ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 5: ಸಂದರ್ಶನಾಂಚೆರ್ ಸವಾಲಾಂ
Posted on : December 14, 2023 at 9:14 AM
‘ಬುಡ್ಕುಲೊ’ ಇ-ಮಾಧ್ಯಮಾನ್ ಮಾಂಡುನ್ ಹಾಡ್‍ಲ್ಲ್ಯಾ ಪಾಂಚ್ವ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧ್ಯಾಚಿಂ ಸವಾಲಾಂ ಹಾಂಗಾಸರ್ ದಿಲ್ಯಾಂತ್. ಎದೊಳ್‍ಚ್ ಕಳಯಿಲ್ಲೆಪರಿಂ ಡಿಸೆಂಬರ್ ಮಹಿನ್ಯಾಚ್ಯಾ ಸ್ಪರ್ಧ್ಯಾಕ್ ಆಮಿ ಐ.ಆರ್.ಎಸ್. ಅಧಿಕಾರಿ ಮಿಶಾಲ್ ಕ್ವೀನಿ ಡಿಕೋಸ್ತಾ ಆನಿ ‘ವೀಜ್ ಕೊಂಕಣಿ’ ಸಂಪಾದಕ್ ಡೊ. ಆಸ್ಟಿನ್ ಡಿಸೋಜ ಪ್ರಭುಚಿಂ ಸಂದರ್ಶನಾಂ ವಿಂಚ್ಲ್ಯಾಂತ್. (ಸಂದರ್ಶನಾಂಚೆಂ ಲಿಂಕ್ ಆಖೇರಿಕ್ ದಿಲಾಂ).
‘ವೀಜ್ ಕೊಂಕಣಿ’ ಇ-ಹಫ್ತ್ಯಾಳ್ಯಾಚೊ ಸಂಪಾದಕ್, ಚಿಕಾಗೊಚ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುನ್ ಆಮ್ಚ್ಯಾ ಹ್ಯಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ನಗದ್ ಇನಾಮಾಂ ಪ್ರಾಯೋಜನ್ ಕೆಲ್ಯಾಂತ್. ಪಯ್ಲೆಂ ಆನಿ ದುಸ್ರೆಂ ಇನಾಮ್ ಜಿಕ್ಲೆಲ್ಯಾಂಕ್ ಚಿಕ್‍ಮಗ್ಳುರ್ ಜಿಲ್ಲೊ ಕೊಪ್ಪ ತಾಲೂಕಾಚ್ಯಾ ಬಿಳಾಲ್‍ಗಿರಿ ಎಸ್ಟೇಟಿಂತ್ಲ್ಯಾ ಹಿಮಗಿರಿ ಹೋಮ್‍ಸ್ಟೇಂತ್ ಎಕಾ ದಿಸಾಚಿ ವಸ್ತಿ ಆನಿ ಖಾಣ್ ಸಂಪೂರ್ಣ್ ಫುಂಕ್ಯಾಕ್ ಮೆಳ್ತೆಲೆಂ. ಹೆಂ ಇನಾಮ್ ಹೋಮ್‍ಸ್ಟೇಚೊ ಮ್ಹಾಲಕ್ ಮಾನೆಸ್ತ್ ಪ್ರಮೋದ್ ಪಿಂಟೊನ್ ‘ಬುಡ್ಕುಲೊ’ ವಾಚ್ಪ್ಯಾಂಕ್ ದಿಲಾಂ.
ಸ್ಪರ್ಧ್ಯಾಚಿಂ ಸವಾಲಾಂ:
ಪಯ್ಲೊ ವಿಭಾಗ್ – ಮಿಶಾಲ್ ಡಿಕೋಸ್ತಾಚೆಂ ಸಂದರ್ಶನ್:
1. ಎ. ಮಿಶಾಲ್ ಕ್ವೀನಿ ಡಿಕೋಸ್ತಾಚೊ ಗಾಂವ್ ಖಂಚೊ? ಬಿ. ಖಂಚ್ಯಾ ಪರೀಕ್ಷೆಂತ್ ತಾಣೆಂ ಕಿತ್ಲ್ಯಾವೆಂ ರ್‍ಯಾಂಕ್ ಜೊಡ್‍ಲ್ಲೆಂ? ಸಿ. ತಾಚಿಂ ಆವಯ್, ಬಾಪಯ್ ಕೋಣ್?
ವಯ್ಲ್ಯಾ ಸವಾಲಾಂಕ್ 1+2+2 ಅಂಕ್. ಒಟ್ಟುಕ್ 5 ಅಂಕ್.
2. ಯುಪಿಎಸ್‍ಸಿ ಪರೀಕ್ಷಾ ಉತ್ತೀರ್ಣ್ ಜಾಲ್ಯಾರ್ ಖಂಚೆ ಹುದ್ದೆ ಆಪ್ಣಾವ್ಯೆತ್?
