆಂ ಪಯ್ಣ್ ಕರ್ನ್ ವಚೊನ್ ಬ್ರಿಟಿಷಾಂನಿ ಕೆಲ್ಲಿಂ ಮಿಲ್ಲಾಚಿಂ ಬರಿಂ-ಬರಿಂ ಲುಗ್ಟಾಂ, ರಸ್ಮಾಚಿಂ ಕಾಪ್ಡಾಂ ಹಾಡ್ನ್ ಯೆತಾಲೊ ಆನಿ ವಿಕ್ತಾಲೊ.

ಜಾಯ್ತ್ಯಾ ವರ್ಸಾಂ ಪಯ್ಲೆಂ ಬ್ರಿಟಿಷಾಂಚೊ ಸುಬೆದಾರ್ ರಾಲ್ಫ್ ರೊಲಿಂಗ್‍ಟನ್ ಹಾಂಗಾಸರ್ ಆಯಿಲ್ಲ್ಯಾ ವೆಳಾರ್ ವಲ್ಲು ರಸ್ಕಿಂಜಾಚ್ಯಾ ಬಾಪಾಯ್ಕ್ ಶಿಂವ್ಚೆಂ ಮಿಶಿನ್ ಇನಾಮ್ ಜಾವ್ನ್ ದೀವ್ನ್, ತೆಂ ಕಸೆಂ ಚಲಂವ್ಚೆಂ ಮ್ಹಣ್ ಶಿಕಯಿಲ್ಲೆಂ ಖಂಯ್. ವಸ್ತುರಾಂ ಶಿಂವ್ಚಿ ಕಲಾ ಶಿಕಯಿಲ್ಲಿ. ತಿಚ್ ಕಲಾ ಬಾಪಾಯ್ ಥಾವ್ನ್ ವಲ್ಲು ರಸ್ಕಿಂಜಾನ್ ಆಪ್ಣಾಯಿಲ್ಲಿ. ಗಾಂವ್ಚ್ಯಾಂಕ್ ಕುತಾಂವ್, ಜಿಬ್ಬೊ, ಕಲ್ಸಾಂವಾಂ ಆಪುರ್ಬಾಯೆನ್ ಶಿಂವ್ತಾಲೊ. ಬಾಯ್ಲ್ ಮನ್ಶ್ಯಾಂಕ್ ಗಾಗ್ರೆ, ಬಾಜ್ವೊಯೀ ಶಿಂವ್ತಾಲೊ. ಬಾಯ್ಲ್ ಮನ್ಶಾಂಚ್ಯಾ ಕಾಪ್ಡಾಚ್ಯಾ ಬಾಜ್ವೆಕ್ ಜೋಕ್ ಕಾಡ್ತಾನಾ ಮಾತ್ರ್ ತಾಚ್ಯಾ ತೊಂಡಾಂತ್ ಲಾಳ್ ದೆಂವ್ತಾ… ದೊಳೆ ಬಿಂಡಾಂಪರಿಂ ವ್ಹಡ್ ಕರ್ನ್ ಬಾಯ್ಲ್ ಮನ್ಶ್ಯಾಂಚ್ಯಾ ಹರ್ದ್ಯಾಕ್ ಪಳಯ್ತಾ ಮ್ಹಣ್ ಲೋಕ್ ಕೆದಾಳಾಯ್ ಉಲಯ್ತಾಲೊ… ಪುಣ್, ತೊ ಮಾತ್ರ್ ಕೊಣಾಯ್ಚೆಂ ಗಣ್ಣೆಂ ಕರಿನಾಸ್ತಾನಾ ತಾಚೆಂ ಕಾಮ್ ಕರ್ತೆಚ್ ಆಸ್ತಾಲೊ.

“ಗಾಂಧಿಕ್ ಮೆಳೊಂಕ್ ಆಸಾ ರಸ್ಕಿಂಜಾಮಾ…” ಆಂಗ್ಡಿಚ್ಯಾ ಬಾಗ್ಲಾರ್ ರಾವೊನ್ ವ್ಹಡ್ಲ್ಯಾನ್ ಉಲಯ್ಲೊ ರುಜಾರ್ ಮೆಂದೊಸ್. “ಮ್ಹಾಕಾ ನೊವ್ರೊ ಕರ್ನ್ ತುವೆಂ ಧಾಡಿಜಯ್… ಆಮ್ಚ್ಯಾ ದೇಶಾಚ್ಯಾ ಸೊಡ್ವಣ್ದಾರಾಕ್ ಮೆಳೊಂಕ್ ವಚೊಂಕ್ ಆಸಾ ನ್ಹಯ್..?”

“ಕುಲಾಸ್ ಪಾದ್ರ್ಯಾಬಾನ್ ಮ್ಹಾಕಾಯ್ ಸಾಂಗ್ಲಾಂ… ಗಾಂಧಿಕ್ ಪಳೆಂವ್ಕ್ ವೆಚ್ಯಾ ತುಮ್ಕಾಂ ಸಕ್ಡಾಂಕ್ ನೊವ್ರೆಚ್ ಕರಿಜಾಯ್ ಮ್ಹಳಾಂ…” ವಲ್ಲು ರಸ್ಕಿಂಜಾನ್ ರುಕಾಡಾಚಿ ಆಲ್ಮಾರ್ ಉಗ್ತಿ ಕೆಲಿ. ತಾಂತುಂ ವೆವೆಗ್ಳ್ಯಾ ನಮೂನ್ಯಾಚಿಂ ಲುಗ್ಟಾಂ ಆಸ್‍ಲ್ಲಿಂ. ಸಕಯ್ಲ್ಯಾ ಕಣಾಂನಿ ಬಾಯ್ಲ್ ಮನ್ಶ್ಯಾಂಚಿಂ ರಸ್ಮಾಚಿಂ ಕಾಪ್ಡಾಂ ಆನಿ ಲುಗ್ಟಾಂ ಆಸ್‍ಲ್ಲಿಂ.

ಕಾಳೆಂ ಲುಗಟ್ ಕುತಾಂವಾಕ್, ಖೊಮಿಸಾಕ್ ಧವೆಂ ಲುಗಟ್ ವಿಂಚ್ಲೆಂ. ರಸ್ಮಾ ದೆಗೆಚೆಂ ಧವೆಂ ಪುಡ್ವೆಂ ದೆಗೆನ್ ದವರ್ಲೆಂ. ರಂಗೀನ್ ಉರ್ಮಾಲ್ ವಿಂಚ್ಲೊ. “ಹೆಂ ಪೂರಾ ಭಾಯ್ಲ್ಯಾ ಗಾಂವ್ಚೆಂ ರುಜಾರಾಮಾ… ಕಾಲಿ ಕಾಶ್ಟಿ ಮಾತ್ರ್ ಗುರುವಪ್ಪ ಶೆಟ್ಟಿಗಾರಾನ್ ವೊಳ್‍ಲ್ಲಿ… ಉರ್‌ಲ್ಲೆಂ ಪುರಾ ಭಾಯ್ಲೆಂ… ವಿದೇಶಿ…”

“ಕಿತ್ಲೆ ಜಾತಾತ್ ರಸ್ಕಿಂಜಾಮಾ..?” ರುಜಾರ್ ಮೆಂದೊಸಾನ್ ಪಯ್ಶ್ಯಾಂಚಿ ಪೊತಿ ಹಾತಿಂ ಧರ್ಲಿ.

“ಬರೊ ಕುತಾಂವ್ ಕರಿಜಾಯ್ ತರ್ ತುಕಾ ತೀನ್ ವಾರ್ ಲುಗಟ್ ಜಾಯ್… ಹ್ಯಾ ಲುಗ್ಟಾಕ್ ವಾರಿಕ್ ಚಾರ್ ರುಪಯ್… ಭಾರಿ ಮ್ಹಾರಗ್… ತುಕಾ ಮ್ಹಣ್ ಏಕ್ ಆಣೊ ಉಣೊ ಕರ್ಯಾಂ. ಖೊಮಿಸಾಚ್ಯಾ ಲುಗ್ಟಾಕ್ ವಾರಿಕ್ ದೋನ್ ರುಪಯ್… ದೋನ್ ವಾರ್ ಲುಗಟ್ ತುಕಾ ಪುರೊ… ಲುಗ್ಟಾಕ್ ರುಂದಾಯ್ ಬರಿ ಆಸಾ… ಆನಿ ಪುಡ್ವೆಂ… ತೆಂಯ್ ರಸ್ಮಾಚಿ ದೇಗ್ ಆಸ್‍ಲ್ಲೆಂ… ರಸ್ಮಾಚೊ ಉರ್ಮಾಲ್… ತುಂ ಗಾಂಧಿಕ್ ಪಳೆಂವ್ಕ್ ವೆತಾಯ್…. ನೊವ್ರೊ ದಿಸಜಾಯ್…”

ರುಜಾರ್ ಮೆಂದೊಸಾಕ್ ಭಾರಿಚ್ ಖುಶಿ ಜಾಲಿ. “ತರ್ ಕಿತ್ಲೆ ಜಾಲೆ..?” ತಾಣೆಂ ವಿಚಾರ್ಲೆಂ.

“ತುಜ್ಯಾ ಕುತಾಂವಾಕ್ ಭಾಂಗಾರಾಚ್ಯಾ ವೊಪೆಚೆ ಬುತಾಂವ್ ಬಸಯ್ತಾಂ… ಬೊಲ್ಸಾಂತ್ ದವರುಂಕ್ ರಸ್ಮಾಚೊ ತುವಾಲೊ ದಿತಾಂ… ಮಾತ್ಯಾಕ್ ಝಳ್ಚಳ್ಚೆಂ ಉರ್ಮಾಲ್ ದಿತಾಂ… ಕಾಶ್ಟಿ ಮಾತ್ರ್ ಗುರುವಪ್ಪಾಚ್ಯಾ ಮಾಗಾಂತ್ಲಿ… ಭಾರಿ ಉಣ್ಯಾ ಮೊಲಾಚಿ…”

“ಕಿತ್ಲೆ ಜಾತಾತ್ ರಸ್ಕಿಂಜಾಮಾ? ದೀಂವ್ಕ್ ಪಯ್ಶೆಯೀ ಜಾಯ್ಜೆ ನ್ಹಯ್?”

ವಲ್ಲು ರಸ್ಕಿಂಜಾನ್ ಚುನ್ಯಾಚೊ ಕುಡ್ಕೊ ಘೆವ್ನ್ ಧರ್ಣಿರ್ ಕಿತೆಂ ಪುರಾ ಲೇಕ್ ಕೆಲೆಂ ಆನಿ ಮ್ಹಣಾಲೊ. “ಅಳೆ ತುಂ ಆಮ್ಚ್ಯಾ ಇಗರ್ಜೆ ಥಾವ್ನ್ ಗಾಂಧಿಕ್ ಪಳೆಂವ್ಕ್ ವೆತಾಯ್. ಶಿವ್ಣೆಕ್ ಆನಿ ವಸ್ತುರಾಕ್ ಮ್ಹಣ್ ದುಸ್ರ್ಯಾಂಕ್ ಪಾಂತ್ತೀಸ್ ರುಪಯ್ ಜಾತಾತ್. ತುಂ ಮ್ಹಾಕಾ ಬಾತ್ತೀಸ್ ದಿ. ಎಕಾ ಹಫ್ತ್ಯಾನ್ ಪುರಾ ಶಿಂವವ್ನ್ ತಯಾರ್ ಕರ್ನ್ ದಿತಾಂ…”

ರುಜಾರ್ ಮೆಂದೊಸ್ ಏಕ್ ಪಾವ್ಟಿಂ ಘಡ್ಬಡ್ಲೊ.

ಇಲ್ಲಿ ವಾರ್ಜಿಕ್ ಕರ್ನ್ ತೀಸ್ ರುಪಿಯಾಂತ್ ಸರ್ವ್ ಕರ್ನ್ ದಿಂವ್ಚ್ಯಾಕ್ ಸಾಂಗೊನ್ ವ್ಹಾಣೊ ಶಿಂವ್ಚ್ಯಾ ಸಿರಿಧರ ಚಾಮ್ಕಾರಾ ಸರ್ಶಿನ್ ಗೆಲೊ ರುಜಾರ್ ಮೆಂದೊಸ್.

************

ಕಿಲಾತಾಚಿ ಬೊಯ್ಲಾಚಿ ಗಾಡಿ ತಯಾರ್ ಜಾಲಿ. ರುಜಾರ್ ಮೆಂದೊಸಾ ಸಾಂಗಾತಾ ಮರಿಯಾಣ್ ಮಿರಾಂದ್, ಲಿಗೊರಿ ತಾವ್ರ್, ಆಬುಟ್ ಪಾಯ್ಸ್ ಆನಿ ಕಾಂಬಿಲ್ ಪೀಂತ್‍ಯೀ ತಯಾರ್ ಜಾಲೆ. ಲಾಂಬ್ ಪಯ್ಣ್. ದೋನ್ ದೀಸ್ ಲಾಗ್ತಾತ್. ಏಕ್ ದೀಸ್ ಶ್ಹೆರಾಂತ್ ಗಾಂಧಿಕ್ ಪಳೆಂವ್ಕ್; ಭೆಟೊಂಕ್. ತಾಕಾ ಭೆಟ್‍ಲ್ಲೆಂಚ್ ತಸೆಂಚ್ ಪಾಟಿಂ ಪಯ್ಣ್ ಆಪ್ಲ್ಯಾ ಗಾಂವಾಕ್.

“ಹೊ ಸುಗ್ಗಿ ಮ್ಹಹಿನೊ ಜಾಲ್ಲ್ಯಾನ್ ಧಗ್ ಭಾರಿಚ್ ಚಡ್… ಗಾಡಿ ವೋಡ್ನ್ ಬೊಯ್ಲ್ ಭಾರೀ ಥಕ್ತಾತ್… ಪಯ್ಣ್ ಸವ್ಕಾಸ್ ಜಾಯ್ಜಯ್…” ಅಶೆಂ ಮ್ಹಳ್ಳೆಂ ಕಿಲಾತಾನ್ ತಾಚ್ಯಾ ಶ್ಹೆರಾಚ್ಯಾ ಪಯ್ಣಾಚ್ಯಾ ಆನ್ಭೋಗಾಕ್ ತಿಳ್ಸುನ್.

ಕಿಲಾತಾಕ್ ಶ್ಹೆರಾಕ್ ವೆಚಿ ಸವಯ್ ಆಸ್‍ಲ್ಲಿ. ಮ್ಹಹಿನ್ಯಾಂತ್ ದೋನ್ ತೀನ್ ಪಾವ್ಟಿಂ ಭಾತೆಣ್, ಕರಾಡ್, ಬೆಡೊ, ನಾರ್ಲ್ ಯಾ ಪಾವ್ಸಾ ವೆಳಾರ್ ಕಣ್ಗಿ ಆನಿ ರಾಂದ್ವಯ್ ಘೆವ್ನ್ ತೊ ಶ್ಹೆರಾಕ್ ವೆತಾಲೊ. ತೊಚ್ ತಾಚೊ ದಂದೊ. ತ್ಯಾ ವರ್ವಿಂ ತಾಣೆಂ ಪಯ್ಶೆ ಬರೆ ಕೆಲ್ಲೆ ಆನಿ ಪದ್ವಾರ್ ಪೊರ್ಟಿಕೊಚೆಂ ಘರ್ ಬಾಂಧ್‍ಲ್ಲೆಂ.

ಶ್ಹೆರಾಕ್ ವಚೊನ್ ಯೆಂವ್ಚ್ಯಾಕ್ ತಾಚ್ಯಾ ಬೊಯ್ಲಾಂಚ್ಯಾ ಗಾಡಿಯೆಕ್ ಪಂದ್ರಾ ರುಪಿಯಾಂಚೆಂ ಭಾಡೆಂ ನಿಘಂಟ್ ಜಾಲ್ಲೆಂ. ತೆಂ ಭಾಡೆಂ ಮಾತ್ರ್ ಕುಲಾಸ್ ಪಾದ್ರ್ಯಾಬಾನ್ ಉದಾರ್ ಮನಾನ್ ದಿತಾಂ ಮ್ಹಳ್ಳೆಂ.

ಸಕಾಳಿಂಚೆಂ ಪಯ್ಣ್ ಇಗರ್ಜೆಚ್ಯಾ ಮುಖ್ಲ್ಯಾ ಬಾಗ್ಲಾರ್ ಥಾವ್ನ್ ಸುರು ಜಾಲೆಂ. ಸದಾಂಚೆಂ ಮೀಸ್ ಜಾವ್ನ್ ಕುಲಾಸ್ ಪಾದ್ರ್ಯಾಬಾನ್ ಮರಿಯೆಚ್ಯಾ ಗ್ರೊಟ್ಟ್ಯಾ ಮುಖಾರ್ ದಿಂಬಿ ಘಾಲುನ್ ಆಮೊರಿ ತೇರ್ಸ್ ಭೆಟಯ್ಲೊ. ಆಂಗ್ಮೆಂತ್ ಶೆಣಾವ್ನ್ ಸ ಜಣಾಂಚೆರ್ ಬೆಸಾಂವಾಂ ಘಾಲಿಂ.

ಆನಿ ಪಯ್ಣಾಚ್ಯಾ ಜೆವ್ಣಾಚಿ ತಯಾರಾಯ್ ಬರಿಚ್ ಕೆಲ್ಲಿ.

ಸೊಬಿನಾನ್ ತಾಂದ್ಳಾಚ್ಯೊ ಭಾಕ್ರ್ಯೊ ಆನಿ ಕುಳ್ಟಾಚಿ ಚೆಟ್ಣಿ ಕೆಂಳ್ಬ್ಯಾಚ್ಯಾ ಖೊಲ್ಯಾಂನಿ ಬಾಂಧುನ್ ದಿಲ್ಲಿ. ವಾಟೆರ್ ತಾನ್ ಲಾಗತ್ ಮ್ಹಣ್ ಗುರ್ಗುಲೆತಾಂತ್ ಉದಕ್ ಆನಿ ಗೊಬ್ಳೆ ದಿಲ್ಲೆ. ಮರಿಯಾಣಾಚ್ಯಾ ಬಾಯ್ಲೆನ್ ಮಾಗ್ದೆಲಿನಾನ್ ಮುಟ್ಲಿಂ ಆನಿ ದುಕ್ರಾ ಮಾಸ್ ಭಾಜುನ್ ಪೊವ್ಲೆಂತ್ ಬಾಂಧುನ್ ದಿಲ್ಲೆಂ. ಪೆಜೆಚ್ಯಾ ಜೆವ್ಣಾಕ್ ಮ್ಹಣ್ ಬುಯಾಂವಾಂತ್ ಮಿಟಾಕ್ ಘಾಲ್ಲೆ ಆಂಬೆ, ಕಂರ್ಬಲಾಂ, ಶಿಂದ್‍ಲ್ಲಿ ಕಾಂಡಿ, ಉಕಡ್‍ಲ್ಲೆ ಲಿಂಬೆ ಆನಿ ತರ್ನಿ ಮಿರ್ಸಾಂಗ್ ದಿಲ್ಲಿ. ಮರಿಯಾಣಾನ್ ಗೆಂದಾಳಿ ಬೊಂಡ್ಯಾಚಿಂ ದೋನ್ ಶಿಮ್ಟಿಂ ಗಾಡಿಯೆಚ್ಯಾ ಪಾಟ್ಲ್ಯಾನ್ ಉಮ್ಕಳಾಯಿಲ್ಲಿಂ. ಲಿಗೊರಿ ಆನಿ ಆಬುಟಾನ್ ಖಾಣಾಚ್ಯೊ ಪೊಟ್ಲ್ಯೊ ಘೆತ್‍ಲ್ಲ್ಯೊ. ತಾಂತುಂ ಚಾಕ್ಲ್ಯೊ, ಆಕ್ರುಟಾಂ, ತಾಂದ್ಳಾಚೆ ಲಾಡು ಆನಿ ಹೆರ್ ಖಾಣ್ ಆಸ್‍ಲ್ಲೆಂ. ಕಾಂಬಿಲಾಚಿ ಬಾಯ್ಲ್ ಪಿಡೆಸ್ತ್ ಜಾಲ್ಲ್ಯಾನ್ ತಾಕಾ ಖಾಣ್ ಹಾಡ್ಚ್ಯಾಂತ್ ರಿಯಾಯ್ತಿ ದಿಲ್ಲಿ.

ಮುಂಡು ಆನಿ ಜಿಬ್ಬ್ಯಾರ್ ತೆ ಭಾಯ್ರ್ ಸರ್‌ಲ್ಲೆ. ವಲ್ಲು ರಸ್ಕಿಂಜಾನ್ ಶಿವವ್ನ್ ದಿಲ್ಲಿ ಮುಸ್ಕಾಯ್ಕಿ ಬರ್‍ಯಾ ಕಾಪ್ಡಾಂನಿ ಗುಟ್ಲಾವ್ನ್ ವಿಂಗಡ್‍ಚ್ ದವರ್‌ಲ್ಲಿ. ಶ್ಹೆರಾಕ್ ಪಾವ್ಲ್ಯಾ ಉಪ್ರಾಂತ್ ಬದ್ಲುಂಚಿ ವ್ಯವಸ್ಥಾ ಕರ್ನ್ ದಿತಾಂ ಮ್ಹಣ್ ಕಿಲಾತಾನ್ ಭಾಸ್ ದಿಲ್ಲಿ.

************

ಕಂದಪಟ್ಣ ಶ್ಹೆರಾಕ್ ಪಾವ್ತಾನಾ ದುಸ್ರ್ಯಾ ದಿಸಾಚಿ ಸಾಂಜ್ ಜಾಲ್ಲಿ. ಲಾಂಬ್ ಪಯ್ಣ್ ಜಾಲ್ಲ್ಯಾನ್ ಸಕ್ಡಾಂಕ್ ಪುರಾಸಣ್ ಜಾಲ್ಲಿ.

ಕಂದಪಟ್ಣಾಚ್ಯಾ ಸುಕುರ್ ಮಾಯೆಕ್ ಸಮರ್ಪಿಲ್ಲ್ಯಾ ಇಗರ್ಜಿಚ್ಯಾ ಭಾಯ್ಲ್ಯಾ ವಠಾರಾಂತ್ ಬೊಯ್ಲಾಚಿ ಗಾಡಿ ರಾವವ್ನ್, ರಾತಿಚ್ಯಾ ಪೆಜೆಚಿ ತಯಾರಾಯ್ ಕೆಲಿ ತಾಣಿಂ.

ಇಗರ್ಜೆಚ್ಯಾ ವಠಾರಾಂತ್ ಬಾಂಯ್ ಆಸ್‍ಲ್ಲಿ. ಲಾಟೊ ಆನಿ ದೊರಿ ಆಸ್‍ಲ್ಲಿ ತರ್ ಇಗರ್ಜೆಚ್ಯಾ ಘರಾ ವಚೊನ್ ಕೊಳ್ಶೆ ಹಾಡ್ನ್ ಆಯ್ಲೊ ರುಜಾರ್ ಮೆಂದೊಸ್. ಲಾಗ್ಸಿಲ್ಯಾ ಮಾಡಾಚ್ಯಾ ಮುಳಾಂತ್ ವಚೊನ್ ನ್ಹಾಣ್ ತಿರ್ಸಿಲೆಂ. ಕಾಜುಚ್ಯಾ ಪಾಡಿಂತ್ ವಚೊನ್ ಬೊಲ್ಯಾಚ್ಯಾ ಪಾಟ್ಲ್ಯಾನ್ ಕುಡಿಚಿ ಗರ್ಜ್‍ಯೀ ತಿರ್ಸಿಲಿ.

ಪೆಜೆ ಸಾಂಗಾತಾ ಖಳಾಚೆ ಆಂಬೆ ಕಾಡ್ನ್ ರುಚಿನ್ ಜೇವ್ನ್, ಇಗರ್ಜೆಚ್ಯಾ ಬೊಲ್ಕಾಂವಾಂತ್ ತಾಣಿಂ ವಿಶೆವ್ ಘೆತ್ಲೊ.

************

ಕಂದಪಟ್ಣಾಚೆಂ ವ್ಹಡ್ಲೆಂ ಮಯ್ದಾನ್. ವಿಕ್ಟೋರಿಯಾ ರಾಣಿ ಪಾಟಾರ್ ಆಯಿಲ್ಲ್ಯಾ ಉಡಾಸಾಕ್ ತ್ಯಾ ಮಯ್ದಾನಾಕ್ ‘ಕ್ವೀನ್ ವಿಕ್ಟೋರಿಯಾ ಮಯ್ದಾನ್’ ಮ್ಹಣ್ ನಾಂವ್ ದವರ್‌ಲ್ಲೆಂ. ಮಯ್ದಾನಾಕ್ ಮುಖ್ಲೊ ದಾರ್ವಟೊ ಆಸ್‍ಲ್ಲೊ. ದಾರ್ವಟ್ಯಾಚ್ಯಾ ದೆಗೆನ್ ವ್ಹಡ್ ಮಾರ್ಬಲ್ ಫಾತ್ರಾರ್ ಇಂಗ್ಲೀಷ್ ಭಾಶೆನ್ ‘ಕ್ವೀನ್ ವಿಕ್ಟೋರಿಯಾ ಮಯ್ದಾನ್’ ಮ್ಹಣ್ ಭಾಂಗಾರಾಚ್ಯಾ ರಂಗಾನ್ ಲಿಖ್‍ಲ್ಲೆಂ.

ರುಜಾರ್ ಮೆಂದೊಸ್ ಆಜ್ ನೊವ್ರ್ಯಾಪರಿಂಚ್ಚ್ ದಿಸ್ತಾಲೊ. ಧವೆಂಚ್ಚ್ ರಸ್ಮಾಳ್ ದೆಗೆಚೆಂ ಪುಡ್ವೆಂ, ತಾಚ್ಯಾ ವಯ್ರ್ ಧವೆಂಚ್ ಖೊಮಿಸ್, ಖೊಮಿಸಾ ವಯ್ರ್ ಭಾಂಗ್ರಾಳ್ಯಾ ಬುತಾಂವಾಂಚೊ ಕಾಳೊ ಕುತಾಂವ್. ಮಾತ್ಯಾರ್ ರಾಯಾಳ್ ಉರ್ಮಾಲ್. ಹಾತಾಂತ್ ರಮೇಶ್ ಆಚಾರಿನ್ ಸೊಬವ್ನ್ ವಾರ್ನಿಶ್ ಕಾಡ್‍ಲ್ಲೆಂ ಸಾಗುವಾನಿಚೆಂ ಬೇತ್. ಪಾಯಾಂಕ್ ಸಿರಿಧರ ಚಮ್ಕಾರಾನ್ ತಾಚೆ ಖಾತಿರ್‌ಚ್ ಶಿಂವ್‍ಲ್ಲ್ಯೊ ಚಾಮ್ಡ್ಯಾಚ್ಯೊ ವ್ಹಾಣೊ. ಮಂದಾರ್ ಗಾಂವ್ಚೊ ಸುಬೆದಾರ್ ತಸೆಂ ತೊ ದಿಸ್ತಾಲೊ.

ಕುಲಾಸ್ ಪಾದ್ರ್ಯಾಬಾನ್ ಸಾಂಗ್‍ಲ್ಲ್ಯಾ ದೀಸ್ ಥಾವ್ನ್ ತಾಂಚ್ಯಾ ಮತಿಂತ್ ಉದೆಲ್ಲಿಂ ಸವಾಲಾಂ… ಗಾಂಧಿ ಕಸೊ ದಿಸ್ತಲೊ? ಕಸೆಂ ಯೆತಲೊ? ತಾಚೆಂ ವಸ್ತುರ್ ರಸ್ಮಾಚೆಂಚ್ಚ್ ಆಸೊಂಕ್ ಪುರೊ… ಧಾ ಘೊಡ್ಯಾಂನಿ ವೊಡ್ಚ್ಯಾ, ಬಾಂಗಾರಾಚ್ಯಾ ತೊರ್ಣಾಂನಿ ಸಜಯಿಲ್ಲ್ಯಾ ಗಾಡಿಯೆರ್ ತೊ ಯೆತಾ ಕೊಣ್ಣಾ… ಸೊಜೆರಾಂಚಿ ಫವ್ಜ್ ತಾಕಾ ಆಸ್ತೆಲಿ… ಎಕಾ ದೇಶಾಕ್‍ಚ್ ಸೊಡ್ವಣ್ ದಿಂವ್ಚೊ ಮಹಾನ್ ಮನಿಸ್ ತೊ, ಸಾಧಾರ್ಣ್ ಮನ್ಶ್ಯಾಪರಿಂ ದಿಸ್ಚೊ ನಾ… ಘಮಂಡಾಯೆನ್ ಭರೊನ್ ಆಸ್ತಲೊ…

ಮಯ್ದಾನಾರ್ ಬಾವ್ಟೆ ಉಮ್ಕಳಾಯಿಲ್ಲೆ. ಮಧೆಂ ಮಧೆಂ ಪುರ್‌ಲ್ಲ್ಯಾ ಖಾಂಬ್ಯಾಂನಿ ಖೊಲ್ಯಾಂಚಿ ತೊರ್ಣಾಂ ಬಾಂಧ್‍ಲ್ಲಿಂ. ಲೊಕಾಂ ಲಾಗಿಂ ಮಾಡಾಂಚ್ಯೊ ಚುಡೆತ್ಯೊ ಆಸ್‍ಲ್ಲ್ಯೊ.

ಮಯ್ದಾನಾಚ್ಯಾ ಮಧೆಂಚ್ಚ್ ವಾಟ್ ಆಸಾ ಕೆಲ್ಲಿ. ತಾಚ್ಯಾ ದೆಗೆನ್ ಧರ್ಣಿಚೆರ್ ಮೊಡ್ಲಾಂ ಹಾಂತುಳ್‍ಲ್ಲಿಂ ಆಯಿಲ್ಲ್ಯಾ ಲೊಕಾಕ್ ಬಸೊಂಕ್.

ರುಜಾರ್ ಮೆಂದೊಸ್ ಆನಿ ಸಾಂಗಾತಿ ಮೊಡ್ಲಾಂಚೆರ್ ಬಸ್ಲೆ. ತಾಂಚ್ಯಾ ಹಾತಾಂನಿ ಚುಡೆತ್ಯೊ ಆಸ್‍ಲ್ಲ್ಯೊ. ರುಕಾಚೆ ಫಾಂಟೆ ಆಸ್‍ಲ್ಲೆ.

“ಗಾಂಧಿ ಆಯ್ಲೊ…” ಪಾಟ್ಲ್ಯಾನ್ ಕೊಣಾಚಿಗೀ ಬೊಬಾಟ್ ಜಾಲಿ.

ಸರ್ವ್ ಉಬೆ ಜಾಲೆ. ರುಜಾರ್ ಮೆಂದೊಸ್ ಆನಿ ಸಾಂಗಾತಿಯೀ ಉಬೆ ಜಾಲೆ.

ಸಕ್ಡಾಂನಿ ಗೊಮ್ಟಿ ವಯ್ರ್ ಕೆಲಿ. ತಿಳ್ಳೆಂ. ಗಾಂಧಿ ದಿಸ್ಲೊ… ತಾಚೆ ಸಾಂಗಾತಿಯೀ ದಿಸ್ಲೆ.

ರುಜಾರ್ ಮೆಂದೊಸಾಕ್ ಆಜಾಪ್ ಜಾಲ್ಲೆಂ.

ಘೊಡೆ ನಾಂತ್… ಗಾಡಿ ನಾ… ಆಡಂಬರಾಯ್ ನಾ… ರಾಯಾಳ್ ದರ್ಬರಾಯ್ ಬಿಲ್ಕುಲ್ ನಾ…

ಬಾರೀಕ್ ಮನಿಸ್… ಫಕತ್ತ್ ಪೆಂಕ್ಡಾಚೆರ್ ಧವೊ ಕುಡ್ಕೊ ಗುಟ್ಲಾವ್ನ್ ಭುಜಾಂ ವಯ್ರ್ ಏಕ್ ಶೊಲ್. ಹಾತಾಂತ್ ಏಕ್ ಸಾಧೆಂ ಬೇತ್… ತಾಚ್ಯಾ ಸಾಂಗಾತಾಂತ್ ತಾಚೆ ಪಾಟ್ಲಾವ್ದಾರ್.

ಸಾಧ್ಯಾಪಣಾಚಿ ಉಂಚಾಯ್… ಉಂಚಾಯೆಂತ್ ಊಂಚ್ಲೆಂ ಸಾಧೆಂಪಣ್…

ಲೋಕ್ ಹಾತಿಂ ಮಾಡಾಚ್ಯೊ ಶಿವ್ಡ್ಯೊ ಘೆವ್ನ್ ಬೊಬಾಟ್ ಮಾರ್ತಾಲೊ.

ಗಾಂಧಿ ಪಕತ್ತ್ ಹಾಸ್ತಾಲೊ ಮಾತ್ರ್.

ರುಜಾರ್ ಮೆಂದೊಸಾನ್ ಆಪ್ಣಾಕ್‍ಚ್ ಪಳೆಲೆಂ. ಮೊಲಾಧಿಕ್ ವಸ್ತುರಾಂಚೊ ಆಟ್‍ನೇಟ್…

ಆಪ್ಣಾಚಿಚ್ ಲಜ್ ದಿಸ್ಲಿ ತಾಕಾ. ವಸ್ತುರಾಂ ಘಾಲುನ್‍ಯೀ ಲಜ್ ಭೊಗ್ಲಿ…

ಆನ್ಯೇಕ್ ಘಡಿತ್‍ಯೀ ಉಡಾಸಾಂತ್ ಆಯ್ಲೆಂ.

ಕುಲಾಸ್ ಪಾದ್ರ್ಯಾಬಾನ್ ರಾಮಾಚ್ಯಾ ಆಯ್ತಾರಾ ತರ್ನಾಟ್ಯಾಂಕ್ ಸಾಂಗಾತಾ ಘೆವ್ನ್ ಸಾದರ್ ಕೆಲ್ಲೊ ನಾಟ್ಕುಳೊ ಖೆಳ್ ಉಡಾಸಾಂತ್ ಆಯ್ಲೊ. ಜೆಜು ಜೆರುಜಲೆಮಾಕ್ ದಿಸಾಕ್ ಯೆಂವ್ಚೆಂ ಸನ್ನಿವೇಶ್ ದಾಖಂವ್ಚೊ ಖೆಳ್. ಥಂಯ್ಸರ್ ಜಾಲ್ಲಿ ಲೊಕಾಚಿ ಬೊಬಾಟ್. ಸಗ್ಳ್ಯಾ ಸಂಸಾರಾಕ್ ಸೊಡ್ವಣ್ ದೀಂವ್ಕ್ ಯೆಂವ್ಚೊ ಸೊಮಿ ಆನಿ ತಾಚ್ಯಾ ಯೆಣ್ಯಾನ್ ಸಂತೊಸಾನ್ ಭರ್‌ಲ್ಲೊ ಲೋಕ್ ಆಪ್ಲಿಂ ಮೊಲಾಧಿಕ್ ವಸ್ತುರಾಂ ವಾಟೆರ್ ಉಡಯ್ತಾಲೊ. ತ್ಯಾ ವಸ್ತುರಾಂಚೆರೀ ಸೊಮಿ ಚಲ್‍ಲ್ಲೊ…

ರುಜಾರ್ ಮೆಂದೊಸಾನ್ ಘಡಿಭರ್ ಚಿಂತ್ಲೆಂ. ಮತಿಂತ್ ವಾದಾಳ್‍ಚ್ ಭರ್ಲೆಂ.

ಗಾಂಧಿ ತಾಚ್ಯಾ ಥಾವ್ನ್ ಪಂಚ್ವೀಸ್ ವಾರಿ ತಿತ್ಲೊ ಪಯ್ಸ್ ಆಸ್‍ಲ್ಲೊ.

ರುಜಾರ್ ಮೆಂದೊಸಾನ್ ಆಪ್ಲೊ ಕುತಾಂವ್, ಖೊಮಿಸ್ ಆನಿ ಪುಡ್ವೆಂ ವೊಡುನ್ ಕಾಡ್ಲೆಂ. ಗಾಂಧಿ ಯೆಂವ್ಚ್ಯಾ ವಾಟೆರ್ ಹಾಂತುಳ್ಳೆಂ.

ಮೊಲಾಧಿಕ್ ವಸ್ತುರಾಂ ಧುಳಿಂತ್ ಹಾಂತುಳ್ಳಿಂ, ದೆಶಾಚ್ಯಾ ಸೊಡ್ವಣ್ದಾರಾಕ್ ಸ್ವಾಗತ್ ಕರುಂಕ್.

ತೊ ಆತಾಂ ಖಾಲಿ ಸಿಂಗ್ಲೆಟಾರ್ ಆನಿ ತಾಂಬ್ಡ್ಯಾ ಕಾಷ್ಟೆರ್ ಆಸ್‍ಲ್ಲೊ. ಲೋಕ್ ತಾಕಾ ಪಳೆತಾಲೊ. ಥೊಡೆ ಹಾಸ್ತಾಲೆ.

ಧರ್ಣಿರ್ ಘಾಲ್ಲ್ಯಾ ರುಜಾರ್ ಮೆಂದೊಸಾಚ್ಯಾ ಮೊಲಾಧಿಕ್ ವಸ್ತುರಾಂಚೆರ್ ಗಾಂಧಿ ಚಲೊನ್ ತಾಚ್ಯಾ ಲಾಗಿಂ ಆಯ್ಲೊ. ಗಾಂಧಿಚೆ ಪಾಟ್ಲಾವ್ದಾರ್‌ಯೀ ತಾಚೆರ್ ಚಲ್ಲೆ.

ಗಾಂಧಿ ಬೋವ್ ಲಾಗಿಂ ಯೆತಾನಾ ರುಜಾರ್ ಮೆಂದೊಸಾನ್ ದೊನೀ ಹಾತ್ ಜೊಡ್ಲೆ. ಖಾಲ್ತೆಪಣಿಂ ಮಾನ್ ಕೆಲೊ.

ಗಾಂಧಿನ್‍ಯೀ ಹಾತ್ ಜೊಡ್ಲೆ. ಎಕಾಮೆಕಾಚ್ಯೊ ಭಾಸೊ ತಾಂಕಾಂ ಯೇನಾತ್‍ಲ್ಲ್ಯೊ. ಹಾಸ್ಯಾಂಚಿ ಭಾಸ್ ತೆ ಉಲಯ್ಲೆ.

