ಹ್ಯಾ ವೆಳಾರ್ ಉಲಯಿಲ್ಲ್ಯಾ ಆ್ಯಂಟನಿ ಒಲಿವೆರಾನ್, “ಆಮ್ಚೊಚ್ ಬ್ರಾಯನ್ ಸಿಕ್ವೇರಾನ್ ಮುಖೆಲ್ ಪಾತ್ರ್ ಖೆಳ್‍ಲ್ಲೆಂ ಸಿನೆಮಾ ಸರ್ವಾಂನಿ ಪಳೆಂವ್ಚೆ ಮಾರಿಫಾತ್ ಆಮ್ಚ್ಯಾ ತರ್ನ್ಯಾ ಪ್ರತಿಭೆಂಕ್ ಪ್ರೋತ್ಸಾಹ್ ದೀಜೆ. ತ್ಯಾ ವರ್ವಿಂ ಕೊಂಕ್ಣಿ ಭಾಶೆಚೆಂ ಅಸ್ತಿತ್ವ್ ಫುಡ್ಲ್ಯಾ ಪಿಳ್ಗೆ ಮೆರೆನ್ ಪಾವಂವ್ಕ್ ಜಾಯ್” ಮ್ಹಣ್ ಉಲೊ ದಿಲೊ. ನಟ್, ಉದ್ಯಮಿ ಆನಿ ಸಂಘಟಕ್ ಲೆಸ್ಲಿ ರೇಗೊ ಫಿಲ್ಮ್ ಪಂಗ್ಡಾ ತರ್ಫೆನ್ ಉಲವ್ನ್, “ಆಪ್ಲ್ಯಾ ಸಮಾಜ್ ಸೆವೆ ಪಾಸತ್ ಪುತ್ತೂರ್ಚ್ಯಾ ಡೊನ್ ಬೊಸ್ಕೊ ಕ್ಲಬ್ಬಾಚೆಂ ನಾಂವ್ ಫಾಮಾದ್ ಜಾಲಾಂ. ಅಲೆಕ್ಸ್ ಮಾಡ್ತಾ ತಸಲ್ಯಾ ಕೊಂಕ್ಣೆಂತ್ಲ್ಯಾ ಮ್ಹಾಲ್ಘಡ್ಯಾ ಸಂಗೀತ್ಗಾರಾಚೆಂ ಕುಳ್ವಾರ್ ಜಾವ್ನಾಸ್ಚೆಂ ಪುತ್ತೂರ್ ದೆಣ್ಯಾವಂತ್ ಕಲಾಕಾರಾಂಚಿ ಭುಂಯ್. ‘ಅಸ್ಮಿತಾಯ್’ ಕೊಂಕ್ಣಿ ಸಿನೆಮಾಂತ್ ಪುತ್ತೂರ್ಚೊ ಕಿಶೋರ್ ಫೆರ್ನಾಂಡಿಸ್ ಆನಿ ಪ್ರವೀಣ್ ಪಿಂಟೊನ್ ನಟನ್ ಕೆಲ್ಲೆಂ ಆಸಾ. ಆತಾಂ ಬ್ರಾಯನ್ ಸಿಕ್ವೇರಾ ‘ಪಯಣ್’ ಫಿಲ್ಮಾಂತ್ ಮುಖೆಲ್ ಪಾತ್ರ್ ಖೆಳ್ಳಾ. ಸರ್ವಾಂನಿ ‘ಪಯಣ್’ ಸಿನೆಮಾಚೊ ಪ್ರೀಮಿಯರ್ ಶೋ ಪಳೆವ್ನ್ ಹ್ಯಾ ಯುವ ತಾಲೆಂತಾಕ್ ಪ್ರೋತ್ಸಾಹ್ ದೀಜೆ” ಮ್ಹಣ್ ವಿನತಿ ಕೆಲಿ.

‘ಪಯಣ್’ ಫಿಲ್ಮಾಚೊ ನಿರ್ದೇಶಕ್, ಸಂಗೀತ್ ಗುರು ಜೊಯೆಲ್ ಪಿರೇರಾ ವೆದಿರ್ ಆಸೊನ್ ಫಿಲ್ಮಾಚ್ಯೊ ನಾಯಕಿ ಶಾಯ್ನಾ ಡಿಸೋಜಾ, ಕೇಟ್ ಪಿರೇರಾ ಆನಿ ಹೆರಾಂಚಿ ವಳಕ್ ಕರ್ನ್ ದಿಲಿ.

‘ಪಯಣ್’ ಸಿನೆಮಾ ಸೆನ್ಸಾರ್ ಪಾಂವ್ಡ್ಯಾರ್ ಪಾವ್ಲಾಂ. ಸಪ್ಟೆಂಬರ್ ಮ್ಹಯ್ನ್ಯಾಂತ್ ಮಂಗ್ಳುರ್ ಆನಿ ಭೊಂವ್ತಣಿಂಚ್ಯಾ ಪ್ರದೇಶಾಂನಿ ಎಕಾಚ್ ವೆಳಾರ್ ಪ್ರದರ್ಶಿತ್ ಜಾತೆಲೆಂ.

‘ಪಯಣ್’ ಫಿಲ್ಮಾಂತ್ ಬ್ರಾಯಾನ್ ಸಿಕ್ವೇರಾ, ಜಾಸ್ಮಿನ್ ಡಿಸೋಜಾ ಆನಿ ಕೇಟ್ ಪಿರೇರಾ ಮುಖೆಲ್ ಪಾತ್ರಾಂತ್ ಆಸಾತ್ ತರ್, ಶೈನಾ ಡಿಸೋಜಾ, ರೈನೆಲ್ ಸಿಕ್ವೇರಾ, ಲೆಸ್ಲಿ ರೇಗೊ, ಜೆರಿ ರಸ್ಕಿನ್ಹಾ, ವಾಲ್ಟರ್ ನಂದಳಿಕೆ, ಆಲ್ಬರ್ಟ್ ಪೆರಿಸ್, ಜೀವನ್ ವಾಸ್, ಮೆಲಿಶಾ ಪಿಂಟೊ ಆನಿ ಜೋಸ್ಸಿ ರೇಗೊ ಹೆರ್ ಪಾತ್ರ್ ಖೆಳ್ಳ್ಯಾತ್.

ತಾಂತ್ರಿಕ್ ಸಿಬ್ಬಂದಿ ವರ್ಗಾಂತ್ ಛಾಯಾಗ್ರಹಣ್ ವಿ. ರಾಮಾಂಜನೇಯಾನ್, ಸಂಕಲನ್ ಆನಿ ಸಹ ನಿರ್ದೇಶನ್ ಮೆವಿಲ್ ಜೋಯಲ್ ಪಿಂಟೊನ್ ನಿರ್ವಹಣ್ ಕೆಲಾಂ. ಸಂಗೀತ್ ನಿರ್ದೇಶಕ್ ರೋಶನ್ ಡಿಸೋಜ, ಆಂಜೆಲೊರ್. ನೀಟಾ ಜೋನ್ ಪೆರಿಸ್ ಫಿಲ್ಮಾಚಿ ನಿರ್ಮಾಪಕಿ.

ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್

Send your Feedback to: budkuloepaper@gmail.com

Like us at: www.facebook.com/budkulo.epaper

Watch wonderful programs in our YouTube Channel

The post ‘ಪಯಣ್’ ಕೊಂಕ್ಣಿ ಸಿನೆಮಾಚೆಂ ಪೋಸ್ಟರ್ ರಿಲೀಸ್ appeared first on Budkulo.

ಎಕಾ ಸಿನೆಮಾಚಿ ಯಶಸ್ವಿ ಕೊಣೆಂ ನಿರ್ಧಾರ್ ಕರ್ಚಿ? ಫಕತ್ ಪ್ರೇಕ್ಷಕಾನ್!

ವ್ಹಯ್. ಹೆಂ ಭಾರತಾಚ್ಯಾ ಮಟ್ಟಾಕ್ ಖರೋಖರ್ ಸತ್. ಫಿಲ್ಮ್ ಕೊಣಾಯ್ಚೆಂಯೀ, ಕಸಲೆಂಯೀ ಜಾಂವ್ದಿ ತೆಂ ತಯಾರ್ ಜಾವ್ನ್ ಪಡ್ದ್ಯಾರ್ ಪಡ್ಲ್ಯಾ ಉಪ್ರಾಂತ್ ತಾಕಾ ಉಕಲ್ನ್ ಧರ್ಚೆಂ ವಾ ಸಕಯ್ಲ್ ಘಾಲ್ಚೆಂ ಫಕತ್ ಪ್ರೇಕ್ಷಕಾಂನಿ. ಪ್ರೇಕ್ಷಕಾಂಕ್ ರುಚ್ಲೆಂ ತರ್ ಮಾಗಿರ್ ಕೊಣೆಂಯೀ ಕಿತೆಂಯೀ ಉಲಂವ್ಕ್ ನಾ, ತೆಂ ಫಿಲ್ಮ್ ಸೂಪರ್ ಹಿಟ್. ಪ್ರೇಕ್ಷಕಾಂಕ್ ಜರ್ ಸಿನೆಮ್ ಪಸಂದ್ ಜಾಲೆಂ ನಾ ತರ್ ಕೊಣೆಂ ಕಿತ್ಲೆಂ ಸರ್ಕಸ್ ಕೆಲ್ಯಾರ್ ಉಪ್ಕಾರ್ನಾ, ತೆಂ ಫಿಲ್ಮ್ ಫ್ಲಾಫ್ ಖಚಿತ್.

ಹೆಂ ಭಾರತಾಂತ್ಲೆಂ ಅಲಿಖಿತ್ ನಿಯಮ್. ಸಿನೆಮಾಂ ವಿಶಿಂ ಹಾಚ್ಯಾಕೀ ಸಿಂಪಲ್ ಲಾಜಿಕ್ ದುಸ್ರೆಂ ಕಿತೆಂಚ್ ನಾ. ಹೆಂಚ್ ಮಾನ್‍ದಂಡ್ ಕೊಂಕ್ಣಿ ಸಿನೆಮಾಂಕ್ ತಶೆಂ ಹೆರ್ ಪ್ರಾದೇಶಿಕ್, ಸ್ಥಳೀಯ್ ಭಾಸಾಂಕ್‍ಯೀ ಲಾಗು ಜಾತಾ.

ಹ್ಯಾರಿ ಫೆರ್ನಾಂಡಿಸಾಚೆಂ ‘ಬೆಂಡ್ಕಾರ್’ ಫಿಲ್ಮ್ ತಯಾರ್ ಜಾಲ್ಲಿ ಖಬರ್ ‘ಬುಡ್ಕುಲೊ’ ಇ-ಪತ್ರಾನ್ ಪಯ್ಲೆಂ ಲೊಕಾಕ್ ಕಳಯಿಲ್ಲಿ. ಹ್ಯಾರಿಚೆಂ ಸಿನೆಮ್ ಮ್ಹಣ್ತಾನಾ ಲೊಕಾಕ್ ನಿರೀಕ್ಷಾ ಚಡ್. ಕಿತ್ಯಾಕ್ ಮ್ಹಳ್ಯಾರ್ ತೊ ಕೊಂಕ್ಣೆಂತ್ ಆಯ್ಲೆವಾರ್ ಆಯಿಲ್ಲೊ ತರೀ ತಾಣೆಂ ಮುಂಬೈಂತ್ ಸಿನೆಮಾಂನಿ ಜಾಯ್ತೊ ವಾವ್ರ್ ಕೆಲಾ ಆನಿ ಸ್ವತಂತ್ರ್‌ಪಣಿಂ ಸಬಾರ್ ಸಿನೆಮಾಂಕ್ ನಿರ್ದೇಶನ್ ದಿಲಾಂ. ‘ಬೆಂಡ್ಕಾರ್’ ತಾಚೆಂ ಚವ್ತೆಂ ಕೊಂಕ್ಣಿ ಸಿನೆಮ್. ಆನಿ ಹ್ಯಾ ಸಿನೆಮಾಂತ್ಲೆ ಚಡಾವತ್ ಕಲಾಕಾರ್ ತಾಚ್ಯಾ ಆದ್ಲ್ಯಾ ಸಿನೆಮಾಂನಿ ಆಸ್‍ಲ್ಲೆಚ್. ಮ್ಹಣ್ತಾನಾ ಏಕ್ ಹೆಳ್‍ಲ್ಲ್ಯಾಂಚೊ ಪಂಗಡ್ ಸಾಂಗಾತಾ ಮೆಳೊನ್ ಕಾಡ್‍ಲ್ಲೆಂ ಫಿಲ್ಮ್ ಹೆಂ.

‘ಬೆಂಡ್ಕಾರ್’ ಎದೊಳ್‍ಚ್ ಗಲ್ಫಾಂತ್ ಆನಿ ಗೊಂಯಾಂತ್ ರಿಲೀಸ್ ಜಾವ್ನ್ ಪ್ರೇಕ್ಷಕಾಂ ಥಾವ್ನ್ ಬರಿ ಪ್ರತಿಕ್ರಿಯಾ ಆಪ್ಣಾಂವ್ಕ್ ಸಕ್ಲಾಂ. ಪಿಂತುರ್ ಪಳೆಲ್ಲ್ಯಾ ಪ್ರೇಕ್ಷಕಾಂಕ್ ಸಿನೆಮ್ ರುಚ್ಲಾಂ. ಕಾಲ್ಚ್ಯಾ ದಿಸಾ ಮಂಗ್ಳುರಾಂತ್ ಹೆಂ ಸಿನೆಮ್ ಪಡ್ದ್ಯಾಕ್ ಪಡ್ಲೆಂ. ಹಾಂಗಾಚ್ಯಾ ಪ್ರೇಕ್ಷಕಾಂಕ್‍ಯೀ ಸಿನೆಮ್ ಭೋವ್ ರುಚ್ಲಾಂ ಆನಿ ಸಕ್ಡಾಂನಿ ಎದೊಳ್ಚ್ಯಾ (ಪಾಟ್ಲ್ಯಾ ವರ್ಸಾಂಚ್ಯಾ) ಸರ್ವ್ ಕೊಂಕ್ಣಿ ಪಿಂತುರಾಂ ಪಯ್ಕಿ ‘ಬೆಂಡ್ಕಾರ್’ ಏಕ್ ಬೆಸ್ಟ್ ಫಿಲ್ಮ್ ಮ್ಹಣ್ ತೀರ್ಪ್ ಉಚಾರ್ಲಾಂ.

ಪ್ರೇಕ್ಷಕಾಂಚಿ ಅಭಿಪ್ರಾಯ್ ಖಂಡಿತ್ ಸಾರ್ಕಿ. ಹ್ಯಾ ಆದಿಂ ತೀನ್ ಕೊಂಕ್ಣಿ ಸಿನೆಮಾಂ ದಿಲ್ಲ್ಯಾ ಹ್ಯಾರಿ ಆನಿ ಪಂಗ್ಡಾನ್ ಚಡ್ ಚತ್ರಾಯೆನ್ ಗುಮಾನ್ ದೀವ್ನ್, ಬರಿಶಿ ಕಾಣಿ ವಿಣುನ್ ಸಿನೆಮಾ ವೀಕ್ಷಕಾಂಕ್ ನಿರಾಸ್ ಜಾಯ್ನಾಶೆಂ ಜಾಂವ್ಚ್ಯಾಕ್ ವ್ಹರ್ತಿ ಮ್ಹಿನತ್ ಕಾಡ್‍ಲ್ಲೆಂ ಉಟೊನ್ ದಿಸ್ತಾ. ಬ್ಯಾಂಡ್ ಆನಿ ಬೆಂಡ್ಕಾರಾಂಚಿ ಗಜಾಲ್ ಕಳಿತ್ ನಾತ್‍ಲ್ಲೆ ಕೊಣೀ ನಾಂತ್. ಆಧುನಿಕ್ ಕಾಳಾಚ್ಯಾ ಬದ್ಲಾವಣೆಕ್ ಲಾಗೊನ್ ಬೆಂಡ್ಕಾರಾಂಚಿ ಪರಿಸ್ಥಿತಿ ಕಶಿ ಹಾಲ್ಕಂದ್ಲ್ಯಾ ಮ್ಹಳ್ಳೆಂ ದಾಕವ್ನ್ ದಿಂವ್ಚೆಂ ಪ್ರಯತ್ನ್ ಹ್ಯಾ ಸಿನೆಮಾನ್ ಕೆಲಾಂ. ಸವೆಂ, ಮನರಂಜನ್ ಗರ್ಜೆಚೆಂ ಮ್ಹಳ್ಳೆಂ ನಿಯಮ್‍ಯೀ ಪಾಳ್ಳಾಂ.

ಮನರಂಜನ್ ದಿಂವ್ಚ್ಯಾಂತ್ ‘ಬೆಂಡ್ಕಾರ್’ ಸಿನೆಮ್ ಜಿಕ್ಲಾಂ. ಏಕ್ ನವಿಚ್ ಕಾಣಿ ಆಟಾಪುನ್ ಸರ್ವ್ ಪಾತ್ರಾಂಕ್ ಸಾಂಗಾತಾ ಘೆವ್ನ್ ಭರ್ಪೂರ್ ಮನರಂಜನ್ ದಿಂವ್ಚ್ಯಾ ಸವೆಂ ಉತ್ತೀಮ್ ಪಾತ್ರ್ ರಚುನ್ ಕಲಾಕಾರಾಂ ಥಾವ್ನ್ ಊಂಚ್ಲೆಂ ನಟನ್ ಕಾಡ್‍ಲ್ಲೆಂ ಪರಿಶ್ರಮ್ ಪ್ರೇಕ್ಷಕಾಂಕ್ ಪಸಂದ್ ಜಾಲಾಂ. ಹ್ಯಾರಿಚ್ಯಾ ಆದ್ಲ್ಯಾ ಫಿಲ್ಮಾಂತ್ಲಿಂ ಥೊಡಿಂ ಉಣೆಂಪಣಾಂ ಹಾಂತುಂ ದಿಸನಾಂತ್. ಜಾಗೃತ್ ಪ್ರೇಕ್ಷಕ್ ಸಗ್ಳೆಂ ಗುಮಾನಾಕ್ ಘೆತಾತ್ ಮ್ಹಳ್ಳಿ ಚತ್ರಾಯ್ ಸಾಂಬಾಳ್ನ್ ಆಪ್ಲಿ ಚಾಕಚಕ್ಯತಾ ಸಗ್ಳಿ ವಾಪಾರ್ನ್ ಹ್ಯಾರಿನ್ ಹೆಂ ಫಿಲ್ಮ್ ತಯಾರ್ ಕೆಲಾಂ. ‘ಬೆಂಡ್ಕಾರ್’ ಪ್ರೇಕ್ಷಕಾಂಕ್ ನಿರಾಸ್ ಕರಿನಾತ್‍ಲ್ಲೆಂ ಫಿಲ್ಮ್ ಮ್ಹಣ್ ಖಂಡಿತ್ ಸಾಂಗ್ಯೆತ್.

ಬೆಂಡ್ಕಾರಾಚೊ ಪಾತ್ರ್ ಖೆಳ್‍ಲ್ಲ್ಯಾ ಪ್ರಿನ್ಸ್ ಜೇಕಬಾಚೆಂ ನಟನ್ ಭೋವ್ ಊಂಚ್. ತಶೆಂಚ್ ತಾಚ್ಯಾ ಪತಿಣೆಚೊ ಪಾತ್ರ್ ಖೆಳ್‍ಲ್ಲ್ಯಾ ವರ್ಷಾ ಉಸ್ಗಾಂವ್ಕಾರಾನ್‍ಯೀ ತಿತ್ಲೆಂಚ್ ಊಂಚ್ ನಟನ್ ಕೆಲಾಂ. ಹ್ಯಾ ದೊಗಾಂನಿ ಸಗ್ಳ್ಯಾ ಪಿಂತುರಾಂತ್ ಪ್ರೇಕ್ಷಕಾಂಚೆರ್ ಭುಲ್ ಘಾಲ್ಯಾ ಮಾತ್ರ್ ನ್ಹಯ್ ತಾಣಿಂ ರಡಶೆಂಯೀ ಕೆಲಾಂ.

ಬೆಂಡ್ಕಾರ್ ಜಾಕೊಬಾಚೆಂ ಕುಟಮ್ ಹ್ಯಾ ಕಾಣಿಯೆಚೆಂ ಕೇಂದ್ರ್. ವ್ಹಡ್ ಭಾವ್ ಬೆಂಡ್ಕಾರಾಂಚ್ಯಾ ಪಂಗ್ಡಾಚೊ ಮುಖೆಲಿ, ತಾಚಿ ಪತಿಣ್ ತಾಕಾ ಗಾಯನಾಂತ್ ಸಾಂಗಾತ್ ದಿತಾ. ಜಾಕೊಬಾಚೊ ಭಾವ್ ಕೆವಿನ್ (ಕೆವಿನ್ ಡಿಮೆಲ್ಲೊ) ತಾಂಕಾಂ ಉಳ್ಟೊ. ತಾಕಾ ವ್ಹಡ್ ಭಾವಾನ್ ಆನಿ ವೊನಿಯೆನ್ ಮೊಗಾನ್, ಪುತಾಪರಿಂ, ವಾಗಯಿಲ್ಲೆಂ ತರೀ ತಾಚೆಂ ಆಕರ್ಷಣ್ ದುಸ್ರೆಂಚ್ ಜಾತಾ. ತಾಕಾ ಬ್ಯಾಂಡಾಚೆರ್ ಆಸಕ್ತ್ ನಾ, ಬಗಾರ್ ತಿರಸ್ಕಾರ್ ಉಬ್ಜತಾ ಆನಿ ಆಪ್ಲ್ಯಾ ವ್ಹಡ್ ಭಾವಾಚೆರ್ ಕಾಂಠಾಳೊಯೀ ಉದೆತಾ. ತಾಕಾ ದುಡ್ವಾಚಿ ಆಶಾ ಆನಿ ಮರ್ಜೆಚೆಂ ಜೀವನ್ ಚಡ್ ಆಕರ್ಷಿತ್ ಜಾತಾ.

ಹಿ ಮೂಳ್ ಕಾಣಿ ಕಶೆಂ ವಾಡಯ್ಲ್ಯಾ, ಹೆರ್ ಪಾತ್ರ್ ಕಶೆಂ ಕುಡ್ಸಿಲ್ಯಾತ್ ಆನಿ ಕಿತೆಂ ಘಡ್ತಾ, ಕ್ಲೈಮ್ಯಾಕ್ಸ್ ಕಶೆಂ ಜಾತಾ ಮ್ಹಳ್ಳೆಂ ತುಮಿ ಸಿನೆಮ್ ಪಳೆವ್ನ್ಂಚ್ ಎಂಜಾಯ್ ಕರಿಜೆ. ಸತ್ ಸಾಂಗಜೆ ಜಾಲ್ಯಾರ್, ಹ್ಯಾ ಸಿನೆಮಾಂತ್ ಅಧಿಕಪ್ರಸಂಗ ಬಿಲ್ಕುಲ್ ನಾ. ಜಾಯ್ತಿ ಜಾಗ್ರುತ್ಕಾಯ್ ಘೆವ್ನ್ ಫಿಲ್ಮ್ ಕೆಲಾಂ ಮ್ಹಳ್ಳೆಂ ಕಳ್ತಾ. ಸಿನೆಮಾಚೆ ಪ್ರಮುಖ್ ಪ್ಲಸ್ ಪಾಂಯ್ಟ್ ಮ್ಹಳ್ಯಾರ್ ನಟನ್, ನಿರೂಪಣ್, ಕೊಮೆಡಿ ಆನಿ ಸಂಗೀತ್. ಹೆ ತೀನ್ ಅಂಶ್ ಸಿನೆಮ್ ಉಕಲ್ನ್ ಧರುಂಕ್ ಪ್ರಮುಖ್ ಕಾರಣ್ ಜಾಲ್ಯಾತ್ ಮ್ಹಣ್ ಖಚಿತ್ ಜಾವ್ನ್ ಸಾಂಗ್ಯೆತ್.

ಬೆಂಡ್ಕಾರಾಚ್ಯಾ ಕುಟ್ಮಾಂತ್ಲೆಂ ಸಂಘರ್ಷ್ ಮೂಳ್ ಕಾಣಿ ಜಾವ್ನ್ ವ್ಹಾಳ್ತಾ. ಹ್ಯಾ ಪಾತ್ರಾಂಕ್ ಆನಿ ಕಾಣಿಯೆಕ್ ಲಗ್ತಿ ಜಾವ್ನ್ಂಚ್ ಸಗ್ಳೆಂ ಪಿಂತುರ್ ರಚ್ಲಾಂ. ಕೊಮೆಡಿ ಆಪುರ್ಬಾಯೆಚಿ ಆಸಾ. ವಿಶೇಸ್ ಮ್ಹಳ್ಯಾರ್, ಕೊಮೆಡಿಚೆ ಪಾತ್ರ್ ಫಕತ್ ಕೊಮೆಡಿ ಖಾತಿರ್ ರಚುಂಕ್ ನಾಂತ್, ಬಗಾರ್ ತೆ ಕಾಣಿಯೆಂತ್‍ಚ್ ಉದೆಲ್ಲೆ ಪಾತ್ರ್. ಸಿನೆಮಾಚ್ಯಾ ಕಾಣಿಯೆಂತ್ ಪ್ರಮುಖ್ ವಿಲನ್ ಮ್ಹಳ್ಯಾರ್ ಪಾತ್ರ್ ನ್ಹಯ್ ಬಗಾರ್ ಸ್ವಾರ್ಥ್ ಆನಿ ಆಬ್ಲೆಸ್; ತಾಕಾ ಪೂರಕ್ ಜಾವ್ನ್ ಬೆಂಡ್ಕಾರಾಚ್ಯಾ ಪತಿಣೆಕ್ ಲಾಗ್‍ಲ್ಲಿ ಪಿಡಾ, ಥ್ರೋಟ್ ಕ್ಯಾನ್ಸರ್, ಕಾಣಿಯೆಕ್ ಘುಂವ್ಡಿ ಆನಿ ದಿಶಾ ದಿತಾತ್.

ಹ್ಯಾರಿ ಫೆರ್ನಾಂಡಿಸಾನ್ ಸದಾಂಚ್ಯಾ ಸವಯ್ ಆನಿ ಶೈಲೆಂ ಥಾವ್ನ್ ಭಾಯ್ರ್ ಯೇವ್ನ್ ಹೆಂ ಫಿಲ್ಮ್ ಕೆಲಾಂ ಮ್ಹಳ್ಳೆಂ ಮೆಚ್ವಜೆ ಜಾಲ್ಲಿ ಗಜಾಲ್. ಚಡಾವತ್ ಸಿನೆಮಾಂನಿ ಏಕ್ ದೋನ್ ಪುಣೀ ಆ್ಯಕ್ಷನ್-ಸ್ಟಂಟ್ ದೃಶ್ಯಾಂ ಆಸ್ತಾತ್. ಹಾಂತುಂ ತೆಂ ನಾ. ಖಳ್‍ನಾಯಕ್ ಜಾವ್ನ್ ಹೀರೋಯಿನಿಚೊ ಮಾವ್ಳೊ ಜೆ.ಡಿ. (ಸ್ಟ್ಯಾನಿ ಅಲ್ವಾರಿಸ್) ಆಸಾ, ಪುಣ್ ತೊ ಪಾತ್ರ್ ವಿಲನಾ ಪ್ರಾಸ್ ವೆಗ್ಳೊಚ್ ದಿಸ್ತಾ. ಹ್ಯಾರಿನ್ ಫಕತ್ ಆಪ್ಲಿ ಕಾಣಿ, ತಾಂತ್ಲೆ ಮುಖ್ಯ್ ಪಾತ್ರ್ ಆನಿ ಸನ್ನಿವೇಶಾಂಚೆರ್ ಚಡ್ ಗುಮಾನ್ ದೀವ್ನ್ ಹೆಂ ಫಿಲ್ಮ್ ಕಾಡ್ಲಾಂ. ಬಜೆಟ್ ಸೀಮಿತ್, ಮಾರ್ಕೆಟ್‍ಯೀ ಅನಿಶ್ಚಿತ್ ಮ್ಹಣ್ಚೆ ತಿತ್ಲಿ ಉಣಿ ವಾ ರಿಸ್ಕಾಚಿ ಮ್ಹಳ್ಳೆಂ ಕೊಡು ಸತ್ ನೆಗಾರುಂಕ್ ಬಿಲ್ಕುಲ್ ಜಾಯ್ನಾ. ತ್ಯಾ ಸರ್ವ್ ಬಾಂಧ್ಪಾಸಾಂ ಮಧೆಂ ಫಕತ್ ಆಪ್ಲೊ ಅನುಭವ್, ಕೌಶಲ್ಯತಾ ಆನಿ ತಾಂತ್ರಿಕತಾಚೆರ್ (ಎಡಿಟಿಂಗ್) ಆಸ್ಚೆಂ ನಿಯಂತ್ರಣ್ ಪೂರ್ಣ್ ಮಾಪಾನ್ ವಾಪಾರುನ್ ‘ಬೆಂಡ್ಕಾರ್’ ಲೊಕಾ ಸಮೊರ್ ದವರ್ಲಾಂ ಹ್ಯಾರಿನ್. ಸಾರ್ಕೆಂ ಸಾಂಗ್ಚೆಂ ತರ್ ಹೆಂ ಪಕ್ಕಾ ‘ಹ್ಯಾರಿ ಫೆರ್ನಾಂಡಿಸ್ ಫಿಲ್ಮ್’.

ಆನಿ ಹೊ ಪ್ರಯೋಗ್ ಖಂಡಿತ್ ಜಿಕ್ಲಾ. ಆದಿಂ ‘ಬುಡ್ಕುಲೊ’ ಇ-ಪತ್ರಾಕ್ ದಿಲ್ಲ್ಯಾ ಸಂದರ್ಶನಾಂತ್ ಹ್ಯಾರಿನ್ ಸಾಂಗ್‍ಲ್ಲೆಂ, ‘ಪ್ರೇಕ್ಷಕಾನ್ ಫೀಲ್ ಕೆಲ್ಲೆಂ ಸಿನೆಮ್ ಜಿಕ್ತಾ’ ಮ್ಹಣೊನ್. ಖಂಡಿತ್ ಜಾವ್ನ್ ‘ಬೆಂಡ್ಕಾರ್’ಯೀ ಪ್ರೇಕ್ಷಕಾಂನಿ ಫೀಲ್ ಕರ್ಚೆ ತಸಲೆಂ ಸಿನೆಮ್. ಪ್ರತ್ಯೇಕ್ ಕರ್ನ್ ಕೊಂಕ್ಣಿ ಕ್ರಿಸ್ತಾಂವ್ ಪರ್ಜೆಕ್ ಲಗ್ತಿ ಜಾಲ್ಲಿ ಕಥಾ ವಸ್ತ್ ಆನಿ ಪಾತ್ರ್ ಆಸ್‍ಲ್ಲೆಂ ಹೆಂ ಸಿನೆಮ್ ಲೊಕಾಕ್ ಪಸಂದ್ ಜಾಂವ್ಚ್ಯಾಂತ್ ದುಬಾವ್ ನಾ. ಗಲ್ಫಾಂತ್ ವೆವೆಗ್ಳೆ ಕಡೆನ್ ಆನಿ ಗೊಂಯಾಂತ್‍ಯೀ ಪಿಂತುರ್ ಪಳೆಲ್ಲ್ಯಾ ಪ್ರೇಕ್ಷಕಾಂನಿ ದಿಲ್ಲಿ ಪ್ರತಿಕ್ರಿಯಾ ತಾಕಾ ಸಾಕ್ಸ್.

ಕೊಮೆಡಿ ವಾ ಹಾಸ್ಯ್ ಸಿನೆಮಾಂನಿ ಅತೀ ಗರ್ಜ್. ಹ್ಯಾ ಪಿಂತುರಾಂತ್ಲೆ ಹಾಸ್ಯ್ ಪಾತ್ರ್ ಆನಿ ಸನ್ನಿವೇಶಾಂ ಖಂಡಿತ್ ಫ್ರೆಶ್ ಆಸಾತ್. ಫಕತ್ ಮಧೆಂ ಮಧೆಂ ಪ್ರೇಕ್ಷಕಾಂಕ್ ಬಲಾತ್ಕಾರಾನ್ ಹಾಸಯ್ಜೆ ಮ್ಹಳ್ಳೆಂ ಧೋರಣ್ ಹಾಂಗಾ ಬಿಲ್ಕುಲ್ ನಾ. ಹಾಸ್ಯ್ ನಟ್ ಜಾವ್ನ್ಂಚ್ ಮಂಗ್ಳುರ್ಗಾರಾಂಕ್ ವಳ್ಕಿಚೊ ಜಾಲ್ಲೊ ಪ್ರಿನ್ಸ್ ಜೇಕಬ್ ಹ್ಯಾ ಪಾವ್ಟಿಂ ಗಂಭೀರ್ ಪಾತ್ರ್ ಖೆಳ್ತಾ. ಗೊಂಯಾಂತ್ಲೊ ಆನ್ಯೇಕ್ ಖ್ಯಾತ್ ಹಾಸ್ಯ್ ನಟ್ ಜಾನ್ ಡಿಸಿಲ್ವಾನ್ ‘ಬೆಂಡ್ಕಾರ್’ ಫಿಲ್ಮಾಂತ್ ಕೊಮೆಡಿಚೆಂ ಜೂಂ ಖಾಂದ್ಯಾರ್ ವ್ಹಾವಯ್ಲಾಂ. ತಾಚಿ ವಿಶಿಸ್ಟ್ ಶೈಲಿಚ್ ಪ್ರೇಕ್ಷಕಾಂಕ್ ಹಾಸಯ್ತಾ. ತಾಣೆಂ ಡೈಲಾಗ್ ಡೆಲಿವರಿ ಕರ್ಚಿ ರೀತ್‍ಯೀ ನಿಜಾಯ್ಕಿ ವಿಶಿಸ್ಟ್. ತಾಚೆಂ ಸಗ್ಳೆಂ ಕುಟಮ್, ತೊ, ತಾಚಿ ಪತಿಣ್ (ಸುನಿತಾ ಮಿನೇಜಸ್) ಆನಿ ಪೂತ್ (ದೀಪಕ್ ಪಾಲಡ್ಕ), ಕೊಮೆಡಿಚೆ ಸೂತ್ರ್‌ಧಾರ್.

ಕಥಾ ನಾಯಕ್, ಹೀರೊ ಹೀರೋಯಿನ್ ತಶೆಂಚ್ ಕೊಮೆಡಿ ಜಾಂವ್ ಹೆರ್ ಲ್ಹಾನ್ ವ್ಹಡ್ ಪಾತ್ರ್ ಜಾಂವ್, ಸಕ್ಡಾಂಕೀ ಬರೆಚ್ ಪಾತ್ರ್ ಆನಿ ಪ್ರಾಮುಖ್ಯತಾ ಸಿನೆಮಾಂತ್ ಆಸಾ. ಲ್ಹಾನ್ ಪಾತ್ರಾಂಕೀ ಮಹತ್ವ್ ದಿಲಾ. ತ್ಯಾ ವರ್ವಿಂ ಸಿನೆಮಾಚ್ಯಾ ಸಗ್ಳ್ಯಾ ಆವ್ದೆಂತ್ ಪೂರ್ಣ್ ಮಾಪಾಚೆಂ ಮನರಂಜನ್ ಪ್ರೇಕ್ಷಕಾಂಕ್ ಲಾಭ್ತಾ.

ಚಡಾವತ್ ಪಾತ್ರಾಂಚೆಂ, ನಟನಾಂತ್ ಸ್ಪರ್ಧೊಚ್ ಚಲ್ಲಾ ಮ್ಹಳ್ಳೆಪರಿಂ, ಅಭಿನಯನಾಂತ್ ಪರಿಪಿಕಾಯ್ ಉಟೊನ್ ದಿಸ್ತಾ. ಪ್ರಿನ್ಸ್ ಜೇಕಬ್ ಆನಿ ವರ್ಷಾ ಹೆಳ್‍ಲ್ಲಿಂ ಕಲಾಕಾರಾಂ. ತಾಂಕಾಂ ಸ್ಪರ್ಧೊ ದೀವ್ನ್ ತರ್ನಿ ನಟಿ ನೈಸಾ ಲೊಟ್ಲೀಕರಾನ್ ನಿಜಾಯ್ಕೀ ಅದ್ಭುತ್ ನಟನ್ ಕೆಲಾಂ. ಹ್ಯಾ ಪಾತ್ರಾಕ್ ಫಕತ್ ಮೋಗ್ ಕರ್ಣಾರ್ ಚಲಿಯೆಚೊ ಪಾತ್ರ್ ನಾ, ಬಗಾರ್ ವೆವೆಗ್ಳೆ ಗೂಣ್-ಅವ್ಗುಣಾಂಚೊ ಪುಂಜೊ ಮ್ಹಳ್ಳೆಪರಿಂ ಆಸೊನ್, ನಟನಾಕ್ ಧಾರಾಳ್ ಆವ್ಕಾಸ್ ಮೆಳ್ಳಾ. ತೊ ತಿಣೆಂ ಸಂಪೂರ್ಣ್ ಮಾಪಾನ್ ಗಳ್ಸಿಲಾ ಮಾತ್ರ್ ನ್ಹಯ್ ಸಿನೆಮಾಚಿ ಕ್ವಾಲಿಟಿ ಜಾಯ್ತ್ಯಾ ಮಾಪಾನ್ ಊಂಚಾಯೆಕ್ ವ್ಹೆಲ್ಯಾ. ಫುಡಾರಾಂತ್ ಶ್ರೇಷ್ಠ್ ನಟಿ ಜಾವ್ನ್ ಪರ್ಜಳೊಂಕ್ ನೈಸಾಕ್ ಆವ್ಕಾಸ್ ಮೆಳೊಂಕ್ ‘ಬೆಂಡ್ಕಾರ್’ ಸಿನೆಮಾನ್ ಬುನ್ಯಾದ್ ಘಾಲ್ಯಾ.

ಸ್ಟ್ಯಾನಿ ಅಲ್ವಾರಿಸ್ ಹೆಳ್‍ಲ್ಲೊ ಕಲಾಕಾರ್. ಹ್ಯಾರಿಚ್ಯಾ ಸಿನೆಮಾಂನಿ ತಾಕಾ ಖಾಯಾಮ್ ಪಾತ್ರ್ ಆಸಜೆಚ್. ಪೋಷಕ್ ಪಾತ್ರಾಂಕ್ ತೊ ಜೀವ್ ಭರ್ತಾ. ಹ್ಯಾ ಪಿಂತುರಾಂತ್‍ಯೀ ತಾಕಾ ವ್ಹಡ್ ಪಾತ್ರ್ ಮೆಳ್ಳಾ. ನಿರ್ದೇಶಕಾನ್ ತಾಚೊ ಪಾತ್ರ್ ಆನಿಕೀ ಇಂಪ್ರೆಸಿವ್ ಕರಿಜೆ ಆಸ್‍ಲ್ಲೊ. ಸ್ಟ್ಯಾನಿಕ್ ವಿಲನ್ ಪಾತ್ರ್ ಜಾಂವ್ ಹೆರ್ ಪಾತ್ರ್ ಜಾಂವ್ ಸಲೀಸಾಯೆನ್ ನಟನ್ ಕರ್ಚಿ ಶ್ಯಾಥಿ ಆಸಾ. ಹೆರ್ ವ್ಹಡ್ ಫಿಲ್ಮಾಂನಿ ಕಶೆಂ ವಿಲನ್ ಘೊರೊಜ್ ಘಾಲ್ತಾತ್ ತಸಲೆ ಪಾತ್ರ್ ಸ್ಟ್ಯಾನಿಕ್ ಮೆಳ್ಳ್ಯಾರ್ ಪಡ್ದ್ಯಾರ್ ತೊ ಕಿಂಗ್‍ಚ್ ಮ್ಹಣ್ಯೆತ್. ತಸಲಿಂ ಬರಿಂ ಫಿಲ್ಮಾಂ ಯೇಂವ್ದಿತ್. ಹೀರೋಕ್ ಜೊಕ್ತೊ ಪ್ರತಿಸ್ಪರ್ಧಿ ಆಸ್ಲ್ಯಾರ್ ಮಾತ್ರ್ ಸಿನೆಮ್ ರೋಚಕ್ ಜಾತಾ.

ಹೆಳ್‍ಲ್ಲ್ಯಾ ಕಲಾಕಾರಾಂ ಸವೆಂ ನವ್ಯಾನ್ ನಟನ್ ಕೆಲ್ಲ್ಯಾ ಥೊಡ್ಯಾಂ ಪಯ್ಕಿ ಸುನಿತಾ ಮಿನೇಜಸಾನ್ ಅದ್ಭುತ್ ನಟನ್ ಕೆಲಾಂ. ತಿಚೆ ಥಂಯ್ ಬರಿ ನಟಿ ಆಸಾ ಮ್ಹಳ್ಳೆಂ ತಿಚ್ಯಾ ಅಭಿನಯನಾಂತ್ ದಿಸ್ತಾ. ಸಲೊಮಿ ಅಲ್ವಾರಿಸ್ ಎದೊಳ್‍ಚ್ ನಾಟಕಾಂನಿ ಅಭಿನಯನ್ ಕರ್ನ್ ಪ್ರೇಕ್ಷಕಾಂಚಿಂ ಮನಾಂ ಜಿಕ್ಲಾಂ. ತಾಕಾ ಮೆಳ್‍ಲ್ಲೊ ಪಾತ್ರ್ ನಟನಾಕ್ ತಿತ್ಲೊ ಸ್ಕೋಪ್ ದಿಂವ್ಚೊ ನ್ಹಯ್ ತರೀ, ತಾಣೆಂ ಪೂರ್ಣ್ ಪ್ರಯತ್ನ್ ಕೆಲಾಂ. ಬರೆ ಪಾತ್ರ್ ಮೆಳ್ಳ್ಯಾರ್, ಮುಖ್ಲ್ಯಾ ಸಿನೆಮಾಂನಿ ತೆಂ ಖಂಡಿತ್ ಪರ್ಜಳ್ತೆಲೆಂ.