ವಯ್ಲ್ಯಾ ಸವಾಲಾಕ್ 4 ಅಂಕ್.
3. ಎ. ಯುಪಿಎಸ್‍ಸಿಂತ್ ರ್‍ಯಾಂಕ್ ಆಪ್ಣಾಂವ್ಚ್ಯಾ ಪಯ್ಲೆಂ ಮಿಶಾಲಾನ್ ಖಂಚ್ಯಾ ಪರೀಕ್ಷೆಂತ್ ರ್‍ಯಾಂಕ್ ಜೊಡ್‍ಲ್ಲೆಂ? ಬಿ. ಪ್ರಸ್ತುತ್ ಮಿಶಾಲ್ ಖಂಚ್ಯಾ ಹುದ್ದ್ಯಾರ್ ಆಸಾ?
ವಯ್ಲ್ಯಾ ಸವಾಲಾಂಕ್ 1+2 ಅಂಕ್. ಒಟ್ಟುಕ್ 3 ಅಂಕ್.
4. ಶಿಕ್ಪಾ ಸವೆಂ ಮಿಶಾಲ್ ಡಿಕೋಸ್ತಾಚ್ಯೊ ಹೆರ್ ಸವಯೊ ಕಸಲ್ಯೊ?
ವಯ್ಲ್ಯಾ ಸವಾಲಾಕ್ 8 ಅಂಕ್.
5. ಭುರ್ಗ್ಯಾಂಚ್ಯಾ ವ್ಹಡಿಲಾಂಕ್ ತಾಚೊ ಸಂದೇಶ್ ಕಿತೆಂ?
ವಯ್ಲ್ಯಾ ಸವಾಲಾಕ್ 5 ಅಂಕ್.
6. ಅಧಿಕಾರಿ ಜಾವ್ನ್ ಆಪ್ಲ್ಯೊ ಆದ್ಯತಾ ಕಸಲ್ಯೊ ಮ್ಹಣ್ತಾ ಮಿಶಾಲ್?
ವಯ್ಲ್ಯಾ ಸವಾಲಾಕ್ 10 ಅಂಕ್.
7. ಮಿಶಾಲ್ ಡಿಕೋಸ್ತಾನ್ ಖಂಚ್ಯಾ ವಿಭಾಗಾಂತ್ ಇಂಜಿನಿಯರಿಂಗ್ ಶಿಕಾಪ್ ಜೊಡ್ಲಾಂ?
ವಯ್ಲ್ಯಾ ಸವಾಲಾಕ್ 3 ಅಂಕ್.
ಗುಮಾನಾಕ್: 1. ಪಯ್ಲ್ಯಾ ಭಾಗಾಂತ್ಲ್ಯಾ ಸರ್ವ್ ಸವಾಲಾಂಕ್ ಪರಿಪೂರ್ಣ್ ಸಾರ್ಕಿ ಜಾಪ್ ದಿಲ್ಲ್ಯಾಂಕ್ ಒಟ್ಟುಕ್ (5+4+3+8+5+10+3) 38 ಅಂಕ್ ಲಾಭ್ತೆಲೆ. ಹರ್ ಸವಾಲಾಕ್ ಜಾಪ್ ಪುರ್ತಿ ನಾತ್ಲ್ಯಾರ್ ವಾ ಅಸ್ಪಷ್ಟ್ ಆಸ್ಲ್ಯಾರ್ ಅರ್ಧೆ ಅಂಕ್ ಮಾತ್ರ್ ಮೆಳ್ತೆಲೆ. 2. ಪಯ್ಲ್ಯಾ ವಿಭಾಗಾಂತ್ಲ್ಯಾ ಸರ್ವ್ ಸವಾಲಾಂಕ್ ಸಾರ್ಕ್ಯೊ ಜಾಪಿ ದಿಲ್ಲ್ಯಾಂಕ್ ಮಾತ್ರ್ ಮುಖ್ಲ್ಯಾ ವಿಭಾಗಾಕ್ ಪರಿಗಣನ್ ಕರ್ತಾಂವ್. 3. ಸವಾಲಾಕ್ ತೆಕಿದ್ ತುಮಿ ಸ್ವಂತ್ ಜಾಪ್ ದೀಜೆ. ಟೆಕ್ಸ್ಟ್ ಆಸಾ ತಶೆಂ ಕೊಪಿ ಪೇಸ್ಟ್ ಕೆಲ್ಯಾರ್ ನಿರ್ಣಾಯಕ್ ಹಂತಾರ್ ಸೆಟ್‍ಬ್ಯಾಕ್ ಜಾತೆಲೆಂ (ಇನಾಮಾಂಚಿ ವಿಂಚವ್ಣ್ ಜಾತಾನಾ).