ಗಾಂಧಿನ್ ತಾಕಾ ಪೊಟ್ಲುನ್ ಧರ್ಲೊ. ಮೊಗಾನ್ ತಕ್ಲೆರ್ ಹಾತ್ ದವರ್ಲೊ.

ಸಿಂಗ್ಲೆಟಾರ್ ಆನಿ ಕಾಷ್ಟೆರ್‌ಚ್ ಆಸ್‍ಲ್ಲೊ ತರೀ ರುಜಾರ್ ಮೆಂದೊಸಾಕ್ ಲಜ್ ದಿಸ್ಲಿನಾ.

ಆನಿ ತ್ಯಾ ವೆಳಿಂ ಮಾತ್ರ್…

ಕುಲಾಸ್ ಪಾದ್ರ್ಯಾಬಾನ್ ಆಸಾ ಕೆಲ್ಲ್ಯಾ ರಾಮಾಚ್ಯಾ ಆಯ್ತಾರಾಚ್ಯಾ ನಾಟ್ಕುಳ್ಯಾ ಖೆಳಾಂತ್ ತರ್ನಾಟ್ಯಾಂನಿ ಬೊಬಾಟ್‍ಲ್ಲೆಂ ಉತಾರ್ ತಾಚ್ಯಾ ಕಾಳ್ಜಾಂತ್ ಉದೆಲೆಂ ಆನಿ ಫಾಂಟೆಲೆಂ. ಮನಾಂತ್ ತೊ ಬೊಬಾಟ್ಲೊ…

“ಹೊಸಾನ್ನಾ..!”

ಹಾಂಗಾ ಪ್ರಕಟ್ ಜಾಲ್ಲ್ಯೊ ಹೆರ್ ಕಾಣಿಯೊ

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್ (Click to Join)

Send your Feedback to: budkuloepaper@gmail.com

Like us at: www.facebook.com/budkulo.epaper

Watch wonderful programs in our YouTube Channel

The post “…ಆನಿ ತೊಯೀ ಎಕ್ಲೊ ಸೊಡ್ವಣ್ದಾರ್!!” appeared first on Budkulo.

ಶ್ಹೆರಾಂತ್ಲ್ಯಾ ಫಾಮಾದ್ ದಿಸಾಳ್ಯಾಂತ್ ಥೊಡ್ಯಾಚ್ ಮಹಿನ್ಯಾಂ ಆದಿಂ ಕಾಮಾಕ್ ಭರ್ತಿ ಜಾಲ್ಲೆಂ ಶಿಫಾಲಿ, ಪ್ರಸ್ತುತ್ ಏಕ್ ಕ್ರೈಮ್ ರಿಪೋರ್ಟರ್. ಪತ್ರಿಕೋದ್ಯಮಾ ಸವೆಂ ಸೈಕಾಲಜಿಂತ್‍ಯೀ ಸ್ನಾತಕೋತ್ತರ್ ಪದ್ವಿ ಆಪ್ಣಾಯಿಲ್ಲ್ಯಾ ಶಿಫಾಲಿಕ್, ಪತ್ರಾಂನಿ ಸರಾಗ್ ರಿಪೋರ್ಟ್ ಜಾಂವ್ಚ್ಯಾ ಅತ್ಯಾಚಾರ್ ಪ್ರಕರಣಾಂಚೆರ್ ಕುತೂಹಲ್ ಉಬ್ಜಲ್ಲೆಂ. ತಾಚಿ ಚುರುಕಾಯ್ ಪಾರ್ಕಿಲ್ಲ್ಯಾ ಸಂಪಾದಕಾನ್ ರಿಪೋರ್ಟರ್ ಜಾವ್ನ್ ತಾಕಾ ನೇಮಕ್ ಕೆಲ್ಲೆಂ.

ಸದಾಂಚ್ಯಾ ವಾವ್ರಾ ಸಾಂಗಾತಾ ಶಿಫಾಲಿನ್ ಏಕ್ ವಿಶೇಸ್ ವರ್ದಿ ತಯಾರ್ ಕರುಂಕ್ ಯೆವ್ಜಿಲೆಂ. ಮಾಹೆತ್ ವಿಚಾರುಂಕ್ ವೆತಾನಾ, ಪೊಲಿಸ್ ಕಮಿಶನರಾನ್ ತಾಕಾ ಡಿಸಿಪಿ ಪಾಟೀಲಾಚ್ಯಾ ಕ್ಯಾಬಿನಾಕ್ ಧಾಡ್ಲೆಂ. ಎಕಾ ಮಹಿನ್ಯಾ ಥಾವ್ನ್ ತೆಂ ಪಾಟೀಲಾಚ್ಯಾ ಕ್ಯಾಬಿನಾಕ್ ಹರ್ ದೀಸ್ ಮ್ಹಳ್ಳೆಪರಿಂ ಭೆಟ್ ದಿತಾಲೆಂ.

ಭಾರತಾಂತ್ಲ್ಯಾ ಅತ್ಯಾಚಾರಾಂ ವಿಶಿಂ ಮಾಧ್ಯಮಾಂನಿ ಚರ್ಚಾ ಜಾತಾಲಿ. ಪ್ಯಾನೆಲ್ ಡಿಸ್ಕಶನಾಂ ಆವಾಜ್ ಉಟಯ್ತಾಲಿಂ. ಶಿಫಾಲಿ ಹರ್ ಏಕ್‍ಯೀ ಗುಮಾನಾಕ್ ಘೆತಾಲೆಂ. ಅಸಲ್ಯಾ ಚರ್ಚೆಂನಿ ಏಕ್ ಸಂಗತ್ ವಯ್ರ್ ಪಡ್ತಾಲಿ – ‘ಚಲಿಯಾಂನಿ ಅಂಗಾಂಗ್ ಪ್ರದರ್ಶನ್ ಕರ್ಚೆಂಚ್ ಅತ್ಯಾಚಾರಾಕ್ ಆಹ್ವಾನ್’ ಮ್ಹಣ್ ಆರೋಪ್ ಘಾಲುನ್ ಸ್ತ್ರೀಯಾಂಚ್ಯಾ ನ್ಹೆಸ್ಣಾಚೆರ್ ಠಿಕಾ ಜಾತಾಲಿ. ಅಸಲ್ಯಾ ಸಂಗ್ತಿಂನಿ ಸ್ತ್ರೀಯಾಂಕ್‍ಚ್ ಚುಕಿದಾರ್ ಮ್ಹಣ್ ಬದ್ಲಾಮ್ ಘಾಲ್ತಾಲೆ.

ಟಿ.ವಿ. ಚಾನೆಲಾಂನಿ ನ್ಹಯ್ ಆಸ್ತಾನಾ ಸೋಶಿಯಲ್ ಮೀಡಿಯಾಂತ್‍ಯೀ ಹ್ಯಾ ವಿಶಿಂ ಪರ್-ವಿರೋಧ್ ಗಲಾಟೊ ಚಲ್ತಾಲೊ. ಎಕಾ ಕೊಂಕ್ಣಿ ಪತ್ರಾಂತ್ ‘ಮಿಸಾಂ ವೆಳಾರ್ ಭಕ್ತಿಪಣಾಕ್ ಪ್ರೇರಿತ್ ಕರ್ಚ್ಯಾ ಬದ್ಲಾಕ್ ಲೈಂಗಿಕ್ ಉದ್ರೇಕ್ ಉಬ್ಜಂವ್ಚೆಪರಿಂ ಚಲಿಯೊ ಮುಸ್ತಾಯ್ಕಿ ನ್ಹೆಸ್ತಾತ್’ ಮ್ಹಣ್ ಏಕ್ ವಾಚ್ಪ್ಯಾಚೆಂ ಪತ್ರ್ ಪ್ರಕಟ್ ಜಾಲೆಂ. ತ್ಯಾ ಉಪ್ರಾಂತ್ ಸಬಾರ್ ತೇಂಪ್ ತ್ಯಾ ಗಜಾಲಿಕ್ ಧರ್ನ್ ಪತ್ರಾಂತ್ ಹುನೊನಿ ಚರ್ಚಾ ಚಲ್ಲಿ.

ಕ್ರೈಂ ಬ್ರ್ಯಾಂಚಾಂತ್ ವಾವುರ್ಚ್ಯಾ ಡಿಸಿಪಿ ಪಾಟೀಲಾನ್ ಆಪ್ಲ್ಯಾ ವೃತ್ತೆಂತ್ ಫುಡ್ ಜಾಲ್ಲ್ಯಾ ಸರ್ವ್ ಅತ್ಯಾಚಾರ್ ಪ್ರಕರಣಾಂಚಿಂ ಫೈಲಾಂ ಶಿಫಾಲಿಕ್ ದಿಲ್ಲಿಂ. ನೀದ್ ಖಳೊನ್ ಮಧ್ಯಾನ್ ರಾತಿಂ ಪರ್ಯಾಂತ್ ಅತ್ಯಾಚಾರಾಕ್ ಸಂಬಂಧ್ ಜಾಲ್ಲೆ ದಾಖ್ಲೆ, ಡಾಟಾ ಪರಿಶೀಲನ್ ಕರ್ತಾಲೆಂ ಶಿಫಾಲಿ.

ನಿಜಾಯ್ಕೀ ಚಲಿಯಾಂಚಿ ಮುಸ್ತಾಯ್ಕಿ ವಾ ಅಂಗಾಂಗ್ ಪ್ರದರ್ಶನ್‍ಂಚ್ ಅತ್ಯಾಚಾರಾಕ್ ಕಾರಣ್‍ಗೀ? ಶಿಫಾಲಿಕ್ ಹಿ ಸಂಗತ್ ಚಡ್ ಕಾಂತಂವ್ಕ್ ಲಾಗ್ಲಿ.

ಮಾರ್ಕೆಟ್, ಮಾಲಾಂ ವಾ ಖಂಯ್ ಪಳೆಲ್ಯಾರೀ ಜಾಯ್ತ್ಯೊ ಚಲಿಯೊ, ಸ್ತ್ರೀಯೊ ಪ್ರಾಯೆಚಿ ಬಂದಡ್ ನಾಸ್ತಾನಾ ಆಧುನಿಕ್ ನ್ಹೆಸ್ಣಾರ್, ರಂಗಾಳ್ ವಸ್ತ್ರಾಂನಿ ಸೊಭ್ತಾಲಿಂ. ಥೊಡ್ಯಾಂಚೆಂ ಅತಿರೇಕ್‍ಚ್ ಮ್ಹಣ್ಯೆತ್. ಎಕಡ್ಚ್ಯಾನ್ ಹರ್ದೆಂ ಉಗ್ತೆಂ ಆಸ್ತಾಲೆಂ ತರ್, ಥೊಡ್ಯಾಂ ಥಾವ್ನ್ ಜಾಂಗ್ಯಾಂಚೆಂ ಪ್ರದರ್ಶನ್‍ಯೀ ಫುಂಕ್ಯಾಕ್ ಮನರಂಜನ್ ದಿತಾಲೆಂ. “ಚಲಿಯಾಂನಿಂಚ್ ಪ್ರೊವೊಕೇಶನ್ ದಿಂವ್ಚೆಂ…” ಉಡಾಸ್ ಜಾಲೊ ಶಿಫಾಲಿಕ್, ಎಕಾ ಸಾಮಾಜಿಕ್ ಕಾರ್ಯಕರ್ತಾನ್ ರಾಜ್ಯ್ ಮಟ್ಟಾಚ್ಯಾ ಟಿವಿ ಸ್ಟುಡಿಯೊಂತ್ ಬೊಬಾಟ್‍ಲ್ಲೆಂ.

ದೀಸ್ ವೆತಾಂ ವೆತಾನಾ ನವ್ಯೊ ನವ್ಯೊ ಗಜಾಲಿ, ವೆವೆಗ್ಳೆ ಇನ್‍ಸೈಟ್ಸ್ ಜೊಡ್ತಾಲೆಂ ಶಿಫಾಲಿ. ಶ್ಹೆರಾಂತ್ಲ್ಯಾ ಪೊಲಿಸ್ ಸ್ಟೇಶನಾಂಕ್ ಸರಾಗ್ ಭೆಟ್ ದಿತಾಲೆಂ. ಸೀನಿಯರ್ ಪೊಲಿಸ್ ಅಧಿಕಾರಿ ತಶೆಂ ಮ್ಹಾಲ್ಗಡ್ಯಾ ಪತ್ರಕರ್ತಾಂ ಸಂಗಿಂ ಉಲವ್ನ್ ಚಡ್ತಿಕ್ ಮಾಹೆತ್, ಪೂರಕ್ ವಿವರ್ ಜೊಡ್ತಾಲೆಂ.

ಸದಾಂಚ್ಯಾ ವಾವ್ರಾಂತ್ ಹರ್ ದೀಸ್ ತಾಕಾ ಕ್ರೈಮ್ ಸಂಸಾರಾಚೊ ‘ವೈಭವ್’ ಕಳಿತ್ ಜಾತಾಲೊ. ಅವ್ಗಡಾಂ, ಚೊರಿ, ಕುಟ್ಮಾಂತ್ ಝಗ್ಡೆಂ, ಪಿಯೆವ್ನ್ ಲಡಾಯ್, ಅಪ್ರೂಪ್ ಖುನಿ ಇತ್ಯಾದಿ ಪ್ರಕರಣಾಂಚಿ ವರ್ದಿ ಕರ್ನ್ ಶಿಫಾಲಿ ಆತಾಂ ಕ್ರೈಮ್ ರಿಪೋರ್ಟಿಂಗಾಂತ್ ಹೆಳ್‍ಲ್ಲೆಂ. ಕ್ರೈಮ್ ವಿಭಾಗಾಂತ್ ತಾಚ್ಯಾ ಸೆವೆಕ್ ವರಸ್ ಉತ್ರಲ್ಲೆಂ. ಕೋಡ್ತ್, ಜೈಲ್, ಆರೋಪಿ, ಅಪ್ರಾಧಿ, ಕೈದಿಂಚಿ ಭೆಟ್ ತಾಕಾ ಸದಾಂಚಿ ಜಾಲಿ. ಕ್ರೈಮಾಕ್ ಸಂಬಂಧ್ ಜಾಲ್ಲಿಂ ಸಿನೆಮಾಂಯೀ ಪಳೆತಾಲೆಂ. ಯೂಟ್ಯೂಬ್, ಓಟಿಟಿಂತ್ ಆಸಕ್ತೆಚೆಂ ಕಿತೆಂಯೀ ದಿಸ್ಲ್ಯಾರ್ ಪಳೆತಾಲೆಂ. ಕ್ರೈಮಾಕ್ ಲಗ್ತಿ ಜಾಲ್ಲೆ ಬೂಕ್ ಹಾಡವ್ನ್ ವಾಚ್ತಾಲೆಂ.

ಡೆಲ್ಲಿಚ್ಯಾ ನಿರ್ಭಯಾ ಪ್ರಕರಣಾ ಉಪ್ರಾಂತ್ ಅತ್ಯಾಚಾರ್ ಜಾಂವ್ಚೆಂ ಚಡ್‍ಲ್ಲೆಂಚ್ ಶಿವಾಯ್ ಉಣೆಂ ಜಾಲ್ಲೆಂ ನಾ. ಹ್ಯಾ ವಿಶಿಂ ಡಿಸಿಪಿ ಪಾಟೀಲಾನ್ ಸಾಂಗ್‍ಲ್ಲಿ ಗಜಾಲ್ ಶಿಫಾಲಿಕ್ ಸಮ್ಜಲಿ ಆನಿ ತೆಂ ಸಾರ್ಕೆಂ ಮ್ಹಣ್ ದಿಸ್ಲೆಂ. ಅತ್ಯಾಚಾರ್ ಪಯ್ಲೆಂಯೀ ಜಾತಾಲೆ, ಪುಣ್ ನಿರ್ಭಯಾ ಪ್ರಕರಣಾಚ್ಯಾ ತೀವ್ರತೆ ವರ್ವಿಂ, ತ್ಯಾ ಉಪ್ರಾಂತ್, ಅತ್ಯಾಚಾರ್ ಪ್ರಕರಣಾಂಕ್ ಮೆಳ್ಚೊ ಪ್ರಚಾರ್ ಚಡ್‍ಲ್ಲೊ ಮ್ಹಣ್ ಆದ್ಲ್ಯಾ ಪ್ರಕರಣಾಂಚೆ ಸಂಖೆ ದಾಕವ್ನ್ ಸಾಂಗ್‍ಲ್ಲೆಂ ಪಾಟೀಲಾನ್. ವಿಶುವಲ್ ಮೀಡಿಯಾ ವರ್ವಿಂ ಘಡಿತಾಂಚೆಂ ವೈಭವೀಕರಣ್ ಚಲ್ಚೆಂಯೀ ಹಾಕಾ ಕಾರಣ್ ಮ್ಹಣ್ ತಾಕಾ ಸಮ್ಜಲೆಂ.

ಕರ್ನಾಟಕಾಂತ್ ಅತ್ಯಾಚಾರಾಕ್ ನಾಂವಾಡ್‍ಲ್ಲ್ಯಾ ‘ವಿಕೃತ ಕಾಮಿ’ ಉಮೇಶ್ ರೆಡ್ಡಿಚ್ಯಾ ಜಿಣ್ಯೆ ವಿಶಿಂಯೀ ಮಾಹೆತ್ ಆಪ್ಣಾಯ್ಲಿ ಶಿಫಾಲಿನ್. ತಾಚೆರ್ ಆಯಿಲ್ಲಿ ವೆಬ್ ಸೀರೀಸ್ ‘ಇಂಡಿಯನ್ ಪ್ರೆಡೇಟರ್: ಬೀಸ್ಟ್ ಆಫ್ ಬ್ಯಾಂಗಲೋರ್’ ನೆಟ್‍ಫ್ಲಿಕ್ಸಾಂತ್ ತಾಣೆಂ ಪಳೆಲಿ.

ವಾಸ್ತವ್ ಸಂಗ್ತಿಂಕ್ ಆನಿ ಸಂಸಾರಾನ್ ವಯ್ಲ್ಯಾಬಾರ್ ಉಲಂವ್ಚ್ಯಾ ವಿಚಾರಾಂಚೆರ್ ಆಸ್ಚೊ ಫರಕ್ ಶಿಫಾಲಿಕ್ ಕ್ರಮೇಣ್ ಸಮ್ಜೊಂಕ್ ಲಾಗ್ಲೊ. ಪುರುಷ್ ಪ್ರಧಾನ್ ಸಮಾಜ್ ಹರ್ ಸಂಗ್ತಿಂನಿ ಸ್ತ್ರೀ ವರ್ಗಾಕ್ ದುರ್ಸತಾ ಮಾತ್ರ್ ನ್ಹಯ್ ದ್ವೇಷಿತಾ ಜಾಂವ್ಕೀ ಪುರೊ ಮ್ಹಣ್ ಥೊಡೆ ಪಾವ್ಟಿಂ ಭೊಗ್ತಾಲೆಂ ತಾಕಾ. ಸ್ತ್ರೀಯೆಚೊ ಜೀವ್ ದಾದ್ಲ್ಯಾಂಕ್ ಖೆಳಾಚಿ ಬಾವ್ಲಿ ಜಶೆಂ ಜಾಲ್ಯಾ ಮ್ಹಳ್ಳ್ಯಾ ತರ್ಕಾಕ್ ತೆಂ ಯೆತಾಲೆಂ. ತಾಚೆ ಮುಖಾರ್ ಆಸ್‍ಲ್ಲ್ಯಾ ಅತ್ಯಾಚಾರ್ ಪ್ರಕರಣಾಂಚಿ ಪಟ್ಟಿ ಆನಿ ತಾಂತ್ಲೊ ವಿವರ್ ಅಧ್ಯಯನ್ ಕರುನ್ ತೆಂ ಥರ್ಥರ್‌ಲ್ಲೆಂ.

ಚಡಾವತ್ ಅತ್ಯಾಚಾರ್ ಪ್ರಕರಣಾಂನಿ ಬಲಿಪಶು ಜಾಲ್ಲ್ಯಾ ಚಲಿಯಾಂನಿ ವಾ ಸ್ತ್ರೀಯಾಂನಿ ಪ್ರಚೋದನ್ ದಿಂವ್ಚೆ ತಸಲೆಂ ವಸ್ತುರ್ ಘಾಲುಂಕ್‍ಚ್ ನಾತ್‍ಲ್ಲೆಂ. ತ್ಯಾ ಪ್ರಾಸ್ ಚಡ್ ಭಿರಾಂಕುಳ್ ಗಜಾಲ್ ಮ್ಹಳ್ಯಾರ್ ಅತ್ಯಾಚಾರ್ ಕರ್ತೆಲ್ಯಾಂಕ್ ಕಸಲಿಚ್ ದಯಾ, ದಾಕ್ಷೆಣ್ ವಾ ಬಿರ್ಮತ್ ಆಸನಾತ್‍ಲ್ಲಿ. ಪ್ರಾಯೆಚಿ ಬಂದಡ್ ನಾಸ್ತಾನಾ ಅತ್ಯಾಚಾರ್ ಜಾಲ್ಲಿಂ ಪ್ರಕರಣಾಂ ವಾಚುನ್ ತೆಂ ದಂಡಳ್‍ಲ್ಲೆಂ. ತರ್ನಾಟ್ಪಣಾಕ್ ಪಾವ್‍ಲ್ಲ್ಯಾ ಚಲಿಯಾಂಚೆರ್ ಮಾತ್ರ್ ನ್ಹಯ್, ಮ್ಹಾತಾರಿಂ, ಪಿಡೇಸ್ತಾಂ ಆನಿ ಮಾಸೂಮ್ ಭುಗ್ರ್ಯಾ ಬಾಳಾಂಚೆರೀ ಅತ್ಯಾಚಾರ್ ಜಾಲ್ಲಿಂ ಪ್ರಕರಣಾಂ ಜಾಣಾಂ ಜಾವ್ನ್ ಶಿಫಾಲಿಚೆಂ ರಗತ್ ಕಡ್ತಾಲೆಂ, ಕಾಳಿಜ್ ರಡ್ತಾಲೆಂ.

ಆದ್ಲ್ಯಾಚ್ ಹಫ್ತ್ಯಾಂತ್ ಶ್ಹೆರಾ ಭಾಯ್ಲ್ಯಾ ಕೊಲೊನಿಂತ್ ಉತ್ತರ ಕರ್ನಾಟಕಾಚ್ಯಾ ಎಕಾ ಕುಟ್ಮಾಚ್ಯಾ ಪಾಂಚ್ ವರ್ಸಾಂಚ್ಯಾ ಭುಗ್ರ್ಯಾಚೆರ್ ಎಕಾ ತರುಣಾನ್ ಅತ್ಯಾಚಾರ್ ಕೆಲ್ಲೊ. ಭುಗ್ರ್ಯಾಚಿಂ ಆವಯ್ ಬಾಪಯ್ ದೊಗಾಂಯೀ ಕೂಲಿ ಕಾಮಾಕ್ ವೆತಾತ್. ಝೊಪ್ಡ್ಯಾಂತ್ಲಿಂ ಭುರ್ಗಿಂ ದಿಸಾಚೆಂ ಸಾಂಗಾತಾ ಖೆಳ್ತಾಲಿಂ. ಲಾಗ್ಸರ್‌ಚ್ ಆಸ್‍ಲ್ಲ್ಯಾ ಘರ್ಚ್ಯಾ ಯುವಕಾನ್ ತ್ಯಾ ಚೆಡ್ವಾ ಭುಗ್ರ್ಯಾಕ್ ಚೊಕ್ಲೆಟ್ ದಿತಾಂ ಮ್ಹಣ್ ಆಪವ್ನ್ ಆಡೊಸಾಕ್ ವ್ಹರ್ನ್ ತಾಚೆರ್ ಅತ್ಯಾಚಾರ್ ಕೆಲ್ಲೆಂ. ತೆದೆಂ ಲ್ಹಾನ್, ನೆಣ್ತೆಂ ಭುರ್ಗೆಂಯೀ ಕಾಮುಕಿ ಚಿಂತ್ನಾಂಕ್ ಕಶೆಂ ಜಾಗಂವ್ಕ್ ಸಕ್ತಾ ಮ್ಹಣ್ ಶಿಫಾಲಿಕ್ ಕಿತ್ಲೆಂ ಚಿಂತ್ಲ್ಯಾರೀ ಸುಸ್ತಾನಾ ಜಾಲೆಂ.

ಪರ್ನ್ಯಾ ಎಕಾ ಪ್ರಕರಣಾಂತ್, ತ್ಯಾ ಕೇಜಿ ಬಾಬ್ತಿಂ ಕೊಡ್ತಿಕ್ ತಾಣೆಂ ಭೆಟ್ ದಿಲ್ಲಿ, ಎಕಾ ಮ್ಹಾತಾರ್ಯಾ ಸ್ತ್ರೀಯೆಚೆರ್ ಎಕಾ ಯುವಕಾನ್ ಅತ್ಯಾಚಾರ್ ಕೆಲ್ಲೆಂ. ಘರ್ಚಿಂ ಆಪ್ಲ್ಯಾ ವ್ಯವಹಾರಾಂಕ್ ಲಾಗೊನ್ ದೀಸ್‍ಭರ್ ಭಾಯ್ರ್ ವಾ ಪಯ್ಸ್ ಆಸ್ತಾಲಿಂ. ಉದ್ಯೋಗ್ ನಾಸ್ತಾನಾ ಗಾಂವ್‍ಭರ್ ಭೊಂವೊನ್ ಆಸ್‍ಲ್ಲ್ಯಾ ತ್ಯಾ ಯುವಕಾನ್ ಹೊ ಅವ್ಕಾಸ್ ಗಳ್ಸುನ್ ತಿಚೆರ್ ಅತ್ಯಾಚಾರ್ ಆಧಾರ್‌ಲ್ಲೆಂ.

ತೀನ್ ಮಹಿನ್ಯಾಂ ಆದಿಂ ಜಾಲ್ಲೆಂ ಪ್ರಕರಣ್ ಆನಿಕೀ ವಿಶೇಸ್. ಅವ್ಗಡಾಕ್ ಸಾಂಪ್ಡೊನ್ ಸಾರ್ಕೆಂ ಚಲೊಂಕ್ ಜಾಯ್ನಾತ್‍ಲ್ಲ್ಯಾ ಎಕಾ ಯುವತಿಚೆರ್ ತಿಣೆಂ ಕಾಮ್ ಕರ್ಚ್ಯಾ ಕಾರ್ಖಾನ್ಯಾಂತ್‍ಚ್ ಎಕಾ ಸಹೋದ್ಯೋಗಿನ್ ರಾಕ್ಷಸೀ ಕೃತ್ಯೆಂ ಆಧಾರ್‌ಲ್ಲೆಂ. ದೊನ್ಪಾರಾಂ ಜೆವ್ಣಾಚ್ಯಾ ವಿರಾಮಾ ವೆಳಿಂ, ವಾಶ್ ರೂಮಾಕ್ ಗೆಲ್ಲೆಂ ತೆಂ ಚೆಡುಂ ಪಾಟಿಂ ಯೆತಾನಾ ತಾಚ್ಯಾ ತೊಂಡಾಕ್ ಹಾತ್ ಧಾಂಪುನ್ ವೋಡ್ನ್ ವ್ಹರ್ನ್ ಗೋದಾಮಾಂತ್ ಅತ್ಯಾಚಾರ್ ಕೆಲ್ಲೆಂ.

ಆಪ್ಲ್ಯಾ ಮೆಜಾರ್ ಪಡ್‍ಲ್ಲ್ಯಾ ಸರ್ವ್ ಫೈಲಾಂಚೆರ್ ಪಾರ್ಕುನ್ ಪಳೆತಾನಾ ಭೋವ್ ಥೊಡಿಂ ಸೊಡ್ಲ್ಯಾರ್ ಹರ್ ಅತ್ಯಾಚಾರ್ ಪ್ರಕರಣಾಂನಿ ಬಲಿಪಶು ಜಾಲ್ಲ್ಯಾಂನಿ ಪ್ರಚೋದನ್ ದಿಂವ್ಚೆ ತಸಲಿ ಮುಸ್ತಾಯ್ಕಿ ನ್ಹೆಸೊಂಕ್‍ಚ್ ನಾತ್‍ಲ್ಲಿ. ಬಗಾರ್ ಮಾಣ್ಸುಗೆಚೆಂ ನ್ಹೆಸಣ್‍ಂಚ್ ತಾಂಚೆಂ ಆಸ್‍ಲ್ಲೆಂ. ತ್ಯಾ ಶಿವಾಯ್ ಪಿಡೇಸ್ತ್, ಮ್ಹಾತಾರಿಂ ವಾ ಭುರ್ಗಿಂ ಮ್ಹಣ್ ಪಳೆನಾಸ್ತಾನಾ ಟೀನೇಜ್ ಯುವಕಾಂ ಥಾವ್ನ್ ಸಾಟ್ ವರ್ಸಾಂ ಪರ್ಯಾಂತ್ಲ್ಯಾ ಮ್ಹಾತಾರ್‍ಯಾಂನಿ ಪರ್ಯಾಂತ್ ಅತ್ಯಾಚಾರ್ ಕೆಲ್ಲೆಂ, ವರ್ಗೀಕರಣ್ ಕೆಲ್ಲ್ಯಾ ಆಪ್ಲ್ಯಾ ರಿಪೋರ್ಟಾಂತ್ ಶಿಫಾಲಿನ್ ಉಲ್ಲೇಖ್ ಕೆಲ್ಲೆಂ.

ಕುತೂಹಲಾನ್ ಸುರು ಕೆಲ್ಲೆಂ ಕಾಮ್ ಆತಾಂ ವ್ಹಡ್ ಏಕ್ ಮಿಸಾಂವ್ ಜಾಲ್ಲೆಂ. ಶಿಫಾಲಿನ್ ಅತ್ಯಾಚಾರಾಂ ವಿಶಿಂ ಲಿಖ್‍ಲ್ಲಿಂ ವಿಶೇಸ್ ಲೇಖನಾಂ ದಿಸಾಳ್ಯಾಂತ್ ಸರಾಗ್ ಪ್ರಕಟ್ ಜಾತಾಲಿಂ. ಡಿಸಿಪಿ ಪಾಟೀಲಾನ್ ಶಿಫಾಲಿಚಿ ಆಸಕ್ತ್ ಆನಿ ಬದ್ಧತಾ ಪಳೆವ್ನ್ ಆಖ್ಖ್ಯಾ ರಾಜ್ಯಾಂತ್ಲಿಂ ಮಾತ್ರ್ ನ್ಹಯ್ ದೇಶ್‍ಭರ್ ಘಡ್‍ಲ್ಲ್ಯಾ ಪ್ರಮುಖ್ ಅತ್ಯಾಚಾರ್ ಪ್ರಕರಣಾಂಚಿ ಮಾಹೆತ್ ಹಾಡವ್ನ್ ದಿಲ್ಲಿ. ಲಗ್ಬಗ್ ದೋನ್ ವರ್ಸಾಂನಿ ಕೆಲ್ಲೆಂ ಅಧ್ಯಯನ್ ಆನಿ ಸಂಗ್ರಹ್ ಕೆಲ್ಲೊ ವಿವರ್ ಫಕತ್ ವರ್ದಿ ವಾ ಲೇಖನಾಂನಿ ದೀಂವ್ಕ್ ಸಾಧ್ಯ್ ನಾತ್‍ಲ್ಲೆಂ.

“ಶಿಫಾಲಿ, ತುವೆಂ ಕಿತ್ಯಾಕ್ ಏಕ್ ಬೂಕ್ ಕಾಡುಂಕ್ ನಜೊ?” ಸಲಹಾ ದಿಲ್ಲಿ ತಾಚ್ಯಾ ಇಷ್ಟಿಣೆನ್, ಶರ್ಮಿಳಾನ್. ತಿಂ ಎಕಾಚ್ ಘರಾಂತ್ ಶೇರಿಂಗಾರ್ ರಾವ್ತಾಲಿಂ. ಡಿಸಿಪಿ ಪಾಟೀಲಾನ್ ಹ್ಯಾ ಆಲೋಚನೆಕ್ ಸಯ್ ಘಾಲ್ಲಿ. ಸಂಪಾದಕಾಕ್‍ಯೀ ಶಿಫಾಲಿನ್ ಬೂಕ್ ಕಾಡ್ಚಿ ಗಜಾಲ್ ಭೋವ್ ಖುಷಿ ದೀಂವ್ಕ್ ಪಾವ್ಲಿ. ಪತ್ರಾಚ್ಯಾಚ್ ಪ್ರಕಾಶನಾ ಮುಖಾಂತ್ರ್ ಬೂಕ್ ಪರ್ಗಟುಂಕ್ ತಾಣೆಂ ಕಬ್ಲಾತ್ ದಿಲ್ಲಿ.

ಆಪ್ಣಾಯಿಲ್ಲೊ ಸರ್ವ್ ವಿವರ್ ಸಂಪಾದನ್ ಕರ್ನ್ ಎಕೇಕ್ ಪ್ರಕರಣಾಚ್ಯಾ ವಿಶೇಷತೆಚೆರ್ ಹೊಂದ್ವೊನ್ ಶಿಫಾಲಿನ್ ಬುಕಾಚಿ ಮಾಂಡಾವಳ್ ಕೆಲಿ. ವೈದ್ಯಕೀಯ್ ಆನಿ ಥೊಡ್ಯಾ ಕೇಜಿಂನಿ ಪೋಸ್ಟ್ ಮಾರ್ಟಮ್ ರಿಪೋರ್ಟಾಚ್ಯಾ ಆಧಾರಾನ್ ಅತ್ಯಾಚಾರಾಚಿ ತೀವ್ರತಾ ತಾಣೆಂ ವರ್ಣಿಲ್ಲಿ. ಅಪೂರ್ವ್ ಮಾಹೆತ್, ತಸ್ವೀರ್‍ಯೊ ಆಟಾಪಿಲ್ಲೆಂ ಪುಸ್ತಕ್ ಆಕರ್ಷಕ್ ಜಾಂವ್ಚಿಂ ಲಕ್ಷಣಾಂ ತಾಕಾ ದಿಸ್ಲಿಂ. ಬೂಕ್ ವಾಚುನ್ ಸಂಸಾರ್ ಹಾಲ್ತಲೊ ಮ್ಹಣ್ ತಾಕಾ ಖಚಿತ್ ಜಾಲೆಂ.

ತರೀ ಕಿತೆಂಗೀ ಉಣೆಂಪಣ್ ತಾಕಾ ಭೊಗ್ತಾಲೆಂ.

ಥೊಡೆ ದೀಸ್ ತಾಣೆಂ ಧ್ಯಾನಸ್ಥ್ ರಿತಿನ್ ನಿಯಾಳ್ ಕೆಲೊ. ಸರ್ವ್ ಕೇಜಿಂಚೊ ವಿವರ್ ತಾಕಾ ಕಳಿತ್ ಆಸ್‍ಲ್ಲೊ. ಎಕ್‍ಚ್ ಸವಾಲ್ ತಾಕಾ ಧೊಸ್ತಾಲೆಂ. ಇತ್ಲಿಂ ಅತ್ಯಾಚಾರ್ ಪ್ರಕರಣಾಂ ಕಿತ್ಯಾಕ್ ಘಡ್ತಾತ್? ತಾಣೆಂ ಎದೊಳ್ಚ್ಯಾ ಅಧ್ಯಯನಾಂತ್ ಜೊಡ್ಲೆಲ್ಯಾ ಮಾಹೆತಿ ಪ್ರಕಾರ್ ಅತ್ಯಾಚಾರ್ ನ್ಹಯ್ ತರೀ, ಚೆಡ್ವಾಂಚೆಂ ಶೋಶಣ್ ಹರ್ ಕಡೆನ್ ಚಲ್ತಾ ಮ್ಹಳ್ಳೆಂ ಭಿರಾಂಕುಳ್ ನಾಗ್ಡೆಂ ಸತ್ ತೆಂ ಜಾಣಾಂ ಜಾಲ್ಲೆಂ. ದಫ್ತರಾಂನಿ, ಕಂಪೆನಿಂನಿ, ಫ್ಯಾಕ್ಟರಿಂನಿ ಮಾತ್ರ್ ನ್ಹಯ್, ಸಾರ್ವಜನಿಕ್ ಜಾಗ್ಯಾಂನಿ, ಮ್ಹಣ್ಜೆ ಲೊಕಾಚಿ ಗಡ್ದಿ ಆಸ್ಚ್ಯಾ ಮಾರ್ಕೆಟಿಂನಿ, ಉತ್ಸವ್ ವಾ ಜಾತ್ರ್ಯಾಂನಿ, ಬಸ್ಸಾಂ, ಟ್ರೈನಾಂನಿ ಸಯ್ತ್ ಸ್ತ್ರೀಯಾಂಚ್ಯಾ ಆಂಗಾರ್ ಹಾತ್ ಘಾಲ್ಚೆಂ, ಲೈಂಗಿಕ್ ಶೋಶಣ್ ಕರ್ಚೆಂ ಚಲ್ತಾಲೆಂ. ಥೊಡೆ ಪಾವ್ಟಿಂ ಘರ್ಚ್ಯಾ ವಾ ಕುಟ್ಮಾಚ್ಯಾ ಸಾಂದ್ಯಾಂ ಥಾವ್ನ್‍ಯೀ ಚಲಿಯಾಂಚೆರ್ ಶೋಷಣ್ ಜಾತಾಲೆಂ. ತಾಂತುಂ ಚಡಾವತ್ ಪ್ರಕರಣಾಂ ಧಾಂಪೊನ್ ವೆತಾಲಿಂ. ಅಪ್ರೂಪ್‍ಶೆಂ ಥೊಡಿಂ ಧಯ್ರ್ ಕರ್ನ್ ದೂರ್ ದಿತಾಲಿಂ. ಆಯ್ಲೆವಾರ್ ಥೊಡಿಂ ಮೊಬೈಲಾರ್ ಲೈವ್ ವೀಡಿಯೊ ಕಾಡ್ನ್ ಸೋಶಿಯಲ್ ಮೀಡಿಯಾಂತ್ ಘಾಲ್ತಾಲಿಂ.