ಹೀರೊ ಜಾವ್ನ್ ಪಾತ್ರ್ ಖೆಳ್‍ಲ್ಲ್ಯಾ ಕೆವಿನಾಚೆಂ ನಟನ್ ಬರೆಂ ಆಸ್‍ಲ್ಲೆಂ ತರೀ, ತಾಚೆ ಲುಕ್ಸ್ ಹೀರೊಕ್ ಸಹಜ್ ಜಾವ್ನ್ ನಾಂತ್. ನಟನಾಕ್ ತಾಕಾ ಭರ್ಪೂರ್ ಆವ್ಕಾಸ್ ಆಸ್‍ಲ್ಲೆ ತರೀ, ಹೀರೋಯಿನಿ ಮುಖಾರ್ ತೊ ತಿತ್ಲೊ ಖಾಯ್ಸ್ ಜಾಯ್ನಾ. ದೀಪಕ್ ಪಾಲಡ್ಕಾಕ್ ಕೊಮೆಡಿ ಪಾತ್ರ್ ಮ್ಹಳ್ಯಾರ್ ಭಾರೀ ಪಸಂದ್ ಮ್ಹಳ್ಳೆಂ ತಾಣೆ ನಟನ್ ಕೆಲ್ಲೊ ಪಾತ್ರ್‌ಚ್ ಸಾಂಗ್ತಾ. ತಾಚಿ ಕೊಮೆಡಿ ಪ್ರೇಕ್ಷಕಾಂಕ್ ಹಾಸ್ಯಾಚಿಂ ಲ್ಹಾರಾಂ ಉಟಂವ್ಕ್ ಸಕ್ತಾ. ತಾಚೆಂ ‘ಲಿಂಬ್ಯಾವತಾರ್’ ಭಾರೀ ಸಕ್ಸೆಸ್! ಹೀರೋಯಿನಿಚ್ಯಾ ಆವಯ್ಚ್ಯಾ ಪಾತ್ರಾಚೆಂ (ಸ್ನೇಹ್ ಮೆಹ್ತಾ) ನಟನ್‍ಯೀ ಫಸ್ಟ್ ಕ್ಲಾಸ್. ಬೆಂಡ್ಕಾರಾಚೊ ಸಾಂಗಾತಿ ಜಾವ್ನಾಸ್ಚ್ಯಾ ಕ್ಲಾಡ್ ಡಿಲೀಮಾಚೆಂ ನಟನ್ ಬರೆಂ ಜಾಲಾಂ.

ಸಂಗೀತ್ ಆನಿ ಪ್ರತ್ಯೇಕ್ ಕರ್ನ್ ಪದಾಂಕ್ ದಿಲ್ಲೆಂ ಸಂಗೀತ್ ನಿಜಾಯ್ಕೀ ಆಪುರ್ಬಾಯೆಚೆಂ; ದೆಕುನ್‍ಂಚ್ ಸಿನೆಮ್ ಗ್ರ್ಯಾಂಡ್ ಜಾಲಾಂ. ಸಂಗೀತಾಚೆಂ ಫ್ರೆಶ್‍ನೆಸ್ ಕಾನಾಂಕ್ ಧಾದೊಸ್ಕಾಯ್ ದಿತಾ. ಪಿಂತುರಾಕ್ ಸೊಭಾಯ್ ದಿಂವ್ಚ್ಯಾ ಪದಾಂಕ್ ಸಂಗೀತಾನ್‍ಂಚ್ ಉಕಲ್ನ್ ಧರ್ಲಾಂ.

ಹ್ಯಾ ಸರ್ವ್ ಅಂಶಾಂ ಮುಖಾಂತ್ರ್ ‘ಬೆಂಡ್ಕಾರ್’ ಪಳೆಂವ್ಕ್ ಆಪುರ್ಬಾಯ್ ಭೊಗ್ತಾ. ಮನರಂಜನಾ ಸವೆಂ ಭಾವನಾತ್ಮಕ್ ಸನ್ನಿವೇಶಾಂಯೀ ದರಬಸ್ತ್ ಆಸಾತ್. ಥೊಡ್ಯಾ ದೃಶ್ಯಾಂನಿ ಪಾತ್ರಾಂ ಸವೆಂ ಪ್ರೇಕ್ಷಕ್‍ಯೀ ರಡ್ತಾತ್. ನಿಮಾಣಿಂ ದೃಶ್ಯಾಂ ದೊಳ್ಯಾಂನಿ ದುಖಾಂ ಹಾಡಯ್ತಾತ್.

ಬೆಂಡ್ಕಾರಾಂಚ್ಯಾ ಪ್ರಸ್ತುತ್ ಪರಿಗತಿಂ ವಿಶಿಂ ಸಿನೆಮ್ ಉಜ್ವಾಡ್ ಫಾಂಕಯ್ತಾ. ತಾಚೆ ಸವೆಂ ಆಧುನಿಕತೆಚ್ಯಾ ಪ್ರಭಾವಾನ್ ಯುವಜನಾಂಗ್ ಕಶೆಂ ದುಡು ಆನಿ ಆಬ್ಲೆಸಾಂ ಪಾಟ್ಲ್ಯಾನ್ ಧಾಂವ್ತಾ ಮ್ಹಳ್ಳೆಂ ಚಿಂತುಂಕ್, ವಿಶ್ಲೇಶಣ್ ಕರುಂಕ್‍ಯೀ ಹ್ಯಾ ಪಿಂತುರಾನ್ ಪ್ರೇರಣ್ ದಿಲಾಂ. ಲೊಕಾಕ್ ಫಕತ್ ಮನರಂಜನ್ ನ್ಹಯ್, ತಾಚೆ ಸವೆಂ ಇಲ್ಲೆಶೆಂ ಚಿಂತುಂಕ್, ನಿಯಾಳುಂಕ್‍ಯೀ ಕಿತೆಂ ಪುಣೀ ದೀಜೆ ಮ್ಹಳ್ಳೊ ಆಶಯ್ ಹಾಂಗಾ ಸಾಕಾರ್ ಜಾಲಾ.

ಹೆಂ ನಿಜಾಯ್ಕೀ ಹರ್ಯೆಕ್ ಕೊಂಕ್ಣಿ ಲೊಕಾನ್ ಪಳೆಜೆ ಜಾಲ್ಲೆಂ ಪಿಂತುರ್. ಅಸಲ್ಯಾ ನಿತಳ್ ಫಿಲ್ಮಾಂಕ್ ಚಡ್ ಆನಿ ಚಡ್ ಲೊಕಾನ್ ಪಳೆವ್ನ್ ಯಶಸ್ವಿ ಕೆಲ್ಯಾರ್ ಮುಖಾರಿಂಕ್ ಆನಿಕೀ ಬರಿಂ, ಊಂಚ್ ಸಿನೆಮಾಂ ಖಂಡಿತ್ ಯೇಂವ್ಕ್ ಸಾಧ್ಯ್ ಆಸಾ. ಪ್ರಸ್ತುತ್ ಬಾಳ್ಪಣಾಚಿಂ ಮೆಟಾಂ ಕಾಡ್ನ್ ಆಸ್ಚಿಂ ಕೊಂಕ್ಣಿ ಸಿನೆಮಾಂ, ಮೆಚ್ಯೂರಿಟಿಕ್ ಪಾವಜೆ ತರ್, ಕಾಡ್‍ಲ್ಲಿಂ ಸಿನೆಮಾಂ ಜಿಕಜೆ. ಲೊಕಾನ್ ಸಿನೆಮಾ ಪಳೆವ್ನ್ ಬರೆಂ ಆಸ್ಲ್ಯಾರ್ ಬರೆಂ ಸಾಂಗೊನ್ ಎಕಾಮೆಕಾ ಪ್ರಚಾರ್ ದೀಜೆ. ತಶೆಂಚ್ ರುಚನಾತ್‍ಲ್ಲೆಂ ಉಚಾರ್ಲ್ಯಾರ್ ಮುಖ್ಲ್ಯಾ ಫಿಲ್ಮಾಂನಿ ಸುಧ್ರಾಪ್ ಆನಿ ಬದ್ಲಾವಣ್ ಹಾಡುಂಕ್‍ಯೀ ಮಜತ್ ಮೆಳ್ತಾ.

‘ಬೆಂಡ್ಕಾರ್’ ಸಿನೆಮ್ ಆಪ್ಲ್ಯಾ ಸೀಮಿತ್ ಬಜೆಟಿಂತ್ ಕಾಡ್‍ಲ್ಲೆಂ ಜಾಲ್ಲ್ಯಾನ್, ವ್ಹಡ್ ವ್ಹಡ್ ಸಿನೆಮಾಂಕ್ ತುಲನ್ ಕರುಂಕ್ ಜಾಯ್ನಾ. ಉಣೆಂಪಣಾಚ್ಯೊ ಆನಿ ಸುಧ್ರಾವ್ಯೆತ್ ಜಾಲ್ಲ್ಯೊ ಕಾಂಯ್ ಗಜಾಲಿ ಹಾಂತುಂಯೀ ಆಸಾತ್. ಕ್ಯಾಮೆರಾ ವರ್ಕ್ ಕಿತೆಂಚ್ ಪಾವನಾ. ಫಕತ್ ದರ್ಶನ್ ಕರ್ಚ್ಯಾ ಶಿವಾಯ್ ಕ್ರಿಯೇಟಿವಿಟಿ ಜಾಂವ್ ಅದ್ಭುತ್ ಕೌಶಲ್ಯತಾ ಜಾಂವ್ ನಾ. ಉಣ್ಯಾ ಆವ್ದೆರ್, ಆಸ್‍ಲ್ಲ್ಯಾಚ್ ಜಾಗ್ಯಾರ್ ಜಟ್‍ಪಟ್ ಪ್ರೊಡಕ್ಷನ್ ಕಶೆಂ ಕರ್ಯೆತ್ ಮ್ಹಳ್ಳೆಂ ಉಟೊನ್ ದಿಸ್ತಾ. ಹ್ಯಾ ಬಾಂಧ್ಪಾಸಾಂ ಆನಿ ಅಡ್ಕಳಿಂ ವರ್ವಿಂ ಸಿನೆಮಾಕ್ ಬಾಧಕ್ ಯೆತಾ ಮ್ಹಳ್ಳೆಂ ವಿಸ್ರೊಂಕ್ ಜಾಯ್ನಾ. ಪುಣ್ ಹ್ಯಾರಿ ಫೆರ್ನಾಂಡಿಸ್ ಹೆಂ ಸಗ್ಳೆಂ ಧಾಂಪುನ್ ವ್ಹರುನ್ ಪ್ರೇಕ್ಷಕಾಂನಿ ಪಡ್ದ್ಯಾರ್ ಸಿನೆಮ್ ಪಳೆಂವ್ಕ್ ಹರ್ಕತ್ ನಾತ್‍ಲ್ಲೆಪರಿಂ ಕರ್ಚ್ಯಾಂತ್ ಹೆಳ್ಳಾ. ತಾಚೆಂ ಶಾಣೆಂಪಣ್ ಸಕ್ಡಾಂ ಪ್ರಾಸ್ ವ್ಹಡ್ ಬಂಡ್ವಾಳ್ ಮ್ಹಳ್ಳೆಂ ವಿಸ್ರನಾಯೆ.

ಹ್ಯಾರಿಚ್ಯಾ ಸಿನೆಮಾಂನಿ ಪಾತ್ರಾಂಕ್ ಕಿತ್ಯಾಕ್ ನಾಂವಾಂ ಮೆಳನಾಂತ್ ಮ್ಹಳ್ಳೆಂಚ್ ವಿಚಿತ್ರ್. ಹೆಂ ತಾಚೆಂ ಚವ್ತೆಂ ಕೊಂಕ್ಣಿ ಸಿನೆಮ್. ಸಿನೆಮ್ ಏಕ್ ಕಾಣಿ; ಕಾಲ್ಪನಿಕ್ ಸಂಸಾರ್. ನಟ್-ನಟಿ ಸಿನೆಮಾಂನಿ ನಟನ್ ಕರ್ತಾತ್ ಶಿವಾಯ್ ತಿಂಚ್ ತಾಂತ್ಲೆ ವ್ಯಕ್ತಿ ನ್ಹಯ್. ಕಾಣಿ ಬರಂವ್ಚಿ ಏಕ್ ಕಲಾ ಆನಿ ದೆಣೆಂ. ತಶೆಂಚ್ ಪಾತ್ರ್ ರಚನ್ ಆನಿ ತ್ಯಾ ಪಾತ್ರಾಂಕ್ ಜೊಕ್ತಿಂ, ಕ್ರಿಯೇಟಿವ್, ಆಕರ್ಷಕ್ ನಾಂವಾಂ ದಿಂವ್ಚೆಂ ನಿಜಾಯ್ಕೀ ಅದ್ಭುತ್ ದೆಣೆಂ. ಯಂಡಮೂರಿ ವೀರೇಂದ್ರನಾಥಾಚ್ಯಾ ಕಾಣಿ-ಕಾದಂಬರಿಂನಿ ಯೆಂವ್ಚ್ಯಾ ಪಾತ್ರಾಂಚಿಂ ನಾಂವಾಂ ಭೋವ್ ಆಕರ್ಷಕ್. ಕಿತ್ಲೆಶ್ಯಾಗಿ ಜಣಾಂನಿ ತಿಂ ನಾಂವಾಂ ಆಪ್ಣಾವ್ನ್ ಆಪ್ಲ್ಯಾ ಭುರ್ಗ್ಯಾಂಕ್ ದವರ್ಲ್ಯಾಂತ್. ಪುಣ್ ಹ್ಯಾರಿಚ್ಯಾ ಫಿಲ್ಮಾಂನಿ ನಾಂವಾಂಕ್ ಕಿತ್ಯಾಕ್ ಬರ್ಗಾಲ್ ಮ್ಹಳ್ಳೆಂ ತಾಣೆಂಚ್ ಸಾಂಗಜೆ.

ಎದೊಳ್ಚಿಂ ಚಾರ್ ಸಿನೆಮಾಂ ಪಳೆಲ್ಯಾ ಉಪ್ರಾಂತ್ ಸಾಂಗ್ಚೆಂ ತರ್, ಹ್ಯಾರಿಕ್ ನಾಂವಾಂ ದವರುಂಕ್ ಕಳಿತ್ ನಾ ಮ್ಹಳ್ಳೆಂ ಉಟೊನ್ ದಿಸ್ತಾ. ದಿಲ್ಲಿಂ ನಾಂವಾಂಚ್ ಎಕಾ ಪ್ರಾಸ್ ಚಡ್ ಸಿನೆಮಾಂನಿ ವಾಪಾರ್ಚೆಂ ವಾ ನಟ್-ನಟಿಂಚಿಂ ನಾಂವಾಂಚ್ ತಾಂಚ್ಯಾ ಪಾತ್ರಾಂಕ್‍ಯೀ ದಿಂವ್ಚೆಂ! ಹಿ ಕಸಲಿ ಆಳ್ಸಾಯ್? ‘ಬೆಂಡ್ಕಾರ್’ ಸಿನೆಮಾಂತ್ ಹೆಂ ಅತಿರೇಕಾಕ್ ಪಾವ್ಲಾಂ. ಪ್ರಿನ್ಸ್ ಜೇಕಬಾಚೊ ಪಾತ್ರ್ ತ್ಯಾಚ್ ನಾಂವಾಚೊ, ಕೆವಿನ್ ಡಿಮೆಲ್ಲೊಚೊ ಪಾತ್ರ್‌ಯೀ ಕೆವಿನ್‍ಂಚ್! ದೀಪಕ್ ಪಾಲಡ್ಕಾಚೊ ಪಾತ್ರ್‌ಯೀ ದೀಪಕ್‍ಚ್! ಸುಜಾತಾ ಫಿಲ್ಮಾಂತ್‍ಯೀ ಸುಜಾತಾ! ಅಶೆಂ ಕಿತ್ಯಾಕ್? ಕಾಣಿ ರಚ್ತಾನಾ ನಾಂವಾಂ ದಿಂವ್ಚೆ ತಿತ್ಲಿಯೀ ಪುರ್ಸತ್ ನಾ ವಾ ಆ್ಯಕ್ಟರಾಂಚಿಂಚ್ ನಾಂವಾಂ ದಿಲ್ಯಾರ್ ರಿಸ್ಕ್ ನಾ ಮ್ಹಳ್ಳೆಂ ಧೋರಣ್?

ಹ್ಯಾರಿ ಫೆರ್ನಾಂಡಿಸ್ ಕೊಂಕ್ಣೆಂತ್ಲ್ಯಾ ಹೆರ್ ವ್ಯಕ್ತಿಂಪರಿಂ ನ್ಹಯ್. ಕೊಂಕ್ಣಿ ಮನಿಸ್ ಜಾಲ್ಯಾರೀ, ಕೊಂಕ್ಣೆಂತ್ಲ್ಯಾ ಪೊಲಿಟಿಕ್ಸಾ ಥಾವ್ನ್ ತೊ ಅಲಗ್ ಆಸಾ. ದೆಕುನ್‍ಂಚ್ ಕಿತೆಂಯೀ ಠಿಕಾ ವಾ ವ್ಯತಿರಿಕ್ತ್ ಅಭಿಪ್ರಾಯ್ ಆಯ್ಕೊಂಕ್ ಮೆಳ್ಳ್ಯಾರ್ ತೊ ಉಗ್ತ್ಯಾ ಮನಾನ್ ಸ್ವೀಕಾರ್ ಕರ್ತಾ. ತಾಚೆಂ ಪಯ್ಲೆಂ ಸಿನೆಮ್ ‘ನಶಿಬಾಚೊ ಖೆಳ್’ ಧರ್ನ್ ‘ಬೆಂಡ್ಕಾರ್’ ಫಿಲ್ಮಾ ಪರ್ಯಾಂತ್ ಹಾಂವೆಂ ಬರೆಂ ವಾಯ್ಟ್ ದಿಸ್‍ಲ್ಲೆಂ ಉಗ್ತ್ಯಾನ್ ಸಾಂಗ್ತಾನಾ ತಾಣೆಂ ತೆಂ ಸ್ವೀಕಾರ್ ಕೆಲಾಂ. ತೆಂ ತಾಣೆಂ ಸಮಚಿತ್ತ್‌ಪಣಿಂ ಘೆತ್ಲಾಂ. ಸತ್ ಸಾಂಗ್ಚೆಂ ತರ್, ತಾಚ್ಯಾ ಎಕಾ ಸಿನೆಮಾ ವಿಶಿಂ ಹಾಂವೆಂ ಖಡಕ್ ಅಭಿಪ್ರಾಯ್ ದಿಲ್ಲಿ. ಪುಣ್ ತಾಣೆಂ ತೆಂ ಏಕ್ ಚಾಲೆಂಜ್ ಜಾವ್ನ್ ಘೆತ್ಲೆಂ ಆನಿ ಮುಖ್ಲೆಂ ಫಿಲ್ಮ್ ಜಾತಾ ತಿತ್ಲೆಂ ಬರೆಂ ಕರುಂಕ್ ಮೇಟ್ ಕಾಡ್ಲೆಂ. ತ್ಯಾಚ್ ವರ್ವಿಂ ‘ಬೆಂಡ್ಕಾರ್’ ಪಿಂತುರ್ ತಯಾರ್ ಕರ್ತಾನಾ ಜಾಯ್ತಿ ಚತ್ರಾಯ್ ಘೆತ್ಲ್ಯಾ ಮ್ಹಣ್ ತಾಣೆಂಚ್ ಆಮ್ಕಾಂ ಕಳಯ್ಲಾಂ. ‘ಬುಡ್ಕುಲೊ’ನ್ ಆಪ್ಣಾಕ್ ನಿಜಾಯ್ಕೀ ಜಾಗಯ್ಲೆಂ ಮ್ಹಣ್ ತೊ ಮನಾಪೂರ್ವಕಿಂ ಸಾಂಗ್ತಾ. ನಿಜಾಯ್ಕೀ ಹೆಂ ತಾಚೆಂ ವ್ಹಡ್‍ಪಣ್ ಆನಿ ಬರೆಂ ಮನ್ ಸಾಬಿತ್ ಕರ್ತಾ. ತ್ಯಾ ಖಾತಿರ್ ತಾಕಾ ಶಾಭಾಸ್ಕಿ ಫಾವೊ. ತಾಚಿಂ ಮುಖ್ಲಿಂ ಸಿನೆಮಾಂ ಸಾಂಪ್ರದಾಯಿಕ್ ಸೂತ್ರಾಂ ಥಾವ್ನ್ ಭಾಯ್ರ್ ಯೇವ್ನ್ ಸರ್ವ್ ವರ್ಗಾಚ್ಯಾ ಲೊಕಾಕ್, ಪ್ರತ್ಯೇಕ್ ಕರ್ನ್ ಯುವಜಣಾಂಕ್, ಪಾಂವ್ಚೆ ತಸಲಿಂ ಆಸೊಂದಿತ್ ಮ್ಹಣ್ ‘ಬುಡ್ಕುಲೊ’ ಅಪೇಕ್ಷಿತಾ.

‘ಬೆಂಡ್ಕಾರ್’ ಸಿನೆಮ್ ಕೊಂಕ್ಣಿ ಸಿನೆಮಾ ಚರಿತ್ರೆಂತ್ ದಾಖ್ಲೊ ರಚುಂದಿ ಮ್ಹಣ್ ಆಶೆತಾಂವ್. ಚಡ್ ಆನಿ ಚಡ್ ಲೊಕಾನ್ ಹೆಂ ಪಿಂತುರ್ ಪಳೆವ್ನ್ ಆನಂದ್ ಭೊಗ್ಚ್ಯಾ ಸವೆಂ, ಸಿನೆಮಾಂತ್ ವಾವ್ರ್ ಕೆಲ್ಲ್ಯಾ ಸಕ್ಡಾಂಕ್ ಕೊಂಕ್ಣಿ ಲೊಕಾಚೊ ಮೋಗ್ ಕಿತ್ಲೊ ವ್ಹಡ್ ಮ್ಹಳ್ಳೆಂ ಸಾಬಿತ್ ಜಾಂವ್ದಿ.

Send Feedback to: budkuloepaper@gmail.com

Like us at: www.facebook.com/budkulo.epaper

ಪ್ರೇಕ್ಷಕಾನ್ ಫೀಲ್ ಕೆಲ್ಲೆಂ ಸಿನೆಮ್ ಜಿಕ್ತಾ: ಹ್ಯಾರಿ ಫೆರ್ನಾಂಡಿಸ್

The post ಆಯ್ಲಾ ಆಯ್ಲಾ ‘ಬೆಂಡ್ಕಾರ್’ ಆಯ್ಲಾ, ಪ್ರೇಕ್ಷಕಾಂಕ್ ನಾಚಂವ್ಕ್, ರಡಂವ್ಕ್ ಆನಿ ಇಲ್ಲೆಶೆಂ ಚಿಂತುಂಕ್ appeared first on Budkulo.

ಬ್ಯಾಂಡಾಚ್ಯಾ ನಾದಾಕ್ ನಾಚೊಂಕ್ ಕೊಣಾಕ್ ಮನ್ ಜಾಂವ್ಚೆಂ ನಾ? ಹಾತ್ ಪಾಯ್ ಸಾರ್ಕೆ ನಾತ್‍ಲ್ಲ್ಯಾಕ್ ಸಯ್ತ್ ಧಲಂವ್ಕ್ ಸಕ್ಚಿ ತಾಂಕ್ ಬ್ಯಾಂಡಾಚಿ. ಬ್ಯಾಂಡ್ ಮ್ಹಳ್ಯಾರ್ ಆವಾಜ್, ಬ್ಯಾಂಡ್ ಮ್ಹಳ್ಯಾರ್ ಸಂಗೀತ್. ಬ್ಯಾಂಡ್ ಮ್ಹಳ್ಯಾರ್ ಸಗ್ಳೆಂ ವಿಸರ್ನ್ ಆಪ್ಣಾಕ್‍ಚ್ ಏಕ್ ಕಲಾಕಾರ್ ಜಶೆಂ ವರ್ತನ್ ಕರುಂಕ್ ಹರ್ಯೆಕ್ಲ್ಯಾಕ್ ಪ್ರೇರಣ್ ದಿಂವ್ಚಿ ಸಕತ್. ದೆಕುನ್ ಬ್ಯಾಂಡ್ ಮ್ಹಳ್ಯಾರ್ ಸಕ್ಡಾಂಕ್ ಆಕರ್ಷಣ್.

ಆದಿಂ ಏಕ್ ಕಾಳ್ ಆಸ್‍ಲ್ಲೊ. ಝಗ್ಲಾಣ್ಯಾ ಉಪ್ರಾಂತ್ಲೊ ಘಡ್ಗಡೊ ಮ್ಹಳ್ಯಾರ್ ಆಖ್ಖ್ಯಾ ಗಾಂವಾಂತ್ ಅತೀ ವ್ಹಡ್ ಆವಾಜ್ ಜಾವ್ನಾಸ್‍ಲ್ಲೊ. ತಾಚ್ಯಾ ವರ್ತೊ ಆವಾಜ್ ಮನ್ಶ್ಯಾನ್ ಮಾತ್ರ್ ನ್ಹಯ್ ಹೆರ್ ಖಂಯ್ಚ್ಯಾಯ್ ಜಿವಿಂಕ್ ಕಳಿತ್ ನಾತ್‍ಲ್ಲೊ. ದಾರು ಲಾಸ್ಚೆಂ ವಾ ಪಟಾಕಿ ತಸಲ್ಯಾ ಕೃತಕ್ ಸ್ಫೋಟಕಾಂ ಮುಖಾಂತ್ರ್ ಭಿರಾಂಕುಳ್ ಆವಾಜ್ ಮನ್ಶ್ಯಾಕ್ ವಳ್ಕಿಚೊ ಜಾಲೊ. ತಶೆಂ ಗರ್ನಾಲ್ ಮ್ಹಳ್ಯಾರ್ ಅತೀ ವ್ಹಡ್, ಕೃತಕ್ ಆವಾಜ್. ತಾಕಾ ಲೊಕಾನ್ ಭಿಯೆಂವ್ಚೆಂಚ್ ಚಡ್.

ಪುಣ್ ಸಗ್ಳೊ ಗಾಂವ್ ಹಾಲಂವ್ಕ್ ಸಕ್ಚೆಂ ಆಸ್‍ಲ್ಲೆಂ ಮಾತ್ರ್ ಬ್ಯಾಂಡಾನ್. ಬ್ಯಾಂಡ್ ವ್ಹಾಜ್ಲೆಂ ಮ್ಹಳ್ಯಾರ್ ಸಂಭ್ರಮ್ ಮ್ಹಣ್‍ಂಚ್ ಅರ್ಥ್. ರೋಸ್, ಕಾಜಾರ್ ಆನಿ ಹೆರ್ ಉತ್ಸವಾಂ, ಫೆಸ್ತಾಂ ವೆಳಾರ್ ಬ್ಯಾಂಡ್ ವ್ಹಾಜನಾತ್ಲ್ಯಾರ್ ತ್ಯಾ ಕಾರ್ಯಾಕ್ ಸೊಭ್‍ಯೀ ನಾ, ಆನಿ, ಬ್ಯಾಂಡಾ ವಿಣೆಂ ಕಸಲೆಂಯೀ ಕಾರ್ಯೆಂ ಅಪೂರ್ಣ್‍ಂಚ್ ಸಯ್. ತಾಂತುಂಯೀ, ನಿಶ್ಶಬ್ಧ್ ಆಸ್‍ಲ್ಲ್ಯಾ ಹಳ್ಳೆಚ್ಯಾ, ಗಾಂವ್ಚ್ಯಾ ಪರಿಸರಾಂತ್ ಖಂಯ್ಗೀ ಬ್ಯಾಂಡ್ ವ್ಹಾಜೊಂಕ್ ಲಾಗ್ಲೆಂ ಮ್ಹಳ್ಯಾರ್ ಥಂಯ್ ಏಕ್ ಸಂಭ್ರಮಿಕ್ ಕಾರ್ಯೆಂ ಆಸಾ, ಆನಿ ಥಂಯ್ ವಚೊಂಕ್ ತಯಾರ್ ಜಾಂವ್ಕ್ ನಾತ್‍ಲ್ಲ್ಯಾಂಕ್ ತುರ್ತಾನ್ ಜಾಗಂವ್ಕ್‌ಯೀ ಬ್ಯಾಂಡಾಚೊ ಆವಾಜ್ ಉಪ್ಕಾರ್ತಾಲೊ.

ಪುಣ್ ಆಜ್? ತಸಲೊ ಏಕ್ ಕಾಳ್ ಆಸ್‍ಲ್ಲೊ ಮ್ಹಳ್ಯಾರ್ ಆಯ್ಚ್ಯಾ ಪಿಳ್ಗೆಚೆ ಕಿತ್ಲೆ ಜಣ್ ಪಾತ್ಯೆತಿತ್? ಆಧುನಿಕ್ ಕಾಳಾರ್ ಬ್ಯಾಂಡ್ ಆಯ್ಕೊಂಕ್ ಮೆಳ್ಚೆಂ ಸಂಭ್ರಮಾ ಪ್ರಾಸ್ ದುಖಾಚೊ ನಾದ್ ಉಬ್ಜಂವ್ಚ್ಯಾಕ್ ಮಾತ್ರ್ ಮ್ಹಳ್ಯಾರ್ ಚೂಕ್ ಜಾಯ್ತ್? ಚಡಾವತ್, ಶ್ಹೆರಾಂಚ್ಯಾ ಪರಿಸರಾಂತ್, ಬ್ಯಾಂಡ್ ಹಾಡಂವ್ಚೆಂ ಮರ್ಣಾಕ್ ಮಾತ್ರ್ ಮ್ಹಳ್ಳೆಪರಿಂ ಜಾಲಾಂ. ಸಂಭ್ರಮಾಚ್ಯಾ ಕಾರ್ಯಾಂನಿ ಆಜ್ ಕಾಲ್ ಬ್ಯಾಂಡಾಂ ಹಾಡಂವ್ಚೆಂ ಮರ್ಜೆಕ್ ಶಿವಾಯ್ ತಾಚೊ ಸ್ವಾದ್ ಚಾಕೊಂಕ್ ಮ್ಹಳ್ಳ್ಯಾ ಉದ್ದೇಶಾನ್ ನ್ಹಯ್ ಮ್ಹಣ್ಚೆ ತಸಲಿ ಪರಿಸ್ಥಿತಿ.

ಹಿ ಆಯ್ಚಿ ಪರಿಗತ್ ಬ್ಯಾಂಡಾಚಿ, ಬೆಂಡ್ಕಾರಾಂಚಿ.

ವ್ಹಯ್. ಆಧುನಿಕತಾ ಮ್ಹಳ್ಳ್ಯಾ ಮಹಾನ್ ಬದ್ಲಾವಣ್ ಹಾಡ್ಚ್ಯಾ ಬೃಹತ್ ಸಕ್ತೆ ಮುಖಾರ್ ಹರ್ಯೆಕ್‍ಯೀ ವ್ಹಾಳೊನ್ ವ್ಹೆಚೆಂ ಸ್ವಾಭಾವಿಕ್. ಶೆಕ್ಡ್ಯಾಂಗಟ್ಲ್ಯಾನ್ ರಾಜ್ ಕೆಲ್ಲ್ಯೊ ವಸ್ತು, ಸಂಗ್ತಿಯೀ ಹ್ಯಾ ಬದ್ಲಾವಣೆಕ್ ವಳಗ್ ಜಾವ್ನ್ ನಪಂಯ್ಚ್ ಜಾಲ್ಯಾತ್. ಥೊಡ್ಯೊ ಉಬ್ಜೊನ್ ಥೊಡ್ಯಾಚ್ ವೆಳಾನ್ ಆವಾಜ್ ನಾಸ್ತಾನಾ ಮಾಯಾಗ್ ಜಾಲ್ಯಾತ್.

ಸಂಗೀತ್ ತರೀ ಭೋವ್ ಪುರಾತನ್. ಮನೋರಂಜನ್ ಮನ್ಶ್ಯಾನ್ ಹಜಾರೊಂ ವರ್ಸಾಂ ಆದಿಂಚ್ ಆಪ್ಣಾಯಿಲ್ಲೆಂ. ತಾಂಚೆ ಪಯ್ಕಿ ಸಂಗೀತ್ ಪ್ರಮುಖ್. ವ್ಹಾಜಾಂತ್ರಾಂ ಮುಖಾಂತ್ರ್ ಪದಾಂಕ್ ಸಂಗೀತ್ ಬಸವ್ನ್ ಗಾಯ್ತಾನಾ ಲೊಕಾಕ್ ದಾದೊಸ್ಕಾಯ್. ಸಂಗೀತ್ ಮ್ಹಳ್ಯಾರ್ ಆಪುರ್ಬಾಯ್. ಬ್ಯಾಂಡ್ ಮ್ಹಳ್ಯಾರ್ ವ್ಯವಸ್ಥಿತ್ ರುಪಾರ್ ಮನೋರಂಜನ್ ದಿಂವ್ಚೊ ಪಂಗಡ್ ಜಾವ್ನ್ ಉದೆಲೊ.

ಅಶೆಂ ಬ್ಯಾಂಡಾಚೊ ಯುಗ್ ರಾಜ್ ಕರುನ್ ಆಸ್‍ಲ್ಲೊ. ಬೆಂಡ್ಕಾರಾಂಕ್ ರಾಜ್ ಮರ್ಯಾದ್‍ಯೀ ಮೆಳ್ತಾಲಿ. ತಾಕಾಯೀ ಹಾಲಂವ್ಕ್ ಮ್ಹಳ್ಳೆಪರಿಂ ಆಧುನಿಕ್ ಸಲಕರಣಾಂ ಆಯ್ಲಿಂ. ಮೈಕಾಚೊ ಆವಾಜ್ ಆನಿ ತಾಚ್ಯಾ ಮುಖಾಂತ್ರ್ ಭಾಯ್ರ್ ಪಡ್ಚ್ಯಾ ಸಂಗೀತಾಚಿ ತಾಂಕ್ ಮಜ್ಭೂತ್ ಆಸ್‍ಲ್ಲಿ. ವೀಜ್ ಸಕ್ತೆ ಮುಖಾಂತ್ರ್ ಚಲ್ಚಿಂ ಆಧುನಿಕ್ ಉಪಕರಣಾಂಚ್ಯಾ ರಾಜ್ವಟ್ಕಾಯೆ ಮುಖಾರ್ ಫಕತ್ ಮನ್ಶ್ಯಾಚ್ಯಾ ಸಕ್ತೆನ್ ಕಾರ್ಬಾರ್ ಚಲವ್ನ್ ಆಸ್‍ಲ್ಲ್ಯಾ ಬ್ಯಾಂಡಾಚೊ ಆವಾಜ್ ಅಸ್ಕತ್ ಜಾಂವ್ಕ್ ಪಾವ್ಲೊ. ತಿ ಬದ್ಲಾವಣ್ ವೆಗಾನ್ ಫುಡೆಂ ಗೆಲಿ, ಚಡ್ ಪ್ರಭಾವಿಕ್ ಜಾಲಿ ಆನಿ ಆಜ್ ಡಿಜಿಟಲ್ ಕಾಳಾಕ್ ಪಾವ್ತಾನಾ ಮನ್ಶ್ಯಾ ಸಾಮರ್ಥೆಚೆಂ ಬ್ಯಾಂಡ್ ನಿಸ್ತೇಜ್ ಜಾಂವ್ಕ್ ಪಾವ್ಲಾಂ.

ಹಿ ಗಜಾಲ್ ಕೊಣಾಯ್ಕೀ ಕಳಿತ್ ನಾತ್‍ಲ್ಲಿ ನ್ಹಯ್. ಪುಣ್ ಹೆಂ ಇತ್ಲೆಂ ಬರಂವ್ಕ್ ಕಾರಣ್, ಮುಖ್ಲ್ಯಾ ಹಫ್ತ್ಯಾಂತ್ ರಿಲೀಸ್ ಜಾಂವ್ಚೆಂ ಪಿಂತುರ್ ‘ಬೆಂಡ್ಕಾರ್’. ವ್ಹಯ್. ಎದೊಳ್‍ಚ್ ‘ಬುಡ್ಕುಲೊ’ ಇ-ಪತ್ರಾ ಮುಖಾಂತ್ರ್ ಕೊಂಕ್ಣಿ ಲೊಕಾಕ್ ಕಳಿತ್ ಜಾಲ್ಲ್ಯಾ ಪರ್ಮಾಣೆಂ ಫಾಮಾದ್ ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸಾಚೆಂ ಚವ್ತೆಂ ಕೊಂಕ್ಣಿ ಸಿನೆಮ್ ‘ಬೆಂಡ್ಕಾರ್’ ತಯಾರ್ ಜಾಲಾಂ, ತೆಂ ಅಕ್ತೋಬರ್ 25ವೆರ್ ದುಬಾಂಯ್ತ್ ಪಯ್ಲೆಂ ಪ್ರದರ್ಶನ್ ದಿತೆಲೆಂ.

ವಯ್ರ್ ಸಾಂಗ್‍ಲ್ಲ್ಯಾ ಸಾರಾಂಶಾಕ್‍ಚ್ ಆಪ್ಲಿ ಕಾಣಿ ಜಾವ್ನ್ ಹೆಂ ಪಿಂತುರ್ ವರ್ತವ್ತಾ ಮ್ಹಣ್ ಎದೊಳ್‍ಚ್ ತಾಚ್ಯಾ ಪ್ರವರ್ತಕಾಂನಿ ಕಳಯ್ಲಾಂ. ಸಿನೆಮಾಚೆಂ ಟೈಟಲ್ ಆನಿ ಮುಖ್ಯ್ ಪಾತ್ರ್ ಬ್ಯಾಂಡ್-ಬೆಂಡ್ಕಾರಾಚೊ. ಮ್ಹಣ್ತಾನಾ, ಹೆರ್ ವಿವರ್ ಸಾಂಗ್ಚಿ ಗರ್ಜ್ ದಿಸನಾ. ಪ್ರಸ್ತುತ್ ಕಾಳಾರ್ ನಿಜಾಯ್ಕೀ ಅಪ್ರಸ್ತುತ್ ಜಾಂವ್ಚ್ಯಾ ಸಂಕಷ್ಟಾಂಕ್ ಬಲಿ ಜಾಲ್ಲ್ಯಾ, ಮನ್ಶ್ಯಾಕುಳಾಚ್ಯಾ ಎಕಾ ವಿಶೇಸ್, ಆಪ್ತ್ ಆನಿ ಯಾದ್‍ಗಾರ್ ಸಂಗ್ತಿಕ್ ಕಶೆಂ ಪಿಂತುರಾಂತ್ ವಿಣ್ಲಾಂ ಮ್ಹಳ್ಳೆಂ ಪಳೆಂವ್ಕ್ ಪ್ರೇಕ್ಷಕ್ ಆನಿ ಸಿನೆಮಾ ಪ್ರೇಮಿ ಮಾತ್ರ್ ನ್ಹಯ್, ಬ್ಯಾಂಡಾ ವಿಶಿಂ ಅಭಿಮಾನ್ ಆಸ್‍ಲ್ಲೊ ಹರ್ಯೆಕ್ಲೊಯೀ ರಾಕೊನ್ ಆಸಾ.

‘ಬೆಂಡ್ಕಾರ್’ ಸಿನೆಮಾಚೊ ಮುಖ್ಯ್ ಪಾತ್ರಧಾರಿ ಜಾವ್ನ್ ನಟನ್ ಕೆಲಾಂ, ಫಾಮಾದ್ ನಟ್, ಅಪ್ರತಿಮ್ ಕಲಾಕಾರ್ ಪ್ರಿನ್ಸ್ ಜೇಕಬಾನ್. ತಾಚೆ ಸವೆಂ ಪ್ರಮುಖ್ ರೋಲ್ ಖೆಳ್ತಾ ಖ್ಯಾತ್ ನಟಿ, ಗಾವ್ಪಿಣ್ ವರ್ಷಾ ಉಸ್ಗಾಂವ್ಕರ್. ಹ್ಯಾ ದೊಗಾಂಯ್ಕೀ ಹ್ಯಾರಿ ಫೆರ್ನಾಂಡಿಸಾನ್ ಎದೊಳ್‍ಚ್ ಮಂಗ್ಳುರ್ಗಾರಾಂಕ್ ಆನಿ ಕೊಂಕ್ಣಿ ಸಿನೆಮಾ ವೀಕ್ಷಕಾಂಕ್ ವಳ್ಕಿಚೆ ಜಾಯ್ಶೆಂ ಕೆಲಾಂ, ಆಪ್ಲ್ಯಾ ಆದ್ಲ್ಯಾ ಸಿನೆಮಾಂ ಮುಖಾಂತ್ರ್. ತಾಂಚೆ ಸವೆಂ ಮಂಗ್ಳುರಾಂತ್ಲೊ ಬಹುಭಾಷಾ ನಟ್, ರಂಗ್‍ಕರ್ಮಿ ಆನಿ ಸಂಘಟಕ್ ಸ್ಟ್ಯಾನಿ ಅಲ್ವಾರಿಸಾನ್‍ಯೀ ಪಿಂತುರಾಂತ್ ಮಹತ್ವಾಚೊ ಪಾತ್ರ್ ನಿರ್ವಹಣ್ ಕೆಲಾ.

ಗೊಂಯ್ಚೊ ಆನ್ಯೇಕ್ ಖ್ಯಾತ್ ಹಾಸ್ಯ್ ನಟ್ ಜಾನ್ ಡಿಸಿಲ್ವಾಯೀ ಪಯ್ಲೆ ಪಾವ್ಟಿಂ ಹ್ಯಾರಿಚ್ಯಾ ಪಿಂತುರಾಂತ್ ನಟನ್ ಕೆಲಾಂ. ಸಿನೆಮಾಂತ್ ಯುವ ಜೊಡಿ ಜಾವ್ನ್ ಸೊಭ್ತಾತ್ ಕೆನ್ಯೂಟ್ ಡಿಸಿಲ್ವಾ ಆನಿ ಗೊಂಯ್ಚಿ ತರ್ನಿ ಗಾವ್ಪಿಣ್ ನೈಸಾ ಲೊಟ್ಲೀಕರ್. ನೈಸಾ ಭೋವ್ ತಾಲೆಂತ್‍ವಂತ್ ಗಾವ್ಪಿಣ್, ‘ಬೆಂಡ್ಕಾರ್’ ಸಿನೆಮಾಂತ್ ತಿಣೆಂ ಏಕ್ ಬರಿ ನಟಿ ಜಾವ್ನ್ ಬಹುಮುಖಿ ತಾಲೆಂತ್ ಸಾದರ್ ಕೆಲಾಂ.