ದುಸ್ರೊ ವಿಭಾಗ್ – ಆಸ್ಟಿನ್ ಡಿಸೋಜಾಚೆಂ ಸಂದರ್ಶನ್:
1. ಎ. ಮಂಗ್ಳುರಾಂತ್ ಆಸ್ತಾನಾ ಆಸ್ಟಿನ್ ಸೊಜ್ ಖಂಚ್ಯಾ ಪತ್ರಾಂಚೊ ಸಂಪಾದಕ್ ಜಾವ್ನಾಸ್‍ಲ್ಲೊ? ಬಿ. ಪ್ರಸ್ತುತ್ ತೊ ಖಂಚ್ಯಾ ಪತ್ರಾಚೊ ಸಂಪಾದಕ್?
ವಯ್ಲ್ಯಾ ಸವಾಲಾಂಕ್ 4+1 ಅಂಕ್. ಒಟ್ಟುಕ್ 5 ಅಂಕ್.
2. ಅಮೆರಿಕಾಚ್ಯಾ ಎಕಾ ರಸ್ತ್ಯಾಕ್ ಆಸ್ಟಿನಾಚೆಂ ನಾಂವ್ ದವರ್ಲಾಂ. ತೆಂ ಕಿತ್ಯಾಕ್?
ವಯ್ಲ್ಯಾ ಸವಾಲಾಕ್ 3 ಅಂಕ್.
3. ಎ. ಆಸ್ಟಿನಾಕ್ ಮೆಳ್‍ಲ್ಲಿ ಸಾಹಿತ್ಯ್ ಪ್ರಶಸ್ತಿ ಖಂಚಿ? ಬಿ. ಕೊಣೆಂ ತಿ ದಿಲ್ಲಿ?
ವಯ್ಲ್ಯಾ ಸವಾಲಾಂಕ್ 2+1 ಅಂಕ್. ಒಟ್ಟುಕ್ 3 ಅಂಕ್.
4. ಆಸ್ಟಿನ್ ಮಂಗ್ಳುರಾಂತ್ ಪತ್ರಾಂ ಚಲವ್ನ್ ಆಸ್ತಾನಾ ಆಸ್‍ಲ್ಲ್ಯಾ ತೀನ್ ಕೊಂಕ್ಣಿ ಸಾಹಿತಿಂಚಿಂ ನಾಂವಾಂ ಸಾಂಗಾ.
ವಯ್ಲ್ಯಾ ಸವಾಲಾಕ್ 3 ಅಂಕ್.
5. ಲಯನ್ಸ್ ಕ್ಲಬ್ಬಾಂತ್ ಆಸ್ಟಿನಾನ್ ಘೆತ್‍ಲ್ಲೊ ಊಂಚ್ಲೊ ಹುದ್ದೊ ಖಂಚೊ?
ವಯ್ಲ್ಯಾ ಸವಾಲಾಕ್ 1 ಅಂಕ್.
ಗುಮಾನಾಕ್: 1. ದುಸ್ರ್ಯಾ ಭಾಗಾಂತ್ಲ್ಯಾ ಸರ್ವ್ ಸವಾಲಾಂಕ್ ಪರಿಪೂರ್ಣ್ ಸಾರ್ಕಿ ಜಾಪ್ ದಿಲ್ಲ್ಯಾಂಕ್ ಒಟ್ಟುಕ್ (5+3+3+3+1) 15 ಅಂಕ್ ಲಾಭ್ತೆಲೆ. ಹರ್ ಸವಾಲಾಕ್ ಜಾಪ್ ಪುರ್ತಿ ನಾತ್ಲ್ಯಾರ್ ವಾ ಅಸ್ಪಷ್ಟ್ ಆಸ್ಲ್ಯಾರ್ ಅರ್ಧೆ ಅಂಕ್ ಮಾತ್ರ್ ಮೆಳ್ತೆಲೆ. 2. ಪಯ್ಲ್ಯಾ ಆನಿ ದುಸ್ರ್ಯಾ ವಿಭಾಗಾಚೆ ಒಟ್ಟುಕ್ ಅಂಕ್ 53. 3. ಪಯ್ಲ್ಯಾ ಆನಿ ದುಸ್ರ್ಯಾ ವಿಭಾಗಾಂತ್ಲ್ಯಾ ಸರ್ವ್ ಸವಾಲಾಂಕ್ ಸಾರ್ಕ್ಯೊ ಜಾಪಿ ದಿಲ್ಲ್ಯಾಂಕ್ ಮಾತ್ರ್ ಮುಖ್ಲ್ಯಾ ವಿಭಾಗಾಕ್ ಪರಿಗಣನ್ ಕರ್ತಾಂವ್. 4. ಸವಾಲಾಕ್ ತೆಕಿದ್ ತುಮಿ ಸ್ವಂತ್ ಜಾಪ್ ದೀಜೆ. ಟೆಕ್ಸ್ಟ್ ಆಸಾ ತಶೆಂ ಕೊಪಿ ಪೇಸ್ಟ್ ಕೆಲ್ಯಾರ್ ನಿರ್ಣಾಯಕ್ ಹಂತಾರ್ ಸೆಟ್‍ಬ್ಯಾಕ್ ಜಾತೆಲೆಂ (ಇನಾಮಾಂಚಿ ವಿಂಚವ್ಣ್ ಜಾತಾನಾ).
