ಕಲಾ ಸಂಪತ್ ಕೊಂಕ್ಣಿ ಕ್ವಿಜ್ – 2: ‘ವಿಪರ್ಯಾಸ್’ ಕಾಣಿಯೆಚೆರ್ ಸವಾಲಾಂ

Budkulo Media Network

Posted on : September 19, 2023 at 4:59 PM

Dear Readers, we are running a free media with high democratic values. Without subscriptions, advertisements & having no patrons or god fathers, we depend on your support to run this pro people, impartial, unbiased and courageous media. Kindly support us by your generous help.
Our Google Pay Number - 8277362399

Our Bank Details:
Name: Donald Pereira
Bank: Canara Bank
A/C No: 0977101022194
Hampankatta Branch, Mangaluru 575 001
IFSC Code: CNRB0000612
MICR Code: 575015009

‘ಬುಡ್ಕುಲೊ’ ಇ-ಮಾಧ್ಯಮಾನ್ ಮಾಂಡುನ್ ಹಾಡ್‍ಲ್ಲ್ಯಾ ದುಸ್ರ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಸ್ಪರ್ಧ್ಯಾಚಿಂ ಸವಾಲಾಂ ಹಾಂಗಾಸರ್ ದಿಲ್ಯಾಂತ್. ಎದೊಳ್‍ಚ್ ಕಳಯಿಲ್ಲೆಪರಿಂ ಸಪ್ತೆಂಬರ್ ಮಹಿನ್ಯಾಚ್ಯಾ ಸ್ಪರ್ಧ್ಯಾಕ್ ವಿಂಚ್‍ಲ್ಲಿ ಕಾಣಿ ಬುಡ್ಕುಲೊ ಸಂಪಾದಕ್ ಡೊನಾಲ್ಡ್ ಪಿರೇರಾನ್ ಲಿಖ್‍ಲ್ಲಿ ‘ವಿಪರ್ಯಾಸ್’. (ಕಾಣಿಯೆಚೆಂ ಲಿಂಕ್ ಲೇಖನಾಚ್ಯಾ ಆಖೇರಿಕ್ ದಿಲಾಂ. ಕ್ಲಿಕ್ ಕರ್ನ್ ವಾಚಾ).

‘ವೀಜ್ ಕೊಂಕಣಿ’ ಇ-ಹಫ್ತ್ಯಾಳ್ಯಾಚೊ ಸಂಪಾದಕ್, ಚಿಕಾಗೊಚ್ಯಾ ಡೊ. ಆಸ್ಟಿನ್ ಡಿಸೋಜ ಪ್ರಭುನ್ ಆಮ್ಚ್ಯಾ ಹ್ಯಾ ಸ್ಪರ್ಧ್ಯಾಂತ್ ವಿಜೇತ್ ಜಾಲ್ಲ್ಯಾಂಕ್ ನಗದ್ ಇನಾಮಾಂ ಪ್ರಾಯೋಜನ್ ಕೆಲ್ಯಾಂತ್. ಸವೆಂ ಸಬಾರಾಂನಿ ಆಪ್ಲೆ ಪುಸ್ತಕ್ ಇನಾಮ್ ಜಾವ್ನ್ ದಿಲ್ಯಾತ್. ಡೊಲ್ಲಾ ಮಂಗ್ಳುರಾನ್ ಮಸಾಲ ಪಿಟೆ ದಿಲ್ಯಾತ್. ಹ್ಯಾ ಸಕ್ಡಾಂಕ್ ದೇವ್ ಬರೆಂ ಕರುಂ. (ವಿವರ್ ಮುಖಾರ್ ದಿಲಾ).

‘ವಿಪರ್ಯಾಸ್’ ಕಾಣಿ – ಕ್ವಿಜ್ ಸ್ಪರ್ಧ್ಯಾಚಿಂ ಸವಾಲಾಂ:

ಪಯ್ಲೊ ವಿಭಾಗ್:

1. ಗುತ್ತು ದಾಮೋದರ ಶೆಟ್ಟಿ ಕೊಣಾಚೊ ಪೂತ್?