ರಂಗ್‍ಮಾಂಚಿ ಆನಿ ವೆವೆಗ್ಳ್ಯಾ ಭಾಸಾಂಚ್ಯಾ ಸಿನೆಮಾಂನಿ ವಾವ್ರ್ ಕೆಲ್ಲೆ ಹೆಳ್‍ಲ್ಲೆ ನಟ್ ಆಲ್ವಿನ್ ಅಂದ್ರಾದೆ ಆನಿ ದೀಪಕ್ ಪಾಲಡ್ಕಾನ್ ‘ಬೆಂಡ್ಕಾರಾ’ ಸಂಗಿಂ ಪಾವ್ಲಾಂ ಕಾಡ್ಲ್ಯಾಂತ್. ತಾಂಚೆ ಸಾಂಗಾತಾ ಜೋಸೆಫ್ ಮಥಾಯಸ್, ಸ್ನೇಹ್ ಮೆಹ್ತಾ, ಸುನಿತಾ ಮಿನೇಜಸ್, ಅರ್ಚಿಬಾಲ್ಡ್, ಮನು ಬಂಟ್ವಳ್, ಸುಜಾತಾ ಅಂದ್ರಾದೆ, ಕ್ಲಾಡಿ ಡಿಲೀಮಾ, ಫ್ಲಾಯ್ಡ್ ರೇಗೋ, ಸಲೋಮಿ ಅಲ್ವಾರೆಸ್ ಆನಿ ಹೆರಾಂನಿ ಬ್ಯಾಂಡಾಚ್ಯಾ ನಾದಾಕ್ ತೆಕಿದ್ ಕದಮಾಂ ಕಾಡ್ಲ್ಯಾಂತ್. ಗೊಂಯ್ಚ್ಯಾ, ಗಾಂವ್ಚ್ಯಾ, ಮುಂಬೈಚ್ಯಾ ಆನಿ ಪರ್ಗಾಂವಾಂತ್ಲ್ಯಾ ಕೊಂಕ್ಣಿ ಕಲಾಕಾರಾಂನಿ, ಪ್ರತಿಭಾವಂತಾಂನಿ ಹ್ಯಾ ಸಿನೆಮಾ ಖಾತಿರ್ ವಾಂವ್ಟ್ ಕಾಡ್ಲ್ಯಾ.

ಹ್ಯಾರಿ ಫೆರ್ನಾಂಡಿಸಾನ್ ಪಿಂತುರಾಚಿ ಕಾಣಿ, ಸ್ಕ್ರೀನ್‍ಪ್ಲೇ, ಸಂಭಾಷಣಾಂ ಬರವ್ನ್ ದಿಗ್ದರ್ಶನ್ ದಿಲಾಂ. ಶಫೀಕ್ ಶೇಖಾನ್ ಸಿನೆಮಾಟೊಗ್ರಾಫಿ ನಿರ್ವಹಣ್ ಕೆಲಾಂ ತರ್, ಎಡಿಟಿಂಗ್ ಅಭಿಶೇಕ್ ಮಶ್ಕರಾಚೆಂ ಆಸಾ. ಬ್ಯಾಕ್‍ಗ್ರೌಂಡ್ ಸ್ಕೋರ್ ಮನೋಜ್ ಸಿಂಗಾನ್ ದಿಲಾಂ. ಪಪ್ಪು ಖನ್ನಾ, ನಿಶಾಂತ್ ಟೊರೆಸ್ ಆನಿ ಅವಿಲ್ ಡಿಕ್ರೂಜಾನ್ ಕೊರಿಯೊಗ್ರಫಿ ಸಾಂಬಾಳ್ಳ್ಯಾ. ಆರ್ಟ್ ಡೈರೆಕ್ಟರ್ ಜಾವ್ನ್ ವಿಲ್ಫ್ರೆಡ್ ಪಿಂಟೊ, ಪ್ರೊಡಕ್ಷನ್ ಕಂಟ್ರೋಲರ್ ಜಾವ್ನ್ ಜೊನ್ ಚೆರಿಯನ್, ಡೊಲ್ಫಿ ಡಿಸೋಜ ವಾವುರ್ಲ್ಯಾತ್. ಸಂಗೀತ್ ಪ್ಯಾಟ್ಸನ್ ಪಿರೇರಾಚೆಂ ಆಸೊನ್ ಲಿರಿಕ್ಸ್ ವಿಲ್ಸನ್ ಕಟೀಲಾನ್ ಲಿಖ್ಲ್ಯಾತ್. ಪಬ್ಲಿಸಿಟಿ ಡಿಸೈನ್ ಡ್ಯಾರಿಲ್ ಲೋಬೊನ್ ಕೆಲಾಂ.

‘ಬೆಂಡ್ಕಾರ್’ ಸಿನೆಮ್ ಆದ್ಲ್ಯಾ ಆನಿ ಆಧುನಿಕ್ ಜನಾಂಗಾಂ ಮಧ್ಲ್ಯಾ ಸಂಘರ್ಷಾಚೆಂ ಚಿತ್ರಣ್ ಮ್ಹಣ್ತಾ ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸ್. ಭರ್ಪೂರ್ ಮನೋರಂಜನ್, ಭಾವನಾತ್ಮಕ್ ಘಡಿತಾಂ ಆನಿ ಕಾಳಾಚಿ ವಾಸ್ತವಿಕತಾ ದಾಕಂವ್ಚೆಂ ಪ್ರಯತನ್ ಹ್ಯಾ ಪಿಂತುರಾಂತ್ ಕೆಲಾಂ ಮ್ಹಣ್ತಾ ತೊ ಆನಿ ತಾಚೊ ಪಂಗಡ್. ಸಿನೆಮಾ ಪ್ರೊಡಕ್ಷನಾಂತ್ ಹೆಳ್‍ಲ್ಲೊ ಪ್ರೇಮ್ ಡಿಸೋಜಾ ‘ಬೆಂಡ್ಕಾರ್’ ಪಿಂತುರಾಚೊ ಪ್ರೊಡಕ್ಷನ್ ಮ್ಯಾನೇಜರ್ ಜಾವ್ನ್ ವಾವುರ್ಲಾ.

ಆನ್ಯೇಕ್ ವಿಶೇಷತಾ ಮ್ಹಳ್ಯಾರ್, ‘ಬೆಂಡ್ಕಾರ್’ ಸಿನೆಮ್ ಮಂಗ್ಳುರಿ ಆನಿ ಗೊಂಯ್ಚ್ಯಾ ಬೊಲಿಂನಿ ಡಬ್ಬಿಂಗ್ ಕೆಲಾಂ. ಸತ್ ಮ್ಹಣ್ಚೆಂ ತರ್ ತಾಚಿ ಅನಿವಾರ್ಯತಾ ಖಂಡಿತ್ ಆಸಾ. ಮೆಟಾ-ಮೆಟಾಂಕ್ ಭಾಸ್ ಬದಲ್ತಾ ಮ್ಹಳ್ಳಿ ವಾಸ್ತವಿಕ್ ಗಜಾಲ್. ಗೊಂಯ್ಚಿ ಕೊಂಕ್ಣಿ ಆನಿ ಮಂಗ್ಳುರಿ ಕೊಂಕ್ಣಿ, ಭಾಸ್ ಮಾತ್ರ್ ಎಕ್‍ಚ್ ತರೀ, ಉಲವ್ಣ್ಯಾಂತ್ ವೆವೆಗ್ಳ್ಯೊಚ್. ಹ್ಯಾ ಖಾತಿರ್ ವಿಶೇಸ್ ಮ್ಹಿನತ್ ಕಾಡ್ನ್ ದೊನೀ ವರ್ಗಾಚ್ಯಾ ಲೊಕಾಕ್ ಪಾವೊಂಕ್ ಹೆಂ ಮೇಟ್ ಕಾಡ್ಲಾಂ ಮ್ಹಣ್ತಾತ್ ಸಿನೆಮಾಚೆ ಕಾರ್ಬಾರಿ.

ಏಕ್ ಸಿನೆಮಾ ಚಡ್ ಲೊಕಾಕ್ ರುಚಜೆ ತರ್ ಸಬಾರ್ ಗಜಾಲಿ ಪ್ರಮುಖ್ ಜಾತಾತ್. ಕಾಣಿ, ತಾಚೆಂ ನಿರೂಪಣ್, ನಿರ್ದೇಶನ್, ಪಾತ್ರ್-ನಟನ್, ಸಂಭಾಷಣಾಂ, ಹಾಸ್ಯ್, ಕ್ಯಾಮೆರಾಚಿ ಕ್ರಿಯೇಟಿವಿಟಿ, ಸಂಗೀತ್, ಪದಾಂ, ಕೊರಿಯೊಗ್ರಫಿ, ಎಡಿಟಿಂಗ್ ಆನಿ ಹೆರ್ ಸರ್ವ್ ಸಂಗ್ತಿ ಮೆಳೊನ್ ಟೋಟಲ್ ಪ್ರೆಸೆಂಟೇಶನ್ ಕಶೆಂ ಆಸಾ ಮ್ಹಳ್ಳ್ಯಾಚೆರ್ ಲೊಕಾಚಿ ಪಸಂದತಾ ವಾಡ್ತಾ ಆನಿ ಚಡ್ತಾ. ‘ಬೆಂಡ್ಕಾರ್’ ಸಿನೆಮ್ ಹ್ಯಾ ಸರ್ವ್ ಸಂಗ್ತಿಂನಿ ಬರೆಂ ಆಸ್ತೆಲೆಂ ಮ್ಹಳ್ಳೊ ಲೊಕಾಚೊ ಭರ್ವಸೊ. ತಶೆಂಚ್ ಜಾಂವ್ ಮ್ಹಣ್ ಆಮ್ಚಿಯೀ ಆಶಾ.

ಅಕ್ತೋಬರ್ 25ವೆರ್ ಸುಕ್ರಾರಾ ದುಬಾಂಯ್ತ್, ನವೆಂಬರ್ 1ವೆರ್ ಅಬುಧಾಬಿ ಆನಿ ಶಾರ್ಜಾಂತ್, ‘ಬೆಂಡ್ಕಾರ್’ ಸಿನೆಮಾಚಿಂ ಪ್ರದರ್ಶನಾಂ ಆಸಾತ್. ಗೊಯಾಂತ್ ನವೆಂಬರ್ 15ವೆರ್ ಆನಿ ನವೆಂಬರ್ 22ವೆರ್ ಮಂಗ್ಳುರಾಂತ್ ರಿಲೀಸ್ ಜಾತೆಲೆಂ. ತಶೆಂಚ್ ಕತಾರ್, ಇಸ್ರಾಯೆಲ್, ಕುವೈಟ್, ಒಮಾನ್ ಆನಿ ಕೆನಡಾಂತ್‍ಯೀ ಸಿನೆಮಾಚಿಂ ಪ್ರದರ್ಶನಾಂ ಆಸ್ತೆಲಿಂ.

ವಿಚಿತ್ರ್ ತರೀ ಸತ್: ಬೆಂಡಾಚ್ಯಾ ಆವಾಜಾಕ್ ಘರಾಂತ್ ಜಾಲಿ ಕಿತಾಫತ್! ‘ಬೆಂಡ್ಕಾರ್’ ಸಿನೆಮಾ ವರ್ವಿಂ ಮ್ಹಜೆಂ ಆದ್ಲೆಂ ಏಕ್ ಬರಪ್ ಉಡಾಸಾಕ್ ಆಯ್ಲೆಂ. ಮ್ಹಜ್ಯಾ ಭುರ್ಗ್ಯಾಪಣಾರ್ ಎಕಾ ಕಾಜಾರಾಚ್ಯಾ ಸಂದರ್ಭಾರ್ ಬ್ಯಾಂಡಾ ವರ್ವಿಂ ಸಗ್ಳೆಂ ವೊಮ್ತೆ-ಉದಾರೆಂ ಜಾಲ್ಲೆಂ! ಬ್ಯಾಂಡಾಚ್ಯಾ ಆವಾಜಾಕ್ ಮೊನ್ಜಾತಿ ಸಗ್ಳ್ಯೊ ಥರ್ಥರ್‌ಲ್ಲ್ಯೊ! ವ್ಹಯ್, ತೆಂ ಏಕ್ ನೀಜ್ ಘಡಿತ್. ತೆಂ ವಾಪಾರ್ನ್ ಹಾಂವೆಂ ಬರಯಿಲ್ಲೆಂ ಏಕ್ ವಿನೋದಿಕ್ ಲೇಖನ್ ಹೆಂ. ತಾಕಾ ‘ರಾಕ್ಣೊ’ ಸಾಹಿತ್ಯ್ ಸ್ಪರ್ಧ್ಯಾಂತ್ ಇನಾಮ್ ಲಾಭ್ಲಾಂ. ತೆಂ ವಾಚುಂಕ್ ಸಕಯ್ಲೊ ಗಾಂಚ್ ಕ್ಲಿಕ್ ಕರಾ. ⇓

ಕಾಜಾರಾಚ್ಯಾ ಮಾಟ್ವಾಂತ್ ಮೊನ್ಜಾತಿಂಚೊ ಗೊಂದೊಳ್!

Send Feedback to: budkuloepaper@gmail.com

Like us at: www.facebook.com/budkulo.epaper

The post ಆಯ್ತೆ ರಾವಾ, ‘ಬೆಂಡ್ಕಾರ್’ ಯೆತಾ ಆಯ್ಕೊಪ್ಯಾಂಕ್ ಧಲಂವ್ಕ್, ಅಭಿಮಾನಿಂಕ್ ನಾಚಂವ್ಕ್ appeared first on Budkulo.

ಸಿನೆಮಾಂಚಿ ಗಜಾಲ್‍ಯೀ ತಶೆಂಚ್. ಆದಿಂ ತವಳ್ ತವಳ್ ಆಪ್ರೂಪ್‍ಶೆಂ ಕೊಂಕ್ಣಿ ಪಿಂತುರಾಂ ನಿರ್ಮಾಣ್ ಜಾತಾಲಿಂ. ಮಂಗ್ಳುರಾಂತ್ ಥೊಡಿಂಚ್ ತರ್, ಗೊಂಯಾಂತ್ ಚಡ್ ಸಿನೆಮಾ ರಚನ್ ಜಾತಾಲಿಂ. ಆತಾಂ, ಮಂಗ್ಳುರ್ಗಾರ್ ಚಡ್ ಸಂಖ್ಯಾನ್ ಕೊಂಕ್ಣಿ ಸಿನೆಮಾಂ ನಿರ್ಮಾಣ್ ಕರುನ್ ಆಸಾತ್. ಪಾಟ್ಲ್ಯಾ ಥೊಡ್ಯಾ ವರ್ಸಾಂನಿ ಜಾಯ್ತಿಂ ಸಿನೆಮಾಂ ಆಯ್ಲ್ಯಾಂತ್. ಪ್ರಸ್ತುತ್ ಏಕ್ ಸಿನೆಮ್ ಪ್ರದರ್ಶನ್ ಜಾವ್ನ್ ಆಸಾ ತರ್, ಹೆರ್ ಥೊಡಿಂ ಪಿಂತುರಾಂ ವೆಗಿಂಚ್ ರಿಲೀಸ್ ಜಾಂವ್ಚ್ಯಾರ್ ಆಸಾತ್.

ಹೆರ್ ಸಕ್ಕಡ್ ಸಂಗ್ತಿಂಪರಿಂಚ್, ಕೊಂಕ್ಣಿ ಸಿನೆಮಾಂಕ್‍ಯೀ ಉತ್ತೇಜನ್ ದೀಜೆ ಮ್ಹಳ್ಳೆಂ ಮಾಗ್ಣೆಂ ಸಗ್ಳ್ಯಾಂನಿ ಆಯ್ಕೊಂಕ್ ಮೆಳ್ತಾ. ಆಮ್ಚೊ ಸಮುದಾಯ್ ಲ್ಹಾನ್ ಜಾಲ್ಲ್ಯಾನ್, ಆನಿ ಸಿನೆಮಾಂಚೆಂ ಪ್ರದರ್ಶನ್ ಆಸಾ ಕರುಂಕ್ ಜಾಯ್ತೊ ಖರ್ಚ್ ಬಸ್ತಾ ಜಾಲ್ಲ್ಯಾನ್, ಲೊಕಾ ಥಂಯ್ ಅಸಲಿ ಜಾಗೃತಿ ಆಸಾ ಕರ್ಚಿ ಅನಿವಾರ್ಯತಾ ಆಸಾ ಮ್ಹಣ್ಚೆಂ ಸತ್, ಆನಿ ನೆಗಾರುಂಕ್ ಜಾಯ್ನಾ ತಸಲಿ ವಾಸ್ತವ್ ಪರಿಗತ್ ತಿ. ಹ್ಯಾ ವರ್ವಿಂ ಆಮ್ಚ್ಯಾ ಮನ್ಶ್ಯಾಂನಿ ಏಕ್ ಕೊಂಕ್ಣಿ ಸಿನೆಮ್ ಕಾಡ್ಲೆಂ ಮ್ಹಣ್ತಾನಾ ತಾಕಾ ಸಪೋರ್ಟ್ ಕರಿಜೆ ಮ್ಹಳ್ಳಿ ಅಪೇಕ್ಷಾ ಸಹಜ್ ಆನಿ ತಿ ಒಪ್ಚೆ ತಸಲಿಚ್.

ತಿ ಜವಾಬ್ದಾರಿ ‘ಬುಡ್ಕುಲೊ’ ಇ-ಪತ್ರಾನ್ ಬರಿಚ್ ಸಾಂಬಾಳ್ಳ್ಯಾ ಆನಿ ಸಕ್ಡಾಂ ಪ್ರಾಸ್ ಚಡ್ ಮಾಪಾನ್ ಪಾಳ್ಳ್ಯಾ ಮ್ಹಣೊಂಕ್ ಆಮ್ಕಾಂ ಸಂತೊಸ್ ಜಾತಾ. ‘ಬುಡ್ಕುಲೊ’ ಇ-ಪತ್ರ್ ಸುರ್ವಾತ್ ಜಾಲ್ಯಾ ಉಪ್ರಾಂತ್, ಸಕ್ರಿಯ್‍ಪಣಿಂ ಫಾಯ್ಸ್ ಜಾಂವ್ಕ್ ಧರ್ಲ್ಯಾ ಉಪ್ರಾಂತ್, ಉದೆಲ್ಲೆಂ ಪಯ್ಲೆಂ ಕೊಂಕ್ಣಿ ಪಿಂತುರ್ ‘ನಶಿಬಾಚೊ ಖೆಳ್’. ತಿ ಏಕ್ ಸುರ್ವಾತ್ ಮಾತ್ರ್ ಜಾವ್ನಾಸ್‍ಲ್ಲಿ. ತಾಚ್ಯಾ ಉಪ್ರಾಂತ್ ಜಾಯ್ತಿಂ ಕೊಂಕ್ಣಿ ಪಿಂತುರಾಂ ಮಂಗ್ಳುರಿ ವ್ಯಕ್ತಿಂನಿ ರಚ್ಲ್ಯಾಂತ್. ಹ್ಯಾ ಸರ್ವಾಂಕೀ ಆಮಿ ಪಾಟಿಂಬೊ ದೀಂವ್ಕ್ ಪಾಟಿಂ ಫುಡೆಂ ಕೆಲ್ಲೆಂಚ್ ನಾ.

ಆಜ್ ಕೊಣೀ ಮ್ಹಣೊಂಕ್ ಪುರೊ, ಕೊಂಕ್ಣಿ ಲೊಕಾನ್ ಕಾಡ್ಚ್ಯಾ ಫಿಲ್ಮಾಂಕ್ ಕೊಂಕ್ಣಿ ಲೊಕಾನ್ ಆನಿ ಮಾಧ್ಯಮಾಂನಿ ಬರೊ ಸಹಕಾರ್ ದೀಜೆ ಮ್ಹಣೊನ್. ಹೆರಾಂಚೆಂ ಆಮಿ ಸಾಂಗೊಂಕ್ ಸಕನಾಂವ್, ಪುಣ್ ಆಮಿ ಮಾತ್ರ್ ಕೊಂಕ್ಣಿ ಸಿನೆಮಾಂಕ್ ಬರೊಚ್ ಸಹಕಾರ್, ಪಾಟಿಂಬೊ ಆನಿ ಪ್ರಚಾರ್ ದಿಲಾ. ಹೆರಾಂಪರಿಂ ವರ್ಗಣಿ ಆನಿ ‘ಹೆರ್’ ರುಪಾಚೊ ಆರ್ಥಿಕ್ ಆದಾಯ್ ನಾಸ್ತಾನಾಂಯೀ ಆಮಿ ಏಕ್ ಮಾಧ್ಯಮ್ ಜಾವ್ನ್ ಕೊಂಕ್ಣೆಚ್ಯಾ ಹರ್ ಸಂಗ್ತಿಂಕ್ ಪಾಟಿಂಬೊ ದೀವ್ನ್ ಆಸಾಂವ್. ಸಿನೆಮಾಂಕ್‍ಯೀ ತಿಚ್ ಗಜಾಲ್ ಲಾಗು ಜಾತಾ.

ಆಮಿ ಕೆಲ್ಲೆಂ ಪ್ರತ್ಯೇಕ್‍ಪಣಿಂ ಉಚಾರ್ನ್ ಸಾಂಗ್ಚಿ ಗರ್ಜ್ ನಾ. ಎದೊಳ್ ಪರ್ಯಾಂತ್ ಕೊಂಕ್ಣಿ ಸಿನೆಮಾಂಕ್, ತಾಂತ್ಲ್ಯಾ ವ್ಯಕ್ತಿಂಕ್ – ನಟ್, ನಟಿಂ ಥಾವ್ನ್ ನಿರ್ದೇಶಕ್, ನಿರ್ಮಾಪಕ್ ಆನಿ ತಂತ್ರಜ್ಞಾಂ ಪರ್ಯಾಂತ್ – ಆಮಿ ಚಡ್‍ಚ್ ಮ್ಹಣ್ಯೆತ್ ತಿತ್ಲೊ ಪಾಟಿಂಬೊ ದಿಲಾ. ಸಿನೆಮಾಚಿ ರಿವ್ಯೂ ಬರಂವ್ಚಿ ಮಾತ್ರ್ ನ್ಹಯ್, ವಾಂವ್ಟ್ ಕಾಡುನ್ ಪ್ರಮುಖ್ ವ್ಯಕ್ತಿಂಚಿಂ ಸಂದರ್ಶನಾಂಯೀ ಘೆವ್ನ್ ಪ್ರಕಟ್ ಕೆಲ್ಯಾಂತ್. ಹೆಂ ಆಪ್ಲ್ಯಾ ವಾವ್ರಾಚೊ ಮೋಗ್ ಆಸ್‍ಲ್ಲ್ಯಾಂನಿ ಮಾತ್ರ್ ಕರ್ಚೆಂ ಮಿಸಾಂವ್. ಆಮಿ ತಶೆಂಚ್ ಕೆಲ್ಲೆಂ. ದೆಕುನ್ ‘ಬುಡ್ಕುಲೊ’ ಇ-ಪತ್ರ್ ಕೊಂಕ್ಣಿ ಸಿನೆಮಾಂ ವಿಶಿಂ ಏಕ್ Authoritative Institution (ಮಾಧ್ಯಮ್) ಮ್ಹಣ್ ಆಜ್ ಸಕ್ಕಡ್ (ಸಿನೆಮಾಂಚೆ ಪರಿಣತ್‍ಯೀ) ಉಲಯ್ತಾತ್. ಆಮ್ಚ್ಯಾ ವಾವ್ರಾಕ್ ಲೊಕಾನ್ ದಿಲ್ಲೊ ಮಾನ್ ಆನಿ ಗೌರವ್ ತೊ.

ಕೊಂಕ್ಣಿ ಸಿನೆಮಾಂಕ್ ಆಮಿ ದಿಲ್ಲೊ ಭರ್ಪೂರ್ ಪಾಟಿಂಬೊ ಕಸಲೊ, ತ್ಯಾ ಗಜಾಲಿಂಕ್ ಲಾಗೊನ್ ಫಿಲ್ಮಿ ಸಂಸಾರಾಂತ್ಲ್ಯಾ ಗಜಾಲಿಂಕ್ ಆಮಿ ಕಶೆಂ ಆಧಾರ್ ದಿಲಾ, ಕಿತ್ಲೊ ಪ್ರಚಾರ್ ದಿಲಾ ಇತ್ಯಾದಿ ಗಜಾಲಿಂಚೆಂ ದರ್ಶನ್ ದಿಂವ್ಚೆಂ ಪ್ರಯತ್ನ್ ಹೆಂ. ಸಕಯ್ಲ್ ದಿಲ್ಲಿಂ ಸರ್ವ್ ಬರ್ಪಾಂ, ಕೊಂಕ್ಣಿ ಸಿನೆಮಾಂಕ್ ಆಮಿ ದಿಲ್ಲೊ ಪಾಟಿಂಬೊ ಉಚಾರ್ನ್ ಸಾಂಗ್ತಾತ್. ಕೊಂಕ್ಣಿ ಸಿನೆಮಾಂಕ್ ಆನಿ ತಾಂತ್ಲ್ಯಾ ವ್ಯಕ್ತಿಂಕ್ ಊಂಚ್ ಉಬಾರುಂಕ್ ಆಮಿ ಕೆಲ್ಲ್ಯಾ ವಾವ್ರಾಚ್ಯೊ ರುಜ್ವಾತಿ ಹ್ಯೊ. ಆದ್ಲಿಂ ಬರ್ಪಾಂ ಪಳೆಂವ್ಕ್ ನಾತ್‍ಲ್ಲ್ಯಾಂಕ್ ಹೆಂ ಉಪ್ಕಾರ್ತೆಲೆಂ. ಹೊಚ್ ಪಾಟಿಂಬೊ ಸರ್ವ್ ಕೊಂಕ್ಣಿ ಫಿಲ್ಮಾಂಕ್ ಆಮಿ ದಿತಾಂವ್.

ಹ್ಯಾ ವೆಳಿಂ ಸಾಂಗಜೆ ಜಾಲ್ಲ್ಯೊ ದೋನ್ ಗಜಾಲಿ ಆಸಾತ್: 1. ಆಯ್ಲೆವಾರ್ ಪ್ರದರ್ಶನ್ ಜಾಲ್ಲೆಂ ‘ಕಂತಾರ್’ ಪಿಂತುರ್ ಪಳೆಂವ್ಕ್ ಸಾಧ್ಯ್ ಜಾಂವ್ಕ್ ನಾತ್‍ಲ್ಲ್ಯಾನ್ ತಾಚೆ ವಿಶಿಂ ಕಿತೆಂಯ್ ಸಾಂಗೊಂಕ್ ಜಾಂವ್ಕ್ ನಾ. ತ್ಯಾ ವೆಳಿಂ ಹಾಂವ್ ತಾಪಾ ವರ್ವಿಂ ವಿಶೆವಾರ್ ಆಸ್‍ಲ್ಲೊಂ. ಪಳೆಜೆ ಮ್ಹಣ್ತಾನಾ ತೆಂ ಪಿಂತುರ್ ಥಿಯೇಟರಾಂತ್ ನಾತ್‍ಲ್ಲೆಂ. ನಿರ್ಮಾಪಕಿನ್ ಮುಖ್ಲ್ಯಾ ದಿಸಾಂನಿ ಪ್ರದರ್ಶನಾಕ್ ಘಾಲ್ತಾ ಮ್ಹಣ್ ಸಾಂಗ್ಲಾಂ. 2. ಕೊಂಕ್ಣಿ ಮ್ಹಳ್ಳ್ಯಾ ಖಾತಿರ್ ಆಮ್ಚೊ ಪಾಟಿಂಬೊ ಕೆದ್ನಾಂಯ್ ಆಸಾ ತರೀ, ತೆಂ ಆಮ್ಚೆಂ ಉಣೆಂಪಣ್ ಬಿಲ್ಕುಲ್ ನ್ಹಯ್. ದೆಕುನ್, ಕೊಂಕ್ಣೆಚ್ಯಾ ನಾಂವಾಂನ್ ಕಿತೆಂಯೀ ಕರ್ಯೆತ್ ಮ್ಹಳ್ಳೆಂ ಧೋರಣ್ ನಾಕಾ. ತ್ಯಾ ಸಂಗ್ತಿಂನಿ ‘ಬುಡ್ಕುಲೊ’ ಕಿತ್ಲೊ ಖಡಕ್ ಮ್ಹಳ್ಳೆಂಯೀ ತುಮಿ ಜಾಣಾಂತ್.

‘ನಶಿಬಾಚೊ ಖೆಳ್’ ಫಿಲ್ಮಾ ಉಪ್ರಾಂತ್ಲಿ ವಾಡಾವಳ್

1. ‘ನಶಿಬಾಚೊ ಖೆಳ್’ ಪಿಂತುರಾಚಿ ರಿವ್ಯೂ
ನಶಿಬಾಚೊ ಖೆಳ್: ಪ್ರೇಕ್ಷಕಾಂಕ್ ಜಿಕ್ಚ್ಯಾಂತ್ ಕಂಪ್ಲೀಟ್ಲಿ ಸುಫಳ್

2. ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸಾಚೆಂ ಸಂದರ್ಶನ್
ಪ್ರೇಕ್ಷಕಾನ್ ಫೀಲ್ ಕೆಲ್ಲೆಂ ಸಿನೆಮ್ ಜಿಕ್ತಾ: ಹ್ಯಾರಿ ಫೆರ್ನಾಂಡಿಸ್

3. ನಟಿ ಎಸ್ತೆರ್ ನೊರೊನ್ಹಾಚೆಂ ಸಂದರ್ಶನ್
ಕೊಂಕ್ಣಿ ಸಿನೆಮಾಂಕ್ ಫುಡಾರ್ ಆಸಾ, ಪುಣ್ ಖಾತಡ್ ನಾಕಾ

‘ಏಕ್ ಆಸ್ಲ್ಯಾರ್ ಏಕ್ ನಾ’ ಫಿಲ್ಮಾಕ್ ದಿಲ್ಲೊ ಪ್ರಚಾರ್

1. ‘ಏಕ್ ಆಸ್ಲ್ಯಾರ್ ಏಕ್ ನಾ’ ಸಿನೆಮಾಚಿ ವಳಕ್
ಆಬ್ಳೆ ಆಯ್ಲೆಂ ಆನ್ಯೇಕ್ ಕೊಂಕ್ಣಿ ಫಿಲ್ಮ್ ‘ಏಕ್ ಆಸ್ಲ್ಯಾರ್ ಏಕ್ ನಾ’

2. ನಟ್, ನಟಿಂಚಿಂ ಭೊಗ್ಣಾಂ
‘ಯೆಯಾ ಸಿನೆಮಾ ಮಂದಿರಾಕ್, ಆಮ್ಚೆಂ ಫಿಲ್ಮ್ ಪಳೆವ್ನ್ ಎಂಜೊಯ್ ಕರಾ’

3. ನಿರ್ದೇಶಕ್ ಪ್ರದೀಪ್ ಬರ್ಬೋಜಾ, ತಂತ್ರಜ್ಞಾಂಚಿಂ ಭೊಗ್ಣಾಂ
ಏಕ್ ಆಸ್ಲ್ಯಾರ್ ಏಕ್ ನಾ ಏಕ್ ಗ್ರೇಸ್ತ್ ಫಿಲ್ಮ್, ಪಳೆಜೆಚ್ ಜಾಲ್ಲೆಂ

4. ‘ಏಕ್ ಆಸ್ಲ್ಯಾರ್ ಏಕ್ ನಾ’ ಪಿಂತುರಾಚಿ ರಿವ್ಯೂ
ಯುವಜಣಾಂಕ್ ಖುಶ್ ಕರ್ಚೆಂ ರಿಚ್ ಫಿಲ್ಮ್ ‘ಏಕ್ ಆಸ್ಲ್ಯಾರ್ ಏಕ್ ನಾ’

‘ಸೊಫಿಯಾ’ ಫಿಲ್ಮಾಕ್ ಸಂಬಂಧಿಂ ಪಾಟಿಂಬೊ

1. ನಿರ್ಮಾಪಕಿ ಜಾನೆಟ್ ನೊರೊನ್ಹಾಚೆಂ ಸಂದರ್ಶನ್
ವೃತ್ತಿಪರತಾ, ಉಗ್ತೆಂ ಮನ್ ನಾತ್ಲ್ಯಾರ್ ವಾಡಾವಳ್ ಜಾಯ್ನಾ: ಜಾನೆಟ್ ನೊರೊನ್ಹಾ

2. ನಾಯಕ್ ನಟ್ ಎಲ್ಟನ್ ಮಸ್ಕರೇನ್ಹಸಾಚಿಂ ಭೊಗ್ಣಾಂ
ಕೊಂಕ್ಣಿ ಫಿಲ್ಮಾಂನಿ ವಾವುರ್ಚೆಂ ವ್ಹರ್ತ್ಯಾ ದಾದೊಸ್ಕಾಯೆಚೆಂ: ನಟ್ ಎಲ್ಟನ್

4. ‘ಸೊಫಿಯಾ’ ಪಿಂತುರಾಚಿ ರಿವ್ಯೂ
‘ಸೊಫಿಯಾ’ ಹೆಂ ಆಪುರ್ಬಾಯೆಚೆಂ, ಪ್ರೇಕ್ಷಕಾಂಕ್ ಪಿಶ್ಯಾರ್ ಘಾಲ್ಚೆಂ!

5. ‘ಸೊಫಿಯಾ’ ಫಿಲ್ಮಾಚ್ಯಾ ಯಶಸ್ವೆಚಿ ಖಬರ್
ಕೊಂಕ್ಣೆಂತ್ ದಾಖ್ಲೊ: ‘ಸೊಫಿಯಾ’ನ್ ಯಶಸ್ವಿ 50 ದೀಸ್ ಸಂಪಯ್ಲೆ

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಫಿಲ್ಮಾಕ್ ದಿಲ್ಲೊ ಪಾಟಿಂಬೊ

1. ನಿರ್ಮಾಪಕ್ ಹೆನ್ರಿ ಡಿಸಿಲ್ವಾಚೆಂ ಸಂದರ್ಶನ್
ಕೊಂಕ್ಣಿ ಸಿನೆಮಾಂಚೊ ವಿಮರ್ಸೊ ಕೆಲ್ಯಾರ್ ಬರೆಂಚ್: ಹೆನ್ರಿ ಡಿಸಿಲ್ವ

2. ಸಿನೆಮಾಚೆರ್ ಮೆಚ್ವಣಿ (Appreciation)
ನಿರ್ಮಿಲ್ಲೆಂ ನಿರ್ಮೊಣೆಂ: ಕುಟ್ಮಾ ಸಂಗಿಂ ಪಳೆವ್ಯೆತ್ ಜಾಲ್ಲೆಂ ಬರೆಂ, ನಿತಳ್ ಸಿನೆಮ್

3. ಸಿನೆಮಾಚ್ಯಾ ಯಶಸ್ವಿ ಧಾಂವ್ಣೆಕ್ ಮೆಚ್ವಣಿ
ಯಶಸ್ವಿ ತಿಸ್ರ್ಯಾ ಹಫ್ತ್ಯಾಂತ್ ಜಯ್ತಾಚ್ಯಾ ಧಾಂವ್ಣೆರ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’

4. ಕೊಂಕ್ಣೆಂತ್ ಏಕ್ ದಾಖ್ಲೊ – ಮೆಚ್ವಣಿ
6ವ್ಯಾ ಹಫ್ತ್ಯಾಂತ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’: ಕೊಂಕ್ಣೆಂತ್ ಏಕ್ ದಾಖ್ಲೊ

5. ನಟಿ ಸೀಮಾ ಬುತೆಲ್ಲೊಚಿಂ ಭೊಗ್ಣಾಂ
ಕೊಂಕ್ಣೆಂತ್ ವಾವುರ್‍ಚೆಂ ಮ್ಹಳ್ಯಾರ್ ವ್ಹರ್‍ತ್ಯಾ ದಾದೊಸ್ಕಾಯೆಚೆಂ

6. ನಿರ್ದೇಶಕ್ ಆನಿ ಸಹ ನಿರ್ದೇಶಕಾಚಿಂ ಭೊಗ್ಣಾಂ
ಲೊಕಾನ್ ಪಾಟಿಂಬೊ ದಿಲ್ಯಾರ್ ಕೊಂಕ್ಣಿ ಸಿನೆಮಾಂಕ್ ಯಶಸ್ವಿ ಖಂಡಿತ್

ಕೊಂಕ್ಣಿ ಮನ್ಶ್ಯಾಂಚ್ಯಾ ಸಿನೆಮಾ ವಾವ್ರಾಕ್ ಪಾಟಿಂಬೊ

1. ಬಹುಭಾಷಾ ನಟ್ ದೀಪಕ್ ಪಾಲಡ್ಕಾಚಿಂ ಭೊಗ್ಣಾಂ
ತೀನ್ ಭಾಸಾಂಚೊ ಸಿನೆಮಾ ನಟ್, ಉತ್ಸಾಹಿ ವಾವ್ರಾಡಿ

2. ಕೊಂಕ್ಣಿ ಮನ್ಶ್ಯಾಂಚ್ಯಾ ಕನ್ನಡ ಸಿನೆಮಾಕ್ ಪಾಟಿಂಬೊ
ಅಸತೋಮಾ ಸದ್ಗಮಯ – ಏಕ್ ಭೋವ್ ಆಪುರ್ಬಾಯೆಚೆಂ ಸಿನೆಮ್

3. ‘ಕಂತಾರ್’ ಸಿನೆಮಾಚಿ ಖಬರ್
‘ಕಂತಾರ್’ ಕೊಂಕ್ಣಿ ಪಿಂತುರ್ ಮಂಗ್ಳುರಾಂತ್ ಅಗೋಸ್ತ್ 9ವೆರ್ ರಿಲೀಸ್

ಯೇಂವ್ಕ್ ಆಸ್ಚ್ಯಾ ಸಿನೆಮಾಂಚ್ಯೊ ಗಜಾಲಿ

1. ‘ಬೆಂಡ್ಕಾರ್’ ಸಿನೆಮಾ ತಯಾರ್ ಜಾಲ್ಲ್ಯಾಚಿ ಖಬರ್
ತಯಾರ್ ಜಾಲಾಂ ಹ್ಯಾರಿ ಫೆರ್ನಾಂಡಿಸಾಚೆಂ ಕೊಂಕ್ಣಿ ಪಿಂತುರ್ ‘ಬೆಂಡ್ಕಾರ್’

2. ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸಾಚಿಂ ಭೊಗ್ಣಾಂ
ಆಬ್ಳೆ ಉಲಯ್ತಾ ‘ಬೆಂಡ್ಕಾರ್’ ಸಿನೆಮಾಚೊ ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸ್

Send Feedback to: budkuloepaper@gmail.com

Like us at: www.facebook.com/budkulo.epaper

The post ಕೊಂಕ್ಣಿ ಸಿನೆಮಾಂಕ್ ಭರ್ಪೂರ್ ಪಾಟಿಂಬೊ ದಿಲ್ಲೆಂ ಏಕ್ ಮಾತ್ರ್ ಮಾಧ್ಯಮ್ – ಬುಡ್ಕುಲೊ ಇ-ಪತ್ರ್ appeared first on Budkulo.

(ಕಳೆದ ಸಂಚಿಕೆಯಿಂದ ಮುಂದುವರಿದಿದೆ)

ಮಂಗಳೂರು: ತುಳು ಚಲನಚಿತ್ರಗಳಿಗಿರುವ ಮಾರ್ಕೆಟ್ ಬಹಳ ಸಣ್ಣದು ಎಂಬ ಮಾನಸಿಕ ಸಂಕೋಲೆಯಿಂದ ಹೊರ ಬರಲು ‘ಗಿರಿಗಿಟ್’ ಸಿನೆಮಾ ಬರಬೇಕಾಯಿತು. ಬಿಡುಗಡೆಯಾದ ಒಂದೂವರೆ ತಿಂಗಳ ಬಳಿಕವೂ ದಣಿವರಿಯದ ಮದಗಜದಂತೆ ಥಿಯೇಟರ್‌ಗಳಲ್ಲಿ ಹಿಂದಿನ ದಾಖಲೆಗಳೆಲ್ಲವನ್ನೂ ಧೂಳೀಪಟಗೊಳಿಸಿ ಮತ್ತಷ್ಟು, ಮಗದಷ್ಟು ದಾಖಲೆಗಳನ್ನು ತನ್ನ ಸುಪರ್ದಿಗೆ ಸೇರಿಸಿಕೊಳ್ಳುತ್ತಾ ‘ಗಿರಿಗಿಟ್’ ಚಿತ್ರವು ಜೈತ್ರಯಾತ್ರೆಯನ್ನು ಮುಂದುವರಿಸಿದೆ. ಇದು ನಿಜಕ್ಕೂ ನಂಬಲಸಾಧ್ಯವಾದ ವಾಸ್ತವವೆಂದರೆ ತಪ್ಪಾಗದು. ಯಾಕೆಂದರೆ ಇಂತಹದು ಈ ಹಿಂದೆ ಘಟಿಸಿರಲಿಲ್ಲ.

ಕಳೆದ ಸಂಚಿಕೆಯಲ್ಲಿ ಹೇಳಿದಂತೆ, ‘ಗಿರಿಗಿಟ್’ ಚಿತ್ರವು ತುಳು ಸಿನೆಮಾಭಿಮಾನಿಗಳ ಸಂಖ್ಯೆ ಎಷ್ಟಿದೆ ಮತ್ತು ತುಳು ಚಿತ್ರಗಳ ಮಾರ್ಕೆಟ್ ಸಾಮರ್ಥ್ಯ ನಿಜಕ್ಕೂ ಎಷ್ಟು ಅಗಾಧ, ವಿಸ್ತಾರವಾಗಿದೆಯೆಂಬುದನ್ನು ಜಗತ್ತಿಗೆ ತೋರಿಸಿ ಕೊಟ್ಟಿದೆ. ಹಲವಾರು ಕಾರಣಗಳಿಂದ ಉಂಟಾಗಿದ್ದ ಒಂದು ರೀತಿಯ ನಕಾರಾತ್ಮಕತೆಯ ವಾತಾವರಣದಿಂದ ಮುಕ್ತಿ ಹೊಂದಲು ತುಳು ಚಿತ್ರರಂಗಕ್ಕೆ ‘ಗಿರಿಗಿಟ್’ ಸಿನೆಮಾದ ಯಶಸ್ಸು ಹೊಸ ಹುಮ್ಮಸ್ಸು ಮತ್ತು ಶಕ್ತಿ ನೀಡಿದೆಯೆಂದರೆ ತಪ್ಪಾಗದು.

