ಬರೊಂದುಂಡು ಪೊಸತ್ತ್ ತುಳು-ಕನ್ನಡ ಸಿನೆಮಾ ‘ಲೈಫ್ ಇಸ್ ಜಿಂಗಾಲಾಲ’
Posted on : June 14, 2025 at 1:00 PM
ಕುಡ್ಲ, ಜೂನ್ 14: ತುಳುನಾಡ್‍ದ ಬೊಕ್ಕ ಪ್ರಪಂಚದಾದ್ಯಂತ ಇಪ್ಪುನ ಸಮಸ್ತ ತುಳು ಸಿನೆಮಾ ಪ್ರೇಮಿಲೆಗ್ ಉಂದು ಒಂಜಿ ವಿಶೇಷ ಸುದ್ದಿ – ‘ಲೈಫ್ ಇಸ್ ಜಿಂಗಾಲಾಲ’ ಸಿನೆಮಾ ಬರೊಂದುಂಡು. ಸಿನೆಮಾ ಬರ್ಪುನೆಟ್ಟ್ ಅಂಚಿದ್‍ನ ವಿಶೇಷ ಎಂಚಿನ ಉಂಡು ಪಂಡ್‍ದ್ ಕೇನುವರಾ? ಹಾಂ, ಈ ಸಿನೆಮಾ ರಡ್ಡ್ ಭಾಷೆಡ್ ಬರೊಂದುಂಡು – ತುಳು ಬೊಕ್ಕ ಕನ್ನಡ ಭಾಷೆಡ್. ಉಂದು ವಿಶೇಷ ಅತ್ತೇ?
ಆಲ್‍ರೆಡಿ ‘ಪುಳಿಮುಂಚಿ’ ಸಿನೆಮಾ ನಿರ್ದೇಶನ್ ಮಲ್ತ್‌ದ್ ಪುದರ್ ಮಲ್ತಿನ ತ್ರಿಶೂಲ್ ಶೆಟ್ಟಿ ‘ಲೈಫ್ ಇಸ್ ಜಿಂಗಾಲಾಲ’ ಸಿನೆಮಾನ್ ನಿರ್ದೇಶನ ಮಲ್ತೊಂದುಲ್ಲೆರ್. ಹರಿಪ್ರಸಾದ್ ರೈ ನೇತೃತ್ವದ ಎಚ್‍ಪಿಆರ್ ಫಿಲ್ಮ್ಸ್ ಪ್ರೊಡಕ್ಷನ್ಸ್ ಸಂಸ್ಥೆ ಮುಖಾಂತರ ನಿರ್ಮಾಣ ಆಪಿನ ಈ ಸಿನೆಮಾಡ್ ತ್ರಿಶೂಲ್ ಶೆಟ್ಟಿ ನಾಯಕ ಪಾತ್ರಡ್‍ಲಾ ನಟನೆ ಮಲ್ತೊಂದುಲ್ಲೆರ್.
ಸಿನೆಮಾದ ಪ್ರಥಮ ಹಂತದ ಚಿತ್ರೀಕರಣ ಕರಾವಳಿ ಭಾಗಡ್ ಮಲ್ತ್‌ದ್ಂಡ್, ಒರಿದ್‍ನ ಭಾಗ ಮರಿಯಲ ಮುಗಿ ಬೊಕ್ಕ ಮಲ್ಪರೆ ಉಂಡು ಪಣ್ಪೆರ್ ನಿರ್ದೇಶಕೆ ತ್ರಿಶೂಲ್ ಶೆಟ್ಟಿ. ಈ ವರ್ಷದ ಅಕ್ಟೋಬರ್ ತಿಂಗೊಲುಡ್ ಸಿನೆಮಾ ಪ್ರದರ್ಶನ್‍ಗ್ ಬರ್ಪುನ ಸಾಧ್ಯತೆ ಉಂಡು.
ಪೊಸ ನಮುನೆದ ಕಥೆ ಇಪ್ಪುನ ಈ ಸಿನೆಮಾ ತುಳು ಭಾಷೆದೊಟ್ಟಿಗೆ ಕನ್ನಡ ಭಾಷೆಡ್‍ಲಾ ನಿರ್ಮಾಣ ಆವೊಂದುಂಡು.