ಅತ್ಯಾಚಾರ್ ಸಾಮಾನ್ಯ್ ಲೊಕಾ ಥಾವ್ನ್ ಮಾತ್ರ್ ಚಲ್ಚೊ ನ್ಹಯ್, ರಾಜಕಾರಣಿ, ಅಧಿಕಾರಿ ಧರುನ್ ಧಾರ್ಮಿಕ್ ಮುಖೆಲಿಯೀ ಹಾಂತುಂ ಉಣೆಂ ನಾಂತ್ ತಸಲ್ಯೊ ಖಬ್ರೊ ತೆಂ ವಾಚ್ತಾಲೆಂ. ಜಾಯ್ತೆ ಫಾಮಾದ್ ಸೊಮ್ಗೊಳ್, ಪಾದ್ರಿ-ಬಿಸ್ಪ್ ವಾ ಮುಲ್ಲಾ ಅತ್ಯಾಚಾರಾಕ್ ಲಾಗೊನ್ ಬಂಧಿ ಜಾಲ್ಲೆಂ, ಜೈಲಾಕ್ ಗೆಲ್ಲೆಂ ತಾಚ್ಯಾಚ್ ಪತ್ರಾಂತ್ ಮುಖ್‍ಪಾನಾರ್ ಪ್ರಕಟ್ ಜಾಲಾಂ. ತಾಚೊ ವಿವರ್ ತೆಂ ಜಾಣಾಂ. ವಿಐಪಿಂಚ್ಯಾ ತಸಲ್ಯಾ ಕೇಜಿಂನಿ ಕಿತೆಂ ಸರ್ವ್ ‘ಎಡ್ಜೆಸ್ಟ್‌ಮೆಂಟ್’ ಚಲ್ತಾ ಮ್ಹಳ್ಳೆಂಯೀ ತೆಂ ಸಮ್ಜಲ್ಲೆಂ.

ತರೀ, ಸವಾಲ್ ತಾಚೆಂ ಇತ್ಯರ್ಥ್ ಜಾಲೆಂ ನಾ. ಇತ್ಲ್ಯಾ ವ್ಹಡ್ ಮಾಪಾನ್ ಲೈಂಗಿಕ್ ಧೊಶಿ ಆನಿ ಅತ್ಯಾಚಾರ್ ಚಲ್ತಾ ತರ್ ತಾಕಾ ಕಸಲೆಂ ‘ಪ್ರೇರಣ್’ ಮ್ಹಳ್ಳೊ ಮಿಸ್ತೆರ್ ಸುಟಂವ್ಕ್ ಶಿಫಾಲಿ ಕಷ್ಟತಾಲೆಂ.

“ಸರ್, ಸ್ತ್ರೀಯಾಂಚೆಂ ನ್ಹೆಸಣ್, ತಾಂಚೆಂ ಉಗ್ತೆಂ ಅಂಗಾಂಗ್ ಪ್ರದರ್ಶನ್ ಅತ್ಯಾಚಾರಾಂಕ್ ಪ್ರೇರಣ್ ಮ್ಹಣ್ಚೆಂ ಕಿತ್ಲೆಂ ಸಾರ್ಕೆಂ?” ಡಿಸಿಪಿಚ್ಯಾ ಕ್ಯಾಬಿನಾಂತ್ ಶಿಫಾಲಿ ವಿಚಾರ್ತಾಲೆಂ. ಪಾಟೀಲ್ ತಾಕಾಚ್ ಆಯ್ಕತಾಲೊ.

“ಹ್ಯಾ ಇತ್ಲ್ಯಾ ಸರ್ವ್ ಕೇಜಿಂನಿ ಮಾಡರ್ನ್ ಡ್ರೆಸ್ ಘಾಲ್ಲ್ಯಾಂಚೆರ್ ಹಲ್ಲೊ ವಾ ಆಕ್ರಮಣ್ ಜಾಲ್ಲೆಂ ಅಪ್ರೂಪ್. ಅಸಲ್ಯಾ ಘಡಿತಾಂನಿ ಸೊಭಾಯ್ ವಾ ಉದ್ರೇಕ್ ಕರ್ಚೆ ತಸಲೆ ಅಂಶ್ ದಿಸನಾಂತ್. ತರೀ ಕಿತ್ಯಾಕ್ ಅತ್ಯಾಚಾರ್ ಚಲ್ತಾ…!?” ಶಿಫಾಲಿಚೆಂ ಮುಖಮಳ್ ಆಕ್ರೋಶಾನ್ ಪೆಟ್ತಾಲೆಂ.

“ಅತ್ಯಾಚಾರ್ ಕರ್ತೆಲ್ಯಾಂಕ್ ಪ್ರೇರಣ್ ಕಿತ್ಯಾಕ್ ಜಾಯ್? ತುಂ ಚಿಂತಾಯ್ಗೀ ಹೆ ಸರ್ವ್ ಅತ್ಯಾಚಾರಿ ಸೋ ಕಾಲ್ಡ್ ‘ಪ್ರೇರಣ್’ ದಿಂವ್ಚೆ ತಸಲ್ಯಾ ಸ್ತ್ರೀಯಾಂಚ್ಯಾ ವರ್ತುಲಾಂತ್ ಜಿಯೆಂವ್ಚೆ ಮ್ಹಣ್?”

“ತರ್, ಸ್ತ್ರೀಯಾಂನಿಂಚ್ ಪ್ರೊವೊಕೇಶನ್ ದಿಂವ್ಚೆಂ ಮ್ಹಳ್ಳೊ ಆರೋಪ್…”

“ಕ್ಷುಲ್ಲಕ್!” ಮೇಜ್ ಥಾಪುಡ್ಲೆಂ ಪಾಟೀಲಾನ್.

“ಮ್ಹಳ್ಯಾರ್…?”

“ಸಾರ್ಕೆಂ ಆಯ್ಕ್ ಶಿಫಾಲಿ… ಚಡಾವತ್ ಮನಿಸ್ ಏಕ್ ಮೃಗ್‍ಚ್ ಮ್ಹಣ್ಯೆತ್. ಆಶಾ, ಅತ್ರೆಗ್ ಜಾಯ್ತ್ಯಾಂಕ್ ಆಸ್ತಾ. ಜಾಯ್ತೆ ಮರ್ಯಾದಿಕ್ ಭಿಯೆತಾತ್. ಥೊಡ್ಯಾಂಕ್ ಅಪೇಕ್ಷಾ ಆಸ್ತಾ, ಪುಣ್ ಧಯ್ರ್ ಆಸನಾ. ಥೊಡೆ ಪರಿಣಾಮಾಚ್ಯಾ ಭಿರಾಂತೆನ್ ಸುಭಾಗಿ ಜಿಣಿ ಜಿಯೆತಾತ್! ಸಮಾಜೆಕ್ ಫುಡ್ ಕರುಂಕ್ ಆಕಾಂತ್ ಭೊಗ್ತೆಲೆ ದೈಹಿಕ್ ಅತ್ಯಾಚಾರ್ ಕರುಂಕ್ ವಚನಾಂತ್…”

“ತೆಂ ವ್ಹಯ್ ಸರ್… ತರೀ ಹ್ಯಾ ಪ್ರಮಾಣಾರ್ ಅತ್ಯಾಚಾರ್ ಪ್ರಕರಣಾಂ ಉಜ್ವಾಡಾಕ್ ಯೆತಾತ್..!”

“ಅತ್ಯಾಚಾರಿಂಕ್ ಖಂಯ್ಗೀ ಏಕ್ ಪ್ರೇರಣ್ ಮೆಳ್‍ಲ್ಲೆಂ ಆಸ್ಯೆತ್. ಪೊಜ್ಡೆಂ ಬರಪ್ ವಾಚುನ್ ನ್ಹಯ್ ತರ್ ಸಿನೆಮಾ, ಟಿವಿ ಪಳೆವ್ನ್ ವಾ ಮೊಬೈಲಾರ್ ಲೈಂಗಿಕ್ ಆಕರ್ಷಣ್ ವಾ ಪ್ರೇರಣ್ ಜೊಡ್ಲಾಂ ಆಸ್ಯೆತ್… ಉದ್ರೇಕಾಕ್ ಕಾರಣ್ ಜಾಲಾಂಯೀ ಆಸ್ಯೆತ್. ಪುಣ್ ಅತ್ಯಾಚಾರಾಕ್ ಒಳಗ್ ಜಾಂವ್ಚಿಂ ಬಲಿಪಶು ಕೋಣ್ ಮ್ಹಳ್ಳೆಂ ಜಾಣಾಂಯ್?”

“ಲಾಗ್ಶಿಲಿಂಚ್…”

“ಎಕ್ಸಾಕ್ಟ್ಲಿ! ತಿಂ ಜಾವ್ನಾಸ್ತಾತ್ ಅಸ್ಕತ್ ಮನ್ಶ್ಯಾಂ. ಕಾಮುಕಿ ಮೃಗಾಂಕ್, ಮೊಡೆಲಾಂ ವಾ ಸಿನೆಮಾ ನಟಿಯಾಂಚೆರ್ ಹಾತ್ ಘಾಲ್ಚಿ ತಾಂಕ್ ವಾ ಧಯ್ರ್ ಆಸನಾ. ಶ್ಹೆರಾಂತ್ಲ್ಯಾ ಮಾಡರ್ನ್ ಚಲಿಯಾಂಕ್ ಗ್ರಾಸುಂಕ್ ತೆ ವಚನಾಂತ್. ಉಜ್ವಾಡಾಕ್ ಯೇಂವ್ಕ್ ತೆ ನರ್ಗತಾತ್! ತಾಂಕಾಂ ಸಾಂಪಡ್ಚೆಂ ಫಕತ್ ಅಸಹಾಯಕ್ ವ್ಯಕ್ತಿಂನಿ. ತಿಂ ಕುಟ್ಮಾಂತ್ಲಿಂಯೀ ಜಾವ್ಯೆತ್, ದಫ್ತರಾಂತ್ಲಿಂಯೀ ಜಾವ್ಯೆತ್, ಸೆಜಾರ್ಚಿಂಯೀ ಜಾವ್ಯೆತ್, ಪರ್ಕಿಯೀ ಜಾವ್ಯೆತ್. ಕೊಣೀ ಜಾತಾತ್. ಎಕ್ಸುರಿಂ ಮೆಳ್ಳ್ಯಾರ್ ತೆ ಸೊಡಿನಾಂತ್. ಅಸ್ಕತ್ ಮ್ಹಣ್ ದಿಸ್ಲ್ಯಾರ್ ತೆ ಗ್ರಾಸಿತಾತ್. ಅಸಹಾಯಕಾಂಚೆರ್ ಆಕ್ರಮಣ್ ಕರ್ತೆಲೆಚ್ ಅತ್ಯಾಚಾರಿ…” ತೀರ್ಪ್ ಉಚಾರ್ಲೆಂ ಸುದೀರ್ಘ್ ಅನುಭವಾಚ್ಯಾ ಆಧಾರಾನ್ ಪಿಕ್‍ಲ್ಲ್ಯಾ ಡಿಸಿಪಿ ಪಾಟೀಲಾನ್.

ದೋನ್ ವರ್ಸಾಂನಿ ಕೆಲ್ಲೊ ಸರ್ವ್ ನೋಟ್ಸ್ ಶಿಫಾಲಿಚ್ಯಾ ಮತಿಂತ್ ಪುರ್ಶ್ಯಾಂವಾಪರಿಂ ವ್ಹಾಳ್ಳೊ. ಭುರ್ಗಿಂ, ಎಕ್ಸುರಿಂ, ಪ್ರಾಯ್ವಂತಾಂ, ಪಿಡೇಸ್ತಾಂ, ಅನಾಥಾಂ – ಬಲಿಪಶು ಸರ್ವಾಂಯೀ ಅಸಹಾಯಕ್ ಸ್ಥಿತೆಂತ್ ಆಸ್‍ಲ್ಲಿಂ. ಸುಪ್ತ್ ರಿತಿನ್ ಪೆಟೊನ್ ಆಸ್ಚೆಂ ಅತ್ಯಾಚಾರಿಂಚೆಂ ರಾಕ್ಷಸ್‍ಪಣ್ ಭಾಯ್ರ್ ಪಡ್ಚೆಂ ಅಸಹಾಯಕ್ ಜೀವ್ ಹಾತಿಂ ಸಾಂಪಡ್‍ಲ್ಲ್ಯಾ ವೆಳಾರ್ ಮ್ಹಣ್ ತಾಕಾ ಸುಸ್ತಲೆಂ.

ಅತ್ಯಾಚಾರ್ ಕೊಣಾ ಥಾವ್ನ್‌ಯೀ ಘಡ್ಯೆತ್ ಆನಿ ಕೊಣಾಚೆರ್‌ಯೀ ಜಾವ್ಯೆತ್ ಮ್ಹಳ್ಳೊ ಕರಾಳ್ ಘುಟ್ ತೆಂ ಜಾಣಾಂ ಜಾಲೆಂ.

ಗುಮಾನಾಕ್: ಹಿ ಕಾಣಿ ಉಜ್ವಾಡ್ ಪತ್ರಾರ್ (ಮಾರ್ಚ್ 1-15, 2026 ಆಂಕ್ಯಾರ್) ಪ್ರಕಟ್ ಜಾಲ್ಯಾ. ತ್ಯಾಚ್ ಕಾಣಿಯೆಚೆಂ ಸುಧಾರಿತ್ ರೂಪ್ ಹೆಂ.

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್ (Click to Join)

Send your Feedback to: budkuloepaper@gmail.com

Like us at: www.facebook.com/budkulo.epaper

Watch wonderful programs in our YouTube Channel

The post ಥ್ರಿಲ್ಲರ್ ಮಟ್ವಿ ಕಾಣಿ: ಬಲಿಪಶು appeared first on Budkulo.

ಕಾಜಾರ್, ಭುರ್ಗಿಂ, ನಾತ್ರಾಂ ಮ್ಹಣ್ತಾನಾ ಸಂತಾನ್ ಆಸ್‍ಲ್ಲೊ ಗಾಂವಾಂತ್ ಸಂತಾನಾಮ್ ಜಾಲೊ. ವ್ಹಡಿಲಾಂ ಸರ್ಲ್ಯಾ ಉಪ್ರಾಂತ್ ತೊಚ್ ಘರ್ಚೊ ಗುರ್ಕಾರ್. ವರ್ಸಾಂ ಪಾಶಾರ್ ಜಾತಾನಾ ಕಶೆಂ ಸಂಸಾರ್, ತ್ಯಾ ತೆಕಿದ್ ತಾಚೊ ಗಾಂವ್ ಬದ್ಲಲೊಗೀ, ತಶೆಂಚ್ ತಾಚೆಂ ಘರಾಣೆಂಯೀ ಬದ್ಲಲೆಂ ಆನಿ ಸುಧ್ರಲೆಂ. ಆತಾಂ ಸಂತಾನಾಮ್ ಇಜಿಚೆರಾರ್ ಬಸೊನ್ ಘರಾಂತ್‍ಚ್ ಪತ್ರಾಂ ಹಾಡವ್ನ್ ವಾಚ್ತಾ.

ಗಾದೆ ಕೊಸುನ್‍ಂಚ್ ಸಂತಾನಾಮಾನ್ ಭುರ್ಗ್ಯಾಂಕ್ ವಾಗವ್ನ್, ಶಿಕಪ್ ದಿಲ್ಲೆಂ. ಖಾಣಾ ಜೆವ್ಣಾಕ್ ಉಣೆಂ ನಾತ್‍ಲ್ಲೆಂ. ಪುಣ್ ಪೈಶೆ ಹಾತಾಕ್ ಯೇನಾತ್‍ಲ್ಲೆ. ಕಂಯ್ ಏಕ್ ಪಾವ್ಟಿಂ ಪೊಪ್ಳಾಂ, ನಾರ್ಲ್ ಆನಿ ಅನಿವಾರ್ಯ್ ತರ್ ತಾಂದುಳ್ ವಿಕ್ಲ್ಯಾರ್ ಪೈಶೆ ಜಮ್ತಾಲೆ. ಪೆಂಟೆ ದೆಗೆಚಿಂ, ಅಪ್ರೂಪ್ ಕುಂಕ್ಡಾಂ ವ್ಹರ್ತಾಲಿಂ. ಘಡಾಯ್ ಆಂಗ್ಡಿಗಾರಾಂಕ್ ವಾ ಸಾಂತೆಂತ್ ವಿಕ್ರೊ ಜಾಲ್ಯಾರ್, ಕೆಂಳ್ಬ್ಯಾ ಖೊಲೆ ಹೊಟೆಲಾಂಚೆ ಕೊಂಕ್ಣೆ ವ್ಹರ್ತಾಲೆ. ಫುಲಾಂ, ಫಳಾಂ, ರಾಂದ್ವಯ್ ಸಗ್ಳ್ಯಾ ಗಾಂವಾಕ್ ಫುಂಕ್ಯಾಕ್. ತಾಂದುಳ್, ಧಾನಿ ಕುಟ್ಮಾಚಿಂ, ಸಯ್ರಿಂ ವ್ಹರ್ತಾಲಿಂ.

ಭುರ್ಗ್ಯಾಂಚಿ ಜತನ್ ಪತಿಣ್ ಲೂಸಿಬಾಯ್ ಘೆತಾಲಿ ಜಾಲ್ಲ್ಯಾನ್ ಸಂತಾನಾಮಾಕ್ ಸಾಂಜೆಚೆಂ ಸದಾಂಯೀ ಪೆಂಟೆಕ್ ವೆಚಿ ವೋಡ್ ಚಡ್ಲಿ. ಪಾಂಚ್ವಿ ಕ್ಲಾಸ್ ತೊ ಶಿಕ್‍ಲ್ಲೊ. ಪ್ರಾಯ್ ಜೂನ್ ಜಾವ್ನ್ ವೆತಾನಾ ತಾಚಿ ವಾಟ್ ಹೊಟೆಲಾ ಪ್ರಾಸ್ ಗಡಂಗಾ ತೆವ್ಶಿನ್ ಘುಂವ್ತಾಲಿ.

ಪಾಟ್ಲ್ಯಾ ಚಾರ್ ದಿಸಾಂ ಥಾವ್ನ್ ಸಂತಾನಾಮ್ ಅಂತರ್ಮುಖಿ ಜಾಲ್ಲೊ. ತೊ ಸಗ್ಳೊಚ್ ಕಂಗಾಲ್ ಜಾಲ್ಲೊ.

ಭುರ್ಗಿಂ ವಾಡೊನ್ ಬರ‍್ಯಾ ಜೊಡಿಕ್ ಪಾವ್ಲಿಂ. ನಿತಿನ್ ಘೊಳ್‍ಲ್ಲ್ಯಾಚೊ ಪರಿಣಾಮ್‍ಗೀ ದೆವಾಚೆಂ ಬೆಸಾಂವ್‍ಗೀ ಸಂತಾನಾಮ್ ಆನಿ ಲೂಸಿಬಾಯೆಚೆಂ ಕುಟಮ್ ಸುಖಾ ಸಮಾಧಾನೆನ್ ಜಿಯೆತಾಲೆಂ. ಪಾಂಚ್ ಭುರ್ಗಿಂ, ಏಕ್ ಡಜನ್ ನಾತ್ರಾಂ ಮ್ಹಣ್ ತಾಂಚೆಂ ಘರಾಣೆಂ ಗಾಂವಾಂತ್ ಪ್ರಖ್ಯಾತ್ ಜಾಲ್ಲೆಂ. ಸ ಮಹಿನ್ಯಾಂ ಆದಿಂ ಭುರ್ಗಿಂ ಆನಿ ನಾತ್ರಾಂಚ್ಯಾ ಜಬರ್ದಸ್ತೆನ್ ಸಂತಾನಾಮಾಚೊ 75ವೊ ಬರ್ತ್‍ಡೇ ಗದ್ದಾಳಾಯೆನ್ ಆಚರಣ್ ಕೆಲ್ಲೊ. ತೊ ಆತಾಂ ಗಾಂವಾಂತ್ ಸಕ್ಡಾಂನಿ ಮಾಂದ್ಚೊ ಮ್ಹಾಲ್ಗಡೊ ಮಾನೆಸ್ತ್.

ಪರ್ನೆಂ ಘರ್ ಪರ್ತುನ್ ನವೆಂಚ್ ರಾವ್ಳೆರ್ ಉಬೆಂ ಜಾಲ್ಲೆಂ. ಚಾಕ್ರಾಕ್ ನವ್ಕರಾಂ ಆಸ್‍ಲ್ಲಿಂ. ಪಯ್ಲೆಂ ಥಾವ್ನ್ ವಾಚ್ಚಿ ಪಿಸಾಯ್ ಸಂತಾನಾಮಾಕ್ ಆಸ್‍ಲ್ಲ್ಯಾನ್ ಘರ್ಚ್ಯಾ ಮೆಟಾರ್ ದೋನ್ ದಿಸಾಳಿಂ ಯೇವ್ನ್ ಪಡ್ತಾಲಿಂ. ವರ್ಗಣಿ ವಿಚಾರುನ್ ಆಯಿಲ್ಲ್ಯಾ ಕೊಂಕ್ಣಿ ಪತ್ರಾಂಕ್ ವರ್ಗಣಿ ಆನಿ ಉಣ್ಯಾರೀ ಏಕ್ ಸರ್ಬತ್, ನ್ಹಯ್ ತರ್ ಜೆವಣ್ ಫಾವೊ ಜಾತಾಲೆಂ. ಜಿವಾನ್ ಘಟ್‍ಮೂಟ್ ಆಸ್‍ಲ್ಲೊ ಸಂತಾನಾಮ್ ನಿವೃತ್ತೆಚೊ ಕಾಳ್ ಸಂತೃಪ್ತೆನ್ ಪಾಶಾರ್ ಕರ್ತಾಲೊ.

ಪುಣ್ ತಾಕಾ ಏಕ್ ಸಮಸ್ಸೊ ಧೊಸ್ತಾಲೊ!

ಪರ್ಗಾಂವಾ ಥಾವ್ನ್ ಫೋನ್ ಕೆಲ್ಲ್ಯಾ ನಿಮಾಣ್ಯಾ ಪುತಾನ್, ಸನ್ನುನ್, ಥೊಡ್ಯಾಚ್ ದಿಸಾಂನಿ ಬಾಪಾಯ್ಕ್ ಬೆಂಗ್ಳುರ್, ಆಪ್ಲ್ಯಾ ಘರಾ ಆಪವ್ನ್ ವ್ಹರ್ತಾಂ ಮ್ಹಣ್ ಸಾಂಗ್‍ಲ್ಲೆಂ. ಬೆಂಗ್ಳುರ್ ಆನಿ ಜಾಯ್ತ್ಯಾ ಶ್ಹೆರಾಂಕ್, ಗಾಂವಾಂಕ್ ಸಂತಾನಾಮ್ ಆನಿ ಪತಿಣ್ ಎದೊಳ್ ಕಿತ್ಲೆ ಪಾವ್ಟಿಂ ವಚೊಂಕ್ ನಾಂತ್… ಪುಣ್ ಹ್ಯಾ ಪಾವ್ಟಿಂ ತಾಕಾ ಏಕ್ ಅಜ್ಯಾಪ್ ಫುಡ್ ಜಾಲ್ಲೆಂ. ಅಜ್ಯಾಪ್ ನ್ಹಯ್ ಆಘಾತ್!

ಸಂತಾನಾಮಾಕ್ ಆಧುನಿಕ್ ಅವ್ಗಡಾಂಚಿ ಭಿರಾಂತ್ ಧೊಸ್ತಾಲಿ. ಎಕಾ ಕಾಳಾರ್ ಸಗ್ಳ್ಯಾ ಹಳ್ಳೆಂತ್ ತಾಣೆಂ ಚಡನಾತ್‍ಲ್ಲೆ ರೂಕ್, ಮಾಡ್, ಮಾಡಿಯೊ ನಾಂತ್ ಮ್ಹಣ್ಯೆತ್. ಉಡನಾತ್‍ಲ್ಲಿ ಬಾಂಯ್ ನಾ. ಖಂಚೆಂಯೀ ಸಾಹಸಾಚೆಂ ಕಾಮ್ ತೊ ಕರ್ತಾಲೊ. ಸರ್ವಾಂಕ್ ಏಕ್ ಧಯ್ರಾಧಿಕ್ ಮುಖೆಲಿ ತೊ ಜಾವ್ನಾಸ್ಲೊ. ಕೋಣ್ ರುಕಾ ಥಾವ್ನ್ ಪಡ್ಲಾ, ಘಾಯೆಲಾ ವಾ ಮೆಲಾ, ಕೋಣ್ ಖಂಚ್ಯಾ ರಿತಿಚ್ಯಾ ಅವ್ಗಡಾಕ್ ಸಾಂಪಡ್ಲಾ ಮ್ಹಳ್ಳಿ ಖಬರ್ ತೊ ನೆಣಾಸ್ಲೊ ಮ್ಹಣ್ ನ್ಹಯ್. ಜಿವಿತಾಂತ್ ತೆಂ ಸಹಜ್ ಜಾವ್ನಾಸ್ತಾಲೆಂ. ತಸಲ್ಯಾ ಸಂದರ್ಭಾಂನಿ ಸಂತಾನಾಮ್ ದಂಡಳೊಂಕ್ ನಾತ್‍ಲ್ಲೊ.

ತರೀ, ಪಾಟ್ಲ್ಯಾ ವರ್ಸಾಂನಿ ಸಂತಾನಾಮಾಕ್ ಕಾಳ್ಜಾ ಭಿತರ್ಲಿ ತಿ ಏಕ್ ಭಿರಾಂತ್ ದಾಟ್ ಜಾವ್ನ್ ಯೆತಾಲಿ. ಪೊರ್ಚೆ ಪೋರ್ ಗುಜರಾತಾಂತ್ ಘಡ್‍ಲ್ಲ್ಯಾ ವಿಮಾನ್ ಅವ್ಗಡಾ ಉಪ್ರಾಂತ್ ಸಂತಾನಾಮ್ ದಿಸಾಳೆಂ ಉಗ್ತೆ ಕರುಂಕ್ ಕಾವ್ಜೆತಾಲೊ. ಕಾಂಪೆರ‍್ಯಾ ಹಾತಾಂನಿ ಪತ್ರ್ ಧರ್ನ್, ಆನ್ಯೇಕ್ ಆಕಾಂತಾಚಿ ಖಬರ್ ದೊಳ್ಯಾಂಕ್ ಆಪ್ಟತಾ ಕೊಣ್ಣಾ ಮ್ಹಳ್ಳೆಪರಿಂಚ್ ತೊ ಕಳ್ವಳ್ತಾಲೊ. ಟಿವಿ ಪಳೆಂವ್ಕ್ ನರ್ಗತಾಲೊ.

ಪುತಾನ್ ಫೋನ್ ಕರ್ನ್ ಉಲಯ್ತಾನಾ ಸಂತಾನಾಮ್ ಖರೊಚ್ ಘಡ್ಬಡ್ಲೊ. ತೊ ದೀಸ್‍ಚ್ ನಿಮಾಣೊ. ತ್ಯಾ ದಿಸಾ ಥಾವ್ನ್ ತಾಕಾ ನೀದ್‍ಯೀ ನಾ, ಪೊಟಾಕೀ ಸಾರ್ಕೆಂ ಖಾಣ್ ವಚೊಂಕ್ ನಾ. ತಾಚೆಂ ಸಮಾಧಾನ್ ಪುರ್ತೆಂ ಭಿಗಡ್‍ಲ್ಲೆಂ. ಸೊಪ್ಯಾರ್ ಆಸ್‍ಲ್ಲೆಂ ಕ್ಯಾಲೆಂಡರ್ ಪಳೆತಾನಾ ಪುತಾನ್ ಸಾಂಗ್‍ಲ್ಲಿ ತಾರೀಕ್ ತಾಂಬ್ಡಿಚ್ ದಿಸ್ತಾಲಿ. ತೊ ಸಂಖೊ ವ್ಹಡ್ ಜಾವ್ನ್ ಕ್ಯಾಲೆಂಡರ್ ವಣದಿರ್ ಜಳ್ಜಳೊನ್ ಸಗ್ಳೆಂ ಘರ್‌ಚ್ ತಾಂಬ್ಡೆಂ ಜಾಲ್ಲೆಂಪರಿಂ ತಾಕಾ ಭೊಗ್ತಾಲೆಂ. ಘರ್ ಹುಲ್ಪಲೆಂ, ಆಪುಣ್ ತಾಂತುಂ ಭಸ್ಮ್ ಜಾಲೊಂ ಮ್ಹಣ್ ತೊ ಭ್ರಮಿದೆಕ್ ಒಳಗ್ ಜಾತಾಲೊ.

ಉಜೊ! ಹಾ ಉಜೊ!!

ಸಂತಾನಾಮಾಕ್ ಉಜೊ ಮ್ಹಳ್ಯಾರ್ ಜಾಯ್ನಾತ್‍ಲ್ಲೆಂ. ತಶೆಂ ಮ್ಹಣ್ ಉಜೊ ಪಳೆಲ್ಲೆಕ್ಷಣ್ ಧಾಂವ್ಚೊ ಭಿಂವ್ಕುರೊ ತೊ ಖಂಡಿತ್ ನ್ಹಯ್. ರಾನಾಕ್ ವಚೊನ್ ರೂಕ್ ಕಾತರ್ನ್ ವ್ಹಾವವ್ನ್ ಹಾಡ್ನ್, ತೊ ಭೆತುನ್ ಲಾಂಕುಡ್ ದಾಳ್‍ಲ್ಲೊ ಮನಿಸ್ ತೊ. ಸಾಂಜೆಚೆಂ ನ್ಹಾಣಿಯೆಕ್ ಉಜೊ ಘಾಲ್ನ್, ಭಾಣಾಚೆಂ ಉದಾಕ್ ತಾಪವ್ನ್ ಜಾಲ್ಯಾ ಉಪ್ರಾಂತ್‍ಚ್ ಸುರ್ಯೊ ಲಿಪ್ತಾನಾ ತೊ ಪೆಂಟೆ ಕುಶಿನ್ ಪಾವ್ಲಾಂ ಕಾಡ್ತಾಲೊ. ಬಾಬಾನ್ ‘ಉಜೊ ಘಾಲಾ’ ಮ್ಹಳ್ಯಾರ್ ಭುರ್ಗ್ಯಾಂಕ್ ನ್ಹಾಂವ್ಕ್ ಹುಕುಂ ಮ್ಹಣ್‍ಂಚ್ ಘರಾಂತ್ ದಸ್ತುರ್ ಜಾಲ್ಲಿ.

ತರ್ ಕಿತ್ಯಾಕ್ ಉಜೊ ಮ್ಹಳ್ಯಾರ್ ಸಂತಾನಾಮಾಕ್ ಭಿರಾಂತ್? ಘರಾಂತ್ ಆದಿಂ ರೇಡಿಯೊ ಆಯ್ಕತೆಲ್ಯಾ ತಾಕಾ ಅವ್ಗಡಾಂ ವಾ ವಿಮಾನ್ ದುರಂತಾಂಚಿ ಖಬರ್ ಪರ್ಕಿ ನ್ಹಯ್. ವಿಮಾನ್ ಸುಕ್ಣ್ಯಾ ಗಾತ್ರಾರ್ ಆಪ್ಲ್ಯಾ ಘರಾ ವಯ್ಲ್ಯಾನ್ ಉಬೊನ್ ವೆಚೆಂ ಸದಾಂಯ್ ತಾಣೆಂ ಪಳೆಲಾಂ. ಪುಣ್ ವಿಮಾನ್ ಅವ್ಗಡಾಚಿ ನೀಜ್ ಕರಾಳತಾ ತಾಕಾ ಸಮ್ಜಲ್ಲಿ 2010 ಮೇ 22ವೆರ್ ಬಜ್ಪೆಂತ್ ಜಾಲ್ಲ್ಯಾ ದುರಂತಾ ವೆಳಿಂ.

ದಿಸಾಳಿಂ ಪತ್ರಾಂ ವಾಚುನ್ ವಾಡ್ಲೆಲ್ಯಾ ಸಂತಾನಾಮಾಕ್ ಆತಾತಾಂ ಪತ್ರಾಂ ಉಗ್ತೆಂ ಕೆಲ್ಯಾರ್ ನಕಾರಾತ್ಮಕ್ ಖಬ್ರೊ, ಚಿತ್ರಾಂಚ್ ದಿಷ್ಟಿಕ್ ಪಡ್ತಾಲಿಂ. ಆದಿಂ ಛಾಪೊ ಫಕತ್ ಕಾಳ್ಯಾ ರಂಗಾಂತ್ ಆಸ್ತಾಲೊ. ತೆದ್ನಾಂ ಅವ್ಗಡಾಚ್ಯೊ ತಸ್ವೀರ‍್ಯೊ ಪಳೆತಾನಾ ವಿಶೇಸ್ ಭೊಗನಾತ್‍ಲ್ಲೆಂ. ಪುಣ್ ಕೆದ್ನಾಂ ತಾಂತ್ರಿಕ್ ಕ್ರಾಂತಿ ಜಾವ್ನ್ ದಿಸಾಳಿಂ ಪತ್ರಾಂ ರಂಗ್ ರಂಗಾಳಿಂ ಜಾಲಿಂಗೀ ತೆದ್ನಾಂ ಥಾವ್ನ್ ಮುಖ್‍ಪಾನಾರ್, ಉಪ್ರಾಂತ್ ಭಿತರ್ಲ್ಯಾ ಪಾನಾಂನಿಯೀ ರಂಗ್ ಭರ್ಲೊ. ಪಿಂತುರಾಂ, ಖಂಚಿಂಯೀ ತಿಂ ಜಾಂವ್, ಜಿವಿಂ ಜಿವಿಂಚ್ ದೊಳ್ಯಾಂಕ್ ಮಾರ್ತಾಲಿಂ.

ದುಬಾಯ್ ಥಾವ್ನ್ ಆಯಿಲ್ಲೆಂ ವಿಮಾನ್ ಸಕಾಳಿಂ ಫುಡೆಂ ಕೊಡ್ಯಾಳಾಂತ್ ಅವ್ಗಡಾಕ್ ಸಾಂಪಡ್ತಾನಾ ಸಂತಾನಾಮಾಚೆಂಯೀ ಕಾಳಿಜ್ ಕೊಸಳ್‍ಲ್ಲೆಂ! ತಾಂಚೆಂ ಭೋವ್ ಲಾಗ್ಶಿಲೆಂ ಏಕ್ ಕುಟಮ್, ದೊಗಾಂ ವ್ಹಡಿಲಾಂ ಆನಿ ತಾಂಚಿಂ ನೆಣ್ತುಲಿಂ ದೊಗಾಂ ಬಾಳಾಂ, ತ್ಯಾ ದೀಸ್ ಕೆಂಜಾರ್ ಜಿರಿಯೆಂತ್ ಭಸ್ಮ್ ಜಾಲ್ಲಿಂ. ತ್ಯಾ ಉಪ್ರಾಂತ್ ಸಂತಾನಾಮಾಚಿ ಮತ್ ತವಳ್ ತವಳ್, ಭಿರಾಂತಿನ್, ಕಳ್ವಳ್ತಾಲಿ.

ಭುರ್ಗ್ಯಾಂಚ್ಯಾ ಖುಸ್ತಾರ್ ಸಂತಾನಾಮ್ ಆನಿ ಲೂಸಿಬಾಯ್ ಜಾಯ್ತೆಂ ಭೊಂವ್ಲ್ಯಾಂತ್. ಕಾರಾರ್, ಬಸ್ಸಾರ್ ಆನಿ ಅಪ್ರೂಪ್ ರೈಲಾರ್ ಬೆಂಗ್ಳುರ್, ಮೈಸೂರ್, ವೆಲಂಕಣಿ, ಊಟಿ, ತ್ರಿವೆಂಡ್ರಮ್, ಗೊಂಯಾಂ, ಮುಂಬೈ, ಪೂನಾ, ಹುಬ್ಳಿ, ಹೈದರಾಬಾದ್ ತಸಲ್ಯಾ ಶ್ಹೆರಾಂಕ್ ಭೆಟ್ ದಿಲ್ಯಾ. ಮ್ಹಾಲ್ಗಡ್ಯಾ ಪುತಾನ್, ರಜೆರ್ ಆಯಿಲ್ಲೊ ಬೊಂಬೈ ಪಾಟಿಂ ಸರ್ತಾನಾ ಏಕ್ ಪಾವ್ಟಿಂ ಬಾಪಯ್ ಕಡೆನ್ ‘ವಿಮಾನಾರ್ ಆಪವ್ನ್ ವ್ಹರ್ತಾಂ’ ಮ್ಹಳ್ಳ್ಯಾಕ್ ಸಂತಾನಾಮ್ ಥರ್ಥರ್‌ಲ್ಲೊ. ‘ಮ್ಹಾಕಾ ವಿಮಾನ್ ನಾಕಾಚ್ ನಾಕಾ, ಘರಾಂತ್‍ಚ್ ಆವ್ಕ್ ಮುಗ್ದೊಂದಿ, ವಾರ‍್ಯಾರ್ ಕಾಬಾರ್ ಜಾಂವ್ಚೊಂ ನಾ’ ಮ್ಹಣ್ ವೇದಾಂತಿಪರಿಂ ಉಲಯ್ಲೊ. ತಾಚೆಂ ಉಲೊಣೆಂ ಕೊಣೆಂಚ್ ಗಂಭೀರ್‌ಪಣಿಂ ಘೆತ್‍ಲ್ಲೆಂ ನಾ. ತ್ಯಾ ಉಪ್ರಾಂತ್ ಅಪ್ರೂಪ್ ಧುವೆನ್ ವಾ ನಾತ್ರಾಂನಿ ವಿಮಾನಾರ್ ತಾಕಾ ಆಪವ್ನ್ ವ್ಹರ್ಚೊ ಪ್ರಸ್ತಾಪ್ ಕಾಡ್ತಾನಾ ತೊ ಅಧೀರ್ ಜಾತಾಲೊ.

ಮ್ಹಾತಾರೊ ವಿಮಾನ್ ಚಡೊಂಕ್ ಭಿಯೆತಾ ಮ್ಹಣ್ ತಾಣಿಂ ಅರ್ಥ್ ಕೆಲ್ಲೆಂ. ಉಪ್ರಾಂತ್ ಕೊಣೆಂಯೀ ತ್ಯಾ ವಿಶಿಂ ತಾಕಾ ಪ್ರಚೋದನ್ ದಿಲ್ಲೆಂ ನಾ.