ಅದೇ ಧಾಟಿಯಲ್ಲಿ ಯೋಚಿಸುವಾಗ, ತುಳು ಚಲನಚಿತ್ರರಂಗದ ಹಲವು ಪ್ಲಸ್ ಪಾಯಿಂಟ್‍ಗಳು ಕಣ್ಣಿಗೆ ರಾಚುತ್ತವೆ. ತುಳು ಭಾಷೆಯೆಂಬುದು ಬಹಳಷ್ಟು ಜನರಿಗೆ ಮಾತೃಭಾಷೆಯಾಗಿರಬಹುದು. ಆದರೆ, ಮಾತೃಭಾಷೆ ಬೇರೆಯದೇ ಇದ್ದರೂ ಅಷ್ಟೇ ಪ್ರೀತಿಯ ಭಾಷೆಯನ್ನಾಗಿ ತುಳುವನ್ನು ಸ್ವೀಕರಿಸಿರುವವರ, ಮಾತನಾಡುವವರ ಸಂಖ್ಯೆ ಹಲವು ಲಕ್ಷಗಳಲ್ಲಿದೆ. ತುಳುನಾಡು ಅಥವಾ ಈಗಿನ ಅವಿಭಜಿತ ದಕ್ಷಿಣ ಕನ್ನಡ ಜಿಲ್ಲೆ (ಆಸುಪಾಸು ಸೇರಿ) ಹಲವು ಕಾರಣಗಳಿಗಾಗಿ ವಿಶಿಷ್ಟ ನಾಡು. ಅಂತಹ ವಿಶಿಷ್ಟತೆಗಳಲ್ಲಿ ಹಲವು ಭಾಷೆಗಳ ಸಂಗಮವೂ ಒಂದು. ‘ತುಳು’ ಎಂಬ ಒಂದು ಅದ್ಭುತ ಶಕ್ತಿ ಇಲ್ಲಿನ ಜನರನ್ನು ಎಲ್ಲೆಲ್ಲಿಯೂ, ಯಾವಾಗಲೂ ಒಂದುಗೂಡಿಸಬಲ್ಲದು. ಅದು ತುಳುನಾಡಿನ ಮಹಾಶಕ್ತಿ ಮತ್ತು ತುಳುವರ ಅನನ್ಯತೆ.

ಇಂತಹ ನಾಡಿನಲ್ಲಿ ಸದ್ಯ ತುಳು ಚಲನಚಿತ್ರಗಳು ಬಹಳ ಸದ್ದು ಮಾಡುತ್ತಿವೆ. ಹಿಂದೆ ತುಳು ನಾಟಕಗಳು ಭರ್ಜರಿಯಾಗಿ ಪ್ರದರ್ಶನ ಕಾಣುತ್ತಿದ್ದವು. ಮಂಗಳೂರಿನಲ್ಲಂತೂ ಪ್ರತಿ ವಾರ ನಾಟಕಗಳ ಹಬ್ಬವಿರುತ್ತಿತ್ತು. ಅಭಿಮಾನಿಗಳಿಗೆ ಅವು ಅದ್ಭುತ ರಸದೌತಣವನ್ನು ಉಣಬಡಿಸುತ್ತಿದ್ದವು. ಕಾಲ ಸಂದಂತೆ ನಾಟಕಗಳಿಂದ ಚಲನಚಿತ್ರಗಳಿಗೆ ಆ ಚಟುವಟಿಕೆಗಳು ವರ್ಗಾವಣೆಯಾಗಿವೆ. ಮಹತ್ವದ ಸಂಗತಿಯೆಂದರೆ ಹಲವು ವರ್ಷಗಳ ಕಾಲ ನಾಟಕಗಳ ಮೂಲಕ ತುಳು ಭಾಷಾಭಿಮಾನಿಗಳನ್ನು, ಪ್ರೇಕ್ಷಕರನ್ನು ರಂಜಿಸಿದ ಕಲಾವಿದರೇ ಇದೀಗ ಚಿತ್ರಗಳ ಮೂಲಕ ಮತ್ತಷ್ಟು ವಿಜೃಂಭಣೆಯಿಂದ ಮನರಂಜನೆ ಒದಗಿಸುತ್ತಿದ್ದಾರೆ.

ಹೌದು. ದಶಕಗಟ್ಟಲೆ ರಂಗಭೂಮಿಯಲ್ಲಿ ದುಡಿದ ಬಹಳಷ್ಟು ಕಲಾವಿದರು, ಅದರಲ್ಲೂ ಸ್ಟಾರ್ ನಟರು, ಕಳೆದ ಕೆಲ ವರ್ಷಗಳಿಂದ ಸಿನೆಮಾಗಳಲ್ಲಿ ಮಿಂಚುತ್ತಿದ್ದಾರೆ. ನವೀನ್ ಡಿ. ಪಡೀಲ್, ದೇವದಾಸ್ ಕಾಪಿಕಾಡ್, ಅರವಿಂದ ಬೋಳಾರ್ ಮತ್ತು ಭೋಜರಾಜ್ ವಾಮಂಜೂರ್ – ಈ ನಾಲ್ವರು ಕಲಾವಿದರು ತುಳು ರಂಗಭೂಮಿ ಮತ್ತು ಚಿತ್ರರಂಗದ ನಿಜವಾದ ಪಿಲ್ಲರ್‌ಗಳೆಂದರೆ ತಪ್ಪಾಗದು. ಈ ನಾಲ್ವರು ನಟರು ರಂಗದ ಮೇಲೆಯೇ ಇರಲಿ ಅಥವಾ ಪರದೆಯ ಮೇಲೆಯೇ ಇರಲಿ, ವಿಜೃಂಭಿಸುತ್ತಿದ್ದರೆ ಅದು ಪ್ರೇಕ್ಷಕ-ವೀಕ್ಷಕರಿಗೆ ಹಬ್ಬವೋ ಹಬ್ಬ. ಅದಕ್ಕೆ ಕಾರಣ ಈ ನಟರ ಅದ್ಭುತ ನಟನಾ ಸಾಮರ್ಥ್ಯವಷ್ಟೇ ಅಲ್ಲ, ಪ್ರೇಕ್ಷಕರು ಅವರ ಮೇಲೆ ಇಟ್ಟಿರುವ ಅಪಾರ ಅಭಿಮಾನ, ಪ್ರೀತಿ ಮತ್ತು ಗೌರವವೂ ಕಾರಣ.

ಖಂಡಿತವಾಗಿ, ತುಳು ಕಲಾವಿದರಿಗೆ (ಇಲ್ಲಿನ ಇತರ ಭಾಷೆಗಳದ್ದೂ ಅದೇ ಕಥೆ) ಬೇರೆ ನಟರಿಗಿಂತ ಹೆಚ್ಚುವರಿಯಾದ ಒಂದು ಶಕ್ತಿ ಇದೆ. ಅದನ್ನು ಎಡ್ವಾಂಟೇಜ್ ಎನ್ನುವುದು ಸೂಕ್ತ. ಅದು, ನಮ್ಮ ಜನರಲ್ಲಿರುವ ವಿಶೇಷ ಗುಣ – ಭಾವನಾತ್ಮಕತೆ. ಹೌದು. ತುಳು ಸಿನೆಮಾಗಳನ್ನು ನೋಡುವ ಪ್ರೇಕ್ಷಕರಲ್ಲಿ ಬಹಳಷ್ಟು ಜನರು ಈ ಹಿನ್ನೆಲೆಯನ್ನುಳ್ಳವರೇ. ಆಯಾ ನಟರ ಅಪ್ಪಟ ಅಭಿಮಾನಿಗಳು ತಮ್ಮ ನೆಚ್ಚಿನ ಕಲಾವಿದರು ತೆರೆಯ ಮೇಲೆ ಬರುವುದನ್ನೇ ಕಾಯುತ್ತಿರುತ್ತಾರೆ. ತೆರೆಯ ಮೇಲೆ ತಮ್ಮಿಷ್ಟದ ನಟರನ್ನು ಕಂಡರೆ ಅವರಿಗದೇನೋ ಸಾರ್ಥಕತೆ. ಸಿನೆಮಾದಲ್ಲಿನ ಕಥೆ ಮತ್ತಿತರ ಬೇರೇನೇ ವಿಚಾರಗಳು ಅವರಿಗೆ ನಗಣ್ಯ. ಇಂತಹ, ಒಂದು ರೀತಿಯ ಮುಗ್ಧ ಮನಸ್ಥಿತಿಯಿಂದುಂಟಾದ ಪ್ರೇಮ, ಬೇರೆ ಯಾವ ಕಡೆ ಕಾಣ ಸಿಕ್ಕೀತು?

ಅದೇ ಕಾರಣಕ್ಕೆ ಮೇಲೆ ಹೆಸರಿಸಿದ ತುಳುವಿನ ಅತಿರಥ ಮಹಾರಥ ನಟರಲ್ಲಿ ಯಾರೊಬ್ಬರೂ ಇಲ್ಲದ ಚಿತ್ರಗಳಿಗೆ ಪ್ರೇಕ್ಷಕರನ್ನು ಆಕರ್ಷಿಸಲು ಸುಲಭ ಸಾಧ್ಯವಿಲ್ಲ. ಹಾಗಾಗಬೇಕೆಂದರೆ ಅದರಲ್ಲಿ ನಿಜಕ್ಕೂ ವಿಭಿನ್ನತೆಯಿರಬೇಕು, ವಿಶೇಷತೆಯಿರಬೇಕು. ಮನರಂಜನೆಯೇ ಪ್ರಧಾನವಾಗುಳ್ಳ ಚಿತ್ರಗಳಲ್ಲಿ ಈ ಕಲಾವಿದರು ಇಲ್ಲವೆಂದರೆ, ಅವರ ಸ್ಥಾನವನ್ನು ತುಂಬಬಲ್ಲಂತಹ ಸಮರ್ಥ ಮತ್ತು ಜನಪ್ರಿಯ ಕಲಾವಿದರಿಂದಷ್ಟೇ ಸಾಧ್ಯ. ಸದ್ಯದ ಮಟ್ಟಿಗೆ ತುಳು ಪ್ರೇಕ್ಷಕರು ಪಡೀಲ್-ಕಾಪಿಕಾಡ್-ಬೋಳಾರ್-ವಾಮಂಜೂರ್ ಎಂಬ ಚತುರ್ಮುಖ ನಟಸಾರ್ವಭೌಮರನ್ನು ಬಿಟ್ಟುಕೊಡಲು ಸರ್ವಥಾ ಸಿದ್ಧರಿಲ್ಲ.

ಅದಕ್ಕೇ ನಾನು ಹೇಳಿದ್ದು, ತುಳುವಿನಲ್ಲಿ, ಸದ್ಯದ ಪರಿಸ್ಥಿತಿಯಲ್ಲಿ ಇಂತಹ ನಟರನ್ನು ಹೊರತುಪಡಿಸಿದ ಚಿತ್ರಗಳನ್ನು ಕಲ್ಪಿಸಲೂ ಸಾಧ್ಯವಿಲ್ಲ. ಯಾಕೆಂದರೆ, ತುಳು ಚಿತ್ರಾಭಿಮಾನಿಗಳ ನಿರೀಕ್ಷೆಯಲ್ಲಿರುವಂತಹ ಅತಿ ದೊಡ್ಡ ಸಂಗತಿಗಳಲ್ಲಿ ಕಲಾವಿದರೇ ಎಲ್ಲಕ್ಕಿಂತಲೂ ಪ್ರಮುಖರು. ಇಂತಹ ಕಲಾವಿದರೇ ತುಳು ಚಿತ್ರಗಳ ಮಟ್ಟಿಗೆ ಮೊತ್ತ ಮೊದಲ ಬಂಡವಾಳ. ಉಳಿದದ್ದೆಲ್ಲಾ ಆಮೇಲಿನದ್ದು.

ಹಾಗಂತ, ಈ ಮೇಲಿನ ನಾಲ್ವರು ನಟರನ್ನಷ್ಟೇ ವೈಭವೀಕರಿಸುವ ಉದ್ದೇಶ ನನ್ನದಲ್ಲ. ಎಲ್ಲರಿಗೂ ಪರಿಚಿತರು ಮತ್ತು ಅವರು ಸಾಕಷ್ಟು ಹಿರಿಯರೂ ಅನುಭವಿಗಳೂ ಮತ್ತು ಅತ್ಯಂತ ಹೆಚ್ಚು ಅಭಿಮಾನಿಗಳನ್ನು ಹೊಂದಿರುವವರು ಎಂಬ ಕಾರಣಕ್ಕೆ ಅವರನ್ನು ಉದಾಹರಿಸಿದೆನಷ್ಟೇ. ನಾನು ನಿಜಕ್ಕೂ ಹೇಳ ಹೊರಟಿರುವುದೇನೆಂದರೆ, ಪ್ರೇಕ್ಷಕರನ್ನು ಸಿನೆಮಾ ಮಂದಿರಗಳಿಗೆ ಕರೆದು ತರಬಲ್ಲ ಸಾಮರ್ಥ್ಯವಿರುವ ನಟರು ತುಳು ಚಿತ್ರರಂಗದ ದೊಡ್ಡ ಆಸ್ತಿ ಮತ್ತು ಪ್ರಮುಖ ಶಕ್ತಿಯೆಂಬ ವಾಸ್ತವವನ್ನು ಹೇಳಿಕೊಳ್ಳುವುದು. ಸದ್ಯದ ಮಟ್ಟಿಗೆ ಇಂತಹ ನಟರನ್ನು ಹೊರತುಪಡಿಸಿ ಕೇವಲ ಕಥಾವಸ್ತು, ಕಥೆ ಮತ್ತು ನಿರೂಪಣೆ ಸೇರಿದಂತೆ ಇತರ ಸಂಗತಿಗಳಿಂದಲೇ ಓಡಬಲ್ಲಂತಹ ಸಿನೆಮಾ ರೂಪಿಸುವುದು ತುಳುವಿನಲ್ಲಿ ನಿರೀಕ್ಷಿಸುವಂತಿಲ್ಲ. (ಪಡ್ಡಾಯಿಯಂತಹ ಶ್ರೇಷ್ಠ ಸಿನೆಮಾ ಕೂಡ ತುಳುವಿನಲ್ಲಿಯೇ ಬಂದಿದೆಯೆಂಬುದನ್ನು ಮರೆಯುವಂತಿಲ್ಲ. ಆದರೆ ಅಂತಹ ಸಿನೆಮಾಗಳನ್ನು ಥಿಯೇಟರ್‌ಗಳಲ್ಲಿ ಯಶಸ್ವಿಯಾಗಿ ಓಡಿಸುವ ಕಾಲವೂ ಬರಬೇಕಿದೆ).

ಖುಷಿಯ ಸಂಗತಿಯೆಂದರೆ, ಮೇಲೆ ಹೇಳಿದ ಸೀನಿಯರ್ ಕಲಾವಿದರ ಸಾಲಿಗೆ ಬಹಳಷ್ಟು ಹಿರಿಯ ಮತ್ತು ಕಿರಿಯ ಕಲಾವಿದರು ಸೇರ್ಪಡೆಯಾಗಿದ್ದಾರೆ. ಪಾತ್ರ ಎಷ್ಟೇ ಸಣ್ಣದಿದ್ದರೂ ಪ್ರೇಕ್ಷಕರನ್ನು ಭರಪೂರವಾಗಿ ರಂಜಿಸುವ, ನಕ್ಕು ನಗಿಸುವ ಪ್ರತಿಭೆಯನ್ನು ಹೊಂದಿರುವ ಅನೇಕ ನಟರು ತುಳು ಚಿತ್ರರಂಗದಲ್ಲಿದ್ದಾರೆ. ಸತೀಶ್ ಬಂದಲೆ ಅಂತಹ ನಟರಲ್ಲಿ ಪ್ರಮುಖರು. ಈ ಸಾಲಿನಲ್ಲಿ ಇನ್ನೂ ಅನೇಕರಿದ್ದಾರೆ.

ಪ್ರತಿಭೆ ಮತ್ತು ಬದ್ಧತೆಯುಳ್ಳ ಕಲಾವಿದರಿಗೆ ಈಗ ಅವಕಾಶಗಳಿಗೆ ಬರಗಾಲವಿಲ್ಲ. ನೇರವಾಗಿ ಸಿನೆಮಾ ರಂಗಕ್ಕೆ ಪ್ರವೇಶ ಪಡೆಯುವ ಅವಕಾಶ ಎಲ್ಲರಿಗೂ ದೊರಕುವುದಿಲ್ಲ. ಆದರೆ ಅದಕ್ಕಾಗಿ ನಿರಾಶೆಪಡುವ ಕಾಲ ಇದಲ್ಲ. ಟಿವಿ ಚಾನೆಲ್‍ಗಳು ಸೇರಿದಂತೆ ಹಲವು ಮಾಧ್ಯಮಗಳ ಮೂಲಕ ತಮ್ಮ ನಟನಾ ಸಾಮರ್ಥ್ಯವನ್ನು ಸಾಬೀತುಪಡಿಸುವ ಮತ್ತು ಆ ಮೂಲಕ ಅಭಿಮಾನಿಗಳನ್ನು ಸೃಷ್ಟಿಸುವ ಸುಸಂದರ್ಭ ಇಂತಹ ಆಸಕ್ತ ಕಲಾವಿದರಿಗೆ, ಪ್ರತಿಭಾವಂತರಿಗೆ ಬಹಳಷ್ಟು ದೊರಕುತ್ತವೆ. ಅಂತಹ ವಿಧಾನಗಳ ಮೂಲಕ ಮುನ್ನೆಲೆಗೆ ಬಂದ ಹಲವು ಕಲಾವಿದರು, ನಟರು ನಮ್ಮೆದುರೇ ಇದ್ದಾರೆ.

ಮತ್ತೊಂದು ಮುಖ್ಯ ವಿಚಾರವೇನೆಂದರೆ, ತುಳು ಸಿನೆಮಾಗಳನ್ನು ನೋಡುವ ಬಹುತೇಕರು ತಾವು ‘ತುಳು’ ಸಿನೆಮಾ ಪ್ರೇಕ್ಷಕರೆಂಬುದನ್ನು ಮನದಲ್ಲಿಟ್ಟುಕೊಂಡೇ ಸಿನೆಮಾ ಮಂದಿರಕ್ಕೆ ಬಂದಿರುತ್ತಾರೆ. ‘ತುಳು’ ಎಂದರೆ ಅದೊಂದು ಭಾವನೆ. ಬೇರೆ ಯಾವುದೇ ಭಾಷೆಯ, ಇಂಡಸ್ಟ್ರಿಯ ಚಿತ್ರಗಳನ್ನು ನೋಡಿದ ಪ್ರೇಕ್ಷಕನಾಗಿದ್ದರೂ ಸಹ, ತುಳು ಸಿನೆಮಾ ನೋಡುವಾಗ ಆ ಪ್ರೇಕ್ಷಕ ತುಳುವನೇ ಆಗಿರುತ್ತಾನೆ. ಆತನ ಅಪೇಕ್ಷೆ, ನಿರೀಕ್ಷೆ ಮತ್ತು ಅಂದಾಜುಗಳೆಲ್ಲಾ ತುಳು ವಿಚಾರಗಳದ್ದೇ ಆಗಿರುತ್ತದೆ. ಅದೇ ಕಾರಣಕ್ಕೆ ಬೇರೆಲ್ಲಾ ಲಾಜಿಕ್‍ಗಳು ಇಲ್ಲಿ ನಗಣ್ಯ! (ಇದರ ಬಗ್ಗೆ ಸಾಕಷ್ಟು ವಿಚಾರಗಳಿವೆ, ಮುಂದೆ ಬರೆಯುತ್ತೇನೆ).

ಸದ್ಯ, ನಾನಿಲ್ಲಿ ಬರೆಯುತ್ತಿರುವ ಲೇಖನಮಾಲೆ, ತುಳು ಚಿತ್ರರಂಗದ ಬಗ್ಗೆ ಸಕಾರಾತ್ಮಕ ಅಭಿಪ್ರಾಯದಿಂದ ಕೂಡಿರುವುದೂ, ಕ್ರಿಯಾತ್ಮಕ ಭವಿಷ್ಯವನ್ನು ಅಪೇಕ್ಷಪಟ್ಟದ್ದೂ ಆಗಿದೆ. ‘ಗಿರಿಗಿಟ್’ ಸಿನೆಮಾ ಇಂತಹ ಭವ್ಯ ಭವಿಷ್ಯಕ್ಕೆ ಮುನ್ನುಡಿಯಿಟ್ಟಿದೆ. ಆದರೆ, ತುಳು ಚಿತ್ರರಂಗ, ಕೇವಲ ಜನಪ್ರಿಯತೆಯನ್ನೇ ಮಾನದಂಡವನ್ನಾಗಿಟ್ಟುಕೊಂಡು ಹೆಚ್ಚು ಕಾಲ ಮುನ್ನಡೆಯಲು ಸಾಧ್ಯವಿಲ್ಲ. ದೀರ್ಘ ಕಾಲ ಮನಸ್ಸನ್ನಾಕ್ರಮಿಸುವಂತಹ ಚಿತ್ರಗಳೂ ಇಲ್ಲಿ ಬರಬೇಕು. ಕೇವಲ ಜನಪ್ರಿಯತೆ, ಕಾಮಿಡಿ ಮತ್ತು ಸ್ಟಾರ್ ನಟರ ಇಮೇಜ್‍ಗಳನ್ನೇ ಆಶ್ರಯಿಸುವ ಸದ್ಯದ ಟ್ರೆಂಡ್ ಇದೇ ರೀತಿ ಮುಂದುವರಿದಲ್ಲಿ ಏಕತಾನತೆಗೆ ಸಿಲುಕುವ ರಿಸ್ಕ್ ಕೂಡಾ ಇದೆ. ತುಳುವಿನಲ್ಲೂ ಅದ್ಭುತ ಸಿನೆಮಾಗಳು ತಯಾರಾಗಬೇಕು. ಆ ನಿಟ್ಟಿನಲ್ಲಿ ನನ್ನ ವಿಚಾರಗಳನ್ನು ಮುಂದಿನ ಸಂಚಿಕೆಗಳಲ್ಲಿ ವ್ಯಕ್ತಪಡಿಸುತ್ತೇನೆ.

(ಮುಂದುವರಿಯಲಿದೆ)

ಹಿಂದಿನ ಸಂಚಿಕೆ: ಭಾಗ – 1
ಅಗಾಧ ಮಾರ್ಕೆಟನ್ನು ಶೋಧಿಸಿದ ‘ಗಿರಿಗಿಟ್’ ಸಿನೆಮಾಕ್ಕೆ ಅಭಿನಂದನೆಗಳು

Send Feedback to: budkuloepaper@gmail.com

Like us at: www.facebook.com/budkulo.epaper

The post ಪ್ಲಸ್ ಪಾಯಿಂಟ್: ಅದ್ಭುತ ನಟರು ತುಳು ಚಿತ್ರರಂಗದ ಶ್ರೀಮಂತ ಆಸ್ತಿ ಹಾಗೂ ಜನಾಕರ್ಷಣೆಯ ಕೇಂದ್ರಬಿಂದು appeared first on Budkulo.

ಏಕ್ ಕೃತಿ ವಾ ಉತ್ಪನ್ನ್ ತಯಾರ್ ಜಾವ್ನ್ ಗ್ರಾಹಕಾಂಚ್ಯಾ ಹಾತಿಂ ಪಾವೊಂಕ್ ತಾಚ್ಯಾ ಪಾಟ್ಲ್ಯಾನ್ ಜಾಯ್ತ್ಯಾ ಜಣಾಂಚಿ ದೇಣ್ಗಿ ಆನಿ ಸಬಾರ್ ಸ್ತರಾಂಚಿ ವಾಂವ್ಟ್ ಆಸ್ತಾ. ಜಾಂವ್ಕ್ ಪುರೊ ಏಕ್ ಖಾಣ್, ಪುಸ್ತಕ್ ವಾ ವಸ್ತ್, ಜಾಂವ್ಕ್ ಪುರೊ ಏಕ್ ಬಾಂಧಪ್, ವಾಹನ್ ವಾ ಗ್ಯಾಜೆಟ್; ತೆಂ ತ್ಯಾ ರುಪಾರ್ ರಚಿತ್ ಜಾಂವ್ಕ್ ಸಬಾರಾಂಚೊ ವಾವ್ರ್, ಮ್ಹಿನತ್ ಆನಿ ಇನ್ವಾಲ್ವ್‍ಮೆಂಟ್ ಆಸ್ತಾ. ತಶೆಂಚ್ ಏಕ್ ಸಿನೆಮ್‍ಯೀ. ಲೋಕ್ ಪಡ್ದ್ಯಾರ್ ಫಕತ್ ದೃಶ್ಯಾಂ ಪಳೆತಾ ಆನಿ ಪ್ರತ್ಯೇಕ್ ಕರ್ನ್ ನಟ್-ನಟಿಂಕ್ ಪಳೆವ್ನ್ ಎಂಜಾಯ್ ಕರ್ತಾ. ಎಕ್ಲೊ ಹೀರೊ ಜಬರ್‌ದಸ್ತ್ ಡೈಲಾಗ್ ಸಾಂಗ್ತಾನಾ ಜಾಂವ್, ವಿಲನಾಕ್ ಸರ್ಸರಿತ್ ಬಡಯ್ತಾನಾ ಜಾಂವ್ ವಾ ಹೀರೋಯಿನ್ ಮೊಗಾ ಪಾಶಾಂವಾಂತ್ ಕಡ್ತಾನಾ ವೀಕ್ಷಕ್ ತೆಂ ಆಸ್ವಾದನ್ ಕರ್ತಾ. ಪ್ರೇಕ್ಷಕ್ ಫಿಲ್ಮ್ ಪಳೆತಾ; ರುಚ್ಲ್ಯಾರ್ ಮೆಚ್ವತಾ, ಪಸಂದ್ ಜಾಯ್ನಾತ್ಲ್ಯಾರ್ ಪುರ್ಪುರ್ತಾ. ಪುಣ್ ಏಕ್ ಫಿಲ್ಮ್ ಮ್ಹಳ್ಯಾರ್ ತಿತ್ಲೆಂಚ್ ನ್ಹಯ್.

ಫಿಲ್ಮ್ ಮ್ಹಳ್ಯಾರ್ ಏಕ್ ಅಪ್ರತಿಮ್ ಪ್ರೊಜೆಕ್ಟ್. ಸಿನೆಮಾ ಬರೆಂ ಜಾಯ್ಜೆ ತರ್ ಎಕಾ ದೊಗಾಂಚಿ ಕ್ರಿಯೇಟಿವಿಟಿ ಆನಿ ಪರಿಶ್ರಮ್ ಪಾವನಾ. ತಾಚ್ಯಾ ಪಾಟ್ಲ್ಯಾನ್ ಹರ್ಯೆಕ್ಲ್ಯಾಚೆಂ ಡೆಡಿಕೇಶನ್ ಆನಿ ಪರಿಣತೆಚೊ ವಾವ್ರ್ ಗರ್ಜ್. ಪ್ರಸ್ತುತ್ ಕೊಂಕ್ಣೆಂತ್ ಸಿನೆಮಾಂ ವಿಶಿಂ ಬರಿಚ್ ಜಾಗೃತಿ ಉದೆಲ್ಯಾ, ತವಳ್ ತವಳ್, ತಾಂತುಂಯೀ ಮಂಗ್ಳುರ್ಗಾರಾಂಚಿಂಚ್, ಕೊಂಕ್ಣಿ ಪಿಂತುರಾಂ ಪ್ರದರ್ಶನಾಕ್ ಪಡೊನ್ ಆಸಾತ್.

ಆಯ್ಲೆವಾರ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾನ್ ಬರೊಚ್ ಆವಾಜ್ ಉಟಯ್ಲಾ. ತಾಚ್ಯಾ ನಿರ್ಮಾಪಕ್, ಹೀರೋಯಿಚೆಂ ಸಂದರ್ಶನ್ ಎದೊಳ್‍ಚ್ ಆಮಿ ಪ್ರಸ್ತುತ್ ಕೆಲಾಂ. ಫಿಲ್ಮಾಕ್‍ಯೀ ಬರೊಚ್ ಪಾಟಿಂಬೊ ಆಮಿ, ‘ಬುಡ್ಕುಲೊ’ ಇ-ಪತ್ರಾನ್, ದಿಲಾ. ಹ್ಯಾ ಸಿನೆಮಾಚ್ಯಾ ನಿರ್ಮಾಣಾಂತ್ ತಶೆಂ ತೆಂ ಲೊಕಾಕ್ ಪಾವಂವ್ಚ್ಯಾಂತ್‍ಯೀ ಆಪ್ಲಿ ದರಬಸ್ತ್ ದೇಣ್ಗಿ ದೀವ್ನ್ ಜಾಯ್ತಿ ವಾಂವ್ಟ್ ಕಾಡ್‍ಲ್ಲೆ ಜಾವ್ನಾಸಾತ್ ತಾಚೊ ನಿರ್ದೇಶಕ್ ಮೆಲ್ವಿನ್ ಎಲ್ಪೆಲ್ ಆನಿ ಸಹ ನಿರ್ದೇಶಕ್, ಸ್ಕ್ರೀನ್‍ಪ್ಲೇ ರಚ್ಪಿ ನೊರ್ಬರ್ಟ್ ಜಾನ್ ಡಿಸೋಜ. ತಾಂಚೆ ಲಾಗಿಂ ಥೊಡ್ಯೊ ಗಜಾಲಿ ಆಮ್ಚ್ಯಾ ವಾಚ್ಪ್ಯಾಂ ಪಾಸತ್ ಆಮಿ ವಿಚಾರ್ಲ್ಯೊ. ತೆ ಕಿತೆಂ ಮ್ಹಣ್ತಾತ್ ತೆಂ ಹಾಂಗಾಸರ್ ದಿಲಾಂ.

ಪಯ್ಲೆಂ, ನಿರ್ದೇಶಕ್, ಏಕ್ ತರುಣ್ ಸಿನೆಮಾ ವಾವ್ರಾಡಿ, ಮೆಲ್ವಿನ್ ಎಲ್ಪೆಲ್ ಉಲಯ್ತಾ:

ಡೊನಾಲ್ಡ್ ಪಿರೇರಾ: ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ಲೊಕಾನ್ ಪಸಂದ್ ಕೆಲಾಂ. ಫಿಲ್ಮ್ ತಯಾರ್ ಕರುಂಕ್ ಜಾಯ್ತಿ ಮ್ಹಿನತ್ ಕಾಡಿಜೆ ಪಡ್ತಾ. ಆತಾಂ ಲೊಕಾಚಿ ಪ್ರತಿಕ್ರಿಯಾ ಪಳೆವ್ನ್ ತುಮ್ಕಾಂ ಕಿತೆಂ ಭೊಗ್ತಾ?

ಮೆಲ್ವಿನ್ ಎಲ್ಪೆಲ್: ಪಯ್ಲೆ ಪಾವ್ಟಿಂ ಕೊಂಕ್ಣೆಂತ್ ಸಿನೆಮಾಚೆಂ ನಿರ್ದೇಶನ್ ಕರುಂಕ್ ಆವ್ಕಾಸ್ ದಿಲ್ಲ್ಯಾಕ್ ನಿರ್ಮಾಪಕ್ ಹೆನ್ರಿ ಡಿಸಿಲ್ವಾಕ್ ಧಿನ್ವಾಸ್ತಾಂ. ಫಿಲ್ಮ್ ಪಳೆಲ್ಲ್ಯಾ ಸಕ್ಡಾಂನಿ ರುಚ್ಲೆಂ ಮ್ಹಳಾಂ ಆನಿ ಜಾಯ್ತ್ಯಾ ಜಣಾಂನಿ ಸಂದೇಶ್ ಧಾಡ್ಲ್ಯಾತ್. ಕೊಂಕ್ಣೆಂ ಆನ್ಯೇಕ್ಲೊ ನಿರ್ದೇಶಕ್ ಉದೆಲೊ ಮ್ಹಣೊನ್ ಸಬಾರಾಂನಿ ಸಂತೊಸ್ ಪಾಚಾರ್ಲಾ. ಹೆಂ ಆಮ್ಚ್ಯಾ ಟೀಮ್‍ವರ್ಕಾಕ್, ಆಮಿ ಸಕ್ಡಾಂನಿ ಕಾಡ್‍ಲ್ಲ್ಯಾ ಮ್ಹಿನತೆಕ್ ಮೆಳ್‍ಲ್ಲಿ ಜೀಕ್ ಮ್ಹಣ್ತಾಂ. ಫಿಲ್ಮಾಚೆಂ ಕ್ಲೈಮ್ಯಾಕ್ಸ್ ಯೆತಾನಾ ಜಾಯ್ತ್ಯಾ ಸ್ತ್ರೀಯಾಂಚ್ಯಾ ದೊಳ್ಯಾಂನಿ ದುಖಾಂ ದೆಂವ್‍ಲ್ಲಿಂ ಹಾಂವೆಂ ಖುದ್ ಪಳೆಲೆಂ. ಎಕಾ ಸಿನೆಮಾಚ್ಯಾ ಯಶಸ್ವೆಚಿಂ ಖುಣಾಂ ಹಿಂ. ಪ್ರತ್ಯೇಕ್ ಕರ್ನ್ 35 – 40 ವರ್ಸಾಂ ವಯ್ಲ್ಯಾಂನಿ ಹೆಂ ಪಿಂತುರ್ ನ್ಹಯ್ ನೀಜ್ ಘಡ್‍ಲ್ಲೆಂಚ್ ಮ್ಹಳ್ಳೆಪರಿಂ ಫೀಲ್ ಕೆಲ್ಲೆಂ ಥಿಯೇಟರಾ ಥಾವ್ನ್ ತಿಂ ಭಾಯ್ರ್ ಯೆತಾನಾ ಕಳ್ತಾಲೆಂ.

ಡೊನಾಲ್ಡ್: ಗಾಂವಾಂತ್ ಸರ್ವ್ ಭಾಶೆಚಿಂ ಸಿನೆಮಾಂ ಎಕಾಮೆಕಾ ಸ್ಪರ್ಧೊ ಕರುನ್ ಆಸಾತ್. ತಾಂಚ್ಯಾ ಇಡ್ಯಾಂತ್ ಕೊಂಕ್ಣಿ ಪಿಂತುರಾಂಯೀ ಆವಾಜ್ ಕರುನ್ ಆಸಾತ್. ಲೋಕ್ ಕೊಂಕ್ಣಿ ಫಿಲ್ಮಾಂನಿ ಕಿತೆಂ ಅಪೇಕ್ಷಿತಾ ಮ್ಹಣ್ ತುಕಾ ಭೊಗ್ತಾ?

ಮೆಲ್ವಿನ್: ಸಿನೆಮಾಂಕ್ ಭಾಸ್ ವಾ ಧರ್ಮ್ ಮ್ಹಳ್ಳೊ ನಾ. ಲೊಕಾಕ್ ಖಂಚೆಂ ಪಸಂದ್ ಜಾತಾ ತೆಂ ತೊ ಪಳೆತಾ. ಫಿಲ್ಮ್ ಪಳೆತೆಲ್ಯಾ ಪ್ರೇಕ್ಷಕಾಕ್ ಬಜೆಟ್ ಮುಖ್ಯ ನ್ಹಯ್. ಪ್ರೇಕ್ಷಕಾಕ್ ಆಪ್ಣೆಂ ದಿಲ್ಲ್ಯಾ ಪೈಶ್ಯಾಂಕ್ ತೆಕಿದ್ ಬರೆಂ ಮನೋರಂಜನ್ ಮೆಳಜೆ ಮ್ಹಣ್ ಅಪೇಕ್ಷಾ ಆಸ್ತಾ. ಏಕ್ ಬರಿ ಕಾಣಿ ತಾಂಕಾಂ ಜಾಯ್. ಸಿನೆಮಾಂನಿ ಕೊಣೆಂಯೀ ಆಪ್ಲ್ಯಾ ತಾಲೆಂತಾಂ ಮುಖಾಂತ್ರ್ ಸ್ಟಾರ್ ಜಾವ್ಯೆತ್. ತಾಲೆಂತ್‍ಚ್ ಮುಖ್ಯ್ ಸ್ಟಾರ್. ಆತಾಂಚ್ಯಾ ದಿಸಾಂನಿ ಸ್ಟಾರಾಂಚಿಂ ಫಿಲ್ಮಾಂ ಧಾಂವ್ಚ್ಯಾ ಪ್ರಾಸ್ ತಿಂ ಧಾಂವ್ಡಾಂವ್ಚೆಂಚ್ ಚಡ್. ಸಿನೆಮ್ ಕೋಣ್ ಪಳೆಂವ್ಕ್ ಯೆತಾತ್ ತೆಚ್ ಸ್ಟಾರ್, ಆನಿ ವೀಕ್ಷಕಾಂನಿ ದಿಂವ್ಚೆಂ ರೇಟಿಂಗ್‍ಚ್ ಆಮ್ಕಾಂ ಸ್ಟಾರ್ ವ್ಯಾಲ್ಯೂ ಹಾಡ್ನ್ ದಿತಾ.

ಲವ್ ಸ್ಟೋರಿ ಆನಿ ಸಸ್ಪೆನ್ಸ್ ಆಟಾಪುನ್ ಆಸ್ಚೆಂ ಸಿನೆಮ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಲೊಕಾಕ್ ಪಸಂದ್ ಜಾಲಾಂ. ಕೊಂಕ್ಣೆಂತ್ ಅಸಲೆಂ ಫಿಲ್ಮ್ ಆಯಿಲ್ಲ್ಯಾಕ್ ಲೊಕಾನ್ ಸ್ವಾಗತ್ ಕೆಲಾಂ. ಹಾಂವೆಂ ಖುದ್ ಪಳೆಲ್ಲೆ ಪರ್ಮಾಣೆಂ, 35+ ಪ್ರಾಯೆಚ್ಯಾಂಕ್ ಏಕ್ ಕಾಣಿ ಆನಿ ಸೆಂಟಿಮೆಂಟ್ಸ್ ಜಾಯ್. ಯುವಜಣ್ ಕೊಂಕಣಿ ಸಿನೆಮಾಂ ಪಳೆಂವ್ಕ್ ಪಾಟಿಂ ಸರ್ತಾತ್ ತೆಂ ಪಳೆವ್ನ್ ಬೆಜಾರ್ ಭೊಗ್ತಾ. ತಾಂಕಾಂ ಫಕತ್ ಕೊಮೆಡಿ ಪಸಂದ್, ಸಿಂತಿಮೆಂತಾಂ ನಾಕಾತ್.

ಡೊನಾಲ್ಡ್: ಹೆರ್ ಕಿತೆಂಯ್ ಗಜಾಲಿ..?

ಮೆಲ್ವಿನ್: ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ಪಳೆಲ್ಲ್ಯಾ ಸಕ್ಡಾಂಕ್‍ಯೀ ಆನಿ ಸಂದೇಶ್ ಧಾಡ್‍ಲ್ಲ್ಯಾ ಸರ್ವಾಂಕೀ ದೇವ್ ಬರೆಂ ಕರುಂ ಮ್ಹಣ್ತಾಂ. ಆನಿ ಮುಖಾರ್ ಯೆಂವ್ಚ್ಯಾ ಫಿಲ್ಮಾಂಕೀ ಲೊಕಾಚೆಂ ಬೆಸಾಂವ್ ಆನಿ ಪಾಟಿಂಬೊ ಅಶೆಂಚ್ ಮೆಳ್ತಾ ಮ್ಹಣ್ ಭರ್ವಸ್ತಾಂ. ಮುಖ್ಲ್ಯಾ ದಿಸಾಂನಿ ಆನಿಕೀ ಥೊಡಿಂ ಕೊಂಕ್ಣಿ ಫಿಲ್ಮಾಂ ಯೆಂವ್ಚ್ಯಾರ್ ಆಸಾತ್, ತಾಂಕಾಂಯೀ ಲೊಕಾನ್ ಸಹಕಾರ್ ದೀಂವ್ಕ್ ಹಾಂವ್ ಉಲೊ ದಿತಾಂ.

ಕೊಂಕ್ಣೆಂತ್ ಪೈಶೆ ಘಾಲ್ನ್ ಸಿನೆಮ್ ಕಾಡ್ಚೆಂ ಮ್ಹಳ್ಯಾರ್ ಏಕ್ ಸಾಹಸ್ ಆನಿ ರಿಸ್ಕಿ ವ್ಯವಹಾರ್. ಹ್ಯಾ ಖಾತಿರ್ ಆಮ್ಚ್ಯಾ ನಿರ್ಮಾಪಕಾಕ್ ನಿಜಾಯ್ಕೀ ಗ್ರೇಟ್ ಮ್ಹಣಜೆ. ತಾಕಾ ಆನಿ ಸರ್ವ್ ಕೊಂಕ್ಣಿ ಸಿನೆಮಾ ನಿರ್ಮಾಪಕಾಂಕ್ ಯಶಸ್ವಿ ಮೆಳೊಂದಿ, ತಾಣಿಂ ಘಾಲ್ಲೆ ಪೈಶೆ ಪಾಟಿಂ ಮೆಳೊಂದಿತ್ ಮ್ಹಣ್ ಹಾಂವ್ ಆಶೆತಾಂ. ಆಮ್ಚ್ಯಾ ಯುವಜಣಾಂನಿ ಚಡ್ ಸಂಖ್ಯಾನ್ ಕೊಂಕ್ಣಿ ಸಿನೆಮಾಂ ಪಳೆಜೆ ಮ್ಹಣ್ ಹಾಂವ್ ಅಪೇಕ್ಷಿತಾಂ.”

ವಯ್ಲಿಂಚ್ ಸವಾಲಾಂ, ಪಿಂತುರಾಚೊ ಸ್ಕ್ರೀನ್‍ಪ್ಲೇ ರಚ್ಪಿ ಆನಿ ಸಹ ನಿರ್ದೇಶಕ್ ನೊರ್ಬರ್ಟ್ ಜಾನ್ ಡಿಸೋಜಾಕ್ ಆಮಿ ವಿಚಾರ್‌ಲ್ಲಿಂ. ತಾಚ್ಯೊ ಜಾಪಿ ಅಶೆಂ ಆಸಾತ್:

“ಆಮ್ಚೆಂ ಪಿಂತುರ್ ಲೊಕಾನ್ ಮಸ್ತ್ ಪಂಸದ್ ಕೆಲಾಂ. ಆಮಿ ನಿಜಾಯ್ಕಿ ಇತ್ಲ್ಯಾ ಮಾಪಾನ್ ಆಮ್ಕಾಂ ಪಾಟಿಂಬೊ ಮೆಳ್ತಾ ಮ್ಹಣ್ ಚಿಂತುಂಕ್ ನಾತ್‍ಲ್ಲೆಂ. ಪಿಂತುರ್ ಪಳೆವ್ನ್ ಗೆಲ್ಲ್ಯಾ ಲೊಕಾನ್ ಹೆರಾಂಕ್ ಸಾಂಗೊನ್, ಲೊಕಾಕ್ ಆಪವ್ನ್ ಹಾಡ್ನ್ ದೊದೋನ್ ಪಾವ್ಟಿಂ ಪಳೆಲ್ಲೆಂಯೀ ಆಸಾ. ಲೊಕಾಚೊ ಮೋಗ್ ಪಳೆವ್ನ್ ಜಾಯ್ತಿ ಖುಷಿ ಜಾತಾ.”