ತಿಸ್ರೊ (ಟೈ-ಬ್ರೇಕರ್) ವಿಭಾಗ್:
1. ಎ. ಯುಪಿಎಸ್‍ಸಿ ಪರೀಕ್ಷೆಂತ್ ಉತ್ತೀರ್ಣ್ ಜಾಂವ್ಕ್ ಕಿತೆಂ ಸರ್ವ್ ಗರ್ಜ್/ಕರಿಜೆ?
ವಯ್ಲ್ಯಾ ಸವಾಲಾಕ್ 4 ಅಂಕ್.
2. ಸಿವಿಲ್ ಸರ್ವಿಸಾಂತ್ ಕೊಂಕ್ಣಿ ಕಥೊಲಿಕ್ ಸಮುದಾಯ್ ಪಾಟಿಂ ಉರ್‌ಲ್ಲ್ಯಾಕ್ ಕಾರಣಾಂ ಕಿತೆಂ? (5 ಥಾವ್ನ್ 10 ವಾಕ್ಯಾಂನಿ ಜಾಪ್ ದಿಯಾ – ಲಾಂಬ್ ವಿವರಣ್ ನಾಕಾ, Points ಬರೆ ಆಸ್ಲ್ಯಾರ್ ಚಡ್ ಅಂಕ್ ಮೆಳ್ತಾತ್).
ವಯ್ಲ್ಯಾ ಸವಾಲಾಕ್ 5 ಅಂಕ್.
3. ಎ. ಆಸ್ಟಿನ್ ಡಿಸೋಜಾನ್ ಅಮೆರಿಕ ಪಾವೊನ್ ಕಿತೆಂ ಶಿಕಾಪ್ ಜೊಡ್ಲೆಂ? ಬಿ. ಖಂಚ್ಯಾ ವಿಭಾಗಾಂತ್ ತಾಣೆಂ ಉದ್ಯೋಗ್ ಕೆಲಾ?
ವಯ್ಲ್ಯಾ ಸವಾಲಾಂಕ್ 2+1 ಅಂಕ್. ಒಟ್ಟುಕ್ 3 ಅಂಕ್.
4. ಬುಡ್ಕುಲೊ ಇ-ಪತ್ರಾನ್ ಜಾಯ್ತಿಂ ಸಂದರ್ಶನಾಂ ಪ್ರಕಟ್ ಕೆಲ್ಯಾಂತ್. ಸಂದರ್ಶನ್ ವಿಭಾಗ್ ತುಮ್ಕಾಂ ಪಸಂದ್ ಜಾತಾಗೀ? ಸಂದರ್ಶನಾಂ ಗರ್ಜೆಚಿಂಗೀ? ಆಮ್ಚ್ಯಾ ಸಂದರ್ಶನಾಂ ವಿಶಿಂ ತುಮ್ಚಿ ಅಭಿಪ್ರಾಯ್ ಕಳಯಾ. (5 ಥಾವ್ನ್ 10 ವಾಕ್ಯಾಂನಿ ಜಾಪ್ ದಿಯಾ – ಲಾಂಬ್ ವಿವರಣ್ ನಾಕಾ, Points ಬರೆ ಆಸ್ಲ್ಯಾರ್ ಚಡ್ ಅಂಕ್ ಮೆಳ್ತಾತ್).
ವಯ್ಲ್ಯಾ ಸವಾಲಾಕ್ 5 ಅಂಕ್.
5. ಆಮ್ಚ್ಯಾ ಸಮುದಾಯಾಂತ್ ಪರ್ಜಳ್ಚ್ಯಾ ಮ್ಹಾಲ್ಗಡ್ಯಾ ಆಸ್ಟಿನ್ ಡಿಸೋಜ ಆನಿ ಯುವತಿ ಮಿಶಾಲ್ ಕ್ವೀನಿ ಡಿಕೋಸ್ತಾಕ್ ತುಮಿ ಕಿತೆಂ ಸಂದೇಶ್ ದೀಂವ್ಕ್ ಆಶೆತಾತ್? (5 ಥಾವ್ನ್ 10 ವಾಕ್ಯಾಂನಿ ಜಾಪ್ ದಿಯಾ – ಲಾಂಬ್ ವಿವರಣ್ ನಾಕಾ, Points ಬರೆ ಆಸ್ಲ್ಯಾರ್ ಚಡ್ ಅಂಕ್ ಮೆಳ್ತಾತ್).
