ಅಬುಧಾಬಿ: ಕೆಸಿಒ ಅಧ್ಯಕ್ಷ್ ಜಾವ್ನ್ ಉದ್ಯಮಿ ಲಿಯೊ ರೊಡ್ರಿಗಸ್ ಚುನಾಯಿತ್
ಅಬುಧಾಬಿಂತ್ ಆಯ್ಲೆವಾರ್ ಚಲ್ಲೆಲ್ಯಾ ಕೊಂಕ್ಣಿ ಸಾಂಸ್ಕೃತಿಕ್ ಸಂಘಟನಾಚ್ಯಾ (ಕೆಸಿಒ) ವಾರ್ಷಿಕ್ ಮಹಾ ಸಭೆಂತ್, ಅನಿವಾಸಿ ಉದ್ಯಮಿ, ಸಮಾಜ್ ಸೆವಕ್ ತಶೆಂ ಸಮುದಾಯಾಚೊ ಮುಖೆಲಿ ಮಾನೆಸ್ತ್ ಲಿಯೋ ರೊಡ್ರಿಗಸ್ ಮೊತ್ಯಾಳಾ ವರ್ಸಾಕ್ ಅಧ್ಯಕ್ಷ್ ಜಾವ್ನ್ ವಿಂಚೊನ್ ಆಯ್ಲಾ. ಸತತ್ ತಿಸ್ರ್ಯಾ ಆವ್ದೆಕ್ ಸಂಧ್ಯಾ ವಾಸ್ ಪ್ರಧಾನ್ ಕಾರ್ಯದರ್ಶಿ ಆನಿ ಅಮಿತಾ ಕೋಸ್ಟಾ ಖಜಾಂಚಿ ಜಾವ್ನ್ ವಿಂಚೊನ್ ಆಯ್ಲಿಂ. ಹುದ್ದೆದಾರಾಂಚಿಂ ವಿಂಚವ್ಣ್ ಗುಪಿತ್ ಮತದಾನಾ ಮುಖಾಂತ್ರ್ ಜಾಲಿ. ಜೇಸನ್ ಕೊರೆಯಾನ್ ಎಲಿಸಾಂವ್ ಅಧಿಕಾರಿ ಜಾವ್ನ್ ತಿ ಚಲವ್ನ್ ವ್ಹೆಲಿ.
ಫೆಬ್ರವರಿ 13, 1995ವೆರ್ ಕೆಸಿಒ ಲಿಯೋ ರೊಡ್ರಿಗಸಾನ್ ಸ್ಥಾಪನ್ ಕೆಲ್ಲೆಂ ಆಸೊನ್, ಸಂಸ್ಥ್ಯಾಚೊ ಸ್ಥಾಪಕ್ ಅಧ್ಯಕ್ಷ್ ಜಾವ್ನ್ ಸಂಘಟನಾಕ್ ಫಾವೊತೆಂ ಮುಖೇಲ್ಪಣ್ ಆನಿ ದಿಶಾ ದೀವ್ನ್ ತಾಣೆಂ ಸಂಘಟನ್ ಮುಖಾರ್ ವ್ಹರುನ್ ಪ್ರಸ್ತುತ್ ಮೊತ್ಯಾಳೊ ಸಂಭ್ರಮ್ ಆಚರಣ್ ಕರ್ಚೆಂ ಗಲ್ಫಾಂತ್ಲೆಂ ಪ್ರಮುಖ್ ಕೊಂಕ್ಣಿ ಸಂಘಟನ್ ಜಾವ್ನ್ ಪಯ್ಲ್ಯಾ ಪಂಗ್ತೆರ್ ಸೊಭ್ತಾ.
ಏಕ್ ಯಶಸ್ವಿ ಉದ್ಯಮಿ, ಸಮಾಜ್ ಸೆವಕ್ ಆನಿ ಸಮುದಾಯಾಚೊ ಮುಖೆಲಿ ಜಾವ್ನ್ ಲಿಯೋ ರೊಡ್ರಿಗಸಾಕ್ ಕೊಂಕ್ಣಿ ಕ್ರಿಸ್ತಾಂವ್ ಸಮಾಜೆಂತ್ ವ್ಹಡ್ ನಾಂವ್ ಆನಿ ಗೌರವ್ ಆಸಾ. ಪಾಟ್ಲ್ಯಾ ಪಾಂತ್ತೀಸ್ ವರ್ಸಾಂ ಥಾವ್ನ್ ಅಬುಧಾಬಿಂತ್ ಅಮಿಗೋ ಅಟೊಮೋಟಿವ್ ಸರ್ವಿಸಸ್ ಮ್ಹಳ್ಳ್ಯಾ ನಾಂವಾನ್ ತಾಚೆಂ ಉದ್ಯಮ್ ನಾಂವಾಡ್ಲಾಂ. ಜಾತ್, ಸಮಡ್ತ್, ಭಾಸ್ ಮ್ಹಣ್ ಫರಕ್ ಲೆಕಿನಾಸ್ತಾಂ ಗಾಂವಾಂತ್ ತಶೆಂ ಪರ್ಗಾಂವಾಂತ್ ಚಲ್ಚ್ಯಾ ಹರ್ ಸಮಾಜ್‍ಮುಖಿ ಕಾರ್ಯಕ್ರಮಾಂಕ್ ವ್ಹಡ್ ಮಾಪಾನ್ ತೆಂಕೊ ಆನಿ ಆಧಾರ್ ತೊ ದೀವ್ನ್ ಆಯ್ಲಾ. ಕೊಂಕ್ಣಿ ಭಾಸ್, ಸಾಹಿತ್ಯ್, ಸಂಗೀತ್ ಆನಿ ಸಂಸ್ಕೃತಿ ತಶೆಂ ಕಲಾಕಾರಾಂಕ್ ತಾಚ್ಯಾ ಕುಟ್ಮಾ ಥಾವ್ನ್ ವ್ಹಡ್ ಪಾಟಿಂಬೊ ಲಾಭ್ತಾ.