ದುಸ್ರ್ಯಾ ಸವಾಲಾಕ್ ನೊರ್ಬರ್ಟ್ ಮ್ಹಣ್ತಾ: “ವ್ಹಯ್ ಖಂಡಿತ್ ಜಾವ್ನ್ ಆಮ್ಕಾಂ ಚಾಲೆಂಜ್ ಆಸ್‍ಲ್ಲೆಂ. ಕೊಂಕ್ಣೆಕ್ ಮಾರ್ಕೆಟ್ ನಾ, ಲೋಕ್ ಪಳೆನಾ, ಥೊಡ್ಯಾಂಕ್ ಕಾಮಿಡಿ ಜಾಯ್, ಥೊಡ್ಯಾಂಕ್ ಸ್ಟೋರಿ ಜಾಯ್, ಆನಿ ಥೊಡ್ಯಾಂಕ್ ರಡ್ಚಿಂ ಸಿಂತಿಮೆಂತಾಳ್ ದೃಶ್ಯಾಂ ಜಾಯ್… ಆಮಿ ಸರ್ವೆ ಕರ್ತಾನಾ ತಶೆಂ ಆಮ್ಕಾಂ ಅಭಿಪ್ರಾಯ್ ಮೆಳ್ಳಿ. ಕೊಂಕ್ಣಿ ಲೋಕ್ ಬಾಲಿವುಡ್ ಸಿನೆಮಾಂ ಚಡ್ ಪಳೆತಾ. ತ್ಯಾ ದೆಕುನ್ ತಸಲೆಂಚ್ ಮಸಾಲಾ ಟೈಪಾಚೆಂ ಸಿನೆಮ್ ತಾಂಕಾಂ ಜಾಯ್ ಆಸ್‍ಲ್ಲೆಂ. ತಶೆಂ, ಅಸಲ್ಯೊ ಅಭಿಪ್ರಾಯೊ ಕಾಣ್ಗೆವ್ನ್ ಏಕ್ ಸಂಪೂರ್ಣ್ ಮನೋರಂಜನಾಚೆಂ ಫಿಲ್ಮ್ ಆಮಿ ತಯಾರ್ ಕೆಲ್ಲೆಂ.”

“ವ್ಹಯ್, ಹೆಂ ಪುರಾ ಲೊಕಾಕ್ ದೀಜೆ ಪಡ್ತಾ. ತಾಚೆ ಸಾಂಗಾತಾ, ಉಣ್ಯಾಂತ್ಲ್ಯಾ ಉಣ್ಯಾ ಬಜೆಟಿರ್ ಕರಿಜೆ ಪಡ್ತಾ… ಉಣೆಂ ಬಜೆಟ್ ಮ್ಹಣ್ತಾನಾ ಥೊಡ್ಯಾ ಸಂಗ್ತಿಂನಿ ಕೊಂಪ್ರಮೈಸ್ ಕರಿಜೆ ಪಡ್ತಾ. (ನಟ್, ನಟಿಂಚಿ ವಿಂಚವ್ಣ್, ಲೊಕೇಶನ್ಸ್, ಕ್ಯಾಮೆರಾ, ಸರಳ್ ಕಾಣಿ ಇತ್ಯಾದಿ ಗಜಾಲಿಂಚೆರ್).”

“ಇಲ್ಲೆಂ ಬಜೆಟ್ ಚಡ್ ಕೆಲ್ಯಾರ್ ಆನಿಕೀ ಬರೆಂ ಸಿನೆಮ್ ಕಾಡ್ಯೆತ್. ಪುಣ್ ಘಾಲ್ಲೆ ಪಯ್ಶೆ ಪಾಟಿಂ ಯೆತಾತ್ ಮ್ಹಣೊಂಕ್ ಜಾಯ್ನಾ… ಕಿತ್ಯಾಕ್ ಮ್ಹಳ್ಯಾರ್ ಆಮ್ಚೊ ಲೋಕ್ ಸನ್ವಾರಾ, ಅಯ್ತಾರಾ ವಾ ಸುಟಿ ಆಸ್‍ಲ್ಲ್ಯಾ ವೆಳಾರ್ ಮಾತ್ರ್ ಸಿನೆಮಾಂ ಪಳೆತಾ. ತಶೆಂ, ಹಫ್ತ್ಯಾ ಮಧೆಂ ಲೋಕ್ ಯೇನಾತ್ಲೆ ವರ್ವಿಂ ಥಿಯೇಟರಾ ಥಾವ್ನ್ ವೆಗಿಂ ಫಿಲ್ಮ್ ಕಾಡಿಜೆ ಪಡ್ತಾ… ತಶೆಂ ಜಾಲ್ಲ್ಯಾನ್ ಸ್ಕ್ರೀನಿಂಗ್ ಚಡ್ ಮೆಳನಾ” ಮ್ಹಣ್ತಾ ನೊರ್ಬರ್ಟ್.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಸಿನೆಮ್ ರಿಲೀಸ್ ಜಾಲ್ಲೆಂಚ್ ಖಬರ್ ಆನಿ ಪ್ರಚಾರ್ ಆಪಾಪಿಂಚ್ ಫಾವೊ ಜಾಲೊ! ಥೊಡ್ಯಾಂನಿ ಹೊ ಆವ್ಕಾಸ್ ‘ಗಳ್ಸುಂಕ್’ ಪಾಟಿಂ ಫುಡೆಂ ಕೆಲೆಂ ನಾ. ಹ್ಯಾ ಗಜಾಲಿಂ ವಿಶಿಂ ನೊರ್ಬರ್ಟ್ ಮ್ಹಣ್ತಾ: “ಸತ್ ಸಾಂಗ್ಚೆಂ ತರ್, ಕೊಂಕ್ಣಿ ಪಿಂತುರ್ 10 ಜಣ್ ಪಳೆತಾತ್ ತರ್, 15 ಜಣ್ ರಿವ್ಯೂ ದಿತಾತ್..! ಥೊಡೆ ಪಳೆನಾಸ್ತಾನಾಂಚ್ ‘ರಿವ್ಯೂ’ ದಿತಾತ್ ಆನಿ ಥೊಡ್ಯಾಂಕ್ ರಿವ್ಯೂ ದಿಂವ್ಚೆಂ ಫ್ಯಾಷನ್ ಜಾಲಾಂ. ಥೊಡಿಂ, ಪಿಂತುರ್ ಲೊಕಾಕ್ ಪಸಂದ್ ಜಾಲ್ಯಾರೀ, ಆಪ್ಲ್ಯಾ ಬರ್ಪಾಂ ವರ್ವಿಂ ನಿರ್ಮಾಪಕಾಕ್ ಲುಕ್ಸಾಣ್ ಜಾಯ್ಶೆಂ ಕರ್ತಾತ್. ಹ್ಯಾ ವರ್ವಿಂ ಆಮ್ಚೆ ಮನಿಸ್ ಪಿಂತುರ್ ಕಾಡುಂಕ್ ಪಾಟಿಂ ಸರ್ತಾತ್…”

“ಆಕ್ರೇಕ್ ಸಾಂಗ್ಚೆಂ ತರ್.. ಆತಾಂ ಕೊಂಕ್ಣಿ ಫಿಲ್ಮ್ ಇಂಡಸ್ಟ್ರಿ ಬರಿಂ ಬರಿಂ ಪಿಂತುರಾಂ ಕಾಡುಂಕ್ ಪ್ರಯತ್ನ್ ಕರ್ನ್ ಆಸಾ. ಆನಿ ಮುಖ್ಲ್ಯಾ ಥೊಡ್ಯಾ ವರ್ಸಾಂನಿ ಆಪುರ್ಬಾಯೆಚಿಂ ಫಿಲ್ಮಾಂ ಕಾಡುಂಕ್ ಸಾಧ್ಯ್ ಜಾತೆಲೆಂ ಮ್ಹಣ್ ಮ್ಹಜಿ ಆಶಾ ಆನಿ ಭರ್ವಸೊ” ಮ್ಹಣ್ತಾ ನೊರ್ಬರ್ಟ್ ಫುಡಾರಾ ವಿಶಿಂ ವಿಚಾರ್‌ಲ್ಲ್ಯಾಕ್.

Send Feedback to: budkuloepaper@gmail.com

Like us at: www.facebook.com/budkulo.epaper

ಕೊಂಕ್ಣೆಂತ್ ವಾವುರ್‍ಚೆಂ ದಾದೊಸ್ಕಾಯೆಚೆಂ: ನಟಿ ಸೀಮಾ ಬುತೆಲ್ಲೊ

6ವ್ಯಾ ಹಫ್ತ್ಯಾಂತ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’: ಕೊಂಕ್ಣೆಂತ್ ಏಕ್ ದಾಖ್ಲೊ

ನಿರ್ಮಿಲ್ಲೆಂ ನಿರ್ಮೊಣೆಂ: ಕುಟ್ಮಾ ಸಂಗಿಂ ಪಳೆವ್ಯೆತ್ ಜಾಲ್ಲೆಂ ಬರೆಂ, ನಿತಳ್ ಸಿನೆಮ್

ಕೊಂಕ್ಣಿ ಸಿನೆಮಾಂಚೊ ವಿಮರ್ಸೊ ಕೆಲ್ಯಾರ್ ಬರೆಂಚ್: ಹೆನ್ರಿ ಡಿಸಿಲ್ವ

The post ಲೊಕಾನ್ ಪಾಟಿಂಬೊ ದಿಲ್ಯಾರ್ ಕೊಂಕ್ಣಿ ಸಿನೆಮಾಂಕ್ ಯಶಸ್ವಿ ಖಂಡಿತ್: ಮೆಲ್ವಿನ್ ಎಲ್ಪೆಲ್, ನೊರ್ಬರ್ಟ್ ಡಿಸೋಜ appeared first on Budkulo.

ಹ್ಯಾ ದಿಸಾಂನಿ ಗಾಂವಾಂತ್ ಸಿನೆಮಾಂಚಿಚ್ ಖಬರ್. ಕಶೆಂ ಸುಕ್ತಿ ಆನಿ ಭರ್ತಿ ನೈಸರ್ಗಿಕ್‍ಗೀ ತಶೆಂಚ್ ಹೆರ್ ಗಜಾಲಿಯೀ ಮ್ಹಣ್ಯೆತ್. ಪಾವ್ಸ್ ಪಡ್ಲ್ಯಾರ್ ಸರ್ಸರಿತ್ ಪಾವ್ಸ್, ಹಿಂವ್ ಜಾಲ್ಯಾರ್ ಹಿಂವ್ ಆನಿ ಧಗ್ ಮ್ಹಳ್ಯಾರ್ ಧಗಿ ಶಿವಾಯ್ ದುಸ್ರಿ ಗಜಾಲ್‍ಚ್ ನಾ. ತಶೆಂಚ್ ಸಂಸಾರಾಂತ್ಲ್ಯೊ ಗಜಾಲಿ. ಫೆಸ್ತಾಂ ಮ್ಹಳ್ಯಾರ್ ಫೆಸ್ತಾಂ, ಚುನಾವಾ ವೆಳಾರ್ ಫಕತ್ ರಾಜಕೀಯ್, ಹೆರಾ ವೆಳಾರ್ ತ್ಯೊ ತ್ಯೊ ಗಜಾಲಿ. ತಶೆಂ ಮಂಗ್ಳುರ್ಗಾರಾಂಕ್ ಆತಾಂ ಸಿನೆಮಾಂಚಿಚ್ ಕ್ರೇಜ್ ಮ್ಹಳ್ಯಾರ್ ಚೂಕ್ ಜಾಂವ್ಚೆಂ ನಾ.

ಜಾಂವ್ ತುಳು ವಾ ಕೊಂಕ್ಣಿ, ಹ್ಯಾ ದಿಸಾಂನಿ ಸಕಾರಾತ್ಮಕ್ ಗಜಾಲಿ, ವಾಡಾವಳಿ ಚಲ್‍ಲ್ಲ್ಯೊ ದಿಸ್ತಾತ್. ಕಾಕತಾಳೀಯ್ ಮ್ಹಳ್ಯಾರ್ ಎಕಾಚ್ ದಿಸಾ ರಿಲೀಸ್ ಜಾಲ್ಲಿಂ ‘ಗಿರಿಗಿಟ್’ ಆನಿ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಂ ದಾಖ್ಲ್ಯಾಂ ವಯ್ರ್ ದಾಖ್ಲೊ ರಚುಂಕ್ ಸಕ್ಲ್ಯಾಂತ್. ‘ಗಿರಿಗಿಟ್’ ತುಳುಂತ್ ಸಾರ್ವಕಾಲಿಕ್ ದಾಖ್ಲೊ ರಚುನ್ ಆಜೂನ್ ಜೈತಾಚೆಂ ಪಯ್ಣ್ ಮುಂದರುನ್ ಆಸಾ. ಕೊಂಕ್ಣಿ ಫಿಲ್ಮ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕೊಂಕ್ಣೆಚ್ಯಾ ಮಟ್ಟಾಕ್ ನವೆಚ್ ದಾಖ್ಲೆ ರಚುಂಕ್ ಪಾವ್ಲಾಂ. ಸಕ್ಡಾಂಕ್ ನ್ಹಯ್ ತರೀ, ಸಿನೆಮಾ ವಿಶಿಂ ಆಸಕ್ತ್ ಆಸ್‍ಲ್ಲ್ಯಾಂಕ್ ಹ್ಯೊ ಖುಷೆಚ್ಯೊಚ್ ಗಜಾಲಿ.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಚೊ ನಿರ್ಮಾಪಕ್ ಹೆನ್ರಿ ಡಿಸಿಲ್ವಾನ್ ‘ಬುಡ್ಕುಲೊ’ಕ್ ದಿಲ್ಲ್ಯಾ ಸಂದರ್ಶನಾಂತ್ ಸಾಂಗ್‍ಲ್ಲೆಂ ತುಮ್ಕಾಂ ಉಡಾಸ್ ಆಸೊಂಕ್ ಪುರೊ. ಆಪ್ಣಾಕ್ ಸೊಡ್ಲ್ಯಾರ್ ಪಿಂತುರಾಂತ್ಲೆ ಹೆರ್ ಸರ್ವ್ ವಾವ್ರಾಡಿ ತರ್ನಾಟೆಚ್ ಮ್ಹಣ್ ತಾಣೆಂ ಸಾಂಗ್‍ಲ್ಲೆಂ. ಪಡ್ದ್ಯಾರ್ ಪರ್ಜಳ್ಚಿಂ ಮಾತ್ರ್ ನ್ಹಯ್, ಪಡ್ದ್ಯಾ ಪಾಟ್ಲ್ಯಾನ್ ವಾವರ್‌ಲ್ಲ್ಯಾಂ ಪಯ್ಕಿ ಹುನ್ ರಗ್ತಾಚಿಂ ತರ್ನಾಟಿಂಚ್ ಚಡ್ ಆಸ್‍ಲ್ಲಿಂ. ವಿಶೇಸ್ ಮ್ಹಳ್ಯಾರ್ ಹಾಂತ್ಲ್ಯಾ ಚಡಾವತಾಂಕ್ ಸಿನೆಮ್ ರಿಲೀಸ್ ಜಾತಾನಾ ‘ಬುಡ್ಕುಲೊ’ ಇ-ಪತ್ರ್ ಕಿತೆಂ ಅಭಿಪ್ರಾಯ್ ದಿತಾ ಮ್ಹಣ್ ಭಾರಿಚ್ ಆತುರಾಯ್ ಆಸ್‍ಲ್ಲಿ. ಆನಿ ಆಮಿ ತೆಂ ಉಚಾರ್ತಾನಾ ತಾಂಕಾಂ ಸಕ್ಡಾಂಕ್ ನಿಜಾಯ್ಕೀ ಸಂತೊಸ್ ಜಾಲ್ಲೊ ಮಾತ್ರ್ ನ್ಹಯ್, ಆಪ್ಣೆಂ ದೀಸ್ ರಾತ್ ಘೊಳೊನ್, ತನ್-ಮನ್-ಧನ್ ಅರ್ಪುನ್ ಸಿನೆಮಾಚೆಂ ಪ್ರೊಜೆಕ್ಟ್ ಲೊಕಾಕ್ ಪಾವಂವ್ಕ್, ತಾಂಕಾಂ ಮೆಚ್ವಂವ್ಕ್ ಕಾಡ್‍ಲ್ಲಿ ಮ್ಹಿನತ್ ಸಾರ್ಥಕ್ ಜಾಲಿ ಮ್ಹಳ್ಳಿ ಸಂತೃಪ್ತಿ ಭೊಗ್‍ಲ್ಲಿ.

 ಹಾಂ, ವಾಚ್ಪ್ಯಾಂನೊ, ಹೆಂ ಕಾಂಯ್ ಹಾಂವೆಂ ಆಮ್ಚಿಚ್ ವ್ಹಡ್ವಿಕಾಯ್ ಪಾಚಾರುಂಕ್ ಉಚಾರ್ಚೆಂ ಖಂಡಿತ್ ನ್ಹಯ್. ಪೊಕ್ಳೆ ಉಲಂವ್ಚೆಂ ಮ್ಹಾಕಾ ಬಿಲ್ಕುಲ್ ಪಸಂದ್ ನಾ, ಆನಿ ತಸಲೆಂ ‘ಬುಡ್ಕುಲೊ’ ಇ-ಪತ್ರಾಂತ್ ಕೆದಿಂಚ್ ಆಮಿ ಪ್ರಕಟ್ ಕರಿನಾಂವ್. ವಯ್ಲಿ ಗಜಾಲ್, ಮ್ಹಾಕಾ, ಮ್ಹಣ್ಜೆ ಹಾಂವ್ ಏಕ್ ಮಾಧ್ಯಮ್ ಸಂಸ್ಥ್ಯಾಚೊ ಮುಖೆಲಿ ಜಾಲ್ಲ್ಯಾನ್ ಆಪಾಪಿಂಚ್ ಕಳಿತ್ ಜಾತಾತ್. ಆನಿ ಕೊಣಾಕ್ ಯೋಗ್ಯ್ ಕ್ರೆಡಿಟ್ ದೀಜೆ ತೆಂ ತಾಂಕಾಂ ಫಾವೊ ಕರುಂಕ್ ಹಾಂವ್ ಬಿಲ್ಕುಲ್ ಪಾಟಿಂ ಸರನಾ.

ವ್ಹಯ್. ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಕ್ ಸಬಾರ್ ಆನಿ ಸಬಾರ್ ಜಣಾಂನಿ ಕಾಮ್ ಕೆಲಾಂ, ದೇಣ್ಗಿ ದಿಲ್ಯಾ. ಫಿಲ್ಮಾಂ ಮ್ಹಣ್ತಾನಾ ನಿರ್ಮಾಣ್ ಸಂಸ್ಥೊ (ನಿರ್ಮಾಪಕ್ ವಾ ತಾಚಿ ಕಂಪೆನಿ) ದುಡು ಇನ್ವೆಸ್ಟ್ ಕರ್ತಾ ಆನಿ ಹೆರ್ ಜಣ್ ಆಪ್ಲಿ ಜವಾಬ್ದಾರಿ ನಿರ್ವಹಣ್ ಕರುನ್ ತ್ಯಾ ತೆಕಿದ್ ಸಂಭಾವನ್ ಘೆವ್ನ್ ಪಯ್ಸ್ ಚಲ್ತಾತ್. ತೆಂ ವ್ಹಡ್ ಇಂಡಸ್ಟ್ರಿಂಚಿ ಗಜಾಲ್ ಜಾಲಿ. ಖಂಡಿತ್ ಜಾವ್ನ್, ಹೆಂ ನಿಜಾಯ್ಕೀ ಸತ್, ಕೊಂಕ್ಣೆಂತ್ ತಸಲಿ ಪರಿಸ್ಥಿತಿ, ಸದ್ದ್ಯಾಕ್ ತರೀ, ನಾ.

ಕೊಂಕ್ಣಿ ಮ್ಹಣ್ತಾನಾ ಆಮಿ, ಚಡಾವತ್, ಭಾವನಾತ್ಮಕ್ ಜಾವ್ನ್‍ಂಚ್ ಕಿತೆಂಯೀ ಕರ್ತಾಂವ್. ವೃತ್ತಿಪರತಾ ವಾ ಉದ್ಯಮಿ ಭೊಂವಾರ್ ಹಾಂಗಾಸರ್ ಚಡ್ ಝಳ್ಕನಾ. ಆಪ್ರೂಪ್ ಹಾಂಗಾ ಫಿಲ್ಮಾಂಯೀ ಯೇವ್ನ್ ಆಸಾತ್. ತಾಂತ್ಲಿಂ ಗಜಾಲ್‍ಯೀ ವೆಗ್ಳಿ ನಾ. ಪುಣ್ ಖುಷೆಚಿ ಆನಿ ಅಭಿಮಾನಾಚಿ ಗಜಾಲ್ ಮ್ಹಳ್ಯಾರ್, ಕೊಂಕ್ಣಿ ಫಿಲ್ಮಾಂನಿ ವಾವ್ರ್ ಕೆಲ್ಯಾರ್ ಪೈಶೆ ಮೆಳ್ತಾತ್ ಮ್ಹಳ್ಳೊ ಭರ್ವಸೊ ನಾತ್ಲ್ಯಾರೀ, ಫಕತ್ ಆಪ್ಣಾಚ್ಯಾ ಹಾತಿಂ ಆಯಿಲ್ಲೆಂ ಕಾಮ್ ಚಡ್ ಆನಿ ಚಡ್ ಬರೆಂ ಕರುಂಕ್ ಪೆಚಾಡ್ಚಿಂಯೀ ಆಸಾತ್. ವ್ಹಯ್. ತಿ ಸತ್ ಗಜಾಲ್.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಫಿಲ್ಮಾಚಿ ಸುರ್ವಾತ್ ಕರ್ತಾನಾಂಚ್ ನಿರ್ಮಾಪಕ್ ಹೆನ್ರಿ ಡಿಸಿಲ್ವಾನ್, ‘ಹೊ ಏಕ್ ಪ್ರಯೋಗ್’ ಮ್ಹಣ್‍ಂಚ್ ಕಳಯಿಲ್ಲೆಂ. ಹ್ಯಾ ವರ್ವಿಂ ಫಿಲ್ಮಾಂತ್ ವಾವುರ್ಲೆಲ್ಯಾ ಕೊಂಕ್ಣಿ ವ್ಯಕ್ತಿಂನಿ ಆಪ್ಣಾಚೆಂ ದೆಣೆಂ ಉಜ್ವಾಡಾಕ್ ಹಾಡುಂಕ್ ಹೊ ಏಕ್ ಸುಸಂದರ್ಭ್ ಮ್ಹಣ್ ಚಿಂತುನ್ ಆನಿ ಏಕ್ ಚಾಲೆಂಜ್ ಜಾವ್ನ್ ಘೆವ್ನ್ ಸಮರ್ಪಿತ್ ವಾವ್ರ್ ಕೆಲಾ. ಹಾಂಚೆ ಪಯ್ಕಿ ಥೊಡ್ಯಾಂನಿ ವೇಳ್ ಆನಿ ದುಡ್ವಾಚಿ ಸಯ್ತ್ ಸುರಾತ್ ಕರುಂಕ್ ನಾ.

‘ಬುಡ್ಕುಲೊ’ ಇ-ಪತ್ರಾಂತ್ ಸಿನೆಮಾ ವಿಶಿಂ ಬರಪ್ ಫಾಯ್ಸ್ ಜಾಲ್ಲೆಂಚ್ ಅಸಲ್ಯಾ ಥೊಡ್ಯಾಂನಿ ಆಮ್ಚೊ ಸಂಪರ್ಕ್ ಕರ್ನ್ ಜಾಯ್ತ್ಯೊ ಗಜಾಲಿ ವಿನಿಮಯ್ ಕೆಲ್ಯಾತ್. ಹಾಂಚೆ ಪಯ್ಕಿ ನಿರ್ದೇಶಕ್, ಸಹ ನಿರ್ದೇಶಕ್ ಆನಿ ಪ್ರಮುಖ್ ನಟಿ ಆಸಾತ್. ಹೆರಾಂನಿ ಖಾಸ್ಗಿ ಸಂದೇಶ್ ಧಾಡ್‍ಲ್ಲೆ ಆಸಾತ್. ನಿರ್ಮಾಪಕ್ ಪಯ್ಲೆಂಚ್ ಆಮ್ಚೆ ಸಂಗಿಂ ಉಲಯ್ಲಾ, ಉಪ್ರಾಂತ್‍ಯೀ ಉಲಯ್ಲಾ. ಹೆಂ ತಾಚೆಂ ಡ್ರೀಮ್ ಪ್ರೊಜೆಕ್ಟ್ ಮ್ಹಣ್ಚ್ಯಾಂತ್ ಕಸಲೊಚ್ ದುಬಾವ್ ನಾ. ಪುಣ್ ಸಿನೆಮಾ ತಸಲೆಂ ಪ್ರೊಜೆಕ್ಟ್ ಕಾರ್ಯಾ ರುಪಾಕ್ ಯೇಂವ್ಕ್ ಜಾಯ್ತ್ಯಾ ಜಣಾಂನಿ ಪೆಚಾಡುಂಕ್ ಆಸಾ. ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಂತ್‍ಯೀ ಅಶೆಂಚ್ ಜಾಲಾಂ. ತಸಲ್ಯಾಂಕ್ ಶಾಭಾಸ್ಕಿ ದಿಂವ್ಚೆಂ ಆಮ್ಚೆಂ ಕರ್ತವ್ಯ್.

ಹೆಳ್‍ಲ್ಲಿ ನಟಿ, ಸಿನೆಮಾಂತ್ ಪ್ರಮುಖ್ ಪಾತ್ರ್ ಖೆಳ್‍ಲ್ಲಿ ಸೀಮಾ ಬುತೆಲ್ಲೊ, ನಿರ್ದೇಶಕ್ ಮೆಲ್ವಿನ್ ಎಲ್ಪೆಲ್ ಆನಿ ಸಹ ನಿರ್ದೇಶಕ್ ನೊರ್ಬರ್ಟ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಆಪ್ಣಾಚೆಂಚ್ ಸಪಣ್ ಮ್ಹಳ್ಳೆಪರಿಂ ವಾವುರ್ಲ್ಯಾಂತ್. (ಅಶೆಂ ಮ್ಹಣ್ ಹೆರಾಂಚಿ ದೇಣ್ಗಿ ನೆಗಾರಿನಾಂವ್. ಪುಣ್ ಹಾಣಿಂ ತೆಗಾಂನಿ ದಿಲ್ಲಿ ದೇಣ್ಗಿ ಅಪರಿಮಿತ್ ಆಸಾ ದೆಕುನ್ ಹಿ ವಿಶೇಸ್ ಶಾಭಾಸ್ಕಿ). ಹ್ಯಾ ವಿಶಿಂ ತಾಣಿಂ ಆಮ್ಚೆ ಲಾಗಿಂ ಜಾಯ್ತ್ಯೊ ಗಜಾಲಿ ಚರ್ಚಾ ಕೆಲ್ಯಾತ್. ತಾಂತ್ಲ್ಯೊ ಥೊಡ್ಯೊ ಗಜಾಲಿ, ತುಮ್ಚೆ ಪಾಸತ್ ಹಾಂಗಾ ದಿಲ್ಯಾತ್.

ಕುಂದಾಪುರ್ ವಾರಾಡ್ಯಾಚ್ಯಾ ಗಂಗೊಳ್ಳಿ ಫಿರ್ಗಜೆಚ್ಯಾ ಸೀಮಾ ಬುತೆಲ್ಲೊನ್ ಮಾಡೆಲಿಂಗ್ ಶೆತಾಂತ್ ನಾಂವ್ ಕರ್ನ್ ಸಿನೆಮಾಂನಿ ನಟನ್ ಕೆಲಾಂ. ‘ಪ್ಲ್ಯಾನಿಂಗ್ ದೆವಾಚೆಂ’, ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕೊಂಕ್ಣಿ ಪಿಂತುರಾಂನಿ ಆನಿ ಕನ್ನಡ ಫಿಲ್ಮ್ ಇಂಡಸ್ಟ್ರಿಂತ್ ತೆಂ ವಾವುರ್ಲಾಂ. ಬೆಂಗ್ಳುರಾಂತ್ ಸಾಫ್ಟ್‍ವೇರ್ ಕಂಪೆನಿಂತ್ ಉದ್ಯೋಗ್ ಕರ್ನ್ ಆಸ್ಚೆಂ ತೆಂ ಕೊಂಕ್ಣಿ ಭಾಶೆ ಥಂಯ್ ಆನಿ ಮಾಂಯ್‍ಗಾಂವಾ ಥಂಯ್ ವಿಶೇಸ್ ಅಭಿಮಾನ್ ದವರುನ್ ಆಸಾ. ತಾಚೆ ಲಾಗಿಂ ಆಯ್ಲೆವಾರ್ ಕೆಲ್ಲ್ಯಾ ಸಂವಾದಾಚೊ ವಾಂಟೊ ಹೊ:

ಡೊನಾಲ್ಡ್ ಪಿರೇರಾ: ಕೊಂಕ್ಣಿ ಸಿನೆಮಾಂನಿ ನಟನ್ ಕರ್ಚ್ಯಾ ವಿಶಿಂ ಕಿತೆಂ ಮ್ಹಣ್ತಾಯ್? ಕನ್ನಡ ತಸಲ್ಯಾ ವ್ಹಡ್ ಇಂಡಸ್ಟ್ರಿಂನಿ ತುಕಾ ಆವ್ಕಾಸ್ ಮೆಳೊನ್ ಆಸ್ತಾನಾ ಕೊಂಕ್ಣೆಂತ್ ನಟನ್ ಕೆಲ್ಯಾರ್ ಕಿತೆಂ ಮೆಳ್ತಾ?

ಸೀಮಾ ಬುತೆಲ್ಲೊ: ಹೆರ್ ವ್ಹಡ್ ಸಿನೆಮಾ ಇಂಡಸ್ಟ್ರಿಂಪರಿಂ ಕೊಂಕ್ಣಿ ಸಿನೆಮಾ ಉದ್ಯಮ್ ನಾ. ಹಾಂವ್ ಕೊಂಕ್ಣಿ ಸಿನೆಮಾಂ ಪಳೆವ್ನ್ ಆಯ್ಲ್ಯಾಂ. ಆಮಿ ಉದೆವ್ನ್ ಆಸಾಂವ್ ಮಾತ್ರ್. ಕೊಂಕ್ಣಿ ಸಿನೆಮಾಂಕ್ ಚಡ್ ಮಾನ್ಯತಾ ಆನಿ ಪಾಟಿಂಬೊ ಗರ್ಜ್ ಆಸಾ. ಮ್ಹಾಕಾ ಹೆರ್ ಭಾಶೆಂನಿ ನಟನಾಕ್ ಆವ್ಕಾಸ್ ಲಾಭ್ಲ್ಯಾರೀ, ಕೊಂಕ್ಣೆಕ್ ಮ್ಹಜಿ ಮಾಂಯ್‍ಭಾಸ್ ಜಾವ್ನ್ ಮ್ಹಜ್ಯಾ ಕಾಳ್ಜಾಂತ್ ವಿಶೇಸ್ ಸ್ಥಾನ್ ಆಸಾ ಜಾಲ್ಲ್ಯಾನ್, ಕೊಂಕ್ಣಿ ಸಿನೆಮಾಂನಿ ನಟನ್ ಕರ್ಚ್ಯಾಂತ್ ವ್ಹರ್ತಿ ದಾದೊಸ್ಕಾಯ್ ಮೆಳ್ತಾ. ಕೊಂಕ್ಣಿ ಪಿಂತುರಾಂನಿ ವಾವ್ರ್ ಕರ್ಚೆಂ ನಾಂವ್ ಜೊಡ್ಚ್ಯಾಕ್ ವಾ ದುಡು ಕಮಾಂವ್ಚ್ಯಾಕ್ ನ್ಹಯ್, ಬಗಾರ್ ಮ್ಹಜ್ಯಾ ಮಾಂಯ್‍ಭಾಶೆಂತ್ ಕಿತೆಂ ತರೀ ಕರಿಜೆ ಮ್ಹಳ್ಳ್ಯಾ ಅಪೇಕ್ಷೆನ್.

ಡೊನಾಲ್ಡ್: ತುವೆಂ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಂತ್ ನಟನ್ ಕೆಲ್ಲೆಂ ಮಾತ್ರ್ ನ್ಹಯ್, ಫಿಲ್ಮ್ ಬರೆಂ ಜಾಂವ್ಚ್ಯಾಕ್ ಜಾಯ್ತಿ ಮ್ಹಿನತ್ ಘಾಲ್ಯಾಯ್. ನಟನ್ ಕರ್ನ್ ತುಜೆಯಿತ್ಲ್ಯಾಕ್ ತುವೆಂ ಆಸ್ಯೆತೆಂ. ಚಡ್ತಿಕ್ ವಾಂವ್ಟ್ ಕಾಡುಂಕ್ ಕಿತೆಂ ಪ್ರೇರಣ್?

ಸೀಮಾ: ಹಾಂವೆಂ ತುಜೆ ಲಾಗಿಂ ಎದೊಳ್‍ಚ್ ಸಾಂಗ್ಲಾಂ, ಹಾಂವ್ ಬೆಂಗ್ಳುರಾಂತ್ ಸೈಬರ್ ಸೆಕ್ಯೂರಿಟಿ ಪ್ರೊಡಕ್ಟ್ ಮ್ಯಾನೇಜರ್ ಜಾವ್ನ್ ವಾವುರ್ತಾಂ, ಆನಿ ಹಾಂವ್ ಮ್ಹಜೆಂ ಕಾಮ್ ಭೋವ್ ಪಸಂದ್ ಕರ್ತಾಂ. ದುಸ್ರ್ಯಾನ್, ಏಕ್ ಮೊಡೆಲ್ ಆನಿ ನಟಿ ಜಾವ್ನ್ ಗ್ಲ್ಯಾಮರ್ ಸಂಸಾರಾಂತ್ ವಾವುರ್ತಾಂ. ಕಾರ್ಪೋರೆಟ್ ವೃತ್ತೆಂತ್ಲೊ ಮ್ಹಜೊ ಅನುಭವ್ ಹಾಂವ್ ಹಾಂಗಾಯೀ ವಾಪಾರ್ತಾಂ ಆನಿ ಫಕತ್ ಏಕ್ ನಟಿ ಜಾವ್ನ್ ಉರ್ಚ್ಯಾ ಪ್ರಾಸ್ ಚಡ್ ವಾವ್ರ್ ಹಾಂವ್ ದಿತಾಂ. ತೆಂ ಮ್ಹಾಕಾ ವ್ಹಡ್ ಸಂತೃಪ್ತಿ ದಿತಾ ಆನಿ ಪರ್ಫೆಕ್ಷನ್ ಹಾಡುಂಕ್ ಸಾಧ್ಯ್ ಜಾತಾ. ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಚ್ಯಾ ಟೈಟಲಾ ಥಾವ್ನ್ ಸೆನ್ಸಾರ್ ಪರ್ಯಾಂತ್ ಆನಿ ಆತಾಂ ಮಾರ್ಕೆಟಿಂಗ್ ತಶೆಂ ತೆಂ ಏಕ್ ಬ್ರಾಂಡ್ ಜಾವ್ನ್ ಸ್ಥಾಪಿತ್ ಕರ್ಚೆಂ ಮ್ಹಜೆಂ ಸಪಣ್ ಜಾವ್ನಾಸ್‍ಲ್ಲೆಂ. ಹಾಂವೆಂ ಕೆದ್ನಾಂಯ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಮ್ಹಜೆಂಚ್ ಪ್ರೊಜೆಕ್ಟ್ ಮ್ಹಳ್ಳೆ ತಿತ್ಲಿಂ ಅಟ್ಯಾಚ್ ಜಾವ್ನಾಸ್‍ಲ್ಲಿಂ (ನಾ, ಫಾಯ್ದೊ ಮೆಳ್ತಾ ಮ್ಹಳ್ಳ್ಯಾ ಇರಾದ್ಯಾನ್ ಖಂಡಿತ್ ನ್ಹಯ್). ಕಿತ್ಯಾಕ್ ಮ್ಹಳ್ಯಾರ್ ಆಮ್ಚೆಂ ಸಗ್ಳೆಂ ಟೀಮ್, ಏಕ್ ದಾಖ್ಲೊ ಕರುಂಕ್, ಕೊಂಕ್ಣಿ ಸಿನೆಮಾ ಶೆತಾಂತ್ ಏಕ್ ಮಯ್ಲಾ ಫಾತೊರ್ ರಚುಂಕ್ ಅತ್ರೆಗ್ತೆಲ್ಯಾಂವ್. ಆಜ್ ತೆಂ ಸಪಣ್ ಜಾರಿ ಜಾಲಾಂ ಮ್ಹಳ್ಳಿ ದಾದೊಸ್ಕಾಯ್ ಆಮ್ಚಿ.

ಡೊನಾಲ್ಡ್: ತುಜೆಂ ನಟನ್ ಸಕ್ಡಾಂನಿ ಪಸಂದ್ ಕೆಲಾಂ. ತುಜ್ಯಾ ಪಾತ್ರಾ ವಿಶಿಂ ಆನಿ ಸಿನೆಮಾಂತ್ ತಾಚ್ಯಾ ಪ್ರಾಮುಖ್ಯತೆ ವಿಶಿಂ ಕಿತೆಂ ಮ್ಹಣ್ತಾಯ್?

ಸೀಮಾ: ಸಿನೆಮಾಂತ್ ಲೆನೋರಾ ಜಾವ್ನ್ ಖೆಳ್‍ಲ್ಲ್ಯಾ ಪಾತ್ರಾ ಮುಖಾಂತ್ರ್ ಹಾಂವ್ ಲೊಕಾಚ್ಯಾ ಕಾಳ್ಜಾಂನಿ ಉರ್ತೆಲಿಂ ಮ್ಹಳ್ಳೆಂ ಜಾಣಾಂ ಜಾವ್ನ್ ವ್ಹರ್ತೊ ಸಂತೊಸ್ ಭೊಗ್ತಾ. ಮ್ಹಜೆಂ ನಟನ್ ಪಳೆವ್ನ್ ಮೆಚ್ವಲ್ಲ್ಯಾಂನಿ ಮ್ಹಾಕಾ ರಾಸ್‍ಭರ್ ಮೆಸೇಜಿ, ಫೊನಾಂ ಆನಿ ಪಿಂತುರಾಂತ್ ಮ್ಹಜ್ಯಾ ಸನ್ನಿವೇಶಾಂ ವೆಳಾರ್ ಹಾಸ್‍ಲ್ಲ್ಯಾಚ್ಯೊ, ರಡ್‍ಲ್ಲ್ಯಾಚ್ಯೊ ವಿಡಿಯೋ ಲೊಕಾನ್ ಧಾಡ್ಲ್ಯಾತ್. ಮ್ಹಜ್ಯಾ ಪಾತ್ರಾಕ್ ಜೊಕ್ತೊ ನ್ಯಾಯ್ ಹಾಂವೆಂ ದಿಲಾ ಮ್ಹಳ್ಳಿ ತೃಪ್ತಿ ಉದೆಲ್ಯಾ. ಲೆನೋರಾ ಪಾತ್ರಾಕ್ ಮ್ಹಜಿ ವಿಂಚವ್ಣ್ ಜಾಲ್ಲಿಚ್ ಅವ್ಚಿತ್. (ತ್ಯಾ ವಿಶಿಂ ನಿರ್ಮಾಪಕಾನ್ ವಿವರ್ ಎದೊಳ್‍ಚ್ ದಿಲಾ).

ಭೋವ್‍ಶಾ, ಲೆನೋರಾಚೊ ಪಾತ್ರ್ ರಚ್ತಾನಾ, ತಾಚೆಂ ಪ್ಲ್ಯಾನಿಂಗ್ ಆನಿ ವಿಶುವಲೈಶೇಶನ್ ಕರ್ತಾನಾ ತೊ ಏಕ್ ಗ್ಲ್ಯಾಮರಸ್ ಪಾತ್ರ್ ಜಾವ್ನಾಸ್‍ಲ್ಲೊ. ಪುಣ್ ತ್ಯಾ ಪಾತ್ರಾಕ್ ವಿಂಚ್‍ಲ್ಲ್ಯಾಂಕ್ ಕಾರಣಾಂತರ್ ಜಾವ್ನ್ ಖೆಳೊಂಕ್ ಸಾಧ್ಯ್ ಜಾಯ್ನಾತ್ಲೆಲ್ಯಾನ್, ಮ್ಹಾಕಾ ತಯಾರಿ ಕರುಂಕ್ ಚಡ್ ವೇಳ್ ಮೆಳೊಂಕ್ ನಾತ್‍ಲ್ಲೊ. ಹಾಂವೆಂ ಮ್ಹಜ್ಯಾ ಕಾಮಾ ನಿಮ್ತಿಂ ಮೊಡೆಲಿಂಗಾಕ್ ತಾತ್ಕಾಲಿಕ್ ವಿರಾಮ್ ದಿಲ್ಲೊ. ಪುಣ್ ಹ್ಯಾ ಫಿಲ್ಮಾ ಖಾತಿರ್ ವೆಳಾಚೊ ಅಭಾವ್ ಆಸ್‍ಲ್ಲೊ ತರೀ, ಶೂಟಿಂಗಾಕ್ ಹಾಜರ್ ಜಾತಲಿಂ. ಪುಣ್ ಆತಾಂ ವೀಕ್ಷಕಾಂನಿ ಮ್ಹಜೆಂ ಅಭಿನಯನ್ ಪಸಂದ್ ಕೆಲ್ಲ್ಯಾನ್ ಸಮಾಧಾನ್ ಭೊಗ್ತಾ ಆನಿ ಲೆನೊರಾ ಪಾತ್ರಾಕ್ ಹಾಂವ್ ಜೊಕ್ತಿಂ ಜಾಲಿಂ ಮ್ಹಣ್ ಸಂತೊಸ್ ಜಾತಾ. ಕಿತ್ಯಾಕ್ ಮ್ಹಳ್ಯಾರ್ ಪಯ್ಲೆಂ ಮ್ಹಾಕಾ ಡಾ. ಹೆರಾಚೊ ಪಾತ್ರ್ ಲಾಭ್‍ಲ್ಲೊ, ತೊ ಉಪ್ರಾಂತ್ ಹೆರಾ ಪಿಂಟೊಕ್ ದಿಲ್ಲೊ.

ಡೊನಾಲ್ಡ್: ಫಿಲ್ಮ್ ಬರ್‍ಯಾನ್ ಧಾಂವೊನ್ ಆಸಾ, ಯಶಸ್ವಿ ಪ್ರದರ್ಶನಾಂ ದೆಖೊನ್ ಆಸಾ. ಪ್ರತಿಕ್ರಿಯಾ ಬರಿಚ್ ಆಸಾ. ಆತಾಂ ತುಕಾ ಕಿತೆಂ ಭೊಗ್ತಾ?