ಪುಣ್ ಸನ್ನುನ್ ಸಾಂಗ್ತಾನಾ, ಬಾಪಯ್ ಉಡೊನ್ ಪಡ್‍ಲ್ಲೊ. ಸನ್ನುಚೊ ಸ್ವಭಾವ್ ತೊ ನೆಣಾಂಯೆ ತರ್! ಸನ್ನು ಲ್ಹಾನ್ ಥಾವ್ನ್ ಹಟ್ಟಿ. ತಾಣೆಂ ಸಾಂಗ್‍ಲ್ಲೆಂಚ್ ಜಾಯ್ಜೆ ತಾಕಾ. ಪುಣ್ ತ್ಯಾ ಹಟಾನ್‍ಂಚ್ ತೊ ಹೆರ್ ಸಕ್ಡಾಂ ಪ್ರಾಸ್ ಚಡ್, ಜಿಣ್ಯೆಂತ್ ಅತೀ ಉಂಚಾಯೆಕ್ ಪಾವ್‍ಲ್ಲೊ. ಪ್ರಸ್ತುತ್ ತೊ ಎಕಾ ಎಂಎನ್‍ಸಿಂತ್ ಊಂಚ್ಲ್ಯಾ ಹುದ್ದ್ಯಾರ್ ಆಸಾ. ಕೆದ್ನಾಂ ಪಳೆಲ್ಯಾರೀ ಸಿಂಗಾಪುರ್, ಜಪಾನ್, ಅಮೆರಿಕಾ, ಯೂರೋಪ್ ಮ್ಹಣ್ ಸಂಸಾರ್ ಭೊಂವ್ತಾ. ತಾಕಾ ಕಿತೆಂಚ್ ಉಣೆಂ ನಾತ್‍ಲ್ಲೆಂ.

ಜರ್ ಆಜ್ ಸಂತಾನಾಮಾಚೆಂ ಘರ್ ಇತ್ಲೆಂ ಭರ್ಲಾಂ, ಸೊಭ್ಲಾಂ ಆನಿ ಅತ್ಯಾಧುನಿಕ್ ಜಾಲಾಂ, ತಾಂತುಂ ಮೊಟೊ ವಾಂಟೊ ಸನ್ನುಚೊಚ್. ಸನ್ನುಚ್ ಕುಟ್ಮಾಂತ್ ಹೈಕಮಾಂಡ್. ತೊಚ್ ಹೀರೊ, ತೊಚ್ ದಿರೆಕ್ತೊರ್. ಸನ್ನುನ್ ಏಕ್ ಆವಾಜ್ ಕಾಡ್ಲ್ಯಾರ್ ಜಾಲೆಂ, ಸರ್ವಾನುಮತೆಚೊ ನಿರ್ಣಯ್ ಘಡ್ತಾಲೊ. ಸಂತಾನಾಮಾಕ್ ಚಡ್ ಖುಷಿ ದಿಲ್ಲಿ ಆನಿ ಭೊಂವ್ಡಾಯಿಲ್ಲೆಂಯೀ ಸನ್ನುನ್‍ಂಚ್. ಉತರ್ ಪ್ರಾಯೆರ್ ಆವಯ್ ಬಾಪಾಯ್ಕ್ ಸಗ್ಳೆಂ ಘರಾಂತ್‍ಚ್ ಮೆಳ್ಚೆಪರಿಂ ಸನ್ನುನ್‍ಂಚ್ ವಿಲೇವಾರಿ ಕೆಲ್ಲಿ. ಸಂತಾನಾಮಾಚಿ ನಿವೃತ್ತ್ ಜಿಣಿ ಸನ್ನುಚ್ಯಾಚ್ ಖುಸ್ತಾರ್ ಜಬರ್ದಸ್ತ್ ಫುಲ್‍ಲ್ಲಿ.

ಪುತಾಚೆರ್ ಸಂತಾನಾಮಾಕ್ ಆದಿಂ ರಾಗ್ ಯೆತಾಲೊ ತರೀ, ಆತಾಂ ತೊ ಮ್ಹಳ್ಯಾರ್ ಚಡ್‍ಚ್ ಮೋಗ್. ಕೊಣೀ ಭೆಟ್ಲ್ಯಾರ್, ಖಂಯೀ ಗೆಲ್ಯಾರ್ ಸನ್ನುಚೆರ್ ಅಭಿಮಾನಾಚಿ ಹೊಗ್ಳಿಕ್ ಆಸಜೆಚ್. ಸನ್ನು ಕುಟ್ಮಾ ಸವೆಂ ಬೆಂಗ್ಳುರ್ ವಸ್ತಿ ಕರ್ತಾಲೊ. ಖಂಯ್ ಆಸ್ಲ್ಯಾರೀ ಆವಯ್ ಬಾಪಾಯ್ಕ್ ತೊ ಸರಾಗ್ ಫೋನ್ ಕರ್ತಾಲೊ.

ಪೋರ್ ಸನ್ನು ನ್ಯೂಯಾರ್ಕ್ ಆಸ್‍ಲ್ಲೊ, ಫೋನ್ ಕರ್ನ್, “ಯೆಂವ್ಚ್ಯಾಚ್ ಹಫ್ತ್ಯಾಂತ್ ಘರಾ ಯೆತಾಂ. 20 ತಾರಿಕೆರ್ ಪುತಾಚೊ ಧಾವೊ ಜಲ್ಮಾ ದೀಸ್ ದಬಾಜ್ಯಾನ್ ಸಂಭ್ರಮುಂಕ್ ಆಸಾ. ತುಮ್ಕಾಂ ಆಪವ್ನ್ ವ್ಹರ್ತಾಂ. ಹ್ಯಾ ಪಾವ್ಟಿಂ ವಿಮಾನಾರ್! ಟಿಕೆಟ್ ಬುಕ್ ಕೆಲ್ಯಾ. ಬಜ್ಪೆ ಥಾವ್ನ್ ಬೆಂಗ್ಳುರ್ ಇಂಡಿಗೋ ಫ್ಲೈಟಾರ್ ವೆಚೆಂ. ತಯಾರ್ ರಾವಾ” ಮ್ಹಣ್ ಉಲ್ಲಾಸಾನ್ ಸಾಂಗ್ಲೆಂ. ಸ್ಪೀಕರಾರ್ ತೆಂ ಸಂಭಾಷಣ್ ಆಯ್ಕೊನ್ ಆಸ್‍ಲ್ಲಿ ಲೂಸಿಬಾಯ್, ತಿಂಚ್ ಉತ್ರಾಂ ಆಯ್ಕಲ್ಲ್ಯಾ ಪತಿಚೆಂ ಮುಖಮಳ್ ಅವ್ಚಿತ್ ಘಾಬರ್ಲೆಲೆಂ ಪಾರ್ಕುಂಕ್ ಸಕ್ಲಿ ನಾ.

ಬಜ್ಪೆ ವಿಮಾನ್ ದುರಂತ್ ಜಾವ್ನ್ ಭರ್ತಿ ಪಂದ್ರಾ ವರ್ಸಾಂ ಜಾಯ್ಜೆ ತರ್ ಆನ್ಯೇಕ್ ಭಿರಾಂಕುಳ್ ಅವ್ಗಡ್! ಅಹ್ಮದಾಬಾದಾಂತ್ ಲಂಡನ್ ವಚೊಂಕ್ ಉಬ್‍ಲ್ಲೆಂ ವಿಮಾನ್, ಖಿಣಾ ಭಿತರ್ ಥಂಯ್ಚ್ ಎಕಾ ಕಟ್ವಣಾಚೆರ್ ಪಡೊನ್ ಹುಲ್ಪಲ್ಲೆಂ. ಸ್ಮಾರ್ಟ್ ಫೊನಾಂನಿ ಅವ್ಗಡಾಚಿಂ ದೃಶ್ಯಾಂ ಪಳೆವ್ನ್ ಸಂತಾನಾಮ್ ದೆದೆಸ್ಪರ್ ಜಾಲ್ಲೊ. ತಾಚೆಂ ಶಿಂತಿದ್ ಭಂಗ್‍ಲ್ಲೆಂ, ಮತ್ ಭಿಗಡ್‍ಲ್ಲಿ.

ಅವ್ಗಡ್ ಜಾವ್ನ್ ಅರ್ಧ್ಯಾ ವೊರಾನ್ ತೆಂ ವಿಮಾನ್ ಉಬ್ಚೆಂ, ಪಡ್ಚೆಂ ಆನಿ ಭಸ್ಮ್ ಜಾಂವ್ಚಿಂ ದೃಶ್ಯಾಂ ಸಂತಾನಾಮಾಚ್ಯಾ ಮೊಬೈಲಾಂತ್‍ಯೀ ಕಿಂಕ್ರಾಟ್ತಾಲಿಂ. ಎಕೇಕ್ ದೃಶ್ಯ್, ಚಿತ್ರಾಂ ಪಳೆತಾನಾ ತೊ ಹಾಲ್ಕಂದೊನ್ ವೆತಾಲೊ. ಮತಿಚ್ಯಾ ಕೊನ್ಶ್ಯಾರ್ ನಿದ್ರೇಸ್ತ್ ಜಾಲ್ಲಿಂ ಬಜ್ಪೆ ವಿಮಾನ್ ದುರಂತಾಚಿಂ ದೃಶ್ಯಾಂ ಖೊಟ್ ಮಾರ್‌ಲ್ಲ್ಯಾ ಭಾಶೆನ್ ನಾಚೊಂಕ್ ಲಾಗ್ಲಿಂ. ದೋನ್ ತೀನ್ ದೀಸ್ ಖಂಯ್ ಪಳೆಲ್ಯಾರೀ ಗುಜರಾತಾಂತ್ಲ್ಯಾ ವಿಮಾನ್ ದುರಂತಾಚಿಚ್ ಖಬರ್. ತಿಂಚ್ ದೃಶ್ಯಾಂ ಸಗ್ಳ್ಯಾಂನಿ. ಪತ್ರಾಂನಿ ಅವ್ಗಡಾಚ್ಯೊ, ಇಂಗ್ಳೆ ಜಾಲ್ಲ್ಯಾ ಕುಡಿಂಚ್ಯೊ ರಂಗಾಳ್ ತಸ್ವೀರ‍್ಯೊ. ಆತಾತಾಂ, ಪತ್ರಾಂ ಧರ್ತಾನಾ ಸಂತಾನಾಮಾಚೆ ಹಾತ್ ಅಪ್ಶೆಚ್ ಕಾಂಪ್ತಾಲೆ.

ವಿಮಾನ್ ದುರಂತ್ ಮ್ಹಳ್ಯಾರ್ ಕಿತೆಂ ಮ್ಹಣ್ ಹ್ಯಾ ಪಾವ್ಟಿಂ ಸಂತಾನಾಮಾಕ್ ಪುರ್ತೆಂ ಸಮ್ಜಲ್ಲೆಂ. ವಿಮಾನಾರ್ ಆಸ್‍ಲ್ಲೆ ಪಯ್ಣಾರಿಚ್ ನ್ಹಯ್, ವಿಮಾನ್ ಪಡ್‍ಲ್ಲ್ಯಾ ತ್ಯಾ ಕಟ್ವಣಾಂತ್ಲೆ ದಾಕ್ತೆರ್ಗಿ ಶಿಕ್ಚೆ ಕಿತ್ಲೆಗೀ ವಿದ್ಯಾರ್ಥಿ ಸಯ್ತ್ ಹುಲ್ಪೊನ್ ಮೆಲ್ಯಾತ್ ಮ್ಹಳ್ಳೆಂ ಸಮ್ಜತಚ್ ತೊ ಆನಿಕೀ ಭಿಯೆಲೊ. ತಿ ಭಿರಾಂತ್ ತಾಚ್ಯಾ ಶಿರಾಂ ಶಿರಾಂನಿ ವ್ಹಾಳ್ಳಿ, ಕಾಳ್ಜಾ-ಮನಾಂತ್ ರೊಂಬ್ಲಿ. ದೋನ್ ಹಫ್ತೆ ಸಂತಾನಾಮ್ ಸಪ್ಣಾಂತ್‍ಯೀ ವಿಮಾನ್ ಭಸ್ಮ್ ಜಾಲ್ಲಿಂ ದೃಶ್ಯಾಂಚ್ ದೆಖ್ತಾಲೊ.

ಭಿರಾಂಕುಳ್ ಉಜೊ, ವಿಮಾನ್ ಸ್ಫೋಟ್ ಜಾಂವ್ಚೆಂ, ಪಯ್ಣಾರಿಂನಿ ಭಸ್ಮ್ ಜಾಂವ್ಚೆಂ – ಹಿಂಚ್ ದೃಶ್ಯಾಂ ಸಂತಾನಾಮಾಕ್ ದೀಸ್ ರಾತ್ ಭೆಷ್ಟಾಯ್ತಾಲಿಂ. ಆಪ್ಲ್ಯಾ ದೊಳ್ಯಾಂ ಮುಖಾರ್‌ಚ್ ತೆಂ ಸರ್ವ್ ಘಡ್ಲಾಂ ಮ್ಹಳ್ಳೆ ತಿತ್ಲೊ ತೊ ದೆದೆಸ್ಪರ್ ಜಾಲ್ಲೊ.

ತಿತ್ಲೆಂ ಜಾವ್ನ್ ಫಕತ್ ದೋನ್ ಮಹಿನೆ ಜಾತಿತ್ ಮಾತ್ರ್. ಸನ್ನುನ್ ಆತಾಂ ಸಂತಾನಾಮಾಕ್ ಬೆಂಗ್ಳುರ್ ವಿಮಾನಾರ್ ವ್ಹರುಂಕ್ ಟಿಕೆಟ್ ಕಾಡ್ನ್ ಜಾಲ್ಲಿ. 15 ತಾರಿಕೆರ್ ಸಕಾಳಿಂಚ್ ಬಜ್ಪೆ ಪಾವೊಂಕ್ ಆಸ್‍ಲ್ಲೆಂ. ತಿ ತಾರೀಕ್ ಲಾಗಿಂ ಯೆತಾನಾ ಹರ್ ದೀಸ್ ಸಂತಾನಾಮಾ ಭಿತರ್ ಕಿತೆಂ ಶಿಜ್ತಾಲೆಂ ಮ್ಹಣ್ ಕೊಣಾಕ್‍ಚ್ ಕಳ್ಳೆಂ ನಾ. ಲೂಸಿಬಾಯ್ ನವ್ಯಾಚ್ ಸಂಭ್ರಮಾರ್ ಭರೊನ್ ವಿಮಾನಾರ್ ಉಬ್ಚ್ಯಾ ಅನುಭವಾಕ್ ಚಿಂತುನ್ ಪುಳಕಿತ್ ಜಾತಾಲಿ ಆನಿ ತ್ಯಾ ಖಾತಿರ್ ದೀಸ್ ಮೆಜ್ತಾಲಿ.

15 ತಾರಿಕೆರ್ ಸನ್ನು ಆನಿ ಭಾಂವ್ಡಾಂ ಸಂಗಿಂ ಸಂತಾನಾಮ್ ಆನಿ ಲೂಸಿಬಾಯೆನ್ ಬಜ್ಪೆ ವಚೊಂಕ್ ತಯಾರಿ ಚಲ್ತಾಲಿ. ಬೊಂಬೈ ಆನಿ ಹೆರ್ ಕಡ್ಚಿಂ ಸರ್ವಾಂ ಸಂತಾನಾಮಾಚ್ಯಾ ಘರಾ ಜಮ್‍ಲ್ಲಿಂ. 14 ತಾರಿಕೆರ್ ರಾತಿಂ ನಿದ್ಚ್ಯಾ ಪಯ್ಲೆಂ ಸನ್ನು, ಲೂಸಿಬಾಯ್ ಆನಿ ಹೆರ್ ಭಾಂವ್ಡಾಂ ಬರ್ತ್‍ಡೇ ಪಾರ್ಟಿ ವಿಶಿಂಚ್ ಚರ್ಚಾ ಕರ್ನ್ ನಿದ್ಲಿಂ, ದುಸ್ರ್ಯಾ ಫಾಂತ್ಯಾರ್ ವೆಗಿಂ ಉಟೊನ್ ಬೆಂಗ್ಳುರ್ ಪಯ್ಣ್ ಕರ್ಚ್ಯಾ ಇರಾದ್ಯಾನ್.

ಸಕಾಳಿಂ ಬಜ್ಪೆಚೆಂ ಟ್ರಿಪ್ ರದ್ದ್ ಜಾಲ್ಲೆಂ. ಘರ್ಚ್ಯಾ ಆಂಗ್ಣಾಂತ್ ಲೋಕ್ ಕುಡ್ಸಲ್ಲೊ. ರಾತಿಂ ಬೆಡ್ಡಾರ್ ಪರ್ತಲ್ಲೊ ಸಂತಾನಾಮ್ ಉಟೊಂಕ್‍ಚ್ ನಾತ್‍ಲ್ಲೊ. ಬಜ್ಪೆ ವಿಮಾನ್ ಥಳಾ ಬದ್ಲಾಕ್, ಮೊರ್ಚುವರಿಕ್, ತಾಚಿ ನಿರ್ಜೀವ್ ಕೂಡ್ ವ್ಹರುಂಕ್ ಆ್ಯಂಬುಲೆನ್ಸ್ ಆಯಿಲ್ಲೆಂ.

ಹಿ ಕಾಣಿ ರಾಕ್ಣೊ ಪತ್ರಾಚ್ಯಾ ಸಪ್ತೆಂಬರ್ 26 – ಅಕ್ತೋಬರ್ 2ವ್ಯಾ ಆಂಕ್ಯಾರ್ ಪ್ರಕಟ್ ಜಾಲ್ಯಾ.

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್ (Click to Join)

Send your Feedback to: budkuloepaper@gmail.com

Like us at: www.facebook.com/budkulo.epaper

Watch wonderful programs in our YouTube Channel

The post ಮಟ್ವಿ ಕಾಣಿ: ವಿಮಾನ್ ದುರಂತ್ appeared first on Budkulo.

‘ವೀಜ್ ಕೊಂಕಣಿ’ ಇ-ಹಫ್ತ್ಯಾಳ್ಯಾಚೊ ಸಂಪಾದಕ್, ಚಿಕಾಗೊಚ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುನ್ ಆಮ್ಚ್ಯಾ ಹ್ಯಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ನಗದ್ ಇನಾಮಾಂ ಪ್ರಾಯೋಜನ್ ಕೆಲ್ಯಾಂತ್. ಪಯ್ಲೆಂ ಆನಿ ದುಸ್ರೆಂ ಇನಾಮ್ ಜಿಕ್ಲೆಲ್ಯಾಂಕ್ ಚಿಕ್‍ಮಗ್ಳುರ್ ಜಿಲ್ಲೊ ಕೊಪ್ಪ ತಾಲೂಕಾಚ್ಯಾ ಬಿಳಾಲ್‍ಗಿರಿ ಎಸ್ಟೇಟಿಂತ್ಲ್ಯಾ ಹಿಮಗಿರಿ ಹೋಮ್‍ಸ್ಟೇಂತ್ ಎಕಾ ದಿಸಾಚಿ ವಸ್ತಿ ಆನಿ ಖಾಣ್ ಸಂಪೂರ್ಣ್ ಫುಂಕ್ಯಾಕ್ ಮೆಳ್ತೆಲೆಂ. ಹೆಂ ಇನಾಮ್ ಹೋಮ್‍ಸ್ಟೇಚೊ ಮ್ಹಾಲಕ್ ಮಾನೆಸ್ತ್ ಪ್ರಮೋದ್ ಪಿಂಟೊನ್ ‘ಬುಡ್ಕುಲೊ’ ವಾಚ್ಪ್ಯಾಂಕ್ ದಿಲಾಂ. ಹ್ಯಾ ದೊಗಾಂಯ್ಕೀ ದೇವ್ ಬರೆಂ ಕರುಂ.

ಸ್ಪರ್ಧ್ಯಾಚಿಂ ಸವಾಲಾಂ:

ಪಯ್ಲೊ ವಿಭಾಗ್:

1. ರೆಡೆ ವಿಕ್ಯಾಂ ಮ್ಹಣ್ ಕೊಣೆಂ ಸಾಂಗ್‍ಲ್ಲೆಂ?

ವಯ್ಲ್ಯಾ ಸವಾಲಾಕ್ 2 ಅಂಕ್.

2. ಎ. ಜೊನಾ ಖಂಯ್ಸರ್ ಕಾಮ್ ಕರ್ತಾಲೊ? ಬಿ. ಖಂಚ್ಯಾ ಹುದ್ದ್ಯಾರ್ ತೊ ಆಸ್‍ಲ್ಲೊ?

ವಯ್ಲ್ಯಾ ಸವಾಲಾಕ್ 1+1 ಒಟ್ಟುಕ್ 2 ಅಂಕ್.

3. ಮಿಂಗೆಲಾಮಾಚ್ಯಾ ಪುತಾನ್ ರೆಡೆ ಆನಿ ಸಾಗೊಳಿಕ್ ವರ್ಸಾಕ್ ಕಿತ್ಲೆ ಖರ್ಚತಾತ್ ಮ್ಹಣ್ ಲೇಕ್ ದಾಕಯ್ಲೆಂ?

ವಯ್ಲ್ಯಾ ಸವಾಲಾಕ್ 1 ಅಂಕ್.

4. ಎ. ಮಿಂಗೆಲಾಮಾಚೊ ಜಾಗೊ ಪಯ್ಲೆಂ ಕೊಣಾಚೊ ಜಾವ್ನಾಸ್‍ಲ್ಲೊ? ಬಿ. ತೊ ಕಶೆಂ ಮಿಂಗೆಲಾಮಾಚ್ಯಾ ಸ್ವಾಧೀನ್ ಜಾಲೊ?

ವಯ್ಲ್ಯಾ ಸವಾಲಾಕ್ 1+2 ಒಟ್ಟುಕ್ 3 ಅಂಕ್.

5. ಜೊನಾಚ್ಯಾ ರಾಜಾಂವಾಕ್ ಕೊಣಾಚೊ ಪಾಟಿಂಬೊ ಮೆಳ್ಳೊ?

ವಯ್ಲ್ಯಾ ಸವಾಲಾಕ್ 2 ಅಂಕ್.

6. ರೆಡೆ ಆಸ್ತಾನಾ ಮಿಂಗೆಲಾಮಾಚಿ (ಸಕಾಳಿಂಚಿ) ದಿನಚರಿ ಕಸಲಿ ಆಸ್‍ಲ್ಲಿ?

ವಯ್ಲ್ಯಾ ಸವಾಲಾಕ್ 2 ಅಂಕ್.

7. ಮಿಂಗೆಲಾಮ್ ಗಾಂವಾಂತ್ ನಾಂವಾಡ್ದಿಕ್ ಮನಿಸ್ ಜಾಂವ್ಚ್ಯಾಕ್ ಕಾರಣ್ ಕಿತೆಂ ಜಾವ್ನಾಸ್‍ಲ್ಲೆಂ?

ವಯ್ಲ್ಯಾ ಸವಾಲಾಕ್ 2 ಅಂಕ್.

ಪಯ್ಲ್ಯಾ ವಿಭಾಗಾಂತ್ಲ್ಯಾ 7 ಸವಾಲಾಂಕ್ (2+2+1+3+2+2+2) ಒಟ್ಟುಕ್ 14 ಅಂಕ್.

ದುಸ್ರೊ (ಟೈಬ್ರೇಕರ್) ವಿಭಾಗ್:

1. ‘ರೆಡೆ’ ಕಾಣಿಯೆಂತ್ಲ್ಯಾ ಮಿಂಗೆಲಾಮಾಕ್ ಪುತಾ ವರ್ವಿಂ ಫುಡ್ ಜಾಂವ್ಚೆ ಆಟೆವಿಟೆ ಕಸಲೆ?

ವಯ್ಲ್ಯಾ ಸವಾಲಾಕ್ 5 ಅಂಕ್.

2. ರೆಡ್ಯಾಂ ಸಂಗಿಂ ಮಿಂಗೆಲಾಮಾಕ್ ಕಿತ್ಯಾಕ್ ತಿತ್ಲೆಂಯೀ ಎಟ್ಯಾಚ್‍ಮೆಂಟ್ ಆಸ್‍ಲ್ಲೆಂ?

ವಯ್ಲ್ಯಾ ಸವಾಲಾಕ್ 5 ಅಂಕ್.

3. ಜೊನಾಚ್ಯಾ ಜಾಗ್ಯಾರ್ ತುಮಿ ಆಸ್‍ಲ್ಲ್ಯಾತ್ ತರ್, ರೆಡ್ಯಾಂ ವಿಶಿಂ, ತುಮ್ಚೊ ನಿರ್ಧಾರ್ ಕಸಲೊ ಆಸ್ತೊ?

ವಯ್ಲ್ಯಾ ಸವಾಲಾಕ್ 3 ಅಂಕ್.

4. ‘ರೆಡೆ’ ಕಾಣಿಯೆಚೆರ್ ‘ಬುಡ್ಕುಲೊ’ ಇ-ಪತ್ರಾಂತ್ ಪ್ರಕಟ್ ಜಾಲ್ಲೆಂ ವಿಶ್ಲೇಷಣ್ ತುಮ್ಕಾಂ ಕಶೆಂ ಭೊಗ್ಲೆಂ?

ವಯ್ಲ್ಯಾ ಸವಾಲಾಕ್ 3 ಅಂಕ್

ದುಸ್ರ್ಯಾ (ಟೈಬ್ರೇಕರ್) ವಿಭಾಗಾಂತ್ಲ್ಯಾ 4 ಸವಾಲಾಂಕ್ (5+5+3+3) ಒಟ್ಟುಕ್ 16 ಅಂಕ್. ಪಯ್ಲ್ಯಾ ಆನಿ ದುಸ್ರ್ಯಾ ವಿಭಾಗಾಂಚೆ ಒಟ್ಟುಕ್ 30 ಅಂಕ್.

ಬಂಪರ್ ಇನಾಮಾಂ:

ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಖಚಿತ್ ಇನಾಮಾಂ (ರು. 750 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೆಗಾಂಕ್ ರು. 400 ಐವಜಾಚಿಂ ಖಚಿತ್ ನಗದ್ ಇನಾಮಾಂ ಲಾಭ್ತೆಲಿಂ. ಅಶೆಂ ಭರ್ತಿ ರು. 8,500 ಐವಜಾಚಿಂ ನಿಶ್ಚಿತ್ ಇನಾಮಾಂ! (ಅಂಕ್ ಬರೆ ಆಸ್ಲ್ಯಾರ್ ಆನಿ ಜಾಪಿ ಮೆಚ್ವಣೆಕ್ ಪ್ರಾಪ್ತ್ ಜಾಲ್ಯಾರ್ ಆಮ್ಚ್ಯಾ ತರ್ಫೆನ್ ಎಕ್ಲ್ಯಾಕ್ ಚಡ್ತಿಕ್ ತಿಸ್ರೆಂ ಇನಾಮ್ ದಿತಾಂವ್. ಎದೊಳ್ ದೋನ್ ಪಾವ್ಟಿಂ ದಿಲ್ಯಾಂತ್).

ಸ್ಪರ್ಧ್ಯಾಚಿಂ ನಿಯಮಾಂ ಆನಿ ನಿಬಂಧನಾಂ:

1. ಹ್ಯಾ ಪಾವ್ಟಿಂ ದೋನ್ ವಿಭಾಗಾಂನಿ ಸವಾಲಾಂ ದಿಲ್ಯಾಂತ್. ದೊನೀ ವಿಭಾಗ್ ಮೆಳೊನ್ ಚಡ್ ಅಂಕ್ ಕೋಣ್ ಜೊಡ್ತಾ ತಾಂಕಾಂ ಇನಾಮಾಂ ಮೆಳ್ತಾತ್. ಟೈ ಜಾಲ್ಯಾರ್ ಶಿಸ್ತ್, ಜಾಣ್ವಾಯ್, ಭಾಶೆಚಿ ಸೊಭಾಯ್ ಆನಿ ನಿಯಮಾಂ ಸಾರ್ಕೆಂ ಪಾಳ್‍ಲ್ಲ್ಯಾಂಕ್ ಬೋನಸ್ ಅಂಕ್ ದೀವ್ನ್ ವಿಜೇತಾಂಚಿ ವಿಂಚವ್ಣ್ ಚಲ್ತೆಲಿ.

2. ಜಾಪಿ ಧಾಡ್ತೆಲ್ಯಾಂನಿ ಸವಾಲಾಂಚ್ಯಾ ನಂಬ್ರಾ ಮುಖಾರ್ ತ್ಯಾ ತ್ಯಾ ಸವಾಲಾಚಿ ಜಾಪ್ ಲಿಖಿಜೆ. ಹರ್ ಪಾನಾಚೆರ್ ಪೇಜ್ ನಂಬರ್ ಘಾಲಿಜೆ. ಸಂಗಿಂ ತುಮ್ಚೆಂ ಸಗ್ಳೆಂ ನಾಂವ್, ಗಾಂವ್, ಘರ್ಚೊ ವಿಳಾಸ್ ಆನಿ ಮೊಬೈಲ್ ನಂಬರ್ ಜಾಪಿಂ ಸಾಂಗಾತಾಚ್ ಪಯ್ಲ್ಯಾ ಪಾನಾರ್ ಸುರ್ವೆರ್ ವಾ ನಿಮಾಣ್ಯಾ ಪಾನಾರ್ ಆಖೇರಿಕ್ ಬರಯ್ಜೆ.

3. ಜಾಪಿ ಆಮ್ಚ್ಯಾ ಇಮೈಲಾಕ್ budkuloepaper@gmail.com ಧಾಡಿಜೆ. ಇಮೈಲ್ ಕರುಂಕ್ ಕಳಿತ್ ನಾತ್‍ಲ್ಲ್ಯಾ ಮಾಲ್ಗಡ್ಯಾಂನಿ ಮಾತ್ರ್ ವಾಟ್ಸಪ್ ಕರ್ಯೆತ್. ದೊನೀ ಕಡೆನ್ ಆನಿ repeatedly ಧಾಡಿನಾಕಾತ್.

4. ಜಾಪಿ ಕನ್ನಡ ಲಿಪಿಂತ್ ಮಾತ್ರ್ ಧಾಡ್ಯೆತ್. ಇಮೈಲಾಚ್ಯಾ ಸಬ್ಜೆಕ್ಟಾರ್ Kala Sampath Quiz 8 Answers ಮ್ಹಣ್ ಬರಯ್ಜೆ. ಸೂಚನ್ 1: ಟೈಪ್ ಕರುಂಕ್ ಕಳನಾತ್ಲೆಲ್ಯಾಂನಿ ಕಾಗ್ದಾಚೆರ್ ಹಾತಾಂತ್ ಬರವ್ನ್ ತಾಚಿ ಫೊಟೊ ಧಾಡ್ಯೆತ್. ಸೂಚನ್ 2: ತುಮಿ ಹೆರಾಂಚಿ ಕುಮಕ್ ಘೆವ್ನ್, ಉದಾ: ಸೈಬರ್ ಸೆಂಟರಾ ಮುಖಾಂತ್ರ್, ಇಮೈಲ್ ಧಾಡ್ತಾತ್ ತರ್ ತುಮ್ಚೆಂ ನಾಂವ್ ಆನಿ ಸಂಪರ್ಕ್ ವಿವರ್ ಸಾರ್ಕ್ಯಾನ್ ಲಗ್ತಿ ಕರಾ.

5. ಜಾಪಿ ಧಾಡುಂಕ್ ನಿಮಾಣಿ ತಾರಿಕ್ ಸೊಮಾರ್, ಜುಲೈ 15, 2024. ಫಲಿತಾಂಶ್ ಸೊಮಾರಾ, ಜುಲೈ 29, 2024ವೆರ್ ಪ್ರಕಟ್ ಜಾತೆಲೆಂ.

6. ಮುಖ್ಯ್ ಸೂಚನ್/ಕಳವ್ಣಿ: ಆಮ್ಚ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಕೊಣಾಯ್ಕೀ ನಿರ್ಬಂಧ್ ನಾ. ಕೊಂಕ್ಣಿ ಕಳಿತ್ ಆಸ್ಚ್ಯಾ ಕೊಣೆಂಯೀ ಭಾಗ್ ಘೆವ್ಯೆತ್. ಪುಣ್ ಖುಶಾಲಾಯೆಕ್ ಜಾಂವ್ ವಾ ಹೆರ್ ಕಸಲ್ಯಾಯೀ ಇರಾದ್ಯಾಂನಿ ಜಾಂವ್ ಎಕಾಚ್ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ ವ್ಯಕ್ತಿಂನಿ ಎಕ್ಲ್ಯಾನ್ ತಯಾರ್ ಕೆಲ್ಲ್ಯೊ ಜಾಪಿಚ್ ನಕಲ್ ಕರ್ನ್ ಧಾಡ್ಚ್ಯಾಕ್ ನಿರ್ಬಂಧ್ ಆಸಾ. ಆದಿಂ ತಶೆಂ ಚಲ್‍ಲ್ಲೆಂ. ಫುಡೆಂ ತಸಲ್ಯಾಕ್ ಅವ್ಕಾಸ್ ನಾ. ತಶೆಂ ಮ್ಹಣ್ ಎಕಾ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ತಿಕ್ ಸಾಂದ್ಯಾಂನಿ ಭಾಗ್ ಘೆಂವ್ಕ್ ಆಮಿ ಆಡ್ವಾರಿನಾಂವ್. ಖಂಡಿತ್ ಕೊಣೆಂಯೀ ಕಿತ್ಲ್ಯಾಯೀ ಜಣಾಂನಿ ಭಾಗ್ ಘೆವ್ಯೆತ್. ಪುಣ್ ನಕಲ್ ಬಿಲ್ಕುಲ್ ಕರಿನಜೊ. ಸ್ವಂತ್ ಪರಿಶ್ರಮ್ ಕಾಡ್ನ್ ಆಪ್ಣೆಂಚ್ ಬರವ್ನ್ ಧಾಡ್ಲ್ಯಾರ್ ಸ್ವಾಗತ್ ಆಸಾ.

7. ಸ್ಪರ್ಧಿಂನಿ ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಅಸ್ಚೆಂ ಕಡ್ಡಾಯೆಚೆಂ. ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಮಾತ್ರ್ ಇನಾಮ್ ಮೆಳ್ತೆಲೆಂ. ಭರ್ತಿ ಜಾಂವ್ಕ್ ನಾತ್ಲೆಲ್ಯಾಂ ಖಾತಿರ್ ಗ್ರೂಪಾಚೆಂ ಲಿಂಕ್ ಸಕಯ್ಲ್ ದಿಲಾಂ. ಸ್ಪರ್ಧ್ಯಾಕ್ ಸಂಬಂಧ್ ಜಾಲ್ಲಿಂ ಚಡ್ತಿಕ್ ಸೂಚನಾಂ, ಪೂರಕ್ ಗಜಾಲಿ ತಶೆಂಚ್ ಹೆರ್ ಸರ್ವ್ ಪ್ರಕಟಣಾಂ, ಕಳವ್ಣ್ಯೊ, ಆಕರ್ಷಕ್ ಚಟುವಟಿಕ್ಯೊ, ಹಾಸ್ಯ್ ಬರ್ಪಾಂ ಇತ್ಯಾದಿ ಆಮಿ ಥಂಯ್ ದಿತಾಂವ್. ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಆಮಿ ದಿಂವ್ಚಿ ಮಾಹೆತ್ ಉಪ್ಕಾರಾಚಿ ಜಾತಾ; ಸ್ಪರ್ಧ್ಯಾಚ್ಯೊ ಜಾಪಿ ತಶೆಂ ಕ್ಲೂ ಇನಾಮ್ ಜಿಕ್ತೆಲ್ಯಾಂಕ್ ಆಧಾರ್ ಜಾತಾತ್. ದೆಕುನ್ ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಸಕಯ್ಲ್ ದಿಲ್ಲೆಂ ಲಿಂಕ್ ವಾಪಾರುನ್ ಭರ್ತಿ ಜಾಂವ್ಚೆಂ.

ಹ್ಯಾ ಅಮೋಘ್ ಸ್ಪರ್ಧ್ಯಾಂತ್ ತುಮಿ ಭಾಗ್ ಘೆಂವ್ಚ್ಯಾ ಸವೆಂ ತುಮ್ಚ್ಯಾ ಲಾಗ್ಶಿಲ್ಯಾಂಕ್ ಆನಿ ಹೆರಾಂಕ್‍ಯೀ ಭಾಗ್ ಘೆಂವ್ಕ್ ಉತ್ತೇಜಿತ್ ಕರಾ. ಹಿ ಖಬರ್ ಸಕ್ಡಾಂಕ್ ಪಾವಯಾ. ಕೊಂಕ್ಣಿ ವಾಚ್ಪ್ಯಾಂಕ್‍ಯೀ ಇನಾಮಾಂ ದೀವ್ನ್ ಬುಡ್ಕುಲೊ ಮಾಧ್ಯಮಾನ್ ಆನ್ಯೇಕ್ ದಾಖ್ಲೊ ರಚ್ಲಾ. ಮುಖಾರಿಂ ಆನಿಕೀ ಬರೆ, ಕ್ರಿಯಾತ್ಮಕ್ ಸ್ಪರ್ಧೆ ಆಮಿ ಮಾಂಡುನ್ ಹಾಡ್ತೆಲ್ಯಾಂವ್. ತುಮ್ಚೆಂ ವಾಂಟೆಲಿಪಣ್, ಪಾಟಿಂಬೊ ಆಮ್ಕಾಂ ಸದಾಂಚ್ ಪ್ರೇರಣ್.

ಗುಮಾನಾಕ್ (Disclaimer): ಆಮಿ ಮಾಂಡುನ್ ಹಾಡ್ಚ್ಯಾ ಹ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧ್ಯಾ ಬಾಬ್ತಿಂ ಸರ್ವ್ ಆನಿ ಅಂತಿಮ್ ಹಕ್ಕಾಂ, ಸಂಪೂರ್ಣ್ ನಿಚೆವಾಚೆಂ ಸ್ವಾತಂತ್ರ್ಯ್ ಆನಿ ಪರಮಾಧಿಕಾರ್ ‘ಬುಡ್ಕುಲೊ’ ಸಂಪಾದಕಾಚೊ ಜಾವ್ನಾಸ್ತಲೊ. ಹ್ಯಾ ಲಗ್ತಿಂ ಕಸಲ್ಯಾಚ್ ತಕ್ರಾರ್ ವಾ/ಆನಿ ಸಂವಹನಾಕ್ ಆಸ್ಪದ್ ಆಸ್ಚೊ ನಾ.