2. ಸುಧಾಕರ ಶೆಟ್ಟಿನ್ ನವೆಂಚ್ ಬಾಂಧಯಿಲ್ಲೆಂ, ತಾಚೊ ಬಾಪಯ್ ವಸ್ತಿ ಕರ್ನ್ ಆಸ್‍ಲ್ಲೆಂ ಅಪಾರ್ಟ್‍ಮೆಂಟ್ ಖಂಚೆಂ?

3. ಗುತ್ತು ದಾಮಣ್ಣ ಶೆಟ್ಟಿ ಕಡೆನ್ ಕಿತ್ಲೆ ಕಂಬ್ಳಾಚೆ ರೆಡೆ ಆಸ್‍ಲ್ಲೆ?

4. ಸುಧಾಕರ ಶೆಟ್ಟಿಚಿ ಬಾಯ್ಲ್ ಕೋಣ್? ಕೊಡ್ಯಾಳ್ ಯೆಂವ್ಚ್ಯಾ ಪಯ್ಲೆಂ ತಾಂಚೆಂ ಕುಟಮ್ ಖಂಯ್ ಜಿಯೆತಾಲೆಂ?

5. ಗುತ್ತುಚೊ ಆನಿ ಹೆರ್ ಜಾಗೊ ಸರ್ಕಾರಾನ್ ಖಂಚ್ಯಾ ಯೋಜನಾಕ್ ಸ್ವಾಧೀನ್ ಕೆಲ್ಲೊ?

6. ಗಾಂವ್ ಸೊಡುನ್ ವೆತಾನಾ ಗುತ್ತು ದಾಮಣ್ಣ ಶೆಟ್ಟಿನ್ ಆಪ್ಲೆ ಮೊಗಾಚೆ ರೆಡೆ ಕೊಣಾಕ್ ದಿಲೆ?

7. ಆಪ್ಲ್ಯಾ ಜಾಗ್ಯಾಕ್ ಸೊಡುನ್ ಕೊಡ್ಯಾಳ್ ವೆತಾನಾ ಗುತ್ತು ದಾಮಣ್ಣ ಶೆಟ್ಟಿನ್ ಜೊಗಾಸಾಣೆನ್ ಆಪ್ಣಾ ಸಂಗಿಂ ವ್ಹೆಲ್ಲಿ ವಸ್ತ್ ಕಸಲಿ?

ದುಸ್ರೊ (ಟೈ-ಬ್ರೇಕರ್) ವಿಭಾಗ್:

1. ಗುತ್ತು ದಾಮಣ್ಣ ಶೆಟ್ಟಿ ಕೊಡ್ಯಾಳ್ ಫ್ಲ್ಯಾಟಾಂತ್ ಕಶೆಂ ವೇಳ್ ಪಾಶಾರ್ ಕರ್ತಾಲೊ? ಖಂಚಿ ಖಬರ್ ತಾಕಾ ಆತುರಿತ್ ಕರ್ತಾಲಿ?

2. ಗಾಂವ್ ಸೊಡುಂಕ್ ಆಯ್ಕನಾತ್‍ಲ್ಲಿ ರಾಧಕ್ಕ ಕೋಣ್? ತಿಣೆಂ ಕಿತೆಂ ಸಾಂಗೊನ್ ವಿರೋಧ್ ಕೆಲೊ?

3. ಆಪ್ಲ್ಯಾ ಬಾಪಾಯ್ಚೊ ಜಾಗೊ ಸರ್ಕಾರಾನ್ ಸ್ವಾಧೀನ್ ಕರ್ತಾನಾಂಯೀ ಸುಧಾಕರ ಶೆಟ್ಟಿಕ್ ಕಿತ್ಯಾಕ್ ಸಂತೊಸ್ ಭೊಗ್ಲೊ?

