ಸಂಪರ್ಕ್ ವಿವರ್ ದಿಂವ್ಚ್ಯಾಕ್ ಕೊಂಕ್ಣಿ ಬರವ್ಪಿ, ಕಲಾಕಾರ್, ಸಂಸ್ಥ್ಯಾಂಕ್ ಅಕಾಡೆಮಿ ಥಾವ್ನ್ ಉಲೊ
Posted on : July 30, 2024 at 1:34 PM
ಮಂಗ್ಳುರ್: ಕೊಂಕ್ಣಿ ಬರವ್ಪಿ, ಕಲಾಕಾರ್ ಆನಿ ಸಂಘ್ ಸಂಸ್ಥ್ಯಾಂನಿ ಆಪ್ಲೊ ಸಂಪರ್ಕ್ ವಿವರ್ ದಿಂವ್ಚ್ಯಾಕ್ ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿನ್ ಉಲೊ ದಿಲಾ.
ಕೊಂಕ್ಣಿ ಭಾಸ್, ಸಾಹಿತ್ಯ್, ಸಂಸ್ಕೃತಿ ಆನಿ ಜಾನಪದ್ ಕಲೆಕ್ ಅಕಾಡೆಮಿ ಪ್ರೋತ್ಸಾಹ್ ದಿತಾ. ಪ್ರಸ್ತುತ್ ಅಕಾಡೆಮಿ ನವ್ಯಾ ಸಮಿತಿ ಖಾಲ್ ವಾವ್ರ್ ಕರುನ್ ಆಸಾ. ಅಕಾಡೆಮಿಚಿಂ ಯೋಜನಾಂ ಯಶಸ್ವಿ ಜಾಂವ್ಚ್ಯಾಕ್ ಸರ್ವ್ ಸಾಹಿತಿ ಆನಿ ಕಲಾಕಾರಾಂಚೊ ಸಹಕಾರ್ ಗರ್ಜ್. ಅಕಾಡೆಮಿ ಆನಿ ತಾಂಚೆ ಮಧೆಂ ಬರೊ ಸಂಬಂಧ್ ಆಸ್ಲ್ಯಾರ್ ಅಕಾಡೆಮಿನ್ ಚಡ್ ಪರಿಣಾಮ್‍ಕಾರಿ ಜಾವ್ನ್ ಚಟುವಟಿಕ್ಯೊ ಚಲಂವ್ಕ್ ಮಜತ್ ಜಾತಾ.
ಹ್ಯಾ ದಿಶೆನ್, ಸರ್ವ್ ಬರವ್ಪ್ಯಾಂನಿ, ಕಲಾಕಾರ್ ಆನಿ ಸಂಘ್ ಸಂಸ್ಥ್ಯಾಂನಿ ಆಪ್ಲೊ ವಿಳಾಸ್, ಫೋನ್ ನಂಬರ್ ಇತ್ಯಾದಿ ಕರ್ನಾಟಕ ಕೊಂಕ್ಣಿ ಸಾಹಿತ್ಯ್ ಅಕಾಡೆಮಿಚ್ಯಾ ದಫ್ತರಾಕ್ ಪಾವಿತ್ ಕರುಂಕ್ ಅಕಾಡೆಮಿನ್ ವಿನತಿ ಕೆಲ್ಯಾ.
ವಿವರ್ ಧಾಡುಂಕ್ ವಿಳಾಸ್: ಕರ್ನಾಟಕ ಕೊಂಕಣಿ ಸಾಹಿತ್ಯ ಅಕಾಡೆಮಿ, ಮಹಾನಗರ ಪಾಲಿಕಾ ಕಟ್ಟಡ, ಲಾಲ್‍ಭಾಗ್, ಮಂಗಳೂರು 575003, ದೂರವಾಣಿ: 0824 2453167 / 2983167, Email: kksa1994@gmail.com, konkanisahityaacademy@yahoo.co.in
ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್
Send your Feedback to: budkuloepaper@gmail.com