ಸ್ಯಾಮ್ ಬೊಳಿಯೆಚಿ ‘ರೆಡೆ’ ಕಾಣಿ (ಕ್ಲಿಕ್ ಕರ್ನ್ ವಾಚಾ)

‘ರೆಡೆ’ ಕಾಣಿಯೆಚೆರ್ ಬುಡ್ಕುಲೊ ವಿಶ್ಲೇಷಣ್ Click to Read

ಆಮಿ ಪ್ರಕಟ್ ಕೆಲ್ಲ್ಯೊ ಸರ್ವ್ ಕಾಣಿಯೊ ವಾಚುಂಕ್ ಕ್ಲಿಕ್ ಕರಾ

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

The post ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 8: ‘ರೆಡೆ’ ಕಾಣಿಯೆಚೆರ್ ಸವಾಲಾಂ appeared first on Budkulo.

‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 7’ ಫಲಿತಾಂಶ್:

ಪಯ್ಲೆಂ ಇನಾಮ್ ಜೊಡ್ತಾ: ಜಾನ್ ಸಿರಿಲ್ ಡಿಸೋಜ, ಆಗ್ರಾರ್ (29½ ಅಂಕ್), ದುಸ್ರೆಂ ಇನಾಮ್ ಆಪ್ಣಾಯ್ತಾ: ಸಿಸ್ಟರ್ ಅಸುಂಪ್ತಾ ಬಿ.ಎಸ್. (28½ ಅಂಕ್). ತಿಸ್ರೆಂ ಇನಾಮ್ ತೆಗಾಂಕ್ ಫಾವೊ ಜಾಲಾಂ. ತಿಂ ಆಸಾತ್: ವನಿತಾ ಮಾರ್ಟಿಸ್, ಬಾರ್ಕೂರ್ (28 ಅಂಕ್); ರೋಶಲ್ ಪ್ರಿಯಾ ಡಿಸೋಜ, ಪಾಲಡ್ಕ (27 ಅಂಕ್) ಆನಿ ವಯೊಲೆಟ್ ಲೋಬೊ, ಪೆರ್ನಾಲ್ (26 ಅಂಕ್). ಹ್ಯಾ ಸರ್ವ್ 5 ಜಣಾಂಕ್ ನಗದ್ ಇನಾಮಾಂ ಫಾವೊ ಜಾತಾತ್. ಹಾಂಕಾಂ ಅಭಿನಂದನ್.

ವಿಶೇಸ್ ಮ್ಹಳ್ಯಾರ್ 6ವ್ಯಾ ಕ್ವಿಜ್ ಸ್ಪರ್ಧ್ಯಾಂತ್ ನಗದ್ ಇನಾಮ್ ಜೊಡ್ಲೆಲ್ಯಾಂನಿಂಚ್ ಹ್ಯಾ ಪಾವ್ಟಿಂ ಇನಾಮಾಂ ಜೊಡ್ಲ್ಯಾಂತ್ (ಆನಿ ತಿಂಚ್ ಸ್ಥಾನಾಂ ತಾಂಕಾಂ ಫಾವೊ ಜಾಲ್ಯಾಂತ್).

ಉನ್ನತ್ ಅಂಕ್ ಆಪ್ಣಾಯಿಲ್ಲಿಂ ಹೆರಾಂ: ಗ್ರೆಸಿಲ್ಲಾ ಮಿನೇಜಸ್, ಕಣಜಾರ್ (25 ಅಂಕ್); ನಿವೇದಿತಾ ನಜರೆತ್, ಶಿರ್ವಾಂ (24½ ಅಂಕ್) ಆನಿ ಹೆನ್ರಿ ಡಿಸೋಜ, ಕಾಟಿಪಳ್ಳ (23 ಅಂಕ್). ಹಾಂಕಾಂಯೀ ಉಲ್ಲಾಸಿತಾಂವ್.

ಹ್ಯಾ ಆಮ್ಚ್ಯಾ, ಸಾತ್ವ್ಯಾ, ಸ್ಪರ್ಧ್ಯಾಕ್ ಒಟ್ಟುಕ್ 9 ಜಣಾಂನಿ ಜಾಪಿ ಧಾಡ್ನ್ ಸ್ಪರ್ಧ್ಯಾಂತ್ ಭಾಗ್ ಘೆತ್ಲಾ. ದೋನ್ ವಿಭಾಗಾಂಚ್ಯಾ 11 ಸವಾಲಾಂಕ್ (ಆನಿ ಉಪ ಸವಾಲಾಂಕ್) ಒಟ್ಟುಕ್ 30 ಅಂಕ್ ಆಸ್‍ಲ್ಲೆ.

ಇನಾಮಾಂ ಜೊಡ್‍ಲ್ಲ್ಯಾಂಕ್ ಉಲ್ಲಾಸ್, ಬರೆ ಅಂಕ್ ಆಪ್ಣಾಯಿಲ್ಲ್ಯಾಂಕ್ ಅಭಿನಂದನ್. ಪಾತ್ರ್ ಘೆತ್‍ಲ್ಲ್ಯಾ ಸರ್ವಾಂಕೀ ಶಾಭಾಸ್ಕಿ ಪಾಟಯ್ತಾಂವ್. ತುಮ್ಚ್ಯಾ ಉಮೆದಿಕ್ ಉಲ್ಲಾಸಿತಾಂವ್.

ಸಾರ್ಕ್ಯೊ ಜಾಪಿ:

‘ವೆಗ್ಳಾಚಾರ್’ ಕಾಣಿಯೆಚೆರ್ ಆಮಿ ವಿಚಾರ್ಲೆಲ್ಲ್ಯಾ ಸವಾಲಾಂಚ್ಯೊ ಸಾರ್ಕ್ಯೊ ಜಾಪಿ:

ಪಯ್ಲೊ ವಿಭಾಗ್:

1. ಎ. ರೊಅಲ್ಡ್ ದಾಹ್ಲ್, ಬಿ. ಇಂಗ್ಲಿಶ್, ಸಿ. ಸಾಂಗೊಡಿ ಪಯ್ಣಾರಿ, ಡಿ. ಜೆ.ವಿ. ಕಾರ್ಲೊ.

2. ಎ. ಮೇರಿ ಮೆಲೋನಿ, ಬಿ. ಪೆಟ್ರಿಕ್ ಮೆಲೋನಿ, ಸಿ. ಪೊಲಿಸ್ ಡಿಟೆಕ್ಟಿವ್.

3. ಬಟಾಟೆ ಆನಿ ವಟಾಣ್ಯಾಂಚೆಂ ಏಕ್ ಟಿನ್ನ್.

4. ಚೀಜ್‍ಕೇಕ್.

5. ಶೆಳಿಯೆಚೊ ಪಾಂಯ್.

6. ಪೆಟ್ರಿಕಾಚ್ಯಾ ತಕ್ಲೆಕ್ ಮಾರ್‌ಲ್ಲೆಂ ಹಾತೆರ್.

7. ಪೆಟ್ರಿಕಾಚಿ ಖುನ್ ತಾಚ್ಯಾ ಪತಿಣ್ ಮೇರಿ ಮೆಲೋನಿನ್ ಕೆಲ್ಲಿ.

ದುಸ್ರ್ಯಾ ವಿಭಾಗಾಚ್ಯೊ ಜಾಪಿ ಸಕ್ಡಾಂಚ್ಯೊ ಸ್ವಂತ್. ಉತ್ತೀಮ್ ಆನಿ ನಿಖರ್ ಜಾಪಿಂಕ್ ಚಡ್ ಅಂಕ್ ದಿಲ್ಯಾತ್.

ನಗದ್ ಆನಿ ಬಂಪರ್ ಇನಾಮಾಂ:

ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಇನಾಮಾಂ (ರು. 750 ನಗದ್, ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್, ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೆಗಾಂಕ್ ರು. 400 ನಗದ್ ದಿತಾಂವ್. (ನಗದ್ ಇನಾಮಾಂ ಗೂಗಲ್ ಪೇ ಕರ್ತಾಂವ್).

ನಗದ್ ಇನಾಮ್ ಪ್ರಾಯೋಜನ್ ಕೆಲ್ಲ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುಕ್ ಆನಿ ಹಿಮಗಿರಿ ಹೋಮ್‍ಸ್ಟೇಂತ್ ವಸ್ತಿ ಒದಗ್ಸುನ್ ದಿಂವ್ಚ್ಯಾ ಬಸ್ರೀಕಟ್ಟೆಚ್ಯಾ ಪ್ರಮೋದ್ ಪಿಂಟೊಕ್ ಆಮಿ ವಂದಿತಾಂವ್. ತಾಂಚ್ಯಾ ಉದಾರ್ ಮನಾಕ್ ಆನಿ ಸಹಕಾರಾಕ್ ಧಿನ್ವಾಸ್ತಾಂವ್.

ಆಮಿ ಆಮ್ಚ್ಯಾ ವಾಚ್ಪಿ, ಅಭಿಮಾನಿ ಆನಿ ಹಿತೈಶಿಂ ಖಾತಿರ್ ಬುಡ್ಕುಲೊ ವಾಟ್ಸಪ್ ಗ್ರೂಪ್ ಸ್ಥಾಪನ್ ಕೆಲಾ. ತ್ಯಾ ಗ್ರೂಪಾಂ ಮುಖಾಂತ್ರ್ (ಆ್ಯಡ್ಮಿನ್ ಓನ್ಲಿ ಗ್ರೂಪ್ ತರೀ) ಆಮಿ ಸಾಂದ್ಯಾಂ ಸಂಗಿಂ ಸಂವಾದ್ ಚಲಯ್ತಾಂವ್. ಸ್ಪರ್ಧ್ಯಾಕ್ ಲಗ್ತಿ ಹಿಶಾರೆ, ಸೂಚನಾಂ, ಮಾಹೆತ್ ಥಂಯ್ಚ್ ಘಾಲ್ತಾಂವ್. ಸಾಂದ್ಯಾಂಕ್ ಫಾಯ್ದ್ಯಾ ಭರಿತ್ ಜಾಂವ್ಚ್ಯೊ ಗಜಾಲಿ, ಖಬ್ರೊ, ಚಟುವಟಿಕೊ, ಡೈಲಿ ಕ್ವಿಜ್ ಆನಿ ಜಾಣ್ವಾಯ್ ಪ್ರಸಾರ್ ಕರ್ಚೆಂ ಮಿಸಾಂವ್‍ಯೀ ತಾಂತುಂ ಚಲ್ತಾ. ತುಮ್ಕಾಂ ಹಾಸಂವ್ಕ್‌ಚ್ ಮ್ಹಣ್ ಬಾಲ್ತು ಆಸಾ! ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಲೇಖನಾಚ್ಯಾ ಆಖೇರಿಕ್ ದಿಲ್ಲೆಂ ಲಿಂಕ್ ಕ್ಲಿಕ್ ಕರ್ನ್ ಭರ್ತಿ ಜಾವ್ಯೆತ್.

ಮುಖ್ಲೊ, 8ವೊ, ಸ್ಪರ್ಧೊ ವೆಗಿಂಚ್ ಪ್ರಕಟ್ ಕರ್ತಾಂವ್. ಸವೆಂ ವಿ.ಜೆ.ಪಿ. ಸಲ್ಡಾನ್ಹಾಚ್ಯಾ ‘ಸೊವೊ ಸುಂರ್ಗಾರುನ್’ ಕಾದಂಬರಿ ಆಮಿ ಕ್ವಿಜ್ ಸ್ಪರ್ಧೊ ಆಸಾ ಕೆಲಾ. ಮಂಗ್ಳುರ್ಚ್ಯಾ ಫಾಮಾದ್ ‘ಸನ್-ರೇ ಸೋಲಾರ್’ ಕಂಪೆನಿನ್ ಹ್ಯಾ ಸ್ಪರ್ಧ್ಯಾಚಿಂ ನಗದ್ ಇನಾಮಾಂ ಸ್ಪಾನ್ಸರ್ ಕೆಲ್ಯಾಂತ್. ವಿವರಾಕ್ ಸಕಯ್ಲ್ ಲಿಂಕ್ ದಿಲ್ಯಾತ್, ಉಗ್ತೆ ಕರ್ನ್ ವಾಚಾ.

ಕೊಂಕ್ಣಿ ಭಾಸ್, ಸಾಹಿತ್ಯ್, ಸಾಹಿತಿಂಕ್, ಮನ್ಶ್ಯಾಂಕ್ ತಶೆಂ ಸಂಸ್ಥ್ಯಾಂಕ್ ಊಂಚ್ ಉಬಾರುನ್ ಅಪ್ರತಿಮ್ ಸಾಧನ್ ಕರುನ್ ದಾಖ್ಲೊ ರಚ್‍ಲ್ಲ್ಯಾ ‘ಬುಡ್ಕುಲೊ’ನ್ ಆತಾಂ ವಾಚ್ಪ್ಯಾಂಕ್‍ಯೀ ಊಂಚ್ ಉಬಾರ್ಚೆಂ ಮಿಸಾಂವ್ ಜಾರಿ ಕೆಲಾಂ ಆನಿ ನವಿ ಚರಿತ್ರಾ ಘಡ್ಲ್ಯಾ. ಅಸಲಿಂ ಅದ್ಭುತಾಂ ಆಮಿ ನಿರಂತರ್ ರಚುನ್ ಆಸಾಂವ್. ಹೆಂ ಆಮ್ಕಾಂ ಚಡ್ ದಾದೊಸ್ಕಾಯೆಚೆಂ. ಲೊಕಾಚೊ ಸಹಕಾರ್ ಆನಿ ಪಾಟಿಂಬೊಯೀ ಹ್ಯಾ ದಿಶೆನ್ ಆಮ್ಕಾಂ ಆಧಾರ್ ಜಾಲಾ. ಜೈ ಕೊಂಕಣಿ.

ಕೊಂಕ್ಣಿ ಭಾಸ್, ಸಾಹಿತ್ಯ್, ಸಾಹಿತಿಂಕ್, ಮನ್ಶ್ಯಾಂಕ್ ತಶೆಂ ಸಂಸ್ಥ್ಯಾಂಕ್ ಊಂಚ್ ಉಬಾರುನ್ ಅಪ್ರತಿಮ್ ಸಾಧನ್ ಕರುನ್ ದಾಖ್ಲೊ ರಚ್‍ಲ್ಲ್ಯಾ ‘ಬುಡ್ಕುಲೊ’ನ್ ಆತಾಂ ವಾಚ್ಪ್ಯಾಂಕ್‍ಯೀ ಊಂಚ್ ಉಬಾರ್ಚೆಂ ಮಿಸಾಂವ್ ಜಾರಿ ಕೆಲಾಂ ಆನಿ ನವಿ ಚರಿತ್ರಾ ಘಡ್ಲ್ಯಾ. ಅಸಲಿಂ ಅದ್ಭುತಾಂ ಆಮಿ ನಿರಂತರ್ ರಚುನ್ ಆಸಾಂವ್. ಹೆಂ ಆಮ್ಕಾಂ ಚಡ್ ದಾದೊಸ್ಕಾಯೆಚೆಂ. ಲೊಕಾಚೊ ಸಹಕಾರ್ ಆನಿ ಪಾಟಿಂಬೊಯೀ ಹ್ಯಾ ದಿಶೆನ್ ಆಮ್ಕಾಂ ಆಧಾರ್ ಜಾಲಾ. ಜೈ ಕೊಂಕಣಿ.

ಸೊವೊ ಸುಂರ್ಗಾರುನ್ ಕಾದಂಬರಿಚೆರ್ ಕ್ವಿಜ್

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

Watch our TV Interviews – Click Here

ಬಸ್ರೀಕಟ್ಟೆಚೆಂ ಹಿಮಗಿರಿ ಹೋಮ್‍ಸ್ಟೇ – Click Here

The post ಕಲಾ ಸಂಪತ್ ಕ್ವಿಜ್ – 7: ಪಯ್ಲೆಂ ಇನಾಮ್ – ಹ್ಯಾಟ್ರಿಕ್ ಜೊಡ್ತಾ ಆಗ್ರಾರ್‌ಚೊ ಜಾನ್ ಸಿರಿಲ್ ಸೊಜ್ appeared first on Budkulo.

‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 6’ ಫಲಿತಾಂಶ್:

ಪಯ್ಲೆಂ ಇನಾಮ್ ಜೊಡ್ತಾ: ಜಾನ್ ಸಿರಿಲ್ ಡಿಸೋಜ, ಆಗ್ರಾರ್ (36½ ಅಂಕ್), ದುಸ್ರೆಂ ಇನಾಮ್ ಆಪ್ಣಾಯ್ತಾ: ಸಿಸ್ಟರ್ ಅಸುಂಪ್ತಾ ಬಿ.ಎಸ್. (36 ಅಂಕ್). ತಿಸ್ರೆಂ ಇನಾಮ್ ತೆಗಾಂಕ್ ಫಾವೊ ಜಾಲಾಂ. ತಿಂ ಆಸಾತ್: ರೋಶಲ್ ಪ್ರಿಯಾ ಡಿಸೋಜ, ಪಾಲಡ್ಕ (31 ಅಂಕ್); ವನಿತಾ ಮಾರ್ಟಿಸ್, ಬಾರ್ಕೂರ್ (31 ಅಂಕ್) ಆನಿ ವಯೊಲೆಟ್ ಲೋಬೊ, ಪೆರ್ನಾಲ್ (30½ ಅಂಕ್). ಹ್ಯಾ ಸರ್ವ್ 5 ಜಣಾಂಕ್ ನಗದ್ ಇನಾಮಾಂ ಫಾವೊ ಜಾತಾತ್. ಹಾಂಕಾಂ ಅಭಿನಂದನ್.

ಊಂಚ್ ಅಂಕ್ ಆಪ್ಣಾಯಿಲ್ಲಿಂ ಹೆರಾಂ: ಹೆನ್ರಿ ಡಿಸೋಜ, ಕಾಟಿಪಳ್ಳ (29 ಅಂಕ್); ಫ್ರೀಡಲ್ ಡಿಸೋಜ, ಪೆರ್ಮನ್ನೂರ್ (28 ಅಂಕ್); ಗ್ರೆಸಿಲ್ಲಾ ಮಿನೇಜಸ್, ಕಣಜಾರ್ (26 ಅಂಕ್); ದಿವ್ಯಾ ಜ್ಯೋತಿ ಡಿಸೋಜ, ಬೆಳ್ತಂಗಡಿ (25 ಅಂಕ್) ಆನಿ ಲವಿಟ ಡಿಸೋಜ, ನಕ್ರೆ (24 ಅಂಕ್). ಹಾಂಕಾಂಯೀ ಉಲ್ಲಾಸಿತಾಂವ್.

ಹ್ಯಾ ಆಮ್ಚ್ಯಾ, ಸವ್ಯಾ, ಸ್ಪರ್ಧ್ಯಾಕ್ ಒಟ್ಟುಕ್ 12 ಜಣಾಂನಿ ಜಾಪಿ ಧಾಡ್ನ್ ಸ್ಪರ್ಧ್ಯಾಂತ್ ಭಾಗ್ ಘೆತ್ಲಾ. ದೋನ್ ವಿಭಾಗಾಂಚ್ಯಾ 12 ಸವಾಲಾಂಕ್ (ಆನಿ ಉಪ ಸವಾಲಾಂಕ್) ಒಟ್ಟುಕ್ 42 ಅಂಕ್ ಆಸ್‍ಲ್ಲೆ.

ಇನಾಮಾಂ ಜೊಡ್‍ಲ್ಲ್ಯಾಂಕ್ ಉಲ್ಲಾಸ್, ಬರೆ ಅಂಕ್ ಆಪ್ಣಾಯಿಲ್ಲ್ಯಾಂಕ್ ಅಭಿನಂದನ್. ಪಾತ್ರ್ ಘೆತ್‍ಲ್ಲ್ಯಾ ಸರ್ವಾಂಕೀ ಶಾಭಾಸ್ಕಿ ಪಾಟಯ್ತಾಂವ್. ತುಮ್ಚ್ಯಾ ಉಮೆದಿಕ್ ಉಲ್ಲಾಸಿತಾಂವ್.

ಸಾರ್ಕ್ಯೊ ಜಾಪಿ:

‘ಬಾಂಧುಂಕ್ ಜಾಯ್ನಾತ್‍ಲ್ಲೊ ಫೊಂಡ್’ ಕಾಣಿಯೆಚೆರ್ ಆಮಿ ವಿಚಾರ್ಲೆಲ್ಲ್ಯಾ ಸವಾಲಾಂಚ್ಯೊ ಸಾರ್ಕ್ಯೊ ಜಾಪಿ:

ಪಯ್ಲೊ ವಿಭಾಗ್:

1. ದಿಸಾಳೆಂ ಪತ್ರ್ ವಾಚುನ್ ಆಸ್‍ಲ್ಲೊ.

2. ರೊಬು ಆನಿ ಮಾರ್ಸೆಲ್.

3. ಮಿಂಗೆಲ್ ಪೀಂತ್; ಮೊರ್ನಾ ಪೆಟೆಚೊ, ಫೊಂಡ್ ಬಾಂಧ್ಚೊ ಆನಿ ಲಗ್ತಿ ವ್ಯವಹಾರ್.

4. ಉಣ್ಯಾರೀ ಏಕ್ ಲಾಖ್ ರುಪಯ್.

5. ಎ. ಆಲಿಸ್‍ಬಾಯ್, ಬಿ. ಗೊಲಿಮಾರ್ ಇಸ್ಕೊಲಾಚ್ಯಾ ವಾಚ್‍ಮ್ಯಾನಾ ಥಾವ್ನ್.

6. ಬಾಹ್ರೇಯ್ನ್.

7. ರುಪಯ್ 2,80,000.

ದುಸ್ರ್ಯಾ ವಿಭಾಗಾಚ್ಯೊ ಜಾಪಿ ಸಕ್ಡಾಂಚ್ಯೊ ಸ್ವಂತ್. ಉತ್ತೀಮ್ ಆನಿ ನಿಖರ್ ಜಾಪಿಂಕ್ ಚಡ್ ಅಂಕ್ ದಿಲ್ಯಾತ್.

ನಗದ್ ಆನಿ ಬಂಪರ್ ಇನಾಮಾಂ:

ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಇನಾಮಾಂ (ರು. 750 ನಗದ್, ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್, ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೆಗಾಂಕ್ ರು. 400 ನಗದ್ ದಿತಾಂವ್. (ನಗದ್ ಇನಾಮಾಂ ಗೂಗಲ್ ಪೇ ಕರ್ತಾಂವ್ ಆನಿ ತಾಚೆಂ ಸ್ಕ್ರೀನ್‍ಶಾಟ್ ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಘಾಲ್ತಾಂವ್).

ನಗದ್ ಇನಾಮ್ ಪ್ರಾಯೋಜನ್ ಕೆಲ್ಲ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುಕ್ ಆನಿ ಹಿಮಗಿರಿ ಹೋಮ್‍ಸ್ಟೇಂತ್ ವಸ್ತಿ ಒದಗ್ಸುನ್ ದಿಂವ್ಚ್ಯಾ ಬಸ್ರೀಕಟ್ಟೆಚ್ಯಾ ಪ್ರಮೋದ್ ಪಿಂಟೊಕ್ ಆಮಿ ವಂದಿತಾಂವ್. ತಾಂಚ್ಯಾ ಉದಾರ್ ಮನಾಕ್ ಆನಿ ಸಹಕಾರಾಕ್ ಧಿನ್ವಾಸ್ತಾಂವ್.

ಆಮಿ ಆಮ್ಚ್ಯಾ ವಾಚ್ಪಿ, ಅಭಿಮಾನಿ ಆನಿ ಹಿತೈಶಿಂ ಖಾತಿರ್ ಬುಡ್ಕುಲೊ ವಾಟ್ಸಪ್ ಗ್ರೂಪ್ ಸ್ಥಾಪನ್ ಕೆಲಾ. ತ್ಯಾ ಗ್ರೂಪಾಂ ಮುಖಾಂತ್ರ್ (ಆ್ಯಡ್ಮಿನ್ ಓನ್ಲಿ ಗ್ರೂಪ್ ತರೀ) ಆಮಿ ಸಾಂದ್ಯಾಂ ಸಂಗಿಂ ಸಂವಾದ್ ಚಲಯ್ತಾಂವ್. ಸ್ಪರ್ಧ್ಯಾಕ್ ಲಗ್ತಿ ಹಿಶಾರೆ, ಸೂಚನಾಂ, ಮಾಹೆತ್ ಥಂಯ್ಚ್ ಘಾಲ್ತಾಂವ್. ಸಾಂದ್ಯಾಂಕ್ ಫಾಯ್ದ್ಯಾ ಭರಿತ್ ಜಾಂವ್ಚ್ಯೊ ಗಜಾಲಿ, ಖಬ್ರೊ, ಚಟುವಟಿಕೊ, ಡೈಲಿ ಕ್ವಿಜ್ ಆನಿ ಜಾಣ್ವಾಯ್ ಪ್ರಸಾರ್ ಕರ್ಚೆಂ ಮಿಸಾಂವ್‍ಯೀ ತಾಂತುಂ ಚಲ್ತಾ. ತುಮ್ಕಾಂ ಹಾಸಂವ್ಕ್‌ಚ್ ಮ್ಹಣ್ ಬಾಲ್ತು ಆಸಾ! ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಲೇಖನಾಚ್ಯಾ ಆಖೇರಿಕ್ ದಿಲ್ಲೆಂ ಲಿಂಕ್ ಕ್ಲಿಕ್ ಕರ್ನ್ ಭರ್ತಿ ಜಾವ್ಯೆತ್.

ಫೆಬ್ರವರಿ-ಮಾರ್ಚ್ 2024 ಮಹಿನ್ಯಾಚೊ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧೊ ಎದೊಳ್‍ಚ್ ಪ್ರಕಟ್ ಕೆಲಾ. ಸವೆಂ ವಿ.ಜೆ.ಪಿ. ಸಲ್ಡಾನ್ಹಾಚ್ಯಾ ‘ಸೊವೊ ಸುಂರ್ಗಾರುನ್’ ಕಾದಂಬರಿಚೆರ್ ಆಮಿ ಕ್ವಿಜ್ ಸ್ಪರ್ಧೊ ಆಸಾ ಕೆಲಾ. ಮಂಗ್ಳುರ್ಚ್ಯಾ ಫಾಮಾದ್ ‘ಸನ್-ರೇ ಸೋಲಾರ್’ ಕಂಪೆನಿನ್ ಹ್ಯಾ ಸ್ಪರ್ಧ್ಯಾಚಿಂ ನಗದ್ ಇನಾಮಾಂ ಸ್ಪಾನ್ಸರ್ ಕೆಲ್ಯಾಂತ್. ವಿವರಾಕ್ ಸಕಯ್ಲ್ ಲಿಂಕ್ ದಿಲ್ಯಾತ್, ಉಗ್ತೆ ಕರ್ನ್ ವಾಚಾ.

ಕೊಂಕ್ಣಿ ಭಾಸ್, ಸಾಹಿತ್ಯ್, ಸಾಹಿತಿಂಕ್, ಮನ್ಶ್ಯಾಂಕ್ ತಶೆಂ ಸಂಸ್ಥ್ಯಾಂಕ್ ಊಂಚ್ ಉಬಾರುನ್ ಅಪ್ರತಿಮ್ ಸಾಧನ್ ಕರುನ್ ದಾಖ್ಲೊ ರಚ್‍ಲ್ಲ್ಯಾ ‘ಬುಡ್ಕುಲೊ’ನ್ ಆತಾಂ ವಾಚ್ಪ್ಯಾಂಕ್‍ಯೀ ಊಂಚ್ ಉಬಾರ್ಚೆಂ ಮಿಸಾಂವ್ ಜಾರಿ ಕೆಲಾಂ ಆನಿ ನವಿ ಚರಿತ್ರಾ ಘಡ್ಲ್ಯಾ. ಅಸಲಿಂ ಅದ್ಭುತಾಂ ಆಮಿ ನಿರಂತರ್ ರಚುನ್ ಆಸಾಂವ್. ಹೆಂ ಆಮ್ಕಾಂ ಚಡ್ ದಾದೊಸ್ಕಾಯೆಚೆಂ. ಲೊಕಾಚೊ ಸಹಕಾರ್ ಆನಿ ಪಾಟಿಂಬೊಯೀ ಹ್ಯಾ ದಿಶೆನ್ ಆಮ್ಕಾಂ ಆಧಾರ್ ಜಾಲಾ. ಜೈ ಕೊಂಕಣಿ.

ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 7: ಸವಾಲಾಂ

ಸೊವೊ ಸುಂರ್ಗಾರುನ್ ಕಾದಂಬರಿಚೆರ್ ಕ್ವಿಜ್

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

Watch TV Interview with PRO of Mangalore Diocese Fr J.B. Saldanha – Click Here

ಬಸ್ರೀಕಟ್ಟೆಚೆಂ ಹಿಮಗಿರಿ ಹೋಮ್‍ಸ್ಟೇ – Click Here

The post ಕಲಾ ಸಂಪತ್ ಕ್ವಿಜ್ – 6 ಫಲಿತಾಂಶ್: ಜಾನ್ ಸಿರಿಲ್ ಸೊಜ್ ಜಿಕ್ತಾ ಪಯ್ಲೆಂ ಇನಾಮ್ appeared first on Budkulo.

‘ವೀಜ್ ಕೊಂಕಣಿ’ ಇ-ಹಫ್ತ್ಯಾಳ್ಯಾಚೊ ಸಂಪಾದಕ್, ಚಿಕಾಗೊಚ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುನ್ ಆಮ್ಚ್ಯಾ ಹ್ಯಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ನಗದ್ ಇನಾಮಾಂ ಪ್ರಾಯೋಜನ್ ಕೆಲ್ಯಾಂತ್. ಪಯ್ಲೆಂ ಆನಿ ದುಸ್ರೆಂ ಇನಾಮ್ ಜಿಕ್ಲೆಲ್ಯಾಂಕ್ ಚಿಕ್‍ಮಗ್ಳುರ್ ಜಿಲ್ಲೊ ಕೊಪ್ಪ ತಾಲೂಕಾಚ್ಯಾ ಬಿಳಾಲ್‍ಗಿರಿ ಎಸ್ಟೇಟಿಂತ್ಲ್ಯಾ ಹಿಮಗಿರಿ ಹೋಮ್‍ಸ್ಟೇಂತ್ ಎಕಾ ದಿಸಾಚಿ ವಸ್ತಿ ಆನಿ ಖಾಣ್ ಸಂಪೂರ್ಣ್ ಫುಂಕ್ಯಾಕ್ ಮೆಳ್ತೆಲೆಂ. ಹೆಂ ಇನಾಮ್ ಹೋಮ್‍ಸ್ಟೇಚೊ ಮ್ಹಾಲಕ್ ಮಾನೆಸ್ತ್ ಪ್ರಮೋದ್ ಪಿಂಟೊನ್ ‘ಬುಡ್ಕುಲೊ’ ವಾಚ್ಪ್ಯಾಂಕ್ ದಿಲಾಂ. ಹ್ಯಾ ದೊಗಾಂಯ್ಕೀ ದೇವ್ ಬರೆಂ ಕರುಂ.

ಸ್ಪರ್ಧ್ಯಾಚಿಂ ಸವಾಲಾಂ:

ಪಯ್ಲೊ ವಿಭಾಗ್:

1. ಎ. ವೆಗ್ಳಾಚಾರ್ ಕಾಣಿಯೆಚಿ ಮೂಳ್ ಕಾಣಿ ಬರಯಿಲ್ಲಿ ಕೊಣೆಂ? ಬಿ. ಖಂಚ್ಯಾ ಭಾಶೆಂತ್? ಸಿ. ಬುಡ್ಕುಲೊ ಇ-ಪತ್ರಾಂತ್ ಫಾಯ್ಸ್ ಜಾಲ್ಲಿ ತಾಚಿ ಆನ್ಯೇಕ್ ಕಾಣಿ ಖಂಚಿ? ಡಿ. ತಿ ಕೊಣೆಂ ಅನುವಾದಿತ್ ಕೆಲ್ಲಿ?

ವಯ್ಲ್ಯಾ ಸವಾಲಾಕ್ 1+1+1+1 ಒಟ್ಟುಕ್ 4 ಅಂಕ್.

2. ಎ. ಪತಿಚ್ಯಾ ಯೆಣ್ಯಾಕ್ ರಾಕೊನ್ ಆಸ್‍ಲ್ಲಿ ವ್ಯಕ್ತಿ ಕೋಣ್? ಬಿ. ತಿಚ್ಯಾ ಪತಿಚೆಂ ನಾಂವ್ ಕಿತೆಂ? ಸಿ. ತೊ ಕಸಲ್ಯಾ ಉದ್ಯೋಗಾರ್ ಆಸ್‍ಲ್ಲೊ?

ವಯ್ಲ್ಯಾ ಸವಾಲಾಕ್ 1+1+1 ಒಟ್ಟುಕ್ 3 ಅಂಕ್.

3. ಆಂಗ್ಡಿ ಥಾವ್ನ್ ಮೇರಿ ಮೆಲೋನಿ ಕಿತೆಂ ಹಾಡುಂಕ್ ಗೆಲ್ಲಿ?

ವಯ್ಲ್ಯಾ ಸವಾಲಾಕ್ 2 ಅಂಕ್.

4. ಚಡ್ತಿಕ್ ಕಿತೆಂ ತಿ ಹಾಡ್ನ್ ಯೆತಾ?

ವಯ್ಲ್ಯಾ ಸವಾಲಾಕ್ 1 ಅಂಕ್.

5. ಪೆಟ್ರಿಕ್ ಮೆಲೋನಿಚ್ಯಾ ಖುನಿಯೆಕ್ ವಾಪಾರ್ಲೆಲಿ ವಸ್ತ್ ಕಿತೆಂ?

ವಯ್ಲ್ಯಾ ಸವಾಲಾಕ್ 1 ಅಂಕ್.

6. ಪೊಲಿಸ್ ಕಿತ್ಯಾಚಿ ಸೊಧ್ನಾಂ ಕರ್ತಾಲೆ?

ವಯ್ಲ್ಯಾ ಸವಾಲಾಕ್ 2 ಅಂಕ್.

7. ಪೆಟ್ರಿಕಾಚಿ ಖುನ್ ಕೊಣೆಂ ಕೆಲ್ಲಿ?

ವಯ್ಲ್ಯಾ ಸವಾಲಾಕ್ 2 ಅಂಕ್.

ಪಯ್ಲ್ಯಾ ವಿಭಾಗಾಂತ್ಲ್ಯಾ ಸವಾಲಾಂಕ್ (4+3+2+1+1+2+2) ಒಟ್ಟುಕ್ 15 ಅಂಕ್.

ದುಸ್ರೊ (ಟೈಬ್ರೇಕರ್) ವಿಭಾಗ್:

1. ಹ್ಯಾ ಕಾಣಿಯೆಂತ್ ಜಾಂವ್ಚ್ಯಾ ಖುನಿಯೆಕ್ ಕಾರಣ್ ಕಿತೆಂ ಮ್ಹಣ್ ತುಮ್ಕಾಂ ಭೊಗ್ತಾ?

ವಯ್ಲ್ಯಾ ಸವಾಲಾಕ್ 5 ಅಂಕ್.

2. ಖುನಿಗಾರ್ ಪೊಲಿಸಾಂಕ್ ಶಿರ್ಕೊನ್ ಪಡನಾತ್‍ಲ್ಲ್ಯಾಕ್ ಕಾರಣ್ ಕಿತೆಂ?

ವಯ್ಲ್ಯಾ ಸವಾಲಾಕ್ 3 ಅಂಕ್.

3. ಹೆರ್ ಭಾಶೆಂ ಥಾವ್ನ್ ಕೊಂಕ್ಣೆಕ್ ಅನುವಾದಿತ್ ಜಾಲ್ಲ್ಯೊ ಕಾಣಿಯೊ ವಾಚುಂಕ್ ತುಮ್ಕಾಂ ಕಶೆಂ ಭೊಗ್ತಾ? ಅನುವಾದ್ ಕೆಲ್ಲ್ಯಾ ವರ್ವಿಂ ಕಿತೆಂ ಫಾಯ್ದೊ ಜಾತಾ?

ವಯ್ಲ್ಯಾ ಸವಾಲಾಕ್ 5 ಅಂಕ್.

4. ಕೊಂಕ್ಣೆಂತ್ ಅನುವಾದ್ ಸಾಹಿತ್ಯಾಕ್ ನಾಂವಾಡ್‍ಲ್ಲ್ಯಾ ಕನಿಷ್ಠ್ ದೊಗಾಂ ಬರವ್ಪ್ಯಾಂಚಿಂ ನಾಂವಾಂ ಸಾಂಗಾ.

ವಯ್ಲ್ಯಾ ಸವಾಲಾಕ್ 2 ಅಂಕ್

ದುಸ್ರ್ಯಾ (ಟೈಬ್ರೇಕರ್) ವಿಭಾಗಾಂತ್ಲ್ಯಾ ಸವಾಲಾಂಕ್ (5+3+5+2) ಒಟ್ಟುಕ್ 15 ಅಂಕ್. ಪಯ್ಲ್ಯಾ ಆನಿ ದುಸ್ರ್ಯಾ ವಿಭಾಗಾಂಚೆ ಒಟ್ಟುಕ್ 30 ಅಂಕ್.