ವಯ್ಲ್ಯಾ ಸವಾಲಾಕ್ 5 ಅಂಕ್.
ಗುಮಾನಾಕ್: 1. ತಿಸ್ರ್ಯಾ ಭಾಗಾಂತ್ಲ್ಯಾ ಸರ್ವ್ ಸವಾಲಾಂಕ್ ಅತ್ಯುತ್ತಮ್ ಜಾಪ್ ದಿಲ್ಲ್ಯಾಂಕ್ ಒಟ್ಟುಕ್ (4+5+3+5+5) 22 ಅಂಕ್ ಲಾಭ್ತೆಲೆ. ಅಂಕ್ ಚಡ್ ಮೆಳೊಂಕ್ ಅನಾವಶ್ಯ್ ವಿವರಣ್ ಬರಯ್ನಾಕಾತ್. ಉತ್ತೀಮ್ ವಿಚಾರಾಂಕ್ ಚಡ್ ಅಂಕ್ ದಿತಾಂವ್. 2. ತಿನೀ ವಿಭಾಗಾಂಚೆ ಒಟ್ಟುಕ್ ಅಂಕ್ 75.
ಬಂಪರ್ ಇನಾಮಾಂ:
ಪಯ್ಲೆಂ ಸ್ಥಾನ್ ಜೊಡ್ಲೆಲ್ಯಾಕ್ ರು. 3,750 ಐವಜಾಚಿಂ ಖಚಿತ್ ಇನಾಮಾಂ (ರು. 750 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ), ದುಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಕ್ ರು. 3,550 ಐವಜಾಚಿಂ ಇನಾಮಾಂ (ರು. 550 ನಗದ್ ಆನಿ ರು. 3,000ಚೆಂ ಲಕ್ಸುರಿ ಹೋಮ್‍ಸ್ಟೇ ಫ್ರೀ) ಫಾವೊ ಜಾತೆಲಿಂ. ತಿಸ್ರೆಂ ಸ್ಥಾನ್ ಆಪ್ಣಾಯಿಲ್ಲ್ಯಾಂಕ್ ರು. 400 ಐವಜಾಚಿಂ ತೀನ್ ಖಚಿತ್ ನಗದ್ ಇನಾಮಾಂ ಲಾಭ್ತೆಲಿಂ. ಅಶೆಂ ಭರ್ತಿ ರು. 8,500 ಐವಜಾಚಿಂ ನಿಶ್ಚಿತ್ ಇನಾಮಾಂ! (ಅಂಕ್ ಬರೆ ಆಸ್ಲ್ಯಾರ್ ಆನಿ ಜಾಪಿ ಮೆಚ್ವಣೆಕ್ ಪ್ರಾಪ್ತ್ ಜಾಲ್ಯಾರ್ ಆಮ್ಚ್ಯಾ ತರ್ಫೆನ್ ಎಕ್ಲ್ಯಾಕ್ ಚಡ್ತಿಕ್ ತಿಸ್ರೆಂ ಇನಾಮ್ ದಿತಾಂವ್. ಎದೊಳ್ ದೋನ್ ಪಾವ್ಟಿಂ ದಿಲ್ಯಾಂತ್).
ಸ್ಪರ್ಧ್ಯಾಚಿಂ ನಿಯಮಾಂ ಆನಿ ನಿಬಂಧನಾಂ:
1. ಹ್ಯಾ ಪಾವ್ಟಿಂ ತೀನ್ ವಿಭಾಗಾಂನಿ ಸವಾಲಾಂ ದಿಲ್ಯಾಂತ್. ಸರ್ವ್ ಸವಾಲಾಂಕ್ ಸಾರ್ಕ್ಯೊ ಜಾಪಿ ದೀಜೆ. ತ್ಯಾ ತ್ಯಾ ಪ್ರತ್ಯೇಕ್ ಜಾಪಿಂಕ್ ನಿರ್ದಿಶ್ಟ್ ಅಂಕ್ ಅಮಾನತ್ ಕೆಲ್ಯಾತ್. ಸರ್ವ್ ಜಾಪಿ ಸಾರ್ಕ್ಯೊ ಆಸೊನ್, ಚಡ್ ಅಂಕ್ ಕೋಣ್ ಜೊಡ್ತಾ ತಾಂಕಾಂ ಇನಾಮಾಂ ಫಾವೊ ಜಾತೆಲಿಂ. ತೀನ್ ವಿಭಾಗಾಂನಿ ಒಟ್ಟುಕ್ 75 ಅಂಕ್ ದವರ್ಲ್ಯಾತ್. ಟೈ ಜಾಲ್ಯಾರ್ ಶಿಸ್ತ್, ಭಾಶೆಚಿ ಸೊಭಾಯ್ ಆನಿ ನಿಯಮಾಂ ಸಾರ್ಕೆಂ ಪಾಳ್‍ಲ್ಲ್ಯಾಂಕ್ ಬೋನಸ್ ಅಂಕ್ ದೀವ್ನ್ ವಿಜೇತಾಂಚಿ ವಿಂಚವ್ಣ್ ಚಲ್ತೆಲಿ.