ಸೀಮಾ: ಸಿನೆಮಾ ವಿಶಿಂ ಬರಿ ಅಭಿಪ್ರಾಯ್ ಆಯ್ಲ್ಯಾ ಆನಿ ಲೊಕಾನ್ ಬರೆಂಚ್ ಪಸಂದ್ ಕೆಲಾಂ. ‘ಬುಡ್ಕುಲೊ’ ಇ-ಪತ್ರಾನ್ ಶಾಭಾಸ್ಕಿ ದಿಲ್ಯಾ ಆನಿ ತುಮಿ ಸಾಂಗ್‍ಲ್ಲೆಪರಿಂ ಖಂಡಿತ್ ಜಾವ್ನ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಏಕ್ No Nonsense ಫಿಲ್ಮ್, ಸಕ್ಡಾಂನಿ ಕುಟ್ಮಾ ಸಂಗಿಂ ಪಳೆಂವ್ಚೆ ತಸಲೆಂ ನಿತಳ್ ಫಿಲ್ಮ್. ‘ಬುಡ್ಕುಲೊ’ನ್ ದಿಂವ್ಚ್ಯೊ reviews ಕೆದ್ನಾಂಯ್ genuine ಆಸ್ತಾತ್. ಹಾಂವ್ ತ್ಯೊ ಕೆದ್ನಾಂಯ್ ಮಾಂದ್ತಾಂ. ಕೊಂಕ್ಣಿ ಸಿನೆಮಾಂಕ್ ತುಮಿ ದಿಂವ್ಚೊ ಪಾಟಿಂಬೊ ಹೊಗ್ಳಿಕೆಕ್ ಫಾವೊ.

ಆಮ್ಚೆಂ ಫಿಲ್ಮ್ ಲೊಕಾಕ್ ಪಾವಂವ್ಚ್ಯಾ ಪಯ್ಣಾಂತ್, ಆಮಿ, ಪ್ರತ್ಯೇಕ್ ಕರ್ನ್ ಯುವಜಣಾಂನಿ, ದೋನ್ ವರ್ಸಾಂ ಥಾವ್ನ್ ಜಾಯ್ತಿ ಮ್ಹಿನತ್ ಕಾಡ್ಲ್ಯಾ. ಕೊಂಕ್ಣಿ ಸಿನೆಮಾ ಉದ್ಯಮ್ ಫುಲೊನ್ ಯೆತಾ ಮಾತ್ರ್. ಆಮಿ ಏಕ್ ದಾಖ್ಲೊ ರಚುಂಕ್ ಕಠಿಣ್ ಮ್ಹಿನತ್ ಕಾಡ್ಲ್ಯಾ. ಆಮಿ ಪಯ್ಲ್ಯಾ ದಿಸಾ ಥಾವ್ನ್ ಸಾಂಗಾತಾ ಆಸ್‍ಲ್ಲ್ಯಾಂವ್ ಆನಿ ಆಜ್ ಪರ್ಯಾಂತ್ ಆಮ್ಚೆ ಲಾಗಿಂ ಎಕ್ವಟ್ ಆಸಾ. ವೆಳಾ ಸಂಗಿಂ ದುಡುಯೀ ಆಮಿ ಇನ್ವೆಸ್ಟ್ ಕೆಲಾ. ಶೂಟಿಂಗಾ ಖಾತಿರ್ ಸಾಂಬಾಳ್ ಹೊಗ್ಡಾಯ್ಲಾ ಸಯ್ತ್. ಆಜ್ ತ್ಯಾ ಸಗ್ಳ್ಯಾಕ್ ಲೊಕಾನ್ ಉಕಲ್ನ್ ಧರ್ಲಾಂ. ತ್ಯಾ ವರ್ವಿಂ ವ್ಹರ್ತಿ ದಾದೊಸ್ಕಾಯ್ ಮೆಳ್ಳ್ಯಾ.

ಪುಣ್, ಸೋಶಿಯಲ್ ಮೀಡಿಯಾಂತ್ ಥೊಡ್ಯಾಂನಿ ಅನಾವಶ್ಯಕ್ ಗೊಂದೊಳ್ ಉಬ್ಜಂವ್ಕ್ ಪ್ರಯತ್ನ್ ಕೆಲ್ಲೆಂ ಪಳೆವ್ನ್ ದುಖ್ ಭೊಗ್ಲೆಂ. ಥೊಡ್ಯಾಂಕ್ ಸಿನೆಮ್ ಯಶಸ್ವಿ ಜಾಲ್ಲೆಂ ಪಳೆವ್ನ್ ಜಿರಂವ್ಕ್ ಸಾಧ್ಯ್ ಜಾಂವ್ಕ್ ನಾ! ತಸಲ್ಯಾಂನಿ, ಸಿನೆಮ್ ಪಳೆನಾಸ್ತಾನಾಂಯೀ ವಾಯ್ಟ್ ವಾ ಚೂಕ್ ಕಮೆಂಟ್ಸ್ ಘಾಲ್ಲೆಂ ಪಳೆತಾನಾ ಬೆಜಾರ್ ಜಾತಾ. ಕೊಂಕ್ಣೆಂತ್ ಅಸಲೆಂ ಪೂರಾ ಘಡ್ತಾ ತೆಂ ಪಳೆವ್ನ್ ಹಾಂವ್ ವಿಜ್ಮಿತ್ ಪಾವ್ಲಿಂ.

ದುಸ್ರ್ಯಾ ಕುಶಿಚೆಂ ತಣ್ ಕೆದ್ನಾಂಯ್ ಪಾಚ್ಚೆಂ ಆಸ್ತಾ ಮ್ಹಣ್ತಾತ್. ಅಸಲ್ಯಾಂನಿ ಏಕ್ ಯಶಸ್ವಿ ಸಿನೆಮ್ ಕಾಡಿಜೆ ಆನಿ ಉಪ್ರಾಂತ್ ಹೆರಾಂಚಿ ಮಸ್ಕಿರಿ ಕರಿಜೆ. ಆಮ್ಚ್ಯಾ ಸಗ್ಳ್ಯಾ ಪಂಗ್ಡಾಕ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಫಕತ್ ಏಕ್ ಫಿಲ್ಮ್ ನ್ಹಯ್, ಬಗಾರ್ ತೆಂ ಆಮ್ಕಾಂ ಏಕ್ ಭಾವನ್.

ಆಮಿ ಕಥೊಲಿಕಾಂನಿ ಸ್ವಾರ್ಥ್ ಆನಿ ರಾಜಕೀಯ್ ಪಯ್ಸ್ ದವರ್ನ್ ಸಾಂಗಾತಾ ಮೆಳೊನ್ ವಾವುರ್ಲ್ಯಾರ್ ಊಂಚಾಯೆಕ್ ಪಾವ್ತೆಲ್ಯಾಂವ್.

ಮುಖ್ಲೊ ವಾಂಟೊ: ತಂತ್ರಜ್ಞಾಂಚಿ ಅಭಿಪ್ರಾಯ್

Send Feedback to: budkuloepaper@gmail.com

Like us at: www.facebook.com/budkulo.epaper

ನಿರ್ಮಿಲ್ಲೆಂ ನಿರ್ಮೊಣೆಂ: ಕುಟ್ಮಾ ಸಂಗಿಂ ಪಳೆವ್ಯೆತ್ ಜಾಲ್ಲೆಂ ಸಿನೆಮ್

The post ಕೊಂಕ್ಣೆಂತ್ ವಾವುರ್‍ಚೆಂ ಮ್ಹಳ್ಯಾರ್ ವ್ಹರ್‍ತ್ಯಾ ದಾದೊಸ್ಕಾಯೆಚೆಂ: ನಟಿ ಸೀಮಾ ಬುತೆಲ್ಲೊ appeared first on Budkulo.

ತುಳುನಾಡು ಅಥವಾ ಕರಾವಳಿಯ ಕೋಸ್ಟಲ್‍ವುಡ್ ಈಗ ಬಹಳಷ್ಟು ಸದ್ದು ಮಾಡುತ್ತಿದೆ. ಸಮಾಧಾನಕರ ಸಂಗತಿ ಎಂದರೆ, ಅದು ಈ ಹಿಂದಿನಂತೆ ವಿವಾದ, ಘರ್ಷಣೆ ಅಥವಾ ವೈಫಲ್ಯಗಳಿಗಾಗಿ ಅಲ್ಲ. ಹೌದು, ಕೋಸ್ಟಲ್‍ವುಡ್‍ನಲ್ಲೀಗ ಯಶಸ್ಸಿನದ್ದೇ ಧ್ಯಾನ, ಅದೇ ನೆನಕೆ, ಅದೇ ಕನವರಿಕೆ. ಅದಕ್ಕೆ ಕಾರಣ ತುಳು ಚಿತ್ರ ‘ಗಿರಿಗಿಟ್’ ನೆಟ್ಟ ಅಸಾಧಾರಣ ಮೈಲಿಗಲ್ಲು. ಸ್ವತಃ ಚಿತ್ರಕ್ಕೆ ದುಡಿದವರಿಗೇ ಈ ಮಟ್ಟಿನ ಯಶಸ್ಸು ದೊರಕೀತೆಂಬ ಕಲ್ಪನೆ ಇರಲಿಲ್ಲ. ಅಂತಹ ದೊಡ್ಡ ಗೆಲುವು, ಅಪಾರ ಜನಮನ್ನಣೆ ಮತ್ತು ಅದ್ಭುತ ಗಳಿಕೆಯನ್ನು ಈ ಚಿತ್ರ ಸಂಪಾದಿಸಿದೆ.

‘ಚಲನಚಿತ್ರವೊಂದು ಹಿಟ್ ಆಗುವುದು ಮತ್ತು ಗಲ್ಲಾಪೆಟ್ಟಿಗೆಯನ್ನು ಸೂರೆಗೈಯುವುದು ದೊಡ್ಡ ಸಂಗತಿಯೇ’ ಎಂದು ಯಾರಾದರೂ ಕೇಳಬಹುದು. ಇಂದಿನ ಮಟ್ಟಿಗೆ ಅದು ದೊಡ್ಡ ಸಂಗತಿಯೇ. ಯಾಕೆಂದರೆ ಬಹಳಷ್ಟು ದೊಡ್ಡ ಬಜೆಟ್‍ನ, ಸ್ಟಾರ್‌ಗಳ ಬಹು ನಿರೀಕ್ಷಿತ ಚಿತ್ರಗಳೇ ವಿಫಲವಾದ ದಾಖಲೆ ಭಾರತದಲ್ಲಿದೆ. ದೇಶದಲ್ಲಿ ವರ್ಷಕ್ಕೆ ಬಿಡುಗಡೆಯಾಗುವ ಸಾವಿರಾರು ಚಿತ್ರಗಳಲ್ಲಿ ಸಾಫಲ್ಯ ಕಾಣುವ ಚಿತ್ರಗಳ ಸಂಖ್ಯೆ ಬಹಳ ಕಡಿಮೆ. ಆದರೆ ಇಲ್ಲಿ ದೊಡ್ಡ ಸಂಗತಿಯೆನ್ನಿಸುವುದು ಇಂತಹ ಯಶಸ್ಸು ಸ್ಥಳೀಯ ಭಾಷೆಯ ಚಿತ್ರವೊಂದಕ್ಕೆ ದೊರಕಿದುದಕ್ಕಾಗಿ.

ತುಳು ಚಿತ್ರರಂಗದಲ್ಲೀಗ ಸಕಾರಾತ್ಮಕ ಮತ್ತು ಹುಮ್ಮಸ್ಸಿನ ವಾತಾವರಣ ಸೃಷ್ಟಿಯಾಗಿದೆ. ಕಳೆದ ಹಲವು ವರ್ಷಗಳಿಂದ ಬಹಳಷ್ಟು ತುಳು ಚಿತ್ರಗಳು ಪ್ರದರ್ಶನ ಕಂಡರೂ ಹೇಳಿಕೊಳ್ಳುವಂತಹ ಯಶಸ್ಸು ಮತ್ತು ಗಳಿಕೆ ಯಾವ ಚಿತ್ರಕ್ಕೂ ಆಗಿರಲಿಲ್ಲ (ಅದನ್ನು ಅವರೇ ಒಪ್ಪಿಕೊಂಡಿದ್ದಾರೆ). ಯಶಸ್ಸಿನ ಮಾತು ಬಿಡಿ, ಕೆಲ ಚಿತ್ರಗಳಂತೂ ಪ್ರೇಕ್ಷಕರಿಂದ ಉಗಿಸಿಕೊಂಡಿದ್ದೇ ಹೆಚ್ಚು. ಈ ನಡುವೆ ‘ಬಂದ ಪುಟ್ಟ ಹೋದ ಪುಟ್ಟ’ ಎಂಬಂತೆ ಉದ್ಭವಿಸಿ ಕಣ್ಮರೆಯಾದ ತುಳು ಚಿತ್ರಗಳ ಸಂಖ್ಯೆಯೂ ಬಹಳಷ್ಟಿತ್ತು. ಇದು ಎಲ್ಲಿಯವರೆಗೆ ಪರಿಣಾಮ ಬೀರಿತ್ತೆಂದರೆ ಸದಭಿರುಚಿಯ ಚಿತ್ರಗಳನ್ನು ಇಷ್ಟಪಡುವವರು ತುಳು ಸಿನೆಮಾಗಳನ್ನು ವೀಕ್ಷಿಸಬಾರದೆಂಬ ನಿರ್ಧಾರಕ್ಕೆ ಬಂದಿದ್ದರಲ್ಲಿ ಆಶ್ಚರ್ಯವಿಲ್ಲ. (ನನ್ನದೂ ಅದೇ ನಿಲುವಾಗಿತ್ತು). ಹಾಗಂತ ಎಲ್ಲವೂ ನಕಾರಾತ್ಮಕವೇನೂ ಆಗಿರಲಿಲ್ಲ. ಬಹಳಷ್ಟು ಉತ್ತಮ, ವಿಭಿನ್ನ ಚಿತ್ರಗಳೂ ತುಳುವಿನಲ್ಲಿ ಬಂದು ವೀಕ್ಷಕರ ಮನ ಮೆಚ್ಚಿದ್ದೂ ಇದೆ.

ವಾಸ್ತವವಾಗಿ, ಚಲನಚಿತ್ರ ನಿರ್ಮಾಣವೆಂದರೆ ತಮಾಷೆಯ ಸಂಗತಿಯಲ್ಲ. ಹಲವು ಲಕ್ಷಗಳಿಂದ ಕೋಟಿ ರೂಪಾಯಿ ಖರ್ಚು ಮಾಡಿ ನಿರ್ಮಿಸಿದ ಚಿತ್ರಗಳು ಪರದೆ ಮೇಲೆ ಬಂದಾಗ ಅವು ಜನರನ್ನು ಆಕರ್ಷಿಸದಿದ್ದಲ್ಲಿ ಏನು ಪ್ರಯೋಜನ? ಹಾಗಾದಾಗ ವೀಕ್ಷಕರಿಗೆ ನಿರಾಶೆ, ಚಿತ್ರರಂಗಕ್ಕೆ ಕೆಟ್ಟ ಹೆಸರು ಬರುವುದರ ಜೊತೆಗೆ ದೊಡ್ಡ ಆಘಾತವಾಗುವುದು ನಿರ್ಮಾಪಕರಿಗೆ. ಅಪಾರ ನಷ್ಟಕ್ಕೊಳಗಾದ ನಿರ್ಮಾಪಕರು ಮತ್ತೆ ಮೇಲೇಳಬೇಕಾದರೆ ಪವಾಡವೇ ನಡೆಯಬೇಕು.

ಯಾರೇ ಒಪ್ಪಲಿ ಬಿಡಲಿ, ಇಂತಹ ಪರಿಸ್ಥಿತಿ ತುಳು ಚಿತ್ರರಂಗದಲ್ಲಿ ಖಂಡಿತವಾಗಿ ಇತ್ತೆನ್ನುವುದು ಸತ್ಯ. ಇಂತಹ ಸನ್ನಿವೇಶದಲ್ಲಿ ನಿಜಕ್ಕೂ ದೊಡ್ಡ ಪವಾಡವೇ ನಡೆದಿದೆ. ಕೋಸ್ಟಲ್‍ವುಡ್‍ನಲ್ಲೀಗ ಯಶಸ್ಸಿನ ಲೆಕ್ಕಾಚಾರಗಳದ್ದೇ ಮಾತುಕತೆ. ಇದಕ್ಕೆ ಕಾರಣ, ತೆರೆಗೆ ಅಪ್ಪಳಿಸಿದ ದಿನದಿಂದಲೇ ‘ಗಿರಿಗಿಟ್’ ಚಿತ್ರ ಸಂಪಾದಿಸಿದ ಜನಪ್ರಿಯತೆ ಮತ್ತು ಅದು ಉಂಟು ಮಾಡಿದ ಸೆನ್ಸೇಶನ್. ಸುನಾಮಿಯಂತೆ ಜನರು ಥಿಯೇಟರ್‌ಗಳಿಗೆ ಲಗ್ಗೆಯಿಟ್ಟು ಚಿತ್ರ ನೋಡುತ್ತಿದ್ದಾರೆ. ಅದೇನೂ ಆರಂಭದ ಟ್ರೆಂಡ್ ಆಗಿರಲಿಲ್ಲ. ದಿನಗಳೆದಂತೆ ಹೆಚ್ಚೆಚ್ಚು ಜನರು ಚಿತ್ರ ನೋಡಲು ಆಗಮಿಸಲಾರಂಬಿಸಿದರು. ನಾಡಿನ ಟಾಕೀಸ್‍ಗಳಿಗೆ ಇದೊಂದು ಬಂಪರ್ ಇಳುವರಿ ಎನ್ನಲೂಬಹುದು. ಇಂದಿಗೆ ಈ ಚಿತ್ರ ಅಮೋಘ 6ನೇ ವಾರಕ್ಕೆ ಕಾಲಿಟ್ಟಿದೆ. ಆದರೂ ‘ಗಿರಿಗಿಟ್’ ನೋಡುವವರ ಸಂಖ್ಯೆಯಲ್ಲಿ ಇಳಿಕೆಯಾಗಿಲ್ಲವೆಂದರೆ ಅದರ ಜನಪ್ರಿಯತೆ ಎಷ್ಟಿದೆಯೆಂಬುದನ್ನು ತಿಳಿಯಬಹುದು. ಜನರ ನಿರೀಕ್ಷೆಯ ಮಟ್ಟವೂ ಎಷ್ಟೆಂದು ಅರಿವಾಗುತ್ತದೆ.

ಬಹುಶಃ ಇಂತಹ ಒಂದು ಬ್ರೇಕ್‍ಗಾಗಿ ತುಳು ಚಿತ್ರರಂಗ ಕಾಯುತ್ತಿತ್ತೆನಿಸುತ್ತದೆ. ಕೋಟಿ ರೂಪಾಯಿ ಗಳಿಕೆ ದಾಟಿದ ಮೊದಲ ಚಿತ್ರವೆಂಬ ದಾಖಲೆ ಕೇವಲ ಆರಂಭವಷ್ಟೇ. ಮೊದಲ ಕೆಲವೇ ದಿನಗಳಲ್ಲಿ ‘ಗಿರಿಗಿಟ್’ ಚಿತ್ರ ಕೋಟಿ ಸಂಪಾದನೆ ಮಾಡಿತ್ತೆಂದರೆ ಅದು ನಿಜಕ್ಕೂ ಅತ್ಯದ್ಭುತ ದಾಖಲೆಯೇ ಹೌದು. ಊರು-ಪರವೂರಿನಲ್ಲಿ, ದೇಶ-ವಿದೇಶಗಳಲ್ಲಿ ಚಿತ್ರವು ತೆರೆ ಕಂಡಿದ್ದು ಇನ್ನೂ ನವವಧುವಿನಂತೆ ವಿಜೃಂಭಿಸುತ್ತಿದೆ, ಪ್ರೇಕ್ಷಕರನ್ನು ಆಹ್ವಾನಿಸುತ್ತಿದೆ. ಮತ್ತಷ್ಟು ದಾಖಲೆಗಳನ್ನು ರಚಿಸುತ್ತಾ ಅದ್ವಿತೀಯ ತುಳು ಚಿತ್ರವೆಂಬ ಗರಿಮೆಯನ್ನು ‘ಗಿರಿಗಿಟ್’ ಹೆಮ್ಮೆಯಿಂದ ಬಾಚಿಕೊಂಡಿದೆ.

ಇದು ನಿಜಕ್ಕೂ ಸಕಾರಾತ್ಮಕ ಬೆಳವಣಿಗೆ. ಇಲ್ಲಿ ಉಲ್ಲೇಖಿಸಬೇಕಾದ ಸಂಗತಿಯೊಂದಿದೆ. ಅದೆಂದರೆ, ಇದುವರೆಗೆ ತುಳು (ಹಾಗೂ ಕೊಂಕಣಿ ಮತ್ತಿತರ ಸ್ಥಳೀಯ ಭಾಷೆಯ) ಚಲನಚಿತ್ರಗಳ ಮಾರ್ಕೆಟ್ ಬಹಳ ಚಿಕ್ಕದು, ತುಂಬಾ ಸೀಮಿತವೆಂಬ ಮಾಮೂಲಿ ಅಳಲು ಕೇಳಲ್ಪಡುತ್ತಿತ್ತು. ಅದೇ ಸವಕಲು ರಾಗವನ್ನು ಹಾಡುತ್ತಾ, ಅದನ್ನೇ ನೆಪವನ್ನಾಗಿಸಿಕೊಳ್ಳುತ್ತಾ ತಮ್ಮ ಅಸಾಮರ್ಥ್ಯವನ್ನು ಮುಚ್ಚಿಡುವ ಪ್ರಯತ್ನವನ್ನು ಕೆಲವರು ಮಾಡಿದ್ದುಂಟು. ತಮ್ಮಲ್ಲಿ ಕ್ರಿಯಾಶೀಲತೆಯಿಲ್ಲವೆಂಬುದನ್ನು ಒಪ್ಪಿಕೊಳ್ಳದ ಜನರಷ್ಟೇ ಇಂತಹ ವಿಷಾದ ರಾಗ ಹಾಡುವುದು. ಇದು ತುಳು ಮಾತ್ರವಲ್ಲ, ಕನ್ನಡ ಚಿತ್ರರಂಗಲ್ಲಿಯೂ ಕಂಡು ಬರುವ ಒಂದು ಕೆಟ್ಟ ಚಾಳಿ.

ಇಷ್ಟೆಲ್ಲಾ ನಿರ್ಬಂಧಗಳಿರುವ ‘ಮಾರ್ಕೆಟ್’ನಲ್ಲೀಗ ಹೇಗೆ ಅಲ್ಲೋಲಕಲ್ಲೋಲ ಉಂಟಾಯಿತು? ಸೀಮಿತ ಜನರನ್ನಷ್ಟೇ ತಲುಪುವ ಸಾಧನವಾಗಿದ್ದ ತುಳು ಚಿತ್ರರಂಗವೀಗ ಗಡಿ, ದಡ, ಪರಿಧಿಗಳನ್ನು ದಾಟಿ ದಶದಿಕ್ಕುಗಳಿಗೆ ಹರಡಿದ್ದು ಹೇಗೆ? ಪಶ್ಚಿಮ ಘಟ್ಟದಲ್ಲಿ ಭೋರ್ಗರೆದು ಸುರಿದ ಮಳೆಯಿಂದುಂಟಾದ ಪ್ರವಾಹಕ್ಕೆ ಹಳ್ಳಿ, ಪಟ್ಟಣಗಳೇ ಕೊಚ್ಚಿ ಹೋದಂತೆ, ಚಿತ್ರವೊಂದು ಜನಸಾಗರವನ್ನು ಪ್ರವಾಹದೋಪಾದಿಯಲ್ಲಿ ಚಿತ್ರಮಂದಿರಗಳಿಗೆ ಕರೆ ತಂದದ್ದು ಹೇಗೆ? ಹಾಲಿವುಡ್, ಬಾಲಿವುಡ್‍ನಿಂದ ಹಿಡಿದು ದಕ್ಷಿಣ ಭಾರತದ ಬೃಹತ್ ಚಿತ್ರರಂಗಗಳೆದುರು ಕಂಗಾಲಾದ ಸಣಕಲು ಕಡ್ಡಿಯಂತೆ ಬಡಕಲಾಗಿದ್ದ ಕೋಸ್ಟಲ್‍ವುಡ್ ಒಮ್ಮಿಂದೊಮ್ಮೆಗೇ ‘ಬಾಹುಬಲಿ’ಯಂತಾಗುವಷ್ಟರ ಮಟ್ಟಿಗೆ ಮೈಸೆಟೆದು ನಿಂತು ಕಂಗೊಳಿಸಿದ್ದು ಹೇಗೆ?

ಹೌದು, ಈ ಎಲ್ಲಾ ಪ್ರಶ್ನೆಗಳ ಉತ್ತರದಲ್ಲಿ ಅಡಗಿದೆ ತುಳು ಮತ್ತು ಇತರ ಸ್ಥಳೀಯ ಚಿತ್ರರಂಗಗಳ ಭವಿಷ್ಯ. ಇನ್ನು ಮುಂದಾದರೂ ಕೋಸ್ಟಲ್‍ವುಡ್‍ನ ಜನರು ಎಂದಿನ ನೆಪಗಳನ್ನು, ಹಳಸಲು ಕಾರಣಗಳನ್ನು ನೀಡುತ್ತಾ ಕೈಲಾಗದವರು ಮೈಪರಿಚಿಕೊಂಡರೆಂಬಂತೆ ಪರಿಗಣಿಸಿಕೊಳ್ಳುವುದು ಬೇಡ. ಒಳ್ಳೆಯ ತುಳು ಚಿತ್ರಕ್ಕೆ ಕನಿಷ್ಠ ಒಂದೆರಡು ಕೋಟಿ ಗಳಿಸುವಷ್ಟಾದರೂ ಸಾಮರ್ಥ್ಯ ಇದೆಯೆಂಬ ವಾಸ್ತವಾಂಶವನ್ನು ಅರಿತುಕೊಂಡಲ್ಲಿ ಮತ್ತು ಆ ಸ್ಫೂರ್ತಿಯಿಂದ ಸಕಾರಾತ್ಮಕ ಚಿಂತನೆ ಅಳವಡಿಸಿಕೊಂಡು ಕಾರ್ಯತತ್ಪರರಾದಲ್ಲಿ ತುಳು ಚಿತ್ರರಂಗವು ಹೆಮ್ಮೆಯಿಂದ ಮೆರೆದಾಡಬಹುದು. ಅದರಿಂದ ಪ್ರೇಕ್ಷಕಕರಿಗೂ ಸುಖ, ಹಣ ಹೂಡಿದವರಿಗೂ ಲಾಭ ಖಚಿತ.

ಆದರೆ ಅದನ್ನು ಸಾಧಿಸಬೇಕಾದರೆ ಸಾಧ್ಯವಾದಷ್ಟೂ ಕ್ರಿಯಾಶೀಲ ಮತ್ತು ಅತ್ಯುತ್ತಮ ಚಿತ್ರಗಳನ್ನು ತಯಾರು ಮಾಡುವುದು ಅತ್ಯಂತ ಅಗತ್ಯ. ಕಳಪೆ ಚಿತ್ರಗಳಿಂದ ಸಾಧಿಸುವುದಕ್ಕಿಂತಲೂ ಕಳೆದುಕೊಳ್ಳುವುದೇ ಹೆಚ್ಚು. ಅದರ ಬದಲು ಒಂದೊಳ್ಳೆಯ ಸದಭಿರುಚಿಯ, ಜನರು ಕುಟುಂಬದೊಂದಿಗೆ ನೋಡಬಲ್ಲ ಲವಲವಿಕೆಯ ಚಿತ್ರಗಳನ್ನು ದೊರಕಿಸಿದಲ್ಲಿ ಪ್ರತಿಯೊಬ್ಬರಿಗೂ ಖಂಡಿತಾ ಶ್ರೇಯಸ್ಕರ.

ಮಂಗಳೂರಿನಲ್ಲಿ ದಿನವೊಂದಕ್ಕೆ ಹತ್ತಿಪ್ಪತ್ತು ಚಿತ್ರಗಳು ನೂರರಿಂದ ಇನ್ನೂರರಷ್ಟು ಪ್ರದರ್ಶನಗಳನ್ನು ಕಾಣುತ್ತವೆ. ಕಳೆದ ಕೆಲ ತಿಂಗಳಿಂದ ಒಂದಲ್ಲಾ ಒಂದು ಬೃಹತ್ ಬಜೆಟ್‍ನ, ದೊಡ್ಡ ತಾರಾಗಣದ ಚಿತ್ರ ಭಾರತದಾದ್ಯಂತ ತೆರೆ ಕಾಣುತ್ತಿದೆ. ಭಾರತೀಯ ಚಿತ್ರಗಳಷ್ಟೇ ಅಲ್ಲದೆ ವಿದೇಶೀ ಚಿತ್ರಗಳು ಅದರಲ್ಲೂ ಅತ್ಯದ್ಭುತ ಹಾಲಿವುಡ್ ಸಿನೆಮಾಗಳೂ ಇಲ್ಲಿ ಬಂದು ವಿಜೃಂಭಿಸಿ ಗಲ್ಲಾಪೆಟ್ಟಿಗೆಯನ್ನು ದೋಚಿ ಹೋಗುತ್ತಿವೆ. ದರ್ಶನ್ ನಟನೆಯ ‘ಕುರುಕ್ಷೇತ್ರ’, ಪ್ರಭಾಸ್ ನಟನೆಯ ‘ಸಾಹೋ’ ಮತ್ತು ಸುದೀಪ್ ನಟನೆಯ ‘ಪೈಲ್ವಾನ್’ ಚಿತ್ರಗಳ ಎಡೆಯಲ್ಲಿಯೂ ಹಲವು ಚಿತ್ರಗಳು ಸದ್ದಿಲ್ಲದೆ ಜನರ ಮೆಚ್ಚುಗೆಯನ್ನು ಪಡೆದಿವೆ. ಈ ಎಲ್ಲಾ ಚಿತ್ರಗಳಿಗೆ ಅವುಗಳದೇ ಆದ ಪ್ರೇಕ್ಷಕ ಗಣವಿದೆ. ಇಂತಹ ಗಿಜಿಗುಟ್ಟುವ ಮಾರುಕಟ್ಟೆಯಲ್ಲಿ ತುಳು ಚಿತ್ರವೊಂದು ರಾಜಾಧಿರಾಜನಂತೆ ಮೆರೆಯುತ್ತಾ ಜೈತ್ರಯಾತ್ರೆಯನ್ನು ಅದ್ಧೂರಿಯಾಗಿ ಮುನ್ನಡೆಸಿಕೊಂಡು ಬಂದಿದೆ ಎಂದರೆ ಮೆಚ್ಚಬೇಕಾದ ಸಂಗತಿಯದು. ತುಳುನಾಡಿನ ಸಮಸ್ತರೂ ಹೆಮ್ಮೆ ಪಡುವ ಸಂದರ್ಭವೂ ಹೌದು.

ಬೇರೆಲ್ಲಾ ಬಹಳಷ್ಟು ಪ್ರಮುಖ ವಿಚಾರಗಳನ್ನು ಚರ್ಚಿಸುವುದಕ್ಕಿಂತ ಮೊದಲು ‘ಗಿರಿಗಿಟ್’ ಚಿತ್ರತಂಡದ ಎಲ್ಲರಿಗೂ ‘ಬುಡ್ಕುಲೊ’ ಇ-ಪತ್ರಿಕೆಯು ಅಭಿನಂದನೆಗಳನ್ನು ಸಲ್ಲಿಸುತ್ತದೆ. ಬಹುಜನರು ನೋಡಿ ನಕ್ಕು ನಗುತ್ತಾ ಆಹ್ಲಾದಿಸುವಂತಹ ಸದಭಿರುಚಿಯ ಚಿತ್ರ ಒದಗಿಸಿದಕ್ಕಾಗಿ ನಿರ್ಮಾಪಕ, ನಿರ್ದೇಶಕರಾದಿಯಾಗಿ ಪ್ರತಿಯೊಬ್ಬರಿಗೂ ಶುಭಾಶಯಗಳು.

ಕೆಲ ತುಳು ಚಿತ್ರಗಳನ್ನು ನೋಡಿ ಮೆಚ್ಚಿಕೊಂಡಿದ್ದ ನಾನು, ಹಲವು ಚಿತ್ರಗಳನ್ನು ನೋಡಿ ಜಿಗುಪ್ಸೆಕೊಂಡಿದ್ದೆ. ನಾನು ನೋಡಲು ಬಾಕಿಯಾಗಿದ್ದ ಹಾಲಿವುಡ್ ಚಿತ್ರ ‘ದ ಲಯನ್ ಕಿಂಗ್’ ವೀಕ್ಷಿಸಲು ಆಗಸ್ಟ್ 22ರಂದು ಬಿಗ್ ಸಿನೆಮಾಸ್‍ನಲ್ಲಿದ್ದಾಗ ‘ಗಿರಿಗಿಟ್’ ಸಂಗೀತ ನಿರ್ದೇಶಕರಲ್ಲೊಬ್ಬರಾದ ನನ್ನ ಮಿತ್ರ ಜೋಯೆಲ್ ರೆಬೆಲ್ಲೊ ‘ಗಿರಿಗಿಟ್’ ಚಿತ್ರವನ್ನೊಮ್ಮೆ ನೋಡಲು ಕೇಳಿಕೊಂಡರು. ನಾನೆಷ್ಟು ಚೂಸಿ ಎಂಬುದನ್ನು ತಿಳಿದಿರುವ ಜೋಯೆಲ್ ನನ್ನನ್ನು ಒತ್ತಾಯಪಡಿಸಲಿಲ್ಲವಾದರೂ ಚಿತ್ರವು ನಿರಾಶೆಯನ್ನಂತೂ ಮಾಡುವುದಿಲ್ಲ, ನೋಡಿ ನನ್ನ ಅಭಿಪ್ರಾಯ ತಿಳಿಸಲು ಹೇಳಿದಾಗ, ಮತ್ತು ಆತನೂ ಸಹ ಬಹಳ ಚೂಸಿಯೆಂಬುದನ್ನು ತಿಳಿದಿದ್ದ ನನಗೆ ‘ಗಿರಿಗಿಟ್’ ನೋಡಲು ಮನಸ್ಸಾಯಿತು. ಚಿತ್ರ ನೋಡಿದ ನಂತರ ಬರೆಯಲು ಸಾಕಷ್ಟು ಪ್ರೇರಣೆ ದೊರಕಿತ್ತಾದರೂ, ಹಲವು ಕಾರಣಗಳಿಂದಾಗಿ ಬರೆಯಲಾಗಿರಲಿಲ್ಲ. ಇದೀಗ ಅದು ಕೈಗೂಡಿದೆ. ಬರೆಯುತ್ತಾ ಕುಳಿತಾಗ ಮತ್ತಷ್ಟು ವಿಚಾರಗಳು ಮನ ಹೊಕ್ಕಿವೆ, ಹೊಕ್ಕುತ್ತಿವೆ. ಅವುಗಳನ್ನು ನಿಮ್ಮ ಮುಂದೆ ಸಾದರಪಡಿಸುತ್ತಿರುವೆ.

(ಮುಂದುವರೆಯಲಿದೆ)

ಮುಂದಿನ ವಿಚಾರಗಳು:
1. ಬರೀ ಕಾಮೆಡಿ ಮಾತ್ರ ಸಾಕೇ, ಲಾಜಿಕ್ ಬೇಡವೇ?
2. ವಕೀಲರ ಅವಹೇಳನವೂ… ಲಾಯರ್‌ಗಳ ಪ್ರತಿರೋಧವೂ…
3. ತುಳು ಚಿತ್ರಗಳು ಸೀಮೋಲ್ಲಂಘನಗೈದು ಎಲ್ಲೆಡೆ ಮೆರೆಯಲಿ

Send Feedback to: budkuloepaper@gmail.com

Like us at: www.facebook.com/budkulo.epaper

The post ತುಳು ಚಿತ್ರರಂಗಕ್ಕಿರುವ ಅಗಾಧ ಮಾರ್ಕೆಟನ್ನು ಶೋಧಿಸಿದ ‘ಗಿರಿಗಿಟ್’ ಸಿನೆಮಾಕ್ಕೆ ಅಭಿನಂದನೆಗಳು appeared first on Budkulo.

ಆಯ್ಚ್ಯಾ ಸಕಾಳಿಂಚ್, ಮಾಂಯ್‍ಭಾಶೆಚ್ಯಾ ಸಂಗ್ತಿಂ ವಿಶಿಂ ಉಲ್ಲೇಖ್ ಕರ್ನ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾಚ್ಯಾ ಯಶಸ್ವೆ ವಿಶಿಂ ಲೇಖನ್ ಆಮಿ ಫಾಯ್ಸ್ ಕೆಲ್ಲೆಂ. ಆಬ್ಳೆ ಆತಾಂ ಆನ್ಯೇಕ್ ಕೊಂಕ್ಣಿ ಪಿಂತುರ್ ‘ಬೆಂಡ್ಕಾರ್’ ತಯಾರ್ ಜಾಲಾಂ ಆನಿ ಪ್ರದರ್ಶನಾಕ್ ದೀಸ್ ಮೆಜುನ್ ಆಸಾ. ಹಾಚಿ ಖಬರ್ ಆಮಿ ಎದೊಳ್‍ಚ್ ಫಾಯ್ಸ್ ಕೆಲ್ಯಾ. ಫಿಲ್ಮಾಚೆಂ ಟ್ರೈಲರ್ ಆನಿ ಆಡಿಯೊ ರಿಲೀಸ್ ಜಾವ್ನ್ ಲೊಕಾಕ್ ಆತುರಾಯ್ ಚಡ್ಲ್ಯಾ ಆನಿ ಫಿಲ್ಮ್ ರಿಲೀಸ್ ಜಾಂವ್ಚ್ಯಾಕ್ ಸಕ್ಕಡ್ ರಾಕೊನ್ ಆಸಾತ್.

ಹ್ಯಾ ವಗ್ತಾ ಫಿಲ್ಮಾಚೊ ನಿರ್ದೇಶಕ್ ಕಿತೆಂ ಮ್ಹಣ್ತಾ ತೆಂ ಜಾಣಾಂ ಜಾಂವ್ಚೆಂ ಅವಶ್ಯ್ ಆನಿ ಲೊಕಾಕ್ ತೆಂ ಪಾವಂವ್ಚೆಂ ಆಮ್ಚೆಂ ಕರ್ತವ್ಯ್. ಹ್ಯಾರಿ ಫೆರ್ನಾಂಡಿಸಾಚೆಂ ಹೆಂ ಚವ್ತೆಂ ಕೊಂಕ್ಣಿ ಸಿನೆಮ್. ಫಿಲ್ಮಾಂ ತಾಕಾ ನವಿಂ ನ್ಹಯ್. ಮುಂಬೈಚ್ಯಾ ಸಿನೆಮಾ ಇಂಡಸ್ಟ್ರಿಂತ್ ತೊ ಹೆಳ್ಳಾ. ಜೀಕ್ ಆನಿ ಸಲ್ವಣಿ ಹರ್ ಮನ್ಶ್ಯಾಕ್ ಫುಡ್ ಜಾತಾ. ಪುಣ್ ನಿರಂತರ್ ಪ್ರಯತನ್ ಗರ್ಜ್. ಪ್ರಸ್ತುತ್ ಆಪ್ಲ್ಯಾ ‘ಬೆಂಡ್ಕಾರ್’ ಫಿಲ್ಮಾ ವಿಶಿಂ ಹ್ಯಾರಿ ಕಿತೆಂ ಸಾಂಗ್ತಾ ತೆಂ ಹ್ಯಾ ಸಂದರ್ಶನಾಂತ್ ದಿಲಾಂ.

ಇತ್ಲೆಂ ಮ್ಹಣ್ತಾನಾ ಕಾಂಯ್ ಥೊಡ್ಯಾಂನಿ ಮ್ಹಾಕಾ, “ಬುಡ್ಕುಲೊನ್ ಹ್ಯಾರಿ ಫೆರ್ನಾಂಡಿಸಾಚ್ಯಾ ‘ಜಾಂವಯ್ ನಂ. 1’ ಪಿಂತುರಾಕ್ ಖೆಂಡ್‍ಲ್ಲೆಂ, ಆತಾಂ ಕಶೆಂ ತೊ ತಾಕಾ ಆವ್ಕಾಸ್ ದಿತಾ?” ಮ್ಹಣ್ ಥೊಡೆ ವಿಚಾರ್ತಾತ್ ಮ್ಹಣೊನ್ ಸಾಂಗ್ಲೆಂ. ಹೆಂ ಕಾಂಯ್ ಅನಿರೀಕ್ಷಿತ್ ನ್ಹಯ್, ಆಜ್ಯಾಪ್‍ಯೀ ನ್ಹಯ್. ಸತ್ ಆನಿ ಶೀದಾ ಸಾಂಗ್ಚೆಂ ತರ್, ಹೆಂ ಸವಾಲ್‍ಚ್ ಮೂರ್ಖ್‍ಪಣಾಚೆಂ; ತೆಂ ಚಿಂತಾಪ್‍ಚ್ ಪಿಶೆಂಪಣ್!

ವ್ಹಯ್. ಜಾಂವಯ್ ನಂ. 1 ಪಿಂತುರಾಕ್ ಆಮಿ ಸರ್ಸರಿತ್ ಖೆಂಡ್ಲಾಂ. ಕಿತ್ಯಾಕ್? ತೆಂ ಫಕತ್ ಹ್ಯಾರಿ ಫೆರ್ನಾಂಡಿಸಾಚೆಂ ಪಿಂತುರ್ ಮ್ಹಳ್ಳ್ಯಾಕ್. ಅರೆ, ತಶೆಂ ಕಿತ್ಯಾಕ್ ಮ್ಹಣ್ತಾತ್‍ಗೀ? ವಾಜ್ಭಿ ಕಾರಣ್ ಆಸಾ. ಹ್ಯಾರಿ ಫೆರ್ನಾಂಡಿಸ್ ಏಕ್ ಹೆಳ್‍ಲ್ಲೊ ನಿರ್ದೇಶಕ್, ದೆಕುನ್. ಕೊಣೆಂ ಎಕ್ಲ್ಯಾನ್, ಸಿನೆಮಾಚೆಂ ಆರು ಮೂರು ಕಳಿತ್ ನಾತ್‍ಲ್ಲ್ಯಾನ್, ತಸಲೆಂ ಫಿಲ್ಮ್ ಕಾಡ್‍ಲ್ಲೆಂ ತರ್ ಆಮ್ಕಾಂ ಕಿತೆಂಚ್ ಉಲಂವ್ಕ್ ನಾತ್‍ಲ್ಲೆಂ. ಘೊಡೊ ಧಾಂವನಾ ಮ್ಹಣೊನ್ ದುರ್ಸೊಂಕ್ ಆಸ್ಪದ್ ಆಸಾ ಶಿವಾಯ್, ಕತ್ತೆಂ ಧಾಂವನಾ ಮ್ಹಣ್ತಲೊ ಮೂರ್ಖ್‍ಚ್ ಸಯ್. ಹ್ಯಾರಿ ಫೆರ್ನಾಂಡಿಸಾನ್ ತಸಲೆಂ ಉತಳ್ ಸಿನೆಮ್ ದಿಲ್ಲ್ಯಾಕ್ ಮಾತ್ರ್ ಆಮಿ ಆಕ್ಷೇಪ್ ಉಚಾರ್‌ಲ್ಲೊ. ಘೊಡ್ಯಾಪರಿಂ ಧಾಂವಜೆ ಆಸ್‍ಲ್ಲ್ಯಾನ್ ಧ್ಯೇಯ್ ಕಳಿತ್ ನಾತ್‍ಲ್ಲೆಪರಿಂ ಖರ್ಶೆಲ್ಲ್ಯಾಕ್ ಆಮಿ ಚತ್ರಾಯ್ ಸಾಂಗ್‍ಲ್ಲಿ ಶಿವಾಯ್ ದುಸ್ರೆಂ ಕಿತೆಂಯೀ ನ್ಹಯ್.