ಬಂಪರ್ ಇನಾಮಾಂ:

ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಖಚಿತ್ ಇನಾಮಾಂ (ರು. 750 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೆಗಾಂಕ್ ರು. 400 ಐವಜಾಚಿಂ ಖಚಿತ್ ನಗದ್ ಇನಾಮಾಂ ಲಾಭ್ತೆಲಿಂ. ಅಶೆಂ ಭರ್ತಿ ರು. 8,500 ಐವಜಾಚಿಂ ನಿಶ್ಚಿತ್ ಇನಾಮಾಂ! (ಅಂಕ್ ಬರೆ ಆಸ್ಲ್ಯಾರ್ ಆನಿ ಜಾಪಿ ಮೆಚ್ವಣೆಕ್ ಪ್ರಾಪ್ತ್ ಜಾಲ್ಯಾರ್ ಆಮ್ಚ್ಯಾ ತರ್ಫೆನ್ ಎಕ್ಲ್ಯಾಕ್ ಚಡ್ತಿಕ್ ತಿಸ್ರೆಂ ಇನಾಮ್ ದಿತಾಂವ್. ಎದೊಳ್ ದೋನ್ ಪಾವ್ಟಿಂ ದಿಲ್ಯಾಂತ್).

ಸ್ಪರ್ಧ್ಯಾಚಿಂ ನಿಯಮಾಂ ಆನಿ ನಿಬಂಧನಾಂ:

1. ಹ್ಯಾ ಪಾವ್ಟಿಂ ದೋನ್ ವಿಭಾಗಾಂನಿ ಸವಾಲಾಂ ದಿಲ್ಯಾಂತ್. ದೊನೀ ವಿಭಾಗ್ ಮೆಳೊನ್ ಚಡ್ ಅಂಕ್ ಕೋಣ್ ಜೊಡ್ತಾ ತಾಂಕಾಂ ಇನಾಮಾಂ ಮೆಳ್ತಾತ್. ಟೈ ಜಾಲ್ಯಾರ್ ಶಿಸ್ತ್, ಜಾಣ್ವಾಯ್, ಭಾಶೆಚಿ ಸೊಭಾಯ್ ಆನಿ ನಿಯಮಾಂ ಸಾರ್ಕೆಂ ಪಾಳ್‍ಲ್ಲ್ಯಾಂಕ್ ಬೋನಸ್ ಅಂಕ್ ದೀವ್ನ್ ವಿಜೇತಾಂಚಿ ವಿಂಚವ್ಣ್ ಚಲ್ತೆಲಿ.

2. ಜಾಪಿ ಧಾಡ್ತೆಲ್ಯಾಂನಿ ಸವಾಲಾಂಚ್ಯಾ ನಂಬ್ರಾ ಮುಖಾರ್ ತ್ಯಾ ತ್ಯಾ ಸವಾಲಾಚಿ ಜಾಪ್ ಲಿಖಿಜೆ. ಹರ್ ಪಾನಾಚೆರ್ ಪೇಜ್ ನಂಬರ್ ಘಾಲಿಜೆ. ಸಂಗಿಂ ತುಮ್ಚೆಂ ಸಗ್ಳೆಂ ನಾಂವ್, ಗಾಂವ್, ಘರ್ಚೊ ವಿಳಾಸ್ ಆನಿ ಮೊಬೈಲ್ ನಂಬರ್ ಜಾಪಿಂ ಸಾಂಗಾತಾಚ್ ಪಯ್ಲ್ಯಾ ಪಾನಾರ್ ಸುರ್ವೆರ್ ವಾ ನಿಮಾಣ್ಯಾ ಪಾನಾರ್ ಆಖೇರಿಕ್ ಬರಯ್ಜೆ.

3. ಜಾಪಿ ಆಮ್ಚ್ಯಾ ಇಮೈಲಾಕ್ budkuloepaper@gmail.com ಧಾಡಿಜೆ. ಇಮೈಲ್ ಕರುಂಕ್ ಕಳಿತ್ ನಾತ್‍ಲ್ಲ್ಯಾ ಮಾಲ್ಗಡ್ಯಾಂನಿ ಮಾತ್ರ್ ವಾಟ್ಸಪ್ ಕರ್ಯೆತ್. ದೊನೀ ಕಡೆನ್ ಆನಿ repeatedly ಧಾಡಿನಾಕಾತ್.

4. ಜಾಪಿ ಕನ್ನಡ ಲಿಪಿಂತ್ ಮಾತ್ರ್ ಧಾಡ್ಯೆತ್. ಇಮೈಲಾಚ್ಯಾ ಸಬ್ಜೆಕ್ಟಾರ್ Kala Sampath Quiz 7 Answers ಮ್ಹಣ್ ಬರಯ್ಜೆ. ಸೂಚನ್ 1: ಟೈಪ್ ಕರುಂಕ್ ಕಳನಾತ್ಲೆಲ್ಯಾಂನಿ ಕಾಗ್ದಾಚೆರ್ ಹಾತಾಂತ್ ಬರವ್ನ್ ತಾಚಿ ಫೊಟೊ ಧಾಡ್ಯೆತ್. ಸೂಚನ್ 2: ತುಮಿ ಹೆರಾಂಚಿ ಕುಮಕ್ ಘೆವ್ನ್, ಉದಾ: ಸೈಬರ್ ಸೆಂಟರಾ ಮುಖಾಂತ್ರ್, ಇಮೈಲ್ ಧಾಡ್ತಾತ್ ತರ್ ತುಮ್ಚೆಂ ನಾಂವ್ ಆನಿ ಸಂಪರ್ಕ್ ವಿವರ್ ಸಾರ್ಕ್ಯಾನ್ ಲಗ್ತಿ ಕರಾ.

5. ಜಾಪಿ ಧಾಡುಂಕ್ ನಿಮಾಣಿ ತಾರಿಕ್ ಮಂಗ್ಳಾರ್, ಎಪ್ರಿಲ್ 30, 2024. ಫಲಿತಾಂಶ್ ಬುಧ್ವಾರಾ, ಮೇ 15, 2024ವೆರ್ ಪ್ರಕಟ್ ಜಾತೆಲೆಂ.

6. ಮುಖ್ಯ್ ಸೂಚನ್/ಕಳವ್ಣಿ: ಆಮ್ಚ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಕೊಣಾಯ್ಕೀ ನಿರ್ಬಂಧ್ ನಾ. ಕೊಂಕ್ಣಿ ಕಳಿತ್ ಆಸ್ಚ್ಯಾ ಕೊಣೆಂಯೀ ಭಾಗ್ ಘೆವ್ಯೆತ್. ಪುಣ್ ಖುಶಾಲಾಯೆಕ್ ಜಾಂವ್ ವಾ ಹೆರ್ ಕಸಲ್ಯಾಯೀ ಇರಾದ್ಯಾಂನಿ ಜಾಂವ್ ಎಕಾಚ್ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ ವ್ಯಕ್ತಿಂನಿ ಎಕ್ಲ್ಯಾನ್ ತಯಾರ್ ಕೆಲ್ಲ್ಯೊ ಜಾಪಿಚ್ ನಕಲ್ ಕರ್ನ್ ಧಾಡ್ಚ್ಯಾಕ್ ನಿರ್ಬಂಧ್ ಆಸಾ. ಆದಿಂ ತಶೆಂ ಚಲ್‍ಲ್ಲೆಂ. ಫುಡೆಂ ತಸಲ್ಯಾಕ್ ಅವ್ಕಾಸ್ ನಾ. ತಶೆಂ ಮ್ಹಣ್ ಎಕಾ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ತಿಕ್ ಸಾಂದ್ಯಾಂನಿ ಭಾಗ್ ಘೆಂವ್ಕ್ ಆಮಿ ಆಡ್ವಾರಿನಾಂವ್. ಖಂಡಿತ್ ಕೊಣೆಂಯೀ ಕಿತ್ಲ್ಯಾಯೀ ಜಣಾಂನಿ ಭಾಗ್ ಘೆವ್ಯೆತ್. ಪುಣ್ ನಕಲ್ ಬಿಲ್ಕುಲ್ ಕರಿನಜೊ. ಸ್ವಂತ್ ಪರಿಶ್ರಮ್ ಕಾಡ್ನ್ ಆಪ್ಣೆಂಚ್ ಬರವ್ನ್ ಧಾಡ್ಲ್ಯಾರ್ ಸ್ವಾಗತ್ ಆಸಾ.

7. ಸ್ಪರ್ಧಿಂನಿ ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಅಸ್ಚೆಂ ಕಡ್ಡಾಯೆಚೆಂ. ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಮಾತ್ರ್ ಇನಾಮ್ ಮೆಳ್ತೆಲೆಂ. ಭರ್ತಿ ಜಾಂವ್ಕ್ ನಾತ್ಲೆಲ್ಯಾಂ ಖಾತಿರ್ ಗ್ರೂಪಾಚೆಂ ಲಿಂಕ್ ಸಕಯ್ಲ್ ದಿಲಾಂ. ಸ್ಪರ್ಧ್ಯಾಕ್ ಸಂಬಂಧ್ ಜಾಲ್ಲಿಂ ಚಡ್ತಿಕ್ ಸೂಚನಾಂ, ಪೂರಕ್ ಗಜಾಲಿ ತಶೆಂಚ್ ಹೆರ್ ಸರ್ವ್ ಪ್ರಕಟಣಾಂ, ಕಳವ್ಣ್ಯೊ, ಆಕರ್ಷಕ್ ಚಟುವಟಿಕ್ಯೊ, ಹಾಸ್ಯ್ ಬರ್ಪಾಂ ಇತ್ಯಾದಿ ಆಮಿ ಥಂಯ್ ದಿತಾಂವ್. ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಆಮಿ ದಿಂವ್ಚಿ ಮಾಹೆತ್ ಉಪ್ಕಾರಾಚಿ ಜಾತಾ; ಸ್ಪರ್ಧ್ಯಾಚ್ಯೊ ಜಾಪಿ ತಶೆಂ ಕ್ಲೂ ಇನಾಮ್ ಜಿಕ್ತೆಲ್ಯಾಂಕ್ ಆಧಾರ್ ಜಾತಾತ್. ದೆಕುನ್ ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಸಕಯ್ಲ್ ದಿಲ್ಲೆಂ ಲಿಂಕ್ ವಾಪಾರುನ್ ಭರ್ತಿ ಜಾಂವ್ಚೆಂ.

ಹ್ಯಾ ಅಮೋಘ್ ಸ್ಪರ್ಧ್ಯಾಂತ್ ತುಮಿ ಭಾಗ್ ಘೆಂವ್ಚ್ಯಾ ಸವೆಂ ತುಮ್ಚ್ಯಾ ಲಾಗ್ಶಿಲ್ಯಾಂಕ್ ಆನಿ ಹೆರಾಂಕ್‍ಯೀ ಭಾಗ್ ಘೆಂವ್ಕ್ ಉತ್ತೇಜಿತ್ ಕರಾ. ಹಿ ಖಬರ್ ಸಕ್ಡಾಂಕ್ ಪಾವಯಾ. ಕೊಂಕ್ಣಿ ವಾಚ್ಪ್ಯಾಂಕ್‍ಯೀ ಇನಾಮಾಂ ದೀವ್ನ್ ಬುಡ್ಕುಲೊ ಮಾಧ್ಯಮಾನ್ ಆನ್ಯೇಕ್ ದಾಖ್ಲೊ ರಚ್ಲಾ. ಮುಖಾರಿಂ ಆನಿಕೀ ಬರೆ, ಕ್ರಿಯಾತ್ಮಕ್ ಸ್ಪರ್ಧೆ ಆಮಿ ಮಾಂಡುನ್ ಹಾಡ್ತೆಲ್ಯಾಂವ್. ತುಮ್ಚೆಂ ವಾಂಟೆಲಿಪಣ್, ಪಾಟಿಂಬೊ ಆಮ್ಕಾಂ ಸದಾಂಚ್ ಪ್ರೇರಣ್.

ಗುಮಾನಾಕ್ (Disclaimer): ಆಮಿ ಮಾಂಡುನ್ ಹಾಡ್ಚ್ಯಾ ಹ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧ್ಯಾ ಬಾಬ್ತಿಂ ಸರ್ವ್ ಆನಿ ಅಂತಿಮ್ ಹಕ್ಕಾಂ, ಸಂಪೂರ್ಣ್ ನಿಚೆವಾಚೆಂ ಸ್ವಾತಂತ್ರ್ಯ್ ಆನಿ ಪರಮಾಧಿಕಾರ್ ‘ಬುಡ್ಕುಲೊ’ ಸಂಪಾದಕಾಚೊ ಜಾವ್ನಾಸ್ತಲೊ. ಹ್ಯಾ ಲಗ್ತಿಂ ಕಸಲ್ಯಾಚ್ ತಕ್ರಾರ್ ವಾ/ಆನಿ ಸಂವಹನಾಕ್ ಆಸ್ಪದ್ ಆಸ್ಚೊ ನಾ.

ವೆಗ್ಳಾಚಾರ್ ಕಾಣಿ (ಕ್ಲಿಕ್ ಕರ್ನ್ ವಾಚಾ)

ಆಮಿ ಪ್ರಕಟ್ ಕೆಲ್ಲ್ಯೊ ಸರ್ವ್ ಕಾಣಿಯೊ ವಾಚುಂಕ್ ಕ್ಲಿಕ್ ಕರಾ

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

The post ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 7: ಅನುವಾದಿತ್ ‘ವೆಗ್ಳಾಚಾರ್’ ಕಾಣಿಯೆಚೆರ್ ಸವಾಲಾಂ appeared first on Budkulo.

‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 5’ ಫಲಿತಾಂಶ್:

ಪಯ್ಲೆಂ ಇನಾಮ್ ಜೊಡ್ತಾ: ಸಿಸ್ಟರ್ ಅಸುಂಪ್ತಾ ಬಿ.ಎಸ್. (73½ ಅಂಕ್). ದುಸ್ರೆಂ ಇನಾಮ್ ಆಪ್ಣಾಯ್ತಾ: ಜಾನ್ ಸಿರಿಲ್ ಡಿಸೋಜ, ಆಗ್ರಾರ್ (73 ಅಂಕ್). ತಿಸ್ರೆಂ ಇನಾಮ್ ತೆಗಾಂಕ್ ಫಾವೊ ಜಾಲಾಂ. ತಿಂ ಆಸಾತ್: ರೋಶಲ್ ಪ್ರಿಯಾ ಡಿಸೋಜ, ಪಾಲಡ್ಕ (71 ಅಂಕ್); ಗ್ರೆಸಿಲ್ಲಾ ಮಿನೇಜಸ್, ಕಣಜಾರ್ (69½ ಅಂಕ್); ಆನಿ ಪ್ಯಾಟ್ಸಿ ಮೊಂತೇರೊ, ಪಾಲ್ದನೆ (68½ ಅಂಕ್). ಹ್ಯಾ ಸರ್ವ್ 5 ಜಣಾಂಕ್ ನಗದ್ ಇನಾಮಾಂ ಫಾವೊ ಜಾತಾತ್. ಹಾಂಕಾಂ ಅಭಿನಂದನ್.

ಊಂಚ್ ಅಂಕ್ ಆಪ್ಣಾಯಿಲ್ಲಿಂ ಹೆರಾಂ: ವಯೊಲೆಟ್ ಲೋಬೊ ಪೆರ್ನಾಲ್ (66½ ಅಂಕ್); ಲವಿನಾ ಡಿಸೋಜ, ಆಗ್ರಾರ್ (66½ ಅಂಕ್); ಜಸ್ಟಿನ್ ಜುಡಿತ್ ಡಿಸೋಜ, ಬೆಂಗ್ಳುರ್ (63 ಅಂಕ್); ರೋಶನ್ ತೋಮಸ್ ಲೋಬೊ, ಮಿಯಾರ್-ಕಾರ್ಕಳ್ (63 ಅಂಕ್); ಗ್ರೇಸಿಯಾ ಜಾನೆಟ್ ಡಿಮೆಲ್ಲೊ, ಮೈಸೂರ್ (62 ಅಂಕ್) ಆನಿ ವಿನೀತ ಮಾರ್ಟಿಸ್, ಬಾರ್ಕುರ್ (61 ಅಂಕ್). ಹಾಂಕಾಂಯೀ ಉಲ್ಲಾಸಿತಾಂವ್.

ಹ್ಯಾ ಆಮ್ಚ್ಯಾ, ಪಾಂಚ್ವ್ಯಾ, ಸ್ಪರ್ಧ್ಯಾಕ್ ಒಟ್ಟುಕ್ 13 ಜಣಾಂನಿ ಜಾಪಿ ಧಾಡ್ನ್ ಸ್ಪರ್ಧ್ಯಾಂತ್ ಭಾಗ್ ಘೆತ್ಲಾ. ತೀನ್ ವಿಭಾಗಾಂಚ್ಯಾ 17 ಸವಾಲಾಂಕ್ (ಆನಿ ಉಪ ಸವಾಲಾಂಕ್) ಒಟ್ಟುಕ್ 75 ಅಂಕ್ ಆಸ್‍ಲ್ಲೆ.

ಇನಾಮಾಂ ಜೊಡ್‍ಲ್ಲ್ಯಾಂಕ್ ಉಲ್ಲಾಸ್, ಬರೆ ಅಂಕ್ ಆಪ್ಣಾಯಿಲ್ಲ್ಯಾಂಕ್ ಅಭಿನಂದನ್. ಪಾತ್ರ್ ಘೆತ್‍ಲ್ಲ್ಯಾ ಸರ್ವಾಂಕೀ ಶಾಭಾಸ್ಕಿ ಪಾಟಯ್ತಾಂವ್. ತುಮ್ಚೆರ್ ಆಮ್ಕಾಂ ವರ್ತೊ ಅಭಿಮಾನ್ ಭೊಗ್ತಾ.

ಸಾರ್ಕ್ಯೊ ಜಾಪಿ:

ಪಯ್ಲೊ ವಿಭಾಗ್ – ಮಿಶಾಲ್ ಡಿಕೋಸ್ತಾಚೆಂ ಸಂದರ್ಶನ್:

1. ಎ. ನೀರುಡೆ. ಬಿ. ಯುಪಿಎಸ್ಸಿ ಪರೀಕ್ಷೆಂತ್ 387ವೆಂ ರ್‍ಯಾಂಕ್. ಸಿ. ಆವಯ್: ನ್ಯಾನ್ಸಿ ಫೆಲ್ಸಿ ಲೋಬೊ, ಬಾಪಯ್: ಲಾಜರಸ್ ಡಿಕೋಸ್ತ.

2. ಐ.ಎ.ಎಸ್., ಐ.ಪಿ.ಎಸ್., ಐ.ಎಫ್.ಎಸ್. ಆನಿ ಐ.ಆರ್.ಎಸ್.

3. ಎ. ಕೆಪಿಎಸ್‍ಸಿ. ಬಿ. ಐ.ಆರ್.ಎಸ್. (ಇಂಡಿಯನ್ ರೆವಿನ್ಯೂ ಸರ್ವಿಸ್).

4. ಬ್ಯಾಡ್‍ಮಿಂಟನ್ ಖೆಳ್ಚೆಂ, ಸಂಗೀತ್ ಆಯ್ಕೊಂಚೆಂ, ಕ್ರಾಫ್ಟ್ ವರ್ಕ್, ಕೊಯರಾಂತ್ ಭಾಗ್ ಘೆಂವ್ಚೆಂ, ಘರ್ಚ್ಯಾ-ತೊಟಾಚ್ಯಾ ಕಾಮಾಂತ್ ಮೆತೆರ್ ಜಾಂವ್ಚೆಂ. ತಶೆಂಚ್ ನಿತಳಾಯ್, ಶಿಂವ್ಚೆಂ ಆನಿ ಮಾಡಿಯೆಕ್ ಚಡೊನ್ ಮಿರಿಂ ಕಾಡ್ಚೆಂ.

5. “ಭುರ್ಗ್ಯಾಂಕ್ ಕಿತೆಂ ಸಕ್ಕಡ್ ಶಿಕ್ಯೆತ್ ಮ್ಹಣ್ ದಾಕವ್ನ್ ದಿಯಾ, ಪುಣ್ ಹೆಂಚ್ ಶಿಕ್, ತೆಂಚ್ ಕರ್ ಮ್ಹಣ್ ಒತ್ತಡ್ ಘಾಲಿನಾಕಾತ್. ತಿ ತಾಂಚಿ ವಿಂಚವ್ಣ್ ಜಾಯ್ಜೆ. ತಾಂಚಿ ಸಾಮರ್ಥಿ ಖಂಚ್ಯಾಂತ್ ಆಸಾ ತೆಂ ತಾಂಕಾಂ ಕಳಯಾ. ತೆಂ ಸೊಡ್ನ್ ತುಮಿ ದಾಕವ್ನ್ ದಿಲ್ಲೆಂಚ್ ಧರಿಜೆ ಮ್ಹಣ್ ಜಬರ್ದಸ್ತ್ ಕರಿನಾಕಾತ್…” (ಸಂದರ್ಶನಾಂತ್ಲ್ಯೊ ಹೆರ್ ಗಜಾಲಿಯೀ ಸೂಕ್ತ್ ರಿತಿನ್ ಹ್ಯಾ ಜಾಪಿಕ್ ಮೆಳಯಿಲ್ಲ್ಯಾಂಕ್ ಚಡ್ತಿಕ್ ಅಂಕ್ ದಿಲ್ಯಾತ್).

6. Responsive administration ದಿಂವ್ಚೆಂ, ಎಕೌಂಟೆಬಿಲಿಟಿ, ಚಡ್ ಆನಿ ಚಡ್ ಲೊಕಾಕ್ ಆಡಳ್ತ್ಯಾಂತ್ ಭಾಗ್ ಘೆಂವ್ಚೆಪರಿಂ ಪಳೆಂವ್ಚೆಂ, ಆಡಳ್ತೆಂ ಪಾರದರ್ಶಕ್ ಕರ್ಚೆಂ ಏಕ್ ಅಧಿಕಾರಿ ಜಾವ್ನ್ ಆಪ್ಣಾಚ್ಯೊ ಆದ್ಯತಾ ಮ್ಹಣ್ತಾ ಮಿಶಾಲ್. ಇ-ಗವರ್ನೆನ್ಸ್ ಪರಿಣಾಮ್‍ಕಾರಿ ರಿತಿನ್ ಜಾರಿ ಕರ್ಚೆಂ, ಸರ್ಕಾರಾಚಿಂ ಯೋಜನಾಂ ಲೊಕಾಕ್ ಪಾವಂವ್ಚೆಂ ತಾಚೆ ಪ್ರಮುಖ್ ಧ್ಯೇಯ್. ಗ್ರಾಮೀಣ್ ಪ್ರದೇಶಾಂಚಿ ಅಭಿವೃದ್ಧಿ, sustainable development, ಸ್ತ್ರೀಯಾಂಚೆಂ ಸಬಲೀಕರಣ್, ಪಾಟಿಂ ಉರ್‌ಲ್ಲ್ಯಾ ಕ್ಷೇತ್ರಾಂನಿ ಸ್ತ್ರೀಯಾಂಕ್ ಚಡ್ ಮುಖಾರ್ ಹಾಡ್ಚೆಂ, ಕ್ವಾಲಿಟಿ ಹೆಲ್ತ್ ಕೇರ್ ಆನಿ ಕ್ವಾಲಿಟಿ ಎಜುಕೇಶನಾಕ್ ಪ್ರಾಮುಖ್ಯತಾ ದಿಂವ್ಚೆಂ ಆನಿ ಪ್ರಮುಖ್ ಜಾವ್ನ್ ಗ್ರಾಸ್‍ರೂಟ್ ಹಂತಾರ್ ಹೆಂ ಚಡ್ ಗರ್ಜೆಚೆಂ ಮ್ಹಣ್ತಾ ತೆಂ. (ಸಂದರ್ಶನಾಂತ್ಲ್ಯೊ ಹೆರ್ ಗಜಾಲಿಯೀ ಸೂಕ್ತ್ ರಿತಿನ್ ಹ್ಯಾ ಜಾಪಿಕ್ ಮೆಳಯಿಲ್ಲ್ಯಾಂಕ್ ಚಡ್ತಿಕ್ ಅಂಕ್ ದಿಲ್ಯಾತ್).

7. ಐ.ಸಿ.ಟಿ. (Information & Communication Technology).

ದುಸ್ರೊ ವಿಭಾಗ್ – ಆಸ್ಟಿನ್ ಡಿಸೋಜಾಚೆಂ ಸಂದರ್ಶನ್:

1. ಎ. ಮಿತ್ರ್, ಕಾಣಿಕ್, ಝೆಲೊ, ಆಮ್ಚೊ ಯುವಕ್. ಬಿ. ವೀಜ್ ಕೊಂಕಣಿ ಇ-ಪತ್ರಾಚೊ.

2. ಲಯನ್ಸ್ ಕ್ಲಬ್ ಇಂಟರ್‌ನ್ಯಾಶನಲ್ ಕ್ಲಬ್ಬಾ ಮುಖಾಂತ್ರ್ ಅಮೆರಿಕಾಚ್ಯಾ ಚಿಕಾಗೊಂತ್ ವಿಶೇಸ್ ಸಮಾಜ್ ಸೆವಾ ಕೆಲ್ಲ್ಯಾ ಖಾತಿರ್.

3. ಎ. ದೆ. ವಿಕ್ಟರ್ ರೊಡ್ರಿಗಸ್ ಸ್ಮಾರಕ್ ಸಾಹಿತ್ಯ್ ಪ್ರಶಸ್ತಿ. ಬಿ. ಸಮನ್ವಯ ಸಂಸ್ಥ್ಯಾನ್.

4. ವಿಕ್ಟರ್ ರೊಡ್ರಿಗಸ್, ಚಾ.ಫ್ರಾ. ಡಿಕೋಸ್ತ, ಜೊ.ಸಾ. ಅಲ್ವಾರಿಸ್, ಎ.ಟಿ. ಲೋಬೊ, ವಿ.ಜೆ.ಪಿ. ಸಲ್ಡಾನ್ಹ, ಎಡಿ ನೆಟ್ಟೊ ಆನಿ ಹೆರ್… (ಕೊಣೀ ತೆಗಾಂಚಿಂ ನಾಂವಾಂ ದಿವ್ಯೆತೆಂ).

5. ಗವರ್ನರ್ (ಡಿಸ್ಟ್ರಿಕ್ಟ್ ಗವರ್ನರ್).

ತಿಸ್ರ್ಯಾ ವಿಭಾಗಾಚ್ಯೊ ಜಾಪಿ ಸಕ್ಡಾಂಚ್ಯೊ ಸ್ವಂತ್. ಉತ್ತೀಮ್ ಆನಿ ನಿಖರ್ ಜಾಪಿಂಕ್ ಚಡ್ ಅಂಕ್ ದಿಲ್ಯಾತ್.

ನಗದ್ ಆನಿ ಬಂಪರ್ ಇನಾಮಾಂ:

ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಇನಾಮಾಂ (ರು. 750 ನಗದ್, ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್, ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೆಗಾಂಕ್ ರು. 400 ನಗದ್ ದಿತಾಂವ್. (ನಗದ್ ಇನಾಮಾಂ ಗೂಗಲ್ ಪೇ ಕರ್ತಾಂವ್ ಆನಿ ತಾಚೆಂ ಸ್ಕ್ರೀನ್‍ಶಾಟ್ ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಘಾಲ್ತಾಂವ್).

ನಗದ್ ಇನಾಮ್ ಪ್ರಾಯೋಜನ್ ಕೆಲ್ಲ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುಕ್ ಆನಿ ಹಿಮಗಿರಿ ಹೋಮ್‍ಸ್ಟೇಂತ್ ವಸ್ತಿ ಒದಗ್ಸುನ್ ದಿಂವ್ಚ್ಯಾ ಬಸ್ರೀಕಟ್ಟೆಚ್ಯಾ ಪ್ರಮೋದ್ ಪಿಂಟೊಕ್ ಆಮಿ ವಂದಿತಾಂವ್. ತಾಂಚ್ಯಾ ಉದಾರ್ ಮನಾಕ್ ಆನಿ ಸಹಕಾರಾಕ್ ಧಿನ್ವಾಸ್ತಾಂವ್.

ಆಮಿ ಆಮ್ಚ್ಯಾ ವಾಚ್ಪಿ, ಅಭಿಮಾನಿ ಆನಿ ಹಿತೈಶಿಂ ಖಾತಿರ್ ಬುಡ್ಕುಲೊ ವಾಟ್ಸಪ್ ಗ್ರೂಪ್ ಸ್ಥಾಪನ್ ಕೆಲಾ. ತ್ಯಾ ಗ್ರೂಪಾಂ ಮುಖಾಂತ್ರ್ (ಆ್ಯಡ್ಮಿನ್ ಓನ್ಲಿ ಗ್ರೂಪ್ ತರೀ) ಆಮಿ ಸಾಂದ್ಯಾಂ ಸಂಗಿಂ ಸಂವಾದ್ ಚಲಯ್ತಾಂವ್. ಸ್ಪರ್ಧ್ಯಾಕ್ ಲಗ್ತಿ ಹಿಶಾರೆ, ಸೂಚನಾಂ, ಮಾಹೆತ್ ಥಂಯ್ಚ್ ಘಾಲ್ತಾಂವ್. ಸಾಂದ್ಯಾಂಕ್ ಫಾಯ್ದ್ಯಾ ಭರಿತ್ ಜಾಂವ್ಚ್ಯೊ ಗಜಾಲಿ, ಖಬ್ರೊ, ಚಟುವಟಿಕೊ, ಡೈಲಿ ಕ್ವಿಜ್ ಆನಿ ಜಾಣ್ವಾಯ್ ಪ್ರಸಾರ್ ಕರ್ಚೆಂ ಮಿಸಾಂವ್‍ಯೀ ತಾಂತುಂ ಚಲ್ತಾ. ತುಮ್ಕಾಂ ಹಾಸಂವ್ಕ್‌ಚ್ ಮ್ಹಣ್ ಬಾಲ್ತು ಆಸಾ! ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಲೇಖನಾಚ್ಯಾ ಆಖೇರಿಕ್ ದಿಲ್ಲೆಂ ಲಿಂಕ್ ಕ್ಲಿಕ್ ಕರ್ನ್ ಭರ್ತಿ ಜಾವ್ಯೆತ್.

ಜನವರಿ 2024 ಮಹಿನ್ಯಾಚೊ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧೊ ಎದೊಳ್‍ಚ್ ಪ್ರಕಟ್ ಕೆಲಾ. ಸವೆಂ ವಿ.ಜೆ.ಪಿ. ಸಲ್ಡಾನ್ಹಾಚ್ಯಾ ‘ಸೊವೊ ಸುಂರ್ಗಾರುನ್’ ಕಾದಂಬರಿಚೆರ್ ಆಮಿ ಕ್ವಿಜ್ ಸ್ಪರ್ಧೊ ಆಸಾ ಕೆಲಾ. ಮಂಗ್ಳುರ್ಚ್ಯಾ ಫಾಮಾದ್ ‘ಸನ್-ರೇ ಸೋಲಾರ್’ ಕಂಪೆನಿನ್ ಹ್ಯಾ ಸ್ಪರ್ಧ್ಯಾಚಿಂ ನಗದ್ ಇನಾಮಾಂ ಸ್ಪಾನ್ಸರ್ ಕೆಲ್ಯಾಂತ್. ವಿವರಾಕ್ ಸಕಯ್ಲ್ ಲಿಂಕ್ ದಿಲ್ಯಾತ್, ಉಗ್ತೆ ಕರ್ನ್ ವಾಚಾ.

ಕೊಂಕ್ಣಿ ಭಾಸ್, ಸಾಹಿತ್ಯ್, ಸಾಹಿತಿಂಕ್, ಮನ್ಶ್ಯಾಂಕ್ ತಶೆಂ ಸಂಸ್ಥ್ಯಾಂಕ್ ಊಂಚ್ ಉಬಾರುನ್ ಅಪ್ರತಿಮ್ ಸಾಧನ್ ಕರುನ್ ದಾಖ್ಲೊ ರಚ್‍ಲ್ಲ್ಯಾ ‘ಬುಡ್ಕುಲೊ’ನ್ ಆತಾಂ ವಾಚ್ಪ್ಯಾಂಕ್‍ಯೀ ಊಂಚ್ ಉಬಾರ್ಚೆಂ ಮಿಸಾಂವ್ ಜಾರಿ ಕೆಲಾಂ ಆನಿ ನವಿ ಚರಿತ್ರಾ ಘಡ್ಲ್ಯಾ. ಅಸಲಿಂ ಅದ್ಭುತಾಂ ಆಮಿ ನಿರಂತರ್ ರಚುನ್ ಆಸಾಂವ್. ಹೆಂ ಆಮ್ಕಾಂ ಚಡ್ ದಾದೊಸ್ಕಾಯೆಚೆಂ. ಲೊಕಾಚೊ ಸಹಕಾರ್ ಆನಿ ಪಾಟಿಂಬೊಯೀ ಹ್ಯಾ ದಿಶೆನ್ ಆಮ್ಕಾಂ ಆಧಾರ್ ಜಾಲಾ. ಜೈ ಕೊಂಕಣಿ.

KSK ಕ್ವಿಜ್ 6: ಸ್ಪರ್ಧ್ಯಾಚೆರ್ ಸವಾಲಾಂ Click

ಸೊವೊ ಸುಂರ್ಗಾರುನ್ ಕಾದಂಬರಿಚೆರ್ ಕ್ವಿಜ್

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

The post ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 5: ಸಿಸ್ಟರ್ ಅಸುಂಪ್ತಾ ಬಿ.ಎಸ್. ಜೊಡ್ತಾ ಪಯ್ಲೆಂ ಇನಾಮ್ appeared first on Budkulo.

‘ವೀಜ್ ಕೊಂಕಣಿ’ ಇ-ಹಫ್ತ್ಯಾಳ್ಯಾಚೊ ಸಂಪಾದಕ್, ಚಿಕಾಗೊಚ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುನ್ ಆಮ್ಚ್ಯಾ ಹ್ಯಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ನಗದ್ ಇನಾಮಾಂ ಪ್ರಾಯೋಜನ್ ಕೆಲ್ಯಾಂತ್. ಪಯ್ಲೆಂ ಆನಿ ದುಸ್ರೆಂ ಇನಾಮ್ ಜಿಕ್ಲೆಲ್ಯಾಂಕ್ ಚಿಕ್‍ಮಗ್ಳುರ್ ಜಿಲ್ಲೊ ಕೊಪ್ಪ ತಾಲೂಕಾಚ್ಯಾ ಬಿಳಾಲ್‍ಗಿರಿ ಎಸ್ಟೇಟಿಂತ್ಲ್ಯಾ ಹಿಮಗಿರಿ ಹೋಮ್‍ಸ್ಟೇಂತ್ ಎಕಾ ದಿಸಾಚಿ ವಸ್ತಿ ಆನಿ ಖಾಣ್ ಸಂಪೂರ್ಣ್ ಫುಂಕ್ಯಾಕ್ ಮೆಳ್ತೆಲೆಂ. ಹೆಂ ಇನಾಮ್ ಹೋಮ್‍ಸ್ಟೇಚೊ ಮ್ಹಾಲಕ್ ಮಾನೆಸ್ತ್ ಪ್ರಮೋದ್ ಪಿಂಟೊನ್ ‘ಬುಡ್ಕುಲೊ’ ವಾಚ್ಪ್ಯಾಂಕ್ ದಿಲಾಂ.

ಸ್ಪರ್ಧ್ಯಾಚಿಂ ಸವಾಲಾಂ:

ಪಯ್ಲೊ ವಿಭಾಗ್:

1. ಲೆನ್ನಿನ್ ಆವಯ್ಚ್ಯಾ ಫೊಂಡಾಚೊ ಪ್ರಸ್ತಾಪ್ ಕಾಡ್ತಾನಾ ತಾಚೊ ಬಾಪಯ್ ಕಿತೆಂ ಕರ್ನ್ ಆಸ್‍ಲ್ಲೊ?

ವಯ್ಲ್ಯಾ ಸವಾಲಾಕ್ 2 ಅಂಕ್.

2. ಲೆನ್ನಿಚೊ ಭಾವ್ ಆನಿ ಮಾವ್ಳೊ ಕೋಣ್?

ವಯ್ಲ್ಯಾ ಸವಾಲಾಕ್ 1+1, ಒಟ್ಟುಕ್ 2 ಅಂಕ್.

3. ಪಿಂತಾಮ್ ಕೋಣ್? ತಾಚಿ ವ್ಯಾಪ್ತ್ (ಕಸಬ್) ಕಿತೆಂ?

ವಯ್ಲ್ಯಾ ಸವಾಲಾಕ್ 1+1, ಒಟ್ಟುಕ್ 2 ಅಂಕ್.

4. ಫೊಂಡ್ ಬಾಂಧಂವ್ಕ್ ಪಾದ್ರ್ಯಾಬಾಕ್ ಕಿತ್ಲೆಂ ಡೊನೇಶನ್ ದೀಜೆ ಪಡ್ತಾ ಮ್ಹಣಾಲೊ ಮಿಂಗೆಲ್?

ವಯ್ಲ್ಯಾ ಸವಾಲಾಕ್ 1 ಅಂಕ್.

5. ಎ. ಸರ್‌ಲ್ಲ್ಯಾ ವ್ಯಕ್ತಿಚೆಂ ನಾಂವ್ ಕಿತೆಂ? ಬಿ. ತಿಚೊ ಫೊಂಡ್ ಬಾಂಧ್ಚ್ಯಾಕ್ ಸಕಯ್ಲ್ ಪುರ್‌ಲ್ಲೆಂ ಮೊಡೆಂ ವಯ್ಲ್ಯಾ ಸುವಾತೆಕ್ ರಾತಿಂ ಸ್ಥಳಾಂತರ್ ಕೆಲ್ಲೊ ಘುಟ್ ಕೊಣಾ ಥಾವ್ನ್ ಭಾಯ್ರ್ ಪಡ್‍ಲ್ಲೊ?

ವಯ್ಲ್ಯಾ ಸವಾಲಾಕ್ 1+2, ಒಟ್ಟುಕ್ 3 ಅಂಕ್.

6. ಲೆನ್ನಿ ಖಂಚ್ಯಾ ರಾಷ್ಟ್ರಾಂತ್ ಜಿಯೆತಾಲೆಂ?

ವಯ್ಲ್ಯಾ ಸವಾಲಾಕ್ 1 ಅಂಕ್.

7. ಪಿಂತಾಮಾನ್ ಹಾಡ್‍ಲ್ಲ್ಯಾ, ಫೊಂಡ್ ಬಾಂಧುಂಕ್ ಆನಿ ಲಗ್ತಿ ಕಾಮಾಚ್ಯಾ ಖರ್ಚಾಚೆಂ ಬಿಲ್ಲ್ ಕಿತ್ಲ್ಯಾ ಐವಜಾಚೆಂ ಆಸ್‍ಲ್ಲೆಂ?

