ನವೆಂಬರ್ 18: ಬೊಂದೆಲ್ ಸಾಂ ಲೊರೆಸಾಚಿ ನವಿ ಇಗರ್ಜ್ ಉದ್ಘಾಟನ್
Posted on : November 15, 2024 at 11:33 AM
ಮಂಗ್ಳುರ್: 100 ವರ್ಸಾಂ ಸಂಪಯಿಲ್ಲ್ಯಾ ಬೊಂದೆಲ್ ಸಾಂ ಲೊರೆಸ್ ಫಿರ್ಗಜೆಚೆಂ ನವೀಕೃತ್ ಬಾಂಧಪ್ ನವೆಂಬರ್ 18ವೆರ್, ಸೊಮಾರಾ ಉದ್ಘಾಟನ್ ಜಾತೆಲೆಂ. ದೊನ್ಪಾರಾಂ 3 ವೊರಾರ್ ಮಂಗ್ಳುರ್ಚೊ ಗೊವ್ಳಿ ಬಾಪ್ ಬಿಸ್ಪ್ ಪೀಟರ್ ಪಾವ್ಲ್ ಸಲ್ಡಾನ್ಹಾ ಆಶೀರ್ವಚನ್ ಕರ್ತಲೊ. ನಿವೃತ್ತ್ ಬಿಸ್ಪ್ ಲುವಿಸ್ ಪಾವ್ಲ್ ಸೊಜ್ ನವೀಕೃತ್ ಇಗರ್ಜೆಚೆಂ ಉಗ್ತಾವಣ್ ಚಲಯ್ತಲೊ.
ಹ್ಯಾ ಸಂದರ್ಭಾರ್ ಬೊಂದೆಲ್ಚಿ ಸಾಂ ಲೊರೆಸಾಚಿ ಇಗರ್ಜ್ ಮಂಗ್ಳುರ್ ದಿಯೆಸೆಜಿಚೆಂ ಅಧಿಕೃತ್ ಪೂನ್‍ಕ್ಷೇತ್ರ್ ಮ್ಹಣ್ ಮಂಗ್ಳುರ್ಚೊ ಬಿಸ್ಪ್ ಘೋಷಣ್ ಕರ್ತಲೊ. ಉಡುಪಿಚೊ ಗೊವ್ಳಿ ಬಾಪ್ ಬಿಸ್ಪ್ ಜೆರಾಲ್ಡ್ ಐಸಾಕ್ ಲೋಬೊ ಹಾಜರ್ ಆಸ್ತಲೊ. ಮಿಸಾ ಉಪ್ರಾಂತ್ ಸಭಾ ಕಾರ್ಯಕ್ರಮ್ ಚಲ್ತೆಲೆಂ.
ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್ (Click to Join)
Send your Feedback to: budkuloepaper@gmail.com