ಮುಖ್ಯ್ ಸೂಚನ್: ಜಾಪಿ ಸ್ವಂತ್ ಉತ್ರಾಂನಿ ದೀಜೆ ಶಿವಾಯ್ ಕೊಪಿ ಪೇಸ್ಟ್ ಕರ್ಚೆಂ ನ್ಹಯ್. ಆಮ್ಚ್ಯಾ ಮೆಚ್ವಣೆಕ್ ಪಾತ್ರ್ ಜಾಂವ್ಕ್, ಚಡ್ ಅಂಕ್ ಜೊಡುಂಕ್ ಆನಿ ಫಲಿತಾಂಶ್ ನಿರ್ಧಾರ್ ಕರುಂಕ್ ಹೆಂ ನಿರ್ಣಾಯಕ್ ಜಾವ್ನಾಸ್ತೆಲೆಂ.
2. ಜಾಪಿ ಧಾಡ್ತೆಲ್ಯಾಂನಿ ಸವಾಲಾಂಚ್ಯಾ ನಂಬ್ರಾ ಮುಖಾರ್ ತ್ಯಾ ತ್ಯಾ ಸವಾಲಾಚಿ ಜಾಪ್ ಲಿಖಿಜೆ. ಹರ್ ಪಾನಾಚೆರ್ ಪೇಜ್ ನಂಬರ್ ಆಸಜೆ. ಸಂಗಿಂ ತುಮ್ಚೆಂ ಸಗ್ಳೆಂ ನಾಂವ್, ಗಾಂವ್, ಘರ್ಚೊ ವಿಳಾಸ್ ಆನಿ ಮೊಬೈಲ್ ನಂಬರ್ ಜಾಪಿಂ ಸಾಂಗಾತಾಚ್ ಪಯ್ಲ್ಯಾ ಪಾನಾರ್ ಸುರ್ವೆರ್ ವಾ ನಿಮಾಣ್ಯಾ ಪಾನಾರ್ ಆಖೇರಿಕ್ ಬರಯ್ಜೆ.
3. ಜಾಪಿ ಆಮ್ಚ್ಯಾ ಇಮೈಲಾಕ್ budkuloepaper@gmail.com ಧಾಡಿಜೆ. ಇಮೈಲ್ ಕರುಂಕ್ ಕಳಿತ್ ನಾತ್‍ಲ್ಲ್ಯಾ ಮಾಲ್ಗಡ್ಯಾಂನಿ ಮಾತ್ರ್ ವಾಟ್ಸಪ್ ಕರ್ಯೆತ್. ದೊನೀ ಕಡೆನ್ ಆನಿ ಪರತ್ ಪರತ್ ಧಾಡಿನಾಕಾತ್.
4. ಜಾಪಿ ಕನ್ನಡ ಲಿಪಿಂತ್ ಮಾತ್ರ್ ಧಾಡ್ಯೆತ್. ಇಮೈಲಾಚ್ಯಾ ಸಬ್ಜೆಕ್ಟಾರ್ Kala Sampath Quiz 5 Answers ಮ್ಹಣ್ ಬರಯ್ಜೆ. ಸೂಚನ್ 1: ಟೈಪ್ ಕರುಂಕ್ ಕಳನಾತ್ಲೆಲ್ಯಾಂನಿ ಕಾಗ್ದಾಚೆರ್ ಹಾತಾಂತ್ ಬರವ್ನ್ ತಾಚಿ ಫೊಟೊ ಧಾಡ್ಯೆತ್. ಸೂಚನ್ 2: ತುಮಿ ಹೆರಾಂಚಿ ಕುಮಕ್ ಘೆವ್ನ್, ಉದಾ: ಸೈಬರ್ ಸೆಂಟರಾ ಮುಖಾಂತ್ರ್, ಇಮೈಲ್ ಧಾಡ್ತಾತ್ ತರ್ ತುಮ್ಚೆಂ ನಾಂವ್ ಆನಿ ಸಂಪರ್ಕ್ ವಿವರ್ ಸಾರ್ಕ್ಯಾನ್ ಲಗ್ತಿ ಕರಾ.