ವಯ್ಲ್ಯಾ ಸವಾಲಾಕ್ 1 ಅಂಕ್.

ಗುಮಾನಾಕ್: 1. ಪಯ್ಲ್ಯಾ ವಿಭಾಗಾಂತ್ಲ್ಯಾ ಸವಾಲಾಂಕ್ (2+2+2+1+3+1+1) ಒಟ್ಟುಕ್ 12 ಅಂಕ್. ಹರ್ ಸವಾಲಾಕ್ ಜಾಪ್ ಪುರ್ತಿ ನಾತ್ಲ್ಯಾರ್ ವಾ ಅಸ್ಪಷ್ಟ್ ಆಸ್ಲ್ಯಾರ್ ಅರ್ಧೆ ಅಂಕ್ ಮಾತ್ರ್ ಮೆಳ್ತೆಲೆ. 2. ಪಯ್ಲ್ಯಾ ವಿಭಾಗಾಂತ್ಲ್ಯಾ ಸರ್ವ್ ಸವಾಲಾಂಕ್ ಸಾರ್ಕ್ಯೊ ಜಾಪಿ ದಿಲ್ಲ್ಯಾಂಕ್ ಮಾತ್ರ್ ಮುಖ್ಲ್ಯಾ ವಿಭಾಗಾಕ್ ಪರಿಗಣನ್ ಕರ್ತಾಂವ್. 3. ಸವಾಲಾಕ್ ತೆಕಿದ್ ತುಮಿ ಸ್ವಂತ್ ಜಾಪ್ ದೀಜೆ. ಜಾಪಿ ಕಾಣಿಯೆಂತ್‍ಚ್ ಆಸಾತ್, ಸಾರ್ಕಿ ಜಾಪ್ ಮಾತ್ರ್ ದಿಲ್ಯಾರ್ ಪುರೊ, ಗರ್ಜೆ ಭಾಯ್ಲೆಂ ನಾಕಾ ಆನಿ ಟೆಕ್ಸ್ಟ್ ಆಸಾ ತಶೆಂ ಕೊಪಿ ಪೇಸ್ಟ್ ಕೆಲ್ಯಾರ್ ನಿರ್ಣಾಯಕ್ ಹಂತಾರ್ ಸೆಟ್‍ಬ್ಯಾಕ್ ಜಾತೆಲೆಂ (ಇನಾಮಾಂಚಿ ವಿಂಚವ್ಣ್ ಜಾತಾನಾ).

ದುಸ್ರೊ (ಟೈಬ್ರೇಕರ್) ವಿಭಾಗ್:

1. ಹ್ಯಾ ಕಾಣಿಯೆಚೊ ಸಾರಾಂಶ್ ಕಿತೆಂ? ತುಮ್ಕಾಂ ಕಿತೆಂ ಕಳ್ಳೆಂ, ಕಶೆಂ ಭೊಗ್ಲೆಂ ಮ್ಹಣ್ ಬರಯಾ. (ಜಾಪ್ 5 ಥಾವ್ನ್ 10 ವಾಕ್ಯಾಂ ಭಿತರ್ ಬರಯಾ).

ವಯ್ಲ್ಯಾ ಸವಾಲಾಕ್ 5 ಅಂಕ್. ಚಡ್ ಲಾಂಬ್ ವಿವರಣ್ ನಾಕಾ, ಚುಟುಕ್ ಜಾಪಿ ದಿಯಾ. ಕಾಣಿ ತುಮಿ ಅರ್ಥ್ ಕೆಲ್ಲೆಂ ಆನಿ ತೆಂ ಬರವ್ನ್ ಕಾಡ್‍ಲ್ಲ್ಯಾಚೆರ್ ಅಂಕ್ ಲಾಭ್ತಾತ್. ಮ್ಹಣ್ಜೆ ಕಿತೆಂ ಪಾರ್ಕಿಲಾಂ ಮ್ಹಳ್ಳ್ಯಾಚೆರ್ ತುಮಿ ಅಂಕ್ ಜೊಡ್ತೆಲ್ಯಾತ್. (ಇನಾಮಾಕ್ ತೆಂಚ್ ಮಾನ್‍ದಂಡ್).

2. ಗಲ್ಫಾ ಥಾವ್ನ್ ಆಯಿಲ್ಲ್ಯಾ ಧುವೆಚ್ಯಾ ಉತ್ರಾಂಕ್ ಇನಾಸಾಮ್ ಗುಮಾನ್ ದೀನಾ. ಡೋಂಟ್ ಕೇರ್ ಕರ್ತಾ. ತಶೆಂ ಕರುಂಕ್ ಕಿತೆಂ ಕಾರಣ್? (ಜಾಪ್ 5 ಥಾವ್ನ್ 10 ವಾಕ್ಯಾಂ ಭಿತರ್ ಬರಯಾ).

ವಯ್ಲ್ಯಾ ಸವಾಲಾಕ್ 5 ಅಂಕ್. ಚಡ್ ಲಾಂಬ್ ವಿವರಣ್ ನಾಕಾ, ಚುಟುಕ್ ಜಾಪಿ ದಿಯಾ. ಕಾಣಿಯೆಂತ್ಲ್ಯಾ ಪಾತ್ರಾಂಕ್ ತುಮಿ ಸಮ್ಜಲ್ಲೆಂ ಆನಿ ತೆಂ ಬರವ್ನ್ ಕಾಡ್‍ಲ್ಲ್ಯಾಚೆರ್ ಅಂಕ್ ಲಾಭ್ತಾತ್. ಮ್ಹಣ್ಜೆ ಕಿತೆಂ ಪಾರ್ಕಿಲಾಂ ಮ್ಹಳ್ಳ್ಯಾಚೆರ್ ತುಮಿ ಅಂಕ್ ಜೊಡ್ತೆಲ್ಯಾತ್. (ಇನಾಮಾಕ್ ತೆಂಚ್ ಮಾನ್‍ದಂಡ್).

3. ತುಮ್ಕಾಂ ಚಡ್ ಪಸಂದ್ ಜಾಲ್ಲೊ ಪಾತ್ರ್ ಖಂಚೊ? ಕಿತ್ಯಾಕ್? (ಜಾಪ್ 5 ಥಾವ್ನ್ 10 ವಾಕ್ಯಾಂ ಭಿತರ್ ಬರಯಾ).

ವಯ್ಲ್ಯಾ ಸವಾಲಾಕ್ 5 ಅಂಕ್. ಚಡ್ ಲಾಂಬ್ ವಿವರಣ್ ನಾಕಾ, ಚುಟುಕ್ ಜಾಪಿ ದಿಯಾ. ಕಾಣಿಯೆಂತ್ಲ್ಯಾ ಪಾತ್ರಾಂಕ್ ತುಮಿ ಸಮ್ಜಲ್ಲೆಂ ಆನಿ ತೆಂ ವರ್ಣಿಲ್ಲ್ಯಾಚೆರ್ ಅಂಕ್ ಲಾಭ್ತಾತ್. ಮ್ಹಣ್ಜೆ ಕಿತೆಂ ಪಾರ್ಕಿಲಾಂ ಮ್ಹಳ್ಳ್ಯಾಚೆರ್ ತುಮಿ ಅಂಕ್ ಜೊಡ್ತೆಲ್ಯಾತ್. (ಇನಾಮಾಕ್ ತೆಂಚ್ ಮಾನ್‍ದಂಡ್).

4. ‘ಬಾಂಧುಂಕ್ ಜಾಯ್ನಾತ್‍ಲ್ಲೊ ಫೊಂಡ್’ ಕಾಣಿಯೆಂತ್ ತುಮಿ ಜೊಡ್‍ಲ್ಲೆಂ ಲಿಸಾಂವ್ ಕಿತೆಂ? (ಜಾಪ್ 5 ಥಾವ್ನ್ 10 ವಾಕ್ಯಾಂ ಭಿತರ್ ಬರಯಾ).

ವಯ್ಲ್ಯಾ ಸವಾಲಾಕ್ 5 ಅಂಕ್. ಚಡ್ ಲಾಂಬ್ ವಿವರಣ್ ನಾಕಾ, ಚುಟುಕ್ ಜಾಪಿ ದಿಯಾ. ಕಾಣಿ ತುಮಿ ಪಾರ್ಕುನ್ ಸಮ್ಜಲ್ಲೆಂ ಆನಿ ತೆಂ ಪ್ರಸ್ತುತ್ ಕೆಲ್ಲ್ಯಾಚೆರ್ ಅಂಕ್ ಲಾಭ್ತಾತ್. ಬರೆಂ ವಿಶ್ಲೇಷಣ್ ಚಡ್ ಅಂಕ್ ಜೊಡ್ತಾ. (ಇನಾಮಾಕ್ ತೆಂಚ್ ಮಾನ್‍ದಂಡ್).

5. ಡೊ. ಎಡ್ವರ್ಡ್ ನಜ್ರೆತಾಚ್ಯಾ ಕಾಣಿಯಾಂನಿ ತುಮ್ಕಾಂ ಪಸಂದ್ ಜಾಂವ್ಚೆಂ ಕಿತೆಂ? ತಾಚ್ಯಾ ಮಟ್ವ್ಯಾ ಕಾಣಿಯಾಂನಿ (ಕಾದಂಬರಿ, ಲೇಖನಾಂ ನ್ಹಯ್) ತುಮಿ ಕಿತೆಂ ವಿಶೇಶತಾ ದೆಖ್ಲ್ಯಾ? (ಜಾಪ್ 10 ಥಾವ್ನ್ 15 ವಾಕ್ಯಾಂ ಭಿತರ್ ಬರಯಾ).

ವಯ್ಲ್ಯಾ ಸವಾಲಾಕ್ 10 ಅಂಕ್. ಬರವ್ಪ್ಯಾಚ್ಯಾ ಕಾಣಿಯೆಂ ವಿಶಿಂ ತುಮಿ ಸಮ್ಜಲ್ಲೆಂ ಆನಿ ತೆಂ ವರ್ಣಿಲ್ಲ್ಯಾಚೆರ್ ಅಂಕ್ ಲಾಭ್ತಾತ್. ಮ್ಹಣ್ಜೆ ಕಿತೆಂ, ಕಿತ್ಲೆಂ ಆನಿ ಕಶೆಂ ಪಾರ್ಕಿಲಾಂ ಮ್ಹಳ್ಳ್ಯಾಚೆರ್ ತುಮಿ ಅಂಕ್ ಜೊಡ್ತೆಲ್ಯಾತ್. (ಇನಾಮಾಕ್ ತೆಂಚ್ ಮಾನ್‍ದಂಡ್). ಸಾಹಿತ್ಯಾ ವಿಶಿಂ ಮಾತ್ರ್ ಬರಯಾ, ಲೇಖಕಾಚ್ಯೊ ವೈಯಕ್ತಿಕ್ ಗಜಾಲಿ ನಾಕಾತ್.

ದುಸ್ರ್ಯಾ (ಟೈಬ್ರೇಕರ್) ವಿಭಾಗಾಂತ್ಲ್ಯಾ ಸವಾಲಾಂಕ್ (5+5+5+5+10) ಒಟ್ಟುಕ್ 30 ಅಂಕ್. ಪಯ್ಲ್ಯಾ ಆನಿ ದುಸ್ರ್ಯಾ ವಿಭಾಗಾಂಚೆ ಒಟ್ಟುಕ್ 42 ಅಂಕ್.

ಬಂಪರ್ ಇನಾಮಾಂ:

ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಖಚಿತ್ ಇನಾಮಾಂ (ರು. 750 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾ ತೆಗಾಂಕ್ ರು. 400 ಐವಜಾಚಿಂ ಖಚಿತ್ ನಗದ್ ಇನಾಮಾಂ ಲಾಭ್ತೆಲಿಂ. ಅಶೆಂ ಭರ್ತಿ ರು. 8,500 ಐವಜಾಚಿಂ ನಿಶ್ಚಿತ್ ಇನಾಮಾಂ! (ಅಂಕ್ ಬರೆ ಆಸ್ಲ್ಯಾರ್ ಆನಿ ಜಾಪಿ ಮೆಚ್ವಣೆಕ್ ಪ್ರಾಪ್ತ್ ಜಾಲ್ಯಾರ್ ಆಮ್ಚ್ಯಾ ತರ್ಫೆನ್ ಎಕ್ಲ್ಯಾಕ್ ಚಡ್ತಿಕ್ ತಿಸ್ರೆಂ ಇನಾಮ್ ದಿತಾಂವ್. ಎದೊಳ್ ದೋನ್ ಪಾವ್ಟಿಂ ದಿಲ್ಯಾಂತ್).

ಸ್ಪರ್ಧ್ಯಾಚಿಂ ನಿಯಮಾಂ ಆನಿ ನಿಬಂಧನಾಂ:

1. ಹ್ಯಾ ಪಾವ್ಟಿಂ ದೋನ್ ವಿಭಾಗಾಂನಿ ಸವಾಲಾಂ ದಿಲ್ಯಾಂತ್. ದೊನೀ ವಿಭಾಗ್ ಮೆಳೊನ್ ಚಡ್ ಅಂಕ್ ಕೋಣ್ ಜೊಡ್ತಾ ತಾಂಕಾಂ ಇನಾಮಾಂ ಮೆಳ್ತಾತ್. ಟೈ ಜಾಲ್ಯಾರ್ ಶಿಸ್ತ್, ಜಾಣ್ವಾಯ್, ಭಾಶೆಚಿ ಸೊಭಾಯ್ ಆನಿ ನಿಯಮಾಂ ಸಾರ್ಕೆಂ ಪಾಳ್‍ಲ್ಲ್ಯಾಂಕ್ ಬೋನಸ್ ಅಂಕ್ ದೀವ್ನ್ ವಿಜೇತಾಂಚಿ ವಿಂಚವ್ಣ್ ಚಲ್ತೆಲಿ.

2. ಜಾಪಿ ಧಾಡ್ತೆಲ್ಯಾಂನಿ ಸವಾಲಾಂಚ್ಯಾ ನಂಬ್ರಾ ಮುಖಾರ್ ತ್ಯಾ ತ್ಯಾ ಸವಾಲಾಚಿ ಜಾಪ್ ಲಿಖಿಜೆ. ಹರ್ ಪಾನಾಚೆರ್ ಪೇಜ್ ನಂಬರ್ ಘಾಲಿಜೆ. ಸಂಗಿಂ ತುಮ್ಚೆಂ ಸಗ್ಳೆಂ ನಾಂವ್, ಗಾಂವ್, ಘರ್ಚೊ ವಿಳಾಸ್ ಆನಿ ಮೊಬೈಲ್ ನಂಬರ್ ಜಾಪಿಂ ಸಾಂಗಾತಾಚ್ ಪಯ್ಲ್ಯಾ ಪಾನಾರ್ ಸುರ್ವೆರ್ ವಾ ನಿಮಾಣ್ಯಾ ಪಾನಾರ್ ಆಖೇರಿಕ್ ಬರಯ್ಜೆ.

3. ಜಾಪಿ ಆಮ್ಚ್ಯಾ ಇಮೈಲಾಕ್ budkuloepaper@gmail.com ಧಾಡಿಜೆ. ಇಮೈಲ್ ಕರುಂಕ್ ಕಳಿತ್ ನಾತ್‍ಲ್ಲ್ಯಾ ಮಾಲ್ಗಡ್ಯಾಂನಿ ಮಾತ್ರ್ ವಾಟ್ಸಪ್ ಕರ್ಯೆತ್. ದೊನೀ ಕಡೆನ್ ಆನಿ repeatedly ಧಾಡಿನಾಕಾತ್.

4. ಜಾಪಿ ಕನ್ನಡ ಲಿಪಿಂತ್ ಮಾತ್ರ್ ಧಾಡ್ಯೆತ್. ಇಮೈಲಾಚ್ಯಾ ಸಬ್ಜೆಕ್ಟಾರ್ Kala Sampath Quiz 6 Answers ಮ್ಹಣ್ ಬರಯ್ಜೆ. ಸೂಚನ್ 1: ಟೈಪ್ ಕರುಂಕ್ ಕಳನಾತ್ಲೆಲ್ಯಾಂನಿ ಕಾಗ್ದಾಚೆರ್ ಹಾತಾಂತ್ ಬರವ್ನ್ ತಾಚಿ ಫೊಟೊ ಧಾಡ್ಯೆತ್. ಸೂಚನ್ 2: ತುಮಿ ಹೆರಾಂಚಿ ಕುಮಕ್ ಘೆವ್ನ್, ಉದಾ: ಸೈಬರ್ ಸೆಂಟರಾ ಮುಖಾಂತ್ರ್, ಇಮೈಲ್ ಧಾಡ್ತಾತ್ ತರ್ ತುಮ್ಚೆಂ ನಾಂವ್ ಆನಿ ಸಂಪರ್ಕ್ ವಿವರ್ ಸಾರ್ಕ್ಯಾನ್ ಲಗ್ತಿ ಕರಾ.

5. ಜಾಪಿ ಧಾಡುಂಕ್ ನಿಮಾಣಿ ತಾರಿಕ್ ಸೊಮಾರಾ, ಫೆಬ್ರವರಿ 5, 2024. ಫಲಿತಾಂಶ್ ಸೊಮಾರಾ, ಫೆಬ್ರವರಿ 12, 2024ವೆರ್ ಪ್ರಕಟ್ ಜಾತೆಲೆಂ.

6. ಮುಖ್ಯ್ ಸೂಚನ್/ಕಳವ್ಣಿ: ಆಮ್ಚ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಕೊಣಾಯ್ಕೀ ನಿರ್ಬಂಧ್ ನಾ. ಕೊಂಕ್ಣಿ ಕಳಿತ್ ಆಸ್ಚ್ಯಾ ಕೊಣೆಂಯೀ ಭಾಗ್ ಘೆವ್ಯೆತ್. ಪುಣ್ ಖುಶಾಲಾಯೆಕ್ ಜಾಂವ್ ವಾ ಹೆರ್ ಕಸಲ್ಯಾಯೀ ಇರಾದ್ಯಾಂನಿ ಜಾಂವ್ ಎಕಾಚ್ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ ವ್ಯಕ್ತಿಂನಿ ಎಕ್ಲ್ಯಾನ್ ತಯಾರ್ ಕೆಲ್ಲ್ಯೊ ಜಾಪಿಚ್ ನಕಲ್ ಕರ್ನ್ ಧಾಡ್ಚ್ಯಾಕ್ ನಿರ್ಬಂಧ್ ಆಸಾ. ಆದಿಂ ತಶೆಂ ಚಲ್‍ಲ್ಲೆಂ. ಫುಡೆಂ ತಸಲ್ಯಾಕ್ ಅವ್ಕಾಸ್ ನಾ. ತಶೆಂ ಮ್ಹಣ್ ಎಕಾ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ತಿಕ್ ಸಾಂದ್ಯಾಂನಿ ಭಾಗ್ ಘೆಂವ್ಕ್ ಆಮಿ ಆಡ್ವಾರಿನಾಂವ್. ಖಂಡಿತ್ ಕೊಣೆಂಯೀ ಕಿತ್ಲ್ಯಾಯೀ ಜಣಾಂನಿ ಭಾಗ್ ಘೆವ್ಯೆತ್. ಪುಣ್ ನಕಲ್ ಬಿಲ್ಕುಲ್ ಕರಿನಜೊ. ಸ್ವಂತ್ ಪರಿಶ್ರಮ್ ಕಾಡ್ನ್ ಆಪ್ಣೆಂಚ್ ಬರವ್ನ್ ಧಾಡ್ಲ್ಯಾರ್ ಸ್ವಾಗತ್ ಆಸಾ.

7. ಸ್ಪರ್ಧಿಂನಿ ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಅಸ್ಚೆಂ ಕಡ್ಡಾಯೆಚೆಂ. ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಮಾತ್ರ್ ಇನಾಮ್ ಮೆಳ್ತೆಲೆಂ. ಭರ್ತಿ ಜಾಂವ್ಕ್ ನಾತ್ಲೆಲ್ಯಾಂ ಖಾತಿರ್ ಗ್ರೂಪಾಚೆಂ ಲಿಂಕ್ ಸಕಯ್ಲ್ ದಿಲಾಂ. ಸ್ಪರ್ಧ್ಯಾಕ್ ಸಂಬಂಧ್ ಜಾಲ್ಲಿಂ ಚಡ್ತಿಕ್ ಸೂಚನಾಂ, ಪೂರಕ್ ಗಜಾಲಿ ತಶೆಂಚ್ ಹೆರ್ ಸರ್ವ್ ಪ್ರಕಟಣಾಂ, ಕಳವ್ಣ್ಯೊ, ಆಕರ್ಷಕ್ ಚಟುವಟಿಕ್ಯೊ, ಹಾಸ್ಯ್ ಬರ್ಪಾಂ ಇತ್ಯಾದಿ ಆಮಿ ಥಂಯ್ ದಿತಾಂವ್. ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಆಮಿ ದಿಂವ್ಚಿ ಮಾಹೆತ್ ಉಪ್ಕಾರಾಚಿ ಜಾತಾ; ಸ್ಪರ್ಧ್ಯಾಚ್ಯೊ ಜಾಪಿ ತಶೆಂ ಕ್ಲೂ ಇನಾಮ್ ಜಿಕ್ತೆಲ್ಯಾಂಕ್ ಆಧಾರ್ ಜಾತಾತ್. ದೆಕುನ್ ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಸಕಯ್ಲ್ ದಿಲ್ಲೆಂ ಲಿಂಕ್ ವಾಪಾರುನ್ ಭರ್ತಿ ಜಾಂವ್ಚೆಂ.

ಹ್ಯಾ ಅಮೋಘ್ ಸ್ಪರ್ಧ್ಯಾಂತ್ ತುಮಿ ಭಾಗ್ ಘೆಂವ್ಚ್ಯಾ ಸವೆಂ ತುಮ್ಚ್ಯಾ ಲಾಗ್ಶಿಲ್ಯಾಂಕ್ ಆನಿ ಹೆರಾಂಕ್‍ಯೀ ಭಾಗ್ ಘೆಂವ್ಕ್ ಉತ್ತೇಜಿತ್ ಕರಾ. ಹಿ ಖಬರ್ ಸಕ್ಡಾಂಕ್ ಪಾವಯಾ. ಕೊಂಕ್ಣಿ ವಾಚ್ಪ್ಯಾಂಕ್‍ಯೀ ಇನಾಮಾಂ ದೀವ್ನ್ ಬುಡ್ಕುಲೊ ಮಾಧ್ಯಮಾನ್ ಆನ್ಯೇಕ್ ದಾಖ್ಲೊ ರಚ್ಲಾ. ಮುಖಾರಿಂ ಆನಿಕೀ ಬರೆ, ಕ್ರಿಯಾತ್ಮಕ್ ಸ್ಪರ್ಧೆ ಆಮಿ ಮಾಂಡುನ್ ಹಾಡ್ತೆಲ್ಯಾಂವ್. ತುಮ್ಚೆಂ ವಾಂಟೆಲಿಪಣ್, ಪಾಟಿಂಬೊ ಆಮ್ಕಾಂ ಸದಾಂಚ್ ಪ್ರೇರಣ್.

ಗುಮಾನಾಕ್ (Disclaimer): ಆಮಿ ಮಾಂಡುನ್ ಹಾಡ್ಚ್ಯಾ ಹ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧ್ಯಾ ಬಾಬ್ತಿಂ ಸರ್ವ್ ಆನಿ ಅಂತಿಮ್ ಹಕ್ಕಾಂ, ಸಂಪೂರ್ಣ್ ನಿಚೆವಾಚೆಂ ಸ್ವಾತಂತ್ರ್ಯ್ ಆನಿ ಪರಮಾಧಿಕಾರ್ ‘ಬುಡ್ಕುಲೊ’ ಸಂಪಾದಕಾಚೊ ಜಾವ್ನಾಸ್ತಲೊ. ಹ್ಯಾ ಲಗ್ತಿಂ ಕಸಲ್ಯಾಚ್ ತಕ್ರಾರ್ ವಾ/ಆನಿ ಸಂವಹನಾಕ್ ಆಸ್ಪದ್ ಆಸ್ಚೊ ನಾ.

ಬಾಂಧುಂಕ್ ಜಾಯ್ನಾತ್‍ಲ್ಲೊ ಫೊಂಡ್ ಕಾಣಿ (ಕ್ಲಿಕ್ ಕರ್ನ್ ವಾಚಾ)

ಆಮಿ ಪ್ರಕಟ್ ಕೆಲ್ಲ್ಯೊ ಸರ್ವ್ ಕಾಣಿಯೊ ವಾಚುಂಕ್ ಕ್ಲಿಕ್ ಕರಾ

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

The post ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 6: ಡೊ. ಎಡ್ವರ್ಡ್ ನಜ್ರೆತಾಚ್ಯಾ ಕ್ಲಾಸಿಕ್ ಕಾಣಿಯೆಚೆರ್ ಸವಾಲಾಂ appeared first on Budkulo.

“ತೊಮ್ಮು, ಹೆಂ ಮ್ಹಜೆಂ ಪ್ರತಿಷ್ಠಿತ್ ಪ್ರೊಜೆಕ್ಟ್. ತುಜ್ಯಾಚ್ ಹಾತಿಂ ಸಮರ್ಪಿತಾಂ. ಬಜೆಟಿಕ್ ಮೀತ್ ನಾ. ತುಜೆರ್ ಆಸ್ಚಿ ಪಾತ್ಯೆಣಿ ಮ್ಹಾಕಾ ಹೆರಾಂಚೆರ್ ನಾ. ಸಂಪೂರ್ಣ್ ಜವಾಬ್ದಾರಿ ವಹಿಸುನ್ ತುವೆಂ ಹೆಂ ಘರ್ ಉಬಾರಿಜೆ. ಪಳೆಲ್ಲ್ಯಾಂನಿ ಹೊಗೊಳ್ಸಿಜೆ. ತುರ್ತಾನ್ ಕಾಮ್ ಸುರ್ವಾತ್ ಕರ್…” ಮ್ಹಣೊನ್ ಬೊನಿಫಾಸ್ ಪಿಂಟೊನ್ ತೊಮಾಸಾಕ್ ಎಡ್ವಾನ್ಸ್ ದುಡು ದಿಲ್ಲೊ.

ಎನ್.ಆರ್.ಐ. ಉದ್ಯಮಿ ಬೊನಿಫಾಸ್ ಪಿಂತಾನ್ ಎದೊಳ್ ಬಾಂಧಯಿಲ್ಲ್ಯಾ ಘರಾಂಕ್ ಲೇಕ್ ನಾ. ಸಮಾಜೆಂತ್ಲೊ ವ್ಹಡ್ ದಾನಿ ತೊ. ವಿದೇಶಾಂನಿ ತಾಕಾ ಬಿಸ್ನೆಸ್ ಆಸ್‍ಲ್ಲೆಂ. ಕೊಡ್ಯಾಳಾಂತ್‍ಯೀ ತಾಚೊ ವ್ಯವಹಾರ್ ಚಲ್ತಾಲೊ. ವರ್ಸಾಕ್ ಕಿತ್ಲೆಶೆಗೀ ಕೊರೊಡ್ ದುಡು ತೊ ದಾನ್ ದಿತಾಲೊ. ಇಗರ್ಜಾಂಕ್, ದಿಯೆಸೆಜಿಕ್, ಧಾರ್ಮಿಕಾಂಕ್, ಲೊಕಾಕ್ ತಾಣೆಂ ಕೆದ್ನಾಂಯೀ ನೆಗಾರ್‌ಲ್ಲೆಂ ನಾ. ಗಾಂವ್‍ಭರ್ ತಾಚೆ ಜಾಗೆ ಆಸಾತ್. ಘರಾಂ, ಜಾಗೆಯೀ ತಾಣೆಂ ದಾನ್ ದಿಲ್ಯಾತ್. ಹೆಂ ಘರ್‍ಯೀ ಕೊಣಾಕ್‍ಗೀ ತೊ ದಾನ್ ದಿತಲೊಚ್ ಮ್ಹಣ್ ತೊಮಾಸಾಕ್ ಖಚಿತ್ ಜಾಲ್ಲೆಂ.

ಬೊನಿಫಾಸಾನ್ ವಿಶೇಸ್ ಮುತುವರ್ಜಿ ಘೆತ್‍ಲ್ಲೆಂ ಹೆಂ ಪ್ರೊಜೆಕ್ಟ್ ತುರ್ತಾನ್ ಜಾರಿಯೆಕ್ ಹಾಡ್ಲೆಂ ತೊಮಾಸಾನ್. ಶಿಲಾನ್ಯಾಸ್ ಕಾರ್ಯಾಕ್ ಹಾಜರ್ ಜಾಲ್ಲೊ ಬೊನಿಫಾಸ್ ತೊಮ್ಮುಕ್ ಹಿಶಾರೆ ದೀವ್ನ್ ಗೆಲ್ಲೊ ತ್ಯಾ ಉಪ್ರಾಂತ್ ಥಂಯ್ ಯೇಂವ್ಕ್ ನಾತ್‍ಲ್ಲೊ. ದೇಶ್ ವಿದೇಶಾಂತ್ ಹಜಾರಾಂನಿ ಕೊರೊಡಾಂಚೊ ವಹಿವಾಟ್ ಚಲಂವ್ಚ್ಯಾ ತಾಕಾ ಅಸಲ್ಯಾ ಕಿರ್ಕೊಳ್ ಸಂಗ್ತಿಂನಿ ಕಿತ್ಲಿ ಉರ್ಬಾ ಉರತ್ ಮ್ಹಣ್ ತೊಮಾಸ್ ಚಿಂತಾಲೊ. ಆಪ್ಣಾಕ್ ಹೆಂ ಏಕ್ ರಾವ್ಳೆರ್‌ಚ್ ತರೀ ಬೊನಾಮಾಕ್ ಅಸಲಿಂ ಹಜಾರ್ ಘರಾಂ ಬಾಂಧ್ಚಿ ಶ್ಯಾಥಿ ಆಸಾ. ಮಹಿನ್ಯಾಕ್ ಏಕ್ ಪಾವ್ಟಿಂ ಗಾಂವಾಂಕ್ ದೆಂವ್ಚ್ಯಾ ಬೊನಿಫಾಸಾಕ್ ಹೆಂ ಪ್ರೊಜೆಕ್ಟ್ ನಗಣ್ಯ್ ಮ್ಹಳ್ಳೆಪರಿಂ ತೊ ಚಲ್‍ಲ್ಲೊ.

ಪಾಟ್ಲ್ಯಾ 20 ವರ್ಸಾಂ ಥಾವ್ನ್ ತೊಮಾಸ್, ಗಲ್ಫಾಗಾರ್ ಬೊನಿಫಾಸಾ ಸಂಗಿಂ ವಾವುರ್ತಾಲೊ. ಪಯ್ಲೆಂ ಎಕಾ ರಿಯಲ್ ಎಸ್ಟೇಟ್ ಕಂಪೆನಿಂತ್ ಉದ್ಯೋಗ್ ಕರುನ್ ಆಸ್‍ಲ್ಲೊ, ಉಪ್ರಾಂತ್ ಸ್ವತಃ ಬಾಂಧ್ಪಿ ತೊ ಜಾಲ್ಲೊ. ಬೊನಾ ಪಿಂತಾಕ್ ತಾಚಿ ವಳಕ್ ಜಾಲ್ಯಾ ಉಪ್ರಾಂತ್ ಗಾಂವಾಂತ್ ತಾಚಿಂ ಆನಿ ತಾಚ್ಯಾ ವಳ್ಕಿಚ್ಯಾಂಚಿಂ ಘರಾಂ, ಬಾಂಧ್ಪಾಂ ಬಾಂಧುಂಕ್ ತೊಮಾಸಾಕ್‍ಚ್ ಕೊಂಟ್ರಾಕ್ಟ್ ಮೆಳ್ತಾಲೆಂ. ತಾಚ್ಯಾ ಸಾಧೆಪಣಾಕ್ ಮೆಚ್ವಲ್ಲ್ಯಾ ಬೊನಾಮಾನ್ ಆಪ್ಲ್ಯಾ ಖಾಸ್ ವರ್ಗಾಂತ್ ತೊಮ್ಮುಕ್ ಭಡ್ತಿ ದಿಲ್ಲಿ. ಬೊನಾ ಪಿಂತಾಚ್ಯಾ ಜಾಗ್ಯಾಂಚಿ, ಬಿಲ್ಡಿಂಗಾಂಚಿ ಉಸ್ತುವಾರಿಯೀ ತಾಕಾಚ್ ಮೆಳ್‍ಲ್ಲಿ.

ತೊಮ್ಮುನ್ ಧನ್ಯಾಚ್ಯಾ ವಿಶ್ವಾಸಾಕ್ ಕೆದ್ನಾಂಯೀ ಕಳಂಕ್ ಹಾಡುಂಕ್ ನಾತ್‍ಲ್ಲೆಂ. ತ್ಯಾ ವರ್ವಿಂ ಬೊನಾಮ್ ನಿಶ್ಚಿಂತ್ ಆಸ್‍ಲ್ಲೊ.

ಕೊಡ್ಯಾಳ್ ಶ್ಹೆರಾಂತ್ ಬೊನಾಮಾಚ್ಯಾ ಹ್ಯಾ ನವ್ಯಾ ಘರಾಚೆಂ ಕಾಮ್ ಭರಾನ್ ಚಲ್ತಾಲೆಂ. ಪಾಂಚ್ ಬೆಡ್‍ರೂಮಾಂಚ್ಯಾ ಬಂಗ್ಲ್ಯಾಚಿ ಅಂದಾಜ್ ಬಜೆಟ್‍ಚ್ ಧಾ ಕೊರೊಡಾಂಚಿ. ಕನ್ಸ್‌ಟ್ರಕ್ಷನ್ ಆನಿ ಫಿನಿಶಿಂಗ್ ಊಂಚಿ ಆಸಜೆ ಮ್ಹಣ್ ಪಯ್ಲೆಂಚ್ ಧನ್ಯಾನ್ ತಾಕಿದ್ ದಿಲ್ಲಿ. ಉದಾರಿ ಮನೋಭಾವಾಚ್ಯಾ ಬೊನಿಫಾಸಾಕ್ ತೊಮಾಸಾಚೆರ್ ವಿಶೇಸ್ ಪಾತ್ಯೆಣಿ. ಕಿತೆಂಚ್ ಉಣೆಂ ಜಾವ್ನಜೊ ಮ್ಹಣ್ ಪಯ್ಲೆಂಚ್ ತೊಮ್ಮುಕ್ ತಾಣೆಂ ಕಳಯಿಲ್ಲೆಂ.

ಕೊಡ್ಯಾಳ್ ಥಾವ್ನ್ 25 ಕಿ.ಮೀ. ಪಯ್ಸ್ ಹಳ್ಳೆಚ್ಯಾ ಪರಿಸರಾಂತ್ ತೊಮಾಸಾಚೆಂ ಘರ್. ಮ್ಹಾತಾರಿ ಆವಯ್, ಪತಿಣ್ ಆನಿ ತೆಗಾಂ ಭುರ್ಗ್ಯಾಂಚೆಂ ಕುಟಮ್ ತಾಚೆಂ. ಮಾಲ್ಗಡೊ ಪೂತ್ ಶ್ಹೆರಾಂತ್ ಪಿಯುಸಿಕ್ ಭರ್ತಿ ಜಾಲ್ಲೊ. ಮಧ್ಲೆಂ ಧುವ್ ಆಟ್ವೆಂತ್, ನಿಮಾಣೆಂ ಪಾಂಚ್ವೆಂತ್ ಗಾಂವಾಂತ್‍ಚ್ ಶಿಕ್ತಾಲಿಂ. ಚೆಡ್ವಾಂಕ್ ಶೆರಾಂತ್ಲ್ಯಾ ಪ್ರತಿಷ್ಠಿತ್ ಸಂಸ್ಥ್ಯಾಂಕ್ ಭರ್ತಿ ಕರುಂಕ್ ತೊಮಾಸಾಕ್ ಆಶಾ ಆಸ್‍ಲ್ಲಿ ತರೀ ಪಯ್ಸ್ ಥಾವ್ನ್ ಬಸ್ಸಾರ್ ಪಯ್ಣ್ ಕರ್ಚೆಂ ನಾಕಾ ಮ್ಹಣ್ ಆವಯ್ನ್ ಖಂತ್ ಕಾಡ್‍ಲ್ಲ್ಯಾನ್ ಗಾಂವ್ಚ್ಯಾಚ್ ಇಸ್ಕೊಲಾಕ್ ತಿಂ ವೆತಾಲಿಂ.

ಕೊಡ್ಯಾಳ್ ಶ್ಹೆರಾಂತ್ ಆಪ್ಣಾಚೆಂಯೀ ಘರ್ ಆಸಜೆ ಮ್ಹಣ್ ತೊಮಾಸಾಕ್ ಪಾಟ್ಲ್ಯಾ ವರ್ಸಾಂನಿ ಭೊಗ್ತಾಲೆಂ. ಧನ್ಯಾಚ್ಯಾ ಖುಸ್ತಾರ್‌ಚ್ ತಾಕಾ ಏಕ್ 20 ಸೆಂಟ್ಸ್ ಸೈಟ್‍ಯೀ ಲಾಭ್‍ಲ್ಲೆಂ. ಆಪ್ಲ್ಯಾ ದೋನ್ ಎಕ್ರೆ ಸುವಾತೆಂತ್ ಅಪಾರ್ಟ್‍ಮೆಂಟ್ ಆನಿ ಕಮರ್ಶಿಯಲ್ ಬಿಲ್ಡಿಂಗಾಕ್ ಜಾಗೊ ವಿಕ್ತಾನಾ ಬೊನಿಫಾಸಾನ್ ಲಾಗ್ಶಿಲೆಂ ಏಕ್ ಸೈಟ್ ತೊಮಾಸಾಚ್ಯಾ ನಾಂವಾರ್ ರೆಜಿಸ್ಟರ್ ಕೆಲ್ಲೆಂ. ಸುರ್ವೆರ್ ಥೊಡೊ ಐವಜ್ ಘೆತ್‍ಲ್ಲೊ ತರೀ ಉಪ್ರಾಂತ್ ಪಿಂತಾನ್ ದುಡು ಘೆಂವ್ಕ್ ನೆಗಾರ್ಲೆಲ್ಯಾನ್ ಚಡುಣೆಂ ಫುಂಕ್ಯಾಕ್‍ಚ್ ತೊ ಜಾಗೊ ತೊಮ್ಮುಕ್ ಮೆಳ್‍ಲ್ಲೊ.