ಮುಳಾನ್ ಆಂಜೆಲೊರ್ ಫಿರ್ಗಜೆಚಿ ಪ್ರಸ್ತುತ್ ಕಿನ್ನಿಗೋಳಿಚಿ ಸಂಧ್ಯಾ ವಾಸ್, ಅಬುಧಾಬಿಂತ್ ಪಾಟ್ಲ್ಯಾ 17 ವರ್ಸಾಂ ಥಾವ್ನ್ ವಾವುರ್ನ್ ಆಸಾ. ಏಕ್ ಉತ್ತೀಮ್ ಖೆಳ್ಗಾಡಿ ಜಾವ್ನಾಸ್ಚ್ಯಾ ತಿಣೆಂ ಹ್ಯಾ ಆದಿಂ ಖೆಳಾ ಕಾರ್ಯದರ್ಶಿ, ಸಹಾಯಕ್ ಪ್ರಧಾನ್ ಕಾರ್ಯದರ್ಶಿ ಆನಿ ಪ್ರಧಾನ್ ಕಾರ್ಯದರ್ಶಿ ಜಾವ್ನ್ ಸಂಘಟನಾಂತ್ ಸೆವಾ ದಿಲ್ಯಾ.
ಪರತ್ ಖಜಾಂಚಿ ಜಾವ್ನ್ ಚುನಾಯಿತ್ ಜಾಲ್ಲಿ ಅಮಿತಾ ಕೋಸ್ಟಾ ವೃತ್ತೆನ್ ಚಾರ್ಟರ್ಡ್ ಅಕೌಂಟೆಂಟ್ ಜಾವ್ನಾಸೊನ್ ಹ್ಯಾ ಆದಿಂಯ್ ಖಜಾಂಚಿ ಜಾವ್ನ್ ಸಂಘಟನಾ ಖಾತಿರ್ ತಿ ವಾವುರ್ಲ್ಯಾ.
ಮ್ಹಾಲ್ಗಡ್ಯಾ ಸಾಂದ್ಯಾಂನಿ ವಿಚಾರ್ ವಿಮರ್ಸೊ ಕರುನ್ ಮೊತಿಯಾಳ್ಯಾ ವರ್ಸಾಚ್ಯಾ ಆಡಳ್ತ್ಯಾ ಸಮಿತೆಕ್ ಹೆರ್ ಹುದ್ದೆದಾರಾಂಕ್ ನೇಮಕ್ ಕೆಲಾಂ. ಉಪಾಧ್ಯಕ್ಶ್ ಜಾವ್ನ್ ಸಿ.ಎ. ವಲೇರಿಯನ್ ದಾಲ್ಮೇದಾ, ಪರ್ಲ್ ಜುಬಿಲಿ ಸಂಚಾಲಕ್ ಜಾವ್ನ್ ಫ್ರಾಂಕ್ಲೈನ್ ಡಿಕುನ್ಹಾ, ಸಲಹಾದಾರ್ ಜಾವ್ನ್ ಡಾಲ್ಫಿ ವಾಸ್ ಆನಿ ಜೇಸನ್ ಕೊರಿಯಾ, ಸಹಾಯಕ್ ಪ್ರಧಾನ್ ಕಾರ್ಯದರ್ಶಿ ಜಾವ್ನ್ ಕ್ರಿಸಿಲ್ ಡಿಮೆಲ್ಲೊ, ಮನೋರಂಜನಾ ಕಾರ್ಯದರ್ಶಿ ಜಾವ್ನ್ ಬೆನೆಟ್ ಡಿಮೆಲ್ಲೊ, ಖೆಳಾ ಕಾರ್ಯದರ್ಶಿ ಜಾವ್ನ್ ವಿವೇಕ್ ಸೆರಾವೊ, ಮಾಧ್ಯಮ್ ಆನಿ ಸಾರ್ವಜನಿಕ್ ಸಂಪರ್ಕ್ ಸಂಯೋಜಕಿ ಜಾವ್ನ್ ಅಕ್ಷತಾ ಫೆರ್ನಾಂಡಿಸ್, ವಿದ್ಯಾರ್ಥಿ ವೇತನ್ ಆನಿ ವಯ್ಜಕೀಯ್ ಕುಮ್ಕೆ ವಿತರಣ್ ಸಂಯೋಜಕಿ ಜಾವ್ನ್ ಕ್ಲಾಡಿಯಾ ಲಿಡಿಯಾ ಲೋಬೊ, ಟ್ರಸ್ಟ್ ಸಂಯೋಜಕಿ ಜಾವ್ನ್ ಅಮಿತಾ ಕೋಸ್ಟಾ ಆನಿ ಲೇಕ್ ತಪಾಸ್ಣಾರ್ ಜಾವ್ನ್ ವಲೇರಿಯನ್ ದಾಲ್ಮೇದಾ ವಿಂಚೊನ್ ಆಯ್ಲ್ಯಾತ್.
ಆಮ್ಚ್ಯಾ ವಾಟ್ಸಪ್ ಗ್ರೂಪಾಚೆಂ ಲಿಂಕ್ (Click to Join)
Send your Feedback to: budkuloepaper@gmail.com