5. ಜಾಪಿ ಧಾಡುಂಕ್ ನಿಮಾಣಿ ತಾರಿಕ್ ಬುಧ್ವಾರಾ, ಜನವರಿ 10, 2024. ಫಲಿತಾಂಶ್ ಮಂಗ್ಳಾರಾ, ಜನವರಿ 23, 2024ವೆರ್ ಪ್ರಕಟ್ ಜಾತೆಲೆಂ.
6. ಮುಖ್ಯ್ ಸೂಚನ್/ಕಳವ್ಣಿ: ಆಮ್ಚ್ಯಾ ಸ್ಪರ್ಧ್ಯಾಂತ್ ಭಾಗ್ ಘೆಂವ್ಕ್ ಕೊಣಾಯ್ಕೀ ನಿರ್ಬಂಧ್ ನಾ. ಕೊಂಕ್ಣಿ ಕಳಿತ್ ಆಸ್ಚ್ಯಾ ಕೊಣೆಂಯೀ ಭಾಗ್ ಘೆವ್ಯೆತ್. ಪುಣ್ ಖುಶಾಲಾಯೆಕ್ ಜಾಂವ್ ವಾ ಹೆರ್ ಕಸಲ್ಯಾಯೀ ಇರಾದ್ಯಾಂನಿ ಜಾಂವ್ ಎಕಾಚ್ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ ವ್ಯಕ್ತಿಂನಿ ಎಕ್ಲ್ಯಾನ್ ತಯಾರ್ ಕೆಲ್ಲ್ಯೊ ಜಾಪಿಚ್ ನಕಲ್ ಕರ್ನ್ ಧಾಡ್ಚ್ಯಾಕ್ ನಿರ್ಬಂಧ್ ಆಸಾ. ಆದಿಂ ತಶೆಂ ಚಲ್‍ಲ್ಲೆಂ. ಫುಡೆಂ ತಸಲ್ಯಾಕ್ ಅವ್ಕಾಸ್ ನಾ. ತಶೆಂ ಮ್ಹಣ್ ಎಕಾ ಘರ್ಚ್ಯಾ ವಾ ಕುಟ್ಮಾಚ್ಯಾ ಚಡ್ತಿಕ್ ಸಾಂದ್ಯಾಂನಿ ಭಾಗ್ ಘೆಂವ್ಕ್ ಆಮಿ ಆಡ್ವಾರಿನಾಂವ್. ಖಂಡಿತ್ ಕೊಣೆಂಯೀ ಕಿತ್ಲ್ಯಾಯೀ ಜಣಾಂನಿ ಭಾಗ್ ಘೆವ್ಯೆತ್. ಪುಣ್ ನಕಲ್ ಬಿಲ್ಕುಲ್ ಕರಿನಜೊ. ಸ್ವಂತ್ ಪರಿಶ್ರಮ್ ಕಾಡ್ನ್ ಆಪ್ಣೆಂಚ್ ಬರವ್ನ್ ಧಾಡ್ಲ್ಯಾರ್ ಸ್ವಾಗತ್ ಆಸಾ.
7. ಸ್ಪರ್ಧಿಂನಿ ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಅಸ್ಚೆಂ ಕಡ್ಡಾಯೆಚೆಂ. ಆಮ್ಚ್ಯಾ ವಾಟ್ಸಪ್ ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಮಾತ್ರ್ ಇನಾಮ್ ಮೆಳ್ತೆಲೆಂ.
ಸರ್ವ್ ಸ್ಪರ್ಧಿಕಾಂಕ್ ಆಮ್ಚ್ಯಾ ಬುಡ್ಕುಲೊ ವಾಟ್ಸಪ್ ಗ್ರೂಪಾಂತ್ ಭರ್ತಿ ಜಾಂವ್ಕ್ ಉಲೊ ದಿತಾಂವ್. ಭರ್ತಿ ಜಾಂವ್ಕ್ ನಾತ್ಲೆಲ್ಯಾಂ ಖಾತಿರ್ ಗ್ರೂಪಾಚೆಂ ಲಿಂಕ್ ಸಕಯ್ಲ್ ದಿಲಾಂ. ಸ್ಪರ್ಧ್ಯಾಕ್ ಸಂಬಂಧ್ ಜಾಲ್ಲಿಂ ಚಡ್ತಿಕ್ ಸೂಚನಾಂ, ಪೂರಕ್ ಗಜಾಲಿ ತಶೆಂಚ್ ಹೆರ್ ಸರ್ವ್ ಪ್ರಕಟಣಾಂ, ಕಳವ್ಣ್ಯೊ, ಆಕರ್ಷಕ್ ಚಟುವಟಿಕ್ಯೊ, ಹಾಸ್ಯ್ ಬರ್ಪಾಂ ಇತ್ಯಾದಿ ಆಮಿ ಥಂಯ್ ದಿತಾಂವ್. ಗ್ರೂಪಾಂತ್ ಆಸ್‍ಲ್ಲ್ಯಾಂಕ್ ಆಮಿ ದಿಂವ್ಚಿ ಮಾಹೆತ್ ಉಪ್ಕಾರಾಚಿ ಜಾತಾ; ಸ್ಪರ್ಧ್ಯಾಚ್ಯೊ ಜಾಪಿ ತಶೆಂ ಕ್ಲೂ ಇನಾಮ್ ಜಿಕ್ತೆಲ್ಯಾಂಕ್ ಆಧಾರ್ ಜಾತಾತ್. ದೆಕುನ್ ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಸಕಯ್ಲ್ ದಿಲ್ಲೆಂ ಲಿಂಕ್ ವಾಪಾರುನ್ ಭರ್ತಿ ಜಾಂವ್ಚೆಂ.