4. ‘ವಿಪರ್ಯಾಸ್’ ಕಾಣಿಯೆಚೊ ಬರವ್ಪಿ ಡೊನಾಲ್ಡ್ ಪಿರೇರಾನ್ ಲಿಖ್‍ಲ್ಲಿ ಪಯ್ಲಿ ಕಾಣಿ ಖಂಚಿ? ಖಂಚ್ಯಾ ಪತ್ರಾರ್ ತಿ ಫಾಯ್ಸ್ ಜಾಲ್ಲಿ? ಪತ್ರಾರ್ ಫಾಯ್ಸ್ ಜಾಲ್ಲ್ಯಾ ತ್ಯಾ ಕಾಣಿಯೆಚೆಂ ಮೂಳ್ ನಾಂವ್ ಕಿತೆಂ ಆಸ್‍ಲ್ಲೆಂ?

5. ‘ಬುಡ್ಕುಲೊ’ ಇ-ಪತ್ರ್ ವೆಬ್‍ಸೈಟಿಂತ್ ಕಿತ್ಲ್ಯಾ ಭಾಷೆಂಚೆ ವಿಭಾಗ್ ಆಸಾತ್? ಬುಡ್ಕುಲೊಂತ್ ಎದೊಳ್ ಫಾಯ್ಸ್ ಜಾಲ್ಲ್ಯೊ ಕಾದಂಬರಿ ಕಿತ್ಲ್ಯೊ? ತ್ಯೊ ಕಾದಂಬರಿ ಆನಿ ತಾಚ್ಯಾ ಬರವ್ಪ್ಯಾಂಚಿಂ ನಾಂವಾಂ ಸಾಂಗಾ.

ಸ್ಪರ್ಧ್ಯಾಚಿಂ ನಿಯಮಾಂ ಆನಿ ನಿಬಂಧನಾಂ:

1. ವಯ್ರ್ ದಿಲ್ಲ್ಯಾ ಸರ್ವ್ 12 ಸವಾಲಾಂಕ್ ಸಾರ್ಕ್ಯೊ ಜಾಪಿ ದೀಜೆ. ಪಯ್ಲ್ಯಾ ವಿಭಾಗಾಂತ್ಲ್ಯಾ ಸರ್ವ್ ಸವಾಲಾಂಚ್ಯೊ ಜಾಪಿ ಸಾರ್ಕ್ಯೊ ಆಸ್ಲ್ಯಾರ್ ಮಾತ್ರ್ ದುಸ್ರೊ ವಿಭಾಗ್ (ಟೈ-ಬ್ರೇಕರ್) ಪರಿಗಣನ್ ಕರ್ತಾಂವ್. ಮ್ಹಣ್ಜೆ ಪಯ್ಲ್ಯಾ ವಿಭಾಗಾಂತ್ ಚೂಕ್ ಜಾಪಿ ದಿಲ್ಯಾರ್ ಸ್ಪರ್ಧಿ ಅನರ್ಹ್ ಜಾತಾ.

2. ಜಾಪಿ ಧಾಡ್ತೆಲ್ಯಾಂನಿ ಸವಾಲಾಂಚ್ಯಾ ನಂಬ್ರಾ ಮುಖಾರ್‌ಚ್ ತ್ಯಾ ತ್ಯಾ ಸವಾಲಾಚಿ ಜಾಪ್ ಲಿಖಿಜೆ. ಪಯ್ಲೊ ಆನಿ ದುಸ್ರೊ ವಿಭಾಗ್ ಕ್ರಮಾ ಪ್ರಕಾರ್ ಆಸಜೆ. ಸಂಗಿಂ ತುಮ್ಚೆಂ ಸಗ್ಳೆಂ ನಾಂವ್, ಗಾಂವ್, ಮೊಬೈಲ್ ನಂಬರ್ ಧಾಡಿಜೆ. (ವಿಳಾಸ್ ಧಾಡ್ಯೆತ್; ಕಡ್ಡಾಯ್ ನಾ).