ಕಾರಣ್ ಸ್ಪಷ್ಟ್. ತೆಂ ತಾಚೆಂ, ಕೊಂಕ್ಣೆಂತ್ಲೆಂ ತಿಸ್ರೆಂ ಫಿಲ್ಮ್. ತೆಂಯೀ ವ್ಹಡ್ ಭಾಸಾಂನಿ, ಮುಂಬೈಂತ್, ಹೆಳ್‍ಲ್ಲ್ಯಾಚೆಂ. ವಿಳಾಪ್ ದಿತೆಲ್ಯಾಂನಿ ಉಡಾಸ್ ಕರಿಜೆ, ಹ್ಯಾಚ್ ಹ್ಯಾರಿ ಫೆರ್ನಾಂಡಿಸಾಚೆಂ ಪಯ್ಲೆಂ ಪಿಂತುರ್ ‘ನಶಿಬಾಚೊ ಖೆಳ್’ ಹಿಟ್ ಜಾಂವ್ಕ್ ಪ್ರಮುಖ್ ಕಾರಣ್‍ಂಚ್ ಆಮ್ಚೊ ರಿವ್ಯೂ. ತಾಚ್ಯಾ ದುಸ್ರ್ಯಾ ಫಿಲ್ಮಾಕ್ ‘ಸೊಫಿಯಾಕ್’ಯೀ ಆಮಿ ಹೊಗೊಳ್ಸಿಲಾಂ, ಪ್ರಚಾರ್ ದಿಲಾ. ‘ಬುಡ್ಕುಲೊ’ ಇ-ಪತ್ರಾಕ್ ಇಂಟೆಗ್ರಿಟಿ ಆಸಾ ಮ್ಹಣ್ ವಳ್ಕಲ್ಲ್ಯಾಂ ಪಯ್ಕಿ ತೊಯೀ ಎಕ್ಲೊ. ತಾಚೆಂ ವಿಸ್ತ್ರತ್ ಸಂದರ್ಶನ್ ಆಮಿ ಫಾಯ್ಸ್ ಕೆಲ್ಲೆಂ. ಪುಣ್, ಆಮ್ಚ್ಯಾ ಸರ್ವ್ ನಿರೀಕ್ಷೆಂಕ್ ನಿರಾಸ್ ಕೆಲ್ಲ್ಯಾನ್ ತಾಚ್ಯಾ ತಿಸ್ರ್ಯಾ ಫಿಲ್ಮಾಕ್ ಆಮಿ ತಿರಸ್ಕಾರ್ ಕೆಲ್ಲೆಂ. ತೆಂ ತಾಕಾ ಖುರ್ಸಾರ್ ಮಾರುಂಕ್‍ಯೀ ನ್ಹಯ್, ಬಹಿಷ್ಕಾರ್ ಘಾಲುಂಕ್‍ಯೀ ನ್ಹಯ್. (ತಿಂ ಬರ್ಪಾಂ ಆತಾಂಯೀ ಆಸಾತ್, ಜರ್ ತಾಂತುಂ ಆಕ್ಷೇಪಣೀಯ್ ಕಿತೆಂಯೀ ಆಸಾ ಮ್ಹಣ್ ಕೊಣಾಯ್ಕೀ ಭೊಗ್ತಾ ತರ್ ತೆಂ ಆಮ್ಕಾಂ ಕಳವ್ಯೆತ್). ಮಾನಸಿಕ್ ಭಲಾಯ್ಕಿ ಆಸ್‍ಲ್ಲ್ಯಾಂಕ್ ಮಾತ್ರ್ ಎಕ್ಲ್ಯಾಚ್ಯಾ ಕೃತಿಯೆಕ್ ಆನಿ ವ್ಯಕ್ತಿಕ್ ಆಸ್ಚೊ ತಫಾವತ್ ಸಮ್ಜೊಂಕ್ ಜಾತಾ. ಪಿಡೇಸ್ತ್ ಮನಸ್ಥಿತಿ ಸಗ್ಳ್ಯಾಂನಿ ಆಸ್ತಾ, ಆಮ್ಚ್ಯಾ ಕೊಂಕ್ಣೆಂತ್‍ಯೀ ತಿ ಧಾರಾಳ್ ಆಸಾ ಜಾಲ್ಲ್ಯಾನ್ ಆಮ್ಚ್ಯಾ ಮಧೆಂ ಜಾಯ್ತ್ಯಾಂಕ್ ಘುಸ್ಪಡ್ ಜಾಲ್ಯಾ. (ತಿ ಕಾಣಿ ವೆಗ್ಳಿಚ್ ಆಸಾ).

ಸಿನೆಮಾ ಉದೆಲ್ಲೆಂಚ್ ಪ್ರಜಾಪ್ರಭುತ್ವಾ ಥಾವ್ನ್ ಮೆಳ್‍ಲ್ಲ್ಯಾ ಅಭಿವ್ಯಕ್ತಿ ಸ್ವಾತಂತ್ರ್ಯ್ ಆನಿ ಸಾಂವಿಧಾನಿಕ್ ಹಕ್ಕಾಂ ಥಾವ್ನ್. ಬರಂವ್ಚೆಂ ತಶೆಂಚ್ ಮಾಧ್ಯಮ್ ಸ್ವಾತಂತ್ರ್ಯ್‌ಯೀ ತಸಲೆಂಚ್ ಏಕ್ ದೆಣೆಂ. ಏಕ್ ಮಾಧ್ಯಮ್ ಜಾವ್ನ್ ‘ಬುಡ್ಕುಲೊ’ ಇ-ಪತ್ರಾನ್, ಸೀಮಿತ್ ತಾಂಕಿನ್ ತರೀ, ಆಪ್ಲಿ ಜವಾಬ್ದಾರಿ ಬರಿಚ್ ಸಾಂಬಾಳ್ಳ್ಯಾ. ಆಮ್ಚೆಂ ಕರ್ತವ್ಯ್ ಆಮಿ ಜಾಣಾಂವ್. ಕೊಣಾಯ್ಚಿಯೀ ಖಾಸ್ಗಿ ಗಜಾಲ್ ಆಮಿ ಚರ್ಚಾ ಕರಿನಾಂವ್. ಏಕ್ ಭೋವ್ ಸಂತೃಪ್ತೆಚಿ ಗಜಾಲ್ ಮ್ಹಳ್ಯಾರ್, ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸ್, ದುರ್ಸತಾನಾ ಬೆಜಾರ್ ಪಾಂವ್ಚೆಂ ಸಹಜ್ ತರೀ, ಉಪ್ರಾಂತ್ ತಾಕಾ ಸಮ್ಜತಾ ಆನಿ ತೊ ‘ಬುಡ್ಕುಲೊ ವರ್ವಿಂ ಮ್ಹಜೆ ದೊಳೆ ಉಗ್ತೆ ಜಾಲೆ’ ಮ್ಹಣ್ತಾ ತರ್ ತಾಂತುಂ ತಾಚೆಂ ವ್ಹಡ್ಪಣ್ ಸಾಬಿತ್ ಜಾತಾ. ‘ನಶಿಬಾಚೊ ಖೆಳ್’ ಸಿನೆಮಾ ರಿವ್ಯೂ ವಾಚುನ್ ತಾಣೆಂ ಸಂಪರ್ಕ್ ಕೆಲ್ಲ್ಯಾ ದಿಸಾ ಥಾವ್ನ್ ಆತಾಂಯೀ ತೊ ಮ್ಹಜ್ಯಾ ಸಂಪರ್ಕಾರ್ ಆಸಾ. ಮಂಗ್ಳುರಾಂತ್ಲ್ಯಾ ಕಿರ್ಕೊಳ್ ಸ್ವಭಾವಾಚ್ಯಾ ಸಬಾರಾಂ ಪ್ರಾಸ್ ತಾಚೆಂ ಮನ್ ಜಾಯ್ತೆಂ ಊಂಚ್ ಆಸಾ.

‘ಬೆಂಡ್ಕಾರ್’ ಸಿನೆಮಾಚಿ ತಯಾರಿ ಆನಿ ತಾಂತ್ಲ್ಯಾ ಗಜಾಲಿಂವಿಶಿಂ ಹ್ಯಾರಿ ಆಮ್ಚೆ ಸಂಗಿಂ ಉಲಯ್ಲೊ. (ಸಂವಾದಾಚ್ಯೊ ಹಾಂಗಾ ಘಾಲ್ಲ್ಯೊ ತಸ್ವಿರ್‍ಯೊ ತಾಚೆ ಸಂಗಿಂ ಆಮಿ ಆದಿಂ ಚಲಯಿಲ್ಲ್ಯಾ ಸಂದರ್ಶನಾಚ್ಯೊ). ತೊ ಕಿತೆಂ ಮ್ಹಣ್ತಾ ತೆಂ ಹೆಂ ಸಂದರ್ಶನ್ ವಾಚುನ್ ಜಾಣಾಂ ಜಾಯಾ.

-ಡೊನಾಲ್ಡ್ ಪಿರೇರಾ, ಸಂಪಾದಕ್

ಬುಡ್ಕುಲೊ: ಮಾನೆಸ್ತ್ ಹ್ಯಾರಿ ಫೆರ್ನಾಂಡಿಸ್, ‘ಬೆಂಡ್ಕಾರ್’ ಸಿನೆಮ್ ಕಾಡುಂಕ್ ಕಿತೆಂ ಪ್ರೇರಣ್?

ಹ್ಯಾರಿ: ಹಾಂವೆಂ ನಶಿಬಾಚೊ ಖೆಳ್, ಸೊಫಿಯಾ ಆನಿ ಜಾಂವಯ್ ನಂ. 1 ಸಿನೆಮಾಂಕ್ ನಿರ್ದೇಶನ್ ದಿಲ್ಲೆಂ, ಸ್ಕ್ರಿಪ್ಟ್ ಆನಿ ಪದಾಂ ಬರಯ್ಲ್ಯಾಂತ್. ಮುಖ್ಲೆಂ ಫಿಲ್ಮ್ ಕಾಡುಂಕ್ ಚಿಂತುನ್ ಆಸ್ತಾನಾ, ಮ್ಹಾಕಾ ಡೊಲ್ಫಿ ಆನಿ ಜೆಸಿಂತಾ ರೆಬೆಲ್ಲೊ ಮೆಳ್ಳಿಂ, ತಾಣಿಂ ಫಿಲ್ಮ್ ನಿರ್ಮಾಣ್ ಕರುಂಕ್ ಇಚ್ಛಾ ದಾಕಯ್ಲಿ. ಉಪ್ರಾಂತ್ ಪ್ರಿನ್ಸ್ ಜೇಕಬ್, ಸ್ಟ್ಯಾನಿ ಅಲ್ವಾರಿಸ್ ಆನಿ ಹಾಂವ್ ಸಂಗಿಂ ಮೆಳ್ಳ್ಯಾಂವ್. ಪಯ್ಲೆಂ ದುಸ್ರ್ಯಾ ಸಬ್ಜೆಕ್ಟಾಚೆರ್ ಫಿಲ್ಮ್ ಕಾಡುಂಕ್ ಚಿಂತ್‍ಲ್ಲೆಂ. ಜಾಂವಯ್ ನಂ. 1 ಪಿಂತುರಾ ವೆಳಾರ್ ಜಾಯ್ತ್ಯಾಂನಿ ಮ್ಹಾಕಾ, ಹಾಂವ್ ಏಕ್ ಹೆಳ್‍ಲ್ಲೊ ಫಿಲ್ಮ್‍ಕಾರ್ ದೆಕುನ್ ಏಕ್ ಬರೊ ವಿಷಯ್ ಘೆವ್ನ್ ಫಿಲ್ಮ್ ಕಾಡುಂಕ್ ಸಲಹಾ ದಿಲಿ. ಬೆಂಡ್ಕಾರಾಂ ವಿಶಿಂ ಪಯ್ಲೆಂ ಥಾವ್ನ್ ಮ್ಹಾಕಾ ಆಸಕ್ತ್ ಆಸ್‍ಲ್ಲಿ. ಕಾರ್ಯಾಂಕ್ ಗೆಲ್ಲ್ಯಾ ವೆಳಾರ್ ಕೆದ್ನಾಂಯ್ ಹಾಂವ್ ತಾಂಚೆ ಲಾಗಿಂ ಉಲವ್ನ್, ತಾಂಚೆಂ ಸುಖ್ ದುಖ್ ಆಯ್ಕತಾಲೊಂ. ಪುಣ್ ಆತಾಂ ಬೆಂಡ್ಕಾರಾಂಕ್ ಡಿಮಾಂಡ್ ನಾ. ನವಿ ಪಿಳ್ಗಿ ಬೆಂಡಾ ಕುಶಿನ್ ಆಸಕ್ತ್ ದಾಕಯ್ನಾ, ತಾಂಕಾಂ ಟ್ರಂಪೆಟ್ ಹಾತಿಂ ಧರುಂಕ್ ನಾಕಾ. ಆಜ್‍ಕಾಲ್ ಡಿ.ಜೆ.ಚೊಚ್ ಸ್ಪರ್ಧೊ. ಆದ್ಲೆಪರಿಂ ಬೆಂಡಾಂ ವರ್ವಿಂ ಜಿವಿತ್ ಸಾರುಂಕ್ ಆತಾಂ ಜಾಯ್ನಾಂ.

ಅಶೆಂ ಹಾಂವೆಂ ಕಾಣಿ ಬರಯ್ಲಿ ಆನಿ ಸ್ಕ್ರೀನ್‍ಪ್ಲೇ ತಯಾರ್ ಕೆಲೆಂ. ನಿರ್ಮಾಪಕಾಂಕ್ ಆನಿ ಹೆರಾಂಕ್ ವಿವರ್ಸಿತಾನಾ ತಾಂಕಾಂ ಪಸಂದ್ ಜಾಲ್ಲ್ಯಾನ್ ‘ಬೆಂಡ್ಕಾರ್’ ಸಿನೆಮ್ ನಿರ್ಮಾಣ್ ಕರುಂಕ್ ಫುಡೆಂ ಸರ್ಲ್ಯಾಂವ್.

ಬುಡ್ಕುಲೊ: ಸತ್ ಸಾಂಗ್, ‘ಬುಡ್ಕುಲೊ’ಚೆರ್ ಜಾಂವ್ ಡೊನಿಚೆರ್ ಜಾಂವ್ ತುಕಾ ರಾಗ್ ಆಸಾಗೀ? ತುಜೆಂ ತಿಸ್ರೆಂ ಫಿಲ್ಮ್ ಬರೆಂ ನಾತ್‍ಲ್ಲ್ಯಾಕ್ ಶಿಣ್‍ಲ್ಲ್ಯಾಕ್..?

ಹ್ಯಾರಿ: ನಾ, ನಾ, ನಾ. ಬಿಲ್ಕುಲ್ ನಾ. ಮ್ಹಾಕಾ ಕೆದಾಳಾಯ್ ಕೊಣಾಯ್ಚೆರ್ ರಾಗ್ ನಾ. ಆಮಿ ಮನಿಸ್. ಮನಿಸ್ ದೇವ್ ನ್ಹಯ್. ಮನ್ಶ್ಯಾಕ್ ರಾಗ್, ಬೆಜಾರಾಯ್, ಲೋಭ್ ಸಗ್ಳೆಂ ಆಸ್ತಾ. ಕೊಣೆಂಯ್ ಬರೆಂ ಮ್ಹಳ್ಯಾರ್ ಖುಷಿ ಜಾತಾ, ಪಾಡ್ ಮ್ಹಳ್ಯಾರ್ ಇಲ್ಲೊಸೊ ಮೂಡ್ ಆಫ್ ಜಾತಾ. ಹಾಂವೆಂ ಭೋಜ್‍ಪುರಿ, ಮರಾಠಿ, ಹಿಂದಿ ಧರುನ್ ಲಗ್ಬಗ್ 15 ಸಿನೆಮಾಂ ಕೆಲ್ಯಾಂತ್. 30 ವರ್ಸಾಂನಿ ಮ್ಹಾಕಾ ಜಾಯ್ತೊ ಅನುಭವ್ ಜಾಲಾ. ಏಕ್ ಫಿಲ್ಮ್ ಸಕ್ಡಾಂಕ್ ಪಸಂದ್ ಜಾಯ್ಜೆ ಮ್ಹಣ್ ನಾ. ಥೊಡ್ಯಾಂಚಿ ಅಪೇಕ್ಷಾ ಚಡ್ ಆಸ್ತಾ. ‘ಬುಡ್ಕುಲೊ’ ಆನಿ ತಾಚೊ ಸಂಪಾದಕ್ ಡೊನಿ ಪಿರೇರಾಚಿ ಅಪೇಕ್ಷಾ ಆನಿಕೀ ಚಡ್ ಜಾವ್ನಾಸ್ತೆಲಿ. ತಾಚ್ಯಾ ಅಪೇಕ್ಷಾಕ್ ಹಾಂವ್ ಫಾವೊ ಜಾಂವ್ಕ್ ನಾ ದೆಕುನ್ ತಾಣೆಂ ತಾಚಿ ಅಭಿಪ್ರಾಯ್ ದಿಲಿ. ತಾಂತುಂ ಕಿತೆಂಚ್ ಚೂಕ್ ನಾ. ಪತ್ರ್‌ಕಾರಾಂನಿ ಅಭಿಪ್ರಾಯ್ ದಿಂವ್ಚೆಂ, ಚೂಕ್ ದಾಕವ್ನ್ ದಿಂವ್ಚೆಂ ಪ್ರಜಾಪ್ರಭುತ್ವಾಂತ್ ಸಹಜ್.

ಪುಣ್ ರಾಗ್ ಯೆಂವ್ಚೊ ಕೆದ್ನಾಂ ಮ್ಹಳ್ಯಾರ್ ಪಾಟ್ಲ್ಯಾನ್ ರಾವೊನ್ ಫಾತೊರ್ ಮಾರ್ತಾನಾ. ತುಮಿ ಪತ್ರ್‍ಕಾರ್, ತುಮ್ಕಾಂ ಜಾಣ್ವಾಯ್ ಆಸ್ತಾ. ಪುಣ್ ಕಿತೆಂಚ್ ಸಮ್ಜಣಿ ನಾತ್‍ಲ್ಲ್ಯಾಂನಿ, ಬುಡ್ಕುಲೊಂತ್ ಜಾಂವಯ್ ನಂ. 1 ಪಿಂತುರ್ ಬರೆಂ ನಾ ಮ್ಹಣ್ ಲೇಖನ್ ಆಯ್ಲಾಂ ಮ್ಹಣೊನ್ ಮೆಳ್‍ಲ್ಲ್ಯಾ ಸಕ್ಕಡ್ ಗ್ರೂಪಾಂನಿ ಫಾರ್ವರ್ಡ್ ಕೆಲೆಂ. ತಾಂಚೊ ಉದ್ದೇಶ್ ಫಕತ್ ಅಪಪ್ರಚಾರ್ ಕರ್ಚೊ. ಜಿಣ್ಯೆಂತ್ ಕಿತೆಂಯ್ ಸಾಧನ್ ಕರಿನಾತ್‍ಲ್ಲೆ ವಾಟ್ಸಾಪ್ ಗ್ರೂಪಾಂನಿ ನಿಂದಾ ಕರ್ತಾತ್. ಹ್ಯಾಚ್ ಬುಡ್ಕುಲೊಂತ್ ಮ್ಹಜ್ಯಾ ನಶಿಬಾಚೊ ಖೆಳ್ ಆನಿ ಸೊಫಿಯಾ ಸಿನೆಮಾ ವಿಶಿಂ ಹೊಗ್ಳಿಕ್ ಉಚಾರ್‌ಲ್ಲಿ ಆನಿ ಬರಿಚ್ ಅಭಿಪ್ರಾಯ್ ದಿಲ್ಲಿ. ಪುಣ್ ತೆಂ ತಾಣಿಂ ಫಾರ್ವರ್ಡ್ ಕರುಂಕ್ ನಾ!

ಹಾಂವ್ ಜಾಣಾಂ, ಡೊನಿ ಪಿರೇರಾ ಜಾಯ್ತಿಂ ಫಿಲ್ಮಾಂ ಪಳೆತಾ ಆನಿ ತಾಂಚೆ ವಿಶಿಂ ಬರವ್ನ್ ಘಾಲ್ತಾ. ಫೇಸ್‍ಬುಕಾಂತ್‍ಯೀ ಫಿಲ್ಮಾಂ ವಿಶಿಂ ತುಜಿಂ ಬರ್ಪಾಂ ಹಾಂವೆಂ ವಾಚ್ಲ್ಯಾಂತ್. ತುಂ ಏಕ್ ಪತ್ರಕಾರ್ ಜಾವ್ನ್, ವಿಮರ್ಶಕ್ ಜಾವ್ನ್ ಉಲಯ್ತಾಯ್. ತುಕಾ ತೊ ಅಧಿಕಾರ್ ಆಸಾ. ಸಮಾಜೆಂತ್ ಬರವ್ಪಿ ಆನಿ ವಿಮರ್ಶಕಾಂಚೆಂ ಕಾಮ್‍ಂಚ್ ತೆಂ. ಪುಣ್ ಜಿಣ್ಯೆಂತ್ ಕಿತೆಂಯ್ ಸಾಧನ್ ಕರಿನಾತ್‍ಲ್ಲೆ, ಫಿಲ್ಮ್ ಪಳೆಂವ್ಕ್ ಸಯ್ತ್ ವಚನಾತ್‍ಲ್ಲೆ ಪಾಡ್ ಕಮೆಂಟ್ಸ್ ಘಾಲ್ತಾತ್ ತರ್ ತಾಕಾ ಕಸಲೆಂಚ್ ಮೋಲ್ ನಾ. ಸೊಫಿಯಾ ಸಿನೆಮಾಕ್ ಬೆಸ್ಟ್ ರೀಜನಲ್ ಫಿಲ್ಮ್ ಮ್ಹಣ್ ಆನಿ ತಾಚ್ಯಾ ನಿರ್ದೇಶನಾಕ್ ಪ್ರಶಸ್ತ್ಯೊ ಮೆಳ್‍ಲ್ಲ್ಯೊ. ಹ್ಯಾ ಮನ್ಶ್ಯಾಂನಿ ಏಕ್ ಗೀಟ್ ಸಯ್ತ್ ತ್ಯಾ ವಿಶಿಂ ಬರಂವ್ಕ್ ನಾ. ಹಾಚೊ ಅರ್ಥ್ ಕಿತೆಂ? ಹಾಚೊ ಅರ್ಥ್ ಇತ್ಲೊಚ್‍ಗೀ, ವೈಯಕ್ತಿಕ್ ರಾಗ್ ಕಾಡ್ಚೊ ಆನಿ ನಂಜಿ ವೊಂಕ್ಚೆಂ ಮಾತ್ರ್ ತಾಂಚೊ ಉದ್ದೇಶ್.

ಫಿಲ್ಮ್ ಬರೆಂ ನಾ ಮ್ಹಣ್ ಭೊಗ್ಲ್ಯಾರ್ ತೆಂ ಉಚಾರುಂಕ್ ಹಕ್ಕ್ ಆಸಾ. ಪುಣ್ ಬರೆಂ ಆಸ್ಲ್ಯಾರ್ ಬರೆಂ ಆಸಾ ಮ್ಹಣ್‍ಯೀ ಸಾಂಗಜೆ ನ್ಹಯ್‍ವೇ? ಮ್ಹಜಿಂ ಎದೊಳ್ ತೀನ್ ಕೊಂಕ್ಣಿ ಫಿಲ್ಮಾಂ ಆಯ್ಲ್ಯಾಂತ್. ಆತಾಂ ಚವ್ತೆಂ ಯೆತಾ. ವಿಮರ್ಶಕಾಂನಿ ಖಂಡಿತ್ ಉಲವ್ಯೆತ್. ವಿಮರ್ಸೊ ಯೆತಾನಾ ಆಡಾಂವ್ಚೆಂ ಸಾರ್ಕೆಂ ನ್ಹಯ್. ಆಮಿ ಸಿನೆಮ್ ಲೊಕಾ ಖಾತಿರ್ ಕರ್ಚೆಂ. ತಶೆಂ ಆಸ್ತಾನಾ ಲೊಕಾಚಿ ಅಭಿಪ್ರಾಯ್ ಆಮಿ ಮಾಂದುನ್ ಘೆಜೆ. ‘ಬುಡ್ಕುಲೊ’ ಇ-ಪತ್ರಾನ್ ಕೊಂಕ್ಣಿ ಫಿಲ್ಮಾಂಕ್ ಬರೊಚ್ ಪಾಟಿಂಬೊ ದಿಲಾ, ಪ್ರಚಾರ್ ದಿಲಾ. ಆನಿ ಕಿತೆಂಯ್ ಆಸ್ಲ್ಯಾರೀ ಬುಡ್ಕುಲೊಂತ್ ಉಗ್ತ್ಯಾನ್ ಅಭಿಪ್ರಾಯ್ ಫಾಯ್ಸ್ ಜಾತಾ. ಹೆರಾಂಪರಿಂ ಚೊರ್‍ಯಾಂ ನ್ಹಯ್ ವಾ ಲಿಪೊನ್ ರಾವೊನ್ ನ್ಹಯ್.

ಬುಡ್ಕುಲೊ: ಮಾಧ್ಯಮಾಂನಿ ಸಮಾಜೆಕ್ ತಿದ್ವುಂಚೆಂ ಗರ್ಜೆಚೆಂ ವಾ ನ್ಹಯ್? ಸಿನೆಮಾಚೆರ್ ವಿಮರ್ಸೊ ಕೆಲ್ಯಾರ್ ಚೂಕ್ ಜಾತಾ? ತುಜಿ ಅಭಿಪ್ರಾಯ್ ಕಿತೆಂ?

ಹ್ಯಾರಿ: ವಿಮರ್ಸೊ ಕೆಲ್ಯಾರ್ ಖಂಡಿತ್ ಚೂಕ್ ನ್ಹಯ್. ಸಂಸಾರ್‌ಭರ್ ಆನಿ ಭಾರತಾಂತ್ ಹರ್ ಭಾಶೆಚಿಂ ಸಿನೆಮಾಂ ರಿಲೀಸ್ ಜಾತಚ್ ಮಾಧ್ಯಮಾಂ ತ್ಯಾ ವಿಶಿಂ ಉಲಯ್ತಾತ್, ಆಪ್ಲಿ ಅಭಿಪ್ರಾಯ್ ದಿತಾತ್. ಮಾಧ್ಯಮಾಂ ಥೊಡೆ ಪಾವ್ಟಿಂ ಸಾರ್ಕಿಂ ಆಸ್ತಾತ್, ಥೊಡೆ ಪಾವ್ಟಿಂ ಚುಕೊನ್‍ಯೀ ಪಡ್ತಾತ್. ಭೋವ್ ಬರಿಂ, ಸ್ಟ್ಯಾಂಡರ್ಡ್ ಆನಿ ಇಂಟೆಲೆಕ್ಚುವಲ್ ಸಿನೆಮಾಂ ಜಾಯ್ತಿಂ ಯೆತಾತ್. ಹಾಂವ್‍ಯೀ ಪಳೆತಾಂ. ಆಯ್ಲೆವಾರ್ ಹಿಂದಿಂತ್ ‘ಆರ್ಟಿಕಲ್ 15’ ಫಿಲ್ಮ್ ಆಯಿಲ್ಲೆಂ. ಭಾರಿಚ್ ಮಾಹೆತ್‍ವಂತ್ ಫಿಲ್ಮ್ ತೆಂ. ಆತಾಂ ತ್ಯಾ ಫಿಲ್ಮಾಕ್‍ಯೀ ಬರೆಂ ಆಸಾ ಆನಿ ಬರೆಂ ನಾ ಮ್ಹಣ್ ಸಾಂಗ್ತೆಲೆ ಆಸಾತ್. ರೋಹಿತ್ ಶೆಟ್ಟಿಚಿಂ ಫಿಲ್ಮಾಂ ಘೆ. ತಾಚ್ಯಾ ಫಿಲ್ಮಾಂಕ್ ವಿಮರ್ಶಕಾಂನಿ ಕೆದ್ನಾಂಯ್ ಬರೆಂ ಮ್ಹಳ್ಳೆಂಚ್ ನಾ. ತರೀ ತಾಚಿಂ ಫಿಲ್ಮಾಂ ಕೊರೊಡಾಂನಿ ಕಲೆಕ್ಷನ್ ಕರ್ತಾತ್. ಸಾಧ್ಯಾ ಲೊಕಾಕ್ ಮನೋರಂಜನ್ ಪಸಂದ್ ಜಾತಾ. ದೆಕುನ್ ತೆ ಪಳೆತಾತ್.

ಮಾಧ್ಯಮಾಚೆ ಪ್ರತಿನಿಧಿ ಆಪ್ಲಿ ಅಭಿಪ್ರಾಯ್ ಮಾಂಡ್ತಾತ್. ತಾಂತುಂ ತಾಣಿಂ ಚುಕೊಂಕ್ ನಜೊ. ಕೊಂಕ್ಣೆಂತ್ ಬರಿಂ ಫಿಲ್ಮಾಂ ಯೇಂವ್ಕ್ ಜಾಯ್. ತಾಕಾ ಪ್ರೋತ್ಸಾಹ್‍ಯೀ ಜಾಯ್. ಠಿಕಾ, ವಿಮರ್ಸೊ ಆಸ್ಲ್ಯಾರ್ ಆಮ್ಚಿ ಚೂಕ್ ಆಮ್ಕಾಂ ಕಳ್ತಾ. ತ್ಯಾ ವರ್ವಿಂ ಆಮ್ಚೆ ಥಂಯ್ ಸುಧ್ರಾಪ್ ಜಾತಾ. ಮಾಧ್ಯಮಾಂಕ್ ಸ್ವಾತಂತ್ರ್ಯ್ ಆಸಾ. ತುಮಿ ತುಮ್ಚೆಂ ಕಾಮ್ ಕರುನ್‍ಂಚ್ ರಾವಾ.

ಬುಡ್ಕುಲೊ: ‘ಬೆಂಡ್ಕಾರ್’ ಫಿಲ್ಮ್ ತುಜ್ಯಾ ಹೆರ್ ಫಿಲ್ಮಾಂ ಪ್ರಾಸ್ ಚಡ್ ಬರೆಂ ಕರುಂಕ್ ಕಿತೆಂ ಸರ್ವ್ ಕೆಲಾಂಯ್?

ಹ್ಯಾರಿ: ಸೊಫಿಯಾ ಫಿಲ್ಮಾಂತ್ ಹಾಂವೆಂ ಪಾಂಚ್ ಪದಾಂ ಬರಯಿಲ್ಲಿಂ. ಹ್ಯಾ ಫಿಲ್ಮಾಂತ್ ಹಾಂವೆಂ ನಾಮ್ಣೆಚ್ಯಾ ಎಕಾ ಕವಿಕ್ ಬರಂವ್ಕ್ ದಿಲ್ಯಾಂತ್. ಮ್ಹಜ್ಯಾ ಆದ್ಲ್ಯಾ ಫಿಲ್ಮಾಂನಿ ಮುಂಬೈಚೊ, ಮರಾಠಿಂತ್ಲೊ ಸಂಗೀತ್ ನಿರ್ದೇಶಕ್ ಆಸ್‍ಲ್ಲೊ. ಹ್ಯಾ ಪಾವ್ಟಿಂ ಕೊಂಕ್ಣೆಂತ್ಲೊ ತಾಲೆಂತ್ ಪ್ಯಾಟ್ಸನ್ ಪಿರೇರಾಕ್ ತಿ ಜವಾಬ್ದಾರಿ ದಿಲ್ಯಾ. ಗೊಂಯ್ಚೆ ಫಾಮಾದ್ ಕೊಮೆಡಿಯನ್ ಕಲಾಕಾರ್ ಪ್ರಿನ್ಸ್ ಜೇಕಬ್ ಆನಿ ಜೊನ್ ಡಿಸಿಲ್ವಾ ಸಾಂಗಾತಾ ನಟನ್ ಕರ್ತಾತ್. ಹ್ಯಾ ಪಾವ್ಟಿಂ ನವಿಚ್ ಎಕ್ಲಿ ನಟಿ ನಾಯಕಿ ಜಾವ್ನ್ ನಟನ್ ಕರ್ತಾ. ಕಲಾಂಗಣಾಂತ್ ಗ್ಲೋಬಲ್ ಸಿನೆ ಪ್ರಶಸ್ತಿ ಕಾರ್ಯಾ ವೆಳಾರ್ ತಿಣೆಂ ಲೊರ್ನಾ ಸಂಗಿಂ ಗಾಯನ್ ಕೆಲ್ಲೆಂ. ತಿಚೆಂ ನಾಂವ್ ನೈಸಾ ಡಯಾಸ್ ಲೊಟ್ಲೀಕರ್. ಕೊಂಕ್ಣೆಕ್ ಏಕ್ ಬರೆಂ ಹೀರೋಯಿನ್ ತಾಚೆ ಮುಖಾಂತ್ರ್ ಮೆಳ್ಳಾಂ. ಕೊರಿಯೊಗ್ರಾಫರ್ ಜಾವ್ನ್ ಅವಿಲ್ ಡಿಕ್ರುಜ್ ಆನಿ ನಿಶಾನ್ ಸಾಂಗಾತಾ ಹಿಂದಿಂತ್ಲೊ ಫಾಮಾದ್ ಪಪ್ಪು ಖನ್ನಾಕ್ ಘೆತ್ಲಾಂ. ಪದಾಂಚೆಂ ಶೂಟಿಂಗ್ ಕರುಂಕ್ ಜಾಯ್ತೊ ವೇಳ್ ಆನಿ ಮ್ಹಿನತ್ ಖರ್ಚಿಲ್ಯಾ. ಬರಿಂ ಲೊಕೇಶನಾಂ ವಾಪಾರ್ಲ್ಯಾಂತ್. ಫಿಲ್ಮಾಚೆಂ ಶೂಟಿಂಗ್ ಜಾಲ್ಯಾ ಉಪ್ರಾಂತ್‍ಯೀ ಆಮಿ ತೆಂ ಪಳೆಂವ್ಕ್ ಸಬಾರ್ ಜಣಾಂಕ್ ದಾಕಯಿಲ್ಲೆಂ. ತಾಣಿಂ ಜಾಯ್ತಿ ಸಲಹಾ, ತಿದ್ವಣಿ ಸಾಂಗ್‍ಲ್ಲ್ಯೊ. ಜೆಂ ಕಿತೆಂ ಉಣೆಂಪಣ್ ದಿಸ್ತಾ ತೆಂ ಸಗ್ಳೆಂ ಸಾರ್ಕೆಂ ಕೆಲಾಂ, ಥೊಡಿಂ ದೃಶ್ಯಾಂ ಪರತ್ ಶೂಟ್ ಕೆಲ್ಯಾಂತ್.

ಆಮ್ಚೆ ಥಾವ್ನ್ ಚುಕಿ ಘಡನಾಂತ್ ಮ್ಹಣ್ ನ್ಹಯ್. ಫಿಲ್ಮ್ ರಿಲೀಸಾಕ್ ತಯಾರ್ ಕರ್ಚ್ಯಾ ಫುಡೆಂ ಆಮಿ ಕಿತೆಂ ಚುಕಿ ದಿಸ್ತಾತ್ ತ್ಯೊ ಸಗ್ಳ್ಯೊ ತಿದ್ವುಂಕ್ ಪ್ರಯತ್ನ್ ಕೆಲಾಂ. ಸಬಾರಾಂನಿ ದಿಲ್ಲ್ಯಾ ಅಭಿಪ್ರಾಯೆಂಕ್ ಆಮಿ ಮಾಂದ್ಲಾಂ. ಫಿಲ್ಮ್ ಲೊಕಾ ಸಾಮ್ಕಾರ್ ಪಡ್ತಾನಾ ತಾಂಚಿ ಅಭಿಪ್ರಾಯ್ ತೆ ದಿತೆಲೆ. ತಾಂಕಾಂ ಕಿತೆಂ ಭೊಗ್ತಾ ತೆಂ ಆಮ್ಕಾಂ ಸಾಂಗ್ಲ್ಯಾರ್ ತೆಂ ಆಮಿ ಸ್ವೀಕಾರ್ ಕರ್ತಾಂವ್.

ಬುಡ್ಕುಲೊ: ಹೆರ್ ಕಿತೆಂ ಆಸಾ?

ಹ್ಯಾರಿ: ಬೆಂಡ್ಕಾರ್ ಫಿಲ್ಮ್ ಬಾರ್ಕೂರಾಂತ್ ಶೂಟಿಂಗ್ ಜಾಲಾಂ. ನಶಿಬಾಚೊ ಖೆಳ್ ಬಾರ್ಕೂರಾಂತ್‍ಚ್ ಶೂಟಿಂಗ್ ಜಾಲ್ಲೆಂ. ಹಾಂತುಂ ಹೀರೋಯಿನ್ ನವಿ ಆಸಾ. ಪ್ರಿನ್ಸ್ ಜೇಕಬಾನ್ ಪಯ್ಲೆ ಪಾವ್ಟಿಂ ಗಂಭೀರ್ ಪಾತ್ರ್ ಕೆಲಾ. ಜೊನ್ ಡಿಸಿಲ್ವಾ ಸಂಗಿಂ ವಾವ್ರ್ ಕರುಂಕ್ ಭೋವ್ ಬರೆಂ ಲಾಗ್ಲೆಂ. ಸಕ್ಕಡ್ ನಟಾಂನಿ ಬರೊ ವಾವ್ರ್ ಕೆಲಾ. ಪ್ರೊಡಕ್ಷನ್ ಮ್ಯಾನೇಜರ್ ಪ್ರೇಮಾನ್ ಬರೆಂ ಕಾಮ್ ಕೆಲಾಂ. ಸಕ್ಡಾಂನಿ ಬರೊಚ್ ಸಹಕಾರ್ ದಿಲಾ. ಸಕ್ಡಾಂನಿ ಮೆಳೊನ್ ಏಕ್ ಬರೆಂ ಫಿಲ್ಮ್ ಕರ್ಚೆಂ ಪ್ರಯತ್ನ್ ಕೆಲಾಂ. ಬೆಂಡ್ಕಾರ್ ಫಿಲ್ಮ್ ಮಂಗ್ಳುರಿ ಆನಿ ಗೊಂಯ್ಚ್ಯಾ ಕೊಂಕ್ಣೆಂತ್ ಕಾಡ್ಲಾಂ. ಪ್ರಿನ್ಸ್ ಜೇಕಬಾಕ್ ಹಾಂವ್ ವಿಶೇಸ್ ಜಾವ್ನ್ ಧಿನ್ವಾಸ್ತಾಂ. ತಾಣೆಂ ಹರ್ಯೆಕ್ ಸಂಗ್ತಿಂತ್ ಮೆತೆರ್ ಜಾವ್ನ್ ಜಾಯ್ತಿ ಮ್ಹಿನತ್ ಕಾಡ್ಲ್ಯಾ, ಗೊಂಯ್ಚ್ಯಾ ಬೊಲಿಯೆಂತ್ ಡಬ್ಬಿಂಗ್ ಕರುಂಕ್ ತಾಣೆಂ ವಾಂವ್ಟ್ ಕಾಡ್ಲ್ಯಾ.

ಫಾಮಾದ್ ಮಂಗ್ಳುರ್‍ಗಾರ್ ನಟ್ ಸ್ಟ್ಯಾನಿ ಅಲ್ವಾರಿಸ್, ದೀಪಕ್ ಪಾಲಡ್ಕ, ಆಲ್ವಿನ್ ಅಂದ್ರಾದೆ, ಸುಜಾತಾ ಅಂದ್ರಾದೆ, ಕ್ಲಾಡಿ ಡಿಲೀಮಾ, ಸುನಿತಾ ಮಿನೆಜಸ್, ಜೋಸೆಫ್ ಮಥಾಯಸ್ ಆನಿ ಹೆರಾಂನಿ ನಟನ್ ಕೆಲಾಂ. ಉಶಾ ಉಸ್ಗಾಂವ್‍ಕರ್, ಕೆವಿನ್ ಡಿಮೆಲ್ಲೊ ಪ್ರಮುಖ್ ಪಾತ್ರಾರ್ ಆಸಾತ್.

ಮ್ಹಜ್ಯಾ ಆದ್ಲ್ಯಾ ದೋನ್ ನಿರ್ಮಾಪಕಾಂಚಿಂ ಕೊಂಕ್ಣಿ ಫಿಲ್ಮಾಂ ಗಾಂವಾಂತ್ ರಿಲೀಸ್ ಜಾಲ್ಯಾಂತ್. ಜಾನೆಟ್ ನೊರೊನ್ಹಾಚೆಂ ‘ಕಂತಾರ್’ ಆನಿ ಹೆನ್ರಿ ಡಿಸಿಲ್ವಾಚೆಂ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್. ಬುಡ್ಕುಲೊಚಿಂ ಬರ್ಪಾಂ ಹಾಂವೆಂ ವಾಚ್ಲ್ಯಾಂತ್. ತಶೆಂಚ್ ಲೊಕಾನ್ ಬರೊಚ್ ಸಹಕಾರ್ ದಿಲಾ. ಹೊಚ್ ಪಾಟಿಂಬೊ ಆಮ್ಚ್ಯಾ ‘ಬೆಂಡ್ಕಾರ್’ ಫಿಲ್ಮಾಕ್‍ಯೀ ಮೆಳ್ತಲೊ ಮ್ಹಳ್ಳೊ ಭರ್ವಸೊ ಆಮ್ಕಾಂ ಆಸಾ. ಕೊಂಕ್ಣಿ ಸಿನೆಮಾಂಕ್ ಲೊಕಾಚೊ ಪಾಟಿಂಬೊ ಮೆಳ್ಳ್ಯಾರ್ ಮಾತ್ರ್ ಫಿಲ್ಮ್ ಇಂಡಸ್ಟ್ರಿ ಮುಖಾರ್ ವೆತೆಲಿ.