ಚಿತ್ರದ ನಾಯಕಿ ಆದ್ ನವ್ಯಾ ಪೂಜಾರಿ ಅಭಿನಯ ಮಲ್ತ್‌ದೆರ್. ಸಿನೆಮಾದ ಮುಖ್ಯ ಪಾತ್ರೊಡ್ ದಿಯಾ ಶಾರದಾ, ಡಾ. ದೇವದಾಸ್ ಕಾಪಿಕಾಡ್, ನವೀನ್ ಡಿ. ಪಡೀಲ್, ಅರವಿಂದ ಬೋಳಾರ್, ಭೋಜರಾಜ್ ವಾಮಂಜೂರ್, ಸಾಯಿಕೃಷ್ಣ ಕುಡ್ಲ, ರಾವಿ ರಾಮಕುಂಜ, ಪ್ರಕಾಶ್ ಶೆಟ್ಟಿ ಧರ್ಮನಗರ, ದೀಪಕ್ ಪಾಲಡ್ಕ, ಶ್ವೇತಾ, ಪ್ಲ್ಯಾನಿ ಡಿಸೋಜ, ರೋಶನ್ ಶೆಟ್ಟಿ, ಪ್ರಜ್ವಲ್ ಶೆಟ್ಟಿ, ರೂಪಾ ಡಿ. ಶೆಟ್ಟಿ, ರೂಪಾ ವರ್ಕಾಡಿ, ಶಿಲ್ಪಾ ಶೆಟ್ಟಿ, ಪಿಂಕಿರಾಣಿ, ನಿತ್ಯಾ, ಮಿಮಿಕ್ರಿ ಶರಣ್, ರಂಜನ್ ಬೋಳೂರು, ಸದಾಶಿವ ಅಮೀನ್ ಅಭಿನಯ ಮಲ್ತ್‌ದೆರ್.
ತಾಂತ್ರಿಕ ವಿಭಾಗ: ಕ್ಯಾಮರಾಮ್ಯಾನ್ ಮಯೂರ್ ಆರ್. ಶೆಟ್ಟಿ, ಸಂಗೀತ ಕಿಶೋರ್ ಕುಮಾರ್ ಶೆಟ್ಟಿ, ಸಂಕಲನ ಗಣೇಶ್ ನೀರ್ಚಾಲ್, ಸಂಭಾಷಣೆ ಡಿಬಿಸಿ ಶೇಖರ್, ಗೀತೆ ಸಾಹಿತ್ಯ ಮಯೂರ್ ಆರ್. ಶೆಟ್ಟಿ, ಕೀರ್ತನ್ ಭಂಡಾರಿ, ಕಲಾ ನಿರ್ದೇಶನ ಹರೀಶ್ ನಾಯ್ಕ್ ಬಜಪೆ, ಸ್ಥಿರ ಚಿತ್ರಣ ಕರುಣಾಕರ ಮಂಜೇಶ್ವರ, ಮ್ಯಾನೇಜರ್ ಪ್ರಜ್ವಲ್ ಶೆಟ್ಟಿ, ವಿಶ್ವನಾಥ, ಪಿಆರ್‍ಒ ಬಾಳ ಜಗನ್ನಾಥ ಶೆಟ್ಟಿ, ಡಿಸೈನ್ ದೇವಿ ರೈ, ಸಹ ನಿರ್ದೇಶನ ವಿನಯ್ ಪ್ರೀತಮ್, ಅಕ್ಷಿತ್ ವಿಟ್ಲ, ಸಹಾಯಕ ನಿರ್ದೇಶಕೆ ಪ್ರಜ್ವಲ್ ಕೆ.ಆರ್., ಚಿನ್ನು ಆರ್ಯನ್, ಯಶೋಧರ್ ನಿರ್ವಹಣೆ ಮಲ್ತೊಂದುಲ್ಲೆರ್.
Send your Feedback to: budkuloepaper@gmail.com