3. ಜಾಪಿ ಆಮ್ಚ್ಯಾ ಇಮೈಲಾಕ್ budkuloepaper@gmail.com ಧಾಡಿಜೆ. ಇಮೈಲ್ ಕರುಂಕ್ ಕಳಿತ್ ನಾತ್‍ಲ್ಲ್ಯಾ ಮಾಲ್ಗಡ್ಯಾಂನಿ ಮಾತ್ರ್ ವಾಟ್ಸಪ್ ಕರ್ಯೆತ್.

4. ಜಾಪಿ (ಇಮೈಲಾರ್) ಧಾಡ್ತಾನಾ ಕನ್ನಡ ಲಿಪಿಯೆಂತ್ ಆನಿ ಇಂಗ್ಲಿಶ್ ಅಕ್ಷರಾಂನಿ (ರೋಮಿ ಲಿಪಿ) ಮಾತ್ರ್ ಧಾಡ್ಯೆತ್. ಸಬ್ಜೆಕ್ಟಾರ್ Kala Sampath Quiz 2 Answers ಮ್ಹಣ್ ಬರಯ್ಜೆ. ಸೂಚನ್ 1: ಜರ್ ಟೈಪ್ ಕರುಂಕ್ ಕಳನಾ, ತೆದ್ನಾಂ ಕಾಗ್ದಾಚೆರ್ ಹಾತಾಂತ್ ಬರವ್ನ್ ತಾಚಿ ಫೊಟೊ ಧಾಡ್ಯೆತ್. ಸೂಚನ್ 2: ತುಮಿ ಹೆರಾಂಚಿ ಕುಮಕ್ ಘೆವ್ನ್, ಉದಾ: ಸೈಬರ್ ಸೆಂಟರಾ ಮುಖಾಂತ್ರ್, ಇಮೈಲ್ ಧಾಡ್ತಾತ್ ತರ್ ತುಮ್ಚೆಂ ನಾಂವ್ ಆನಿ ಸಂಪರ್ಕ್ ವಿವರ್ ಸಾರ್ಕ್ಯಾನ್ ಲಗ್ತಿ ಕರಾ.

5. ನಗದ್ ಇನಾಮಾಂ: ಪಯ್ಲೆಂ ಸಾರ್ಕ್ಯೊ ಜಾಪಿ ದಿಲ್ಲ್ಯಾ ಪಾಂಚ್ ಜಣಾಂಕ್ ರು. 2,500-00 ಐವಜಾಚಿಂ ಇನಾಮಾಂ ನಗ್ದೆನ್ ಲಾಭ್ತೆಲಿಂ. ಪಯ್ಲೆಂ ಇನಾಮ್. ರು. 750-00, ದುಸ್ರೆಂ ಇನಾಮ್ ರು. 550-00 ಆನಿ ತಿಸ್ರೆಂ ಇನಾಮ್ ತೆಗಾಂಕ್ ತಲಾ ರು. 400-00 ಕ್ಯಾಶ್ ಪ್ರೈಜ್ ರುಪಾರ್ ದಿತೆಲ್ಯಾಂವ್. (ಇನಾಮ್ ಗೂಗಲ್ ಪೇ ಮುಖಾಂತ್ರ್ ಪಾವಿತ್ ಕರ್ತಾಂವ್).