ಪ್ರಸ್ತುತ್ ಬಾಂಧುನ್ ಆಸ್ಚ್ಯಾ ಘರಾಚೆಂ ಬ್ಲೂಪ್ರಿಂಟ್ ಧನ್ಯಾ ಥಾವ್ನ್ ಘೆತಾನಾಂಚ್ ತೊಮಾಸಾಚ್ಯಾ ಮತಿಂತ್ ನವಿ ಆಲೋಚನ್ ರಿಗ್‍ಲ್ಲಿ. ಬಜೆಟಿಕ್ ಮೀತ್ ನಾ ಮ್ಹಣ್ ಪಿಂತಾನ್ ದಾಂಬುನ್ ಸಾಂಗ್ತಾನಾ ಖಂಯ್ಗೀ ವಿಶೆವಾಂತ್ ಆಸ್‍ಲ್ಲ್ಯಾ ಅವ್ಯಕ್ತ್ ಆಶೆಕ್ ಮುಂಗೊ ಫುಟ್‍ಲ್ಲೊ. ಬೊನಾಮಾಚ್ಯಾ ಫ್ಲೆಟಾ ಥಾವ್ನ್ ಸುಟ್‍ಲ್ಲೊ ತೊಮ್ಮು ಘರಾ ಪಾವ್ತಾನಾ ತಾಚೆಂಯೀ ಬ್ಲೂಪ್ರಿಂಟ್ ಮತಿಂತ್ ಫುಲ್‍ಲ್ಲೆಂ.

ಸ ಮಹಿನ್ಯಾಂನಿ ಘರಾಚೆಂ ಸ್ಟ್ರಕ್ಚರ್ ತಯಾರ್ ಜಾಲ್ಲೆಂ. ಪಿಲ್ಲರಾಂ ಆನಿ ಮಾಳಿಯಾಂಚೆಂ ಕಾಮ್ ಜಾವ್ನ್ ಸಾರೊಣ್, ಲೈಟಿಂಗ್ ಆನಿ ಪ್ಲಂಬಿಂಗ್ ವಾವ್ರ್ ಚಾಲು ಜಾಲ್ಲೊ. ಪಾಂಚ್ ಪಾವ್ಟಿಂ ಬೊನಾ ಪೀಂತ್ ಗಾಂವಾಕ್ ಪಾವ್‍ಲ್ಲೊ ತರೀ ಹ್ಯಾ ಸೈಟಾ ಸರ್ಶಿನ್ ಕೆದಿಂಚ್ ತೊ ಆಯಿಲ್ಲೊ ನಾ. ಹೆರ್ ಗರ್ಜೆಕ್ ತೊಮಾಸಾಕ್ ತೊ ಫೋನ್ ಕರ್ತಾಲೊ, ಪುಣ್ ಹ್ಯಾ ಪ್ರೊಜೆಕ್ಟಾಚಿ ಖಬರ್‌ಚ್ ತಾಣೆಂ ಘೆತ್ಲಿ ನಾ.

ಆಪ್ಣಾಕ್‍ಯೀ ಕೊಡ್ಯಾಳಾಂತ್ ಘರ್ ಜಾಯ್ಜೆ ಮ್ಹಳ್ಳಿ ತೊಮಾಸಾಚಿ ಅಪೇಕ್ಷಾ ಸುಫಳ್ ಜಾಂವ್ಚ್ಯಾರ್ ಆಸ್‍ಲ್ಲಿ. ಹಳ್ಳೆಂತ್ ತಾಚ್ಯಾ ಆಜ್ಯಾನ್, ರುಕಟಾಚ್ಯಾ ಕಾಮಾರ್ ಆಸ್‍ಲ್ಲ್ಯಾ ಸಾಲ್ದೊರ್ ಸೊಜಾನ್, 60 ವರ್ಸಾಂ ಆದಿಂಚ್ ಭವ್ಯ್ ಘರ್ ಉಬಾರ್‌ಲ್ಲೆಂ. ಹಳ್ಳೆಂತ್ ತ್ಯಾ ಕಾಳಾರ್ ತಸಲೆಂ ಘರ್ ದುಸ್ರ್ಯಾ ಕೊಣಾಚೆಂಯೀ ನಾತ್‍ಲ್ಲೆಂ. ಗುತ್ತುಂಗೆಲ್ಯಾಂನಿ ಬಾಂಧ್ಚೆಪರಿಂ ರುಕಟ್ ವಾಪಾರುನ್ ನಿರ್ಮಿಲ್ಲೆಂ ತೆಂ ಮಾಳಿಯೆಚೆಂ ಘರ್ ಸಗ್ಳ್ಯಾ ಹಳ್ಳೆಂತ್ ಆಕರ್ಷಣಾಚೆಂ ಕೇಂದ್ರ್ ಜಾಲ್ಲೆಂ. ಬೊನಿಫಾಸ್ ತೆಂ ಘರ್ ಪಳೆವ್ನ್ ಸಂತೊಸಾನ್ ಫುಲ್‍ಲ್ಲೊ. ಅಸಲಿಂ ಘರಾಂ ಅಪ್ರೂಪ್, ಖಂಚ್ಯಾಯ್ ಕಾರಣಾಕ್ ತೆಂ ಘರ್ ಮೊಡಿನಾಯೆ ಮ್ಹಣ್ ತಾಣೆಂ ತೊಮಾಸಾಕ್ ಸ್ಪಷ್ಟ್ ತಾಕೀದ್ ದಿಲ್ಲಿ.

ರಜೆರ್ ಗಾಂವಾಂತ್ ಆಸ್ತಾನಾ ಏಕ್ ಭೆಟ್ ತೊಮಾಸಾಗೆರ್ ಆಸಜೆಚ್ ಬೊನಾಮಾಕ್. ಹಳ್ಳೆಚೆಂ ಪರಿಸರ್, ಪ್ರಶಾಂತ್ ವಾತಾವರಣ್ ತಾಕಾ ಆಕರ್ಶಿತಾಲೆಂ. ಏಕ್ ಪಾವ್ಟಿಂ ರಾತಿಕ್ ಜೆವ್ಣಾಕ್ ರಾವ್‍ಲ್ಲೊ ತೊ ತ್ಯಾ ಸುತ್ತೂರಾಚಿ ಸೊಭಾಯ್ ಪಳೆವ್ನ್ ಭುಲ್‍ಲ್ಲೊ. ಉಗ್ತೆಂ ಮೊಳಬ್, ನೆಕೆತ್ರಾಂಚಿ ಪರ್ಜಳ್, ಥಂಡ್ ವಾರೆಂ ಮ್ಹಣ್ ತೊ ಭುರ್ಗ್ಯಾಂಪರಿಂಚ್ ನಾಚ್‍ಲ್ಲೊ. ಶ್ಹೆರಾಂತ್ಲ್ಯಾ ಕೃತಕ್ ವಾತಾವರಣಾ ಪ್ರಾಸ್ ಹ್ಯಾ ನಿತಳ್ ಸುವಾತೆಂಚ್ ಜಿಯೆಂವ್ಚೆಂ ಕಿತ್ಲೆಂ ಬರೆಂ ಮ್ಹಣ್ ತಾಣೆಂ ಬೊನಿಫಾಸಾಕ್ ಸೆರ್ಮಾಂವ್‍ಚ್ ದಿಲ್ಲೊ.

ಪುಣ್ ತೊಮಾಸಾಕ್ ಹ್ಯಾ ದಿಸಾಂನಿ ಶ್ಹೆರಾಂತ್‍ಚ್ ರಾವೊಂಕ್ ವೊಡ್ಣಿ ಚಡ್‍ಲ್ಲಿ. ಭುರ್ಗಿಂ ಪ್ರತಿಷ್ಠಿತ್ ಇಸ್ಕೊಲಾಂನಿ ಶಿಕೊಂದಿತ್ ಮ್ಹಳ್ಳ್ಯಾ ತಾಚ್ಯಾ ಅಪೇಕ್ಷೆಕ್ ತಾಚ್ಯಾ ಪತಿಣೆನ್ ಆನಿ ಭುರ್ಗ್ಯಾಂನಿಯೀ ಕಬ್ಲಾತ್ ದಿಲ್ಲಿ. ಧುವೆನ್ ಧಾವಿ ಸಂಪ್ತಚ್ ಸೈಂಟ್ ಆಗ್ನೆಸಾಂತ್ ಪಿಯುಸಿಕ್ ಭರ್ತಿ ಜಾಯ್ಜೆ, ತ್ಯಾ ಭಿತರ್ ಆಪ್ಣಾಚೆಂ ಘರ್ ಬಾಂಧಿಜೆ ಮ್ಹಣ್ ತೊ ಅತ್ರೆಗ್ತಾಲೊ.

ಬೊನಿಫಾಸಾನ್ ಬಂಗ್ಲೊ ಬಾಂಧುಂಕ್ ಸೂಚನ್ ದಿತಾನಾ ತೊಮಾಸಾಚ್ಯಾ ಅತ್ರೆಗಾಕ್ ಪಾಕಟೆ ಫುಟ್‍ಲ್ಲೆ. ಧನ್ಯಾಚೆಂ ಘರ್ ಬಾಂಧುಂಕ್ ಧರ್ತಾನಾ, ಆಪ್ಣಾಚ್ಯಾ ಘರಾಚೆಂ ಯೋಜನ್‍ಯೀ ತಾಣೆಂ ಸುರ್ವಾತಿಲ್ಲೆಂ.

ವಾಟ್ಸಪಾಂತ್ ತೊಮ್ಮು ನವ್ಯಾ ಘರಾಚ್ಯೊ ಫೊಟೊ, ವೀಡಿಯೊ ಪಿಂತಾಮಾಕ್ ಧಾಡ್ತಾಲೊ. ವಿಚಾರ್‌ಲ್ಲೆ ತಿತ್ಲೆ ಪೈಶೆ ಪಿಂತಾಮ್ ಧಾಡ್ತಾಲೊ. ಕೊರೊಡಾಂನಿ ದುಡು ಆನಿ ಮೊಲಾಧಿಕ್ ಆಸ್ತ್, ವಸ್ತು ದಾನ್ ದಿಂವ್ಚ್ಯಾ ಧನಿಯಾಕ್ ಪೈಶೆ ಖರ್ಚುಂಕ್ ಏಕ್ ನೀಬ್ ಜಾಯ್ಜೆ. ಹ್ಯಾ ಆದಿಂಯೀ ಆಪ್ಣಾಕ್‍ಚ್ ಮ್ಹಣ್ ತಾಣೆಂ ಬಾಂಧಯಿಲ್ಲಿಂ ಘರಾಂ ಉಪ್ರಾಂತ್ ವಿಕ್‍ಲ್ಲಿಂಯೀ ಆಸಾತ್, ಥೊಡಿಂ ದಾನ್ ದಿಲ್ಲಿಂಯೀ ಆಸಾತ್. ಹೆಂ ಘರ್ ಖಂಚ್ಯಾ ಪುನೆವಂತಾಕ್ ವೆತೆಲೆಂ ಮ್ಹಳ್ಳೊ ಹಿಶಾರೊಚ್ ನಾತ್‍ಲ್ಲ್ಯಾನ್ ತೊಮಾಸಾಕ್ ತೆಂ ಫಕತ್ ಏಕ್ ಯಾಂತ್ರಿಕ್ ‘ಕಾಂಟ್ರಾಕ್ಟ್’ ಜಾಲ್ಲೆಂ. ಪಿಂತಾಮಾಚೆಂ ಧನ್, ಆಪ್ಣಾಚೆಂ ತನ್ ಥಂಯ್ ವಾವುರ್ತಾಲೆಂ ಶಿವಾಯ್ ತೊಮ್ಮುಚೆಂ ಮನ್ ತ್ಯಾ ಬಾಂಧ್ಪಾಂತ್ ನಾತ್‍ಲ್ಲೆಂಚ್.

ಆಪ್ಣಾಚೆಂ ಘರ್ ಬಾಂಧಿಜೆ ಮ್ಹಳ್ಳ್ಯಾ ಚಿಂತ್ಪಾಂತ್‍ಚ್ ತೊ ಬುಡ್‍ಲ್ಲೊ. ಧನಿಯಾನ್ ಧಾಡ್‍ಲ್ಲ್ಯಾ ಐವಜಾಂತ್ಲೊ ಧಾರಾಳ್ ವಾಂಟೊ ತಾಣೆಂ ಆಪ್ಲ್ಯಾಚ್ ಘರಾಕ್ ಮ್ಹಣ್ ಕಾಡ್‍ಲ್ಲೊ. ತ್ಯಾ ವರ್ವಿಂ ಬೊನಿಫಾಸಾಚ್ಯಾ ಅಪೇಕ್ಷೆ ಪರ್ಮಾಣೆಂ ಘರ್ ನಿರ್ಮಾಣ್ ಜಾಂವ್ಕ್ ನಾತ್‍ಲ್ಲೆಂ. ಕೊಣೆಂಗೀ ಘೆಂವ್ಚ್ಯಾ ವಾ ಫುಂಕ್ಯಾಕ್ ಆಪ್ಣಾಂವ್ಚ್ಯಾ ಘರಾಕ್ ಕಿತ್ಯಾಕ್ ತಿತ್ಲಿಯೀ ಸರ್ಬಾರಾಯ್ ಮ್ಹಣ್ ಲೆಕ್‍ಲ್ಲ್ಯಾ ತೊಮ್ಮುನ್ ದೆಕಿಕ್ ಮಾತ್ರ್ ತ್ಯಾ ಘರ್ಚೆಂ ಕಾಮ್ ಕೆಲ್ಲೆಂ. ಜೊಕ್ತೆಂ ಗುಣಮಟ್ಟ್ ಸಾಂಬಾಳಿನಾಸ್ತಾನಾ ವಾವ್ರ್ ಚಲಯಿಲ್ಲೊ. ತಶೆಂ ಅಪಹರ್ಸಿಲ್ಲ್ಯಾ ದುಡ್ವಾಂತ್ ಸ್ವಂತ್ ಘರಾಚೆಂ ಸಪಣ್ ಜಾರಿ ಕರುಂಕ್ ತೊ ಪೆಚಾಡ್ತಾಲೊ.

ಧನ್ಯಾಚ್ಯಾ ವಿಶ್ವಾಸಾನ್ ಸಲೀಸಾಯೆನ್ ಘರಾಂ ಬಾಂಧುಂಕ್ ಮೆಳ್‍ಲ್ಲ್ಯಾನ್ ತೊಮಾಸಾನ್ ನಿರ್ಲಕ್ಷ್ಯಾ ಕರುಂಕ್ ಸುರ್ವಾತ್‍ಲ್ಲೆಂ. ತಾಣೆಂ ಬಾಂಧ್‍ಲ್ಲ್ಯಾ ಘರಾಂಚ್ಯೊ ವಸ್ತು ಉಣ್ಯಾ ಕ್ವಾಲಿಟಿಚ್ಯೊ ಆಸ್ತಾಲ್ಯೊ. ಸವೆಂ ಪಾವ್ಸಾಂತ್ ಪೊಂವ್ಚೆಂ, ಉದಾಕ್ ಪಾಜರ್ಚೆಂ ಸದಾಂಚೆಂ ಜಾಲ್ಲೆಂ. ತಾಕಾಯೀ ಪರಿಹಾರ್ ತೊಚ್ ದಿತಾಲೊ. ಟೆರೆಸಾಚೆಂ ಉಣೆಂಪಣ್ ಲಿಪಂವ್ಕ್ ತೊ ವಯ್ರ್ ಶಿಟಿ ಘಾಲಂವ್ಕ್ ಒತ್ತಾಯ್ ಕರ್ತಾಲೊ. ತ್ಯಾ ವರ್ವಿಂ ತಾಚಿ ಚೊರಿ ಧಾಂಪ್ತಾಲಿ ಮಾತ್ರ್ ನ್ಹಯ್ ಚಡ್ತಿಕ್ ಮುನಾಫೊಯೀ ತೊ ಜೊಡ್ತಾಲೊ.

ವರಸ್ ಸಂಪ್ತಾನಾ ಕ್ರಿಸ್ಮಸ್ ರಜೆರ್ ಮಹಿನೊಭರ್ ಗಾಂವಾಂತ್ ರಾವ್‍ಲ್ಲ್ಯಾ ಬೊನಿಫಾಸಾನ್ ಘರ್ ಪಳೆಂವ್ಕ್ ಮನ್ ಕೆಲೆಂ. ತೊಮಾಸಾಕ್ ಫಿಕಿರ್ ನಾತ್‍ಲ್ಲಿ. ಧನ್ಯಾನ್ ಆಪ್ಣಾಚೆರ್ ದವರ್‌ಲ್ಲೊ ವಿಶ್ವಾಸ್ ಕಿತ್ಲೊ ಅಚಲ್ ಮ್ಹಳ್ಳೆಂ ತೊ ಜಾಣಾಸ್‍ಲ್ಲೊ. ಘರಾಚೆಂ ಚಡ್ತಾವ್ ಕಾಮ್ ಸಂಪೊನ್ ಫಿನಿಶಿಂಗ್ ಚಲ್ತಾಲೆಂ. ಪುರ್ಸತ್ ಕರ್ನ್ ಪಿಂತಾಮ್ ತೊಮ್ಮುಗೆರ್‌ಯೀ ವಚೊನ್ ಆಯಿಲ್ಲೊ.

ಘರಾಚೆಂ ಉಗ್ತಾವಣ್ ಕರ್ಚೊ ದೀಸ್ ನಮಿಯಾರ್ಲೊ. ಧನಿ ನಿರಾಳ್ ಆನಿ ಉಲ್ಲಾಸ್‍ಭರಿತ್ ಆಸ್‍ಲ್ಲೊ ತರ್ ತೊಮಾಸ್ ಭಿತರ್ಲ್ಯಾನ್ ಕಾವ್ಜೆತಾಲೊ. ಘರ್ ನಾಜೂಕಾಯೆನ್ ಬಾಂಧಂವ್ಕ್ ನಾ, ತಾಚ್ಯಾ ಸುರಕ್ಷೆತೆಚಿ ಖಚಿತತಾ ಆಪ್ಣಾಕ್‍ಚ್ ನಾ ಮ್ಹಣ್ ತೊ ಎಕಡ್ಚ್ಯಾನ್ ಕಳ್ವಳ್ತಾಲೊ, ಹ್ಯಾ ದಿಸಾಂನಿ. ಬೊನಾಮ್ ತಾಂತುಂ ರಾಂವ್ಚೊ ನ್ಹಯ್ ಮ್ಹಣ್ ತಾಕಾ ಗೊತ್ತಾಸ್‍ಲ್ಲೆಂ. ಸನಿನ್ ಜಾವ್ನ್, ಕೊಣೀ ರಾವೊಂದಿತ್, ಆಪ್ಣಾಕ್ ಕಿತ್ಯಾಕ್ ಖಂತ್ ಮ್ಹಣ್ ಸುಡಾಳ್ ಜಾವ್ನ್, ಘರಾಚ್ಯಾ ಉಗ್ತಾವಣ್ ಕಾರ್ಯಾಚ್ಯಾ ತಯಾರೆಂತ್ ತೊ ವ್ಯಸ್ತ್ ಜಾಲೊ.

ತೊ ದೀಸ್ ಆಯ್ತಾರ್. ಧನ್ಯಾನ್‍ಂಚ್ ದೀಸ್ ದವರ್ಲೆಲ್ಯಾನ್ ತೊಮಾಸಾಕ್ ನಾಕಾ ಮ್ಹಣೊಂಕ್ ಜಾಲೆಂ ನಾ. ತ್ಯಾಚ್ ದಿಸಾ ತಾಚೊ ಜಲ್ಮಾ ದೀಸ್ ಆಸ್‍ಲ್ಲೊ. ಭುರ್ಗ್ಯಾಂನಿ ಪಯ್ಸ್ ಪಿಕ್ನಿಕಾಕ್ ವೆಚೆಂ ಪ್ಲ್ಯಾನ್ ಕೆಲ್ಲೆಂ. ಪುಣ್ ಧನ್ಯಾಕ್ ನೆಗಾರುಂಕ್ ಅಸಾಧ್ಯ್ ಜಾಲ್ಲ್ಯಾನ್ ತೆಂ ರದ್ದ್ ಜಾಲ್ಲೆಂ. ಸಕಾಳಿಂಚ್ ತೊಮ್ಮುಕ್ ಫೊನಾರ್ ಬೊನಿಫಾಸಾನ್ ವಿಶ್ ಕರ್ನ್ ಬರೆಂ ಮಾಗ್‍ಲ್ಲೆಂ. ತೊಮ್ಮುಚೆಂ ಸಗ್ಳೆಂ ಕುಟಮ್‍ಂಚ್ ಘರಾಂತ್ ವೊಕ್ಲಾಕ್ ಆಯಿಲ್ಲೆಂ.

ಬೊನಿಫಾಸಾಚೊ ದುಡು ಉದ್ಕಾಪರಿಂ ಖರ್ಚತಾಲೊ. ಕಾರ್ಯೆಂಯೀ ಭೋವ್ ಗದ್ದಾಳಾಯೆಚೆಂ. ಜಣ್‍ಯೀ ಹಜಾರಾ ವಯ್ರ್ ಜಮ್‍ಲ್ಲೆ. ಧಾರ್ಮಿಕ್‍ಯೀ ಧಾರಾಳ್ ಆಸ್‍ಲ್ಲೆ. ಸಗ್ಳೆಂ ಘರ್ ನಿರ್ಮಾಣ್ ಜಾತಾಸ್ತಾನಾ ಕಿತೆಂಚ್ ಆಸಕ್ತ್ ದಾಕಯ್ನಾತ್‍ಲ್ಲ್ಯಾ ಧನ್ಯಾಕ್ ಉಗ್ತಾವಣ್ ಕಾರ್ಯಾಂತ್ ಕಿತ್ಯಾಕ್ ಇತ್ಲಿಯೀ ಉರ್ಬಾ ಮ್ಹಣ್ ತೊಮ್ಮುಕ್ ಸಮ್ಜಲೆಂನಾ. ಬೊನಿಫಾಸಾಚ್ಯಾ ಕುಟ್ಮಾಚೆ, ಸಯ್ರೆ ಆನಿ ಚಡಾವತ್ ಈಶ್ಟ್ ಆಯಿಲ್ಲೆ. ಇತ್ಲಿ ಗದ್ದಾಳಾಯ್ ಹ್ಯಾ ಆದಿಂ ತೊಮ್ಮುನ್ ಪಳೆಲ್ಲಿ ನಾ. ತಾಕಾ ಮಿಸ್ತೆರ್ ಸಮ್ಜಲೊ ನಾ.

ಕಾರ್ಯೆಂ ಆಪುರ್ಬಾಯೆನ್ ಚಲ್ತಾಲೆಂ. ಮಾಗ್ಣೆಂ, ಘರ್ ಭರ್ಚೆಂ, ಮನೋರಂಜನ್, ಖೆಳ್ ಇತ್ಯಾದಿ ಸಂಭ್ರಮಾನ್ ಚಲ್ಲೆಂ. ಬೊನಾಮಾಚ್ಯಾ ಉದಾರ್ ಮನಾಚೆರ್ ಸಯ್ರ್ಯಾಂನಿ ಭಾಷಣಾಂಯೀ ದಿಲಿಂ. ನಿಮಾಣೆಂ ಧಿನ್ವಾಸ್ಣಿ ಸುರು ಜಾಲಿ. ಪಯ್ಲೆಂ ಎಂ.ಸಿ.ನ್‍ಂಚ್ ಸಬಾರಾಂಚೊ ಉಪ್ಕಾರ್ ಬಾವುಡ್ಲೊ.

ಔಪಚಾರಿಕ್ ಕಾರ್ಯಿಂ ತಿರ್ಸಲಿಂ ಮ್ಹಣ್ತಾನಾ ಸಾವ್ಕಾರ್ ಬೊನಾ ಪೀಂತ್ ಉಬೆ ರಾವ್ಲೊ. ಜೆವ್ಣಾಕ್ ಉಟೊಂಕ್ ಆಯ್ತಿಂ ಜಾಲ್ಲೆಲಿಂ ಸರ್ವಾಂ ವೆದಿ ಸರ್ಶಿಂ ಪಳೆಲಾಗ್ಲಿಂ. ಮಾಟೊವ್ ಸಗ್ಳೊ ಮೌನ್ ಜಾಲೊ.

“ಆಜ್ ವಿಶೇಸ್ ದೀಸ್. ದೆವಾನ್ ಮ್ಹಾಕಾ ಜಾಯ್ತೆಂ ದಿಲಾಂ. ಮ್ಹಜ್ಯಾ ತಾಂಕಿ ತೆಕಿದ್ ಹಾಂವೆಂಯೀ ಸಬಾರಾಂಕ್ ದಿಲಾಂ. ತರೀ ಮ್ಹಜ್ಯಾ ಮತಿಂತ್ ಏಕ್ ಉಣೆಂಪಣ್ ಕಾಂತಯ್ತಾಲೆಂ. ಸಕ್ಡಾಂಕ್ ಹಾಂವೆಂ ಉಗ್ತ್ಯಾನ್ ಆನಿ ಗುಪ್ತಿಂ ಜಾಯ್ತಿ ಮಜತ್ ದಿಲ್ಯಾ. ಪುಣ್ ಎಕ್ಲ್ಯಾಕ್ ಹಾಂವೆಂ ವಿಶೇಸ್ ಕಾಂಯ್ ದಿಲ್ಲೆಂ ನಾ…” ಮ್ಹಣಾಲೊ ಬೊನಿಫಾಸ್. ತೆಂ ಆಯ್ಕೊನ್ ಸಗ್ಳಿ ಸಭಾ ಚುರುಕ್ ಜಾಲಿ. ದಾನ್ ದಿಂವ್ಚ್ಯಾಂತ್ ನಾಂವಾಡ್‍ಲ್ಲ್ಯಾ ಬೊನಾಮಾನ್ ಹೆಂ ಘರ್‌ಯೀ ಕೊಣಾಕ್‍ಗೀ ದೀಂವ್ಕ್ ನಿಚೆವ್ ಕೆಲಾಸ್ತಲೊ ಮ್ಹಣ್ ಸಬಾರಾಂಕ್ ಅಂದಾಜ್ ಜಾಲೊ.

ತೊಮಾಸಾಕ್ ಅಜ್ಯಾಪ್ ಜಾಲೆಂ ನಾ. ತಾಣೆಂ ತೆಂ ಪಯ್ಲೆಂಚ್ ಅಂದಾಜ್ ಕೆಲ್ಲೆಂ. ತ್ಯಾಚ್ ಧಯ್ರಾನ್ ತಾಣೆಂ ಘರ್ ಬಾಂಧ್ತಾನಾ ಮೋಸ್ ಕೆಲ್ಲೊ. ವಿಶ್ವಾಸ್ ದವರ್ಲೆಲ್ಯಾ ಧನ್ಯಾಕ್‍ಚ್ ಘಾತ್ ಕೆಲ್ಲೊ. ಬೊನಾಮಾಚ್ಯಾ ಉಲವ್ಣ್ಯಾಚೆರ್ ತಾಕಾ ಕಿತೆಂಚ್ ಕುತೂಹಲ್ ನಾತ್‍ಲ್ಲೆಂ. ತೊಮ್ಮುಚಿ ಪತಿಣ್ ವಯೊಲೆಟ್ ಧನ್ಯಾಚ್ಯಾ ಉತ್ರಾಂಚೆರ್ ಚೀತ್ ದಿತಾಲಿ. ಬೊನಾಮಾನ್ ಘೊವಾಚ್ಯಾ ಮುಖಾರ್‌ಚ್ ತಿಕಾ ಆನಿ ಭುರ್ಗ್ಯಾಂಕ್ ಜಾಯ್ತಿ ಕಾಣಿಕ್ ದಿಲ್ಲಿ. ತ್ಯಾ ಶಿವಾಯ್ ಘೊವಾಕ್ ಸಾಂಗನಾಕಾ ಮ್ಹಣೊನ್ ಲಾಖಾಂನಿ ದುಡುಯೀ ದಿಲ್ಲೊ. ಭುರ್ಗ್ಯಾಂಕ್‍ಯೀ ಕಾಣಿಕ್ ದಿಲ್ಲಿ. ದೆಕುನ್ ಬೊನಾಮ್ ಮ್ಹಣ್ತಾನಾ ತಿಕಾ ವರ್ತೊ ಗೌರವ್.

“ಹಾಂವೆಂ ಇತ್ಲ್ಯಾ ವರ್ಸಾಂನಿ ಕಿತೆಂಚ್ ಫಿಕಿರ್ ಕರಿನಾಸ್ತಾನಾ, ನಿಶ್ಚಿಂತ್ ಆಸ್‍ಲ್ಲೆಂ ಎಕಾ ಮನ್ಶ್ಯಾಕ್ ಲಾಗೊನ್ ಮಾತ್ರ್. ತಾಚೆರ್ ವಿಶ್ವಾಸ್ ದವರ್ಲ್ಯಾರ್ ಪುರೊ, ಖಂತ್ ನಾಸ್ತಾಂ ಸಗ್ಳೆಂ ಕಾಮ್ ಬರ್ಯಾನ್ ತಿರ್ಸತಾ. ಹಾಂವೆಂ ಸಾಂಗ್‍ಲ್ಲೆಂ ಖಂಚೆಂಯೀ ಕಾಮ್ ತೊ ಕರ್ನ್ ಆಯ್ಲಾ. ಮ್ಹಜೆ ಖಾತಿರ್ ತಾಣೆಂ ಆಪ್ಣಾಕ್‍ಚ್ ಸಮರ್ಪಿಲಾಂ, ವೇಳ್ ಆನಿ ಜಿಣಿಂಚ್ ಮ್ಹಜೆ ಖಾತಿರ್ ಅರ್ಪಿಲ್ಯಾ. ತಾಕಾ ಹಾಂವೆಂ ಜೊಕ್ತಿ ಕಾಣಿಕ್, ಸೂಕ್ತ್ ಇನಾಮ್ ದೀಜೆ ಆಸ್‍ಲ್ಲೆಂ…” ಬೊನಾಮ್ ಭಾವನಾತ್ಮಕ್ ಜಾಲ್ಲೊ.

ತೊಮಾಸಾನ್ ಹಾತಾಂತ್ಲೊ ಗ್ಲಾಸ್ ತೊಂಡಾಕ್ ತೆಂಕ್ತಾಸ್ತಾನಾ ಬೊನಿಫಾಸಾನ್ ತಾಚ್ಯಾ ದೊಳ್ಯಾಂಚೆರ್ ದೀಶ್ಟ್ ಖಂಚಯ್ಲಿ. ಎಕಾ ಘಡಿಯೆಕ್ ತೊಮ್ಮು ಕಾಂಪ್ಲೊ. ಅಪ್ರಾಧಿ ಮನೋಭಾವ್ ತಾಕಾ ಉಮಾಳೊನ್ ಆಯ್ಲೊ. ಕೊಣಾಯ್ಕೀ ಕಳಿತ್ ನಾ, ಧನಿಯೀ ನೆಣಾಂ. ಪುಣ್ ಆಪ್ಣಾಚೆಂ ದಗಲ್ಬಾಜ್‍ಪಣ್ ಆಪುಣ್ ಜಾಣಾಂ. ಸ್ಕಾಚಾಚೊ ಘೊಟ್ ಗಿಳುಂಕ್ ತೊಮಾಸ್ ಕಷ್ಟಲೊ.

“ಹೆಂ ಘರ್ ಹಾಂವೆಂ ಮ್ಹಜೆ ಖಾತಿರ್ ಬಾಂಧಯಿಲ್ಲೆಂ ನ್ಹಯ್. ಮ್ಹಜ್ಯಾ ಸೂಚನಾಂ ಖಾಲ್ ಪಾಟ್ಲ್ಯಾ ದಶಕಾಂನಿ ಕಿತ್ಲಿಶಿಂಗೀ ಘರಾಂ ಆಮ್ಚ್ಯಾ ಕೊಂಟ್ರಾಕ್ಟರ್ ತೊಮಾಸಾನ್ ಬಾಂಧ್ಲ್ಯಾಂತ್. ಹೆಂಯೀ ತಾಣೆಂಚ್ ಬಾಂಧ್ಲಾಂ. ಮ್ಹಜೆಂ ಆಪ್ತ್ ಬಾಂಧಪ್ ಹೆಂ. ಮೊಗಾಚೆಂ ಘರ್. ತೆಂ ಹಾಂವೆಂ ಯೋಗ್ಯ್ ವ್ಯಕ್ತಿಕ್, ಮ್ಹಜ್ಯಾ ಮೊಗಾಚ್ಯಾ ಮನ್ಶ್ಯಾಕ್ ಕಾಣಿಕ್ ಜಾವ್ನ್ ದೀಂವ್ಕ್ ನಿರ್ಧಾರ್ ಘೆತ್‍ಲ್ಲೊ. ಹೆಂ ಘರ್ ಮ್ಹಜ್ಯಾ ಅಪೇಕ್ಷೆ ಪ್ರಾಸ್ ಚಡ್ ಸೊಭಿತ್ ಜಾಲಾಂ ಮ್ಹಣ್ಚ್ಯಾಂತ್ ದುಬಾವ್ ನಾ…”

ಸಭಾ ಸ್ತಬ್ಧ್ ಜಾವ್ನ್ ಆಯ್ಕತಾಲಿ. ಹೆಂ ರಾವ್ಳೆರ್ ಫುಂಕ್ಯಾಕ್ ಆಪ್ಣಾಂವ್ಚೊ ನಶಿಬ್‍ವಂತ್ ಕೋಣ್ ಆಸ್ಯೆತ್ ಮ್ಹಣ್ ಸಕ್ಡಾಂ ಅಜ್ಯಾಪ್ತಾಲಿಂ. ಆಪ್ಣಾಚೆಂ ನಾಂವ್ ಉಲ್ಲೇಖ್ ಕೆಲ್ಲ್ಯಾನ್ ತೊಮ್ಮು ದೆದೆಸ್ಪರ್ ಜಾಲ್ಲೊ. ಘರಾಂತ್ ಜಿಯೆತೆಲ್ಯಾಂಕ್ ನಿರ್ಮಾಣಾಂತ್ ಜಾಲ್ಲೆಂ ವಂಚನ್ ಕಳಿತ್ ಜಾಲ್ಯಾರ್? ಚಿಂತುನ್ ತೊ ಪಿಸಾಂತುರ್ ಜಾಲೊ. ಭಿತರ್ ಗೆಲ್ಲಿ ವಿಸ್ಕಿ ತಾಚ್ಯಾ ಚಿಂತ್ನಾಂಕ್ ಆನಿಕೀ ವಿದ್ರೂಪ್ ಕರಿಲಾಗ್‍ಲ್ಲಿ.

“ಮ್ಹಜೊ ಲ್ಹಾನ್ ಭಾವ್, ವಿಶ್ವಾಸಿ ಸಾಂಗಾತಿ, ಆಜ್ ಆಪ್ಲೊ ಜಲ್ಮಾ ದೀಸ್ ಆಚರಣ್ ಕರ್ಚೊ ಮ್ಹಜೊ ಮೊಗಾಳ್ ಕೊಂಟ್ರಾಕ್ಟರ್ ತೊಮಾಸ್ ಸೊಜ್ ಹೆಂ ಘರ್ ಆಮ್ಚ್ಯಾ ಅಚಲ್ ವಿಶ್ವಾಸ್‍ಪಣಾಕ್ ರುಜ್ವಾತ್ ಜಾವ್ನ್ ಆಪ್ಣಾಯ್ತಾ.” ಬೊನಿಫಾಸಾಚ್ಯಾ ಉತ್ರಾಂ ಬರಾಬರ್ ವ್ಹಡ್ ಕೇಕ್ ವೆದಿಕ್ ಆಯ್ಲಿ. ಸವೆಂ ಚಾವಿಯೆಚೆಂ ವ್ಹಡ್ ಮೊಡೆಲ್. ತೆಂ ಹಾತಿಂ ಘೆವ್ನ್ ಬೊನಾಮಾನ್ ತೊಮಾಸಾಕ್ ವೆದಿಕ್ ಆಹ್ವಾನ್ ದಿಲೆಂ.

ಬೊನಾಮಾಚಿಂ ಉತ್ರಾಂ ಆಯ್ಕೊನ್ ಉದೆಲ್ಲ್ಯಾ ತಾಳಿಯಾಂಚ್ಯಾ ಲ್ಹಾರಾಂಕ್ ಸಗ್ಳಿ ಸಭಾ ಧಲ್ಲಿ. ವಯೊಲೆಟ್ ಆನಿ ಭುರ್ಗಿಂ ವಿಜ್ಮಿತ್ ಜಾವ್ನ್ ಆನಂದಾನ್ ಭರ್ಲಿಂ. ತೊಮ್ಮುಚಿ ಪಾತ್ಯೆಣಿ ಫಟ್ ಜಾಲ್ಲಿ.

2023 ರಾಕ್ಣೊ ಸಾಹಿತ್ಯ್ ಸ್ಪರ್ಧ್ಯಾಂತ್ ತಿಸ್ರೆಂ ಇನಾಮ್ ಜೊಡ್‍ಲ್ಲಿ ಕಾಣಿ

(ಆದಿಂ ಕೆದ್ನಾಂಗೀ ಆಯ್ಕಲ್ಲ್ಯಾ ಎಕಾ ಪ್ರಸಂಗಾಂತ್ಲಿ ಸಂಗತ್ ಘೆವ್ನ್ ವಿಣ್‍ಲ್ಲಿ ಸ್ವಂತ್ ಕಾಣಿ ಹಿ.)

Send your Feedback to: budkuloepaper@gmail.com

Like us at: www.facebook.com/budkulo.epaper

Subscribe our YouTube Channel

ಮಟ್ವ್ಯೊ ಕಾಣಿಯೊ ಆನಿ ಸಂಬಂಧಿತ್ ಸರ್ವ್ ಬರ್ಪಾಂ – Click Here

The post ಮಟ್ವಿ ಕಾಣಿ: ಪಾತ್ಯೆಣಿ appeared first on Budkulo.