ಬುಡ್ಕುಲೊ: ತುಮ್ಚ್ಯಾ ಫಿಲ್ಮಾಚೆಂ ಟ್ರೈಲರ್ ರಿಲೀಸ್ ಜಾಲಾಂ. ಸ್ಪಂದನ್ ಕಶೆಂ ಆಸಾ? ಮಂಗ್ಳುರಿ ಆನಿ ಗೊಂಯ್ಚ್ಯಾ ಡಯಲೆಕ್ಟಾಂತ್ ಫಿಲ್ಮ್ ಯೇವ್ನ್ ಆಸಾ… ರೆಸ್ಪಾನ್ಸ್ ಕಸೊ ಆಸಾ?

ಹ್ಯಾರಿ: ರೆಸ್ಪಾನ್ಸ್ ಬರೊ ಆಸಾ. ಟ್ರೈಲರ್ ಪಳೆಲ್ಲ್ಯಾಂ ಥಾವ್ನ್ ಪ್ರತಿಕ್ರಿಯಾ ಬರಿಚ್ ಆಯ್ಲ್ಯಾ. ಗೊಂಯಾಂತ್ ಆನಿ ಮಂಗ್ಳುರಾಂತ್ ಥಂಯ್ಚ್ಯಾಚ್ ಡಯಲೆಕ್ಟಾಂತ್ ಫಿಲ್ಮ್ ಕಾಡುಂಕ್ ಕಾರಣ್ ಆಸಾ. ‘ಸೊಫಿಯಾ’ ಗೊಂಯಾಂತ್ ಪ್ರದರ್ಶನ್ ಜಾತಾನಾ, ತಾಂಕಾಂ ಫಿಲ್ಮ್ ಪಸಂದ್ ಜಾಲೆಂ ತರೀ, ತಾಣಿಂ ತಾಂಚ್ಯಾ ಡಯಲೆಕ್ಟಾಂತ್ ಕಾಡಿಜೆ ಆಸ್‍ಲ್ಲೆಂ ಮ್ಹಳೆಂ. ಮಂಗ್ಳುರಿ ಆನಿ ಗೊಂಯ್ಚ್ಯಾ ಕೊಂಕ್ಣೆಂತ್ ತಫಾವತ್ ಆಸಾ. ಗೊಂಯಾಂತ್ ಜಾಯ್ತೆ ನಾಟಕ್ ಪ್ರದರ್ಶನ್ ಜಾವ್ನ್ ಆಸ್ತಾತ್. ಗೊಂಯ್ಚ್ಯಾ ಡಯಲೆಕ್ಟ್ ಆನಿ ಆ್ಯಕ್ಸೆಂಟಾಂತ್, ಥಂಯ್ಚ್ಯಾಚ್ ಕಲಾಕಾರಾಂ ಥಾವ್ನ್ ಡಬ್ಬಿಂಗ್ ಕರಯ್ಲಾಂ.

‘ಜಾಂವಯ್ ನಂ. 1’ ಸಿನೆಮಾಕ್ ತುಮಿ ದಿಲ್ಲಿ ಅಭಿಪ್ರಾಯ್ ಮಾನುನ್ ಘೆವ್ನ್ ಹಾಂತುಂ ಸುಧ್ರಾಪ್ ಹಾಡುಂಕ್ ಆಮಿ ಪ್ರಯತನ್ ಕೆಲಾಂ. ಏಕ್ ಫಿಲ್ಮ್ ಕಾಡ್ಚೆಂ ಮ್ಹಳ್ಯಾರ್ ಪಬ್ಲಿಕ್ ಪರೀಕ್ಷೆಕ್ ಬಸ್‍ಲ್ಲ್ಯಾಪರಿಂ. ಹಾಚ್ಯಾದಿಂ ಕಿತ್ಲಿಂಯ್ ಫಿಲ್ಮಾಂ ಕಾಡ್ಲ್ಯಾಂತ್ ಆಸ್ಯೆತ್, ತಿಂ ಯಶಸ್ವಿ ಜಾಲ್ಯಾಂತ್ ವಾ ನಾ ಆಸ್ಯೆತ್, ತಾಚೊ ಫರಕ್ ಪಡನಾ. ವ್ಹಡ್ ವ್ಹಡ್ ಸ್ಟಾರಾಂಚಿಂ ಫಿಲ್ಮಾಂ ಸಯ್ತ್ ತಶೆಂಚ್. ಹರ್ಯೆಕ್ ಫಿಲ್ಮ್ ಏಕ್ ನವೆಂಚ್ ಪ್ರೊಜೆಕ್ಟ್.

ಬುಡ್ಕುಲೊ: ಗಲ್ಫಾಂತ್ ರಿಲೀಸ್ ಡೇಟ್ ಫಿಕ್ಸ್ ಜಾಲ್ಯಾ. ಗಾಂವಾಂತ್ ಕೆದ್ನಾಂ ರಿಲೀಸ್ ಕರ್ತಾತ್?

ಹ್ಯಾರಿ: ಗಲ್ಫಾಂತ್ ಅಕ್ತೋಬರ್ 25ವೆರ್ ರಿಲೀಸ್ ಜಾತಾ. ಗೊಂಯಾಂತ್ ನವೆಂಬರ್ 12ವೆರ್ ಜಾತಾ. ಬಾರ್ಕೂರ್ ಮ್ಹಜೊ ಗಾಂವ್, ಥಂಯ್ ಏಕ್ ಶೋ ಬುಕ್ ಜಾಲಾ. ಆಮ್ಚ್ಯಾ ಫಿಲ್ಮಾಂತ್ ಪೆರಂಪಳ್ಳಿಚೆಂ ಬ್ಯಾಂಡ್ ಆಸಾ. ಥಂಯ್ ಬುಕಿಂಕ್ ಚಲೊನ್ ಆಸಾ. ಹೆರ್ ಸುವಾತ್ಯಾಂನಿ ಆನಿ ಬೆಂಗ್ಳುರಾಂತ್‍ಯೋ ಶೋ ಬುಕ್ ಜಾಲ್ಯಾತ್. ಗಲ್ಫಾಂತ್ ಚಡಾವತ್ ಕಡೆನ್ ಶೋ ಘಾಲುಂಕ್ ಆಪವ್ಣಿಂ ಯೇವ್ನ್ ಆಸಾತ್. ಪ್ರತಿಕ್ರಿಯಾ ಸಗ್ಳ್ಯಾಂನಿ ಸಕಾರಾತ್ಮಕ್ ಆಸಾ.

ಮಂಗ್ಳುರಾಂತ್ ನವೆಂಬರ್ 22ವೆರ್ ರಿಲೀಸ್ ಜಾತಾ. ಮಂಗ್ಳುರ್ಚ್ಯಾ ಲೊಕಾನ್ ಆಮ್ಕಾಂ ಬರೊ ಪಾಟಿಂಬೊ ದೀಜೆ ಮ್ಹಣ್ ಆಮ್ಚಿ ಖಾಲ್ತಿ ವಿನತಿ. ಟೊಕಿಸಾಂನಿ ಪಯ್ಲ್ಯಾ ಹಫ್ತ್ಯಾಂತ್ ಕಲೆಕ್ಷನ್ ಜಾಲ್ಯಾರ್ ಮಾತ್ರ್ ನಿರ್ಮಾಪಕಾಕ್ ಫಾಯ್ದೊ. ಚಡ್ ಹಫ್ತ್ಯಾಂಕ್ ದವರ್ಲ್ಯಾರ್ ಖರ್ಚ್‍ಚ್ ಚಡ್. ದೆಕುನ್ ಲೊಕಾನ್ ಪಯ್ಲ್ಯಾ ಹಫ್ತ್ಯಾಂತ್‍ಚ್ ಪಳೆಂವ್ಕ್ ಆಯ್ಲ್ಯಾರ್ ಪೈಶೆ ಖರ್ಚಿಲ್ಲ್ಯಾ ನಿರ್ಮಾಪಕಾಂಕ್ ಘಾಲ್ಲೆ ಪೈಶೆ ಮೆಳ್ತಿತ್. ಚಡ್ ಲಾಂಬಯ್ಲ್ಯಾರ್ ಲಾಭ್ ನಾ, ಲುಕ್ಸಾಣ್‍ಂಚ್. ಎಕಾ ಮ್ಹಯ್ನ್ಯಾ ಪಯ್ಲೆಂಚ್ ರಿಲೀಸ್ ಡೇಟ್ ಕಳ್ತಾ ಜಾಲ್ಲ್ಯಾನ್ ಪ್ಲ್ಯಾನ್ ಕರ್ನ್ ಲೊಕಾನ್ ಫಿಲ್ಮ್ ಪಳೆಂವ್ಕ್ ಯೇಜೆ. ನಿರ್ಮಾಪಕಾಕ್ ಘಾಲ್ಲೆ ಪೈಶೆ ಪಾಟಿಂ ಮೆಳ್ಳ್ಯಾರ್ ಫುಡೆಂಯೀ ತೊ ಆನಿಕೀ ಬರೆಂ ಫಿಲ್ಮ್ ಕಾಡ್ತಲೊ. ನಾತ್ಲ್ಯಾರ್ ತೊ ನಿರಾಸ್ ಜಾತಾ.

ಬುಡ್ಕುಲೊ: ಸಿನೆಮಾಂನಿ ಪದಾಂಕ್ ಭಾರಿಚ್ ಮಹತ್ವ್ ಆಸಾ. ತುಜ್ಯಾ ಬೆಂಡ್ಕಾರ್ ಸಿನೆಮಾಂತ್ ಪದಾಂ ಕಶಿಂ ಆಯ್ಲ್ಯಾಂತ್? ಸಿನೆಮಾಚ್ಯಾ ಕಾಣಿಯೆಕ್ ಪದಾಂ ಪೂರಕ್ ಆಸಾತ್‍ಗೀ?

ಹ್ಯಾರಿ: ವ್ಹಯ್. ಸಿನೆಮಾಂನಿ ಪದಾಂಕ್ ಭಾರಿಚ್ ಮಹತ್ವ್ ಆಸಾ. ಭಾರತೀಯ್ ಫಿಲ್ಮಾಂನಿ ಪದಾಂ ಅವಿಭಾಜ್ಯ್ ವಾಂಟೊ. ಬೆಂಡ್ಕಾರ್ ಫಿಲ್ಮಾಚಿಂ ಪದಾಂ ಸಂಗೀತ್ ನಿರ್ದೇಶಕ್ ಪ್ಯಾಟ್ಸನ್ ಪಿರೇರಾನ್ ತಯಾರ್ ಕೆಲ್ಯಾಂತ್. ಪಯ್ಲೆ ಪಾವ್ಟಿಂ ಮ್ಹಜ್ಯಾ ಫಿಲ್ಮಾಕ್ ವಿಲ್ಸನ್ ಕಟೀಲಾನ್ ಲಿರಿಕ್ಸ್ ಬರಯ್ಲ್ಯಾತ್. ಅವಿಲ್ ಡಿಕ್ರುಜಾನ್ ತಶೆಂ ಪಪ್ಪು ಖನ್ನಾನ್ ಕೊರಿಯೊಗ್ರಾಫಿ ಕೆಲ್ಯಾ. ಗಾಂವಾಂತ್ಲಿಂ ಬರಿಂ ಲೊಕೇಶನಾಂ ವಿಂಚ್ಲ್ಯಾಂತ್. ಎಕಾಚ್ ಪದಾಕ್ ವೆವೆಗ್ಳಿಂ ಲೊಕೇಶನಾಂ ವಾಪಾರ್ಲ್ಯಾಂತ್. ನಿರ್ದೇಶಕ್ ಜಾವ್ನ್ ಪದಾಂ ಖಂಚ್ಯಾ ಸಂದರ್ಭಾರ್ ಯೆತಾತ್ ಮ್ಹಣೊನ್ ಹಾಂವೆಂ ಸಂಗೀತ್ ನಿರ್ದೇಶಕಾಕ್ ಸಾಂಗ್‍ಲ್ಲೆಂ. ತಾಣೆಂ ತಾಚೆರ್ ಟ್ಯೂನ್ ರಚ್ಲೆ, ಆನಿ ಬರಯ್ಣಾರಾಕ್ ಧಾಡ್ಲೆ. ಪದಾಚೆಂ ಸನ್ನಿವೇಶ್, ಪಾತ್ರಾಂಚೊ ವಿವರ್ ಆನಿ ಸಗ್ಳಿ ಮಾಹೆತ್ ಹಾಂವೆಂ ಬರವ್ಪ್ಯಾಕ್ ಧಾಡ್ಲಿ. ಸಗ್ಳೆಂ ಚರ್ಚಾ ಕೆಲಾಂ. ತಾಣೆಂ ಪದಾಂ ಬರವ್ನ್ ಧಾಡ್ಲಿಂ. ಸಗ್ಳೆಂ ಸ್ವಾತಂತ್ರ್ಯ್ ಹಾಂವೆಂ ತಾಂಕಾಂ ದಿಲಾಂ. ಪದಾಂ ಭಾರೀ ಬರಿಂ ಆಯ್ಲ್ಯಾಂತ್.

ಸಿನೆಮಾಚ್ಯಾ ಕಾಣಿಯೆಕ್ ಪದಾಂ ಪೂರಕ್ ಆಸಾತ್. ಏಕ್ ದೋನ್ ಪದಾಂ ರೊಮ್ಯಾಂಟಿಕ್ ಸನ್ನಿವೇಶಾಂಚಿ ಆಸಾತ್. ತಾಂತುಂಯೀ ಕಾಣಿಯೆಕ್ ಲಿಂಕ್ ಆಸಾ. ಪಾತ್ರಾಕ್ ತೆಕಿದ್ ಪದಾಂ ಆಸಾತ್. ಕಿತೆಂ ಆಸಾ, ಕಶೆಂ ಜಾಲಾಂ ತೆಂ ಸಗ್ಳೆಂ ತುಮ್ಚೆರ್ ಆನಿ ಲೊಕಾಚೆರ್ ಆಸಾ; ಫಿಲ್ಮ್ ಪಳೆವ್ನ್ ತುಮ್ಕಾಂ ಆನಿ ಲೊಕಾಕ್ ಕಶೆಂ ಮೆಚ್ವತಾ ತೆಂ ಪಳೆಜೆ. ‘ಬುಡ್ಕುಲೊ’ ಕಿತೆಂ ಸಾಂಗ್ತಾ ತೆಂ ಜಾಣಾ ಜಾಂವ್ಕ್ ಆಮಿ ಅತ್ರೆಗಾನ್ ಆಸಾಂವ್.

Send Feedback to: budkuloepaper@gmail.com

Like us at: www.facebook.com/budkulo.epaper

The post ಆಯ್ಕಾ, ಆಬ್ಳೆ ಉಲಯ್ತಾ ‘ಬೆಂಡ್ಕಾರ್’ ಸಿನೆಮಾಚೊ ನಿರ್ದೇಶಕ್ ಹ್ಯಾರಿ ಫೆರ್ನಾಂಡಿಸ್ appeared first on Budkulo.

ಮಂಗ್ಳುರ್: ಏಕ್ ಸತ್ ಗಜಾಲ್ ಕಿತೆಂ ಮ್ಹಳ್ಯಾರ್, ಸಂಸಾರಾಂತ್ಲ್ಯಾ ಸಕ್ಡಾಂಕ್‍ಯೀ ಆಪಾಪ್ಲಿ ಮಾಂಯ್ ಭಾಸ್ ಆನಿ ಮಾಂಯ್‍ಗಾಂವ್ ಮ್ಹಳ್ಯಾರ್ ಜೀವ್. ಮಾಂಯ್‍ಭಾಶೆಂತ್ ಸಮ್ಜೊಂಚೆಂ ತಿತ್ಲೆಂ ವಾ ಮಾಂಯ್‍ಭಾಶೆಂತ್ ಅರ್ಥ್ ಕರ್ನ್ ಘೆಂವ್ಚ್ಯಾ ಸಾಮರ್ಥೆ ತಿತ್ಲೆಂ ಹೆರ್ ಭಾಸಾಂ ವರ್ವಿಂ ಮನ್ಶ್ಯಾಕ್ ಜಾಯ್ನಾ. ತ್ಯಾಚ್ ದೆಕುನ್, ಮಾಂಯ್‍ಭಾಶೆಂತ್ ಶಿಕ್ಷಣ್ ದೀಜೆ ಮ್ಹಣ್ ಜಾಯ್ತೆ ಜಾಣಾರಿ ಸಾಂಗೊನ್ ಆಸ್ತಾತ್. ಭಾರತಾಂತ್ ಇಂಗ್ಲಿಶ್ ಆನಿ ಹೆರ್ ಪ್ರಭಾವಿ ಭಾಶೆಂಚ್ಯಾ ದಬಾವಾ ವರ್ವಿಂ ಪ್ರಾದೇಶಿಕ್, ಸ್ಥಳೀಯ್ ಭಾಸೊ ಆಳ್ವೊನ್ ಯೆಂವ್ಚ್ಯಾ ಹಂತಾಕ್ ಪಾವ್ಲ್ಯಾತ್. ಮಾಂಯ್‍ಭಾಶೆಂತ್ ಶಿಕ್‍ಲ್ಲೆಂ ಎಕಾ ವ್ಯಕ್ತಿಕ್ ಚಡ್ ಬರೆಂ ಕರ್ನ್ ಅರ್ಥ್ ಜಾತಾ ಆನಿ ತಾಚೊ ಪ್ರಭಾವ್ ಶಾಶ್ವಿತ್.

ಹಿ ಗಜಾಲ್ ಫಕತ್ ಶಿಕ್ಪಾಚಿ ನ್ಹಯ್. ಹರ್ ಗಜಾಲಿಂತ್ ಹಿಚ್ ಗಜಾಲ್ ವಾಸ್ತವಿಕ್ ಜಾವ್ನಾಸಾ. ಆಮ್ಚ್ಯಾ ಮಂಗ್ಳುರಾಕ್‍ಚ್ ಘೆಂವ್ಚೆಂ ತರ್, ಆಮ್ಚೊ ಗಾಂವ್ (ಕರಾವಳಿ ಜಿಲ್ಲೆ) ಚಡ್ ಭಾಸಾಂ ನಿಮ್ತಿಂ ನಾಂವಾಡ್ಲ್ಯಾತ್. ಹಾಂಗಾಚ್ಯಾ ಹರ್ ವ್ಯಕ್ತಿಕ್ ಕನಿಷ್ಠ್ ತೀನ್ ಭಾಸೊ ಸರಾಗ್ ಉಲಂವ್ಕ್ ಯೆತಾತ್. ಆಮ್ಚಿ ಮಾತಿಚ್ Multi Lingual. (ತ್ಯಾಚ್ ಕಾರಣಾಕ್ ಲಾಗೊನ್ ತುಮ್ಚೆಂ ಹೆಂ ಬುಡ್ಕುಲೊ ಇ-ಪತ್ರ್ ಸುರ್ವೆರ್ ಥಾವ್ನ್ಂಚ್ Multi Lingual ಜಾವ್ನ್ ವರ್ತವ್ಲಾಂ). ಶಿಕಪ್, ಉದ್ಯೋಗ್, ಪಯ್ಣ್ ಇತ್ಯಾದಿ ಕಸಲ್ಯೊಯೀ ಗಜಾಲಿ ಆಸೊಂದಿ, ಆಖೇರಿಕ್ ಹಾಂಗಾಚ್ಯಾಂಕ್ ಪಸಂದ್ ಜಾಂವ್ಚೆಂ ಚಡಾವತ್ ಆಪ್ಲ್ಯಾಚ್ ಮಾಂಯ್‍ಭಾಶೆಂತ್ಲೆಂ.

ತ್ಯಾಚ್ ಕಾರಣಾಕ್ ಲಾಗೊನ್ ಹಾಂಗಾ ತುಳು, ಕೊಂಕ್ಣಿ ಮನೋರಂಜನ್ ಕಾರ್ಯಾಂಕ್ ಆತಾಂಯೀ ಲೋಕ್ ಪಸಂದ್ ಕರ್ತಾ. ಗಾಂವಾಂತ್‍ಚ್ ನ್ಹಯ್, ದೇಶ್-ವಿದೇಶಾಂನಿ ಆಸ್‍ಲ್ಲೊ ಲೋಕ್ ಸಯ್ತ್ ಆಪ್ರೂಪ್ ತರೀ ಆಪಾಪ್ಲ್ಯಾ ಮಾಂಯ್‍ಭಾಶೆಚ್ಯಾ ಕಸಲ್ಯಾಯೀ (ನಾಟಕ್, ಸಂಗೀತ್ ಇತ್ಯಾದಿ) ಕಾರ್ಯಾಂಕ್ ರಾಕೊನ್ ರಾವ್ತಾ. ಹೆರ್ ಭಾಸಾಂನಿ ಕಿತೆಂಯೀ ಊಂಚಿ ಮೆಳೊಂ, ಪುಣ್ ತಾಂಕಾಂ ಚಡ್ ರುಚ್ಚೆಂ ಆಪ್ಲ್ಯಾ ಭಾಶೆಚೆಂ, ಗಾಂವ್ಚೆಂಚ್ ಮ್ಹಳ್ಳೆಂ ಸಾರ್ವಕಾಲಿಕ್ ಸತ್. ಹೆ ಸರ್ವಾಂಕ್ ಲಾಗು ಜಾತಾ.

ಹ್ಯಾಚ್ ಅಗೋಸ್ತ್ 23ವೆರ್ ಮಂಗ್ಳುರಾಂತ್ ದೋನ್ ಸ್ಥಳೀಯ್ ಭಾಸಾಂಚಿಂ ಸಿನೆಮಾಂ ರಿಲೀಸ್ ಜಾಲ್ಲಿಂ. ತುಳು ಫಿಲ್ಮ್ ‘ಗಿರ್ಗಿಟ್’ ಹೆರ್ ಜಾಯ್ತೆ ಕಡೆನ್ ರಿಲೀಸ್ ಜಾಲ್ಲೆಂ ತರ್, ಕೊಂಕ್ಣಿ ಪಿಂತುರ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಕರಾವಳಿಂತ್ ಪ್ರದರ್ಶನಾಕ್ ಪಡ್‍ಲ್ಲೆಂ. ವಿಶೇಸ್ ಮ್ಹಳ್ಯಾರ್, ಹ್ಯಾ ದಿಸಾಂನಿ ಹೆರ್ ವ್ಹಡ್ ಭಾಸಾಂಚ್ಯಾ ಬಿಗ್ ಬಜೆಟ್ ಆನಿ ಸೂಪರ್‌ಸ್ಟಾರಾಂಚ್ಯಾ ಸಿನೆಮಾಂಚೊ ವ್ಹಾಳೊಚ್ ಆಸ್‍ಲ್ಲೊ ತರೀ ಹಾಂಗಾಚ್ಯಾ ಲೊಕಾನ್ ಸ್ಥಳೀಯ್ ಭಾಸಾಂಚ್ಯಾ ಸಿನೆಮಾಂಕ್ ಭರ್ಪೂರ್ ಪಾಟಿಂಬೊ ದಿಲಾ. ಹೆಂ, ವಯ್ಲೆಂ ಲಾಜಿಕ್ ಸಾರ್ಕೆಂ ಮ್ಹಣ್ ರುಜು ಕರ್ತಾ.

ತುಳುಂತ್ ಜಾಯ್ತಿಂ ಸಿನೆಮಾಂ ಪ್ರದರ್ಶನ್ ದೆಖೊನ್ ಆಸ್ತಾತ್. ಪುಣ್ ಕೊಂಕ್ಣೆಂತ್ ಸಿನೆಮ್ ಕಾಡ್ಚೆಂಚ್ ಏಕ್ ಸಾಹಸ್. ಸೀಮಿತ್ ಪ್ರೇಕ್ಷಕ್ ವರ್ಗ್. ಹಾಂಗಾ ಸಿನೆಮಾ ನಿರ್ಮಾಣ್ ಕರ್ಚ್ಯಾ ಮಿಸಾಂವಾಚ್ಯಾಕೀ ಪ್ರೇಕ್ಷಕಾಂಕ್ ಹಾಡಂವ್ಚೆಂ ಸರ್ಕಸ್‍ಚ್ ಚಡ್ ವಾಂವ್ಟಿಚೆಂ! ಅಶೆಂ ಆಸ್ತಾನಾ ಹೆರ್ ಸರ್ವ್ ದಬಾವ್ ಆನಿ ಅಡ್ಕಳಿ ತಶೆಂ ಸಮಸ್ಸ್ಯಾಂ ಮಧೆಂ ಏಕ್ ಕೊಂಕ್ಣಿ ಪಿಂತುರ್ ಲೊಕಾಕ್ ಆಪ್ಣಾಶಿಂ ಹಾಡಂವ್ಕ್ ಸಕ್ತಾ ಮ್ಹಳ್ಯಾರ್ ಬರಿಚ್ ಗಜಾಲ್ ಜಾಲಿ.

ಹೆಂಚ್ ಘಡ್ಲಾಂ, ಪ್ರಸ್ತುತ್ ಪ್ರದರ್ಶನ್ ಜಾವ್ನ್ ಆಸ್ಚ್ಯಾ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾ ಥಂಯ್. ಹಾಂವೆಂ ಹ್ಯಾ ಆದಿಂಚ್ ಬರಯಿಲ್ಲೆಪರಿಂ, ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಲೊಕಾನ್ ಆಪ್ಲ್ಯಾ ಕುಟ್ಮಾ ಸಂಗಿಂ ಬಸೊನ್ ಪಳೆವ್ಯೆತ್ ಜಾಲ್ಲೆಂ ಸಿನೆಮ್. ಏಕ್ No Nonsense ಫಿಲ್ಮ್. ಸುರ್ವೆರ್ ಥಾವ್ನ್ ಆಖೇರ್ ಪರ್ಯಾಂತ್ ಆಸಕ್ತ್ ಉರವ್ನ್, ನಿರಾಸ್ ಕರಿನಾಸ್ತಾನಾ, ಉರ್ಬೆನ್ ಪಳೆಂವ್ಚೆ ತಸಲೆಂ ಫಿಲ್ಮ್ ಹೆಂ. ಕೊಂಕ್ಣಿ ಕಥೊಲಿಕ್ ಸಮುದಾಯಾಚ್ಯಾ ಪ್ರೇಕ್ಷಕ್ ವರ್ಗಾಕ್ ಹೆಂ ಪಿಂತುರ್ ಪಸಂದ್ ಜಾಲ್ಲ್ಯಾಂತ್ ಖಂಡಿತ್ ನವಾಲ್ ನಾ.

ಬದ್ಲಲ್ಲ್ಯಾ ಕಾಳಾಕ್ ಫುಡ್ ಕರ್ಚಿ ಅನಿವಾರ್ಯತಾ, ಸಿನೆಮಾ ಇಂಡಸ್ಟ್ರಿಕ್‍ಯೀ ಆಸಾ. ಆದ್ಲೆಪರಿಂ ಆತಾಂ ಕಿತೆಂಯೀ ಚಲನಾ. ಸಿನೆಮಾ ಕಾಡ್ಚೊ ಖರ್ಚ್ ಮಾತ್ರ್ ನ್ಹಯ್, ತೆಂ ಪ್ರದರ್ಶನಾಕ್ ಘಾಲ್ಚ್ಯಾಂತ್‍ಯೀ ಜಾಯ್ತೊ ಖರ್ಚ್ ಆಸಾ. ಲೊಕಾನ್ ವ್ಹಡ್ ಮಾಪಾನ್ ಪಾಟಿಂಬೊ ದಿಲ್ಯಾರ್ ಮಾತ್ರ್ ಮುನಾಫೊ. ಪಾವ್ಶಿಲೆ ದೀಸ್, ಭುರ್ಗ್ಯಾಂಕ್ ಪರೀಕ್ಷಾ, ಹೆರ್ ಸಿನೆಮಾಂಚೊ ಸ್ಪರ್ಧೊ ಇತ್ಯಾದಿ ಸರ್ವ್ ಫುಡ್ ಕರ್ನ್ ತರೀ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ಆಜೂನ್ ಥಿಯೇಟರಾಂನಿ ಧಾಂವ್ತೇ ಆಸಾ ಮ್ಹಳ್ಳಿ ಗಜಾಲ್ ಆಶಾದಾಯಕ್ ಆನಿ ಸಮಾಧಾನಾಚಿ.

ಎದೊಳ್ ಪಾಂಚ್ ಹಫ್ತೆ ಮಂಗ್ಳುರಾಂತ್ ಆನಿ ಹೆರ್ ಪ್ರಮುಖ್ ಕೇಂದ್ರಾಂನಿ ಯಶಸ್ವಿ ಪ್ರದರ್ಶನಾಂ ದೆಖ್‍ಲ್ಲೆಂ ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಆತಾಂ ಕೇರಳಾಚ್ಯಾ ಕಾಸರ್‌ಗೋಡ್ ಶ್ಹೆರಾಕ್ ಪಾವ್ಲಾಂ. ಸಪ್ತೆಂಬರ್ 27 ಥಾವ್ನ್ ಮಂಗ್ಳುರಾಂತ್ ಫೋರಂ ಮಾಲಾಂತ್ಲ್ಯಾ ಪಿ.ವಿ.ಆರ್. ಸಿನೆಮಾಂತ್ ಆನಿ ಕಾಸರಗೋಡಾಂತ್ಲ್ಯಾ ಮೆಹಬೂಬ್ ಥಿಯೇಟರಾಂತ್ ಹರ್ ದೀಸ್ ಪ್ರದರ್ಶನಾರ್ ಆಸ್ತೆಲೆಂ. ಸವೆಂ, ಅಕ್ತೋಬರ್ 2ವೆರ್ ಕುಂದಾಪುರ್ ತ್ರಾಸಿಚ್ಯಾ ಕೊಂಕ್ಣಿ ಖಾರ್ವಿ ಭವನಾಂತ್ ದೋನ್ ಶೋ ಆನಿ ಅಕ್ತೋಬರ್ 6ವೆರ್ ಸುರತ್ಕಲ್‍ಚ್ಯಾ ಸೇಕ್ರೆಡ್ ಹಾರ್ಟ್ ಆಡಿಟೋರಿಯಮಾಂತ್ ಏಕ್ ಶೋ ಆಸ್ತೆಲೆ.

ಆನ್ಯೇಕ್ ವಿಶೇಸ್ ಗಜಾಲ್ ಮ್ಹಳ್ಯಾರ್, ‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರ್ ವೆಗಿಂಚ್ ಮಲಯಾಳಂ ಭಾಶೆಂತ್ ಡಬ್ ಜಾತೆಲೆಂ. ಹಿ ಖುಶೆಚಿ ಗಜಾಲ್ ಸಿನೆಮಾಚ್ಯಾ ಪಂಗ್ಡಾನ್ ಕಳಯ್ಲ್ಯಾ. ಹ್ಯಾ ಮುಖಾಂತ್ರ್ ಕೇರಳಾಚ್ಯಾ ಸಿನಿ ಪ್ರೇಕ್ಷಕಾಂಕ್ ಮಂಗ್ಳುರಿ ನಟ್, ನಟಿ ಆನಿ ಹೆರ್ ಕಲಾಕಾರ್, ತಂತ್ರಜ್ಞಾಂಚಿ ವಳಕ್ ಜಾತೆಲಿ. ಸಿನೆಮಾ ಇಂಡಸ್ಟ್ರಿಚಿ ವಾಡಾವಳ್ ಜಾಂವ್ಚಿ ಮ್ಹಳ್ಯಾರ್ ಅಶೆಂ ಜಾಂವ್ಚೆಂ ಗರ್ಜೆಚೆಂ. ಮಲಯಾಳಿ ಲೊಕಾಕ್ ಕೊಂಕ್ಣೆಂತ್ ನಿರ್ಮಾಣ್ ಜಾಲ್ಲೆಂ ಪಿಂತುರ್ ಪಳೆಂವ್ಕ್ ಮೆಳ್ತಾ ಮ್ಹಳ್ಯಾರ್ ಖಂಡಿತ್ ಜಾವ್ನ್ ಸಿನೆಮಾ ತಯಾರ್ ಕೆಲ್ಲ್ಯಾಂಕ್ ತಶೆಂ ಕೊಂಕ್ಣಿ ಲೊಕಾಕ್‍ಯೀ ತಿ ಸಂತೊಸಾಚಿ ಗಜಾಲ್.

ನಿರ್ಮಾಪಕ್ ಹೆನ್ರಿ ಡಿಸಿಲ್ವಾ ಲಾಗಿಂ ಉಲಯ್ತಾನಾ, “ನಿರ್ಮಿಲ್ಲೆಂ ನಿರ್ಮೊಣೆಂ ಪಿಂತುರ್ ಲೊಕಾನ್ ಪಸಂದ್ ಕೆಲಾಂ. ತಾಣಿಂ ತೆಂ ಬರೆಂ ಪಿಂತುರ್ ಮ್ಹಣ್ ಸ್ವೀಕಾರ್ ಕೆಲಾಂ. ಪ್ರಸ್ತುತ್ ಕಾಳಾರ್ ಸಾಂಪ್ರದಾಯಿಕ್ ಪ್ರಚಾರ್ ಲೊಕಾಕ್ ಹಾಡುಂಕ್ ಸಕನಾ. ಆಯ್ಚೊ ಸಂಪರ್ಕ್ ಕ್ರಾಂತೆಚೊ ಕಾಳ್, ಡಿಜಿಟಲ್ ಯುಗ್. ‘ಬುಡ್ಕುಲೊ’ ಇ-ಪತ್ರ್ ತಸಲ್ಯಾ ಮಾಧ್ಯಮಾಂ ಮುಖಾಂತ್ರ್ ಕೊಂಕ್ಣಿ ಪಿಂತುರಾಂಕ್ ಬರೊಚ್ ಪ್ರಚಾರ್ ಮೆಳ್ಳಾ. ಬುಡ್ಕುಲೊಂತ್ ಫಾಯ್ಸ್ ಜಾಲ್ಲೆಂ ಲೇಖನ್ ಘಡ್ಯೆ ಭಿತರ್ ಫೇಸ್‍ಬುಕ್ ಆನಿ ವಾಟ್ಸಾಪ್ ಮುಖಾಂತ್ರ್ ಹರ್ಯೆಕ್ಲ್ಯಾಕ್ ಪಾವ್ತಾ. ಆಯ್ಚ್ಯಾ ಕಾಳಾರ್ ಹ್ಯಾ ವರ್ವಿಂ ಮಾತ್ರ್ ಲೊಕಾಕ್ ಪರಿಣಾಮ್‍ಕಾರಿ ರಿತಿನ್ ಪಾವೊಂಕ್ ಸಾಧ್ಯ್ ಜಾತಾ. ತ್ಯಾ ವರ್ವಿಂ ಸಿನೆಮಾಕ್ ಬರೊ ಪ್ರಚಾರ್ ಲಾಭ್ಲಾ” ಮ್ಹಣಾಲೊ.

ಖಂಡಿತ್ ಜಾವ್ನ್, ಕೊಂಕ್ಣಿ ಪಿಂತುರಾಂಕ್ ಆಮಿ ಬರೊಚ್ ಪಾಟಿಂಬೊ ದಿಲಾ, ಆನಿ ಮುಖಾರಿಂಯೀ ದಿತೆಲ್ಯಾಂವ್. ಆಜ್ ಕೊಂಕ್ಣೆಂತ್, ಸಾಮಾಜಿಕ್ ಆನಿ ಹೆರ್ ಪ್ರಮುಖ್ ಗಜಾಲಿಂಚೆರ್ ಧಯ್ರಾನ್ ವಿಚಾರ್ ವ್ಯಕ್ತ್ ಕರ್ಚೆಂ ಏಕ್ ಮಾಧ್ಯಮ್ ಆಸಾ ತರ್ ತೆಂ ಫಕತ್ ‘ಬುಡ್ಕುಲೊ’ ಇ-ಪತ್ರ್. ಸಿನೆಮಾಂ ವಿಶಿಂ ಸಾಂಗ್ಚೆಂ ತರ್, ಕೊಂಕ್ಣಿ ಲೋಕ್ ‘ಬುಡ್ಕುಲೊ’ ಇ-ಪತ್ರಾಂತ್ ಆಯಿಲ್ಲಿಂ ಬರ್ಪಾಂ ಏಕ್ ಲ್ಯಾಂಡ್‍ಮಾರ್ಕ್ ಜಶೆಂ ವಳ್ಕತಾ ಆನಿ ಮಾನ್ತಾ. ನಿಸ್ವಾರ್ಥ್‍ಪಣಿಂ ಆನಿ ಮಾಂಯ್‍ಭಾಶೆಚಿಂ ಪಿಂತುರಾಂ ಮ್ಹಳ್ಳ್ಯಾ ಅಭಿಮಾನಾನ್ ಕೊಂಕ್ಣಿ ಪಿಂತುರಾಂಕ್ ಆಮಿ ಪಾಟಿಂಬೊ ಆನಿ ಪ್ರಚಾರ್ ದಿಲಾ.

ಕೊಂಕ್ಣಿ ಸಿನೆಮಾ ಇಂಡಸ್ಟ್ರಿ ಉದೆಲ್ಯಾರ್ ಬರೆಂಚ್ ಆನಿ ಆಮ್ಚ್ಯಾ ಸಬಾರ್ ತಾಲೆಂತಾಂಕ್ ಪರ್ಜಳೊಂಕ್ ಆವ್ಕಾಸ್ ಮೆಳ್ಚ್ಯಾ ಸವೆಂ ಕೊಂಕ್ಣಿ ಸಮುದಾಯಾಚೊ ಭರ್ಮ್ ಚಡೊಂಕ್‍ಯೀ ಆವ್ಕಾಸ್ ಮೆಳ್ತಾ. ಹ್ಯಾಚ್ ದೂರ್‌ದೃಶ್ಟೆನ್ ‘ಬುಡ್ಕುಲೊ’ ಇ-ಪತ್ರಾನ್ ವರ್ಸಾಂ ಆದಿಂ, ಕೊಂಕ್ಣೆಂತ್ ಬರಿಂ ಪಿಂತುರಾಂ ಯೇಂವ್ದಿತ್ ಮ್ಹಣ್ ಅಪೇಕ್ಷಾ ಉಚಾರ್‌ಲ್ಲಿ. ತಶೆಂ ಮ್ಹಣೊನ್, ಫಕತ್ ಮಾಂಯ್‍ಭಾಸ್ ಮ್ಹಳ್ಳ್ಯಾ ಸಿಂತಿಮೆಂತಾಂಕ್ ವಾಪಾರುಂಕ್ ಪ್ರಯತ್ನ್ ಕೆಲ್ಯಾರ್ ಆಮಿ ತಾಚೊ ವಿರೋಧ್ ಕರ್ತಾಂವ್ ಮ್ಹಣ್‍ಯೀ ಲೋಕ್ ಜಾಣಾಂ.

ಆಜ್ ಕೊಂಕ್ಣಿ ಪಿಂತುರಾಂ ವಿಶಿಂ ಆಮ್ಚ್ಯಾ ಲೊಕಾಕ್ ಜಾಯ್ ಪುರ್ತಿ ಮಾಹೆತ್ ಆನಿ ಜಾಣ್ವಾಯ್ ಮೆಳೊಂಕ್ ‘ಬುಡ್ಕುಲೊ’ ಇ-ಪತ್ರಾನ್ ನಿರಂತರ್ ಜಾಗೃತಿ ಉಟಯಿಲ್ಲೆಂಚ್ ಪ್ರಮುಖ್ ಕಾರಣ್ ಮ್ಹಣ್ಯೆತ್. ತ್ಯಾ ವಿಶಿಂ ಆಮ್ಕಾಂ ಅಭಿಮಾನ್ ಆನಿ ಸಂತೊಸ್ ಆಸಾ. ಮುಖ್ಲ್ಯಾ ದಿಸಾಂನಿ ಆನಿಕೀ ಚಡ್ ಬರಿಂ ಆನಿ ಆಪುರ್ಬಾಯೆಚಿಂ ಕೊಂಕ್ಣಿ ಸಿನೆಮಾಂ ಯೇಂವ್ದಿತ್ ಆನಿ ಕೊಂಕ್ಣಿ ಪ್ರೇಕ್ಷಕಾಂಚಿ ಮನಾಂ ಜಿಕೊಂದಿತ್ ಮ್ಹಣ್ ಪರತ್ ಆಮ್ಚಿ ಅಪೇಕ್ಷಾ ಉಚಾರ್ತಾಂವ್.

‘ನಿರ್ಮಿಲ್ಲೆಂ ನಿರ್ಮೊಣೆಂ’ ಪಿಂತುರಾನ್ ಕೊಂಕ್ಣಿ ಪ್ರೇಕ್ಷಕಾಂಕ್ ಜಾಗಂವ್ಕ್ ಸಾಧ್ಯ್ ಆಸಾ, ನಿತಳ್ ಸಿನೆಮ್ ದಿಲ್ಯಾರ್ ಲೋಕ್ ಪಸಂದ್ ಕರ್ತಾ ಮ್ಹಣ್ ದಾಕವ್ನ್ ದಿಲಾಂ. ಫುಡಾರಾಂತ್ ಆನಿಕೀ ನವೆಂಸಾಂವಾಂ ಆಟಾಪುನ್ ಆಸ್ಚಿಂ, ಕ್ರಿಯಾಶೀಲ್ ಆನಿ ಚಡ್ ಲೊಕಾನ್ ಮೆಚ್ವೊಂಚೆ ತಸಲಿಂ ಪಿಂತುರಾಂ ಕೊಂಕ್ಣೆಂತ್ ಯೇಂವ್ದಿತ್.

ಮುಖ್ಲೆಂ ಲೇಖನ್: ಸಿನೆಮಾ ವಾವ್ರಾಡ್ಯಾಂಚಿಂ ಭೊಗ್ಣಾಂ

Send Feedback to: budkuloepaper@gmail.com

Like us at: www.facebook.com/budkulo.epaper

ನಿರ್ಮಿಲ್ಲೆಂ ನಿರ್ಮೊಣೆಂ: ಕುಟ್ಮಾ ಸಂಗಿಂ ಪಳೆವ್ಯೆತ್ ಜಾಲ್ಲೆಂ ಸಿನೆಮ್

The post 6ವ್ಯಾ ಹಫ್ತ್ಯಾಂತ್ ‘ನಿರ್ಮಿಲ್ಲೆಂ ನಿರ್ಮೊಣೆಂ’: ಕೊಂಕ್ಣೆಂತ್ ಏಕ್ ದಾಖ್ಲೊ appeared first on Budkulo.