6. ಪುಸ್ತಕ್ ಇನಾಮಾಂ: ಕೊಂಕ್ಣಿ ವಾಚುಂಕ್ ಲೊಕಾಕ್ ಉತ್ತೇಜನ್ ದಿಂವ್ಚ್ಯಾ ಆಮ್ಚ್ಯಾ ಮಿಸಾಂವಾಕ್ ಸಬಾರಾಂನಿ ಹಾತ್ ಮೆಳಯ್ಲ್ಯಾತ್. ಎದೊಳ್‍ಚ್ ಕಳಯಿಲ್ಲ್ಯಾ ಪರ್ಮಾಣೆಂ ಹ್ಯಾ ‘ಕ್ವಿಜ್ 2’ ಸ್ಪರ್ಧ್ಯಾಂತ್ ಸಾರ್ಕ್ಯೊ ಜಾಪಿ ದಿಲ್ಲ್ಯಾಂಕ್ ಇನಾಮಾಂ ರುಪಾರ್ ಪುಸ್ತಕ್ ಮೆಳ್ತೆಲೆ. ಎ.ಟಿ. ಲೋಬೊಚ್ಯಾ ಕಾಣಿಯಾಂಚೊ ಪುಸ್ತಕ್ ‘ಹರ್ದ್ಯಾರ್ ಖುರಿಸ್ ಆನಿ ರೀದ್’ ಪಾಂಚ್ ಜಣಾಂಕ್, ತಶೆಂಚ್ ಪಾಂಚ್ ಜಣಾಂಕ್ ಹೇಮಾಚಾರ್ಯಾಚೊ ‘ಎಕ್ಲೊ ಎಕ್ಸುರೊ’ ಪುಸ್ತಕ್ ಇನಾಮಾಂ ಜಾವ್ನ್ ದಿತೆಲ್ಯಾಂವ್. ಆಮ್ಕಾಂ ಆತಾಂ ಚಡ್ತಿಕ್ ಜಾವ್ನ್ ವಕೀಲ್ ಸ್ಟ್ಯಾನ್ಲಿ ಆರ್. ಡಿಕೋಸ್ತಾ ಆನಿ ಲೇಖಕ್ ಜೆ.ಎಫ್. ಡಿಸೋಜ ಅತ್ತಾವರ್ – ಹಾಣಿಂ ಆಪಾಪ್ಲೆ ಪುಸ್ತಕ್ ಇನಾಮ್ ಜಾವ್ನ್ ಭಾಸಾಯ್ಲ್ಯಾತ್. ತ್ಯಾ ವರ್ವಿಂ ಚಡ್ ಜಣಾಂಕ್ ಇನಾಮಾಂ ದೀಂವ್ಕ್ ಅವ್ಕಾಸ್ ಲಾಭ್ಲಾ. ಸ್ಪರ್ಧಿಕಾಂಚೊ ಸಂಖೊ ಆನಿ ಸಾರ್ಕ್ಯೊ ಜಾಪಿ ದಿಲ್ಲ್ಯಾಂಚೊ ಸಂಖೊ ಪಳೆವ್ನ್ ಕಿತ್ಲೆ ಪುಸ್ತಕ್ ಇನಾಮ್ ದಿಂವ್ಚೆ ಮ್ಹಣ್ ನಿಚೆವ್ ಕರ್ತೆಲ್ಯಾಂವ್.

7. ಡೊಲ್ಲಾ ಮಸಾಲ ಪಿಟೊ ಇನಾಮ್: ಫಾಮಾದ್ ಫೊಕಣಾಂಗಾರ್, ನಾಟಕಿಸ್ತ್ ಮಾನೆಸ್ತ್ ಡೊಲ್ಲಾನ್ ತಾಣೆಂ ತಯಾರ್ ಕರ್ಚೆ ಮಸಾಲ ಪಿಟೆ ಆಮ್ಚ್ಯಾ ಸ್ಪರ್ಧಿಕಾಂಕ್ ಇನಾಮ್ ದಿಲ್ಯಾತ್. 10 ಜಣಾಂಕ್ ಎಕೇಕ್ ಪ್ಯಾಕೆಟ್ ಮಸಾಲ ಪಿಟೆ ಮೆಳ್ತೆಲೆ.

8. ಜಾಪಿ ಧಾಡುಂಕ್ ನಿಮಾಣಿ ತಾರಿಕ್ ಸೊಮಾರ್, ಸಪ್ತೆಂಬರ್ 25, 2023. ಫಲಿತಾಂಶ್ ಸನ್ವಾರಾ, ಸಪ್ತೆಂಬರ್ 30ವೆರ್ ಪ್ರಕಟ್ ಜಾತೆಲೆಂ.