ಹ್ಯಾ ಅಮೋಘ್ ಸ್ಪರ್ಧ್ಯಾಂತ್ ತುಮಿ ಭಾಗ್ ಘೆಂವ್ಚ್ಯಾ ಸವೆಂ ತುಮ್ಚ್ಯಾ ಲಾಗ್ಶಿಲ್ಯಾಂಕ್ ಆನಿ ಹೆರಾಂಕ್‍ಯೀ ಭಾಗ್ ಘೆಂವ್ಕ್ ಉತ್ತೇಜಿತ್ ಕರಾ. ಹಿ ಖಬರ್ ಸಕ್ಡಾಂಕ್ ಪಾವಯಾ. ಕೊಂಕ್ಣಿ ವಾಚ್ಪ್ಯಾಂಕ್‍ಯೀ ಇನಾಮಾಂ ದೀವ್ನ್ ಬುಡ್ಕುಲೊ ಮಾಧ್ಯಮಾನ್ ಆನ್ಯೇಕ್ ದಾಖ್ಲೊ ರಚ್ಲಾ. ಮುಖಾರಿಂ ಆನಿಕೀ ಬರೆ, ಕ್ರಿಯಾತ್ಮಕ್ ಸ್ಪರ್ಧೆ ಆಮಿ ಮಾಂಡುನ್ ಹಾಡ್ತೆಲ್ಯಾಂವ್. ತುಮ್ಚೆಂ ವಾಂಟೆಲಿಪಣ್, ಪಾಟಿಂಬೊ ಆಮ್ಕಾಂ ಸದಾಂಚ್ ಪ್ರೇರಣ್.
ಗುಮಾನಾಕ್ (Disclaimer): ಆಮಿ ಮಾಂಡುನ್ ಹಾಡ್ಚ್ಯಾ ಹ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧ್ಯಾ ಬಾಬ್ತಿಂ ಸರ್ವ್ ಆನಿ ಅಂತಿಮ್ ಹಕ್ಕಾಂ, ಸಂಪೂರ್ಣ್ ನಿಚೆವಾಚೆಂ ಸ್ವಾತಂತ್ರ್ಯ್ ಆನಿ ಪರಮಾಧಿಕಾರ್ ‘ಬುಡ್ಕುಲೊ’ ಸಂಪಾದಕಾಚೊ ಜಾವ್ನಾಸ್ತಲೊ. ಹ್ಯಾ ಲಗ್ತಿಂ ಕಸಲ್ಯಾಚ್ ತಕ್ರಾರ್ ವಾ/ಆನಿ ಸಂವಹನಾಕ್ ಆಸ್ಪದ್ ಆಸ್ಚೊ ನಾ.
ಸ್ಪರ್ಧ್ಯಾಚಿಂ ಸಂದರ್ಶನಾಂ ಸಕಯ್ಲ್ಯಾ 👇👇 ಲಿಂಕಾಂತ್ ಮೆಳ್ತಾತ್:
ಮಿಶಾಲ್ ಕ್ವೀನಿ ಡಿಕೋಸ್ತಾಚೆಂ ಸಂದರ್ಶನ್
ಆಸ್ಟಿನ್ ಡಿಸೋಜ ಪ್ರಭುಚೆಂ ಸಂದರ್ಶನ್
ಬುಡ್ಕುಲೊ ವಾಟ್ಸಪ್ ಗ್ರೂಪಾಕ್ ಲಿಂಕ್
ಬುಡ್ಕುಲೊಂತ್ ಫಾಯ್ಸ್ ಜಾಲ್ಲಿಂ ಸರ್ವ್ ಸಂದರ್ಶನಾಂ
Send your Feedback to: budkuloepaper@gmail.com