ಸರ್ವ್ ಸ್ಪರ್ಧಿಕಾಂಕ್ ಆಮ್ಚ್ಯಾ ಬುಡ್ಕುಲೊ ವಾಟ್ಸಪ್ ಗ್ರೂಪಾಂತ್ ಭರ್ತಿ ಜಾಂವ್ಕ್ ಉಲೊ ದಿತಾಂವ್. ಭರ್ತಿ ಜಾಂವ್ಕ್ ನಾತ್ಲೆಲ್ಯಾಂ ಖಾತಿರ್ ಗ್ರೂಪಾಚೆಂ ಲಿಂಕ್ ಸಕಯ್ಲ್ ದಿಲಾಂ. ಸ್ಪರ್ಧ್ಯಾಕ್ ಸಂಬಂಧ್ ಜಾಲ್ಲಿಂ ಚಡ್ತಿಕ್ ಸೂಚನಾಂ ತಶೆಂಚ್ ಹೆರ್ ಸರ್ವ್ ಪ್ರಕಟಣಾಂ, ಕಳವ್ಣ್ಯೊ ಇತ್ಯಾದಿ ಆಮಿ ವಾಟ್ಸಪ್ ಗ್ರೂಪಾಂತ್ ದಿತಾಂವ್. ದೆಕುನ್ ಕೋಣ್ ಆಮ್ಚ್ಯಾ ಗ್ರೂಪಾಂತ್ ನಾಂತ್ ತಾಣಿಂ ಸಕಯ್ಲ್ ದಿಲ್ಲೆಂ ಲಿಂಕ್ ವಾಪಾರುನ್ ಭರ್ತಿ ಜಾಂವ್ಚೆಂ.

ಹ್ಯಾ ಅಮೋಘ್ ಸ್ಪರ್ಧ್ಯಾಂತ್ ತುಮಿ ಭಾಗ್ ಘೆಂವ್ಚ್ಯಾ ಸವೆಂ ತುಮ್ಚ್ಯಾ ಲಾಗ್ಶಿಲ್ಯಾಂಕ್ ಆನಿ ಹೆರಾಂಕ್‍ಯೀ ಭಾಗ್ ಘೆಂವ್ಕ್ ಉತ್ತೇಜಿತ್ ಕರಾ. ಹಿ ಖಬರ್ ಸಕ್ಡಾಂಕ್ ಪಾವಯಾ. ಕೊಂಕ್ಣಿ ವಾಚ್ಪ್ಯಾಂಕ್‍ಯೀ ಇನಾಮಾಂ ದೀವ್ನ್ ಬುಡ್ಕುಲೊ ಮಾಧ್ಯಮಾನ್ ಆನ್ಯೇಕ್ ದಾಖ್ಲೊ ರಚ್ಲಾ. ಮುಖಾರಿಂ ಆನಿಕೀ ಬರೆ, ಕ್ರಿಯಾತ್ಮಕ್ ಸ್ಪರ್ಧೆ ಆಮಿ ಮಾಂಡುನ್ ಹಾಡ್ತೆಲ್ಯಾಂವ್. ತುಮ್ಚೆಂ ಭಾಗಿದಾರ್‍ಪಣ್ ಆಮ್ಕಾಂ ಪ್ರೇರಣ್.

ಗುಮಾನಾಕ್ (Disclaimer): ಆಮಿ ಮಾಂಡುನ್ ಹಾಡ್ಚ್ಯಾ ಹ್ಯಾ ‘ಕಲಾ ಸಂಪತ್ ಕೊಂಕ್ಣಿ ಕ್ವಿಜ್’ ಬಾಬ್ತಿಂ ಸರ್ವ್ ಆನಿ ಅಂತಿಮ್ ಹಕ್ಕಾಂ, ನಿಚೆವ್ ಆನಿ ಪರಮಾಧಿಕಾರ್ ‘ಬುಡ್ಕುಲೊ’ ಸಂಪಾದಕಾಚೊ ಜಾವ್ನಾಸ್ತಲೊ. ಹ್ಯಾ ಲಗ್ತಿಂ ಕಸಲ್ಯಾಚ್ ತಕ್ರಾರ್ ವಾ/ಆನಿ ಸಂವಹನಾಕ್ ಆಸ್ಪದ್ ಆಸ್ಚೊ ನಾ.